مشكلتنا ومشكلة الشباب [الأرشيف]

مشاهدة النسخة كاملة : مشكلتنا ومشكلة الشباب

همسة عاشق

24-10-2007, 04:18 PM

بسم الله الرحمن الرحيم

صبحكم الله بكل خير وسعادة

اليوووم فااايق ورايق وقعدت أكتب حاااجة أبوو طووويل خخخخخ

بس حبيت اليوم أكتب لكم موضوع عارف إنوو الكل ماا يطيق المواضيع الطويلة واللي يكوون فيها هرج كتيير وفاضي ولا مالوو داعي ولا على قولتهم خبط لصق ومنقوول

أتمنى ثم أتمنى
إنوو ما أشووف رد واحد يكتب يسلمووو ولا يكوون تعليق باااايخ

حبيت أتكلم عن موضوع حساس ومهم وكل الشباب يمروو فيه وما يحسو فييه إلا بعد يعدي عليهم فترة وهما موو داريين عنووو

كلنا شباب والوضع دا صاار معروف ومنتشر بشكل مرره كبير

وهو وضع التعارف بين الشباب والبنات

مافي أحد يقووول ما أعرف ولا ما كنت أعرف ولا بنت إلا من رحم ربي

كووووولنا دخلنا نفس المواال وكلنا عشنا فترة تجربة وتغيير

مننا كمل تجربته لحد الآن ومنهم من وقف ودور على تجربة تانيه ومنهم اللي أخذ درس وإتعلم وربنا هدااه

ناس تتعرف بالماسنجر وناس تتعرف بالجوالات وناس تتعرف بقنوات التلفزيون وتانيين يتعرفو في المنتديات أو البالتوك والشات إختلفت الطرق لكن الهدف معرووف وهو التعارف والصداقة وفي أقوال أخرى حبحبان (حب) << في مصطلحي :220:

ناس تقعد تتكلم أسبوع وناس تتكلم وتتعرف شهر وناس تتكلم وتتعرف وتقابل (بالعربي تديت ) سنين

أنا ماا أبغى أدخل مدخل الدين والشرع لإنوو أنا مني مفتي ولا نبي منزل وأحكم ولا أقول حاجة من راسي ولا أسوي نفسي مطوع

أنا شاب زيي زي غيري عمل . بيت . قهوة . كباين . أسواق يعني على قولتهم مع الخيل يا شقرا بس بدوون ما أقلد التقليد المنحط بتنزيل البنطلون والقصات اللي تجيب القرف على قولتهم وسط بين الناس بين الملتزم وبين الداشر الصايع

بس بأدخل للموضوع بمدخل مادي وياليت الكل يفكر فييه شويه

مثلا إنتا شاااب وتكلم البنت دي
لازم تتخسر بكل الطرق اللي قلتها برضوو تتخسر فيها

إن كان ماسنجر بتخسر وقتك ونظرك وتشغل تفكيرك بحاجة منتا متأكد منها ح تفيدك ولا ما تفيدك ولا إن كان بنت أو ولد وبيسوي لك مقلب
إن كان جوال فخذلك على الخسائر والناس كلها تسب وتلعن في شركة الإتصالات وتقوول إنها تمص من دمنا وتسرق فلوسنا طيب هيا تسرق وتمص من دمنا كدا من الله مافي سبب ؟؟ تلاقي التلفون ولا الجوال مشغووول طوووول الليل وتلاقيه يسب في شركة الإتصالات لما توصل وقت المكالمة 1:59:50 ويقفل الخط لحالوو << يااااما صارت فيا خخخخخ

باللهي ساعتيين ؟؟ ماا تعدم الإذن ما تعدم الدمااغ ؟؟

وهذا كويس لوو ما كمل الساعتين اللي بعدها واللي بعدها كمااان

هذا كلووو لووو كان متعرف على وحدة بس أجل اللي ذمتوو واسعة ما شاء الله ومشبك 3 ولا 4 بنات ولا يمكن موصل للعشرة دا إيش تقوول عليه إيش رووميو ولا هيركوليز مسوي فحل على غفلة والقهر لوو كان يضحك على دي ويقووولها من معسوول الكلام ولا يجي للي بعدها يقووولها نفس الكلاام يعلق بنات الناس عليه ولما يطفش منهم إيش يقوول واللهي ما ضربتك على يدك وقلت لك إتعلقي بيا ولا حبيني وعلى قووولت الشباب أحلى سيفووون عليها ويرووح يدور على لعبه تانيه يلعب بييها

سييبك من دا كلووو
بعد ما يخلص من الأولى قد إيش يكوون خسر هوا ولا هيا كماان قد إيش تكوون خسرت من ناحية نفسية ولا من ناحية مادية
واللي بعدها وبعدها وبعدها والمشكلة تحصلهم سبحان الله ما يحسوو ولا يبطلوو يقوولك أنا عشت فترة تجربة فاشلة أروح أدور على غيرها يمكن تكون تجربتي معاه أو معاها أحسن << أنا بأتكلم عن الشباب والبنات في نفس الوقت

طيب خلصنا وصلنا عمر معين أو ممكن في ناس إتعدووه ودخلنا في مرحلة البحث عن عروسة

إن كان يعرفها من أول يمكن يصير شي من الإثنين إما ربنا يكمل لهم حياتهم ويرزقهم ويستر عليهم
أو بعد فترة يبدأ الشك من ناحية الشاب أو البنت تلاقيها شااكة فيه وخايفة يكوون يسوي الشي دا من وراها ونهااية الشك علطوووول الطلااق

وإن كانت على قولتهم إختيار الوالدة ولا تقرب له برضو نفس الشي بس على الأقل لوو جاا الشك فحيكوون من ناحية الشاب قبل ما يجي للبنات يكوون إحساسوو إنوو أي بنت ممكن الواحد يشبكها ولا الواحد يتعرف عليها

بس في حاجة تشيل الشك وتلغي كل الحاجات دي هيا مخافة الله في اللي ح يتزوجها والتووبة لله بعدم الرجوع حذف أي حاجة أو ذكرى ممكن تفكرك باللي صار

خلاااص وصلنا للمرحلة النهائية وهيا مرحلة الزواج <<< أحلى زغاااريط خخخخخخخخ

تلاقي الشاب يتمنى إنوو يرجع كل ريال صرفوا حتى اللي صرفو في أكلو ولا شربو

كلوو علشان إيش تبغى تعرف ؟؟ واللي مخلي الشباب يتعقدو من الزواج ويخافوو يورطو نفسهم في موال هما في غنى عنو ويقوولك يا عمي خلينا عزاانيه وخاربينها براحتنا لا ورانا حورمة ولا عيال يجيبوو لنا وجع الراس
وخاااصة اللي بيعتمد على نفسو وما في أحد يساعدو ويعينو على الزواج

