الجامعة قربت .. الجداول نزلت .. المشاكل بدت

[الشمس]

مدري وش أبي أقول ..
بس المهم إني بقول .. أنا طفشانة لي كذا أسبوع ..
شامة ريحة الجامعة :confused:
لا تقولون شلون!!

أنا دايم أشم ريحة الأشياء :D
مو أشياء .. بس المناسبات :p
زي رمضان مثلاً .. أحس أيامه لها ريحة معينة نكهة معينة , الهوا اللي نتنفسه يصير مختلف خاص برمضان بس ..

من أكثر من أسبوعين وأنا كل ما غمضت عيني برمش جا فلاش زاوية من زوايا الجامعة :(

عادي جداً .. تهيئة نفسية لا بد منها .. راح الكثير مابقى الا القليل .. وبكرة نكبر ونقول الله ياحلو الجامعة وايامها الله لا يعيدها :D

...

السالفة الأهم إني دخلت موقع الجامعة المحترم بشيك على الجداول وأنا عندي إحساس إنها ماطلعت ..
شفت رموز مواد ماهي غريبة .. مواد أخذتها الفصل اللي فات واختبرت فيها ونجحت والله نجحت .. حتى الفيز اللي كنت مني متذكرة منه حتى كيرشوف لو حبيب قلبي أيام الثانوي, نجحت فيه..

سكرت الصفحة مباشرة قلت ماطلعت الجداول مثل ماتوقعت ..
إلا تدق علي وحدة من البنات من قسم مختلف تقول الجداول نزلت ونزلوا لها مدري كم مادة وتبي تضيف مدري كم وسالفة طويلة..
وأنا ===>::[

لايكون اللي شفته صدق ::]
إلا أكيد إحساسي خاني للمرة المليون ::]

أرجع إلا أشوفهم منزلين نفس المواد اللي اخذتها الفصل اللي فات مع ثلاث زيادة من المستوى اللي بعده ووحدة من المستوى اللي بعد بعده ::]

بالله عليكم مو تحطيم :(



طبعا كلها لخبطة كمبيوتر .. عشان كذا أقول كان مالهم ومال الكمبيوتر , التكنولجيا تبي أهلها وهم ماهم أهلها ..

الله يعين بس على مرمطة أول أسبوع :(

[أرسطوالعرب]

بسم الله الرحمن الرحيم
(*ومايلفظ من قول إلا لديه رقيب عتيد*)
السلام عليكم ورحمة الله وبركاته....

أهلين شمس...

رغم مرمطة الجامعة ومسخرة القبول والتسجيل والمراجعة وتسجيل ساعات وحذف ساعات والخرابيط هذي كلها..

لكن تظل أيام الجامعة ......أجمل ذكرى بعقل الطالب...

وراح تتذكريها بعد كم سنة وقولي قالها ثامر :D

وأحلى شي مو لخبطة الجدول ....

لكن أحلى شي يوم تسوين مصيبة ومجلس الجامعة يدرس فصلك :p

وفي الأخير تطلعين براءة...


الله يذكرك بالخير يا هيييييييمة

إييييييييييييييييييييييييييه زكرتينا بأيام العسل يا شمس....



---------
أولى أبواب الفضيلة.....تقييم الجهل
----------
ثـامـر الـحـربـي

[الشمس]

مرحبا .

أرسطو!

يا عليك قلب .. ماشاء الله :rolleyes:

ألحين تقول انه لخبطة الجداول ممكن تكون احلى شي ::[
والله حرام عليك :(
ما تشوف هالعالم مداومة أول أسبوعين في مكتب الإرشاد لا تحضر لا محاضرات ولا زفت ..
أنا بس أشوفهم يتقطع قلبي عليهم , شلون لو جربت إللي هم فيه ::]

الحمدلله عدلوا لي الجدول من نفسهم يعني جهازهم صلح ونزل لي جدول زي الناس , ولا كاااااان يمكن أروح أسحب ملفي :rolleyes:

شلون عاد لو جلسوا يدرسون قرار فصلي !
كان يلاقوني فوق أعلى مبنى في الجامعة بنتحر :D
طبعا هم بيفرحون بالناقص عليهم طالبة :(
...

بعدين من هيمة !
أنا أعرف صيتة مزنة عمشة رثعة .. بس هيمة !!:D

[*الورديه*]

http://www.zahrah.com/vb/images/smilies/phearts.gif

ياعمري ياشمس . . . احس انك تتكلمين من قلب . . . جاء وقت الجد . . . كل واحد وكتابه . . . وقلبي لاتحزن

:D

[الشمس]

الوردية :)

الله من ثقالة الدم وقلة الحيا والحر والقرف ..
يا والله مني رايقة لهم أبد أبد أبد ...
واللي راح صعب والباقي اصعب الله يعين بس ..

ليتهم يعطوني وثيقة التخرج ويريحوني ..
ودي أشتغل وأجرب العمل الميداني :D

[kittiwake]

يااااحبيبتي يا شموستي
أحد يكره الجامعة ؟؟؟ ويشيل هم الجداول؟؟؟
تسؤ تسؤ تسؤ :cool:
اصلاً اصلاً... مادامت كتي في الجامعة ، فالجامعة حلللللللللوة :p


*افففف والله حامت كبدي حتى وانا ابي اقنع نفسي :( بس العنيد عنيـــــد ::*
"وانتِ عارفة من العنيد طبعا ;) "

حبيبة قلبك :o
كتي

[BackShadow]

يسعدلي مساكم جميعاً


الله يذكرك بالشهادة يا الشمس

ذركتينا بالايام التي انتهت منذ مبطي


اللله على ايام الجامعة ...

