__ (( مطبات بسبب اللغة الإنجليزية )) __

[zadi]

ــــــــــــــــــــــــــــــ ـــــــــــــــــــــــ



[color=#8B0000]السلام عليكم ورحمة الله وبركاته

في بداية تعلمي اللغة الإنجليزية , حدثت معي طرائف كلما أتذكرها أضحك عليها كثيراً .

وقد كانت لغتي في البداية ( طبعاً تعليم مدارس حكومة ) لاتتجاوز على قولة الممثل المصري ( اللمبي ) يس و نو و أيام دونكي : ) :206:
وشوي شوي تطورت الأمور بالممارسة وعوجة اللسان وتغليب لغة الإشارة إليما إللي قدامي يفهم يعني يفهم , غصباً عنو . :152:

مرة زمان كنت في بلد أجنبي ودخلت الغرفة في الفندق وأخوكم ( عليمي ) مو عارف كيف يشغل النور الأساسي في الغرفة ؟؟؟ !!! :drr05_37:

سويت فيها ولد ( إنجليزي ) ومسكت التلفون وعلى الرسبشن :
أنا ـ سلام عليكم , هاي ( كان الوقت مسا يعني كان المفروض أقول قود نايت على الأقل ) :drr05_60:
هو ـ يس مستر ألقامدي هاو كان آي هلب يو ؟
أنا ـ ياشيخ زا لامب إز نت أوبن !!! :drr05_81::drr05_81:
هو ـ سوري مستر ؟ :drr05_28:
أنا ـ أقول زا لامب إز نت أوبن !!! سند ذا مان فور أوبن زا لامب !!! :212:
هو ـ يس يس أوكي مستر ألقامدي .
طبعاً الحكاية أنتهت بعد نص ساعة وأرسلي واحد من الروم سيرفس أنهى القصة لمن جا وأشرت له على اللمبة وبالعربي قلت له ( ولعها ) والرجال فهم المقصود بعد ما شاف عيوني تصك وتفك وعرف الموضوع . :252:

كمان كنت أحوس لمن أوصل بلد ويطلبو مني تعبئة نموذج كرت الوصول , وكانت الحوسة إللي مافهمتها غير ( قريب ) في كلمتين ثنتين هيا ( male / female ) :289: هذي كانت تطفشني ومدري ويش معناها , أحياناً كنت أتركها فاضية وأقول في نفسي هما يأشرو عليها ,,, وأحيانا كنت أسوي عليها حادي بادي واأشرعلى شالو وحطو كلو في هادي ,,, وزي ماتطلع .
فتصور أأشر على female وحق الجوازات يلاقي ( أبو شنب ) قدامو :drr05_21: ,,, وألاقيه يبحلق فيا كأنو أول مرة يشوف بني آدم , وأنا ولا عليا فيه ,,, :229:

وموقف كمان , كان عندي مفاهمة مع واحد سكرتير مدير ودي أتقابل معاه بره البلد , وقعدت أتكلم معاه كويس وبلغة صحيحة إلين جينا عند تحديد موعد المقابلة , فقلت له كلمة date بدل كلمة appointment وطبعاً الكلمة الأولى تستخدم أكثر بين المحبين والعشاق وأنا أستخدمتها في تحديد موعد عمل ,,, لقيت الرجال شوي وبيضحك بس مستحي مني . :266:

ـــــــــــــ

المهم حبايبي
طبعاً أكيد معظمكم مر بهالمواقف إللي ( عرق وجهو ) منها وحمر وخضر ,,, :130::130:
ودنا نسمع ونضحك . :206::206:
هاتو ماعندكم .

[صدق الوفاء]

السلام عليكم ورحمة الله وبركاته

يسعد مساااااااك حبيب قلبي

يعني بتديت مع الراجل ومو عاجبك نظرة العسكري

هههههههههههههههههههههه

والله يا كثر المواقف بس اغلبها ماتنفع للنشر هههههههه

افتكر واحد من الشباب واحنا دوبنا داخلين على الأسماء حب يسوي فيها خواجه

وراح يسأل واحد خواجه ابً عن جد إذا كان متزوج او لا وقال له Are you my husband

لأنه ملعق وماسكه معه My sir وكل شي عنده my ههههههه

عاد تعرف 4/3 الكلاس طيبين ونيتهم صاااااافيه وما علقو على الموضوع

حتى المدرس حمرت خدوده ودمعت عيونه من الخجل >> يا خسارة تعليمي خخخخخخخخخخ


يسلموووو على هيك مواضيع يا كبير

خليتنا نرجع ورااااا كم سنه

إحـــــــــــترامــــي

صدق الوفاء

[*amula_beauty*]

ههههههههههههههههههههههه

يارب يسعدك ياشيخ

منجد اسعدتني وطييبت خاطري ....

