Sami96SA
06-10-2002, 04:18 PM
مساء الخير
قبل كم سنه (ماني فاكر كم بالضبط) حاول أحدهم اغتيال الرئيس الأمريكي جورج بوش الأب .. واتهم صدام حسين بأنه كان الممول والمحرض لتلك المحاوله .. وأقسم بوش الأب على الإنتقام.
وها هو الإبن يبدأ عده التنازلي للأخذ بثأر عتيق .. ثأر أبيه من المدعو أبو عدي الذي يعتبر الآن المجرم الأول بالنسبة لأمريكا .. والإرهابي الذي لا يعادله أحد في تاريخ البشريه.
الساسة الأمريكيين يدركون أن بوش الإبن سيضرب ضربته في العراق للإطاحة بالعديد من العصافير وإنجاز بعض المهمات المخطط لها مسبقا وهم سيكونون خلفه داعمين ومؤيدين لهذه الضربه المتوقعه .. وعندما يسقط صدام قتيلا أو أسيرا سيصرخ بوش الإبن :
How dare you tried to assassinate my daddy
رغبة مني في مشاركه بموضوع كلما سمح لي وقتي .. إليكم هذا الحوار الساخر .. أو هكذا أتمناه أن يكون :
تشيني : مبروك عليك موافقة الكونجريس بضرب العراق .. تستاهل يالحبيب يا راعي الأمن في العالم.
بوش : الله يبارك فيك بس البلشه أصدقائنا مو موافقين للحين .. يبون الضربه تكون قرار من هيئة الأمم المتحده.
تشيني : ايه هين .. تعرف ان المسماة هيئة الأمم المتحده في جيوبنا .. هي مع أمينها مستر عنان باشا.. هههههههههه
بوش : صح كلامك يبو التشين بس ما نبي نتصرف من غير شرعيه دوليه .. الحين خلنا نحط شروطنا على أبو عدي الله لا يهينه نبيه يتعاون مع المفتشين لين جوه ويطلعنا على كل اللي عنده من أسلحه .. طمني انشا الله احنا جاهزين لو بغينا نضرب؟
تشيني : جاهزين يا ريس .. والشباب شغالين 24 ساعه في العديد يجهزون كل ملزمات الضربه.
بوش : وش العديد دي؟
تشيني : أكيد نسيت يا ريس .. العديد دي أكبر قاعده لينا موجوده في قطر الشقيق.
بوش : ونعم بالأشقاء في قطر .. ما يقصرون .. طول عمرهم راعينها .. الغالي رجل السلام شارون يمدح فيهم دايما.
تشيني : واسطولاتنا البحريه في الخليج الفارسي .. أوبس قصدي الخليج العربي لا يسمعوني قلت الفارسي بعدين يزعلون علينا الربع .. ايه كنت أقول اسطولاتنا تنتظر الأوامر على أحر من الجمر.
بوش : بارك الله فيك خوي أبو التشين .. راعيها يا ساعدي الأيمن.
تشيني : بس الأيمن طال عمرك؟
بوش : الأيمن والأيسر والأوسط بعد ولا يهمك .. انا من غيرك مدري وس أسوي.
تشيني : هذا كثير علي طال عمرك .. انت تامر أمر يا رئيسي وتاج راسي .. ممكن أنادي على كونداليزا توافيك بآخر التطورات عن الأمن القومي.
بوش : خل هالحلوه تدش .. ونا بعد اشتقت لها صار لي كم يوم ما شفتها.
تدش كونداليزا رايس رافعة الرأس مسشورة الشعر شامخة الخشم وفي يدها اليسرى ملف سميك فيه أوراق إشي أبيض وإشي أخضر واحمر واصفر وبرتقالي.
كونداليزا : مساك سعيد يا ريس.
بوش : هلاااااااااااااااا بكودي .. هلا باللي لها الأمن يهلي .. ولولاها الأمن صار تراللي.
كودي : العفو يا ريس .. تدلعني باسم كودي!!
بوش : إذا ما دلعتك انتي من أدلع .. أبو براطم باول .. ههههههههههههه.
