المساعد الشخصي الرقمي

مشاهدة النسخة كاملة : . . . فتاة سعوديه تخترع جهازا هاما . . .


Sami96SA
29-09-2002, 10:51 AM
صباح الخير

شدني هذا العنوان وهرولت مسرعا لقرائة الخبر .. لم لا تهرولوا مثلي وتقرؤوه أولا قبل أن أسترسل في الموضوع:


فتاة سعودية تخترع جهازاً لشحن الجوال بطاقة المشي (http://www.alriyadh.com.sa/Contents/26-09-2002/Mainpage/LOCAL1_1806.php)


فكرة الإختراع واضحه وهي كما جاء في وصفها :

"هو عبارة عن جهاز شحن صغير يتم تثبيته في أسفل الحذاء ويقوم بدوره باستغلال طاقة المشي والجري لتحويلها لطاقة كهربائية يمكن الاستفادة منها في شحن الجوال أو تشغيل أي جهاز يعمل بنفس طاقته"



الفتاة المخترعه سلطانه البابطين لم تعط أي تفاصيل تقنيه لهذا الجهاز والأهم كيف يتم تثبيته.

.. هل هو جهاز من صنعها واختراعها أم اشترته جاهزا وثبتته؟

هل اختراعها هو الفكرة نفسها أم هي مع تنفيذها معا؟


الفكره رائعه وغير مكلفه.


لكن .. أنتظر منكم أن نشارك لنتعرف على طبيعة هذا الشاحن وكيفية تشغيله وتثبيته في الحذاء .. وهل هو أي حذاء؟


للأسف لا توجد دره تعنى بالمشاركات العلميه ولكني متأكد أن بهذه الدره عقول علميه تود المشاركه في هكذا مواضيع .. خاصة البنات :)



(الموضوع مساهمه بسيطه في إثبات أحقية المخترعه سلطانه البابطين لبرائة هذا الإختراع)


------------------

سامي
ابوفهد
29-09-2002, 11:48 AM
مرحبا بالطيب ابو احمـد

الله يسعد ايامك بكل خير


الموضوع شفته يوم الخميس بالجريدة

ولكن للاسف الشديد وكالعادة لايقول الناقل للخبر

بعرض التفاصيل القابله للنشر طبعا

مثل كيف يركب الشاحن على الجزمه ( اكرمكم الله )

وغيره الكثير من الاستفسارات

ثم الى متى تهميش هذه القدرات البارعة في الاختراعات

والتطوير ؟

الا تخجل مدينة الملك عبدالعزيز من نفسها ؟

وتهتم بالشباب السعودى من الجنسين

حيث حسب معلوماتي هناك الكثير ممن تقدم باختراعاته

للمدينة لكن ليس هناك احد يهتم بما قدموه

لا ويبون البلد تتطور ونستغني عن الغرب

الله المستعان

تحياتي
ملكة البحار
29-09-2002, 11:34 PM
مرحبا سامي ...

مجهود يستحق الاشاده به ...
وعمل رائع .. وعقل نادر ...


أضف الى ان أول امرتين متخصتيتن في علم الفلك سعودتين...

الكثير من الادوار المهمه مثلتها المراءه السعوديه ونجحت فيها برغم انشغالتها ...


اسئلتك لا ادري عنها ... كان بودي لو آجري لقاء معها ..في الجريده طبعاً:) ..

شكرا ع الموضوع الحلو ..

تحياتي ..
Sami96SA
30-09-2002, 10:55 AM
صباح الخير

الغالي أ[و فهد


لا أعتقد أن كل صاحب فكره أو اختراع سيجد من يعوقه في تنفيذها خاصة إذا توقرت السبل إلى مد يد العون سواء من مدينة الملك عبد العزيز أو غيرها.

اختراع مثل الذي بالموضوع يجب أن يعنى به من قبل المسؤولين وأنا على يقين أنه سيرى النور قريبا متى ما أعطت الأخت البابطين أحقية اختراعها من الأهمية والمتابعه.