اكثر شي ضحكني ....
انو (عيونك تفك وتسك ) هههههههههههههههه
متخيله شكلك والله:drr05_28:

**********************
وكمااان تختار بين الmale & female

حادي بادي :206:
****************************** *****
وجبت العيد لما قلبت المقابله لموعد غرامي :152:

اخويا ابو دم خفيف:
*·~-.¸¸,.-~*zadi*·~-.¸¸,.-~*

ياربي يسعدك

[وردة وردية]

زادي

طبعا أنا هنا ليس لاجل اكتب موقف طريف حصل لي

بل بس لأقرأ واضحك :drr05_81:

لأن احنا البنات دايما شطار :214:


أما الشباب بالعافية يرحون المدرسة:drr05_37:

تسلم يا زادي

[عابده لله]

وعليكم السلام ورحمة الله وبركاته

هلا بزادي قلب الأســد
:)


والله مواقف خطيرة ضحكت من قلبي وأنا بقراها
ذكرتني بأول مرة قريت فيها الورقة اللي جننت
البنات لـ محمد ملك العالم ربي يذكره بالخير ويوفقه
وكنت في البيت أنا ورحاب الله يذكرها بالخير
وكنا ميتيين من الضحك عليها .( كانت أيــام ).
:)




عن جد وحنا صغار _ ويعني للحين بعد http://www.dorarr.ws/forum/uploaded/286/2256.gif
علينا هبقات وزلات فظيعــه

خذ عندك يا سيدي
لما كان عمري 12 سنة , كنا بمطار
هيثروا راجعيــن وكان معنا صديقة
عنجليزية __ أم اللغة :206: ومعها
بنتها فقامت بنتها وهي بتودعني تقولي :

I love you
ومن شطارتي وعبقريتي على
طول رديت عليـــها وقلت
Too me http://www.dorarr.ws/forum/uploaded/286/0243.gif

بدل ما أقــول
Me too
تهاويــل يا أخــي :212:
بعمري ما أنسى هالموقف :drr05_37:


هذا ما غير المطبات في المطاعم والإحراجات
خلني أتذكر صفحة من بلاويه مع شوية مطبات
وراجعــة لكم
http://www.dorarr.ws/forum/uploaded/286/a5.gif

.
.

عابده

[أحمد السعيد]

*
*

ابو عبدالله ياخي انت عليك طلعات مال أمها داعي :drr05_19:

مره كنت في سوق وطالع منه وفيه كم محل كذا في الدور الثاني وانا طالع من السوق الا والي انا خارج من عنده يقولي ها مبسوط الحين وابغى اسوي فيها ولد عنقليزي واصرف له جمله زي حق صدق الوفا

ولا ينط الا واحد سوداني والله من الدور الثاني وبكل صوته في السوق :

آآآآآآآآآآآآآآآآآي
انقليزي شنو المكسر دا ياخ

أم أم التحطيم ياشيخ :240:

ماعرفت امشي والا أعرّق والا ابكي والا اروح اتوطى في بطنه :178:

المهم بلعت العافية وطلعت من السوق وانا احس السوق كله يضحك علي

بس الآن وبما اني صرت ولد عنقليزي

فصر ت أتذكر هذي السالفه واضحك واقول السوداني نفعني ماضرني الله لايضره هههههههههههههههه

وحشتاني يا ابو عبدالله

الموضوع هذا نكمله في النورس انا وانت والمحيا وصدق الوفا وحسونه وبقية الحلوين إن شاء الله :drr05_19:


احمد

[{البحر}]

الموضوع هذا نكمله في النورس انا وانت والمحيا وصدق الوفا وحسونه وبقية الحلوين إن شاء الله :drr05_19:


على يدك يااحمد
لسه البارح اكلم حسن في الموضوع هذا
وحشونا الحبايب وقفشات الحبايب


زادي ياعسل...
كان على عيني موقف حصل لي بس اخوك بلبل في العنقليزي ولاالخواجات نفسهم يقدرو يغردو بالانجليزي زيي :206:


تحياتي

[همسة عاشق]

hi dr.zadi
<< نسي إختصار مستر قام حط دكتر خخخخخ
i miss u too mush
<< من البداية بيسوي إنو يعرف إنجليزي كويس خخخخ

