.:: يفداه العمر وجروحي ونا كلي أفداه ::.

[ذياب]

http://diuae.com/vb/image.php?u=66&dateline=1188738378


هذي قصيده جديمــة


وأقول فيها


ويل حالي من خلٍ احترت انا وياه
قام يزيد بغيابه ويخليني أحاتيه

يجافيني ويدري اني ميت من جفاه
هل هو تغلي ولا غيري يسليه

ولا ناوي يبتعد و يغير عن مسـراه
ولا ما يبي قربي ,علموني وش فيه

كانه يتدلع يا ويلي منه ويا ويلاه !
من حقه يدلع دام الدلع لايق عليه

كل يوم يوعدني يجي ونا حيل أترياه
أنتظر بالايام عسـاني بس ألاقيه

محلا انتظاره و لو انه يوجع محلاه
ولو أنتظرته دهر ما ظنتي أوفيه

يفداه العمر وجروحي ونا كلي أفداه
لجل لحظةٍ معاه ودي بالكون أفديه

أهواه ايه نعم أهواه ومن ثم أهواه
ولو كانت الارواح تنهدى والله لأهديه

ان كان له ف الهوى غيري,والذي سواه
لأدعيله في صلاتي عسى ربي يهنيه

عسى السعد دربه وعسى المولى يرعاه
وكل أيامه أفراح وربي لي يخليه

ونا بقضي باقي أيام عمري على ذكراه
بحضن حظي العاثر وأجمل ذكريات لياليه

وبنتظره يمكن الزمان يغدر فيه وألقاه
وقتها باخذه فحضني ومن حبي بسقيـه

بسرق عنه همومه و باخذه من يمناه
و بكل محبه من ورى ظهره حزنه برميه

والله لأنسيه اللي كان سبة شقاه
واللي سبب له الشقى ربي بيبليه

أتمنى الي كتبته فيه يوصل له ويقراه
أبيه يفهم مقصدي واني بروحي مشتريه

عايشٍ بدنياه لجله وأموت به وأحياه
ولو تبون الصراحه هو ما يدري اني أبيه


وسواالم


21\11\2006


فـ انتظار ردودكم وملاحظاتكم


ملاحظه : القصيدهـ موجودهـ في كذا منتدى بنفس النك وعدا هالنك

[M!ssChanel]

الغالي ذياب ..
ايش اقولكـ ..
القصيدة مرة خيال ..
من جد ياويل حالي ..
وتسلم يا الشيخ ..
والصراحة ماحد له حق ينتقد.. أكثر من كذا ابداع مافي ..
تحياتي لك ..

[مليكة القلب]

السلام عليكم الغالي ذياب

روعة إحساسك لامست شغاف قلبي رغم المجهود الذي أبذله من أجل فهم اللهجة التي تكتب بها.
فهل هناك أكثر من كل ذاك الحب الذي تتمنى فيه السعادة للآخرالذي تحبه حتى وإن كان بعيدا عنك وفي أحضان غيرك؟هل هناك أكثر من ذلك نبل وتفاني في الحب؟لا أظن..

كنبت فأبدعت وقرأت فاستمتعت.أتمنى لك مزيدا من التوفيق.
تقبل مني كل الاحترام والتقدير.
مع خالص التحيات القلبية.

[نفسي عزيزه]

؛؛؛ أهلين اخويه ذياب ؛؛؛

؛؛؛ صح لسانكـ ؛؛؛


يجافيني ويدري اني ميت من جفاه

؛؛؛ مشكور أخويه ذياب ؛؛؛

؛؛ تسلم ؛؛
\
/
\
/
\
/

؛؛ و السمووحـــــــ؛؛ــــــــهـ ؛؛

[uae lover]

صح لسان الشاعــــــــــــر
مشكووور عالقصيدة الحلوة
تحياتي .. |238|

[.. عبير الورد ..]

هلا اخوية
وحتى لو جديمة كان فيها ابدااع من هييج الأيام ما شا الله عليك
الصدق انا قصااايدك تعيبني عسب عي بلهجتنا بس البعض منهم ما يفهموونها
وهذا شي ما يستــرك أكيـــــــــــد
.
.
حاااول اخووية تكتب قصاايد بغير لهجتنا الاماراتية
صح انها غاوية وما عليها رمسة بس اهل المنتدى بعضهم
ما يفهموووهـــا ..
.
.

الصراحة عجيبة وبس هالكلمااات وهالحس المرهف
يسلموو ذيبووه ونتتريا الياااااي

اختك عبير الووووورد

[أميـــرة بنت الرشيد]

سيدي العزيز ذياب ..

رائع ماكتبته .. وابداع في نفس الوقت ..

اشكرك

[عمر باعقيل]

اتقنت لغة الابحار


وعزفت هنا مفردات متناغمه



سلمت لنا