تحياتي لك.


--------------------

العزيزه ملكة البحار


كنت متوقع منك انتي بالذات على الأقل تناقشي معاي هذا الإختراع وكيف سيعمل الشاحن كونك مهتمه بالفيزياء .. نسيتي انك كنتي آينشتاين في نسيج؟

بيني وبينك كنت متوقع الكثير يناقشوا هذه الفكره البسيطه جدا اللي ما تحتاج إلى الكثير من الجهود لتنفيذها.

الظاهر الواحد يرجع للمواضيع الخنفشاريه أبرك له :D


شكرا على ردك يا ملكه.


-------------------

سامي
ملكة البحار
30-09-2002, 09:09 PM
سامي فكره غلط عني مآخذ :(

انا مالي علاقه بالفزياء ...أنا صديقتها بس ..

علاقتي مع الماث ..

تحياتي ..
LAST*HOPE
30-09-2002, 11:04 PM
السلام والرحمه والاكرام ..

هلوووو سامي ..


مشكلتك يا سمسم انك ما تعرف منين تاكل الكتف .. اجل ما لقيت الا ملكة البحار :p


طيب الحين هم ما يقولو الطاقه لا تفنى ولا تستحدث من العدم .. بل تتحول من شكل الى آخر ..!

صراحه بالنظر للأمر فأنا أرى الطاقه المتوفره في المشي طاقه ميكانيكيه خالصه و بالنظر الى ارتفاع الحذاء فلابد أنها ابتكرت طريقه جميله بسيطه وصغيره لتحويل الطاقه الميكانيكيه الى طاقه كهربيه ..

يعني مثل السياكل القديمه ذيك اللي اذا اسرعت عليها تولع لمبتها اللي قدام :D


ماعلينا .. صراحه فكرت بالموضوع على الطاير ولا لقيت سهوله في مثل هالاختراع والفكره .. حتى السياكل ذيك كانت تحتاج لسرعات مو بسيطه عشان تولع لمبتها .. فهل استخدمت امبلي فايرات وحركات عشان ترفع النواتج البسيطه ؟! .. صراحه كل ما افكر بالامر كل ما الاقي الأمر صعب ..و أُعجب أكثر بالفتاه .. والله يوفقها وييسر لها الخير :)
LAST*HOPE
30-09-2002, 11:05 PM
.. ترا استنى تفيدنا باللي عندك .. واللي توقعه ..


باي
Sami96SA
01-10-2002, 06:18 PM
مساء الخير

ويسعد لي مساك عزيزي لاست هوب

على فكره .. انت كمان كنت متوقع انك تشارك .. وما خاب ظني فيك لأنك على الأقل أبديت تفهم لنوعية الكهرباء اللي راح تحتاجها المخترعه .. وهي كما ذكرت مثل الدينمو اللي في السيكل أيام زمان.

طيب.

أنا ماني تخصص كهرباء لكن أذكر من الدراسه كيف نستخلص الكهرباء .. راح أشرحها باختصار لكن بخلي بقية التفاصيل لكم.

الله يعينك (يعينكم) على الكلام الممل اللي جاي.


أولا لازم نعرف ان فيه نوعين من التيارات الكرهربائيه .. التيار المتناوب والتيار المستمر .. يستحسن أن أتحدث بالطريقه العلميه يعني مختصر من درس فيزياء .. وتعبت على الصور شوي .. حتى يكون الشرح واضح.


انظر للشكل التالي :

http://us.f1.yahoofs.com/users/c52fcd15/bc/My+Photos/D3.jpg?bc_mUw9Az6eeL7rZ

تشاهد في الشكل مولدا للتيار المتناوب ذو الطور الواحد يتركب من ملف واحد موضوع بين قطبي مغناطيس يولد مجالا مغناطيسيا منتظما ويتصل طرفي الملف بحلقتي زلق معدنيتين تنزلقان على فرشاتين من الكربون.