عيبنا يالعرب أول شي نتعلموو السب والكلمات البذيئه في أي لغة وبعديين ممكن نتعلم غيرها
شوف الصغار أول ما يتعلم يروح يسمع الأغاني وخاصة النيقر أو زي أغاني أو زي أغاني إمينيم ومن عدالة الأغاني كل كلماتها من الجزام ونااازل

عاد انا في المواقف مع الإنجلبزي وغير الإنجليزي بس عد وأغلط

وخااااصة لما كنت شغال في محل الملابس ياماا صارت لي مواقف مع اجانب وأنحشك فيها بس ربي يستر عليا خخخخخخ


من المواقف اللي صارت لي ::

دخلت وحده عندنا المحل ومن شكلها يبين أجنبيه طبعا رجبت فيها وقعد اوريها الموديلات الجديده طبعا كالعادة ياسعاده لغتنا الإنجليزية البيرفكت بسبب تعلمينا الحلوو
طبعا أويها الموديلات وأقولها عندنا مقاسات منها وأحاول أمدح في اللون أو الموديل
ذيزز إزا ذا نيو كوليكشن
زيز إيش ذا ......... <<بعدخا أبدأ أتنح مني عارف إيش أقول زياده

وفجأة ألقاها تتكلم معايا بلهجة جدااويه وتقوولي طيب عندهم فروع غير هذا الفرع <<< طلعت سعوديه << يا كسيييفه
انا طليت فيها وقلت لها ما تهرجي من الصبح وانا قاعد أبربر ومسوي إنجليزي :@

مرره تانيه
جاني واحد أجنبي وطرطع مني خخخخخخخ
دخل واحد مدري إيش جنسية أهلوو وقالي دي يو سبيك إنجلش
عاد من فصاحتي قلت لوو شوور أم كان سبيك إنجلش
فجأة لقييتوو يتكلم يتكلم ويتكلم وانا تنحت مني عارف إيش بيقول << هرجوو كان مرره سريع يادوب لقطت بداية الكلام
وبعدين أنا علشان لا أتفشل أقوولو اها يب ياس
وفجأة سألتني << عاد انا طليت فيه قلت لوو أأأي دونت أندر ستاند وت يو سي
وجهوو قلب ألوان وقعد يبربر وطلع خخخخخخخخخخخخ


الموقف الثالث :
دخلوو اتراك على المحل عاد أنا إنشكحت من زماان ما إتكلمت تركي >> عندي العيلة كلها يتكلموو تركي بلبل إلا انا مررره بسيييطه لغتي
المهم أول ما شفتها قعدت أرحب بيهم بالتركي
وسألتهم من أي منطقة وأنا مطقتي في المنطقة الفلانيه
<< على قوولتهم كل اللي في مخي من الكلام التركي قلتوو :)
بعدها عااد قعدوو يتكلمو هما ويهرجوو معايا أنا قلت لهم ستوب وقعلت إنجليزي خخخخخخ
قلت لهم إنوو يادووب دا كل اللي أعرفوو بالتركي وما أفهم تركي كويس :)
<< حسيت نفسي مررره مالي داعي لييه اتفلسف إذا ما في راسي هرج خخخخخخخخ

التكملة بعديين :)

بررب <<< جاتني شغلة ولازم أطلع

[همسة عاشق]

عم أحمد
و طلوو

أبشروو الأسبوع دا إن شاء الله بننسق على جمعه :)

[Diamond Girl]

الصراحة أنا إنجليزيتي كويسة بس ساعات أتنح :drr05_79:

لكن ما أفتكر موقف عكيت فيه غير الطلبات إللي في المطعم وأعتقد هذي كتير مانوقع فيها كلنا ما أدري هوا من كثر الجوع تضيع الكلمات :drr05_01:

مرة رحت أنا وأهلي مطعم هندي وأبغى لبن ونسيت إيش يقولوا للبن بالإنجليزي من كثر الحوسة قمت قلتله بليز قف مي لبن :drr05_28:

<< أبو الإنجليزي الملخبط بالعربي

بعدين انا عندي ملاحظة كلنا ولله الحمد نستخدمها :269:

إننا نجمع الكلمات الإنجليزية بالعربي مثلا

باص نحن تقول باصات المفروض جمع باص باصز

كمان مسج المفروض جمعها مسجز مو مسجات وغيرها كتير

<< أبو اللغة إللي نتكلمها

أتمنى ما أكون طولت عليكم :252:

تحيـــــــ DiAmOnD GiRl ـــاتي

[*amula_beauty*]

باص نحن تقول باصات المفروض جمع باص باصز

تحيـــــــ diamond girl ـــاتي

هههههههههههههههههههه

هدي عجبتني ......

