للنقاش ][ قلبـــك ابيــض يا عبد الكريم ....][!!! [الأرشيف]

*amula_beauty*

28-03-2009, 04:11 PM

http://www.dorarr.ws/forum/uploaded/30460/1105431060264.jpg

اليوم يوم الخميس << انا من الناس اللي تكتب يومياتها :drr05_19:

قررنا انا والاهل نروح للحرم نصلي العشاء ^_^

رحنا وصلينا والحمدلله

وبعد ماخرجنا من الصلاه ....

اصريت انو نجلس بالساحه ...

|238|
صرت اقول لأخويا الله يخليك خلينا شويتين كمان ... نبغى نشووف العالم

ووافق على مضض

وقال يلا نشوف آخرتها معاكم

جلسنا ... وما احلاها من جلسه

متخيلين انوار الحرم .... وكان الجو يجنن ... نسمة هوا بااارده

والناس رايحين جايين

:164:

اللي يقرأ قرآن .. واللي يآكل ... واللي مبتلش بولدوو ... واللي يجري ورا بنتو

والاطفال يجروا هنا وهناك ... وتفحيييييييط يا معلم
:235:

وولد عمتي الصغير يخرب على الناس اللي يتصوروا ... كل ما وقفوا بيآخدوا لقطه ..

وهوا يجررررررررري من قدامهم مسوي نفسوو طياره
:143:

وهما يطالعووو عليه بحقد :249:

وبينما انا غارقه في التأمل

:drr05_16:
واذا بي اسمع اصوات وناااس تجرررررري

اطالع ؟؟؟ واطالع ...؟؟؟ يا ساتر ايش فيه

والا اشوووفلك الحريم اللي كانو باسطين

كل وحده شايله قشها وشااارده

|39|

والعداد عندها واصل 120

واللي ترمي البضاعه في الزباله

واللي تآخد نصها وتخبيها

واللي واللي واللي

وفجأه عرفت السبب

هدا رجال ( شكلوا من البلديه ) ومعاه شرطيين :255:

عملوا كبسه عليهم

واشووف الرجال جا وماسك بضاعة وحده حرمه

وهيا متشعبطه ببضاعتها :243:

يقولها هاتي ...

تقووول لا يا ( ابد الكريم ) << عبدالكريم يعني :drr05_19:

اتاريها الاخت حافظه اسموو من كثر الكبسات

راح (ابد الكريم ) يطالع بالشرطي والشرطي يطالع فينا انا واخواتي .. عشان مركزين معاهم

راح قال خلاص سيبها << :216:شكلو نظرات الفجعه حقتنا شفعت للحرمه ^_^

صارت الحرمه تقووول ( قلبك ابيض يا ابد الكريم )

ورجعت وفرشت بسطتها

****************************

من وجهة نظري الخجوله ... اقول ياعالم ايش فيها لو خليتوهم يسترزقوا ؟؟
:178:
بالله ايش بيخسروا ..؟؟
والله من ضمنهم (سعوديات ) والله شفتهم بعيوني باسطين ... :240:

محتاجين اللقمه

وعشان يستروا على نفسهم وعيالهم ... ويبعدوا نفسهم عن سؤال الناس

اشتغلوا دي الشغلات

البلديه ليه حاطه نقرها من نقرهم ؟؟؟؟
يعني ايش يبغوا ؟؟؟

يستأجروا محل قدام الحرم ؟؟؟
وي اذا كان اجار الشقق عند الحرم لليوم الواحد وصل 2000 وفوق :drr05_62:

كيف بيستأجروا محل .؟؟؟؟

ابغاكم تبرروالي تصرفات البلديه ...

مو عاجبني الوضع نهائي

ووحده من اخواتي تقول ( مفروض انو (عبدالكريم دا) ما رجعلها البضاعه ..

دي امانه ولازم يأدي عملو على اكمل وجه )
وانا اقووول
( ارحموا من في الارض يرحمكم من في السماء)

ايش رأيكم يا اخواني ...

نمشي ورا ايه بدي الحاله
القلب والرحمه ولا العقل والمنطق ؟؟ ؟؟؟؟

((كــــــــادي))

28-03-2009, 04:31 PM

DANiA

28-03-2009, 04:55 PM

أمولة.,,
ماينفع الدنيا حتخرب..

في اماكن للبيع والشرا واماكن للعبادة..
كل شي في مكانه
وفي تصاريح وقوانين الومفروض يلتزمو بيها,

شوفي,
http://travel.maktoob.com/photo/data/500/SNV30479.jpg

هذا الشخص , في النمسا في مدينة فيينا بالتحديد < اتقابلت معاه
المهم دا شحات
لمن يوقف يحط قدامه علبة ولا طاقية الناس يحطو فيها فلوس..

والشرطة قدامنا تمر عليهم وتشوف التصاريح
لاحظي ... الوقوف ويعمل استراعض او بيع او ايش شي بتصريح

والدنيا ماشيه زي الحلاوة.. ومبسوطين..

هنا,
الدنيا مخبوصة..
لأنه مافي نظام

إلي ماعندها تصريح لا تبيع علني .. فكرتيني بالحجات حق الطراطيع الي ع البحر..

وبس :D

lonely girl

28-03-2009, 06:05 PM

{البحر}

28-03-2009, 06:30 PM

SOUTHSTAR

28-03-2009, 07:13 PM

اهلين بالست أموله الغاليه ..

واهلن بمواضيعها اللي ماشاء الله تعكس طبعها الثرثار ..

شوفي يا ست أمل .. أنا راح أفتي لك بما انه ابوي ماسك منصب بالأمانه .. وأمانة المدينه بالتحديد ..

يا ست أمل ..

تخيلي انتي صاحبة محل تدفعي مبلغ وقدره ايجار وديكور وبضاعه والذي منه ..

ويجي شخص معاه نفس بضاعتك ومفترش قدامك .. يبيع نفس البضاعه بنص السعر ..

مين يحفظ حقوق المستاجرين والتجار ..

تخيلي هذا المنظر مرة أخرى ..

انتي طالعه من الحرم .. مصليه ركعتين ومتعبده ربك ..

واول ما تطلعي رجلط بره بوابة السلام مثلا ..

الا ما تقدري تمشي .. انواع الباعه المفترشين يبيعون بضايعهم .. يسببون ازمة وزحمة .. منظر غير سليم ..

تخيلي منظر آخر ..

طالعه من الحرم .. الا تجي وحده من الباعه الافارقه لاخوكي .. وتقوله ( هبيبي تبغى مسواك ) (هبيبي تبغى اساور) .. يعني بالمختصر .. مرتع للفساد الاخلاقي ..

هذا غير ان غالبيتهم مخالفين لانظمة الاقامه والعمل .. عصابات سرقة ونهب .. مشاكل مالها نهاية ..

ما احد قالهم لا تسترزقوا وتاكلوا عيشكم .. لكن بطرق سليمة ..

والادهى والأمر يا اموله .. ان المراقبين هو السبب الرئيس لانتشارهم .. لانهم مستفيدين من وراهم .. من رشاوي وعمولات والذي منه ..

والله تعبت معهم الامانات والبلديات ..

وانا مع قرار التخلص من هذه الظاهره ..

يعطيكي العافيه يا اموله .. وكثري لنا من هالثرثره .. خلي الواحد يفضفض ويتفلسف ..

*amula_beauty*

28-03-2009, 09:26 PM

امولة .. \\

هذولا عماله جالسة في البلد بدون اقامات شرعية

يعني ممكن يجي منهم اي شي

صحيح هي بتسترزق .. بس برضو هناك قانون

ولو كل واحد او وحدة دخل البلد بشكل غير شرعي .. والله تصير الدنيا خراب

ما تتذكري ايش عملو في الدانوب في جدة !

***

دمتِ بخير وليا رجعة :)

اهين بمشرفتنا الغاليه :

كــــادي

يا قلبي ادري انهم عماله وافده

بس مهما كان هما بشر

الحدود السياسيه الدخيله علينا خلتنا نقول كدا

بس احنا كلنا واحد مهما كان

وبعدين لو ابغى اكلمك من منطقك ...

اقولك ترا فيه منهم سعوديات وبنات ناس كمان

واعذريني ما اعرف ايش صار بالدانوب ؟؟؟؟

بس مهما كان فيه منهم اشرار

فيه ناس يخافوا الله ونيتهم كسب الرزق الحلال

بانتظار رجعتك

ربي يسعدك

*amula_beauty*

28-03-2009, 09:41 PM

والشرطة قدامنا تمر عليهم وتشوف التصاريح
لاحظي ... الوقوف ويعمل استراعض او بيع او ايش شي بتصريح

والدنيا ماشيه زي الحلاوة.. ومبسوطين..

هنا,
الدنيا مخبوصة..
لأنه مافي نظام

إلي ماعندها تصريح لا تبيع علني .. فكرتيني بالحجات حق الطراطيع الي ع البحر..