وتستطيع عزيزي فهم كيفية تولد التيار المتناوب عندما تستطيع رؤية الملف يدور بسرعه زاويه ثابت بحيث يقطع خطوط المجال المغناطيسي مما يولد قوه دافعيه كهربائي تتغير كما في الشكل الآتي خلال دورة كاملة ( داله جيبيه ) ويخضع إتجاه هذه القوة لقاعدة اليد اليمنى الموضحة بالشكل أيضا.

http://us.f1.yahoofs.com/users/c52fcd15/bc/My+Photos/D4.jpg?bc_mUw9AilXqqzCK



تشاهد في الشكل التالي مولداً للتيار المستمر ذو الطور الواحد يتركب من ملف واحد موضوع بين قطبي مغناطيس يولد مجالا مغناطيسيا منتظما ويتصل طرفي الملف بعاكس للتيار أو مبدل ( Commutator ) مكون من نصفي حلقه معدنيه معزولين بعضهما عن بعض .. ويتصل بكل منهما فرشاة ويدور نصفا الحلقة مع الملف دائما ويتم تبادل إتصال نصفي المبدل مع الفرشاتين في لحظة إنعكاس إتجاه التيار المستحث في الملف .. التيار المتولد ذا إتجاه واحد إلا أنه متغير المقدار.

http://us.f1.yahoofs.com/users/c52fcd15/bc/My+Photos/D1.jpg?bc_mUw9A6kCa.hTg


للحصول على تيار ثابت المقدار تقريبا وذي إتجاه واحد يستعمل عدة ملفات بدلا من ملف واحد وترتب بحيث تحصل بينها زوايا متساويه كما يقسم المبدل إلى عدة أجزاء بحيث يتصل كل جزئين متقابلين بطرفي ملف مستقل كما هو واضح في الشكل التالي .. التيار المتولد ذا إتجاه واحد إلا أنه ثابت المقدرا تقريباً.

http://us.f1.yahoofs.com/users/c52fcd15/bc/My+Photos/D2.jpg?bc_mUw9AcZ0wBkgO



والآن أخي لاست هوب .. أي نوع من التيارين سوف تستخدمه الآنسه البابطين في اختراعها .. التيار المستمر أم التيار المتناوب .. ولماذا؟

والأهم .. ماهو ال ميكانيزم الذي ستستخدمه لتحريك الحلقه المعدنيه كي تنزلق على الفرشه الثابته .. وهذا من وجهة نظري المفتاح الرئيسي للإستفاده من حركة المشي الميكانيكيه وتحويلها إلى طاقه كهربائيه سيتحدد قوتها حسب ما يلزم بعد عمل عدة تجارب مخبريه .. وعلى أساسها يتم حجم الشاحن الذي سيثبت في الحذاء.


سأترك ذلك لك .. ولهم.

أعتذر على هذا الشرح الممل ولك مني فائق الإحترام.


-------------------

سامي
LAST*HOPE
02-10-2002, 01:58 AM
السلام والرحمه والاكرام ..


أول شي ترا احتمال كبير يصير لي عوده عشان اجرب حظي واراجع معلوماتي لكن متى ما ادري :rolleyes:


ان شاءالله هاليومين لأن من جد تحمست معك وحسيت اني ناسي كثير من اشياء المفروض ما انساها :(



لكن كنت تسأل وش نوع التيار اللي راح تستخدمه وفي اعتقادي لابد ان يكون تيار متقطع او متناوب او مدري ايش .. لأنه شاحنات الجوال تلاقيها براس كبير بدل فيشه عاديه وهذا لتحويل كهرب المنزل (المستمره) الى متناوبه .. طبعا بالاضافه ان البطاريات دائماً (أعتقد دائما) تكون متناوبه لذا وبما ان الجوال يشتغل على بطاريه فهو متناوب ..


تسائلك الآخر عن الميكانزم المستخدم .. صراحه انا شخصيا اتوقع انه لم يستخدم الميكانزم المذكور والمشروح هنا يبدو لي الأمر صعب وربما كانت هناك طريقه او طرق اخرى لا اعلمها .. او ربما طورت طريقه معينه لمكانيكية المشي بمضاعفة محصلات القوى او السرعات او ماشابه .. مثلما يحدث أحيانا مع البكرات ..