أولا يبغالك المهر <<< حوووصة كل مقبل على الزواج
تلاقي الآدمي يبغى يشق الأرض ويحووص علشان بس يدبر المهر يوصلها ممكن بسلف ولا بقرض ولا يشتري سيارة أقساط ويبيعها كاش ولا لوو كان عندوو أسهم يرووح يبيعها <<< أبوو الخبرة خخخخخ
هذا لوو المهر هين شويه ح يكوون أقل شي من 20 ألف كــ أدنى حد ومعد تحصل أحد يقبل بمهر زي كدا إلا نادرا
وتوصل لــ 100 و 200 ألف وخاصة الشي دا لأهل الجنوب ومعروف الشي دا
طبعا لووو ما قالوو لك مع المهر في شي إسموو رفد للأب وذهب للأم << ما قد سمعتوو عند الحضران

ثانيا علب الحلاوة وعربية الملكة
علب الحلاوة معروووفة وعادة شوية قديمة زي التحفة ولا مصحة صغير وملصق بيه سكر نبات وفرنفل و حلاوة نعناع أو شوكولاته كل واحد على حسب ذوقه
تكلفة الحبة الواحدة بالميت أو أقل شي 3 ريال طبعا بالحلاوة وتلاقيها أبوو كلب مرره بايخة
أما العدلة فتحصلها بين 12 إلى 70 ريال للحبة الواحدة
والعادة تتوزع للمعازيم وطبعا إللي بيجيب بيجييب كمية مايجيب حبة ولا حبتيين << ولا يقولو عنوو قريطي
أقلها يجيب 150 أو 300 حبة إتخيل التكلفة كم تكوون

وصلنا للعربية << موو قناة الأخبار خخخخخخ
تجي حاجة رمزية ممكن ناس تجيب تبسي ولا حاجة تنحط في المدخل ولا غرفة الضيوف وينحط فيها كم علبة يحطوو فيها المهر والحلاوة ويحطوو معاها مبخرة ولا شمعدان ويحط معاها كم عطر ممكن 3 او 4 عطوور
تقريبا تكلفة العربية ما تقل عن 2000 ريال بالعطوور تزيين العربية

وبكدا لولوولوللوولولولولوللولولييييي يي سوينا الملكة وبحمد الله <<< إنشفط نص الدم ولسع في باااقي شوية دم

ثالثا : السكن وما أدراك ما السكن
خاصة عندنا في جدة نيراان في أسعار الإيجار شي يتعب النفس لما تسمع الأسعار تلاقي شقة قد الحُق كلها غرفة وحدة وحمام ومطبخ بـ 10 آلاف ولا 12 الف في السنة أجل لوو يبغى غرفتين ولا ثلاثة علشان الضيوف إيش يسوي ؟؟ يتأجر بيت بـ 18 أو 20 ألف .. ؟؟
أما اللي عندوو بيت ملكه فهذا يبووس يدو وجه وقفا ويحمد ربنا يكوون راح منوو هم كبير

رابعا : تأثيث البيت وتجهيزه
ما يحتاجلوو شرح من غرفة النوم ولا من الصالة ولا من المدخل ولا المطبخ يعني حااجة برضوو تتعب
بس آخر شي قريتو في إعلان غرفة نوم وكنب صالة تقريبا بـ 11 ألف << على قوولتم يا بلاش والله يستر ما تكوون بضاعة تعبانه وبيتخلصوو منها

خامسا : قنبلة هورشيما قصدي الزواج << قاعة أو قصر الأفراح وتكاليفه
طبعا شي شي يخلي الواحد يحرم يتزوج التانيه <<< يا بخت العروسة خخخخخخخ

تلاقي القاعة تكلف 16 ألف هذا لووو لقيت بالسعر دا فأعرف إنك لقيت حاجة مرره لقطة
القاعات صارت أسعارها في حدود 50 ألف وأشكل من كدا وبرضوو كلوو على حسب عدد المعازيم
هذا لوو حسبوو لك العشا معاه وما قالوو لك الذبايح عليك <<<< الله يخاااارجنا

باقي الكووشة وباقي المصورة والمطربة أو الدي جي
طنبق طنبق طنبق <<< هلوس شويه خخخخخخ

ولووووولوووولووووليييي زغرووطة تانيه لنزف وإنهاء الدم
بس

فين شهر العسل <<< أكييد بعد دا كلووو ح يكوون في البيت خخخخخخ

ولا في ربوع بلاادي الحبيبة

ولا لووو إتبرع لهم أبووها برحلة على فرنسا أو أي بلد أجنبي < < عندوو أمل خخخخخح

والله يهني سعيد بسعيدة

شفتوو كيف إنوو الشااب يتندم على كل ريال كان يصرفوو قبل ما يفكر في الزواج ؟؟؟

حاسس إنو موضوعي مرررره مررره الـــ طويل

ومافي أحد ح يكمل قرايتوو لنهايتوو

وكمان أسلووبي مررره معدوم كلامي كلووو عامي موورسمي الله يعيين اللي يقعد يقراه خخخخخخ

وبس أبغااكم تدعوولي بالتوفيق

ويقويني على إني أكمل نص ديني

ويبارك لي ويساعدني على زواجي

http://www.jeddah4fun.com/images/smilies/hoo3.gif

في إنتظار تبرعاتكم قصدي ردودكم :drr05_52:
:262:

Nooosa

24-10-2007, 04:33 PM

.
.

الله يسعدك :)..
قرأت الموضوع كامل ، لكنك دخلت في أكثر من قضية ..
يعني اتكلمت في كثييير من مشاكل الشباب.. ماهي مشكلة وحدة

ح أختار وحده منها .. في رد آخر -بإذن الله-
ويمكن أخبص زيك وأقول في ( كلوو :D)

.. هذا الرد للتحميس|238| ،
وجهد مرة مشكور ..