وبس :D

طيب ياقمر ... اولآ هما ما بيبيعوا بالساحه ... برا الساااحه

( عشان ماتقولي اماكن عباده)

وثانيآ :
تتوقعي لو الحجه طلبت تصريح تبسط بيعطوها ؟؟؟؟

مرررررررره ما اعتقد
ولا تخليني افتحلك بوابة النقاااش عن البلديه وتعققيداتها

المحلات يبغالها رخص .. واذا ما اتفتحت تدفع مدري كم

وهم ع القلب ..ورووح وتعال ... وهم ع القلب .. والحريم دولا ما حيراجعوا الدوائر الحكوميه

لأن ماعندهم رجال ... ولو عندهم ماكان شفتيها باسطه وراميه الكرامه بالارض

وترا مو كلهم حجات فيه سعوديات

وماحتقدر تعملها كشك صغير

النظام يطبقوووه على ناس وناس لا

وعلى قول southstar

الرشااوي ماااشي سوقها

وكدا مايصير

يا يخلوا العالم تعيش

يابلاش

واتمنى ما احد يتدخل برزق التاني

*amula_beauty*

28-03-2009, 10:15 PM

والله انا اشوف يا امولا لو كان البيع اشياء زي الملابس والالعاب
وكانوا الباعه سعوديين مافي مشكله
اما اذا كان البيع مواد غذائية فهذه الكارثة لانه راح
تجي من وراها امراض ومصايب
واذا كانوا من المتخلفين مشكلة اكبر لاننا نحارب التخلف
فكيف نشجعهم على البيع
بس تبي الصراحه انا احب اوقف عليهم واشتري منهم
اولا لانهم ارخص من السوق عشان مافي ايجار دكان
وثانيا احزن عليهم يعني ماجبرهم على كده
غير الشديد القوي والحاجة يا لطيف

اهلين بيكِ ياعزيزتي
طيب وانا كمان ما اشجع المواد الغذائيه انو احد يشتريها من الباعه المتجوليين

وبالنسبه ليا ماتفرق سعودي ولا مو سعووودي
كلنا وااحد

يعني مو نتجبر لأنو ربنا انعم علينا بنعمة الرخاء ونعمة السعوووده

يا بنتي احنا مجرد ناس ونسبنا الى عائله ملكت معظم شبه الجزيره العربيه
وجزاهم الله الف خير

يعني حظنا حلو كوننا سعوديين .. بس الدور والباقي ع المساكين اللي ما لهم حظ

ومو سعوديين
آآآآآآآآآآآآه يا قلبي

ويا كرهي للحدود السياااسيه

تخننننننننق

وتسلمي ع الطله الحلوه حبيبتي

واستمري على رأيك ... ترا انا والله دايمآ يحزنووني اضطر اشتري من عندهم جبرآ للخاطر بس

عشان ابسطهم بس لا اكثر ولا اقل

ولا استخدم الشي اللي آخدو منهم

برضو اخااف من الامراض

DANiA

28-03-2009, 10:19 PM

معليش,

النظام نظام..
ايش معنى كل الدول ماشية ع الأنظمة والشعب ماشي عليها ومايقدر يخلف منها شي!!!
ايش معنى هنا عندنا لمن يعملو نظام او قانون .. مع نفسهم!! مايلزمو الشعب القوانين والأنضباط!!!
بقولك:
ليش العرب لمن يخرجو برا بلددهم لدول اجنبيه يلتزمو بالقوانين حقتها؟! عارفين واراها حكومة قوية ممكن توديه في دهية بمجرد رمي المنديل في الشارع... هنا : رجال يفتح شباك السيارة ويرمي كل الزبالة .. في وسط الطريق.. او علبة ببسي.. ايش التحضر دا .... فين الأخلاق!!! فين التربية !! دا يدل على الشخصية والنظافة .. النظيف في بيته نظيف برا بيته ...

اعتقد نحن دولة غنية .. المفروض ماتكون منظرها الحضاري كدا !!

في اماكن للبيع يا ست امولة,.
مثلا الإشتراك في بازارات او في نفس بيتها تبيع..

ياكتر الحريم السعوديات الي تبيع من بيتها بطلبات وزي كدا,, زي الأكل

*amula_beauty*

28-03-2009, 10:28 PM

تعريف البلدية: هي بلا وأذية
لاتجد احد الا ويدعي عليها
امتحان في كل شيء..
شوفي ياثـ..... عفواً ياأمولة
المشكلة الاساسية في السعوديات الباسطات هناك عاملين ستار غير شرعي للمتخلفات بدون قصد..

المفروض والطبيعي انه مافي سعودية محتاجة الى ذي الدرجة بما انه البلد في خير ونعمه واللي تبغى تتاجر مافي اي مشكلة بس يكون بتصريح رسمي وبرضه على شكل بسطات صغيرة ومو شرط انه يكون محل كبير وهذامعمول به في كل الاسواق والاماكن العامة ... ولو حصل هذا الامر فالبلدية بكل بساطه راح تسيطر على الوضع ويتم تعقب المتخلفات الي ممكن يسببوا مشاكل امنية على قولة ((كادي))
اما من ناحية المطاردات والمداهمات وتعقب المتخلفين ومايتبعها من تصرفات تدمع لها العين والقلب فهذي نتيجة لتطبيق النظام والسيطرة على الاوضاع واستتباب الامن فليس من المعقول ترك الحبل على الغارب

تحياتي

اهلآ وسهلآ بيك يا عزيزي طلال

هيا من ناحية بلا واذيه منجد بلا واذيه

ياريتهم يسوووا الاشياااء المهمه

وبعدين يركزووولي ع المساكين دووول

المشكلة الاساسية في السعوديات الباسطات هناك عاملين ستار غير شرعي للمتخلفات بدون قصد..

هنا معاك حق

بس برضووو المتخلفين مساكين ... الدنيا حدتهم يجووكم يا مريشين ...

وعلى فكره

انا ضد المخالفين ...

بس اللي شايفتووو ... حتى اللي عندهم اقامات

البلديه مناشبتهم

يعني انا معاك انو لازم تكون اقامتهم شرعيه

اقل شي
بس لا تمنعوهم من طلب الرزق

شوفو اخواننا ( المصريين) وهما قريبين مننا مرررررررره

كلنا عرب ... بس اقصد قريبين بالتفكير وباللهجه ونفهم بعض

نشوفهم بالافلام ... كيف يروحوا ليبيا ..
وكيف يدوروا فيز عشان يسافرووو لأمريكا ويشقوو طريقهم

يا ما اتعاطفنا معاهم

طيب شفت الفلم اللي يحزن حق ( هنيدي) اللي سافر النمسا اعتقد

وكيف هما هناك متشحططين

ترا انا احس اللي يصير بالمصريين يصير لي ( لأنهم مننا)
ومو بس المصريين ... كثير عرب

الله لايجيب اليوم اللي يحدكم يا اهل الخليج للتجوال والبيع

*amula_beauty*

28-03-2009, 11:05 PM

طالعه من الحرم .. الا تجي وحده من الباعه الافارقه لاخوكي .. وتقوله ( هبيبي تبغى مسواك ) (هبيبي تبغى اساور) .. يعني بالمختصر .. مرتع للفساد الاخلاقي ..

هذا غير ان غالبيتهم مخالفين لانظمة الاقامه والعمل .. عصابات سرقة ونهب .. مشاكل مالها نهاية ..

ما احد قالهم لا تسترزقوا وتاكلوا عيشكم .. لكن بطرق سليمة ..

والادهى والأمر يا اموله .. ان المراقبين هو السبب الرئيس لانتشارهم .. لانهم مستفيدين من وراهم .. من رشاوي وعمولات والذي منه ..

والله تعبت معهم الامانات والبلديات ..

وانا مع قرار التخلص من هذه الظاهره ..

يعطيكي العافيه يا اموله .. وكثري لنا من هالثرثره .. خلي الواحد يفضفض ويتفلسف ..

اهلين بيك ياعزيزي :

southstar
لولا القرابه اللي بيننا كان عرفت كيف ارد عليك

بس اسمع يا عزيزي

اولآ : انتوا ليه كدا دايمآ تطالعوا بالجانب المظلم ومن منظار اسود ... وبسوء نيه

ليه يعني لما قلت باعه متجوليين ... كلكم (معظمكم اقصد) اتخيل مناظر مقززه

وناس وسخين
وبنات يحاولوا يغووا الرجال

يا عالم ... انا اتكلم عن الفئه المستضعفه

النظيفه

اللي تبغى تتعفف عن المسأله

ودولا يبانوا ونعرفهم (سيماهم في وجوههم)

انا اتكلم ع المساكين المغلوبيين على امرهم

وما الوم نظرتكم القاصره

لأنكم شفتو من المتخلفين ( بالاقامه بما اني اكره لفظ (متخلفين) ) شفتو منهم اشياء تسم البدن

بس برضو زي مافيه الخبيث
فيه الطيب

يعني انتا ضد تصرف (عبدالكريم)

طيب اوكي

لكن لو عبدالكريم دا عمل كدا بالفئه الطيبه .. وشال بضاعتهم

كيف تتخيل بتكون حال الحرمه وحال اسرتها

والله على زمن الرسوول ما كان فيه زي كدا

انا ضد كل دي الاشياااء

وضد البلاهات هدي والحدوود السياسيه ... وضد القوانين الوضعيه
يعني لو اننا بزمن الرسووول

كان صار كدا؟؟؟؟

والله كان الأهالي قامو عليكم

ادري داك زمن ودا زمن

بس برضووو احنا ابتعدنا عن الدين

زمان كان الواحد يشتغل اي شغله عشان يسد رمقووو

حتى لو يحتطب

لكن دحين لو حاول يشتغل اي شغله زي كدا

الدنيا تتكالب عليه

الا يتهجول عشان يكسب اللقمه الحلال

يعني الحرام صار اسهل
بسبب تعقيداتكم
واعذاركم وحبكم للعولمه .. وللتقدم

ودا اللي موديكم لورا

اعذرني يا عزيزي

لكن انحرق دمي ... وما حسييت ايش قاعده اقووول
بس اكيييييييييييد قاصده كل كلمه قلتها

ربي يسعدك

SOUTHSTAR

28-03-2009, 11:17 PM

يعني الحرام صار اسهل
بسبب تعقيداتكم
واعذاركم وحبكم للعولمه .. وللتقدم

ودا اللي موديكم لورا

اعذرني يا عزيزي

لكن انحرق دمي ... وما حسييت ايش قاعده اقووول
بس اكيييييييييييد قاصده كل كلمه قلتها

ربي يسعدك
[/color]

يا حليلك يا امل .. لو كل الناس بطيبتك كان الدنيا بخير ..

