ممنوع الدخول من فضلكم .. بجلس لحالي

[افراح]

واي .... شحقه داش
انا مو قايله ممنوع الدخول
هههههه
صج لقاااااااااااااافه
يعني اشلون
مايصير اجلس وحدي
ممنوع يعني ولا تبي بس تنبش ... يمه منك
بعدين ...
كيفي .. صفحتي وانا حره فيها ......صح
بكتب خواطر
بكتب سوالف
بكتب اللي اكتب
مايصير تقراااااااااها

[افراح]

ايه يافرووووحه شنو تبين تكتبين
ايه تذكرت .. بكتب عن الثقافه .. وبسأل روحي طبعا
فيه ثقافه اليوم .. وشنو نوع الثقافه اليوم
هل هي مثل قبل ولا تغيرت ولا ازدادت عمق وقوه
والله .. انا مو شايفه ثقافه بمعناها القديم اللي سمعناه
اللي شايفته شوية قنوات فضائيه صايره مثل القرقيعان
ونت 24 ساعه منقعين فيه .. نتنقل من مكان لمكان
الثقافه لازم تكون مذهب ومبدأ وعلم
ولها روافد وابواب
حتى مناهجنا الدراسية صارت مستورده وخرابيش
اطفالنا صاروا مسجله يرددون المنهج ولا هم يدرون شنو يقولون
اول غير .. انا سمعت ان المناهج القديمه كانت تعتمد على معلومات
وعلى حب للارض والوطن والانسانية وتاريخ يتحرك
حاله ..
انزين انت ليش داش ..
ممنوع الدخول ..
بجلس لحالي من فضلكم
ههههه .. ماكو حريه يعني

[بخيت]

صح

[افراح]

اخوي بخيت
قوه
عاد انتوا الكبار مانقدر نقول لا تدشون
بس يعني لو انت طاق الباب .. مو احسن
الا قولي اخوي بخيت
شرايك في الحب .. طبعا الحب انواع .. صح
فيه حب الطبيعه .. وفيه حب الوطن .. وفيه .. وفيه
بس انا اذا تبي رأيي
انا افضل حب هذا المنتدى
تدري لو حبيناه .. راح ينافس اكبر المنتديات في النت
يلا
يلا كلنا خلونا نحبه
وعشان نحبه لازم نترجم هذا الحب لعمل .. صح
والعمل يتطلب جهد وتعب ومثابرة
وانا اول وحده بحقق هذا الحب على ارض الواقع
خلونا نحبه بعمق وقوه

[افراح]

وعشان يتحقق اكثر هذا الحب
احفظوا عنوان منتدانا الدرر
اكتبوه بورقه اصغيره وخلوها في جيوبكم
وزعوها على اصدقائكم
واذا كنت موظف
وزعه داخل محيط عملك
واذا كنت طالب بالجامعه او دونها احرص بان توزع منتداك على اصدقائك
شي حلو انك تدش منتدى الدرر وتشوف اصدقائك في العمل معاك يسولفون
ويناقشون ويشاركوون
انا بالنسبه لي
يعلم الله سبحانه اني وزعت منتداي على صديقاتي
انتوا بعد
نبي مشاركتكم
وابي تقولون لي كم وزعتم عشان اعرف ان كلامي تحقق
صح
يلا
انطلقووووووا

[بخيت]

لك مستقبل :)

شوفي ياستي

لما يسجل اي واحد في خانه تجيه ممكن يكتب فيها اسم الي قاله على المنتدى اذا سجل اسمك ( مثلا ) راح تنحسب لك نقطه

ولو الي سجل اسمك سوى دعوه لاحد هو يعرفه راح تنحسب له نقطه ولك نقطه وهكذا ..

والحين عندنا اعضاء يملكون عدد لا باس فيه من النقاط :)

يله سدي حيلك ونافسيهم .. على فكره هذا الكلام ابدا ما احد كان يعرفه ولا المشرفين انفسهم .. بس شفتي كيف حبك للدرر طلع اشياء مشجعه للإعضاء :)

صح ؟

[المتمرد]

عفواً دخلت بالغلط توي عضو جديد ماعرف وين أروح عبالي هذا موضوع الأخير:hap:

[افراح]

اخوي متمرد
بسامحك عشان انت جديد
بس شد حيلك معانا زين .. ابيك متميز
ابي اشوف مشاركاتك وابداعاتك ..

