فرولة لذيذة
22-12-2007, 08:54 PM
السلام عليكم
ياجماعه هوة انا مني عايشة في الدنيا ولا ايش ...
والله والله والله شي مو طبيعي في المدينة وفي الساحه قدام الحرم ..
ايش على اولاد وايش على بنات الله يستر علينا ..
معكسات عيني عينك والله شوفتوا بعيني واحد قدام الحر يبكلم بنت يقولها انا عبد الرحمن ودحين في ساحه االحرم .. انتِ ايش لابسة .. وفينك دحين :drr05_62:
هدا شي هين على بقية اناظر القززة للأولاد .. الي والله والله ماتتصوف ..
بس شباب وتجمعات بدون معنى .. مني عارفة كيف اوصف الي شفتوا ..
اولاد متشبهين ببنات موبس كأنك في سقاله على البحر لا أخس من كده والله ..
وبنات بدون طرح على أدمغتهم .. والي بطرحه كأنها بدون نص شعرها برة ..
أشكالهم مو أشكال مدينة ..
والله وانا في الخط رايحه للمدينة شفت كم سيارة مرت من جنبنا وكان فيها بس اولاد لحالهم ..
ورب الكعبه استغربت وقلت مشاء الله صحيوا الناس وفيهم البركة ..
بس لمن وصلت .. وه على الي شفتوا شي يشب الشعر ..
العادة انو من الممكن انزل لحالي اروح السوق لو كنت مستعجلة انزل الحرم لحالي
المرة دي بابا في الطلعه والنزلة مع مين خرجتي ومع مين رجعتي .. علشان كانت في معانا خاله .. أذا ماخرجت معاها أخرج مع ماما ..
ممنوع الخروج لحالي نهائيا ...
وربي حال يبكي والله غير طبيعي ... |507|
وفوق كده وكده .. مافي هيئة ..
والاولاد يمشوا جنب العساكر ولا كأنهم شي ..
والله والله والله ...
الحرمة ماشية مع جوزها جنبوا .. والولد عاسكها سارت مشكلة ..
ايش اكتر من كده جوزها وجنبها وأتعاكست كيف الواحد يمشي يعني ....
حتى الحريم الي جالسين على البسط بيبيعوا ..
وحده منهم بتبيع شراريب ..
ومروا مجموعه أولاد يقولولها بكم الشراب .. قالت هدا حق حريم ..
يقوموا يردوا عليها وهما بيضحكوا .. نحنا عادي نلبس حق حريم .. :drr05_62:
سبحان الله
والله قد ما شفت اولاد وشفت فساد وربي مو قد الي في المدينة والله ..
ولا زي الكباين .. تعرفوا درة العروس .. والي بيسير فيها دا أخس من كده .. والله ..
اما البنات ولا البنات الي ماشين جنب اخوانهم الطراطير .. ماليهم داعي ..
غذا الام ماشية وشعرها مكشوف كيف البنت تمشة بعبايه على الراس ..
أنا اتلتم لمن أخرج .. وبصراحه كنت كل ما أروح المدينة قبل كده كانت الهيئة ,, ورايا ..
المرة دي الهيئة شايفتني محجبة .. وكأني بجد بعباية على الراس .. :158:
و الله حال يبكي :148: والله ..
وانا ماشية في بنات جنبي طبعا المكياج والشعور الي برة .. والكلونيات ..
الاولاد جالسين على الارض يغنولهم ...
والتاني يدق صاحبوا ويقولوا شوف شوف .. بيأشر على البنات ..
أما على أكبر موقف في نظري أشوفوا ..
الي والله ماعاد سار في حيا مرررة وحده
والله العظيم والله العظيم ...
نزلت مع بابا أشتري العشا ..
وطبعا اولاد من كل جية ماتعرف في توقف .. كأنك محاصر .. لا مو كأنك هوة انت كده بالفعل محاصر ..
الهم ..
مجموعه من الاولاد جالسين يتكلموا ..
واحد منهم مررة باين أنوا منفعل وبيضارب ..
المهم شوفوا ايش السبب
جالس يحكي اصحابوا انو هوة أضارب مع سلطان .. دا اسم صاحبوا خخخ
على أيش ..