فيه امور يا امل لابد يكون فيه نظام يحكمها ويحكم من يتعامل معها ..

يعني دولة مثل السعودية .. يقصدها ملايين وملايين من البشر .. اكيد بتكون فرصه ذهبيه للفقراء علشان يجون ويدورون رزقهم فيها .. ولو بطرق غير نظاميه ..

يا امل .. المشكله اذا فتحنا الباب على مصراعيه راح تجي المشاكل اكثر من الفوائد .. وراح تستغل الطيبه ..

اعطيكي مثال .. لو ما كان فيه مثلا دائرة لمكافحة التسول .. كيف كان الوضع ؟؟

مو فيه ناس محتاجه من جد ؟؟ .. وتبي مجرد لقمة تسد فيها جوعها ؟؟

لكن وش اللي حصل ؟؟

فيه بعض الناس استغلت هالشي وصارت تمتهن التسول وتكسب من وراه الاف وملايين ..

والوسيله هي طيبة الشعب ..

نفس الشي مطبق على هذولي المفترشين ..

تلاقي نسبه منهم من جد محتاجين ويبون يشتغلون .. لكن نتيجة التساهل وعدم تطبيق وليس وجود النظام طلعت لنا ناس ماجا من وراهم الا المشاكل ..

شوفي الامور يا امل على نطاق اكبر من المحتاجين .. وراح تعرفي ضرر هالظاهره ..

دمتم بخير ،،

*amula_beauty*

28-03-2009, 11:30 PM

دانيا
|238|

ممكن سؤال ؟؟؟

انتي يا صديقتي الصدوووقه ... ليه دايمآ ضدي؟؟؟؟؟؟

النظام نظام..
ايش معنى كل الدول ماشية ع الأنظمة والشعب ماشي عليها ومايقدر يخلف منها شي!!!

طيب لا تدفي يا دنوووو:228:

طيب اسمعي : مو انتي تقولي

في اماكن للبيع يا ست امولة,.
مثلا الإشتراك في بازارات او في نفس بيتها تبيع..

ياكتر الحريم السعوديات الي تبيع من بيتها بطلبات وزي كدا,, زي الأكل

ادري انو فيه اماكن للبيع

احسك شريره مدري ليه مع اني عارفتك طيووبه .. بس مو قادره ارد عليكي بقلبي بكووه :drr05_47:

البازارات ما تتفتح دايمآ يا مخ ..

يعني تموت جوووع ؟؟؟؟؟؟؟؟؟؟؟

وفيه ناس مايقدرو يبيعوا ببيوتهم
يا انو البيت زحمه او بيتها ما يشجع تفتحو وتبيع فيه

والناس لها اعذارها وكل مين ظروفه غير التاني

لا تكوني ظالمه ولا متجبره

وخلي الناس تعيش

الين متى بنقول نظام .. ودوله ... وشكل حضاري
بلاش هم

ولا تفرق معايا

اهم شي عندي الحياه تمشي

والناس يلاقوا لقمة عيشهم

وياررررررررررررررريت مافي حدوود سياسيه

ولا حضاره ولا سخافه

بجد تعبوونا بالكلام الفاضي

نفسي البشريه ترجع بسيطه زي زمان

لست بكاتبة

28-03-2009, 11:40 PM

DANiA

28-03-2009, 11:50 PM

يابنتي,
مو تفتح بيتها, تفتح قدام باب بيتها يختي, اتحداكي تفهميها يا جدعة

أمولة الله يخليكي قبل لا تردي عليا كلي جلاكسي ولا تويكس وتعالي ردي,,
حيتغير الهرج تماماً
وحتصيري معايا:d

*amula_beauty*

28-03-2009, 11:53 PM

يا حليلك يا امل .. لو كل الناس بطيبتك كان الدنيا بخير ..

فيه امور يا امل لابد يكون فيه نظام يحكمها ويحكم من يتعامل معها ..

يا امل .. المشكله اذا فتحنا الباب على مصراعيه راح تجي المشاكل اكثر من الفوائد .. وراح تستغل الطيبه ..

شوفي الامور يا امل على نطاق اكبر من المحتاجين .. وراح تعرفي ضرر هالظاهره ..

،،

الله يسلمك يا عزيزي .... من اول اقولكم اني انسانه رائعه ^_^

طيب ... خليهم يستغلوا الطيبه ... خير؟؟؟؟

في رب كبير

الله فووووق وموجود ... طيبتنا ما بتضرنا...

بالعكس ربي بيوفقنا على حسن نيتنا

لا نعامل الناس بلؤم

مايصير

والله اللؤم شي مقررررررررف

انا ما اقدر اخلي نطاقي يتوسع لأكثر من المحتاجين

لأن المحتاجين هما الاهم

وربي ووصانا على السائلين

ماقال حضاره وخراببيط

البشريه منذ بداية وجودها ... كان هدفها الرئيسيي العيش

والحضاره من الثانويات ....

يعني لا تكلمني عن الحضاره دحين
انا انسانه اعرف دا الكلام ....

بس عند الانسانيه والحاجه انسى كل شي

انا اعرف وابغى اننا نكون ناس مرتبين وراقيين

بس ما نوصل لدرجة اننا نقطع ارزاق المساكين

باسم الحضاره ... انتو همشتو الاشياء التانيه المهمه

الله يسامحكم

شوفوا حل يناسبني ويناسبكم

اما اننا نقعد كدا
لا والف لااااااااااااااااااااااااااااا ااااااااااا

*amula_beauty*

29-03-2009, 12:00 AM

أمووووووووووووووووووووووله
بسرعة وقفي
في البداية موضعك تمام
بس الاجانب لالالالالالالالالا
بعدين لاتجيبي سيرت المصارية والسودان والسورية هم عندنا غير
لكن الإجانب اللي تدافعي عنهم لالالالالالالالالالالالالا
أمووووووووووووولة تقولي مساكين الله يرحم بحالك
طيب قبليني بكره بقباء الطالع
وأنا أعرفك مين هم المساكين

ههههههههههههههههه

يا بنتي وطلعتي شريره :228:

اهلآ اهلآ

تجنني ياقمر
لالا الله يخليكي ... فكينا ... شكلك بتوريني العصابه اياها

ههههههههههههه

ربي يسعدك حبيبتي

بس صدقيني انا ادافع عن فكره مقتنعه فيها من راسي لرجووولي

مهما كان الاجانب ومهما كان عرقهم

هما برضو ناااس
ونفسهم يعيشوو

سيبوهم يعيشووو

ربي يسعدك يا قمر

شفتك مسنتره من اول ... شكلو لما رفعت ضغطك رديتي

^_^

((كــــــــادي))

29-03-2009, 01:22 AM

امولة ..

انتِ ليش راسك يابس !!

ولا انت قلبك طيب بزيادة !

نحن ما خلصنا من مشاكل و دواهي النظاميين .. فما بالك باللي مو نظامي !!

اتذكر من زمااااااااااان .. كانت تجي الحجة لغاية البيت و تكون شايلة معاها بقشة

فيها كل شي تقريباً من الفصفص الى الملابس و ابر الخياطة .

وكانت تسترزق بهذا الشكل ..

اما الآن .. لا يمكن احد يدخل حجة في بيته ... بعد المصايب اللي صارت في هذاك الزمان .

و بعدين لا تخافي عليهم كذا مررررررة

هم في الليل بيشتغلوا في صالات الأفراح .. اما مقهويات او عاملات نظافة

او حتى حارسة .

و بعدين مين قال لك ما عندهم رجال .. رجالهم بيشتغلوا في مسح و تنظيف السيارات .

يعني حالهم احسن من حال كثير سعوديين .

شوفي جازان ... شوفي الحدود الشمالية اللي ماتو من البرد لانهم عايشين في صنادق

وهناجر.

DANiA

29-03-2009, 01:25 AM

انتِ ليش راسك يابس !!

