والله والله نكته حلوووه .. دش اقراها

[افراح]

شلونكم
بقول لكم نكته واجد حلووووه بس عاد ضحكوا مو تفشلوني
واذا عجبتكم وزعووووها بشرط تقولون مصدرها اني انا اللي قايلتها
واذا ان شاء الله انتشرت .. راح اسجل حقوقها
ويمكن اسويها فيلم
ومو بعيده انا ل جائزة الاوسكار عليها .. ولما طبعا انال الجائزة بيصير اقبال
على الفيلم وبالتالي تزيد ارباحي
وطبعا لما تزيد ارباحي راح افكر اشتري اراضي وادش اسهم واضارب بالبورصة
المهم راح تجيني مليارات
واذا شفت الفلوس زايده
راح اوظفها بشركات النفط والطيران يقولون مكسبها مضمون
الله يسلمكم هذه النكته ظليت فيها شهور وانا اسويها وعدل فيها وضبط معانيها
يعني مو بسهاله جت .. شقا ليل وشقا نهار
شفت الضيم لين طلعت للنور
حتى لما خلصت اذكر جوني الاهل والجيران والاصدقاء وزملائي بالجامعة
والاساتذة والدكاتره وحتى طبيب المستوصف اللي في منطقتنا جه يبارك وفيه منهم
دز برقيات وفي منهم نشر بالصحف تهنئة .. المهم ذاك اليوم بيتنا انترس ناس
لدرجه اتصلنا في الشرطة عشان ينظمون السير في منطقتنا
ولما عرفت المنظمات الثقافية ومؤسسات النشر بالنكته مالتي بادروا الصراحة
بالاتصال فيني وعرضوا مبالغ ضخمة عشان ينشرونها .. بس الصراحه ليما الحين
انا متخوفه انشرها ليش .. لان النكته جديدة وخايفه احرقها
عشان جذيه سامحوني ماقدر اقولها
والله .. خايفه احرقها

[شوق الصبر]

الأخت العزيزة أفراح،،


عسى ماشر؟؟؟؟؟؟؟؟؟؟؟:confused::conf used:

[ابوفهد]

http://www.alhusam.com/vb/images/myicons/11.gif


مراحب افراح

شفتي وشلون انا ميت من الضحك عليها ::]

بس انتي ديزها لي وانا احفظها لك من السرقة

وأمن عليها عند شركات التأمين العالمية

ضد الحريق

بس الشرط اربعون اتفقنا :hap:

[BackShadow]

يسعدلي مساك افراح


طمنيني بس ... وزير المواصلات اتدخل في الموضوع هذا

يعني اذا ما وصلت لوزير المواصلات فاحنا بخير


بس اذا وصلت بيسوون خط سريع قدام بيتكم

علشان السياح اللي بيجون عندكم علشان يسمون النكته :devil:


لا حول ولا قوة الا بالله

اسمعي كلامي يا بنتي ومري على طبيب المستوصف اللي جمبكم



مع تحياتي

[افراح]

واي .. بو فهد .. لاتموت من الضحك
بسم الله عليك
ترا حنا نبيك
خلاص بعد ماروح اقول نكت حلوه
عشان لا يصير فيك شيء
- - - - - - - - - - - - - - - - - -- - - - - - - - - - -
اخوي المدير الاداري
جن النكته مو عاجبتك
عموما انا ترا ماقلتها بعد
انتظر اشوي
لان الصراحه فيه اساتذة من الجامعه وزوار من بره جايين الحين
والنكته عندهم وجالسين بالفندق يتدارسونها
وحاطين عليهم حراسه من الدوله
يارب ان شاء الله يكون لها ردة فعل عالميه
انتظر انتظر خل انشوف
- - - - - - - - - -- - - - -- - - - - - - - - - - - - - -
شوق الصبر
انت كلك صبر وذوق
النكته والله حلوه بس انتظر اشوي
النكته لازالت في دور الدراسة
انا سمعت ان منظمة اليونسكو تدخلت تبي اتشوفها
عموما خل انشوف النتيجه اشلون راح اتصير
انا متفائلة بالخير

[المتمرد]

مررررررررررررة تموت من الضحك::[

[ملكة البحار]

هههههههههههههههههههههه ع الردود

تسلمي افراح :)