كودي : جعلك سالم يا غناتي.
بوش : ومن قال .. هاتي ما عندك يا عزيزتي كودي.
كودي : أرجوك .. رجاء يا ريس .. لا تدللني كثير تراي أدوخ.
بوش يلتفت لتشيني وفي ثغره ابتسامه سخريه ويتمتم "شكلها بتصدق الخاله اني قاعد أقط خيوطي وتبي تصير مونيكا ثانيه .. بس غامقه شوي"
بوش : هيا .. هيا يا كودي قولي ما عندك.
كودي : أبشرك .. الإنجليز معانا في الضربه .. وبلير يقول لن تأخذه في سبيل السلام العالمي لومة لائم.
بوش : لا يا شيخه .. أجل بلير يقول كذا .. طيب أنا أدري ان الإنجليز معانا من زمان .. وادري ليش هم دايما معانا .. بس احنا ماخذينهم على قد عقولهم .. والا احنا محنا بحاجتهم.
كودي : صح كلامك يا ريس .. بس الجديد في الموضوع ان بلير تحمس زياده عن اللزوم وطلع تقرير مدري من وين لفق المعلومات اللي فيه عن أسلحة الدمار اللي عند صدام .. وأقنع شيوخه هناك ان الحل الوحيد للسلام في العالم هو الوقوف مع الولايات المتحده في تخليص العالم من صدام وحاشيته.
بوش : بشرك الله بالخير يا كودي .. ها .. وش بعد عندك من أخبار.
كودي : قاعدين نحاول مع أصدقائنا الروس والفرنسيين والألمان انهم يتحالفوا معنا ضد أبو عدي بس ماكو فايده.
بوش : اتركيهم عنك يا كودي .. أنا عارف انهم يدورون على مصالحهم.
كودي : اي بالله صدقت .. احنا بس اللي كل همنا السلام والأمان في العالم .. يا أخي الأوروبيين صاروا ماديين.
بوش : أشوفك مصختيها قمتي تقولين لي يا أخي.
كودي : العفو يا ريس .. ما قصدي والله نسيت وخذني الكلام وفكرت حالي قاعده أسولف مع مستر بين.
بوش : حصل خير .. قولي لي يا كودي وش آخر ما التقطت لنا أقمارنا الصناعيه في العراق.
كودي : عندي تقرير يقول ان المزارعين في الجنوب صوروهم وهم بأعداد كبيره ينقلون أشياء من مكان لمكان وبعدين تجي تريلات ويحملوها عليها والتريلات هذي تودي الحمولات لوسط بغداد والميناء.
تشيني : الحمولات هذي يا كوكو (يمون أكثر) قلات تمر من مزارع النخيل في البصره.
بوش : قلات تمر؟ وش دي؟ أكيد جراثيم يبون يعبونها رؤوس الصواريخ اللي عندهم.
تشيني : أي صواريخ انت الله يهداك .. وانت مصدق عنده صواريخ .. تمر .. تمر يا ريس .. ما عمرهم أكلوك تمر مع فنجان قهوه يوم زرتهم في الخليج؟
بوش : الله لا يقوله .. ما أبي قهوتهم ولا تمرهم .. أنا أبي بترولهم .. بترولهم يبو التشين .. بتررررولهم .. أخ على بترولهم .. أجل هالحوسه وشوله.
كودي : ما تبي تعرف آخر التطورات في الموقف العربي يا ريس؟
بوش : مين الموقف العربي هذا؟ أنا أول مره أسمع فيه.
كودي (تضحك) : العرب .. العرب يا ريس .. اتفقوا .. أخيرا.
بوش : على إيش اتفقوا اسم الله عليهم؟
كودي : اتفقوا على لاااااااااااااا لضرب العراق.
بوش : آه يا راسي .. هذي ضربه موجعه .. خبري بهم كانوا ما يبون صدام وش اللي غير رايهم .. طيب والحل؟
كودي : هم ما يبونه ويتمنون اليوم قبل بكره يطير وهو وعصابته .. لكن خايفين على أطفال ونساء وشيوخ العراق اللي بيصيرون ضحية الضربه.