صح والله صح ,
جبتيها على بلاطة

zadi

29-03-2009, 08:04 AM

___________________________

إحم إحممممممممممممم :236:

صباح الخير , قلبك أبيض يا أمولة :drr05_19:

شكلوا موضوع مناحلة جديد :220:

بت يا أمل يابت أم أمل :164: إسمعي وأعي :drr05_32:

زمان كان للبسطات طعمها ,,, وبالذات حقت الحريم البدو الكبار في السن , يازينهم كانو حبايب وأحب أقعد أسولف وياهم , تحسي بطيبة الدنيا فيهم , وموجودين لحد الآن في بعض المدن , أشتري منهم الحنة والبيض البلدي وحتى ( الليفة الخيش ) لزوم الجاكوزي السعودي :drr05_17:

حتى الحجات حقين أول كان لهم طعم ولون و ريحة :drr05_91: مو زي حقين دحين ( تلئيحة ) :drr05_89:

المهم ياطويلة العمر ,,, لمن يجيكي ولد أفغاني عمره 7 أو 8 سنين أو تجيك بنت أفغانية أكبر أو أصغر ومعاه علبة اللبان المستكة أو شوية مناشف ويقعد يترجى فيك دين الله كلو إلا تشتري من عنده وتقوليلو ما أبغى إلين يطفشك , دا إيش تسميه ؟؟؟
طبعاً ( شحتة ) مستترة ,,,
ودوري على أبوه تلاقيه قاعد في ركن الشارع يراقب !!!
أبوه في النهار بياع تميس ( تميز ) على قولتكم , وفي الليل يسرح بالعيال عند الإشارات وعلىالكورنيش ,,,
ياخي بدل ماتعلمهم شغلة شريفة وتعفهم عن السئوال , تقعد تشحت بيهم ,,,
التصرف دا بيخليهم يطلعوا شحاتين محترفين وخلاص تبقى مهنة رسمية , وكلما يبعدوهم يرجعوا تاني ,,,

لمن ألاقي حجة ( والله العظيم ) قاعدة تبيع فصفص ولوز وأشياء ( البزورة ) وقسم بالله قاعدة ترغي بالجوال ( شفت بعيني محد قلي ) وإنتي يابنت السعودية تحتاسي في فاتورة الجوال إلين ربك يسهلها لأبوكي ويسدد أو يشحنلك :200: ويش تقولي هنا ؟؟؟

المفروض إن موضوع البسط يتقنن ويترسم ويتنظم ,,, لأن العملية مو بس بيع وأنتهى الموضوع ,,,
طب لو شريتي شي ورحت يالبيت لقيتيه خربان أو تالف أو أو أو ,,, وين تلاقي إللي شريتي منو دا الشي ؟؟؟ :218:

لازم نطالع من ورا ( الستارة ) مو بس نحط عيوننا على الأرض ,,,

موضوع البيع والشرا بذي الطريقة وراه ماوراه من بلاوي , وأتضح إنه ستار في كثير من الحالات للصرقات والجرايم زي ماسار في مكة لمن كشفوا عصابة تتكون من بنات أفريقيات صغار يروحوا للبيوت على إنهم ( فرقنا ـ أتحداكي تعرفي إيش معنى الكلمة ) وإذا مالقوا أحد رد عليهم يبلغوا إللي وراهم :drr05_63: عشان يدخلوا البيت براحتهم و( ينظفوه ) على البلاطة ,,, :drr05_22:

وعلى فكرة , ترا ( البلا والأذية ) تلاتة أربعاهم مستفيدين من ( بضاعة ) هالبياعين ,,, لأنهم بعد مايشيلوا بضايعهم يقعدوا ينقوا الشي الطيب :150: والباقي يودوه مخازنهم أو يتلفوه , بس بعد ما ( يتنقى ) وأسألي أبو كرم دا إللي فوق :249:

مشكورة يا أمول على هالموضوع ,,, بجد صايرة مواضيعك ( في الصميم ) :drr05_41:

تقديري ( بالمصري تئديري ) ههههههههههههههههههههههه :drr05_19::drr05_19:

{البحر}

29-03-2009, 09:24 AM

zadi

29-03-2009, 10:38 AM

____________

طلال , أشتغل عرق اللقافة في كوع يدي ( إيش السؤال ) و ( مين أكل النبق ) ؟؟؟؟؟

ترا راح أقعد آكل في نفسي لحد ما أعرف : )

*amula_beauty*

29-03-2009, 11:47 AM

يابنتي,
مو تفتح بيتها, تفتح قدام باب بيتها يختي, اتحداكي تفهميها يا جدعة

أمولة الله يخليكي قبل لا تردي عليا كلي جلاكسي ولا تويكس وتعالي ردي,,
حيتغير الهرج تماماً
وحتصيري معايا:d

على بالك انو جماعة (البلاء والاذيه) بيسيبوها ؟؟؟؟؟؟؟
:218:

في الاحلام السعيده

وبعدين انتي عارفتني .... الشوكولاته تغثني
:228:

*amula_beauty*

29-03-2009, 12:01 PM

امولة ..

انتِ ليش راسك يابس !!

ولا انت قلبك طيب بزيادة !

يا ويلي !!!!!

:228:

روقي يا بنت .... انا راسي مو يابس ... وماني طيبه بزياده

بس انا كدا ... ومقتنعه بفكرتي ..

وبعدين يا قلبي ...

منجد وحشتني ايام زمان لما تدق الباب الحجه ومعاها اغراااااااااااااااض
نحب نتفرج

ونهرج معاها
وناااسه
بس دحين مااافيه

وعلى قولتك الحمدلله انهم يشتغلوا قهوجي ...(قهوجيات) كووويس

يعني البلديه ما شحطتهم مزبوووط ... فيهم الخير والله

بالله فين احسن .. تبيع عينك عين ولا تستخبى ؟؟؟؟

طبعآ تبيع عينك عين ... عشان اضمن

وبعدين يا كادي الرحمه مطلوبه

انا متخيله نفسي مكانهم .. والله موقفهم لا يُحسدوا عليه

خلوهم يآخدوا راحتهم

ياربي ايش بتخسروا

ولا هيا انانيه وبس ؟؟؟؟

ربي منعم علينا والحمدلله
خليهم يعيشوا

ادري انو فيه منهم مو كويسيين
بس برضووو ليه ما نحسن الظن ونقدم حسن النيه

الى متى بنكون اشرار وبدون قلوووب
ربي يسعدك حبيبتي

بس الانسانيه تتطلب مننا التنازل عن بهرجة العولمه والحضاره المزيفه << متعوب على دي الجمله:drr05_10:

*amula_beauty*

29-03-2009, 12:18 PM

___________________________

إحم إحممممممممممممم :236:

صباح الخير , قلبك أبيض يا أمولة :drr05_19:

شكلوا موضوع مناحلة جديد :220:

:drr05_19::drr05_19:

صباح الورد يا عزيزي ^_^

تقول موضوع مناحله ؟؟؟ تربيتك يا عموووووو :218:

اولآ :

لا تقهرني وتخلط الحااابل بالنااااااااابل

الموضوع دا يتفرع الى ثلاثة افرع رئيسه ... يعني بنتكلم من كذا منطق ... بس للأسف منطقي غير منطقكم ... لأن مبدأي المساواه ... بس نمشي معاكم حبه حبه
(أ) - العماله الوافده ( بدون اقامه )
هدي الفئه كوووولكم حااقدين عليها .... لأنها مسببه نوع من الفوضى في البلد وما ننكر كلنا نخاف منهم

بس انا عاذرتهم مساكين ... بيحاولوا يلاقوا لهم مكان بدي الدنيا العجيبه

(ب)- العماله الوافده ( باقامه )
وهدي فيه منكم عادي وفيه منكم ما يبغوهم يبيعوا بعشوااائيه

يعني بفهم عقووولكم انا ...
لما هوا بالاساس بياع متجوول ... بتشوفوا اقامتو ؟؟؟؟ ولا بضاعتوو؟؟؟

ما احد يفكر هوا باقامه ولا بدون بس عقلياتكم مدري ايش تبغى

لأن المنطق واحد
مين ما كانوا لهم حق يترزقوا ربهم

(ج)- الفئه اللي كاااااسره ضهري ....
السعوووديين اللي يبيعوا وبالاخص الحريم

صحيح فيه منهم محتاجين اللقمه ..

ومنهم بس كدا من باب الهوايه ( زي اللي يبيعوا سمن ومضير ( اقط) ) :164: ....

بس برضو الدستوور الانساني يعطيهم حرية البيع والشراء وجميع المعاملات :200:

****************************** ****

يعني الأوادم جايين يبحثوا عن الحياه الكريمه

ما بيآخدو مننا شي

بيستفيدوا واحنا نستفيد سواء من بضاعتهم او شغل يدهم

( ادري اني ما اشتري منهم ,.... الا جبر للخاطر.. وما استعمل اللي اشتريتو)

بس انتووو بنظرتكم هدي .... حتى الشغل مستخسرينو فيهم

اللي فهمتوو حتى اللي يغسلوا السيارات مو عاجبينكم ؟؟؟؟

ويا عمو زادي العزيز ....

