في أحد يحس انو حياتو مستاهلة ؟؟

[إسراء]

مساء الأنوار ..



رهيب عنوان الموضوع مو ؟؟ :cool:

المهم .. انا من النوع اللي احب مرة اقرا كتب المذكرات..

أو قصة حقيقة من حياة إنسان ..

بس هنا عندي سؤال مين يعتقد انو حياتو تستاهل انها تتالف في كتاب

يقرا الملايين ؟؟ و ازا كان الجواب ايوة .. ليه ؟؟

بس . . :SMIL:


أحب اني أعرف ..



غالي تحياتي

الأسطورة

[هنو]

مساء الفل ع الكل ====== بلله ماأنفع :cool:

وش مشكلتك بالضبط؟

لا ,, ومالقيتي تسألين ها السؤال بمكان غير ها المكان؟ :(

يعني ماشاء الله قالوا لك المواهب الي متسدحة يمين ويسار ولا

العقليات الي ماشاء الله تبارك الرحمن :confused:

إن كاااااااااااااااااان وحصل

أنا أقول إن كااااااااااااااااااااااااااااا ااااااااااااان

فأنا أحق وحدة لازم ينكتب عنها ^-^

ليش؟

بليز بلاش إحراجات ,, ياليت تتكرمين تستنبطين=== (يوه تعبت وانا

أكتبها :D )ها الأسباب

[إسراء]

هنو ؟؟

و الآخرة يعني ..

ابو فهد ما عندكم خاصية تعمل بلوك على العضو اللي ما ابغاه عشان

ما يرد :hap:

كتاب ها ؟؟؟

انتي يا امي هبالتك ما وردت على أحد فيبغالك مجلد كااااااااااامل




رحمتك يا رب

[فهد الاحمد]

كتاب .. وعنوانه .. الحزن المؤبد .. .. هذا عنوان كتاب قصة حياتي .


ليه ؟؟؟ انا اقولك ليه ...

نبدأ .. القصه .. ونبدأ مشوار الحزن.. وبالزبده


___ انسان .. متربي في بيئه فقيره جدا .. في منطقه من مناطق السعوديه .. واسمي الحقيقي قبل ما اغيره .. ( مشاخر ) تعقدت من الاسم وغيرته ..

الوالد .. يعطيه طول العمر .. كبير في السن .. ووصل لمرحله تخليه يتوقف عن العطاء .

والوالده .. ما تقصر .. بدعواتها لنا لنجاحنا في الدراسه والحياه ..

كنت .. اطمح .. في يوم من الايام .. ومن صغري .. اني اكون فنان تشكيلي .. من حبي وغرامي للرسم ..

ولو ان الوالد يطول من عمره .. كان يقولي ان الفن ما يوكل خبز ..

اجتهدت انا واخواني في الدراسه .. وبمعدل 92 .. دخلت جامعة الملك فيصل ...
وتخصصت هندسة ديكور في هذه الجامعه ..... ولعدم توفر التشجيع في المجال الفني التشكيلي ...

اضررت اني ادخل هندسة ديكور .. لأنها متعلقه بالفن والذوق ..

وكنت ابني آمال كبيره .. في هذا المجال ..
وتراودني احلام .. بالزوجه اللي بترافقني في هذي الحياه .. بعد التخرج من الجامعه .. والحصول على وظيفه ..

المهم ... استطعت .. ان اجتهد في الجامعه .. واتفوق على زملائي .

يوم التخرج من الجامعه ... كانت من اسعد لحظاتي في هذي الحياه .

اذ .. قدرت اتحدى واتخطى مر الحياه وصعوباتها .... وكانت فرحه ما تنوصف بالنسبه لي .. وزادت الثقه فيني .. وزادت آمالي .. ورغباتي في انجاز المزيد والمزيد ...
ومن بعد .. تخرجي .. بحثت عن وظيفه .. فلم اجد .. ذهبت .. الى معظم الشركات الصغيره والكبيره .. لكن لم اجد من يوظفني ..

وجلست .. 3 سنوات .. وانا على هذا الحال .. وكان خالي الله يطول من عمره .. يصرف علينا .. وما بنسى وقفته معنا ..

ضاق صدري .. تعبت نفسيا .. كارها هذه الحياه .. وراودتني افكار والعياذ بالله .. اني اتاجر بالممنوع .. لكن .. تعوذت من الشيطان و محيت هذي الافكار الشيطانيه الملعونه من راسي .. وقلت .. الله يكون في العون .. خلينا نصبر على هالوظيفه ..

ويوم من الايام .. قدرت .. احصل على وظيفه ..

