المودم احترق !

[رغــد]

مرحبا ..

مودم اللابتوب ( أيسر ) احترق ..
وديته لمحل وغيروه لي بمودم ثاني .. ماشال الأول .. خلاه موجود وحط مودم ثاني بالفتحة الجانبية وصار لازم يتوصل بسلك خارجي ينشبك بسلك التليفون .. وهو قالي كذا أفضل :148:

مدري يضحك عليا ولا هو فعلا أفضل !!؟

لأني بصراحة مو حابة موضوع السلك الخارج.. كان الجهاز لطيف وظريف وهو لحاله بدون سلك
:155:

أفيدوني .. علماً إن المودم قيمته 250 ريال << مافي علاقة :drr05_64:

[محمد المحيا]

مرحبتين..

أول شي كيف عرف الفني إن المودم احترق؟ أصلاً مو بالسهل ينحرق المودم..

طيب والمودم الثاني قصدك مودم خارجي موصل عن طريق USB ؟ والا من فتحة الـ PC Card ؟؟

وفي كل الأحوال الأفضل هو إصلاح القديم بدل تركيب المودم الخارجي هذا..

[رغــد]

مرحبتين..

أول شي كيف عرف الفني إن المودم احترق؟ أصلاً مو بالسهل ينحرق المودم..

طيب والمودم الثاني قصدك مودم خارجي موصل عن طريق USB ؟ والا من فتحة الـ PC Card ؟؟

وفي كل الأحوال الأفضل هو إصلاح القديم بدل تركيب المودم الخارجي هذا..

هلا ..

انحرق لأنه عند الاتصال مايصدر أصوات طبيعية وآخرتها يفصل..
يعني رأيك ماانحرق ؟

ثاني شي المودم الجديد من فتحة الـ PC Card

وحاسة الاتصال صار بطيئ ..

طيب إذا أبغى أصلح المودم الأولاني .. لازم أوديه شريكته .. أو ممكن يصلحوه بالمحلات ؟ وكم التكلفة تقريبا :drr05_83:

آسفين غلبناك|548|

[محمد المحيا]

مرحبا

مادام يطلع منه صوت معناته فيه الروح :)

طيب إلى الآن ما أعطيتيني طرف الخيط..

أول شي افتحي إدارة الأجهزة Device Manager وشوفي المودم هناك تحت "أجهزة المودم" Modems

اضغطي عليه بالماوس اليمين وبعدين "خصائص" Properties

تحت "حالة الجهاز" Device Status المفروض يعطيك إذا الجهاز شغال تمام والا فيه مشكلة.. مثلاً "This device is working properly" معناها إن المودم سليم

إذا كانت الرسالة تقول إن المودم غير سليم احتمال يحتاج لتحديث الدرايفر..

ولو كان سليم اخرجي من إدارة الأجهزة وجربي اتصلي بالإنترنت منه.. راقبي الرسائل اللي تطلع على الشاشة أثناء محاولة الاتصال.. هل المودم غير قادر نهائياً على الاتصال أم يشبك بالنت ويفصل بعد مرور وقت معين؟
والمفروض إذا فصل تطلع رسالة فيها سبب المشكلة مع رقم الخطأ.. ياليت لو تنسخيها وتحطيها هنا..

أيضاً جربي الاتصال برقم تلفون عادي بدل الاتصال بالنت عشان نتأكد إن المشكلة لها علاقة بالنت أم لا.. الطريقة:
من قائمة "ابدأ" Start اضغطي "تشغيل" Run واكتبي الأمر dialer.exe بعدين OK
الآن بيفتح برنامج الاتصال Phone Dialer
اضغطي أيقونة Dial وبعدين اكتبي رقم تلفون قريب منك وخلي الخيار على Phone call
بعدين اضغطي Place Call
سيتصل البرنامج بالرقم والمفروض يدق التلفون إذا المودم شغال وما فيه مشكلة..


بانتظار الفيدباك :)

[رغــد]

شكراً يامحمد مرة منحرجة بس ايش اسوي ..


بالنسبة لصوت الطنين موجود بالبداية طبيعي وبعدين يختل الصوت ويكتب لي تعذر تأسيس اتصال .مايتصل بالنت بالمرة .
حالة المودم سليم ..صار عندي مودمين كلهم سليمين :drr05_64:

جربت طريقة الاتصال على تليفون ويعطيني مشغول .. المفروض مايعطي مشغول .

هذا مالدي .. وإن ما تصلح الله لايردوا :155: .. بس انا متضايقة من بطء الجديد

وألف شكر |548|

[محمد المحيا]

ولا يهمك رغد.. مادام المودم سليم إن شاء الله تنحل المشكلة..

أول شي لما تطلعلك رسالة "تعذر الاتصال" المفروض ينكتب معاها رقم الخطأ..
يعني مثلاً "خطأ 800. تعذر تأسيس الاتصال...الخ"
فإذا ممكن تتأكدي من الرقم ايش هو بالضبط لأن الرسالة لها أكثر من سبب حسب الرقم المذكور..


بالنسبة للاتصال الهاتفي احتمال تكون إعدادات الاتصال هي السبب
يعني احتمال البرنامج يستخدم مفتاح المنطقة قبل الرقم
تأكدي من الرقم اللي يطلع أثناء الاتصال هل هو صحيح والا لا..


أما الجديد فأكثر الموجودة حالياً بنفس السرعة 56
ومافي سبب يخليه بطيء إلا إذا كانت نوعيته تعبانة
أو احتمال تكون المشكلة في خط التلفون أو سرعة الاتصال من الشركة نفسها
جربي أكثر من شركة وقارني بينهم..