ما ننكر انو فيه منهم يعلموا اولادهم الشحته

ادري

بس برضو فيه سعوديين زي كدا
:139:
ترا كلهم ناس واوادم وبشر

فيهم الطيب وفيهم الردئ

لا تعاملوا الكل ... من منطق ( الخير يخص والشر يعم)

الله يهدي سرائركم

يا ناس كل يوم يتضحلي انكم اشراار اكتر من اول

ربي يسعدك

صفووو النوايا يا حلوووين

وخلوها لوجه الله
الله فوووووووووق بيرد لنا اي شي ... واي عمل خير بنلقاه اذا مو بالدنيا بالآخره
|238|

على فكره يا زادي ^_^ ... مواضيعي فيها لت وعجن كتيررر لأنكم اشرار وانا قاعده احارب الشر هنا

زي ابطال الديجيتال ...^_^

:drr05_89:

zadi

29-03-2009, 12:29 PM

_________________

(( الله يهدي سرائركم ))

حلوووووووووو , فين سريري ؟؟؟ :218:

أبغا أريح شوية وبعدين راح ( أشنق العتبة وأعلق الباب ) :150:

أنا قايم من صبح الله خييييييييييييير وألاقي موضوع شحاتة بعد ما أفتكينا من الشغالات :249:

إيش قصتك إنتي يابت :drr05_22:

أحد حطك محامية دفاع عنهم :236:

طيييييييييييييييييييييب , جااااااااااااااااااايك بس خليني أرووووووووووووق ,اعبي نفسي بدا :drr05_41:

*amula_beauty*

29-03-2009, 12:34 PM

احمدوا الله واشكروه على نعمه التي لاتعد ولاتحصى
اسال الله ان يديمها نعمة ويحفظها من الزوال

اموله .. انتي طيبه جداً وواضح من كلامك وردودك انك متعاطفة بشكل واضح مع المساكين والمحتاجين وهذا شعور جميل جدا لكن الحياة ماتمشي بالطيبة والبركه زي زمااااااااااااااان
كل شيء تغير واصبح النظام سيد الموقف

سالت سؤال لكن في واحد سبقني والمثل يقول ( من سبق اكل النبق ):150:

تحياتي

اي والله يا عزيزي

نحمد الله ونشكره

بس يا عزيزي انتا تقول

لكن الحياة ماتمشي بالطيبة والبركه زي زمااااااااااااااان
ليه طيب ... احنا صرنا اشرار .. وصرنا نسئ الظن ....

سالت سؤال لكن في واحد سبقني والمثل يقول ( من سبق اكل النبق ):150:
ايش هوا السؤال ؟؟؟؟؟؟؟؟؟؟؟؟

ما انتبهت :228:

ربي يسعدك ياعزيزي

بس مو متقتنعه ابدآآآآآآآآ انو فيه فرق بين دحين وزمان ... احنا اللي خربنا وصرنا انانيين

*amula_beauty*

29-03-2009, 12:39 PM

_________________

(( الله يهدي سرائركم ))

حلوووووووووو , فين سريري ؟؟؟ :218:

إيش قصتك إنتي يابت :drr05_22:

أحد حطك محامية دفاع عنهم :236:

drr05_41:

هههههههههههه
لا قصه ولا حاجه ...

براسي فكره ومقتنعه فيهاا ....

^_^

الانسانيه حطتني محاميه عنهم << حسيت نفسي بفلم كرتووون :drr05_19:

بانتظار رجعتك

ارتاح وانا مستعده لكل شطحاتك الغريبه
:drr05_49:

لست بكاتبة

30-03-2009, 01:37 AM

أمووووووووووووووووووولة
حبيبتي
أنا معاك في الفئة (ج) وضــــــــــــــــــدك بقوه (أ,ب)
حبيبتي ح أقول قصص بصدق والله على ماأقول شهيد
وأموووووووووووووله تعرفي فين دي القصص هنا في المدينة
طبعا تعرفي سوق بلال
طيب ياحلوه
في ناس بدو وأنت ياأموووووووووله الحلوه فاهمة احنا بالمدينة نقصد بالبدو مين ..ناس سعودية 100%
المهم هما ناس جدا طيبين وعيالة
محترمة جدا بس صارت لهم ظروف صعبة ما حبوا يطلبوا أقاربهم في زمن الناس تتجاهل أقاربها(فلوس)
قرروا البنات يعملوا شنط ويبعوها راحوا يبسطوا عند بلال (سوق بلال)قاموا الإجانب لما عرفوا أنهم سعودين قطعوهم وطردوهم وماسمحوا لهم بالجلوس على أرض في الاصل أرضهم شفتي المساكين اللي تقولي عليهم
جوا البنات يبكوا ويقولوا الاجانب طردونا من بلادنا
ترا هم معهم فلوس والله أن دخل الواحد فيهم أحسن من راتب معلم له 9 سنين تفحيط في وزارة التربية

حبيبتي
في معلومة طالماأنك من مدينتي
حابه أنك تعرفيها وتفيدك في موضوعك
بدون ذكر أسم المجمع
في عنده بنت سعودية جامعـيـــــــــــــــــة بشهادة بقرتيوس عفواً
قصدي بكالوريوس لغة عربية بتقدير ممتاز مع مرتية الشرف والثانية على الدفعة
وهذه المعلومة لكادي حبيبتي
موبس جازان والحدودالشمالية
في المدينة ياعمري وبقلب المدينة سعودين ببيت شعبي لما تجي الامطار تخر عليهم مو بيت أكثرمن بيت
وفي كمان بالمدينة بيت سعودين عيشين على نور الشارع وسكنين بوسط حوش
تخيلووووووووووووووووا
وإذا أحد مكذبني أنا على أتم الاستعداد أني أخذها برحلة سياحية على فقراء المدينة وحطوا ببالكم سعودية 100%عشان بصرحة المفروض يكون ضمن برنامج السياحة عشان الدول تعرف أنه عندنا فقراء مايقولوا بترووووووووووووول..(وأعتذر لك فقيرعلى هذه التطاول فإن والله معاكم ولست ضدكم)
بعدين أموووووووووووووولة
لاتخافي على الاجانب ترا شوارع السعودية وبالخصوص مكة والمدينة تقول
حبايبنا وش الدنيا بلاكــــــــــم ملاه السعودية وظائف وفلوس قلب ماسلاكم
تضيق فينا الشوارع لو أنتم منتم فيها إلى دور نا عنكم ومالقيناكم
:::::
أخيراً
أموووووووووووووولة
أنا بصدق ح حححححححححح أقولك سر
أنا حاطه عيني بقوه على ساحة الحرم في بالي نشاط رهيب
مادام ماحد مؤظفني ودنيا بالواسطه
أمووووووووووولة إذا شفتيني حمري عينك لعبدالكريم
عشان أصعب عليه ويتركني
لانه لو ماتركني انا عارفه لساني
ههههههههه
حجيب عليها واطيها
دمتي بخير حبيبتي

*amula_beauty*

30-03-2009, 01:18 PM

مادام ماحد مؤظفني ودنيا بالواسطه
أمووووووووووولة إذا شفتيني حمري عينك لعبدالكريم
عشان أصعب عليه ويتركني
لانه لو ماتركني انا عارفه لساني
ههههههههه
حجيب عليها واطيها
دمتي بخير حبيبتي

هههههههههههههههههه

من عيوني يا قلبي ^_^

بجد تجنني

دحين انا مستعجله

بس ارجع وافصفص ردك تفصييييص

ربي يسعدك

وردة وردية

31-03-2009, 02:56 PM

أمولة الغالية

دايما أسأل نفسي هذا السؤال ؟؟

ليش ما يخلون الناس تسترزق

بس الحين عرفت الاجابة

لأن بالفعل يا امولة في ناس جالسين بدون اقامة شرعية وهذا يسبب الى الكثير من المشاكل والسرقات

اذا كل واحد مشى ورا عاطفته فالدنيا راح تخرب |238|

تسلمين يالغالية

سارونه

31-03-2009, 04:19 PM

http://forum.lahaonline.com/moderators/SummerCloud/reeshah/ECSS/LAHA%20(74).gif

انا مع اختك

امانة وماخربت الدولة الا لما الموظفين صاروا مايأدون عملهم

لا وياخذون رشاوي ويفك المتخلفين

الجوازات والبلدية وكلو نفر شغال يعطونه التكارنة والبنقالة الف ريال ويفكهم

لو جينا بقلب عطوف هنا
السعوديين يرتشون من الفقر والجوووع
فكيف الاجنبي لما تنقش بسطته الا بيحب الرجووول

فالاحسن كلها خربانة فدعوا الخلق للخالق

ونبدا نصلح انفسنا
واذا وليت الامانة لغير اهلها فانتظر الساعة

ماشاء الله عليك مخ :228: اللهم لاحسد تجيبين مواضيع حركات

*amula_beauty*

01-04-2009, 12:32 AM

اهلين بيكِ عزيزتي :

لست بكاتبه

ماشاء الله عليكِ حااميه .... باين مرفوع ضغطك يا قمر

في ناس بدو وأنت ياأموووووووووله الحلوه فاهمة احنا بالمدينة نقصد بالبدو مين ..ناس سعودية 100%

يسلمو .... ما في احلى مننا احنا البدو :228:

قرروا البنات يعملوا شنط ويبعوها راحوا يبسطوا عند بلال (سوق بلال)قاموا الإجانب لما عرفوا أنهم سعودين قطعوهم وطردوهم وماسمحوا لهم بالجلوس على أرض في الاصل أرضهم شفتي المساكين اللي تقولي عليهم
جوا البنات يبكوا ويقولوا الاجانب طردونا من بلادنا
ترا هم معهم فلوس والله أن دخل الواحد فيهم أحسن من راتب معلم له 9 سنين تفحيط في وزارة التربية

صراحه بنات 100%

الله يحميهم

بس يا قلبي ترا مو كلهم اشرار

انا معاكِ فيه منهم اشرار ويرفعوا الضغط

بس لا نظلم المساكين الباقيين

في عنده بنت سعودية جامعـيـــــــــــــــــة بشهادة بقرتيوس عفواً

بهدي معاكي حق

من ناحية بقر وتيوووس فعلآآآآآآآ بقر وتيوووس

صايره الشهاده ماتنفع ...