والوظيفه هي .. معقب .. في احدى شركات المقاولات .. براتب .. 2000 ريال فقط لا غير .. والوظيفه هذي مالها علاقه كليا بالتخصص ... وشلون اكون نفسي ب2000 ريال .. وشلون اتزوج .. وشلون ابني لي بيت ...
احبطت معنواياتي ... كرهت الحياه اكثر واكثر ..

لكن .. قلت .. يالله .. هذي حال البلد .. نشتغل بهالوظيفه الين ما نلاقي وظيفه لها علاقه بتخصصي وبراتب احسن ...

وفعلا .. بعد سنة تقريبا .. حصلت على الوظيفه المطلوبه .. وبراتب احسن بكثير ... في احدى مؤسسات الديكور ...

ارتفعت معنوياتي ... وبدأت الهموم تنزاح درجه درجه ...

فكرت بالزواج ... وكلمت الوالده على انها تشوف لي بنت الحلال ..
واخذت قرض من البنك .. لأبدأ حياتي استعدادا للحياه الزوجيه ...

لكن .. للأسف .. مامن عائله تبي تزوج بنتها لشخص ماعنده مال وفقير مثلي ...
كرهت .. نفسي .. اكثر واكثر .. وطاحت معنوياتي اكثر واكثر .. وقررت اني انتحر ..

لكن .. تعوذت من الشيطان .. ومحيت هذي الافكار الملعونه الشيطانيه من راسي للمره الخمسين ... وقلت .. الحياه تستمر .. وقررت .. اني اسافر لبنان او سوريا او اي دول من هالدول واتزوج .. حالي حال الناس ..
لكن .. صعقت .. بقانون الدوله .. وهي منع زواج اي سعودي من امرأه غير سعوديه ..
وطاحت معنوياتي اكثر واكثر .. ضاق صدري اكثر واكثر .. كرهت الحياه اكثر واكثر ... وقررت .. اني .. اطلب لجوء سياسي في اي دوله غربيه .. لكن .. تعوذت من الشيطان .. وقلت في نفسي .. وش لك في ديره ماهي ديرتك ..
ويوم من الايام .. ومن بعد هذي المعاناه .. تعرفت .. على بنت .. واستمرت علاقتي فيها لمده خلتني اتعرف عليها بكل صغيره وكبيره .. حبيتها .. وحبتني .. وقررنا الزواج ...
وتأكدت في يومها .. ان الحياه صعبة لمن ليس عنده صبر ..

وفجأه...............

.. وانا راكب السلم .. لكي .. اصلح انارة الشقه الجديده استعدادا للزواج.
ما قدرت اتوازن .. وسقطت على الارض .. على نفوخ رأسي ..

و أدى .. سقوطي هذا الى الشلل .. من القدم الى ساق ...

وضاع الامل ... وضاعت الطموحات ... وضاعت الاحلام ... وصارت الحياه بالنسبه لي بدون معنى ...

وانا الحين .. مالي الا هذا الجهاز اللي قدامي .. انفض مافي قلبي من هموم ...

وهذي قصة حياتي .. ومعاناتي .. وصحيح ذا قالوا للصبر حدود .. مامن صبر من بعد هالمصيبه .. ومامن حياه من بعد هذي الكارثه ..

وطرحت .. هذي القصه .. لطاش ماطاش .. وقالوا لي .. قصتك هذي سياسيه .. ولا تودينا في داهيه .. ما نقدر ..

وطاحت معنوياتي اكثر واكثر .. وكرهت الحياه اكثر واكثر .. والسلام عليكم ورحمة الله وبركاته ....::]

[فهد الاحمد]

وانا الحين مبسوط وحاط رجل على رجل .... الله يكفينا الشر قولوا امين ....

عارف يا ابو فهد .... تبي تضربني بكس ({) صح؟؟

:hap:

على العموم .. هذي قصة حياتي الخياليه على الطاير ...... وشكرا


تحياتي لكم .............................. ............ فهد الاحمد

[هنو]

وخروا شوي الله لايهينكم أبي اتفاهم مع فهد الأحمد :mad:

::] ::] ::] ::] ::]

انت عارف لو الادارة بيدي كان أقل شي ألغيت المعرف حقك :D

بس قبل ماألغيه ارسل لك برايفت مسج أكتب" عاجل وهام " أرسل

فيه فايروس ماقابتهوش ولادة :D

خلك تعيدها مرة ثانية :(

خلاص اخنقتني العبرة و ابي أبكي ::]

لو اني مشرفة كان حذفت كل ردودك لمدة شهر واكتب مكانها

محذوف لعانة

[فهد الاحمد]

عارف يا هنو ..... ودك تضربيني بكسسسسسس ({)

والحمدلله اني موب جمبك ... لكان صارت علوم ...... والمعروف ان يدك كبيره والبكس اللي المفروض يجيني قوي ....({)

الله يكفينا الشر ............. ;)

تحياتي.................