همسة عاشق

24-10-2007, 04:42 PM

ويسعدك ربي كمااان

تسلمي والله يا نوسا

وفي إنتظار ردك :)

ألنشمي

24-10-2007, 06:07 PM

000
00
0

ياحبي لمواضيع تخص المجتمع

بس تدري اخوي حسن

لو بقيت على الاولى كان افضل

لأن ابو فهد منزل موضوع عن المهور والمغالاة

طيب نبتدي منين 0000 ( على قولها اكلك منين يابطة )

افضل دائما نناقش كل موضوع على حده

وراجعلك اخوي

ترى موضوع جيد ويخص مجتمع الشباب

الجيل الحالي وجيل الغد

دمت بخير

همسة عاشق

24-10-2007, 06:11 PM

الله يسلمك يا أبو أيمن

في إنتظار ردك

تحيتي لك

يلا صاروو ثلاثة :)

كل واحد ياخذ رقم ويستنى دورو خخخخخخ

((كــــــــادي))

24-10-2007, 06:32 PM

مرحبا // جـــــ JeDDaH ــــده

اروح امخمخ في قراية الموضوع وبعدين اجي ارد على راحتي

هدهد6666

24-10-2007, 07:33 PM

كنت جالس وامخمخ على المقال اللي ماله نهاية

انشغلت ولكن عندي نقطة مهمة وهي الخسائر اللي يخسرها السخص المسلم في معصية الله

اي شيء يخرج عن وجه لله وابتغاء مرضاته يدخل في خسائر جسدية ومادية

قال الله تعالى:((فَلَمَّا جَاوَزَا قَالَ لِفَتَاهُ آتِنَا غَدَاءنَا لَقَدْ لَقِينَا مِن سَفَرِنَا هَذَا نَصَبًا ))

هذا موسى نبي الله عندما تجاوز ما أمره ربه وجدوا تعب واعياء شدبد ..وهو نبي الله

فكيف بنا نحن خسائر وتعب وارهاق وامراض

.

.

.

يتبع

طائر الدرر

25-10-2007, 12:57 AM

هدهد6666

25-10-2007, 01:12 AM

يا لطيف يا رب كل هذه المصاريف عشان الواحد قرر يتزوج :152:

بصراحه يا حسن موضوعك يجيب للواحد الاحباط ويبطل يفكر يتزوج:266:

يا زين الهنديات جمال ودلال وفوق هذا هي اللي تدفع للعريس المهر :drr05_32:

:drr05_50:

ههههههههههه ..صح خلاص انا وانت ناخذ اخوات ..

---------------

التكاليف هذي نحن اللي نضعها ونختارها ..مو شرط كل من تزوج يكون على هذا الطريق

((كــــــــادي))

25-10-2007, 01:14 AM

عدنا

وعلى قووولت الشباب أحلى سيفووون عليها

الألفظ سعد يا شباب وانتم عليكم لفظ يهد جبال!:219:

***

طيب خلينا من حكايات الحب ووقت الفراغ الضايع اللي آخر نتايجو خسايرX خساير

***

شوف يا سيدي

مخمخت عالموضوع .....ومثل ما انت قلت الموضوع مادي بحت.

المهر : كدا ولا كدا لازم الشاب هو اللي يجيب المهر يعني ما احد يساعدو فيه

اما باقي الأشياء ممكن تتدبر بشوية تفكير ومساعدة من الأهل

يعني مثلاً :

بدل ما يدخل عليك خالك او ولد عمك بـ بوكيه ورد طول بعرض|41| وقيمته ايشي وشويات

ياليت يدخل لك بحاجة تساعدك في تأثيث البيت..مثل مكنسة .. فرن .. غسالة:drr05_70:

وطبعاً الكلام دا ينطبق على كل افراد العيلة من عمات وخالات وكمان اخوة و اخوات

يجلسوا مع بعض ويدرسوا الموضوع:drr05_61: وكل واحد يقدم اللي يقدر عليه ، حتى لو كم واحد

اشتركوا في هدية بس تكون هدية محرزة .

وما يمنع زملاء العمل يعملوا نفس الشيء

وبكدا يخففوا على العريس من المصاريف اللي ما يلحق عليها|527|

وبعدين مو لازم يكون الزواج في افخم صالة ... كفاية صالة نظيفة وتسع المعازيم

ياما رحت زواجات في صالات فخمة وكبيرة وتلاقي المعازيم فيها ضايعين ...الصالة كبيرة
والمعازيم قليل!

الحكاية فشخرة وبس.

على فكرة : عندنا الكوشة و المصورة على اهل العروسة ..كدا احسن مو بعدين يقولوا اهل العروسة شوفوا

اهل العريس فين جلّسوا بنتنا ..في كوشة ما تسوى!

وشهر العسل مو لازم يكون "اوت سايد " اسأل زادي عن عسير<<<<<كخخخخخخخ

انت بس متى ما نويت تتزوج اعطينا خبر عشان نسوي لك " قطّيّة " ونساعدك.

الله يكون في عونك وييسر لك أمورك ويتمم عليك نص دينك يااااااااااا رب

هدهد6666

25-10-2007, 02:58 AM

قال رسول الله (( ثلاثة حق على الله أن يعينهم : المجاهد في سبيل الله ، والناكح يريد أن يستعفف ، والمكاتب يريد الأداء ))

نعم حق على الله ايش تبغى اكثر من كذا ..اذا قررت تتزوج صفي النية وخليها للستر

شوف كيف تفتح في وجهك من كل باب

بدل ما يدخل عليك خالك او ولد عمك بـ بوكيه ورد طول بعرض|41| وقيمته ايشي وشويات

ياليت يدخل لك بحاجة تساعدك في تأثيث البيت..مثل مكنسة .. فرن .. غسالة:drr05_70:

وطبعاً الكلام دا ينطبق على كل افراد العيلة من عمات وخالات وكمان اخوة و اخوات

يجلسوا مع بعض ويدرسوا الموضوع:drr05_61: وكل واحد يقدم اللي يقدر عليه ، حتى لو كم واحد

اشتركوا في هدية بس تكون هدية محرزة .

وما يمنع زملاء العمل يعملوا نفس الشيء

وبكدا يخففوا على العريس من المصاريف اللي ما يلحق عليها|527|

هذا اللي بيصير ..والله الحمد نشوف الناس تتكاتف اذا سمعوا واحد بيتزوج ..

