][ ياترى عندكم استعداد تقاوحوا بموضوع سخيف؟؟؟؟ ][

[*amula_beauty*]

http://www.dorarr.ws/forum/uploaded/30460/jjj.jpg
اي واحد فينا معرض لموقف او اكثر من مواقف الجدل والخصام

قبل سنه حصلتلي مشكله مع وحده من قريباتي

موقف حصل بيني وبينها ... فقط وما احد كان موجود غيرنا والله شاهد
:drr05_10:

المهم ... دارت الايام وزل لساني وحكيت لماما ع الموقف :218:

طبعآ انا من وقت المشكله رحت قلت لبابا ... وبابا قالي لا تقولي لأمك لأن هدي قريبتها

وعشان لا تصير مشاكل بينهم

ومن غبائي زل لساني بعد فتره ... وماما دريت عن المشكله

راحت ماما اتصلت عليها وهزأتها ... ( لأن الحرمه كانت تحرضني على رفض واحد ماما نفسها فيه):249:

الحرمه انكرت انها كلمتني من الاساس

:drr05_62:

وقالت اني كدابه


انا انصدمت وقلت لا انا مو كدابه ودا اللي حصل واللي يبغى يصدق يصدق


كبرت الحكايه ووصلت لخيلاني ( الحرمه بنت خالتي) وواحد من خيلاني فاضي

عاطل والفاضي يعمل قااضي

جايني دحين بعد سنه يبغى يستجوبني بالمشكله

انا رفضت اتكلم .وقلت الحكايه حال عليها الحول

خلاص الكلام بدا الموضوع مالو فايده

انا من وقتها رديت وقلت ان الحق معايا وانها كلمتني ... وهيا تنكر اصلآ انها كلمتني

مالو داعي اقعد ابرر للي حولي دحين

ومو مجبره اثبت صحة كلامي

لأن بالاول والآخر ما كان احد معانا

وما ابغى اتعب نفسي بالكلام
:165:
لأنو انا اكره اللت والعجن والتأويلات ... وقيل وقال ... وامل قالت والبنت ماقالت

يعني قمة السخافه

وخالي الله يهديه لما شافني ما جادلتو

قال ( امل هدي ذكيه ومصيبه) واكيد هيا الغلطانه :150:

يعني ايش رأيكم
؟؟؟؟؟؟

هل الجدال واللت والعجن بمواضيع حال عليها الحول مفيد؟؟؟

بالعكس والله توغر القلوب وتزرع الاحقاد

اي انسان يبحث عن الكمال والكمال لله عز وجل

وانا ما ابغى انزل للمستوى المتدني من الجدل العقيم لموضوع حال عليه الحول

ومافيه اي هدف من نبشو الا اثبات من الغلطان
؟؟؟؟؟

طيب وبعدين ؟؟؟؟

انا اللي معايا الحق

بس كون اني مترفعه عن الكلام الفاضي صرت انا الغلطانه؟؟؟

والله اني عاقله :228:

احسني استسخف النقاش بدا الموضوع

يعني الين متى؟؟؟؟؟

*****************************


لو مريتو بمشكله ... وهدي المشكله ما انحلت بوقتها

هل ترحبوا بالجدال فيها بعد فتره يعني سنه او اكتر ؟؟؟

وهل ممكن تقعدوا تناحلوا وتلتوا وتعجنوا بالموضوع مع اكتر من شخص؟؟؟
انا والله اكتر شي اكرهوا يجيني واحد مالو شغل بالسالفه ويبغى يتفلسف ويحلها

ولا يطلب منك تبرير او تفسير

طيب انتا مين دخلك؟؟؟

وهل انا مجبره ابرر لأحد؟؟؟؟

وخاصة لو الموضوع سخيف ( قال وما قال ) مو موضوع مصيري يعني

لو الموضوع كبير ويحتاج اني اقول وجهة نظري ... اكيد حقاوح بأقوى ماعندي

وحأطلع الصدق والحق

لكن اني اقعد اناحل بموضوع سخيف

هنا انا اقول لاااا والف لا

معايا حق؟؟؟؟

ولا لازم اقاوح ؟؟؟؟ حتى بالسخافات ؟؟؟

ربي يسعدكم

[To0ofy]

ياسلاااااام عليك يا اموووله..

زي ما قال زادي..

دوبلوماسة درجة أوووله..

رايحه وراجعه استنيني..

قفلي الموضوع دحين لا حد يرد لغاية ما ارجع واجيب قهوتي..

[سارونه]

http://alfrasha.maktoob.com/up/11812683211513970584.gif




اه ياللت والعجن والكلام اللي يرفع الضغط وبس

حلو تصرفك
اقوى علاج للي يستفزك تحقره :drr05_41:


قهر ماودي انفك بهالموضوع لاني مآكله هواء من عقول الناس الضيقة

وكما قال الرسول صلــ الله عليه وسلم ــى
(( اذا غضب الله على عبد اشغله في توافه الامور ))
وقال بعد (( وبيت في ربض الجنة لمن ترك المراء ولو محقا ))

في وسط الجنة يعني للي يترك الجدال وان كان على حق

[نور الهدى]

مع أن الموضوع أو الموقف يلي صار مر علية سنة كامله
ليس من حق أي شخص يجي يستفسر أوياتي لكي يحاسبني علية
بعد طول هالمدة... :218:
وخاصة أذ كان هالموضوع سخيف.
اما الشخص الذي انكر حصول هالشي فربما يكون قد نسى
أو انه لايريد ان يتذكرة او يناقش فية .. :200:
لذلك سوف اقوم بغلق هالموضوع نهائي .
مشكوره اختي *amula_beauty*
وتقبلي رائي بهالموضوع

[ألنشمي]

000
00
0

ياترى عندكم استعداد تقاوحوا بموضوع سخيف؟؟
لا000 وخاصة سخيف!