اقول لك .. انا تعبان ولاني رايق الحين .. ولو قلت اكثر كل اللي بيصير انكم ما راح تفهمون ولا تطلعون بشي .. عشان كذا الوعد قريبا ان شاءالله ..


والسلام ختام .
LAST*HOPE
02-10-2002, 02:01 AM
:o :o :o :o :o


شكلي من جد لخبطت :o


الحين انا فهمت المتناوب على اساس انه (DC)

والمستمر على اساس انه (AC)


لكن تذكرت ان الـ(DC) هو اللي ثابت ومستمر


والـ(AC) هو اللي متغير وعلى شكل موجات :o :o



سوري



واعكسو الوضع ::[



باي


^-^
BackShadow
02-10-2002, 03:47 PM
يسعدلي مساكم جميعاً


هلا سومة حبيبي


انا بصراحة موافق على اي حاجة تقولونها


بس تروني مبلوش مع ثامر بالفيزياء ..

يعني هو يكفي مطيرلي مخي :hap:



تسلم والله يا ابو احمد على الشرح الرائع هذا :SMIL:



مع تحياتي
Sami96SA
02-10-2002, 08:02 PM
مساء الخير

أولا وقبل كل شيئ اعتذاري لأختنا ملكة البحار.

أنا مدري وش فيني قمت أنسى أرد على الناس .. السموحه يا حنان نسيت أرد عليكي ويمكن تحمسي بالشرح خلاني أنسى.

صح كلامك .. الحين تذكرت انك تخصص ماث مو فيزياء.


-----------------

لاست هوب

يا أخي انت عاجبني .. ومن يومك .. رايق كذا ولا عليك من أحد.

كيفك بالإنجليزي يا تركي؟

لأن ودي أشرح أكثر بس المشكله ثقافتي فرنساويه وبيكون أسهل علي شرح اللي بقوله .. لكن أخاف يقولون هذا شايفن حاله.

لذلك لن أفعل :)


شوف حبيبي

انت قلت "تسائلك الآخر عن الميكانزم المستخدم .. صراحه انا شخصيا اتوقع انه لم يستخدم الميكانزم المذكور والمشروح هنا يبدو لي الأمر صعب وربما كانت هناك طريقه او طرق اخرى لا اعلمها .. او ربما طورت طريقه معينه لمكانيكية المشي بمضاعفة محصلات القوى او السرعات او ماشابه .. مثلما يحدث أحيانا مع البكرات .."

اللي شرحته فوق مو الميكانيزم اللي أنا أقصده .. اللي فوق هذا ضروري لتوليد الكهرباء .. وعشان الكهرباء تتولد بالسلامه لازم الحديده تدور وعشان تدور لازم أحد يدورها.

الأحد هذا هي الرجل لمن تمشي .. أوكيه؟

الميكانيزم اللي أقصده هو مثل الدولاب اللي في دينمو الليت اللي في السيكل .. تعرفها هذيك اللي تحتك مع الكفر وتدور .. وكل مازادت السرعه زادت الفولت .. معناتها زادة قوة الكهرباء.

وفي حالة الجوال نحتاج تقريبا لتيار قوته 355 mA .. و 1.3 Volts


ومثل ما قلت انت نحتاج إلى تيار مستمر DC لتوليد الكهرباء .. يعني كل الهلمه اللي مرسومه فوق تحت التيار المستمر راح تكون جوا الشاحن اللي راح يتركب داخل الحذاء وانت بكرامه .. والشيئ البارز منه هو القطعه اللي بتسوي احتكاك مع الأرض لتدوير المعدن اللي داخل الشاحن.

معايا يا تركي؟


على فكره ولو فيها بجاحه شوي ممكن أعرف تخصصك وشو؟


تحياتي لك يا الأمل الأخير وشاكر لك درعمتك في الموضوع .. هذه الدرعمه بالنسبه لي شي كبير .. أكبر من أن أصف.


