ما فيه زوجة تقول «عَشني» همبرجر وبيتزا وفلافل؟!

[ابوفهد]

قصيدة من دورين وبيت شعر بلا عمدان!!

آه من شباب اليوم..

ليش زعلانين.. ليش متنكدين..؟

ليش يشتكون من ظروف اليوم ومشاكل اليوم..؟

ما هم مرتاحين اكثر منا حنا الكبار،،

زمان كنا إذا تخرجنا نروح نتوظف..

ونتزوج بنت الحلال..

وندور سيارة موديل 56 فرت..

ما يشتغل إلا بالهاندل..

شباب اليوم.. لا شغل ولا مشغلة..

مرتاحين من وجع الراس..

يتخرج الواحد يجلس في بيت امه..

لا يلف ولا يدور في الشوارع..

ما فيه وظيفة تجيب وجع الراس.. والسكر

ما فيه زوجة تقول طلعني كل يوم..

وعشني همبرجر وبيتزا.. وفلافل..

ما فيه زوجة جوالها في يد..

وشنطتها في الثانية.. آخر موديل..

كلمة منا ومكياج منا.. حتى وهي في السيارة..

ما فيه اولاد يجيبون الضغط.. بكثرة مشاكلهم

ما فيه مدارس خاصة.. تنهب الجيب

ولا لوازم مدرسية تقضي على باقي المعاش..

اللي ما فيه امل يعيش هالايام..

ولا اعمال فنية.. تكلف المئات من أجل 5 درجات فيها منه..

شباب اليوم.. ليش زعلان

انت فيه زعل كثير..

وجن جان كثير..

انت روح وارتح كثير..

نم كثير.. مع ماما وبابا..

روح ابلع العافية بابا..

خلي انا فيه تعب.. انا جيل كبير.. جيل قديم.. موديل 60

انت جيل صغير.. لسه صغير.. موديل 2002

المصدر صحيفة الجزيرة

[الشيهانة]

صباح الخيرات ياعمدة..


الله يسلم الكاتب والنقال..


اليوم موديل رجال سنة 60:rolleyes:

وموديل امرأة عاملة سنة 2002:( :(

[الأخيــــــــر]

اقول يالعمده طال عمرك
جيل ال60 ...ماكانت زواجاتهم تكلف مئات الالوف
جيل ال60... توزع لهم الوظايف بالكوم ..ماعندهم طابور من صباح الرحمن لاخر العصر ومنتظريين ..انتظار كله حاملين ملف اخضر وعسي بوظيفه ينقبلون
جيل اليوم ان ماتسلح بشهاده..ومن تخرج خبره عشره سنين .. وواسطه تربط الخليج بالمحيط ..ماله وظيفه
جيل اليوم جامعي وشهاده ان بلها بمويه وشربها اصرف ...ان كانت ثانويه او جامعيه او حتي لو تفلسف وكان بالماجستير يترقص
اشوف مهندس دخله مايتعدي راعي بسطه
ديون وفواتير يرص بها عماره
جيل امس كانت قبلهم جيل الطيبه وسمحه الوجه تكفي يزوجه بنته
جيل اليوم ان ماترس البنك ملايين وشبح بحوش قصره ..ماله زواج ولاحتي لو من بره
عريس تعزب ..وعروسه باقي تحلم
قصور تعلت ولا لشاب شقه
بنيان ترفع وشاب من دكتور لبائع خضره
جامعي من بلاده تهرب ..وبغربه تربي
خير البلد ورجالها ...لاعداء بلاده صار سند وترفع
وشاب حدته ديونه ولاوظيفه ولاامل بحياته باقي يطمح
هده الطموح ومن فضاوته قام بالفاضي والفاضي يتلقح
خل جيل امس كانت ظروفه اهون
وظيفه بسادس وان طارت بالمتوسط ...وصار لاجيال اليوم مدرس بعصا وفلكه ودفتر
جيل امس تنرمي له البعثات ويتشرط
وجيل اليوم علي باب فلان وعلان يشحت
خل هموم علي هموم تجمع
باكر الله يستر ..عسي ماعيالنا بارض الله تسرق وتشحت

[My-Spirit]

عن اذنك أبوفهد شوي


أخوي عبدالله
شوي شوي .. كلنا لها .... وعااااااادي المفروض اننا تعودنا خلاص:)

[ROMEO]

مساء الخير

ابوفهـــــــــــــد......كيف حبيب البي

والله وحشتني .... وشرايك تجينا هالاسبوع كمان ...؟



ابو فهد

مو كانك متحامل علينا شويتين .........هذا وانت بادينك تمسح كل شي ;)حتى الشعر البيج



تشكرات حبيب البي من قواااااااااااا

ويسلمو الانامل=====>مسروقة من البندري