lolo_429
20-07-2008, 09:06 AM
ياليتني نرويجي :-
عيوني زرق ، أشقر ، و شعري ذهب.
أدري بتقولون : عليك بالصبغة و العدسات اللاصقة .
لكن البلشة في هالجلد ، الأشهب ، اللي لو صنفرته سبعين صنفرة خشنة ما تغير لونه.
ياليتني نرويجي :-
و النرويج بلد " صًغير" ، ولا هو عضو في أوبك، ويعطي مواطنيه عشرة بالمئة من سعر كل برميل يصدره ، لو ربعنا عطونا خمسة في المية ، كم يطلع للواحد فينا .
و الله ما حسبتها، ما ودي أكدر على الألة الحاسبة المسيكينية،
ياليتني نرويجي :-
كان فمي مفتوح 24 ساعه، واللي يحاول يصكه أخرق عينه.ماهو مثل ديرتنا ،لو حاولت أفكه ، حتى لو ما يدري عني أحد، يجيني من داخلي صوت يروعني ، يجلجل صداه، " إسمع يا مهبول: أبلع العافية و أحمد ربك، وشف اللي حواليك، أمن و أمان" .
أي أمن و أي أمان ،لو ربي يرد الحاج "ماسلو" للحياه مرة ثانية، كان يجيه دقره،
و الدقرة يعني " حباط،" و بالعربي حطوا لها "ألف قبلها ". وينتحر المسكين.
ياليتني نرويجي :-
إن أشتغلت الخير و أهله ، و إن كنت عاطل يجيني راتبي و أنا منسدح في بيتي ، بدون ملف أخضر علاقي ، و أوراق ، و ختم عمدة ، ما عندهم وزير يقول " أول مت جوع وبعدين نعطيك راتب " ، يبيني أموت جوع ، و سعادته يموت تخمه .
لو هالوزير في النرويج ، كان العاطلين ارفعوا قضية عليه ، و أكيد بيكسبونها ، و بيحكم عليه القاضي بالسجن حتى الموت و بعدين يصرف له راتب .
ياليتني نرويجي:-
ما أشيل هم "المدام" و الورعان ، و توصيل المدارس ، كل واحد يدق سلفه و يمشي ، كان كل خدماتي كاملة ، و حقوقي كاملة ، و بالتالي حواسي كاملة .
ياليتني نرويجي :-
كان تلقاني أنا و "كارلا" متبطحين قدام التلفزيون ، تناقشني في "أمادو " ، و احكيها عن "ماركيز" ، و أن بغت تطلع صكتني بوسه و قالت "باي" ، و أن جت صكتني ببوسه و قالت "هاي " ، ما هو مثل مزنة ، إن اطلعت ما ترجع يا كود بدرزن بناجر، و إن طلعت أنا صكتني "بمسج" على طول " لا تبطي ، الورعان أدوخوني ، و انت جاي جيب معك كيس بصل ،، ولا و الله يالعلوم اللي أنت خابرها ما عاد تذوقها " .
.... أبوتس، أبو البصل وأبو الورعان كلهم يا مزنة ، ما تعرفين شيء اسمه شموع ، ولا عمرك شفتي ورد .
ياليتنا نتنروج :-
يا انتي ، طيعي شوري و خلينا انتنروج، لا تحتجين بالبرد، ترى مشاعرنا تدفينا .
خلينا نفرح، و نعيش، وتذاكرنا مع فرقة أبا " one way ticket to the moon " ، وما نبكي على سلم الطائرة .
نغير بكانا بضحك على أي سلم يطلعنا، سلم طائرة ، سلم باخرة، و الا سلم بعير.
المهم نبدأ حياة جديدة و نحرق كل أوراق الماضي
عيوني زرق ، أشقر ، و شعري ذهب.
أدري بتقولون : عليك بالصبغة و العدسات اللاصقة .
لكن البلشة في هالجلد ، الأشهب ، اللي لو صنفرته سبعين صنفرة خشنة ما تغير لونه.
ياليتني نرويجي :-
و النرويج بلد " صًغير" ، ولا هو عضو في أوبك، ويعطي مواطنيه عشرة بالمئة من سعر كل برميل يصدره ، لو ربعنا عطونا خمسة في المية ، كم يطلع للواحد فينا .
و الله ما حسبتها، ما ودي أكدر على الألة الحاسبة المسيكينية،
ياليتني نرويجي :-
كان فمي مفتوح 24 ساعه، واللي يحاول يصكه أخرق عينه.ماهو مثل ديرتنا ،لو حاولت أفكه ، حتى لو ما يدري عني أحد، يجيني من داخلي صوت يروعني ، يجلجل صداه، " إسمع يا مهبول: أبلع العافية و أحمد ربك، وشف اللي حواليك، أمن و أمان" .
أي أمن و أي أمان ،لو ربي يرد الحاج "ماسلو" للحياه مرة ثانية، كان يجيه دقره،
و الدقرة يعني " حباط،" و بالعربي حطوا لها "ألف قبلها ". وينتحر المسكين.
ياليتني نرويجي :-
إن أشتغلت الخير و أهله ، و إن كنت عاطل يجيني راتبي و أنا منسدح في بيتي ، بدون ملف أخضر علاقي ، و أوراق ، و ختم عمدة ، ما عندهم وزير يقول " أول مت جوع وبعدين نعطيك راتب " ، يبيني أموت جوع ، و سعادته يموت تخمه .
لو هالوزير في النرويج ، كان العاطلين ارفعوا قضية عليه ، و أكيد بيكسبونها ، و بيحكم عليه القاضي بالسجن حتى الموت و بعدين يصرف له راتب .
ياليتني نرويجي:-
ما أشيل هم "المدام" و الورعان ، و توصيل المدارس ، كل واحد يدق سلفه و يمشي ، كان كل خدماتي كاملة ، و حقوقي كاملة ، و بالتالي حواسي كاملة .
ياليتني نرويجي :-
كان تلقاني أنا و "كارلا" متبطحين قدام التلفزيون ، تناقشني في "أمادو " ، و احكيها عن "ماركيز" ، و أن بغت تطلع صكتني بوسه و قالت "باي" ، و أن جت صكتني ببوسه و قالت "هاي " ، ما هو مثل مزنة ، إن اطلعت ما ترجع يا كود بدرزن بناجر، و إن طلعت أنا صكتني "بمسج" على طول " لا تبطي ، الورعان أدوخوني ، و انت جاي جيب معك كيس بصل ،، ولا و الله يالعلوم اللي أنت خابرها ما عاد تذوقها " .
.... أبوتس، أبو البصل وأبو الورعان كلهم يا مزنة ، ما تعرفين شيء اسمه شموع ، ولا عمرك شفتي ورد .
ياليتنا نتنروج :-
يا انتي ، طيعي شوري و خلينا انتنروج، لا تحتجين بالبرد، ترى مشاعرنا تدفينا .
خلينا نفرح، و نعيش، وتذاكرنا مع فرقة أبا " one way ticket to the moon " ، وما نبكي على سلم الطائرة .
نغير بكانا بضحك على أي سلم يطلعنا، سلم طائرة ، سلم باخرة، و الا سلم بعير.
المهم نبدأ حياة جديدة و نحرق كل أوراق الماضي