اخوي بخيت
اكيد كلامك صح
الصراحه شي حلو تفاعلك معاي . انا مستناسه انك متجاوب مع طرحي
اتمنى الكل يتجاوب معاي مثلك

يقولون الخطوة الاولى صعبه
بس بالتصميم تصبح الخطوه سهله .. ومو بس جذيه
اكيد راح تتبعها خطوات وخطوات

المجد لا احد يصنعه
اهو موجود مثل الاثير موزع بينا وجاهز
لكن يحتاج من يحركه ويناديه

[المتمرد]

ok الأولى سامحتيني عشان جديد

الحين سامحيني عشان عملت كروت دعوة لأكثر من عشرين عضو:hap:

هاه ينفع؟

[ناصر الأحمد]

مادري وش السالفه

بس لقيت ممنوع الدخول :D

يعني ماني ملقوف ابد :D

:hap:


بخيت


الحين الواحد يسجل مره وحده

واسمي شكله جاي مع البرنامج:D موانا الي مسجل
شلون بعرف انك سويت تسذا ::*

>>>>>>المشرفين جايبين له الصمرقع :D


الهههجه قبل ماتجي فرح :hap:

[افراح]

اخوي المتمرد
هاأنت تبدي حبا مبكرا لمنتداك بارسالك هذه الكروت
ممتاز .. وتصرف عاقل حكيم .. يدل على وعيك وتميزك
الاخوان هنا سيقدرون حتما تجاوبك وعشقك
بالنسبة لي
انا افضل اني اكون خارج التغطيه
عشقي وحبي لمنتداى سيدفعني لابتكار طريقه خاصة بي
انتظر
وسترى النتيجه ان شاء الله

اخوي كشف
بصراحه ماعرفت اقرأ اول اسمك .. غلج يعني صعب
المهم .. مدري شبتقول
الظاهر هذه شفره بينك وبين اللي طريت اسمه
مو مهم
ان شاء الله يرد عليك

[ابوفهد]

الاخت الكريمة افراح

ممكن ادخل الله يسلمك :SMIL:


مشكوره هذا من كرمك بس


طيب افكار رائعه وصفحة اروع باسلوب جذاب ;)

فعلا انني عاجز عن شكرك على هذه الصفحة

ففيها من الكلام اللي يشرح الصدر الكثير

وفيها معاني للحب كبيرة

فلن يعادل حبي للدرر حب احد من الناس

هى عقلي وفكرة وانيسي بوحشتي

هى كل شيء في حياتي حتى ان اولادي

اعتبروها الزوجه الثانية لي ويخافون من الثالثه ;)

لذلك يقولون خلك على الثنتين وبس :hap:

لكن معصى الدرر هى الدرر ومالها ضـــره ابد


افراااااح

فعلا لقد كبرتي في عيني

ومكانتك اصبحت بالعالي على هذا الدعم الصادق

لمنتديات الدرر ولو بواسطة هذة الوريقة الصغيرة

كم لها من مفعول كبير في النفوس

جزاك الله عنى كل خير

تحياتي

[افراح]

اخوي ومعلمي الاستاذ ابو فهد
مشكور على كلامك العذب الرقيق اللي يشبه نسمه حلوه على وردة متفتحة
في صبح جميل .. فغدا كلامك عطر يفوح في صفحتي المتواضعة
ماألومك على حبك وعشقك لمنتدانا درر فمن يدخله ساعة يعرف كمية التعب اللي
ابذوله اصحابه في اخراجه بهذه الصورة الجميلة اللي تسر العين وتريّح البال
ويعرف اكثر ان اللي فيه نخبة طيبة من شباب امتنا العربية الاسلامية اللي تبحث
عن كلمة طيبة وعلم تستفيد منه
كلنا اهنيه اسرة وحدة
كلنا اهنيه محبه تنتشرعلى بعضها
تجمعنا الكلمة
وتدفعنا الرغبة
بان يكون منتدانا ان شاء الله من المنتديات المتميزة
ويزيد الغلا لمنتدانا كلما دشينا بلهفة العاشقين والمحبين
مثلك تماما ..
وبحرصك ولهفتك تماما
اشكرك على مرورك الكريم
واشكرك على تشجيعك
والله يحفظ الجميع

[افراح]

فرووحه
انتي مستانسه صح
عشان بوفهد مدحج ودعمج بكلماته القوية والمباشرة
طبعا فرحانه .. ومستانسه تدرين ليش .. ..
لاني لمست في كلماته رقة ورغبه بانه يقدم شي لامته .. شيء يمكنهم
من انهم يحققون بكلامهم وكتاباتهم ماعجزت عن تحقيقه اللجان والاجتماعات
العربية .. وهذا شي مفرح ومبهج
رائع انه نجد شاب من امتنا العربية يتجاوب بهذا الشكل المرن مع اخوانه
من كل الاقطار المحيطه به .. يريد ان يجمعهم في مكان رائع
حيث الكلمة والمحبة والبناء
اليوم اصبحت المنتديات مهمة .. وبدأت الدول تهتم بقرائتها والاخذ
بالاراء المطروحة بداخلها .. انها بكل صدق اشبه بالبرلمانات المفتوحة
حيث يمكن لكل شخص انه يشارك برأيه بل ويمكنه انه يصوت او يطلب
التصويت .. انه عمل وهدف سامي عظيم
عرفتي الحين ليش انا مستانسه