بس خلينا نقوووول (حافلاااااااااات ) احسن

ربي يسعدك يا قمر

[ايفا مون]

أضحك الله سنك اخي زادي

لي عودة بإذن الله

[همسة عاشق]

عدنـــــا <<< إشبنا في سبيس تون خخخخخ

مواقفي أنا في الإنجليزي بالهبل ولا أحسد عليها

موقف في الجامعة بما إني شغال في جامعة الملك عبدالعزيز في مركز اللغة الإنجليزيه << أبو الحشكه خخخ
فلازم أيام الإختبارات نروح نراقب في إختبارات طلاب الإنتساب
مره من المرات قلي الدكتور أي واحد ما عندو بطاقة أكتب على ورقتوو إنو ما عندو بطاقة
عاد أخوكم فالح من جد بيكتب بالإنجليزي على ورقة الطلاب :)
وواحد منهم بدل ما أكتب no ID card كتبت on ID Card المصيبه فيين عديت من الطالب وشويتين الدكتور يناديني ويقوولي إيش كاتب هنا وأنا بكل فخر نو آي دي كارد خخخخخخخخ
عاد لما قالي that on --- off not no--- yes عاد وجهي صار زي الطومااااطم :$

وموقف صار لقريبتي
كانت في أمريكا دوووبها داخله المطار وطبعا أختنا في الله أح بح في الإنجليزي (اح بح = ما عندها سالفة= أبيييييض )
فبتسأل الموظفة عن البوابه قامت قالت لها وير إز دا قي ( قي = شاذ ) طبعا الموظفة تقولها وت ؟؟؟ قامت قلبت بالإشارة تكلمها وتأشر ع البوابه وأخيرا فهمتها وقالت لها قيت نوت قي ههههههههههههه

وهذي قريبتي التانيه ::
جا خطيبها بيقولها إنتي كيوت عصبت منوو تحسبها سبه ههههههههههههههه
وردت عليه إنتا الأكوت هههههههههههههههههههه
<< لما حكتنا بس فطسنا ضحك ولما قلت لها المعنى قالت وي هوا بيتغزل وأنا حسبتها سبه خخخخخخخ



باص نحن تقول باصات المفروض جمع باص باصز

كمان مسج المفروض جمعها مسجز مو مسجات وغيرها كتير

عندنا ما شاء الله يحبوو القواعد العربيه :)
لازم يخلوها جمع مؤنث سالم

طيب سؤال القمربي إيش جمعو ؟؟

انا حاصووني ناس يقولوو قنبريات وناس يقولوو قنابر << القنبري (شيبس )

وتسلم يا أبو عبدالله على طرحك

بووسلي قلبك :)

[*amula_beauty*]

طيب سؤال القمربي إيش جمعو ؟؟

انا حاطووني ناس يقولوو قنبريات وناس يقولوو قنابر << القنبري (شيبس )








انا بالنسبه ليا (القنبري ) وال(شيبس)

ما اقولها كدا

كلهم عندي اسم واحد (فشفااااااااش) وجمعها (فشااافيش) وهدي لكل انواع الشيبس اقووولها :298:


****************************** ****************
افتكر مره ايام المتوسط .... كانت does مسويتلي ازمه ... ماكنت اعرف فين احطها في الجمله ومتى استخدمها....

رحت لبابا وسألتووو **** تدروا ايش قالي ؟؟؟؟!!!!

قال ^_^ دوززززززززززيـــــــها في اي مكااااااااان ^_^
ههههههههههههههه
ياربي يسعدووو
ربي يسعدك يا حسن

[مياسة العـود]

خخخخخخخخخخخخـ

السلام عليكمـ

والله مواقف ظريفة أخويه زآأدي وما شا الله على كل الأعضاااء



وهذي قريبتي التانيه ::
جا خطيبها بيقولها إنتي كيوت عصبت منوو تحسبها سبه ههههههههههههههه
وردت عليه إنتا الأكوت هههههههههههههههههههه
<< لما حكتنا بس فطسنا ضحك ولما قلت لها المعنى قالت وي هوا بيتغزل وأنا حسبتها سبه خخخخخخخ


أتخيل بس خخخخخـ ..،، نحن الصغار عدنا كل ما يشوفون شي ( الله كيووت ) الكلمة ع لسانهم دومـ

عسى الله الفرحة ما تفارقكمـ ياربي

[ايفا مون]