الواحد الا يتدكتر عشان يقدر يتوززززززززززززززززف :153:

وإذا أحد مكذبني أنا على أتم الاستعداد أني أخذها برحلة سياحية على فقراء المدينة وحطوا ببالكم سعودية 100%عشان بصرحة المفروض يكون ضمن برنامج السياحة عشان الدول تعرف أنه عندنا فقراء مايقولوا بترووووووووووووول

آآآآآآآآآآآآه من فقراء المدينه

انتي حتقوليلي

والله يا عمري شفتهم بالسيح يا عيني عليهم

يارب يفرج همهم

والشكوى لله يا قلبي

الدوله الله يهديهم غافله عن ناس كثير

وتلاقي فلوس الظمان تروح لناس مو محتاجين قد المساكين اللي شفتهم بالسيح

****************************

ربي يسعدك ع المداخله الحلوه يا قمر

بس انا عند رأيي

دعو الخلق للخالق

وكل مين يشوف رزقو

*amula_beauty*

01-04-2009, 12:36 AM

لأن بالفعل يا امولة في ناس جالسين بدون اقامة شرعية وهذا يسبب الى الكثير من المشاكل والسرقات

اذا كل واحد مشى ورا عاطفته فالدنيا راح تخرب |238|

نورتينا يا وردتنا الغاليه :

ورده ورديه
مبسوطه بمرورك

انا والله عتبانه على العماله الوافده انهم بدون اقامات الله يهديهم

بس انا ولا تآكل معايا دي الشغله

يعني مالو داعي اقامات وكلام فارغ

مية مره اقووول اكره الحدود السياسيه

ياريتنا كلنا واحد

وكل شخص يشوف رزقو

اتغيرنا بالمره يا وردتنا

صرنا شي مو حلو

ربي يسعدك يا قمر

اشكرك ع الطله الحلوه

*amula_beauty*

01-04-2009, 12:47 AM

صباح الورد يا عزيزتي :

سارونه

منوره ^_^

امانة وماخربت الدولة الا لما الموظفين صاروا مايأدون عملهم

لا وياخذون رشاوي ويفك المتخلفين

كلام حلو ....

انا معاكِ انو كل واحد لازم يأدي شغلوو بأمانه

بس انا ضد الشغله بكبرها

يعني متعنيين وجايبين رجال عشان يفركشووو ع المساكين في البسطات

مالها داعي
لو جينا بقلب عطوف هنا
السعوديين يرتشون من الفقر والجوووع
فكيف الاجنبي لما تنقش بسطته الا بيحب الرجووول

بجد كلنا مساكين

السعوديين والاجانب

فالاحسن كلها خربانة فدعوا الخلق للخالق

ونبدا نصلح انفسنا
واذا وليت الامانة لغير اهلها فانتظر الساعة

معاك حق والله

خلي كل واحد يعيش

ويطلب رزقووو

وما احد له شغل برزق التاني
ماشاء الله عليك مخ اللهم لاحسد تجيبين مواضيع حركات

ربي يسعدك يا قمر

:228:
مواضيعي مو حلوه بدونكم

شكرآ على المرور الحلو

zadi

01-04-2009, 10:17 AM

________________

طاحو البنتة في بعض ,,, أحسسسسسسسسسسسن :drr05_39:

*amula_beauty*

01-04-2009, 11:16 AM

________________

طاحو البنتة في بعض ,,, أحسسسسسسسسسسسن :drr05_39:

:drr05_89:

لست بكاتبة

01-04-2009, 05:36 PM

________________

طاحو البنتة في بعض ,,, أحسسسسسسسسسسسن :drr05_39:

أمووووووووولة حبيبتي
أستاذنك طال عمرك برد أنا ايضاً على البرفسور زادي
طبعاُ عشان حنا الحريم الضعيفات صحبات البسطات ..وأنتم اللي توظفكم الأمانة عشان تمسكون فينا وتقطعون رزقنا
الوظائف والتخصصات بس للشباب وحنا البنات لا وظائف ولاتخصصات دراسية متنوعة ..كله كم قسم لا يتمننون علينا فيه .والغريب أن التكدس يزيد كل عام جديد والاقسام مازالت تفرخ من نفس التخصص
والمشكلة ياسيدي
ان الزمن ده الحرمة هي اللي تصرف على البيت وتدفع الأجار ..والسيد راتبه على الشباب في السترحة
طبعاً نكون هنا في موضوع أمولة في مد وجز
لانه في مجال وظيفي لنا ندور عليها ..يعني حنا البنات نسعى للقمة العيش والعمل
موزي اللي الوظائف دور عليهم
ههههههههههه

zadi

02-04-2009, 11:53 AM

____________________

اليوم خميس ,,, إجازة ( نص دوام يععععععع :249: )

الرد يكون بمزززززززززززززززززاج رايييييييييييييييييييييييييييي ييييق :drr05_22:

وكووووووووووووووووووووووووول :153:

مايخلى من بعض الشوتات :drr05_41:

_________________

تعالوا يابنتة هنا إنتي وهيا :150:

أنا كم مرة أقلكم لمن ما أكون في المنتدى كل وحدة فيكم تمسكلها كتاب وتنطق تقعد تزاكر يمكن الله ينفخ في وجهها وتنجح :152: كم مررررررررررررررة أقول :drr05_89:

يعني إنتوا ماتجو غير بتحميرة العين وشبرقة الحواجب :218:

شوفي ياست ( نفر مافي يكتب ولايقرا ولافي معلوم :drr05_52: )

إنتي طحتي ولاحدش سما عليك :220: وجت رجلك في الموضوع وخودي عندك ,,,

الدنيا دي تنقسم لأتنين ,,, سحالي ( إللي هو إنتم طبعاً ) و تماسيح ( إللي هو إحنا عز الله مقدارنا وحولنا وحوالينا :200: )
السحالي متلونات , ساعة تلاقيها سمرا وساعة بيضا وإزا عندها سهرة في قصر الضفادع إللي عند شجرة البرتكان إللي في البستان تلاقيها قلبت على أخضر ,,, لييييييييييييييييييش ؟؟؟

هنا السؤال إللي يسدح ويمردغ نفسوووووووووو .

لأنو دا تكوينهم الطبيعي , ودي خلقتهم ( خلقة الله شريفة :drr05_91: )

يعني المفروض على التماسيح إنهم ما ينخدعوا بأي سحلية مهما سقت الأرض بكا ودموع ,,, لأنها بعد شوي تلاقيها تضحك وتمكر ولا كأنو شي ,,, قلنا لأنو دا تكوينها الطبيعي .

أما التماسيح ياعيني عليهم ,,, والله طيوبين وحبوبين وإللي في قلبهم على لسانهم ( كترة بلاهة بعيد عنك :228: ) ,,, وتلاقي أي واحد فيهم مايجيلوا نوم في الليل عشان سحلية غمزتلو أو ( رقمتو ) وقاعد الأخ يحب في الموقف دا طووووووول الليل :drr05_62:

فلا تقوليلي إحنا الحيرم الضعيفات ,,, قال ضعيفات قال :263:

دا إنتو تقتلوا القتيل وتجرو ( مو بس تمشو ) في جنازتو ,,, :249:

نجي لموضوع التخصصات ,,, يختي مين قالكم إن الدنيا هادي بكبرها وطولها وعرضها مافيها غير التدريس وبس ؟؟؟؟؟؟؟؟ ولا عينكم على راتب المدرسة :218:

فيه تخصصات كتيييييييييير ممكن تدخلوها ,,,

الوحدة فيكوم تبغا تدرس من صغرها وتدخل الجامعة القريبة منها وتتخرج وتتعين مدرسة في المدرسة إللي قدام البيت ,,, وإزا ماحصل كدا يبقى الحكومة والدنيا كلها بطالة وفيها ويخطيها :drr05_63:

طب شوفي حضرات السادة التماسيح ( المراهق في عالم التماسيح يسموه ـ تمسوح :236: ) بس يتخرج من السانوية ويبدأ رحلة ديسكفري بين الجامعات والكليات والمطافي حتى , وفي النهاية ينتهي بيه الأمر سواق ليموزين أو سكورتي أو ( كداد ) وأتحداكي تفهمي الأخيرة :drr05_32:

طيب دا متى مسكين ربي يكرمو ويصير تمساح كبير وماسك وظيفة طيبة ويتجوز ويجيب جوز ( مقاريد ) يملو عليه البيت ( ويطفروه ويخرقو جيبو ) :249:

داكا اليوم , يوم الإحتفالية حقت الدرر فكينا موضوع مهم أنا والهدهد 666 وهمسة عاشق مدري همسة حنين مدري إيشكلو المهم أبو علي ,,, الموضوع كان عن مين محتاج للجواز أكتر ,,, الولد أو البنت ,,, أتناقشنا شوية :165: وزعقنا شوية :152: وبغت تطول الأيادي شوية :drr05_41: وبعدين هدينا اللعب شوية :drr05_49: وأسبتنا إننا ممكن نختلف شوية :218: وماطلعنا بأي نتيجة في الأخير :drr05_22: ( زي ماإحنا متعودين كعرب , متعودة , دايماً ) |238|

بس عشان تعرفو حتى في غيابكم الواحد شايل همكم الله بس يفكنا منكم :drr05_19: وإنتو ماتحمدو الله على النعمة الشريفة إللي إنتوا فيها ,,,
الوحدة قاعدة في البيت وأبوها لو قالتلو جيبلي يابابا القمر يقولها ( سم ) بفتح السيم , وفي قلبوا سوم بضم السيم وإضافة الواو :drr05_89:

والتماسيح مساكين , يابوية أبغا سيارة , يطالع فيه كدا ويشيلوا ويحطو ويقولو لمن تحج البقرة على قرونها :150: والمسكين يصدق ويروح يدور على بقرة تحج على قرونها ومايلاقي غير تووووووووووور ينطحوا وتووووووووووور يدوسو . معليش تمسوح أهبل :drr05_17:

وإنتو الوحدة فيكم بس توصل السانوية تلاقي الماما والبابا إيش ماتطلب شبيك لبيك كل شي تحت إيديك ,,, حتى لو طلبت عريس يروحو يجيبوه من أقرب سوبر ماركت :drr05_39:

فين وصلنا ؟؟؟؟؟؟؟؟؟؟ :228: هو إيش كان الموضوع أصلن ؟؟؟؟؟؟؟؟؟:drr05_91:

عموماً أنا داري إن السحالي دحين قاعدين ياكلو في بعضهم , وبالزات وحدة سحلية ماتقدر تسكت :150: الله يعين منها :drr05_62:

خليني أكمل شاهي الخميس حقي وبعدين أرجعلكم تاني منعنش آخر نعنشة :drr05_32: ومتخشش آخر تخششة |238||238||238|

SOUTHSTAR

02-04-2009, 12:25 PM

ههههههههههههههههههه

الله يهديك يا زادي ..