بوش : لا معهم حق .. بس فهموهم احنا ما راح نضرب الناس .. احنا بس بندمر البنيه التحتيه وبعدين we will smoke Saddam out of his hole
كودي : هذا اللي يتمنوه .. والسبب الثاني يقولون أمريكا تكيل بمكيالين وسياستها غير عادله في الشرق الأوسط خاصة مع القضيه الفلسطينيه.
بوش : أنا ماني فاهم الجماعه هذول وش يبون؟ شارون هذا أفضل رئيس وزراء في تاريخ اسرائيل والرجال باذل جهد كبير من أجل السلام وهم ما غير كل يوم ودازين لهم واحد انتحاري يقتل في أطفال اليهود المساكين.
كودي : الفلسطينيين يبون دولتهم المستقله.
بوش : بنعطيهم .. بنعطيهم .. بس هم لا يستعجلون .. يصبرون شوي لين نخلصهم من همهم صدام عشان يقدروا يعيشون بسلام في دولتهم الفلسطينيه بأمن وسلام.
كودي : يا ريس العرب ماعاد يصدقون فيك لأنهم .. وهذا كلامهم .. يقولون بوش معاييره مزدوجه ويشكون انك صهيوني متأمرك.
بوش : مين اللي قال هالكلام؟ اعطيني اسمه ونا أحطه مع الإرهابيين المطلوبين.
كودي : مافيه شخص معين يا ريس .. هذا كلام صحف ومجلات ومنتديات.
بوش : إلا يا كودي وش أخبار الساحات والمنتديات العربيه .. وش يقولون عن ضربتنا المرتقبه على نظام صدام.
كودي : أوووه .. أنصحك لا تدوش دماغك بكلام العرب و "المثقفين" في منتدياتهم .. هذول من كثر ما يثرثرون ويحللون صدقوا حالهم.
بوش : أدري بس قولي لي وش هي وجهة نظرهم.
كودي : مازالت هي نفسها .. أمريكا هي الشيطان الأكبر التي تريد أن تهيمن على ثروات المسلمين والعراق هي ثاني محطه في الخطه المرسومه مسبقا للسيطره على مصادر النفط في المنطقه .. وإلزام الدول العربيه على التطبيع مع إسرائيل مرغمة.
بوش : أووووف .. هذا كلام كبير يا كودي .. والله وصاروا خطيرين هذول العرب .. تحليلاتهم منطقيه وقريبه من الواقع والمخطط.
كودي : سمعت من النائب تشيني انه قواتنا العسكريه جاهزه لضرب صدام.
بوش : جاهزين يا كودي وما بقى بس إلأا نعطيهم إشارة البدء.
كودي : ومتى يا ريس؟
بوش : لو على كيفي ضربته اليوم قبل بكره .. بس انتي تعرفين لازم أول اجرائات سياسيه هنا وهناك على الله ربعنا في أوروبا يقتنعون ويتحالفوا معنا .. حنا بس نبيهم يقولوا لا مانع لدينا ويتركوا الباقي لبو الشباب رامسفيلد يقوم باللازم.
كودي : ومين يا ريس .. لو تسمح لي أسأل .. اللي بيمسك زمام الحكم في العراق بعد ما تتخلصوا من صدام.
بوش : احنا نتمنى المعارضه هي اللي تتبنى هالموضوع وعندنا كذا واحد ينقال له حميد قرزاي جاهز للمهمه الجديده .. أطمنك يا كودي كل شي جاهز .. بس انتي اهتمي أكثر مع اخويانا الأوروبيين كان يلينو موقفهم .. ولا تنسي حربنا ضد الإرهاب .. اعطيها جل اهتمامك.
كودي : حاضر يا ريس .. أستودعك الله.
بوش : مع السلامه يا أحلى مسؤولة أمن قومي في العالم.
كودي (على استحياء) تخرج من مكتب الرئيس الذي فقعها ضحكة مدوية مع صديقه ديك تشيني .. ما لبثوا حتى أسبغوها حش أعادوا به ذكريات العبوديه في الخمسينات.