كنت اذا ما عجبتني المادة قبل الامتحان النهائي بيومين احذفها واريح نفسي :hap:



مع تحياتي

[الشمس]

كتي :)

أكيد اليوم عرفت شقد تحبين الجامعة ومنتِ قادرة تستغنين عنها ..
أقول لك شفيها لو نزلنها 20 ساعة الفصل هذا ..
عشان نختصر المسافة بدل ماتصير سنتين نخليها سنة ونص ..
تقولين يا شيخة مستعجلين على ايش :rolleyes:

صح ان كلامك صحيح لما قلتِ شكلنا بننجح في عشرة ونحمل عشرة بس يعني يكفينا شرف المحاولة :D:p


حبيبتك اللي ماتحب غيرك :heart:

[الشمس]

الظل :)

آمين أنا وانت والمسلمين أجمعين ..

..
هذاك أول على أيامكم كانت سالفة الحذف زي السلام عليكم ..
لكن الحين حرك تبلش :D:D:D ( وليدة اللحظة وعجبتني :D)

[wala2]

آآآآآآآآآآآآآه يالشمس




تعرفي الآه دي من ايه؟


ياعيني عليا رحت اليوم الجامعه انا واختي عشان الجداول
وفرحااانه انا اول سنة وجامعه ومني دارية ايش بيصير


ووالله اتمنيت ارجع للمدرسة :)

مافي غير رايحين جيين

جيين رايحين


والمصيبة الحلوة
انه انا واختي جدوليننا مرررة مايحبوا بعض ومضاربين
كل وحدة ساعاتها مرة غير عن التانية :(:(


ما صدقنا نرجع تاني مع بعض:(:(





الله يكون في العون

[aljenny]

ياعالم ياهووووه أحد يشوووت النعمه برجليه ؟؟!!

طيب حبي يدك مقلوبه وإستغلي هالفرصه وسجلي مره ثانيه !

مايبيلها ذكاء ذي يالشمس وإذا سألوك إجحدي قولي أبد ذي أول مره لي !

يقولك المثل من سبق لبق .. هها بس إلحقي قبل لايهونون

(ياناس دلللخ حده فصول الدنيا ) <- يعنني خريج مدارس أهلية بقروش




أقول يالشمس .. صباح الخير

ودي أسألك عن شي بس أخاف تقولين يحوووووول يتلزق يبي إهداء :hap:

[ابوشهد]

ايه على ايام الكليه اشوفها الان كأن الجو فيه غبار.....او ابيض واسود
ايام ما كنت اسجل عند مصطفى مهدي المواد وعند باب مرسمه في نخلة سميناها (فحل الفحول) كنا نعقد المؤامرات هناك ونبهذل هذا الدكتور...................
ايام ما كان يشغلنا عملي في الكلية -خارج المرسم- عشان نتعلم التذوق نشرد نطلع لخزان الكليه نفطر ونشرب دخان -كان عندنا في الكليه خزان كبير اربعه ادوار في الطول-........................

ولا الدكتور جليل الي كانوا يقولنا انا ايام ما كنت في المانيا كانوا بيندهوا علي الهر جليل
وصرنا ما ناديه الا الهر جليل...............

ولا الدكتور فؤاد اللي كان يعطينا المحاضرة في مكتبه -كنا 9 طلاب بس الدفعه كلها- وكان يشرب دخان في المحاضرة واذا ناداها احد وخرج نسرق من بكته سجاير

ايه يا اخوان ذكرتونا بالذي مضى......................

[الشمس]

ولاء :)

بكرة تتمنين ربي يفكك من الدراسة مرة وحدة :rolleyes:
بعدين المشاوير رح تتعودين عليها .
لكن المشكلة تضارب الجدول مع اختك
إذا ماكان فيه إلا سيارة وحدة وسواق واحد وشغالة وحدة من جد مشكلة ..
رح تضطرون تنتظرون بعض أو يجيب لك أبوك سواق ثاني مع شغالة مع السيارة طبعا:D
ويالله تلحقون..

هذا غير سواق المدارس طبعاً :p

من جد الجامعة ومواعيدها مسببة أزمات عند كل العوائل :confused:

الله يكون في عون الجميع ..

[الشمس]

الجني :)

والله أخذتني برجتك بغيت أروح وأسجل :D
أنا من مؤيدين مقولة عليهم عليهم معاهم معاهم <== خريجة مدرجات جماهير :p

الله يصبحك بالرضا والعافية يارب ..
والله الجزء الجديد جاهز بس عجزااااااااااااااانة أنزله :confused:
إن شاء الله هاليومين , وفيه خبرية توسع الصدر ..
هالجزء بيصير قصير بالمقارنة مع الأجزاء الثانية, عشان ماتحتاج إجازات وسامي مايتعب نفسه الله يسلمه :D

[الشمس]

أبو شهد :)

ماشاء الله عليك أدور بس ذكرى وحدة تشرف من اللي ذكرتهم ما لقيت:p ( بدون زعل :rolleyes: )

أنا ممكن أتذكر مغامرات من هالنوع بس كانت في المرحلة المتوسطة مو في الجامعة!

عالم موسعة صدرها حتى وهي كبيرة (ودي أحسدكم:rolleyes: )


تسلم أبو شهد..