لا تشيل هم رزقك ..رزقك جاي جاي

روي عن رسول الله صلى الله عليه وسلم أنه قال في حجة الوداع : ((إن روح الأمين نفثت في رُوعي أن نفساً لن تموت حتى تستكمل رزقها ، فاتقوا الله عباد الله ، وأجملوا في الطلب، ولا يحملنكم استبطاء شيء من الرزق أن تطلبوه بمعصية الله ، فإن الله تبارك وتعالى قسم الأرزاق بين خلقه حلالاً ، ولم يقسمها حراماً ، فمن اتقى الله ، وصبر آتاه الله برزقه من حله ، ومن هتك حجاب الستر وعجل فأخذه من غير حله ، قص به من رزقه الحلال ، وحوسب عليه يوم القيامة))

انحلت مشكلة تكاليف الزواج ..بس الاهم عدم المبالغة والناس الان تدور الستر

.

.

يتبع

همسة عاشق

25-10-2007, 11:48 AM

يا لطيف يا رب كل هذه المصاريف عشان الواحد قرر يتزوج :152:

بصراحه يا حسن موضوعك يجيب للواحد الاحباط ويبطل يفكر يتزوج:266:

يا زين الهنديات جمال ودلال وفوق هذا هي اللي تدفع للعريس المهر :drr05_32:

:drr05_50:

ههههههههههههههههههههههههههههه

لا والله موو قصدي أجيلكم الإحباط بس كلاامي كلوو من الواقع
أما مسألة الهنوود فخذلك هدهد معاك ترااه يدور على عرووسة :drr05_80:

ومشكوووور على ردك أخووي

همسة عاشق

25-10-2007, 11:56 AM

عدنا

الألفظ سعد يا شباب وانتم عليكم لفظ يهد جبال!:219:

***

طيب خلينا من حكايات الحب ووقت الفراغ الضايع اللي آخر نتايجو خسايرX خساير

***

شوف يا سيدي

مخمخت عالموضوع .....ومثل ما انت قلت الموضوع مادي بحت.

المهر : كدا ولا كدا لازم الشاب هو اللي يجيب المهر يعني ما احد يساعدو فيه

اما باقي الأشياء ممكن تتدبر بشوية تفكير ومساعدة من الأهل

يعني مثلاً :

بدل ما يدخل عليك خالك او ولد عمك بـ بوكيه ورد طول بعرض|41| وقيمته ايشي وشويات

ياليت يدخل لك بحاجة تساعدك في تأثيث البيت..مثل مكنسة .. فرن .. غسالة:drr05_70:

وطبعاً الكلام دا ينطبق على كل افراد العيلة من عمات وخالات وكمان اخوة و اخوات

يجلسوا مع بعض ويدرسوا الموضوع:drr05_61: وكل واحد يقدم اللي يقدر عليه ، حتى لو كم واحد

اشتركوا في هدية بس تكون هدية محرزة .

وما يمنع زملاء العمل يعملوا نفس الشيء

وبكدا يخففوا على العريس من المصاريف اللي ما يلحق عليها|527|

وبعدين مو لازم يكون الزواج في افخم صالة ... كفاية صالة نظيفة وتسع المعازيم

ياما رحت زواجات في صالات فخمة وكبيرة وتلاقي المعازيم فيها ضايعين ...الصالة كبيرة
والمعازيم قليل!

الحكاية فشخرة وبس.

على فكرة : عندنا الكوشة و المصورة على اهل العروسة ..كدا احسن مو بعدين يقولوا اهل العروسة شوفوا

اهل العريس فين جلّسوا بنتنا ..في كوشة ما تسوى!

وشهر العسل مو لازم يكون "اوت سايد " اسأل زادي عن عسير<<<<<كخخخخخخخ

انت بس متى ما نويت تتزوج اعطينا خبر عشان نسوي لك " قطّيّة " ونساعدك.

الله يكون في عونك وييسر لك أمورك ويتمم عليك نص دينك يااااااااااا رب

أختي كاادي أعذريني على الآلفاظ لــــكن واللي محروق دموو وقاعد يكتب من قلبوو غير اللي قاعد يقرا

******

أما مسألة مساعدة الأقارب والأصدقاء
في أكثر العوائل موجود الشي دا وخااصة عند أهل القبايل أو أهل الجنوب
أما إللي منحوووس وأقرابووو يقولوو طيب طيب ويوم ملكتوو ما حظروو وكانو مسافرين إيش تقولي عنهم ح يساعدووه في الزواج ؟؟

الكوشة ما عليها مشااكل بس القاعة فيها أبوو المشاكل
إذا كانووو أقارب العريس قد شعر راسوو وأقارب العروسة قد مدري إيش كمان أكييد لازم قاعة كبيرة وانا آخر قاعد مريت عليها قالوو لي تكفي 200 شخص في حدود 70 ألف
ويمكن أكثر كماان في وقت المناسبات << غني يا ليل ما أطولك

الناس صاروو يشيلوو هم القاعة أكتر من هم الزواج ومصاريفوو وعشااه

لما ربنا يفرجها عليا بأقووولكم متى زواجي :262: ونشووف فيين فزعتكم

همسة عاشق

25-10-2007, 12:00 PM

هدهد ما شاء الله عليك

ماخذ ردك بالمقطع كل شوية يتبع لما تكتب لي النهاية بعديين اجمعلك ردودك كووولها وأحطها في رد واحد وأجاوبك عليها :)

هدهد6666

26-10-2007, 04:04 AM

بس خلاص نسيت ..المهم

الله يوفقك ويرزقك الزوجة والذرية الصالحة

ألنشمي

26-10-2007, 04:27 PM

000
00
0

لو سألنا انفسنا

لماذا يفعل الشباب

وتصرفات خاطئة

عندما نضع اللوم على احد يجب ان نفكر في جذور المشكلة ونعالجها

او على الاقل نظهر هذه المشكلة ونطلب معالجتها

الشي المؤسف حقا ان هذه الظاهرة منتشرة على طول البلاد العربية

مشكلة الشباب ومن الجنسين (عندما نتكلم عن الشباب فنحن نقصد الجنسين )

ثم منهم هؤلائي الشباب

اليس هم ابناؤنا ونخاف عليهم وفي نفس الوقت هم جيل المستقبل

باعتقادي :

الفراغ : له دور كبير

البطالة : من ناحية التسكع في الشوارع وعدم ايجاد عمل ينشغل الشاب فيه

التربية : بعض الاباء لايعرف عن ابناؤه شي اما ببعده عنهم او بعدم مناقشتهم

وايجاد الحوار النافع بينهم 000 فهم يتلقون الاوامر من الوالدين فقط0

المسجد: ماهو دور امام المسجد امام هؤلائي الصبية 00 يفتح حلقات للتحفيظ

والتذكير الدائم بمخافة الله

المدرسة : من هو المعلم او المعلمة الكفؤ في تربية هالجيل

المعلم او المعلمة يلقي الدرس ثم نجده في فراغ الحصة يتجاذب الحديث مع زميله

هذا اذا مامسك الجوال ويدير اعماله الخاصه 000الا القليل منهم ويخاف الله

المجتمع : عدم تماسك المجتمع وخاصة الجيران وفي الاسواق والمناطق التي يكثر الشباب فيها