على أنوا الغلبا كل ما بنت تعجبوا ويرقمها يقوم السلطان دا يجي ويرقمها كل مررة
والله بصوتوا قاد يتكلم حتى وربي أنفجعت .. ودرت وجهي عليهم .. وطالعت فيهم ..
من الفجعه .. بيت الجوال الي في يدي طاح .. >> كويس الحمد لله مو الجوال ..
يالهوي ...
دا من علامات الساعه الي الفواحش تسير في نص الطرق ومحد يقدر يسوي شي
والله والله والله أخس من الي في جده
وانا داخلة الحرم .. بأقول لماما شوفي عباية البنت نص كم .>>. ماسارت عباية :140:
والحرمة الي عند الباب بتفتش .. تقولي ايت عباية يابنتي قصد فساتني السهرات ..
تقول دي ارحم من الي سار امس في الليل الساعه 2 بيرقصوا وبيغنوا الاولاد وبيغطرفوا ..ويصفقوا ..
مهم حاسين إنهم جنب قبر الرسول ..وإنك تشوف أحد منهم في الحرم يصلي فرض ..>> ماعندك أحد ..
اسمعوا ..
وحده في الحرم بتكلم ولدها جالسين نسمعاها نحنا قبل صلاة الصبح بنص ساعه تقريبا المهم ..
قاعده تزعقلوا .. وتقلوا فينك طول الليل ماطلعت باقي للصبح شوية .. بسرعه أطلع نام ..
ورخت السماعه >>> دوووخت ..
يعني بدل ماتقولوا اطلع اتوضا وانزل بسرعه .. ولا لا تتأخر عن البصبح أطلع نام .. يا قلب الأم
دا على شان ينام قبل الصبح .. ويسير ليس على النائم حرج .. :221: فكرة عجيبة ..
أما التانية الام الضعيفة المغلوب على أمرها .. بنتها بعبايعه يعني يسموها البشر عبايه .. بشر اليومين دي مو أي بشر ..
تقلوها الادمية .. الغلبانه التانية .. فستان بنت حلو مشاء الله من فين اشترتوا .. قالت لا دي عباية ..
بس اتفرجوا على وجه الحرمة كيف سار ستة في اربعه >>> |507|
قالتلها عباية .. قالت ايوة قالتلها طيب مو حرام .. قالت ايش اسوي قلتلها ومهي راضية ..
يحراااام يعني تغصب عليها .. :217:
مررة كنت ماشية مع خالة .. وفي كم ولد لابسين اسكيت ,, وبيتكلموا بالجوالات .. المهم وكانوا راح يخبطوا خالة .. قامت خاصمتهم وطبعا >> مع نفسك ..
المهم كانوا في عسكرين واقفين قالتلهم ايشبهم دول مايشفوا ..
قام العسكري قلها والله يخاله دول مو حقين المدينة ...
يعني باين مهم جاين زيارة .. .. للمدينة أبدا ..
معتبرين نفسهم .. أولاد كلاس وهاي .. وهما من تحتها
وكمان في بنات ماشين والشعور بررة .. خالتي ماتقدر تسكت لازم تهرج ..
قالت بالله عليكم كيف صليتوا في الحرم وانت زي كده ما تقروا قرآن وتعرفوا انوا دا حرام ..
وحده ردت قالت بتكلميني قالتلها خالة أيوة ...
قالت البنت شكرا لك وفري كلامك لنفسك ... ايش اقول الله يخدها ولا الله يهديها ...
لا حول لا قوة إلا بالله |56|
من الآخر كده الي مهو مستوعب الي شفتوا ..
يفكر لية المطرة مانزلت للآن وتعرفوا السبب في المدينة .. :121:
وطبعا أنتهت الرحلة والحمد لله وللكن للآسف مهي زي كل مررة ..
مو المدينة الي اعرفها ..
طبعا كل الناس دول من اهل جده ومكه .. إنا لله و إنا إلية راجعون ..
طبعا القابض على دينة في الايام دي كالقابض على الجمر ..
أسفة والله طولت أنا عارفة مرررة كتير .. لاكن مو مني .. من الي شوفتوا ..
من الـفسااااااااااااااااااااااااا اد
سبحانك اللهم وبحمدك أشهد أنك لاإله إلا انت استغفرك وأتوب إليك .. ..
besah
|238|
ياجماعه هوة انا مني عايشة في الدنيا ولا ايش ...