----------------------
سامي
قبل كم سنه (ماني فاكر كم بالضبط) حاول أحدهم اغتيال الرئيس الأمريكي جورج بوش الأب .. واتهم صدام حسين بأنه كان الممول والمحرض لتلك المحاوله .. وأقسم بوش الأب على الإنتقام.
وها هو الإبن يبدأ عده التنازلي للأخذ بثأر عتيق .. ثأر أبيه من المدعو أبو عدي الذي يعتبر الآن المجرم الأول بالنسبة لأمريكا .. والإرهابي الذي لا يعادله أحد في تاريخ البشريه.
الساسة الأمريكيين يدركون أن بوش الإبن سيضرب ضربته في العراق للإطاحة بالعديد من العصافير وإنجاز بعض المهمات المخطط لها مسبقا وهم سيكونون خلفه داعمين ومؤيدين لهذه الضربه المتوقعه .. وعندما يسقط صدام قتيلا أو أسيرا سيصرخ بوش الإبن :
How dare you tried to assassinate my daddy
رغبة مني في مشاركه بموضوع كلما سمح لي وقتي .. إليكم هذا الحوار الساخر .. أو هكذا أتمناه أن يكون :
تشيني : مبروك عليك موافقة الكونجريس بضرب العراق .. تستاهل يالحبيب يا راعي الأمن في العالم.
بوش : الله يبارك فيك بس البلشه أصدقائنا مو موافقين للحين .. يبون الضربه تكون قرار من هيئة الأمم المتحده.
تشيني : ايه هين .. تعرف ان المسماة هيئة الأمم المتحده في جيوبنا .. هي مع أمينها مستر عنان باشا.. هههههههههه
بوش : صح كلامك يبو التشين بس ما نبي نتصرف من غير شرعيه دوليه .. الحين خلنا نحط شروطنا على أبو عدي الله لا يهينه نبيه يتعاون مع المفتشين لين جوه ويطلعنا على كل اللي عنده من أسلحه .. طمني انشا الله احنا جاهزين لو بغينا نضرب؟
تشيني : جاهزين يا ريس .. والشباب شغالين 24 ساعه في العديد يجهزون كل ملزمات الضربه.
بوش : وش العديد دي؟
تشيني : أكيد نسيت يا ريس .. العديد دي أكبر قاعده لينا موجوده في قطر الشقيق.
بوش : ونعم بالأشقاء في قطر .. ما يقصرون .. طول عمرهم راعينها .. الغالي رجل السلام شارون يمدح فيهم دايما.
تشيني : واسطولاتنا البحريه في الخليج الفارسي .. أوبس قصدي الخليج العربي لا يسمعوني قلت الفارسي بعدين يزعلون علينا الربع .. ايه كنت أقول اسطولاتنا تنتظر الأوامر على أحر من الجمر.
بوش : بارك الله فيك خوي أبو التشين .. راعيها يا ساعدي الأيمن.
تشيني : بس الأيمن طال عمرك؟
بوش : الأيمن والأيسر والأوسط بعد ولا يهمك .. انا من غيرك مدري وس أسوي.
تشيني : هذا كثير علي طال عمرك .. انت تامر أمر يا رئيسي وتاج راسي .. ممكن أنادي على كونداليزا توافيك بآخر التطورات عن الأمن القومي.
بوش : خل هالحلوه تدش .. ونا بعد اشتقت لها صار لي كم يوم ما شفتها.
تدش كونداليزا رايس رافعة الرأس مسشورة الشعر شامخة الخشم وفي يدها اليسرى ملف سميك فيه أوراق إشي أبيض وإشي أخضر واحمر واصفر وبرتقالي.
كونداليزا : مساك سعيد يا ريس.
بوش : هلاااااااااااااااا بكودي .. هلا باللي لها الأمن يهلي .. ولولاها الأمن صار تراللي.
كودي : العفو يا ريس .. تدلعني باسم كودي!!
بوش : إذا ما دلعتك انتي من أدلع .. أبو براطم باول .. ههههههههههههه.
كودي : جعلك سالم يا غناتي.