خلاص حبيبي عشان خاطرك أنا مسامحك لا تقرب للموضوع عشان لا تدوش دماغك .. أنا كان مالي ومال الهباب دا .. أنا ناقص :D


---------------

محمد

ازايك يا حبيبي؟

انت راد عشان تقول لي شرحي صعب؟ الله يسعدك يا شيخ؟


أجل ثامر مطير لك مخك بالفيزياء!! الله يعينك .. هو والفلسفه حقته محنا متحملين ويشبك معها الفيزياء تطلع شلولخ على طول :)


على فكره الفيزياء ابتلش بعلم أساسيات الكهرباء .. ولو على كيفي ما حطيت دروسه مع الفيزياء وخليت الفيزياء بس لنيوتن وربعه.

شكرا على طلتك عيوني.


--------------

سامي
ناصر الأحمد
03-10-2002, 06:44 AM
السلاااام عليكم


<<<<<<<حقد مافتح معه الموقع :mad:
صبااح الخير




الحين سامي تبي تقولي مولد كهرب بالجزمه الله يكرمك:confused:


والله مصيبه باتسر يجيك تلفون المايك بالخشه والسماعه بالاذان :D


وسوالك تبي تعرف كيف يدور المولد

طلعت بشوي فكره عن الطريقه بس تراي ماعرف اسامي مصطلحات الله يعيينك ان فهمت

والا الله اقوى:D

يعني تقريبا يكون الحركه اول شي في بدايتها يحتاج الاضغط

يعني يكون ذراع متصل فيه قطعه حديد زي الرمان بلي بس يكون نص


اسرع شي زي فخوذ عامود الكرنك

يعني قوه في جهه وحده

والقوه هذه تساعد على ارجاع االذراع لوضعه الطبيعي بعد رفع القدم عن الارض

اقرب لك اكثر زي طريقه الي يستخرج البترول مدري وش اسمه الي ماغير نازل طالع نازل طالع


بعدين لاتسى مشاءالله البنات عليهم جزمات من كبرها تركب فيها مكينه ست سلندر مو مولد :D


وعلى فكره حصلت اصغر محرك بالاحتراق تقريبا حجمه تاخذه كف اليد

وكل شي فيه من بستم وعامود كرنك وبلوف بس طريقه البلوف تختلف شوي لانه مافيه عامود تيمن

<<<<<<<<< خش جو مع المكيانيكا :D

ويركب على سيارات صغيره تقريبا مقاس كرتون الببسي ابو نص مع القوارير :D
تاصل سرعتها الا ستين كيلو بالساعه

يعني ممكن يكون طريقه المحرك الي يحرك المولد الي بالجزمه الله يكرم السامعين

من طريقه ذراح البستم وفخذ عامود الكرنك
وحركه الضغط صادره من الضغط على الارض والخفذ يساعد على ارجاع الذراع لوضعه الطبيعي

وبالنسبه للمولد اذا كانك شايف هزار الجوال كيف حجمه يعني اكبر منه بشوي راح يوفي بالغرض

بس كم امبير يولد عاد هنا نتوهق






بس تعال وش الي تقول يبي بفلحن البنات خلهم بفرقون بين الزراديه والكماشه اول:D





تحياتو ووووالهجههه
Sami96SA
03-10-2002, 11:26 PM
مساء الخير

يا شيخ جعجععع روح الله يسعدك يا رب.

أسعدتني وفرحتني الله يفرحنا فيك عن قريب يا رب.


شرحك يا أخي يذكرني بالروح لمن تشرب لها راس قدو تتن عماني وبعديها يطلع معها اختراعات .. بس هي في الكلام وانت في الميكانيكا.


أقول لك شي


مسز البابطين لازم تتصل عليك وتاخذ شورك في خيارات الميكانيزم لأن ما شا الله عليك عقليه صح.