يسلموووو امووولة
حفظك ربي

[zadi]

__________________


يا أمولة , إسمو موضوع سخيف , وإللي يفتحو معايا بعد سنة يبقى أسخف من سخيف :drr05_89:

راح أقوله إمشي يبني , الموضوع دا خلاص delete :220: حل عني بئا :218:

( كان نفسي أناحل :drr05_19: بس المجال مرة ضيق ومافي فرصة :236: )

موفقة يا أمول ,,, باي

[*amula_beauty*]

مسا الورد والروقان يا عزيزتي :

توفي

بانتظار رجعتك

اما اني دبلوماسيه ؟؟؟؟

ما ادري بصراحه

لكن انتي مافي زيك بالروقان (قهوه وتوفي) تعجبيني

ربي يسعدك

^_^

[*amula_beauty*]

اهلآ وسهلاآ عزيزتي :


سارونه


الاحلى هوا مرورك يا قلبي



اقوى علاج للي يستفزك تحقره


منجد وجربتو .... التطنيش والسكوووت يحيير اللي قدامك




وقال بعد (( وبيت في ربض الجنة لمن ترك المراء ولو محقا ))

يكفيني دا الحديث

الله يسعدك يا قلبي

منجد مرورك حلو

^_^

[*amula_beauty*]

اختي العزيزه :


نور الهدى

فعلآ انا اشوف ان رأيك سديد

يعني ايش الفايده من المقاوحه دحين؟؟؟؟


اشكرك ع الطله الحلوه

ربيي سعدك
^_^

[*amula_beauty*]

اهلآ وسهلآ بأبي العزيز:


ابو ايمن

على قولتك مربط الفرس انو سخيف

بس ايش تسوي بالناس الفاضيه اللي نفسها تلت وتعجن
اشكرك ع المرور

ربي يسعدك

^_^

[*amula_beauty*]

مساء النور اخويا العزيز:

زادي



يا أمولة , إسمو موضوع سخيف , وإللي يفتحو معايا بعد سنة يبقى أسخف من سخيف

منجد



راح أقوله إمشي يبني , الموضوع دا خلاص delete حل عني بئا


ودا اللي عملتو


كان نفسي أناحل بس المجال مرة ضيق ومافي فرصة


صح مافي مجال للمناحله

بس الايام بيننا يا زادي

شد حيلك وورينا المناحله

ربي يسعدك

وشكرآ ع المرور

^_^

[To0ofy]

جيت وجبت قهوتي معايا يا أمووووله بس الحلو فينه مالقيته..

يالله ايش نسوي عاد..

شوفي ياسيتي..

على قولة المثل((لايضر السحاب نبح الكلاب))

والخسران يقطع المصران<<<عارفه ايش معنى مصران..

الموووهم..

طالما انا عارفه اه معايا حق واهلي مصدقيني ..

هنا انا ماليا بأحد الكل ينفلق..

كفايه قلت وجهة نظري مره وحده اما اني اعيد وازيد بنفس الموضوع

لا ابدا ولا بعد سنه (((يخسي)))

فكرتيني بوحده من قريباتي..

غلطت عليا اكثر من مره وقلت لماما عليها وماما قالتلي طنشي..

سبيك منها هيا تحس بعدين بغلطتها..

سويت حاجه خلتها تتفرقع في مكانها..

وتسأل ماما ايش فيها بنتك((تووفي)) مليون مرررره..

عارفه يا اموووله ايش سويت..

طنشتها ولا كأني شايفتها

ولا كلمتها ولاعنفتها ولا اي حاجه..

مشيت بحالي..

وهذا اللي خلاها تترطع زي طراطيع جده..

ووووبس..

ياويلك تاني مررره تخليني اقاوح بموضوح بدون قهوه..

كل مره اجيب قهوتي معايا عييييييييييييييب..

دمتي بود..

تحياتي..

[*amula_beauty*]

اهلآ وسهلآ بالقمر :

توفي

ايش هوا دا يا توفي ؟؟؟؟؟

من الفجر بتسوي القهوه ؟؟؟؟؟ بتسخنيها ع التلج ؟؟؟؟

وليكي وجه تسألي عن الحلى كمان ؟؟؟؟

الحلى اتأكل يختي




طالما انا عارفه اه معايا حق واهلي مصدقيني ..

هنا انا ماليا بأحد الكل ينفلق..

كفايه قلت وجهة نظري مره وحده اما اني اعيد وازيد بنفس الموضوع

لا ابدا ولا بعد سنه (((يخسي)))



دا اللي انا بقوله كمان ^_^




عارفه يا اموووله ايش سويت..

طنشتها ولا كأني شايفتها

ولا كلمتها ولاعنفتها ولا اي حاجه..

مشيت بحالي..


احسن شي التطنيش والله

مره انا كمان طنشت وحده ولا كأني شايفتها

على قولة بابا يقول( اللي ما يحترمك) ... لاتشوووفه ...يعني كأنو مو موجود نهااائي




اشكرك ع الطله الحلوه يا قمر


ربي يسعدك

^_^