والله والله والله شي مو طبيعي في المدينة وفي الساحه قدام الحرم ..
ايش على اولاد وايش على بنات الله يستر علينا ..
معكسات عيني عينك والله شوفتوا بعيني واحد قدام الحر يبكلم بنت يقولها انا عبد الرحمن ودحين في ساحه االحرم .. انتِ ايش لابسة .. وفينك دحين :drr05_62:
هدا شي هين على بقية اناظر القززة للأولاد .. الي والله والله ماتتصوف ..
بس شباب وتجمعات بدون معنى .. مني عارفة كيف اوصف الي شفتوا ..
اولاد متشبهين ببنات موبس كأنك في سقاله على البحر لا أخس من كده والله ..
وبنات بدون طرح على أدمغتهم .. والي بطرحه كأنها بدون نص شعرها برة ..
أشكالهم مو أشكال مدينة ..
والله وانا في الخط رايحه للمدينة شفت كم سيارة مرت من جنبنا وكان فيها بس اولاد لحالهم ..
ورب الكعبه استغربت وقلت مشاء الله صحيوا الناس وفيهم البركة ..
بس لمن وصلت .. وه على الي شفتوا شي يشب الشعر ..
العادة انو من الممكن انزل لحالي اروح السوق لو كنت مستعجلة انزل الحرم لحالي
المرة دي بابا في الطلعه والنزلة مع مين خرجتي ومع مين رجعتي .. علشان كانت في معانا خاله .. أذا ماخرجت معاها أخرج مع ماما ..
ممنوع الخروج لحالي نهائيا ...
وربي حال يبكي والله غير طبيعي ... |507|
وفوق كده وكده .. مافي هيئة ..
والاولاد يمشوا جنب العساكر ولا كأنهم شي ..
والله والله والله ...
الحرمة ماشية مع جوزها جنبوا .. والولد عاسكها سارت مشكلة ..
ايش اكتر من كده جوزها وجنبها وأتعاكست كيف الواحد يمشي يعني ....
حتى الحريم الي جالسين على البسط بيبيعوا ..
وحده منهم بتبيع شراريب ..
ومروا مجموعه أولاد يقولولها بكم الشراب .. قالت هدا حق حريم ..
يقوموا يردوا عليها وهما بيضحكوا .. نحنا عادي نلبس حق حريم .. :drr05_62:
سبحان الله
والله قد ما شفت اولاد وشفت فساد وربي مو قد الي في المدينة والله ..
ولا زي الكباين .. تعرفوا درة العروس .. والي بيسير فيها دا أخس من كده .. والله ..
اما البنات ولا البنات الي ماشين جنب اخوانهم الطراطير .. ماليهم داعي ..
غذا الام ماشية وشعرها مكشوف كيف البنت تمشة بعبايه على الراس ..
أنا اتلتم لمن أخرج .. وبصراحه كنت كل ما أروح المدينة قبل كده كانت الهيئة ,, ورايا ..
المرة دي الهيئة شايفتني محجبة .. وكأني بجد بعباية على الراس .. :158:
و الله حال يبكي :148: والله ..
وانا ماشية في بنات جنبي طبعا المكياج والشعور الي برة .. والكلونيات ..
الاولاد جالسين على الارض يغنولهم ...
والتاني يدق صاحبوا ويقولوا شوف شوف .. بيأشر على البنات ..
أما على أكبر موقف في نظري أشوفوا ..
الي والله ماعاد سار في حيا مرررة وحده
والله العظيم والله العظيم ...
نزلت مع بابا أشتري العشا ..
وطبعا اولاد من كل جية ماتعرف في توقف .. كأنك محاصر .. لا مو كأنك هوة انت كده بالفعل محاصر ..
الهم ..
مجموعه من الاولاد جالسين يتكلموا ..
واحد منهم مررة باين أنوا منفعل وبيضارب ..
المهم شوفوا ايش السبب
جالس يحكي اصحابوا انو هوة أضارب مع سلطان .. دا اسم صاحبوا خخخ
على أيش ..