بس أختلف معك في مكينة الإحتراق الصغيره اللي لقيتها .. يا أخي حرام عليك تبي تشب نار في رجل الحرمه .. وبعدين كل شوي وهي تبي تعبي بنزين.

فكرة ال reciprocating اللي قلت عليها فكره حلوه واعتقد هي المناسبه .. هي ما غيرها اللي تتحرك 90 درجه وبعدين ترجع لوحدها بضغط من سيبرنق يكون مثبت.


أقول جعجع حبيبي

مخك نظيف .. ما شا الله عليك.


تحياتي العطره لك.

----------------

سامي
aljenny
04-10-2002, 10:06 AM
السلام عليكم

يا أخ سامي ترى مايجوز هالكلام جزاك الله خير !

مايجوز أبد تشهر ببنات خلق الله !!

ياناس وين المشرفين وين الإدارة وين الرئاسة وين الهيئة ؟؟

(لا بس حبيت أرد عليك وأستفزك لأني حنيت لكتابة إسمك يبو أحمد)


تحية وإحترام وتقدير لبنت الوطن المخترعة ..
وعقبال إن شاء الله نسوي مفاعل نووي يثبت في أسفل الحذاء ويمر من عند تفتيش المطار ومايكفشونه الخواجات


تحياتي لكم جميعاً .. وألاقيكم بخير
Sami96SA
05-10-2002, 06:34 PM
مساء الخير

جنجون

شفت واشلون بنات الوطن قامن يفكرن في الغزير!!

اليوم شاحن .. بكره الله العالم .. واعطيهم بس كم سنه واللي تقول عليه بيصير .. أجل يلعبن تفكر.


إلا انت يبو البنادر مالك برائة اختراع من قبل ولا شي؟

علمي بكم ياهل الجن انتو تلعبون بالنار لعب كنها مويه بارده .. مو مثلنا حنا يالمساكين من خوفنا من النار صرنا نغني ...

- لا تلعب بالنار .. تحرق صبيعك

- جرب نار الغيره .. جرب .. وقول لي .. ايه رأيك .. جرب واوصف لي

- نار يا حبيبي نار .. حبك نار .. بعدك نار .. قربك نار .. واكثر من نار

- ناري ناري .. ناري من جمالو



الخ الخ الخ .. بخخخخخخخخخخخخخخخخخخخ




حبيبي

تروح وترجع بالسلامه

ما يحتاج أوصيك .. أبيك وانت في مدريد تكلم رونالدو إذا يوافق يجي الإتحاد عشان يصير ثنائي مرح مع بيبيتو.


بانتظار المسافر على ناااااار.


------------------

سامي
محمد المحيا
05-10-2002, 11:02 PM
مرحبا أبو أحمد :)

الموضوع هذا قريته العام الماضي في جريدة الجزيرة والغريب إنه نازل الحين في "الرياض"!!

عموماً أنا دورت على العدد اللي نزل فيه الخبر.. تلقاه على الوصلة هذي:
http://www.suhuf.net.sa/2001jaz/apr/19/mk7.htm

ورح تشوف التفاصيل بنفسك ... وتعرف إن الاختراع (راح) على صاحبته لشخص آخر ..

وعموماً ما أظن الاختراع هذا ينجح في بلاد العرب لأن العرب يبحثوا عن اختراع لشحن الجوال عن طريق اللسان المتحرك لتوليد الطاقة اللازمة :)
أو جهاز يرتبط مع الخشم أثناء النوم يحول الشخير إلى طاقة شخربائية ;)

أما المشي فخله لأهله

تحياتي لك

محمد
ناصر الأحمد
06-10-2002, 07:31 AM
صبااح الخير


اهلين سامي

كيف الحال


بالنسبه للي قلت انا معك بكل شي

الا حاجه وحده

ان مخي نضيف

صراحه اشك فيها :D


المخ رايح وطي صراحه وانواع التنسيم وشوي اركب مروحه شفط في راسي من كثر الحوسه الي فيه :D


بس تعال الحين :mad:

يوم اقولك ترا ماعرف مصطلحات وتجي تقولها لي وبالعنقليزي بعد::]

لو على الاقل قلت وش تصير على شان نستفيد
علىشان مانتوهق مره ثانيه :D


تحياتوووووووو
Sami96SA
06-10-2002, 08:34 AM
صباح الخير

هلا محمد (أبو عبد الله)

ياااااه الإختراع ذا منذ مبطي أجل.