ان يتقدم احد وينصح بالتي هي احسن000 ولو اني ملاحظ فعلا بعض الشباب

يرفع صوته على المنصح والبقية يتفرجون ولا يتدخل احد 000هذا اذا ما وصلت

للتماسك بالايدي0

ناهيك عن خسارة الوقت ودفع فواتير الهاتف

الا ان هذه مشكلة مجتمع بحالة

نحن نخطط ماليا 000 تعمير 000 في كل المدن بدون استثناء

والقرى والهجر

لم نخطط فعلا لاستغلال طاقة الشباب :

اما باقامة نوادي تُفرغ هذه الطاقة

او معالجة السلبيات الموجودة

المستثمرين لهم دور كبير في اقامة هذه النوادي

وبعدين حتعود لهم بفائدة مالية وارباح

ولكن اين من يفكر؟ ولمصلحة الابناء ؟

نحن لسنا معصومين من الاخطاء !

وقد مررنا بهذ المرحلة ولكن لم تكن الجوالات قد ظهرت

وكانت الدقيقة بسعر خيالي بعد توفر خدمة النقال

ولم نكن نضيع الوقت ونهدره في شي لايستفاد منه

ولكن ندرك وقتها اننا نضيع اوقاتنا

ونخسر مافي جيوبنا 000 ونتوقف

ولم نستغل سذاجة بعض البنات ونقع بهن

كنا وما زلنا 000 ولعل التربية لها اساس 000 نعتبر كل بنت اخت او قريبة لنا

هكذا تعلمنا من والدينا ( رحم الله من مات واحسن خاتمة الحي منهم)

شباب اليوم الله يهديهم 000 يستمرون ويستمرون

ولكن يجب ان يقف الشاب ويدرك بالخطاء

ثم من هي تلك التي تغازلها

وتجعلها فريسة لرغباتك

الا تخشى ان هناك من يعاكس اختك او احدى قريباتك

المرأة مسكينة 000 اقل كلمة حلوة ورقيقة تنجر خلفها

على شبابنا ان يدركون جيدا ان هالبنت ماهي الا اخت لك او قريبة لك

وبالتالي تتوقف عن كل اذية

يقول قائل : هن يتحرشن بالشباب

اقول : نعم هناك حالات

وبالطبع يقول المثل ( امسك شاتك ذئبي ما يجيها)

ولا نعتبرها قاعدة

ونقول : لبناتنا احرصن

طريق اوله : مزحة واخره ضياع

اسأل الله العلي القدير ان يصلح شبابنا ويهديهم للصراط المستقيم

مشكور اخي عالموضوع الهادف

واترك ما بقي من موضوعك فلعلي ارجع مرة اخرى

حفظك الله

((كــــــــادي))

27-10-2007, 04:06 PM

مرحبا // جدة

أما إللي منحوووس وأقرابووو يقولوو طيب طيب ويوم ملكتوو ما حظروو وكانو مسافرين إيش تقولي عنهم ح يساعدووه في الزواج ؟؟

تضمن حضورهم في الزواج؟؟؟؟؟؟؟

يعني بعد ما استأجرت صالة طول بعرض + كلفة كل طاولة من قهوة وشاى وحلا ومكسرات ووو تلاقي الحضور من المعازيم قليل / بالله عليك مو حرام هذه الفلوس اللي انصرفت في الهوا

إذا كانووو أقارب العريس قد شعر راسوو وأقارب العروسة قد مدري إيش كمان أكييد لازم قاعة كبيرة وانا آخر قاعد مريت عليها قالوو لي تكفي 200 شخص في حدود 70 ألف
ويمكن أكثر كماان في وقت المناسبات << غني يا ليل ما أطولك

طيب انا عندي حل معقول وناس كثير عملوه

تسافر انت واهلك والعروسة واهلها لأي بلد.. وهناك تعملوا حفلة زواج عالضيق
والأهل يرجعوا وانتم تكملوا شهر العسل.
ولا احد يقدر يقول لك ليش ما عزمتني:drr05_44:

همسة عاشق

27-10-2007, 04:20 PM

أخوووي النشمي هذي أسباب ضياع الشباب وإنتا أعطيت حلووول لها

طيب بالنسبة لضياع البنات إيش الممكن يتسوى لهم ؟؟ كمان نوادي ومراكز ؟؟

في إنتظار ردك يالغاالي

همسة عاشق

27-10-2007, 04:26 PM

مرحبا // جدة

تضمن حضورهم في الزواج؟؟؟؟؟؟؟

يعني بعد ما استأجرت صالة طول بعرض + كلفة كل طاولة من قهوة وشاى وحلا ومكسرات ووو تلاقي الحضور من المعازيم قليل / بالله عليك مو حرام هذه الفلوس اللي انصرفت في الهوا

طيب انا عندي حل معقول وناس كثير عملوه

تسافر انت واهلك والعروسة واهلها لأي بلد.. وهناك تعملوا حفلة زواج عالضيق
والأهل يرجعوا وانتم تكملوا شهر العسل.
ولا احد يقدر يقول لك ليش ما عزمتني:drr05_44:

ولا تنسي البوفيه والكوشة والمصورة :(
بس برضووو ناس لااموني ليش ما كلمتهم في نفس اليووم قال إييش إنتا كلمتنا من فترة وما حددت بالضبط ولا ما أرسلت لنا كرت
حتى الأقارب يبغالهم كرووت ولا عزيمة من فييين تنصرف دي ؟؟

أما مكااان الزواج

:drr05_52: <<< شايفة هذا الفيييس

هذا وجهي لوو سويتووو بره السعودية ولا برره جدة
فكرت بالفكرة دي من قبلك إحنا عندنا بيت في لبنان وبيت في تركيا

يعني يمديني أسويها هنااااك ومنها أقضي شهر العسل هناااك

بس المشكلة هما رااافضين << العروسة وأهلها

قال إيش أقاربنا كتااار ولازم يحضروو

شكلي من كتر التفكييير راح أفك أم الزواجة دي وأفك رااااسي من أبووها :drr05_27:

ألنشمي

27-10-2007, 07:41 PM

أخوووي النشمي هذي أسباب ضياع الشباب وإنتا أعطيت حلووول لها

طيب بالنسبة لضياع البنات إيش الممكن يتسوى لهم ؟؟ كمان نوادي ومراكز ؟؟

في إنتظار ردك يالغاالي

000
00
0

هلا باخي الغالي حسن

لو سألتني هالسوال قبل عدة سنوات

لقلت :

هناك اعمال منزلية يحتاجها البيت 000 ويمكن للبنت ان تستثمر وقت فراغها

باعمال كثيررررة في البيت

اتذكر يوم كنت صغير وجيت لجدة 000 طبعا كنت ادخل بعض البيوت واشاهد الفتاة

على مكنة خياطة 000 تخيط ثياب اخوانها وابوها والعيلة كلهم وتزين الرواشين

بالقطيفة وتحيكها اما بالمكنة او باليد

ناهيك عن اعمال الغسيل والطبخ والتنظيف

كانت البنت تطلع فعلا ست بيت

متعلمة ومتمرسة بكل شي

بعدها جاء تعليم الفتاة وفتح مدارس لهن واصبحت البنت بعيدة عن

هالدور بالمنزل

اصبح فيه خلل واختلال

واصبحت الخادمة شي اساسي

والفتاة يشغلها الفراغ مثلها مثل الشاب

النوادي الان مفتوحة للبنات

والمقاهي ايضا مفتوحة

واصبح شبه اختلاط

يعني مافيه فرق

تذكر كلامي ابو علي هذا بعد عدة سنوات

مش حيكون هناك فرق

الكل مع بعض

لو قلت لي قبل عشرون او ثلاثون عاما ما يصير اليوم

مش حاصدق

الايام بتجري والانفتاح على اشدة

والتحرر من القيم للاسف بازدياد

اذا لاداعي لأن نفرق بين مشاكل بنات واولاد

العلاج واحد لكلا الطرفين

حفظك ربي

وحفظ بنات المسلمين من كل سوء

همسة عاشق

27-10-2007, 07:56 PM

اللهم آمييين ومشكوووور على ردك

على قووولتهم زمن أول تحول

والله يستر من اللي جاااي

هدهد6666

28-10-2007, 01:22 AM

وين ردك ياباشا ..

تعال قول لنا انت شو سويت في امورك للزواج ؟؟

قلب الورد

28-10-2007, 07:31 AM

السلام عليكم ورحمة الله وبركاته

واااااااااااو هدا كلو ونحنا محنا دارين
يالله عليكم من ورانا

بصراحه اخوي الكريم جده يسلمو يمناك علي الموضوع الرايق الفايق
بجد شي مؤثر الي كتبتو ودخلت شامي علي عامي بس روووووعه موضوعك والله
الله يسعد قلبك مع بنت الحلال الي تحبك بوجدانها وتحطك في عيونها وتشيلك بروحها وتعشقك بقلبها وترسمك بعيونها وما يفرق بينكم ابدا ويجمعكم في الفردوس الاعلي مع الحبيب رسول الله صلي الله عليه وسلم ويرزقكم الذريه الطيبه الصادقه العطوفه الباره الحنونه ويوفقك ويرزقك ويسهلك امورك من حيث لا تعلم
وكل شاب وبنت يارب يارب امين
الله يهدينا جميعا لما يحب ويرضا ويغفر للمسلمين اجمعين

تقبل مشاركتي ما عندي كلام تاني اقولو وافضفض زيك الله يسعدك يارب

اختك الدلوعه عشوقة الحب|238|

همسة عاشق

28-10-2007, 08:57 AM

وين ردك ياباشا ..

تعال قول لنا انت شو سويت في امورك للزواج ؟؟

لسعني قاااعد أقشر بصل :152:

زي ما أنا بس خليها على ربك:178:

همسة عاشق

28-10-2007, 08:59 AM

عاشقة دلع الحب
تسلمي على دعااائك لي

وشاكر لكي مشاركتكي معنا

عمتووووووو

28-10-2007, 09:14 AM

سلاااااااااااام

جــــــــــــده
خطير موضوعك وجدا واقعي, ولا تزعل عالأسلوب ترى هوا دا الأسلوب الرايق اللي يخش القلب على طول
عندي كلام كتير نفسي أقولو بس في شي مغبش عليا <<
الله يتمملك على خير يارب
يعطيك ألف عافيه

همسة عاشق

28-10-2007, 09:26 AM

الله يسلمكي يا عمتوووو

ومشكوووورة على مدحك ليا

وياليييت حطي كل اللي في خااطرك هنا :)

في إنتظار رجعتك للرد

دمتي بود

وردة وردية

28-10-2007, 10:18 AM

جــــــــــده

تعرف موضوعك مشابه تماما لموضوع اخوي
ان شاء الله اخوي بعد شهرين زواجه" واكيد راح اعزمكم على زواجه"

والحين خلص من المهر وخلص من البيت وبقى تجهيزات العرس اللي ما تخلص
كلما يقول خلصت نقول لا بعدك ناقص بطاقات العرس
وبعد البطاقات قال خلصت قلنا لا ناقص العيالة والليوا
وبعد العيالة قال خلصت قلنا لا ناقص تحجز للقهوة والحلويات
وبعد...........وبعد........... ..وبعد

يعني الشاب لو يفكر من بداية ما يمسك الفلوس بيده
يعني من اول راتب يقبضه
يفكر في تجميع الفلوس الى ان يفكر في الزواج كان ما احتاج للبنوك ولا غيره

موضوع واقعي وكل الشباب يعانون " الله يعينكم"

وانا جمعت لك هذا المبلغ البسيط:130:

بس هو بالدرهم الاماراتي وانت حوله الى العملة السعودية:262: :262:

http://www.mymodhesh.ae/dsf/img/dsf_facts001.jpg

همسة عاشق

28-10-2007, 10:30 AM

الله يعيين أخووووكي ويقوويييه

ويتمملوو زواجووو على خير أختي وردة

ويلا أنا أول واحد راح أجي <<< ما صدق ع الله خخخخخخخخخ

ومشكووورة على ردك ومرورك

هدهد6666

28-10-2007, 01:10 PM

تعال هنا .. الشروط هذي من اللي يطلبها وإلا لازم نمشي على العادات والتقاليد المكلفة

نجي للملكة وللزواج ومابينهما ( غمره أو غيره )..أشياء كثير مالها داعي

أنت بتتزوج أو تستعرض ..تقول هذا يوم فرحي لازم احتفل بشتى الطرق

تحتفل في ليلة وتحُمل نفسك تسديدها سنوات بعد ذلك ..فكر شوي

نحسبها من جديد

اولا : المهر

هذا أمر ثابت مفروغ منه ماله أي حلول الا قول رسول الله صلى الله عليه وسلم

عن عائشة رضي الله عنها : : ( أن النبي صلى الله عليه و سلم قال : أعظم النساء بركة أيسرهن صداقاً .).