على أنوا الغلبا كل ما بنت تعجبوا ويرقمها يقوم السلطان دا يجي ويرقمها كل مررة
والله بصوتوا قاد يتكلم حتى وربي أنفجعت .. ودرت وجهي عليهم .. وطالعت فيهم ..
من الفجعه .. بيت الجوال الي في يدي طاح .. >> كويس الحمد لله مو الجوال ..
يالهوي ...
دا من علامات الساعه الي الفواحش تسير في نص الطرق ومحد يقدر يسوي شي
والله والله والله أخس من الي في جده
وانا داخلة الحرم .. بأقول لماما شوفي عباية البنت نص كم .>>. ماسارت عباية :140:
والحرمة الي عند الباب بتفتش .. تقولي ايت عباية يابنتي قصد فساتني السهرات ..
تقول دي ارحم من الي سار امس في الليل الساعه 2 بيرقصوا وبيغنوا الاولاد وبيغطرفوا ..ويصفقوا ..
مهم حاسين إنهم جنب قبر الرسول ..وإنك تشوف أحد منهم في الحرم يصلي فرض ..>> ماعندك أحد ..
اسمعوا ..
وحده في الحرم بتكلم ولدها جالسين نسمعاها نحنا قبل صلاة الصبح بنص ساعه تقريبا المهم ..
قاعده تزعقلوا .. وتقلوا فينك طول الليل ماطلعت باقي للصبح شوية .. بسرعه أطلع نام ..
ورخت السماعه >>> دوووخت ..
يعني بدل ماتقولوا اطلع اتوضا وانزل بسرعه .. ولا لا تتأخر عن البصبح أطلع نام .. يا قلب الأم
دا على شان ينام قبل الصبح .. ويسير ليس على النائم حرج .. :221: فكرة عجيبة ..
أما التانية الام الضعيفة المغلوب على أمرها .. بنتها بعبايعه يعني يسموها البشر عبايه .. بشر اليومين دي مو أي بشر ..
تقلوها الادمية .. الغلبانه التانية .. فستان بنت حلو مشاء الله من فين اشترتوا .. قالت لا دي عباية ..
بس اتفرجوا على وجه الحرمة كيف سار ستة في اربعه >>> |507|
قالتلها عباية .. قالت ايوة قالتلها طيب مو حرام .. قالت ايش اسوي قلتلها ومهي راضية ..
يحراااام يعني تغصب عليها .. :217:
مررة كنت ماشية مع خالة .. وفي كم ولد لابسين اسكيت ,, وبيتكلموا بالجوالات .. المهم وكانوا راح يخبطوا خالة .. قامت خاصمتهم وطبعا >> مع نفسك ..
المهم كانوا في عسكرين واقفين قالتلهم ايشبهم دول مايشفوا ..
قام العسكري قلها والله يخاله دول مو حقين المدينة ...
يعني باين مهم جاين زيارة .. .. للمدينة أبدا ..
معتبرين نفسهم .. أولاد كلاس وهاي .. وهما من تحتها
وكمان في بنات ماشين والشعور بررة .. خالتي ماتقدر تسكت لازم تهرج ..
قالت بالله عليكم كيف صليتوا في الحرم وانت زي كده ما تقروا قرآن وتعرفوا انوا دا حرام ..
وحده ردت قالت بتكلميني قالتلها خالة أيوة ...
قالت البنت شكرا لك وفري كلامك لنفسك ... ايش اقول الله يخدها ولا الله يهديها ...
لا حول لا قوة إلا بالله |56|
من الآخر كده الي مهو مستوعب الي شفتوا ..
يفكر لية المطرة مانزلت للآن وتعرفوا السبب في المدينة .. :121:
وطبعا أنتهت الرحلة والحمد لله وللكن للآسف مهي زي كل مررة ..
مو المدينة الي اعرفها ..
طبعا كل الناس دول من اهل جده ومكه .. إنا لله و إنا إلية راجعون ..
طبعا القابض على دينة في الايام دي كالقابض على الجمر ..
أسفة والله طولت أنا عارفة مرررة كتير .. لاكن مو مني .. من الي شوفتوا ..
من الـفسااااااااااااااااااااااااا اد
سبحانك اللهم وبحمدك أشهد أنك لاإله إلا انت استغفرك وأتوب إليك .. ..
besah
|238|