وجريدة الرياض ما شا الله عليها تبي تعبي ورق بس .. والناس ولا عندك أحد .. فعلا شي يقهر.


يا أخي أنا قريت ردك واللي مكتوب في الجزيره من الصبح وضاق صدري .. فعلا البنت هذي مسكينه تعذبت وخسرت فلوس على الفاضي.


بصراحه اللي صار لها شي يخليك تكره حتى تفكر .. وتقول لحالك الأحسن الواحد يصير مثل البهيمه ياكل و ... و ينام.


قالت شاحن قال!!

يا بنتي خلصي دراستك وقعدي في البيت أبرك لك .. وانتظري دورك (هذا دور ثاني) يجي أحد يخطبك ..



" العرب يبحثوا عن اختراع لشحن الجوال عن طريق اللسان المتحرك لتوليد الطاقة اللازمة أو جهاز يرتبط مع الخشم أثناء النوم يحول الشخير إلى طاقة شخربائية


صدقت يبو عبد الله .. اي بالله صدقت.


---------------

سامي
Sami96SA
06-10-2002, 08:47 AM
صباح الخير

يسعد صباحك يا غالي يا جعجععععع


أختلف معك

كل اللي قلته صحيح حتى قولتي مخك نظيف.

وبعدين نظيف بالظاء مو بالضاء.

على العموم الإملاء ماله علاقه بالمخ .. فتطمن :D


reciprocating يا حبيبي يا جعجعع معناتها العمليه الحركيه اللي انت قلت عليها ومثلتها بهذيك اللي يستخدمونها في حفر الآبار.


والله أنا نفسي ماني عارفها بالعربي .. ومو ضروري .. أهم شي نعرف وش تعني.


تحياتي لك يبو الشباب.


-------------------

أخوك أبو احمد
LAST*HOPE
07-10-2002, 01:54 AM
السلام والرحمه والاكرام ..


أول شي انا مع سامي .. ومخك صدق نظيف ياجعجعوه .. بس لو تترك عنك قلّة الثقه بنفسك .. وتسوي فيها ما عندك سالفه وانت ابو السوالف كلها ;)


ثاني شي راحت علينا ياساميوه .. محمد جاب الخبر اليقين ... اهب عليه قاري الخبر قبل سنه والى الحين يذكر ::[ (راح فيها الولد :D )


تف تف تف ماشاءالله تبارك الله .. بعد يقول الحين ماني فاضي تعيش رهف بكره مع اب فاقد الذاكره .. ويقولون انا السبب :o


وانا ياسامي في جامعة الملك سعود كلية العلوم الطبيه التطبيقيه قسم تكنلوجيا اجهزه طبيه .. ودراستنا فيها كثير الكترونيات عشان كذا عندي شوي معلومات واحاول اطور نفسي .. ولا تقاطعنا من هالمواضيع ..

وختاماً انا شخصياً أفضل الشرح بالانقليزي .. مو بكيفي غصب كل شي انقليزي عندنا ::] .. وانت وش عليك الناس ما تترك احد بحاله سوء قلت بالعربي والا انقليزي .. مره ثانيه لا تتردد ..


والسلام ختام .
محمد المحيا
07-10-2002, 11:00 AM
أهلين لاست هوب

تحسدني لأني تذكرت شي صار قبل سنة؟!!

أجل لو قلت لك عن أشياء صارت قبل آلاف السنين وش رح تقول؟!! ;)

الحمد لله .. والله يكفينا شر الحاسدين.. :)

على فكرة .. ايش سويت بالغوص؟؟ تعلمته خلاص؟
والا شكلك مبسوط على البانيو :D