بوش : ومن قال .. هاتي ما عندك يا عزيزتي كودي.
كودي : أرجوك .. رجاء يا ريس .. لا تدللني كثير تراي أدوخ.
بوش يلتفت لتشيني وفي ثغره ابتسامه سخريه ويتمتم "شكلها بتصدق الخاله اني قاعد أقط خيوطي وتبي تصير مونيكا ثانيه .. بس غامقه شوي"
بوش : هيا .. هيا يا كودي قولي ما عندك.
كودي : أبشرك .. الإنجليز معانا في الضربه .. وبلير يقول لن تأخذه في سبيل السلام العالمي لومة لائم.
بوش : لا يا شيخه .. أجل بلير يقول كذا .. طيب أنا أدري ان الإنجليز معانا من زمان .. وادري ليش هم دايما معانا .. بس احنا ماخذينهم على قد عقولهم .. والا احنا محنا بحاجتهم.
كودي : صح كلامك يا ريس .. بس الجديد في الموضوع ان بلير تحمس زياده عن اللزوم وطلع تقرير مدري من وين لفق المعلومات اللي فيه عن أسلحة الدمار اللي عند صدام .. وأقنع شيوخه هناك ان الحل الوحيد للسلام في العالم هو الوقوف مع الولايات المتحده في تخليص العالم من صدام وحاشيته.
بوش : بشرك الله بالخير يا كودي .. ها .. وش بعد عندك من أخبار.
كودي : قاعدين نحاول مع أصدقائنا الروس والفرنسيين والألمان انهم يتحالفوا معنا ضد أبو عدي بس ماكو فايده.
بوش : اتركيهم عنك يا كودي .. أنا عارف انهم يدورون على مصالحهم.
كودي : اي بالله صدقت .. احنا بس اللي كل همنا السلام والأمان في العالم .. يا أخي الأوروبيين صاروا ماديين.
بوش : أشوفك مصختيها قمتي تقولين لي يا أخي.
كودي : العفو يا ريس .. ما قصدي والله نسيت وخذني الكلام وفكرت حالي قاعده أسولف مع مستر بين.
بوش : حصل خير .. قولي لي يا كودي وش آخر ما التقطت لنا أقمارنا الصناعيه في العراق.
كودي : عندي تقرير يقول ان المزارعين في الجنوب صوروهم وهم بأعداد كبيره ينقلون أشياء من مكان لمكان وبعدين تجي تريلات ويحملوها عليها والتريلات هذي تودي الحمولات لوسط بغداد والميناء.
تشيني : الحمولات هذي يا كوكو (يمون أكثر) قلات تمر من مزارع النخيل في البصره.
بوش : قلات تمر؟ وش دي؟ أكيد جراثيم يبون يعبونها رؤوس الصواريخ اللي عندهم.
تشيني : أي صواريخ انت الله يهداك .. وانت مصدق عنده صواريخ .. تمر .. تمر يا ريس .. ما عمرهم أكلوك تمر مع فنجان قهوه يوم زرتهم في الخليج؟
بوش : الله لا يقوله .. ما أبي قهوتهم ولا تمرهم .. أنا أبي بترولهم .. بترولهم يبو التشين .. بتررررولهم .. أخ على بترولهم .. أجل هالحوسه وشوله.
كودي : ما تبي تعرف آخر التطورات في الموقف العربي يا ريس؟
بوش : مين الموقف العربي هذا؟ أنا أول مره أسمع فيه.
كودي (تضحك) : العرب .. العرب يا ريس .. اتفقوا .. أخيرا.
بوش : على إيش اتفقوا اسم الله عليهم؟
كودي : اتفقوا على لاااااااااااااا لضرب العراق.
بوش : آه يا راسي .. هذي ضربه موجعه .. خبري بهم كانوا ما يبون صدام وش اللي غير رايهم .. طيب والحل؟
كودي : هم ما يبونه ويتمنون اليوم قبل بكره يطير وهو وعصابته .. لكن خايفين على أطفال ونساء وشيوخ العراق اللي بيصيرون ضحية الضربه.