[افراح]

انزين فرووحه شنواقتراحتج عشان يكون المنتدى متروس ناس ؟؟
--------------------------------------------------------------------
- تبين الصج .. عشان المنتدى يكون معروف وقوي لازم اصحابه يهتمون في شغلتين
الاولى يكون هناك درة للشؤون الاسلامية والثانية درة للسياسة

بس فرووحه موضوع السياسة عوار راس ومشاكل ؟؟
--------------------------------------------------------
- من قالج عوار راس .. هذا الشي يتوقف على المشرفين اذا كانوا ملتزمين بقوانين
المنتدى ومحايدين مستحيل يصير عوار راس .. بعدين اساسا هذه المنتديات انحطت عشان المواطن العربي يتكلم يسولف يقول اللي في قلبه .. بعدين عشان يكون عندك
كتاب له ثقل لازم تحط لهم منتدى سياسي

والله انتي مشكله .. انزين يافرووحه وشنو بالله المسموح والممنوع ؟؟
------------------------------------------------------------------------
- المسموح انك تتكلم بكل شي بحدود الادب واللياقة ..
تقول رأيك بمنطق وأدلة .. تتكلم بحرية مقننة .. تنتقد تقدم اطروحاتك
اما الممنوع .. فهو انك تعرف ان حريتك تتوقف عند حرية الاخرين بمعنى ان
الكاتب لازم يلتزم باخلاقيات الكاتب فلا يسب ولا يقذف احد ولا يخلق مشاحنات
او يكتب في مذاهب تخلق بلبلة بين الاعضاء .. وانه ماتكون كتاباته تصفية
حسابات .. اذا التزم الكاتب بهشغلتين يكون عضو فاعل في المنتدى
السياسي .. وراح يشوف كل اللي يكتبه ينشر

اي اي قولي جذيه من الاول .. انتي تخططين عشان تكونين مشرفه بالسياسي ؟؟
-------------------------------------------------------------------------------

- مجنونه .. الحين منو اللي سأل انا ولا انتي .. صج ام لسانين

[افراح]

تدرين شنو مواصفات المشرف الناجح
شنو يافرووحه والله دوختيني
سمعي .. اول شي يترك انه يكون شرطي ويراقب الاعضاء شنو يكتبون .. ويتفرغ
للابداع .. يعني يكتب ويشارك ويحاول يسوي درته احسن دره بالمنتدى
بس فرووحه لازم المشرف يراقب كتابات الاعضاء
صح .. يقرأ اللي يكتبونه وبس .. مايحاول يشطب ويتدخل ويضايق خلق الله
مره ينقل ومره يشتكي ومره يخشبط .. القصد انه لازم يطور ويبدع .. واذا
شاف ان عضو مشاغب او يكتب شغلات ممكن اتسوي مشاكل يكلمه وينذره
فاذا تجاوب تمام .. واذا عاند واستمر يكلم الاداره وخلاص ..
قصدي لا يشغله احد عن الابداع
فرووووحه .. انتي بنتطردين
هو .. شحقه انطرد
مدري حاسه ان كلامج ماراح يعجب البعض
لالا .. لاتخافين .. انا اتكلم بحب وبتجربة .. بعدين انا ماجبت سيرة احد

[افراح]

تعالي فرووحه اتصدقين اعجبتني فكرة درة للسياسه
والله
اي والله .. ليش ماتكلمين ابو فهد .. والله خوش ريال وممكن يوافق
سمعي .. المشكله مو اني اكلمه .. اهو صح خوش ريال وممتاز بعد .. بس المشكله
اني مو عارفه لغاية الحين سياسة الدرة
هو .. بعد شنو هاذي سياسة الدرة
واي صج انج اميّه .. سياسة الدرة يعني قوانينها ليش انحطت شنو يبون منها
اي الحين فهمت
الحمدلله انج فهمتي
اي بس هذا مايمنع انج تكلمينه
يعني انتي شايفه جذيه
اي والله انا شايفه مافيها شي .. يالله توكلي على الله وكلميه
تبين الصراحه .. مستحيه اكلمه خليها بعدين
يمه منج .. انتي تستحين