ما تعرف تعطيهم على جوهم ..

لا يووووووووقف ..

*amula_beauty*

02-04-2009, 05:08 PM

أمووووووووولة حبيبتي
أستاذنك طال عمرك برد أنا ايضاً على البرفسور زادي

خدي راحتك طال عمرك ^_^

وفشي غلي ببعض المناحيس:228:

طبعاُ عشان حنا الحريم الضعيفات صحبات البسطات ..وأنتم اللي توظفكم الأمانة عشان تمسكون فينا وتقطعون رزقنا
الوظائف والتخصصات بس للشباب وحنا البنات لا وظائف ولاتخصصات دراسية متنوعة ..كله كم قسم لا يتمننون علينا فيه .والغريب أن التكدس يزيد كل عام جديد والاقسام مازالت تفرخ من نفس التخصص

هههههههههههههههههههههه

من جد فالحين يحشكوا فينا بس

بس من ناحية التخصصات ... حرام المجالات وااااااااسعه قدامنا وقدامهم

لا ااحد يفتح فمووووو بدي النقطه... بس احنا اللي مصممين على تخصص واحد

ما نحب التغيير .. يعني العيب فينا
:236:

ان الزمن ده الحرمة هي اللي تصرف على البيت وتدفع الأجار ..والسيد راتبه على الشباب في السترحة
طبعاً نكون هنا في موضوع أمولة في مد وجز
لانه في مجال وظيفي لنا ندور عليها ..يعني حنا البنات نسعى للقمة العيش والعمل
موزي اللي الوظائف دور عليهم
ههههههههههه

اي والله هززززززززززلت

الحرمه دحين هيا الراجل والست والام والاب وكل حاجه

تلاقيهم متبطحين ... ورواتبهم مدري فين تروووح

واحنا ندفع ايجار واقسااط وكلللللللل حاجه

وراتب السواق والشغاله

ومقاضي البيت

هما بس يكبروووو الكرشه :drr05_89:

*amula_beauty*

02-04-2009, 05:28 PM

صباح الانبراشه يا عموووو زادي

اليوم خميس ,,, إجازة ( نص دوام يععععععع )

افسدكم الدلع

المفروض يكرفوكم ...

تعالوا يابنتة هنا إنتي وهيا

أنا كم مرة أقلكم لمن ما أكون في المنتدى كل وحدة فيكم تمسكلها كتاب وتنطق تقعد تزاكر يمكن الله ينفخ في وجهها وتنجح كم مررررررررررررررة أقول

يعني إنتوا ماتجو غير بتحميرة العين وشبرقة الحواجب

ما نقدر.... تكون بالمنتدى ونسيبك ؟؟؟؟
ما يصحش برضووو :150:

إنتي طحتي ولاحدش سما عليك وجت رجلك في الموضوع وخودي عندك ,,,

انتا والله اللي جيت وربي جابك
:263:

الدنيا دي تنقسم لأتنين ,,, سحالي ( إللي هو إنتم طبعاً ) و تماسيح ( إللي هو إحنا عز الله مقدارنا وحولنا وحوالينا )
السحالي متلونات , ساعة تلاقيها سمرا وساعة بيضا وإزا عندها سهرة في قصر الضفادع إللي عند شجرة البرتكان إللي في البستان تلاقيها قلبت على أخضر ,,, لييييييييييييييييييش ؟؟؟

هنا السؤال إللي يسدح ويمردغ نفسوووووووووو .

لأنو دا تكوينهم الطبيعي , ودي خلقتهم ( خلقة الله شريفة )

متلونات من باب التغييير :drr05_19:
مو انتو شهباااان من يومككم :drr05_41:

يعني المفروض على التماسيح إنهم ما ينخدعوا بأي سحلية مهما سقت الأرض بكا ودموع ,,, لأنها بعد شوي تلاقيها تضحك وتمكر ولا كأنو شي ,,, قلنا لأنو دا تكوينها الطبيعي .

ايش نسوووي ... من مية سنه بنقولكم دموع البنات لا تصدقووها ...

انتو اللي فيكم فداغه ولسسسسسسسسسسسسسا تنخدعوااا:139:

فلا تقوليلي إحنا الحيرم الضعيفات ,,, قال ضعيفات قال
ومين قال اننا ضعيفات ؟؟؟؟

روووووووووووووووووووق واستررررررررررررررررريح

احنا ضعفنا بذكااااااااااء ومكر

يعني مو ذنبنا :200:

دا إنتو تقتلوا القتيل وتجرو ( مو بس تمشو ) في جنازتو

هدي اصوووولها يا عمووو
:drr05_32:

الوحدة فيكوم تبغا تدرس من صغرها وتدخل الجامعة القريبة منها وتتخرج وتتعين مدرسة في المدرسة إللي قدام البيت ,,, وإزا ماحصل كدا يبقى الحكومة والدنيا كلها بطالة وفيها ويخطيها

من ابسط حقوقنا

ولايق علينا الدلع

تقدر تنكر ؟؟؟؟:drr05_32:

:drr05_17:

طب شوفي حضرات السادة التماسيح ( المراهق في عالم التماسيح يسموه ـ تمسوح ) بس يتخرج من السانوية ويبدأ رحلة ديسكفري بين الجامعات والكليات والمطافي حتى , وفي النهاية ينتهي بيه الأمر سواق ليموزين أو سكورتي أو ( كداد ) وأتحداكي تفهمي الأخيرة

يستاهل لازم يكرف

مو ذكر ؟؟؟؟:218:

الموضوع كان عن مين محتاج للجواز أكتر ,,, الولد أو البنت ,,, أتناقشنا شوية وزعقنا شوية وبغت تطول الأيادي شوية
ليه تزعقوا وتتخاصموا

بسيطه

اكيد انتو اللي محتاجيننا ومحتاجين الزواج

احنا ولا تفرق معانا :236:

بس رأفة بكم وبحالكم نتزوج منكم

حرام ... برضو الرحمه مطلوبه :214:

الوحدة قاعدة في البيت وأبوها لو قالتلو جيبلي يابابا القمر يقولها ( سم ) بفتح السيم ,

الله لا يحرمني منك يا بابا|238|

اكيد احنا موجودين عشان نتدلع

ونكرفكم

والتماسيح مساكين , يابوية أبغا سيارة , يطالع فيه كدا ويشيلوا ويحطو ويقولو لمن تحج البقرة على قرونها والمسكين يصدق ويروح يدور على بقرة تحج على قرونها ومايلاقي غير تووووووووووور ينطحوا وتووووووووووور يدوسو . معليش تمسوح أهبل

طبعآ لا زم يصير رجال

ولا تبغاه ياااااااااااااي
:220:

وإنتو الوحدة فيكم بس توصل السانوية تلاقي الماما والبابا إيش ماتطلب شبيك لبيك كل شي تحت إيديك ,,, حتى لو طلبت عريس يروحو يجيبوه من أقرب سوبر ماركت

ههههههههههه
من ابسط حقوقنا

وترا صارت

عريسي متخيرتوووو على مزاجي :drr05_22:

فين وصلنا ؟؟؟؟؟؟؟؟؟؟ هو إيش كان الموضوع أصلن ؟؟؟؟؟؟؟؟؟

والله مدري عنك؟؟؟

بس ما اشره عليك:drr05_89:

عموماً أنا داري إن السحالي دحين قاعدين ياكلو في بعضهم , وبالزات وحدة سحلية ماتقدر تسكت الله يعين منها
مين يا ترى دي السحليه ؟؟؟؟

تكفى عرفني عليها:164:

خليني أكمل شاهي الخميس حقي وبعدين أرجعلكم تاني منعنش آخر نعنشة ومتخشش آخر تخششة

بالعافيه على قلبك

بس اسمعني لاعاد تسبح في المناطق الخطييييره

ترا دي المره نفدت بمزاجي

المره الجايه

منجد بتطيح وماحدش سمى عليك

وقد اعذر من انذر

مبسوطه بمرورك

ومناقرتك تشرفني ^_^

ربي يسعدك << شفت اني طيبه :drr05_19:
:150:

*amula_beauty*

02-04-2009, 05:30 PM

ههههههههههههههههههه

الله يهديك يا زادي ..

ما تعرف تعطيهم على جوهم ..

لا يووووووووقف ..