هذا حديث صحيح على شرط مسلم و لم يخرجاه .

ثانيا : الزواج والملكة وماجاورها :drr05_32:

أتفق مع أهل زوجتك على ان يكون الزواج والملكة واحدة بلاش حفلتين وتكون بينكم مناصفة ..خففوا عن بعض

ركز على تأثيث الشقةوالأشياء الضرورية ..صارحهم قل لهم انا ماعندي امكانية اني اتحمل هذي التكليف

الاغلب الان يتفهموا ..وإما يتنازل أو يساعدك ..واللي لاحظته ان اللي يتكلف بدون اي مطلب من اهل العروسة .. اهل العريس للاسف وكله فوق رأس العريس المغلوب على أمره

ايش يقولوا الناس عننا .. (الحجر من الارض والدم من رأسك) مالك ومال الناس عليك بنفسك ..

واحسبها بعد هذي الليلة ( السكرة ) هل سوف تكون مرتاح راضي أم يكون هناك أقساط وبطاقات ومصاريف مالية تإن تحتها ..لسنوات من أجل ليلة

وأنت في الاخير اللي تقرر

همسة عاشق

28-10-2007, 03:06 PM

لا لا ما أصدق هذا إنتا يا هدهد

بجد ردك راائع يالغاالي

لكن حبيبي كل اللي قلتوو على عيني وعلى رااسي حكاااية الملكة والزواج في حفلة وحدة ما يرضوووها ناااس كثيير إحنا خلااص سوينا ملكتنا باااقي الزوااج قوول اللي يعينك وبس :(

((كــــــــادي))

28-10-2007, 03:30 PM

ردد

يالييييييييييييييييييييييييل مطولك:161:

لو يعملوا عندنا >>>> او خلينا نقول : لو يقبلوا عندنا نظام المقايضة كان اتحلت كثير امور|273|

همسة عاشق

28-10-2007, 04:18 PM

هههههههههههههههههههههههه

من جد :)

ألنشمي

28-10-2007, 08:56 PM

000
00
0

موضوع المغالاة في المهور

والبذخ الشديد في الافراح

وما يتبعها

هناك شي اسمه مخافة الله

الكل سبب في تصاعد المنافسة

في ذلك

طيب السوال :

ايش ذنب العريسين

جزء من حياتهم سيعيشون في تقشف

تام حتى تسديد الديون

بالله اهذه حياة ينشدها كل عريس ؟

اليست العروسة وامها ومن حولها

يحددون القصر ومايتبعه

ليش : لأن بنت فلان مش احسن مني؟

اليوم دخل احدهم مكتبي واراد تحويل راتبه لبنك 00!

فسألته لماذا تريد التحويل ؟

قال : عشان زواج ولده قريب ويبي يقترض من البنك !

فعلا زعلت وحذرته ان الزواج مصيره الفشل !

ارتعب الرجل 000 وسألني لماذا؟

قلت لأنك تريد تاخذ القرض وعلية (ربا) وكمان

تريد ان تضيع ابنك وجهده لمدة سنتين يجمع فلوس

عشان يخلص ويتزوج !

ونصحته ان يقترض من احد معارفه او يؤجل الزواج

حتى يكتمل مبلغ الفرح والدخله

اخوتي :

معظم الزيجات الفاشلة سببها القروض من البنوك لأنها (ربوية)

والكثير لا يدرك ذلك !

اخوي حسن وبقية من على وشك الزواج

اسال الله العلي القدير ان يعينكم على اكمال نصف الدين

ويسعدكم السعادة الدائمة

ويرزقكم الذرية الصالحة

وبداية اي طريق 00( يبدى بخطوة)

ياليت كل الاباء يبحثون عن اقل ما يصرفونه

بالبحث عن قصور رخيصة

او استراحات

وبلاشي البذخ الزائد

اعلم جيدا ( ارضاء الناس غاية لاتدرك)

ان فعلتها باستراحة

او في قاعة ليلتي

حفظ الله الجميع

همسة عاشق

29-10-2007, 12:31 AM

النشمي هذا للي عندوو أبوو عايش ويقدر يساعدوو موو زيي أبويا الله يرحموو

وأقاربي على قولتهم وجودهم زي عدمهم عددكم كـــ غثاء السيل ولكن ما منهم فايدة

لما يكوون الواحد لحالووو يصابر ويحاااول يدبر نفسوو بالطول والعرض

لعلمك أنا علشاان أقدر أجمع المبالغ دي شوفني شغال شغلتيين صباح وليل وكل وحده في مجااال مرره مختلف على التاني وكل وحدة أقوول الله يستر ما يجي يوم ويفنشووني (يستغنوو عني ) لإنوو كلها موو رسمية وكلها على عقوود <<< أدعووولي أترسم :(

فا تقووولي إقتراض ؟؟

مين الطيب دا إللي يضمن غيروو في الزمن دا محد يأمن أحد على أي شي
على قووولتهم >>>> مس قلبي ولا تمس قرشي

وأنا خليت آخر حل لي هو البنك وقاعد أحااول أدبرها من هنا ومن هناك وخليييها على ربك

وأدعوووولي باللهي يا أخوااني ويالييت حتى اللي بيقروو الموضوع ولا بيردوو يدعوولي على الأقل

ألنشمي

29-10-2007, 12:48 AM

000
00
0

اولا اشد على يديك

لمحاولتك لم القرش

من العمل ليل نهار

اسال الله العلي القدير ان يوفقك ويعينك على تكاليف

تكملة نصف دينك

حقيقة عندنا في جدة البذخ ماله حد

وخاصة لما يكون هناك مفاخرة بين العوائل

لكن :

نصيحتي وهنا اكررها مرات ومرات

البنك لاتقترض منه للزواج

لأن الربا حيمحق زواجك لو بعد حين (والعياذ بالله 000 ويبعده عنك)

والكثير يعانون الان من ذلك

لكن اعرف بعض الموظفين بالادارة

يتفقون العوائل ويعملون الفرح باستراحات

وتقليل المدعوين للفرح

والاتفاق المسبق والشروط تقلل بقدر الامكان ويقتصر على العائلتين

بعدين لسا عريسين خذ شقة صغيرة من 3 غرف

وبعدين يحلها ربنا

اتمنى لك من كل قلبي السعادة

وان يوفقك ويعينك

ويتمم بخير وفي خير ان شاء الله

حفظك ربي

همسة عاشق

29-10-2007, 12:52 AM

تسلم يا رب

ومشكووور يالغاالي على النصييحة

وإن شاء الله تفرح بأولادك وأولاد أولادك

هدهد6666

29-10-2007, 01:37 AM

همسة عاشق

29-10-2007, 01:47 AM

انت يبالك جلسة خاصة :164:

ما أسمع لا لرابح ولا لعبادي

إذا فيه عبدالمجيد مووو مشكلة :221:

هدهد6666

29-10-2007, 02:32 AM

عندي قصص كثيرة عن مواقف مشابهة ..

ان شاء الله اذكرها ..لي عودة

ابوفهد

29-10-2007, 09:09 AM

الغالي حسن
السلام عليكم ورحمة الله وبركاته
أولاً والله قرأت موضوعك بالكامل لكن مو على النت لأنك لن تدفع قيمة الاتصال :005:
طبعته على الورق ما شاء الله عليك خمس صفحات ( A4 ) الله يهديك مو قلتلك في ردي عليك في موضوعي أنك دمجت العديد من المشاكل في موضوع واحد وهذا بالطبع ليس فيه فائدة فلو أنكم طرحتم كل مشكلة بموضوع كان عمت الفائدة وأخذت كل مشكلة حقها من النقاش ترى الناس ما عندهم صبر على القعدة بمثل هذه المواضيع للأسف الشديد لكن لو كان في الترفيهي لو جدت الأعضاء كلهم عندك والله يعينك عاد عليهم بالقهوة والتمر والشاي هذا إذا ما طلبوا عصير طازه
تعرف عاد عجبتني صراحتك بالرقم هنا ( 50 : 59 : 1 ) ساعة أكيد وأخذه من الفاتورة حقتك !!:266:
حقيقة من المؤسف أن تذهب أوقات شبابنا وبناتنا هدر بمثل هذه التفاهات ناهيك عن خسارتهم المادية من هذه العلاقات ، والمصيبة لما يعزم الشباب على الزواج يجلس يتشكى من غلاء المهور وارتفاع تكاليف الزواج وتجهيزاته !!
طيب لو أنه جمع فلوسه منذ أن استلم عمله كان جمع مبلغ محترم يفيد في الزواج
على كل حال نسأل الله لهم الهداية والصلاح ونرجو المولى عز وجل أن تكون نزوات شباب وتصرفات مراهقة وتزول بعدها .
المهور تحدثنا عنها كثيراً فالضرب بالميت حرام يا حسن خلاص ارحموها .:148:
تعرف عاد حكاية علب الحلاوة هذي تفقع المرارة خاصة لما تقدم للرجال إضافة لما يقدم للنساء !!
هذا الشيء اللي مو داخل مخي ليه نعطى الرجل علبة حلاوة ؟!!:171:
مو المفروض أن الرجل المدعو للفرح يقدم عانية للعريس ؟!!
أما مسألة الشقة أو السكن فحدث ولا حرج وياليت الأمر يتوقف على العشرون ألف فقد وصلت إلى أرقام فلكية ناهيك على التأثيث .
لكن باعتقادي أن التأثيث أهون إذا كان العروسان متفهمان الوضع فليس من الضرورة أن أوفر جميع الكماليات والتي يمكن العيش بدونها بحيث يتم توفيرها باستقطاع جزء من الراتب كل شهر وأوفر الأهم ثم المهم هذا إن كان هناك أصلاً مجال للاستقطاع إذا لم يستولي عليه الديانة .
أما القاعات والفنادق فحدث ولا حرج ومما يؤسف له عدم اهتمام رجال الأعمال أو المؤسسات الخيرية في هذه المسألة وذلك بقيامهم بإنشاء العديد من القاعات واستثمارها بأجور رمزية ويمكن للجمعيات الخيرية أن تشترط على العروسين أن تكون مهورهم معقولة حتى يستطيعوا الاستفادة من قاعات الجمعية .
يا أخي إذا أنا من محبي هذه المواضيع طفشت ما أدري أناقش أي مشكلة فيهم فكيف بمن لا يحبونها الله يسامحك لا عاد تتعودها :hap:
أتمنى أن تكون هذه المداخلة مفيدة وأعتذر عن الاختصار لتعددها وفقكم الله
دمتم بخير

همسة عاشق

29-10-2007, 05:25 PM

:)

الله يسلمك يا أبو فهد وبجد شرفتني بمرورك وردك في موضووعي

وأعذرني لإني كتبت كل ما في خااااطري علشان كدا بجد طووولت لدرجة أخذت كتابة الموضوع مني أشكل من ساعة :(

ويسعدك ربي على ردك

ولكن ليس كل ما يتمناه المرء يلقاه

شاكر لك إختصارك بالرد

وأعذرني على إطالتي وتنوعي للموضوع
دمتم بود

((كــــــــادي))

30-10-2007, 06:41 AM

مرحبا // جـــــــدة

شوف يا ولد الناس مالك تسوي الا كذا:ـ

وحتنحل امورك كلها من اول ليلة...

الـــحـــل (http://www.dorarr.ws/forum/showthread.php?t=3754)

هدهد6666

30-10-2007, 07:11 AM

مرحبا // جـــــــدة

شوف يا ولد الناس مالك تسوي الا كذا:ـ

وحتنحل امورك كلها من اول ليلة...

الـــحـــل (http://www.dorarr.ws/forum/showthread.php?t=3754)

هع هع هع ..طبعا هذي قصة وهمية لو صارت الان اعرفي ان اللي يطبخ العريس :drr05_49:

همسة عاشق

30-10-2007, 09:37 AM

مرحبا // جـــــــدة

شوف يا ولد الناس مالك تسوي الا كذا:ـ

وحتنحل امورك كلها من اول ليلة...

الـــحـــل (http://www.dorarr.ws/forum/showthread.php?t=3754)

ههههههههههههههههههههههه

إنتي ناااويه تخربي عليا فرحتي

تبغييها من تااني يووم تطلب الطلاااق وتقوول مني لعبة عندك تتراهن إنتا وأصحابك عليا

بس لووو فكرت أسويها المشكلة مرتي ما تعرف تطبخ خخخخخخخخخخخخخ:220: