نقل حي ومباشر لما يدور في درة المشرفيين [الأرشيف]

مشاهدة النسخة كاملة : نقل حي ومباشر لما يدور في درة المشرفيين

الأخيــــــــر

11-09-2002, 12:43 AM

المتواجدون : بخيت , الأخير
المكان ... دره الاشراف
الموضوع ... بخيت مصدع وراسه يوجعه ومتنرفز

بخيت : اقول يالاخير... شفت ابوفهد اليوم !؟
الأخير : لا ... ماشفته بدرتي
بخيت : درتك ايش ؟تراك مصدق انها درتك
الأخير : اقول بخيت اعقل لاتخليني اسويك حظر من درتي
بخيت : اقول يالشين اهجد ...شفت ابوفهد اليوم ؟
الأخير : انت تسمع ...اقول ماشفته ... ليه وش عندك ؟
بخيت : زين رح افتح الشباك
الأخير : تراااك من يوم عينتني مشرف مشغلني ..كل شوي افتح شباك قفل الباب ..سو شاي..وش سالفتك .؟؟؟ تري انا مشرف ماني خدامتكم الاندونوسيه ::*
بخيت: ..اقول الاخير يابعد حيي
الأخير : نعم ياعمري
بخيت : افتح الشباك
الأخير : انتي تامري ياحياتي ...بس وش عندك وجع ببطنك ؟؟؟
بخيت : معي تتن... من الصبح ماعرفت اولعها
الأخير : تتن !!؟ وش يطلع هذا
بخيت : يالشين رح افتح الشباااك
الأخير : طيب طيب ...وش يطلع التتن ؟؟؟
بخيت : معك ولاعه ؟
الأخير : لا ... رمضان بعده ماجا ولامعي طراطيع
بخيت : اقول اهجد
الأخير : زين
بخيت : الاخير يابعد حيي
الأخير : نعم ...
بخيت : رح مطبخ الدرر جب لي من هناك ولاعه
واذا ماحصلت جب علبه الكبريت
الأخير : ليه ؟؟؟ معك طراطيع؟؟؟
بخيت : الاخير يابعد حيي رح قبل اتوطي ببطنك ...وسو شاي
الأخير : زين بس لاتنفخ .....وش عندك تبي ولاعه ؟
بخيت : ابي دخن ...تفهم انت ؟؟؟
الأخير : اها ...قول من اول

المتواجدون :الأخير وMy Spirit
المكان مطبخ الدرر

الموضوع الاخير داخل ويلقي ماي سبيرت قدامه
My Spirit: وش تبي انت بعد ؟؟؟؟
الأخير : ولاشي اختي ...بغيت ولاعه بالله
My Spirit: انت تدخن يا الي مالك تاليه ؟؟؟
ألاخير : لا بس بخيت يدخن ومعه مخدرات
My Spirit: شنو !!شنو شنو ؟؟؟
الأخير : بخيت مدمن حشيش ومخدرات ومعه قنبله يبي يولعها بالاشراف
My Spirit: انت يالاخير مالك تاليه...كله بس مزح ...رح عني الحين مشغوله
الأخير: بس ابي اسوي شاي ولازم اجيب ولاعه
My Spirit: زين شف ترمس الشاي قدامك ....وهذي ولاعه خذها من شنطتي
الأخير : طيب
My Spirit: اقول يالاخير
الأخير: ايوه ؟؟؟
My Spirit: شفت ابوفهد ؟؟؟
الأخير : لا ماشفته ...هو خرج ولم يعد ؟؟انتم وش فيكم تسالون عنه
My Spirit: لاتكثر هرج ... يعني ماشفته ؟؟
الأخير : لا ماشفته بس اذا تبي تدخني تعالي بالاشراف مع بخيت
My Spirit: شنو شنو شنو ؟؟؟؟ انا ادخن ؟؟
الأخير : ماادري عنكم ..كل واحد يسال عن ابوفهد يبي يدخن
My Spirit : اقول يالاخير تري بانتف ريشك اطلع من هنا خلني اخلص شغلي واذا جا ابوفهد كلمني
الأخير : يعني مااكلمك الا بواسطه !!!؟؟؟ زين تنفع ورقه من العمده؟
My Spirit : وش تقول انت ؟؟؟
الأخير : ماادري ..لكن الظاهر بقدم علي الاحوال وتبين ورقه من العمده
My Spirit: اقول اطلع وسكر الباب وراك

التكمله قريبا

My-Spirit

11-09-2002, 12:49 AM

يا بعد حيي انت

اذا دخلت المطبخ مرة ثانية وعملت لي ازعاج راح اشتكيك للأدراة

وتعالى هنا ..

بالله الولاعة ايش تسوي في شنطتي :D

قال ولاعة قال ... آخر لك مرة تجي المطبخ من غير ما تمد ايدك وتعمل لك حاجة تفيد :D

My-Spirit

11-09-2002, 12:51 AM

أيوه قبل ما تمشي نسيت أقول لك

انت ما شفت ابو فهد :D

الأخيــــــــر

11-09-2002, 12:51 AM

انا اللي اسالك وش تسوين بولاعه بشنطتك

تلعبي بالطراقيع ؟؟؟

والله لاعلم ابو فهد عليك
اقوله من ولع بالحوش قبل امس بالليل وافزعنا كلنا
علي بالنا امريكا تبي تطق العراق وماشافوا بالليل وطبو بحوشنا

الأخيــــــــر

11-09-2002, 01:43 AM

المتواجدون : بخيت , الأخير , ابوفهد
المكان ..دره المشرفيين

بخيت : قلتلك ياابوفهد ..حن لازم نسوي وصلات لموقع عالمي ومواقع سيارات وافكر اسوي محرك بحث باسم الدرر
ابوفهد : يابخيت جزاك الله خير . حن يالله عرفونا بموقعين ومحركيين بحث وتقول تبي تحط محرك بحث خاص بنا
بخيت : ماهي صعبه ...هي شوية تخطيط وتكتيك ويصير كل شي
الأخير : هلا ابوفهد ...تري الكل يسال عنك
ابوفهد : الأخير ..ياهلابك ....اسكت الحين معي موضوع مع بخيت
الأخير : حسبي الله عليكم ...كاني صباب القهوه في مسلسل بدوي ..كله بس اسكت .جب ولاعه .. سكر الباب ..افتح الشباك .. وش سالفتكم معي؟؟؟
ابوفهد : ابدا عزيزي الأخير.....بتسكت الحين والا؟؟
الأخير : الشره علي اللي جاي مسوي مشرف وجالس معكم .....اقول بخيت ..خذ الولاعه
بخيت : ولاعه ؟؟؟:eek: ..ليش ولاعه ؟؟؟
ابوفهد : انت تدخن يابخيت ؟
بخيت :لا ماادخن ...تعرف الاخير يحب يمزح
الأخير : شف وش يقول الولد ...توه مرسلني ومهاوشني اجيب له ولاعه او كبريت
بخيت : متي الله يهديك يالاخير ... انا ماشفتك اليوم كله
الأخير : شف الولد وش يقول؟؟؟
ابوفهد : لاتقول ولد لبخيت ..تراه رجل
الأخير : اقول ياابوفهد ..لاتقلب علي الحين ..تراه مرسلني اجيب ولاعه من عند الروح
ابوفهد : متي الكلام هذا ..وليه ؟
بخيت : الله يهداك ياابوفهد ...تصدق الاخير ..تراه مشرف الصرقعه والنكت ويجب يمزح
الأخير : اشوفها الصرقعه والنكت صارت عيبه فيني ؟؟ اقول بخيت وش بلاك ترتعش ؟؟
بخيت : انا ارتعش ؟؟؟؟؟ :mad: ليه يعني ؟؟؟
ابوفهد : يالاخير انت شفت الروح ؟
الأخير: ايه ...الروح بعد تسال عنك وتبي تدخن
ابوفهد : ههههههه خيالك واسع ياابني
بخيت : قايلك يابوفهد ..هاهاها الاخير دوم يمزح الله يهداه ((اطلع يالاخير وبلاش فضايح))
ابوفهد : وش قلت يابخيت
الأخير : يقول اطلع يالاخير وبلاش فضايح لااحوسك قدام ابوفهد واطلع الحره كلها فيك الحين واعلقك من اذانيك
بخيت : كنت اقول اهجد يالاخير خلنا نشتغل
ابوفهد : انتم خلصوا اللي عندكم ...انا اروح اتجول بالدرر اشوف وش صار بالشغل
الأخير : تتجول؟؟؟وشغل ؟؟ قاعد تصب عماره انت ؟؟؟
ابوفهد : يالاخير ياابني ..المنتدي هذا مثل العماره ..لابد تنتبه عليه وش صاير وتنتبه علي العمدان والاساس ورفعه لنرتقي للافضل ونقدم الافضل ونوصل الرساله التي من اجلها قام المنتدي
الأخير : قام المنتدي ؟؟؟ هو كان نايم ؟
ابوفهد : سينام ان لم نوقظه ؟
الأخير : يمكنه سهران وماشبع نوم ..خله مسكيين يرتاج
ابوفهد : يالاخير خلنا نشوف وش صار بدرتك ؟
الأخير : درتي نايمه ولااحد يبي يشارك ويسولف..كل الاعضاء مطنشيني
بخيت : ماهو من خيبتك يالاخير
ابوفهد : بخيت انت متحمس كثير... الاخير يسوي اللي يقدر عليه
بخيت : تراك ماعرفته ..طول يومه وهو قاعد ولايسوي شي
الأخير : صح انا مااسوي شي ...ابدا مااسوي شي... ولاادخن
بخيت : خلاص يالاخير رح مع ابو فهد شف درتك واذا تحتاج شي انا موجود
ابوفهد : بارك الله فيك يابخيت
الأخير : اقول ياعمدتنا ... تري اختي زعلانه عليك
ابوفهد : ليه ؟
الأخير: تقول مقاضي المطبخ وفلوس والغاز مخلص
ابوفهد : يعني انا بالبيت طلبات ..وبالمطبخ طلبات ..وش اسوي ؟
الاخير : من رايي نحول المطبخ الي كافتريا وسندويشات طعميه وجبنه ... ونسوي فرقه الطقاقات اللي اتكلمنا عنها ..ونخلي البوتوجاز لتحميه الطيران والشاي
بخيت : الاخير اسكت بالله
الأخير : باقي مصدع ؟؟ خذ الولاعه دخن
ابوفهد : انت وش تقول يالاخير..... الحين بخيت يدخن ؟
بخيت : ابوفهد انت تصدق الاخير عاد ؟؟تراه مشرف الصرقعه والنكت
الاخير : حسبي الله علي ابليسك يابخيت ... صارت سبه هذي ..ياعمدتنا انا ابي دره غير الصرقعه
ابوفهد : انت لابد توسع خاطرك يالاخير ...تري بخيت يمزح معك
الاخير : شفه يسب ويعايرني بالصرقعه
بخيت : لا بالنكت ؟
الاخير : بالبكت ؟؟؟ باقي تبي تدخن ؟؟؟..اقول ياعمدتنا لازم نوديه عياده يتعالج
ابوفهد : امش معي يالاخير خلنا نشوف درتك حسبي الله ابليس اشغلتنا علي الصبح.. قم جب البشت من المكتب
الأخير : شغالتكم الحين والا صبي الدرر؟؟؟ تري بخيت يدخن ...محد مصدقني ليه ؟؟؟

التكمله لاحقا

ابوفهد

11-09-2002, 09:41 AM

هلا وغلا بالمدير العام لدرة الصرقعه والنكت

الله يضحك سنك ياشيخ

ويفرح قلبك ويزيل همك دنيا واخرة

يا اخي انت وينك من زماااااااااااان ؟

هكذا هى الصرقعة والا بلاش:hap:

تصدق عاد جاي بالسواق يمشي الفين

بلحقك اشوف وانت كاتب احذفه قبل

ماينامون السهارى :hap:

حوار جد رائع ومنسق وبارع بتنسيقة

انك لا كاتب قصصي ممتاز

بس خذ بالك واصح تعطي بخيت ولاعة

والا ولعت براسك ::*

هذا عفنا بريحة التتن حقة ;)

وبعدين اياك ان تدخل المطبخ وتعطل الروح عن عملها مرة ثانية

وبلاشي اتهامات الله يخليك

قال ولاعة بشنطتك قال ::]

استمر على هذا الحوار الرائع مع جميع المشرفين على نفس

هذا المستوى الرائع والنظيف لفظياً;)

سر على بركة المولى عز وجل

تحياتي

[/c]

http://www.alhusam.com/vb/images/myicons/11.gif

الأخيــــــــر

11-09-2002, 10:16 AM

هذا اللي ماكنت عامل حسابه ...ابوفهد طب علي وانا انقل الاخبار
انا باعترف ياعمدتنا بدون طق ولاكلبشات
هذا طال عمرك الظل معطيني مسجل ومايكروفون
وقال انقل للاعضاء وش قاعد يصير بالصاله
اقصد بدره الاشراف
وبعد هددني اذا ماسويت كذا انه يبلغ الاف بي اي علي ويتهمني بايتها تهمه ...خاصه مثلك عارف وش اليوم يوافق
بس ماعليك ...انا اعجبك
باضغط عليه واشوف كم يرخص لنا

ابوفهد
الله يسعد ايامك
وشهاده بصرقعتي اعتز بها حقيقه
وابشر
لك ماطلبت باذن الله
:)

تعظيم سلاااااااااااااااااااااام
النشيد الوطني
استعد
استريح
سارعي للمجد والعلياء ...كملوا عاد

My-Spirit

11-09-2002, 11:42 AM

أبوفهد .. يرضيك بالله

بخيت داز لي الأخير يبغي ولاعة والطبخ اليوم تعطل وما رجعوا الولاعة حقة الفرن

وحضرة الأخير هو كمان .. يقول الولاعة بشنطتي

مو انت موصيني اني اخليها بشنطتي ولا انت نسيت

يووووه نسيت !!!

مش انت قلت لي اخلي الولاعة بشنطتي عشان ما نسرف في استخدامها ... واذا حد قال لي ابغي ولاعة زي صاحبنا بخيت مثلا اقول له ماعندي

طيب انا وش اسوي انا

الحين الولا الأخير يقول ان الولاعة لزوم التدخين :mad:

يالله فكني منه ... ولا ما راح اطبخ لكم شيء اليوم

واخليك بجوعكم :mad:

الأخيــــــــر

11-09-2002, 12:43 PM

المتواجدون ..:ابوفهد , My Spirit , الأخير
المكان : علي باب الصاله (غرفه الاشراف)

الموضوع ..ابوفهد ماسك الاخير من يده وساحبه علي دره الصرقعه ويلاقون الروح بالطريق بيدها ملعقه الطبخ

My Spirit: ابوفهد انت هنا ؟
ابوفهد : اقول يالاخير خلنا نكمل سالفه بخيت ...تعال من هنا
My Spirit: ابوفهد لحظه ابي اكلمك
الأخير : ..... والله بخيت اللي يطرقع ماهو انا
ابوفهد : هلا بالروح ..مرحبا بك يابنتي ...
My Spirit : هلا ابوفهد ...كيفك وكيف فهد ؟
الأخير : اشوفك قلبتي احترام
ابوفهد :بسك يالاخير ..هذي اختك العوده ...الحمدلله ياالروح كلهم بخير ويسلمون عليك
My Spirit : ابوفهد شوف انا مشغوله بالمطبخ
والاخير طب علي يبي الولاعه
ابوفهد : اطفال صغار وش نسوي عاد يالروح ؟؟ نشتري علبه كباريت احسن والا وش رايك
My Spirit: ماعلي من الولاعه الحين .... ابي طلبات المطبخ
الأخير : الله يعين ياابوفهد ..تدري بطلبات الحريم ماتنتهي
ابوفهد : طلباتك اوامر يابنتي ... الحين الأخير ينط للسوق يجيب طلباتك كلها
الأخير : بل بل بل ....اشوف قلبت عندكم قهوجي وشغاله وصبي المسلسل البدوي والحين سواق؟؟؟؟ اقول انا مشرررررررررررررررررررررررررررف :mad:
ابوفهد : سيد القوم خادمهم ياالاخير
الاخير : اقول ابوفهد ... انا ابي اعتزل
My Spirit : انا ابي كرتونة طماطم بلدي و كيس بصل كبير وكرتونه دجاج
ابوفهد : ليه تعتزل يالاخير
My Spirit: و نص خاروف من الجزار اللي باخر الشارع المره الماضيه ماعجبتني اللحمه
الاخير : لاني تبذهلت ... ياقاعد علي بوابه المنتدي استقبل الاعضاء واسحبهم لدرتي ..يابخيت مشغلني بطلباته ..ياشغاله ياسواق ياقهوجي
My Spirit : وابي ثوم ..الثوم خلص ومحتاجين خضار بعد
ابوفهد : قلت لك ياالاخير ان سيد القوم خادمهم
My Spirit : وابي اثنين كيلو خيار ...وخس وحزمه سبانخ
الاخير : ان شاءالله طال عمرك
My Spirit: وحزمه بقدونس ..وحزمه شبت
ابوفهد : الله يبارك فيك يالاخير
My Spirit: وكرنب وفجل
الأخير : زين وين مفتاح الونيت
My Spirit: والغاز خلص علينا ...ابي اسطوانه جديده ...وبس
ابوفهد : ها !!!؟؟؟ تم الاخير يجيب لك كرتون كباريت الحين
الأخير : ونيت عشان كرتونه كبريت ؟؟؟
My Spirit: وباقي الطلبات ؟
ابوفهد :اي باقي ؟
الأخير: يعني فيه باقي؟؟؟؟ كانت ولاعه
ابوفهد : بالضبط ؟؟
My Spirit: ياابوفهد تري من اليوم اقولك طلباتي
ابوفهد : الحين كتبي اللي تبين بورقه والاخير ينقز للسوق يجيبهم لك
الأخير : اشوف قلبت قرد اليوم
ابوفهد : وبعدين معااااك يالاخير؟؟؟
My Spirit: هذي الورقه مجهزتها
الأخير : ممكن ترسليها برايفت احسن ؟؟
ابوفهد : تري ماخسرنا الا البرايفت حقكم يالاخير
الأخير : الحين البرايفت اللي مخسر المنتدي
My Spirit: ايه ...طول يومك ترسل برايفت
الأخير : حراااااااااام عليكم ... انا من عرفت المنتدي الين اليوم وصلني سبعه برايفت من عزيز وكلها تم نقل موضوعك وتم نقل موضوعك
ابوفهد : اخلص الحين ...رح جب طلبات اختك العوده
My Spirit : الله يبارك فيك ياابوفهد ولاننحرم منك
الأخير : تشمون شي ؟
ابوفهد : لا
My Spirit : لايكون الاكل انحرق؟؟؟
الأخير : اقصد تشربون شي ...غلطت بالاحرف..الكي بورد قديم
ابوفهد : يالاخير شكل نهايتك بالمحذوفات
الأخير : زين زين ابروح الحين

التكمله لاحقا

بخيت

11-09-2002, 08:37 PM

باله يابو فهد انت من جدك تاخذ كلام من كبير المصرقعين هذا ..

ما عليك منه ياعمده تراه مصرقع بالفطره :D

قال ايش قال ادخن :rolleyes:

الروح .. يا ام نوااااااااااااااار .. وراها ذي ما تسمع !!:mad:

الاخير رح لا بارك الله في ابليسك قل الروح بخيت عازم الشباب على العشى اليوم :p :D :p

يله انا في الوكر اذا تبون شيء نادو علي::[

سلام

*نجـ سهيل ـم*

11-09-2002, 08:51 PM

يا شماتت أبله طازى بي ..

والله إنكم تفشلون يا المشرفين ..

وانت يا الأخير حاس إنك بتنطرد قريب والله ..

اتري في درتكم بلاوي تصير ومن ورانا .. ايه الله لنا بس ..

تحياتي ،،

عــــزيــــز

20-09-2002, 05:01 PM

ملك الحب

22-09-2002, 04:18 PM

:hap: :hap: :hap: :hap: :heart: :hap: :hap: :hap: :hap: