وسيلة .. ام غاية

[عــــزيــــز]

صباح الخير..

هو الحقيقة .. موضوع فارسني من زمان :mad: ومطلع خلقي.. بس حادثة البارح زادت الطين بلة..

واحد من الشباب كل متضايق من فاتورة الموبايل تبعه ..
(وهذا شي الى الان طبيعي لانو اعتقد مافيه احد مو متضايق من الناحية هذي:D )



قلت له يافلان طيب عادي ..ايش فيك معصّب
- قال : اي عادي انا عمر فاتورتي ما تعدت 800 ريال جتني 1363ريال.

-قلت : طيب خف على نفسك ياهووووووه;) :D

قال: لا والله عزيز نصها رسايل ..





عرفت بعدها ان 520 ريال رسايل..:eek:

يعني اذا قلنا 120 ريال رسوم +520 ريال رسايل =640 ريال تقريبا نص الفاتورة..!!!!!!!!!!!!!!!!

واذا قلنا الرساله الوحده بربع ريال وعندك 520 ريال رسايل يعني تقريبا 2080 رساله في مدة شهرين بمعدل 35 رسالة في اليوم الواحد:confused: :eek:

لا الراجل هذا مدمن..من جد:hap: طيب ماخلص الكلام اللي فالرسايل؟؟


طيب ايش الفائدة المرجوه من الرسالة .. اللي هي المفترض انها وضعت لاهداف ثانية ..
انا بالنسبة لي ما انكر انو بسبب نظام الرسايل رجعت علاقات لي مع اعز الاصدقاء في كثير من الاحيان .. لانها بصراحة بكلام حلو ممكن تذيب الثلوج المتجمده بين الاشخاص..وراح تكون ابلغ واحلى من المواجهه لانو في بعض الاحيان المواجهه تزيد من التأزمات حتى ولو رجعت المياة لمجاريها..

لكن مسألة انو يتحول النظام هذا الى هواية وغاية فاعتقد انها مسألة توصل الى حد الساذجة ..
هذا مو يعني انو اذا ارسلت رسالة مرحة او كلام حلو اني اصير كذا انسان ساذج .. ان اقصد انها تصير المسألة في حدود المعقول..

تخيل رسالة تجيك الصباح وانتا طالع من البيت للدوام .. فيها كلام حلو وناعم.. راح تنفتح نفسك للدنيا بأنتعاش..مو:)


مسألة اخرى احب اناقشها.. وهي العلاقات الاجتماعية كيفها بعد دخول هذا النظام..؟؟:rolleyes:

طبعا الموبايل .. خفف الكثير من العادات والتقاليد الاجتماعية في التواصل والترابط ان لم يلغيها .. فممكن بأتصال تنهي لك زيارة كان من المفترض انك تعملها..
جت الرسايل والغت هذا الاتصال حتى .. ليحل محله رسالة بكلام مرح او حلو يفهم المعني (انك على بالي) وخلاص.
بل وزاد ذلك انو رسايل الجوال اصبحت بمثابة المعايدة او التهنئه للاشخاص ..ووصل الامر الى حد انو بعض الناس اصبح يطّلق عبر رسايل الجوال.. (قبل ان تظهر فتوى ببطلان ذلك)..

غريب امر هذه الرسائل..

موضوع للمناقشة ولي عودة اخرى مع ردودكم..

تحياتي..
:confused:

[عبدالله الكناني]

يعطيك العافيه ابو العز
كلامك في محله

وان اشهد انه كلام الرجال الغانمين

صحت يمينك والله لا يهينك

[الأصيـــــــــل]

مساء النرجس والليلك

عزيز حبيبي كيفك؟؟؟

موضوعك يبغاله جلسة زي جلسة ذاك اليوم بالسيارة

بس بدون طلال سلامة :p

برجعلك ثاني

تحياتي،،،

[عــــزيــــز]

الله يعافيك حبيبي..

صح بدنك..:p

تحياتي لك..

[عــــزيــــز]

صباح الورد والعنبر;) :D

الحمد لله .. كيفك بعد نايف:rolleyes:

طيب بأنتظارك حبيبي .. برضوا من دون طلال:p


تحياتي لك .. يالغالي..

[ابوفهد]

أخي الحبيب عزيز
الله يسعد ايامكم بكل خير

موضوع يستحق الطرح للنقاش لكن السؤال

هل هناك أحد عنده استعداد لترك عادة إرسال الرسائل؟

استعمال الجوال في خاصية الرسائل شيء عادي

لكن بشرط أن يكون ذلك عند الضرورة فقط

ومثال ذلك لتقديم تهنئة في مناسبة

أو لتحديد موعد كما هو حاصل معنا في الاجتماع الأسبوعي

أو أن العائلة ترسل رسالة لاحضار عرض ما للبيت

أما استعماله بالشكل المنتشر حاليا للأسف الشديد

فأعتقد أن ذلك يعتبر سوء استخدام لتقنية ثم توفيرها للمستخدم

والغريب أن المستخدم لا يعتبر رغم ارتفاع قيمة فاتورته وحسب علمي

هناك أشخاص يرسلون أكثر من 35 رسالة في اليوم الواحد كحالة صاحبك هذا .

إن استخدام الرسائل في الأمور المهمة ليس فيه خلاف لكن أن تصل

درجة الاستخدام لنشر النكت والتعليقات التافهة فذلك هو قمة
السذاجة .

وعلى كل حال أعتقد أن كل إنسان مسئول عن تصرفاته وإذا عاجبه ارتفاع فاتورته فهو حر ويستاهل .

تحياتي

[جياد]

هلا والله بالجميع ...

ليش زعلان خبيبي عزيز ؟؟!!

الرسايل حلت محل السلام " المطيور " حق جنجون :)
يعني على ماقلت رجعت لك علاقات مع أعز الأصدقاء ..

بس هالسلام " المطيور " ماراح يحل مكان الزيارات الأسرية وصلة الأرحام بالذات...
تقريبا تقضي الواجب مع الزملاء فقط ..
أما الاصدقاء وإن كانت عربون وفاء ..
فلا أظنك تقتصر على رسالة تشفع لفترة غياب طويلة !!!

وخويك ذا مدمن ..
يبي له يخاويني كم يوم والله لأخربه لك ..::*
لأني ولله الحمد معافى من بلوى الرسايل عبر الجوال ..

لي طلعة غريبة مع الرسايل والجوال !!!!!

لدرجة اني كنت متمسك بجوال .. مايقرأ العربي فترة طويلة ..!!!
ويوم شريت جديد شريت واحد نفس الطقة .. مايقرأ عربي ..
مرتاح من الرسايل ..!!
ويوم جبت بعد كذا عربي .. العالم ادهرت علي رسايل ...
بس الحين ملوا ..
لأني مرة أرد ... وعشرة لا !!

والناس ياقريب عندك .. يابعيد عن عينك ..
فاللي عندي في وجهي اربعة وعشرين ساعه ..
واللي ماأشوفه الا من فترة وثانية ماتكفيني رسالة معاه !!

يقولون لي انت غريب ياخي ..
ودهم يقولون مجنون بس مو حاصل !! :D


*جيـــــــاد*

[عــــزيــــز]

الله يصبّحك بالرضا والعافية..

هل هناك أحد عنده استعداد لترك عادة إرسال الرسائل؟

# في الرياض خصوصا مأعتقد:p .. وعلى فكره السؤال اللي يطرح ..

هل هناك احد عنده استعداد لتخفيف عادة ارسال الرسائل:rolleyes: ؟

اعتقد كذا السؤال راح يكون منطقي الان..:cool:


#حكمة قلتها .. اعجبتني ابوفهد..

(وعلى كل حال أعتقد أن كل إنسان مسئول عن تصرفاته وإذا عاجبه ارتفاع فاتورته فهو حر ويستاهل ))

واضيف ..(وينضرب على قفاه)

تحياتي لك يالغالي..

[عــــزيــــز]

صباح الخير عزيزي..

# الا قل سلام مجنون ..مش مطيور:p

#وبالنسبة للعلاقات الاجتماعية .. بشكل عام جياد صدقني حلت محلها واصبحت العلاقات فيها نوع من السخف لتحولها عن اسمى وارقى حالات الصداقة او صلة الارحام..للاسف

# خلاص ابرسله لك هناك ;) هو من نفسه بيتوب .. يعني مين بيرسله هناك..

#يمكن اروع مافيك حنونك جياد..

تحياتي لك..

[رمز]

مساكم اللة بالخير جميــــــــــــعا


جاي متأخرة شكلي

على العموم أخوي عزيز أنا ودي

أضيف شي بسيط

لأنة للاسف قرأت الموضوع وهو طازة

بس ما قدر لي أن أرد لكن على كل حال

الاخوان أجادو وأفادو ا وما بقي الا أن أذكر

أن الشيء اذا زاد عن حدة انقلب ضدة

والحقيقة أن الرسايل ما جاءت بالأساس

الا رحمة بالناس ومع ذلك أصبحت عذابا .

والدليل

أصبح تقريبا معظم الأشخاص

كل سنة يغير رقمة طبعا ليس بطوعة

وانما ..... ومع ذلك لا يزال هناك أناس

مرضى بالمراهقة المتأخرة .

وأنا شخصيــــا رأيت رجلا يقرأ من جوالة رسالة

عبارة عن ابيات غزل ويبتســــــــــــــم

وكأنة يوهم نفسة أنة ذلك الصبي الوسيم

ومن تتهافت علية الفتيات .

عزيزي عزيز ...

يؤسفني أنني دائما ما آتي في اللحظات الأخيرة

لكن أتمنى أ، اكون وفقت في ايصال ما أردت

قولة .

تحيــاتي وحيـــاتي

[عــــزيــــز]

صبحك الله .. بالخير والعافية

لا حبيبي الموضوع مفتوح ومافي فرق انك ترد وهو على قولتك طازه او ترد بعد ما استوى .. طبعا اذا كان عندك شي يزين النكهه:p ..

# عزيزي المراهقة المتأخرة .. نقطة هامه اغفلناها فعلا..وخصوصا اذا كانت هذه الرسائل هي بمثابة الامل في تشبث هذه الفئة بجمال الماضي بالنسبه لهم..فالكلام المعسول قد يثير جنون ذاك المراهق الكبير الى ان يصل (الى ادمان ما ذكرنا)..

عزيزي رمز اشكرك لتواجدك والذي جاء في الوقت المناسب..واضاف نقاط هامه..

تحياتي الحاره لك..

[ملكة البحار]

مرحبا عزيز ...

الرسائل مررررررررره مهمه في الحياه :D

تسليه + سؤال + وصل + مشاعر + نكت +أخبار

حاجه رهيبه ... ولو اني ما احب المبالغ فيها ...يعني الكلام الي في الرساله ...

أحب الرسائل وابشرك اكثر من ثلاث ارباع فاتورتي رسايل

ضمني لفريق صديقك :)

تحياتي ..

[عــــزيــــز]

صباح الخير..

اهلين ملوكة..اممممممم مهمه في الحياة هاه:mad:

طيب ممكن سؤال فاقع كبدي..

# كيف مأحب ابالغ فيها ..وابشرك اكثر من ثلاث ارباع فاتورتي رسايل..

اجل لو تبالغين ايش راح تعملي..:D :D

لا انا ابشرك الموبايل تبع صديقي ارسال الحين :D :D عقبال مايفصلونه:rolleyes:

تحياتي لك..

[BackShadow]

يسعدلي مساكم جميعاً


هلا عزوز ... يعطيك الف عافية على الموضوع هذا


شوف حبيبي ... انا مر علي واحد اتنح من صاحبك هذا

كان جواله عائلي ... وكان له صديق برضة جواله عائلي :hap:


المهم يجلس هو طول الليل وخويه رسائل مثل :


جوال عائلي رقم 1 : كيفك يا باشا

جوال عائلي رقم 2 : بخير حبيبي

جوال عائلي رقم 1 : كيف مر عليك اليوم

جوال عائلي رقم 2 : والله تمام .. ستر وعافية

جوال عائلي رقم 1 : وش صار في موضوع خويك

جوال عائلي رقم 2 : ابد ... رحنا للرجال


بعدها طبعاً عشرين رسالة ورا بعض


جوال عائلي رقم 1 : طيب زين انها جت على كذا

جوال عائلي رقم 2 : اي والله ...



وينقلب الشغل تشات ... كأنك في محادثة ماسنجر



المهم ... انا بصراحة حصل معي زي ما حصل مع جياد

كان معي جوال انجليزي .. وكل ما ارسل احد لي رساله ما ارد عليه

ولا اكلف نفسي اني اقراها ...

واذا اتصلت عليه او اتصل علي اقول له ترى جوالي انجليزي

يعني ما ادري ايش تقول .. يقوم هو يعرف ويعتذر ولا عاد يعودها

فارتحت من الرسائل


الا الناس المهمين يرسلون بالانجليزي طبعاً

او انجليزي معرب ... يعني زي كذا Mhmd atisl aioni

يعني " محمد اتصل عيوني " <--- وحشتني يا عووووووض :hap:


المهم ... هي مفيده احياناً ... ومعبره احياناً ...

وتحسسك احياناً بان الناس اللي يهمهم امرك قريبين منك


بس كل شي في الدنيا ذي اذا زاد عن حده ... ينقلب ضده :SMIL:



مع تحياتي

[عــــزيــــز]

صباح الخير ..

لايكون صاحبك هذا .. واحد عندك تنح اعرف..:rolleyes:

والله سالفة الجوال الانجليزي .. هذي مره حلوه.. بس ممكن انها في بعض الاحيان تقهر بالحيل ..مو:(

وفعلا هي مفيد ومعبره احيانا ..لكن في حدود المعقول ووقت الحاجه..

تحياتي لك..اخي الغالي