نور الوليد
07-06-2008, 01:47 AM
كانت الجريده الصباحيه فى يد أبى ورأيته يقرأ هذا الخبر:
بدأت عملية المزايده بين مجموعه من المجلات الشهيرة للحصول على أول نشر لصور التوأم المنتظر للنجمين العا لميين انجلينا جولى وبراد بيت . ووصلت المزايده حتى الان الى مبلغ 15 مليون دولار . أعلنت مجلة بيبول الشهيره أنها ستدفعها للفوز بهذا السبق
جولى وبراد بيت لديهما ابنه تدعى ( شيلوه ) عمرها عامان .. كما أنهما تبنيا 3 أطفال هم : مادوكس (6سنوات ) . وباكس ( 4سنوات) . وزهارا (3سنوات)
بعد ان انتهى أبى من قراءة الخبر نظرت اليه نظره عتاب وقلت له :
- شايف الناس الناصحه اللى بتعرف تأمن مستقبلها كويس يا بابا . أزاى بس الفكره دى لم تخطر على بالك قبل كده . ليه ما عملتش مزايده زى دى على صورى وأنا فى اللفه . مش أحنا كنا أحق بالكام مليون دولار دول برضه
- كام مليون دولار أيه يا بنتى . أنتى فاكره نفسك أيه . دول ولاد أنجلينا جولى
- وتطلع أيه بقى دى .
- دى ممثله مشهوره .. وبتلعب كارتيه
- بتلعب كارتيه .. يا سلام
- أه والله .. دى فى مره ضربت عشر رجاله لوحدها .. وبتسوق طائرات ودبابات .. ومعاها مسدسات ومدافع ورشاشات ... دى خطر خالص . والاستاذ براد جوزها لا يقل عنها خطوره
- وبنتهم ( شيلوها) دى برضه باعوا صورها فى اللفه
- ايوه بس باتنين تلاته مليون بس . وهى اسمها ( شيلوه ) مش شيلوها .. وأمها ولدتها فى أحدى قرى موزمبيق
- ليه يا بابا خير . أشمعنى موزمبيق
- من غير ليه . هى طلعت فى دماغ أمها أنها تولد فى الحته دى . والناس دى اللى فى دماغها بتعمله........ وعلى فكره أنا سمعت أن أجيلينا جولى وبراد بيت هيتجوزوا قريب جداً
- يتجوزا ايه يا بابا .. سلامتك .. أنت تعبان . دول عندهم بنت . وفيه توأم على وشك الوصول
- أنا عارف يا بنتى .. بس فى الحقيقه أنا كنت عاوز أقولك ....
- عاوز تقول أيه يا بابا
- عاوز أقولك .... أن ربنا أنعم عليكى بنعمه كبيره قوى أنك اتولدتى مسلمه
بدأت عملية المزايده بين مجموعه من المجلات الشهيرة للحصول على أول نشر لصور التوأم المنتظر للنجمين العا لميين انجلينا جولى وبراد بيت . ووصلت المزايده حتى الان الى مبلغ 15 مليون دولار . أعلنت مجلة بيبول الشهيره أنها ستدفعها للفوز بهذا السبق
جولى وبراد بيت لديهما ابنه تدعى ( شيلوه ) عمرها عامان .. كما أنهما تبنيا 3 أطفال هم : مادوكس (6سنوات ) . وباكس ( 4سنوات) . وزهارا (3سنوات)
بعد ان انتهى أبى من قراءة الخبر نظرت اليه نظره عتاب وقلت له :
- شايف الناس الناصحه اللى بتعرف تأمن مستقبلها كويس يا بابا . أزاى بس الفكره دى لم تخطر على بالك قبل كده . ليه ما عملتش مزايده زى دى على صورى وأنا فى اللفه . مش أحنا كنا أحق بالكام مليون دولار دول برضه
- كام مليون دولار أيه يا بنتى . أنتى فاكره نفسك أيه . دول ولاد أنجلينا جولى
- وتطلع أيه بقى دى .
- دى ممثله مشهوره .. وبتلعب كارتيه
- بتلعب كارتيه .. يا سلام
- أه والله .. دى فى مره ضربت عشر رجاله لوحدها .. وبتسوق طائرات ودبابات .. ومعاها مسدسات ومدافع ورشاشات ... دى خطر خالص . والاستاذ براد جوزها لا يقل عنها خطوره
- وبنتهم ( شيلوها) دى برضه باعوا صورها فى اللفه
- ايوه بس باتنين تلاته مليون بس . وهى اسمها ( شيلوه ) مش شيلوها .. وأمها ولدتها فى أحدى قرى موزمبيق
- ليه يا بابا خير . أشمعنى موزمبيق
- من غير ليه . هى طلعت فى دماغ أمها أنها تولد فى الحته دى . والناس دى اللى فى دماغها بتعمله........ وعلى فكره أنا سمعت أن أجيلينا جولى وبراد بيت هيتجوزوا قريب جداً
- يتجوزا ايه يا بابا .. سلامتك .. أنت تعبان . دول عندهم بنت . وفيه توأم على وشك الوصول
- أنا عارف يا بنتى .. بس فى الحقيقه أنا كنت عاوز أقولك ....
- عاوز تقول أيه يا بابا
- عاوز أقولك .... أن ربنا أنعم عليكى بنعمه كبيره قوى أنك اتولدتى مسلمه