بوش : لا معهم حق .. بس فهموهم احنا ما راح نضرب الناس .. احنا بس بندمر البنيه التحتيه وبعدين we will smoke Saddam out of his hole
كودي : هذا اللي يتمنوه .. والسبب الثاني يقولون أمريكا تكيل بمكيالين وسياستها غير عادله في الشرق الأوسط خاصة مع القضيه الفلسطينيه.
بوش : أنا ماني فاهم الجماعه هذول وش يبون؟ شارون هذا أفضل رئيس وزراء في تاريخ اسرائيل والرجال باذل جهد كبير من أجل السلام وهم ما غير كل يوم ودازين لهم واحد انتحاري يقتل في أطفال اليهود المساكين.
كودي : الفلسطينيين يبون دولتهم المستقله.
بوش : بنعطيهم .. بنعطيهم .. بس هم لا يستعجلون .. يصبرون شوي لين نخلصهم من همهم صدام عشان يقدروا يعيشون بسلام في دولتهم الفلسطينيه بأمن وسلام.
كودي : يا ريس العرب ماعاد يصدقون فيك لأنهم .. وهذا كلامهم .. يقولون بوش معاييره مزدوجه ويشكون انك صهيوني متأمرك.
بوش : مين اللي قال هالكلام؟ اعطيني اسمه ونا أحطه مع الإرهابيين المطلوبين.
كودي : مافيه شخص معين يا ريس .. هذا كلام صحف ومجلات ومنتديات.
بوش : إلا يا كودي وش أخبار الساحات والمنتديات العربيه .. وش يقولون عن ضربتنا المرتقبه على نظام صدام.
كودي : أوووه .. أنصحك لا تدوش دماغك بكلام العرب و "المثقفين" في منتدياتهم .. هذول من كثر ما يثرثرون ويحللون صدقوا حالهم.
بوش : أدري بس قولي لي وش هي وجهة نظرهم.
كودي : مازالت هي نفسها .. أمريكا هي الشيطان الأكبر التي تريد أن تهيمن على ثروات المسلمين والعراق هي ثاني محطه في الخطه المرسومه مسبقا للسيطره على مصادر النفط في المنطقه .. وإلزام الدول العربيه على التطبيع مع إسرائيل مرغمة.
بوش : أووووف .. هذا كلام كبير يا كودي .. والله وصاروا خطيرين هذول العرب .. تحليلاتهم منطقيه وقريبه من الواقع والمخطط.
كودي : سمعت من النائب تشيني انه قواتنا العسكريه جاهزه لضرب صدام.
بوش : جاهزين يا كودي وما بقى بس إلأا نعطيهم إشارة البدء.
كودي : ومتى يا ريس؟
بوش : لو على كيفي ضربته اليوم قبل بكره .. بس انتي تعرفين لازم أول اجرائات سياسيه هنا وهناك على الله ربعنا في أوروبا يقتنعون ويتحالفوا معنا .. حنا بس نبيهم يقولوا لا مانع لدينا ويتركوا الباقي لبو الشباب رامسفيلد يقوم باللازم.
كودي : ومين يا ريس .. لو تسمح لي أسأل .. اللي بيمسك زمام الحكم في العراق بعد ما تتخلصوا من صدام.
بوش : احنا نتمنى المعارضه هي اللي تتبنى هالموضوع وعندنا كذا واحد ينقال له حميد قرزاي جاهز للمهمه الجديده .. أطمنك يا كودي كل شي جاهز .. بس انتي اهتمي أكثر مع اخويانا الأوروبيين كان يلينو موقفهم .. ولا تنسي حربنا ضد الإرهاب .. اعطيها جل اهتمامك.
كودي : حاضر يا ريس .. أستودعك الله.
بوش : مع السلامه يا أحلى مسؤولة أمن قومي في العالم.
كودي (على استحياء) تخرج من مكتب الرئيس الذي فقعها ضحكة مدوية مع صديقه ديك تشيني .. ما لبثوا حتى أسبغوها حش أعادوا به ذكريات العبوديه في الخمسينات.
----------------------
سامي