أذكر مرة تعرفت اختي على امريكية ما لها كتير اسلمت

بالمسجد النبوي

الشاهد ان اختي المصونة مسوووووووية فيها يعنني يعنني

بلبل في الأنجليزي

لها زمااااان ومسوية ام العريف

المهم وجاء اليوم اللي راح تنكشف فيه الحقائق

قالت راح تعزمها عندنا بالبيت

وبنفس اليوم قلت ودي اشوفها بالحرم دا كان برمضان وكنا

يوميا نروح الحرم المهم ولأني واخواتي

ما نصلي جنب بعض عملا بوصية الماما

" لا تدخلوا من باب واحد وادخلو من ابواب متفرقة "

التقينا بعد التراويح وكان المتفق انا اللي اجيهم كوني الصغيرة

وبالفعل دليت مكانهم وانا جايه عليهم من بعيد لمحتني اختي

وقامت الأخت شوية وتطير من الفرحة وعشان انتبه لها

صارت تناديني " سستر مي ،،،، سستر مي "

قصدها "ماي سستر "

حاولت امسك نفسي ولا انا ميييييته من الضحك قلت شكلها من الحماس زلت

ولكل جواد كبوة

جلسنا واتعرفت على ضيفتنا المهم واحنا بندردش مع بعض بااانت الفضايح

اترنها الزله حقت اول ما صارت زلة

اسمع الأخت تقول : " هاوس مي " وكل العبارات اللي فيها ماي صارت مي

لكن مووقف موتني من الضحك ما قدرت امسك نفسي
والى الآن ماسكينها عليها

واعتذر على الإطالة

[@ الأميـــرة @]

ههههههههههههههههههههههههههه

ههههههههههههههههههه ..<< فاطسة ضحك

الله يستر علينا بس

بنجيب العيد لمن نسافر ههههههههههه

اتوقع اني لو ابتلشت في كلمة راح اقول لحظة ادور في القاموس :269:

ادور ادور وينها وينها ..<< خلاص لقيتها .. بس وين الناس شردوو :240:

احم احم اكيد باذن الله ماراح نطلع زي الشباب :drr05_07: .. << بسم الله ماشاء الله علينا

مشكوووووور اخونا على الموزوع

في انتظار جديدك
@ الأميــــرة @

[همسة عاشق]

من جد إني تحفففففه كل أبوو ردي كلجااات خخخخخخخخخ

دوبي ادقق في كلامي << لإني اكتب في البيت في الظلام ولا أطل في الأحرف <<< يا فرحتك

[zadi]

______________


قسم بالله فطست ضحك من بعض المواقف ,,,

نبي المزيد الله لايهينكم .

[ألنشمي]

000
00
0


قسم بالله فطست ضحك من بعض المواقف ,,,

نبي المزيد الله لايهينكم

ايوه ياعم عجبك الحاااال

آه لو قلت لك وش صار معي وابو فهد

في لندن وفانكوفر بكندا


خليها بعدين


حفظك ربي ابو عبدالله عالموضوع الي كله فرفشة

[To0ofy]

هههههههههههههههه<<<< ميته ضحك

مواقف عند جد تضحك..


أفتكر أول ماتعلمت انجليزي اول متوسط ..

تقولي الأبلة
read this
وانا بقولها tib يعني Ok

والجمله اللي تبغاني اقراها

she is nice

ويا سلام عالجمله كيف اتحرفت..

سهي اس نيسي..

قلبت أبو الحروف

وما اشوف غير الابله تضحك :220:

وانا فرحانه بنفسي على بالي عجبتها

وعلى طول الفصل كله يضحك:275:

ابووو الإحراج..:130:

ومره كنت في مطعم انا واخوية فطلبت مناديل من الجرسون فقلتله كان يو جيف مي كلينكس؟؟

والأخ متنح What:drr05_83:

وانا برفع صوتي كلينكس..:262:

وبرضوه موفاهم

وطبعا ما اترحمت من الموقف الا لما اخويه قام يشرحله بالحركات..:139:

وغيرهااااا

ربي يسعدكم مواقف جدا رائعة تحياتي..

أهم شي نتعلم

[zadi]

_______________


من المواقف إللي أفتكرتها حصلت معاي

أحياناً باقول لواحد مسلاً يعني في التلفون أو حتى باكلمه قدامي :

i will call you ( راح أتصل بك )

فأغلط وأنطقها :

i will kill you ( راح أقتلك )

هههههههههههههههههههههههههههههه هه

وهذي كانت دايماً تحطني في إحراج إبن لزينا : )

وخاصة لمن يكون الكلام بسرعة ,,, بس عاد أعوج الفم واللسان وأسوي نفسي مشغول بأي شي وتمشي المسايل : )

______________


أبو ايمن ,,, وين الناس ؟؟؟ قاعدين مستنيين تحفك وأبو فهد !!!