انتا معانا ولا ضدنا ؟؟؟؟

:218:

حدد موقفك :drr05_89:

لست بكاتبة

03-04-2009, 12:33 AM

إنتي طحتي ولاحدش سما عليك :
وأنا بنت أبوي قدها وقدود
الدنيا دي تنقسم لأتنين ,,, سحالي ( إللي هو إنتم طبعاً ) و تماسيح ( إللي هو إحنا عز الله مقدارنا وحولنا وحوالينا ::
السحالي متلونات , ساعة تلاقيها سمرا وساعة بيضا وإزا عندها سهرة في قصر الضفادع إللي عند شجرة البرتكان إللي في البستان تلاقيها قلبت على أخضر ,,, لييييييييييييييييييش ؟؟؟

وأنتم يشباب السعودية من أي نوع أيش
تمساح ميندورو
أو تمساح النيل ذو الون الأخضر الغامق
أو تمساح الأمريكي مبقع بالأسود والخطوط الصفراء (في سن المراهقة على قولك) والبالغ بلون زيتوني قاتم .أخضررمادي.أوضارب الرمادي البني
يعنـــــــــــي يابروفسور
تقريباً نفس الألوان..محد أحسن من حد
بس أنا أقول أنكم تماسيح النيل أولاً أقرب لكم
ثانياً: كان يعبد من طوائف المصارية في القديم..وحنا الحريم..........

أما التماسيح ياعيني عليهم ,,, والله طيوبين وحبوبين وإللي في قلبهم على لسانهم ( كترة بلاهة بعيد عنك :: ) ,,, وتلاقي أي واحد فيهم مايجيلوا نوم في الليل عشان سحلية غمزتلو أو ( رقمتو ) وقاعد الأخ يحب في الموقف دا طووووووول الليل
مين فيهم غمز لمين
قعد يحب أحسسسسسسسسسسن
مين دور على سواقط خليه ساقط
فلا تقوليلي إحنا الحيرم الضعيفات ,,, قال ضعيفات قال :
حأعديها بكيفي لأن لواتكلمت حاعجزك بي الرد
فيه تخصصات كتيييييييييير ممكن تدخلوها ,,,
ليتنا كلنا من سكان جدة والرياض يابروفسور زادي..كان زماني دارسة اللي في خاطري.بس والله المدينة أحلى ماتتعوض بمدن الدنيا حتى لو تخصصي غير ماكان اللي نفسي فيه
ولاتنطق يابروفسور وتقول أنه في سكن ..موكل الأباء يرضوا مهما كانت النسبة

أو ( كداد ) وأتحداكي تفهمي الأخيرة :
مررررررررررره شاطر
جبت البعيده ..شايفني من كوكب تاني ..طيب
(ســـــــــــريح) وأتحدك تفهمها:::drr05_32:

بس عشان تعرفو حتى في غيابكم الواحد شايل همكم الله بس يفكنا منكم :: وإنتو ماتحمدو الله على النعمة الشريفة إللي إنتوا فيها ,,,

في هذي معاك حق ..صادق ثم صادق مـــــــــــاتقصرون ..تشيلون همنا بجد ومحد ينكر والله
ووقت الفعل الحقيقي
يوم تبغوا تـــــــــــزوجون تشيلون هم بنات الدول العــــــــــربية
قول وفعل مشاء الله عليكم رجال ينشد الظهر فيكم

الوحدة قاعدة في البيت وأبوها لو قالتلو جيبلي يابابا القمر يقولها ( سم ) بفتح السيم , وفي قلبوا سوم بضم السيم وإضافة الواو :
ماقول ..لا...بس موكل البنات ولا كل الأباء

والتماسيح مساكين , يابوية أبغا سيارة ,

شوف الدلع وليه مايعتمد على نفسه !!! ويجيب السيارة فعــــــــلا هو هذا نموذج شبابنا الله يعطيك العافيه..اتكاليه ..ماأدري متى تكبرون !!!!!!!!!!
وإنتو الوحدة فيكم بس توصل السانوية تلاقي الماما والبابا إيش ماتطلب شبيك لبيك كل شي تحت إيديك ,,, حتى لو طلبت عريس يروحو يجيبوه من أقرب سوبر ماركت :
أقرب سوبرماركت
ياترا سرتوا..ياشباب بالكيلوا ..ولا..معلبات
ههههههههههه

خليني أكمل شاهي الخميس
طبعاًموالسحالي هي اللي تسوي يارب ياتماسيح كله موية حارة وكيس لبتون

لست بكاتبة

03-04-2009, 12:44 AM

ههههههههههههههههههه

الله يهديك يا زادي ..

ما تعرف تعطيهم على جوهم ..

لا يووووووووقف ..

مشاء الله عليك يامعلم لا والله فنان
أصلاً أن حاطه عيني عليك واســـــــــــطه مو أبوك بالأمانة ..خلاص حل الأزمة وظفنا ..وخليك شايل شعار اللي ترفعه جامعتنا الحبيبة حتى في جريدة المدينة لقيت خبر أن جامعة الطائف تقول لاتكون الوظائف بالجامعة عندنا مثل جامعة طيبه تحت شعار خيركم خيركم للأهله مشاء الله ياأهل المدينة سمعة الواسطة على مستوى مناطق المملكة شيء يرفع الرأس وأنت ياسهيل شعارك لاتشيل هموا
في الختام
سوف أبتعد عن الثرثرةوالجدال في موضوع أمولة
لأنه احنا بعدنا كثيييييييييير عن موضوع أمولة وجهة نظرها
وسوف أقف في صمت إذا لم يكن مفيد لموضوع أمووووووووولة حبيبتي

dawaimeh

05-04-2009, 04:35 PM

أقول باختصار شديد :-

مو عبد الكريم الي قلبو أبيض صدقي يا امل ما حدا قلبو أبيض غيرك انتي اذا انتي بتهتمي

لهذه الناس المسكينة !!

واختك الشريرة :drr05_91: شو بدها في الناس الي قاعدة بسترزق ؟؟

الأمانة إنو يشيل بضاعتها هالمسكينة وهي جاية تجيب لقمة لأولادها ؟؟!!

أنا شفتهم في مكة بسترزقو بالحلال وفي منهم ناس بشحدو ( بطرُّو ) بالخليجي ..

يعني الأولى برأيي إنهم يسهلولهم سبيل للرزق ويعملولهم شوية تنظيم

أحسن ما إنهم يكبسوا عليهم بهذه الطريقة ....

قطع الأعناق ولا قطع الأرزاق ............. ودمتم بخير

هذه وجهة نظري .... وقلبك أبيض يا أمل

SOUTHSTAR

06-04-2009, 12:25 AM

أصلاً أن حاطه عيني عليك واســـــــــــطه مو أبوك بالأمانة ..

ههههههههههههههه

لا ابشرك يا وخيتي .. ابوي من زود القرف اللي شافه بالامانه تقاعد هالسنه ..

وبعدين معاهم حق اهل المدينه .. اللي مافيه خير لاهله مافيه خير للغريب .. واهل المدينه اولى واحق ..

ولا تشرهين يا لست بكاتبه علي .. ترا الشباب يحبون يشوفون البنات يوم يرتفع ضغطهم شوي ..

وللاسف انا من ضمنهم ..

دمتم بخير مره ثانيه علشان مانحور الموضوع ونخليه شات ..

طالبة الجنة

07-04-2009, 08:24 AM

|238|هلا والله بالغلا وكل الحلا |238|

هلا بحبيبة قلبى "أمولة"

إحم إحممممممممم ندخل فى الموضوع

شوفى ياستى أنا حتكلم فى الوضع عندنا نسيبنا دلوقتى من موضوع الحرم وإنه مكان عبادة إحنا حنتكلم على وجه العموم

أنا بجد مش عارفة ليه" البلدية" دول بيحطو البائعين فى دماغهم >> سؤال ما له من جواب

لا يقعدو يقولو القانون ومش القانون :218: خلينا ننظر للموضوع من منظور تانى

إنتو عارفين إن فيه نسبة بطالة ما هى بسيطة فى كل بلد .... الشباب ما بيلاقى شغل يعمل إيه؟؟؟؟

بيروح يجيبله شوية بضاعة ويبيعها عشان يلاقى لقمة العيش والمأوى اللى حيعيش فيه

هو لا يملك المال ليشترى أو يستأجر محل لبيع بضاعته

تيجى البلدية وبكل وحشية وهمجية وتسحب منهم البضائع اللى دافعين فيها دم قلبهم عشان يسترزقو منها وطبعا يدفع الشئ الفلانى لإسترداد بضاعته مرة أخرى

والله تحس كأنهم عزرائيل وهم داخلين عليهم >> تشوف الخوف والذعر على وجوه هؤلاء الغلابة

هم لا بيوفرو وظائف لهؤلاء المساكين ولا بيسبوهم يقلبو رزقهم >> هو يعنى يبقى موت وخراب ديار

بيقولو مخالف للقانون .... غير شرعى .... تخطى للحدود

طيب لو إتجهو للسرقة والإنحراف دا يسموه إيه؟:drr05_41:

والله خلااااااااااااص طفح الكيل المقاهى إشتكت من كثرة زائريها

إرحمو حال شبابنا المسكين

والله بجد مقهوووووووووورة بيصعبو عليا الله يرحمهم برحمته وييسر لهم أمورهم

"أمولة" مشكووووووووووورة يا عسل على موضوعك الراااااااااااااااائع

ربى يسعد قلبك