**شطحه 1 **

[أرسطوالعرب]

سلام
صباح اللافندر...

إزيكو يا جماعة.......الله يديم عليكم العافية يارب :)

عندي سؤال حاسني وماني عارف كيف أتصرف ...

إتلاقاً :D

مثل مانتم عارفين على مر تاريخنا من الحارة إلى اليوم هذا...

يقابلونا شخصيات كثيرة ومتنوعة...

صح ؟
صح <==== حايس وماني عارف كيف أدخل في الموضوع

في فئة معينة تجبرنا الظروف إننا نتعامل معاهم سواء في العمل أو أي شي ثاني..

الفئة هذي...كانت لها نقطة سوداء في حياتها...

ممكن يكونو تعرضوا لإغتصاب وهم صغار....أو أنضحك عليهم <=== تعال أوريك برج الحمام أو غيرها

هذولي كبروا الحين وصاروا رجال ..وفتحوا بيوت....الحمدلله..

ممكن لو تقابلنا معاهم الآن بعد العمر هذا كله ..... يتضايقوا من التعامل معانا بسبب بسيط إننا نعرف هذي النقطة السوداء في حياتهم..

سؤالي...
كيف تتعامل مع هذي الفئة...؟

الهروب......عمره كان حل؟؟....خصوصاً إنك تهرب من ذنب غيرك مو ذنبك؟؟
أو تتناسى أمامه تاريخه....رغم نظرة الألم والكره اللي تشوفها بعينه؟



---------
ممكن تكون عرفت بإعتراف منه وهو صغير...أو إعترف لك في حالة ضعف وهو كبير؟.
وعادة الشخص اللي يعترف لك بخطأ له وهو في حالة ضعف ما وده يشوف وجهك إتلاقاً :D
----------

[مرسال]

:(

لاعاد أشوفك تكتب مواضيع آخر الليول إتلاقا

لكن الجواب حسب علاقتك مع الشخص

اذا كنت تبغى منة مصلحة طالع بوجهة واضحك من غير سبب هو على طول راح

يسأل نفسة ايش يضحكة الخبل هذا بس أكيد السالفة ماغيرها

اما اذا مافية مصلحة سيب الآدمي فحالة

ماعندي شك(اتلاقا)إن هذا الموضوع بينحذف علشان كذا قلت الحق اشارك

قبل الحذف


على فكرة اذا جيت تقرأ ردودي لاتقراها وانت منسدح :)

[أرسطوالعرب]

سلام
صباح اللافندر ...

أهلين مرسال

أنا ما كتبت هالموضوع بهللة ولا أقصد فيه أحد :rolleyes:

أنا طرحت مشكلة أعاني منها في كيفية التعامل مع هالنوعية من الناس...

إذن ليش ينحذف؟؟؟

ولاتحرش الخلق علينا أوكي ::*

بعدين هذا رد إنت ووجهك...

كأنك تلمح إني بأستغل معرفتي بتاريخه في أشياء خسيسة !!

إرجع وإقرا زي الناس يابا

أنا أقول على إفتراض إنه زميل عمل أو في بيني وبينه بزنس..

شلون أواجهه خصوصاً إن أغبى شخص ممكن يلمح نظرة حقد وهو يكلمني..

رغم إن الذنب ذنبه هو...والتاريخ تاريخه هو..



---------
أكتب منسدح...أقرأ منسدح...إن شاء الله أشرح وأنا منسدح!!
أنا حر طالما إني مسيطر على الوضع :p
----------

[عبدالرحمن الطويل]

ثامروه ...

ماشاء الله عليك .. ماقت الناس غيرك توقع عندك وتعترفلك ...

اعترف بس وقول ان العكس هو اللي صاير :p

============================== ==

ماأدري ياثامر ...

ماشفت ان الموضوع ممكن يؤدي الى مشكلة .... الا اذا تدخل عامل الابتزاز فيها


غير كذا الاثنين راح يعرفوا كيف يتعاملوا مع بعض ....

يعني ماراح أي احد فيهم يحط في باله أي معلومة يعرفها عن الطرف الآخر من حياته الماضية ...
حتى لو كانت معلومة بنت ستين في سبعين ..

يمكن تقول هذا يتكلم عن شي وانا ااتكلم عن شي ..
لا انا فاهمك زين ... وأرد من نفس المنطلق ...

الماضي راح .... والمفروض التعامل يكون في الحاضر وبس ...

حتى لو جت ذكريات الماضي بتلاقي الاثنين وخروا عن هالنقطة

لأنك لو ماكنت تستاهل ماكان سوا معاك بزنس ... والا وراك وجهه من أصله


============================== =======

بس تدري ياثامر ... المشكلة لو حاولت تبتزه .... هذي هي المشكلة :confused:

ايش راح يعمل .. والا ايش ممكن يعمل

مثلا لو وصل الرجال وصار ممكن يمسك منصب ... وهالمعلومة اللي تعرفها عنه ممكن تبعده عن المنصب ... وش ممكن يسوي :confused:


تحياتي لك

[أرسطوالعرب]

سلام
أهلين أبورهف...

ما أتكلم عن إبتزاز أو أي شي ثاني..

أنا فعلاً ماني عارف كيف أتصرف في الموقف هذا...

ممكن ظروف عمل.....أو حق الجيرة...أو جلسة جمعتنا..

يعني لا إبتزاز ولانيلة!!

يمكن لأني أنصدمت بموقف وأنا صغير..

أعترفلي واحد من حارتنا بإنه .......

وكانت لحظة ضعف منه بالتأكيد..

وبعد فترة صار يتحاشاني كثير...

وتوفى ولد خالته.....وما كان أحد يعرف بالسالفة غير أنا وولد خالته..

فإجتمعنا بلحظة ضعف ثانية منه...

وكان سعيد جداً إن سره مات مع ولد خالته..

وقالي باقي إنت !!!

طبعاً وقتها كنا مراهقين...فصعب إننا نحاسب بعض على مثل هالكلام......

الشاهد...

إن كان هذا الشخص إنبسط وفرح لموت ولد خالته....عشانه يعرف السر..

إذن الموضوع أكبر من إني أطنش أو أتعامل مع هالنوعية بلامبالة...

لأنهم يبالون !!

أبو رهف...مرسال..

لو كان زميلك بالعمل من هالنوعية..

وإنت بطبعك انسان مرح..

أكيد بيضايقك إن كل ابتسامة أو ضحكة تصدر منك تُفهم بطريقة ثانية...

واللي يضايقك أكثر....يوم تحس إنك مقيد بالتعامل بذنب غيرك!!!


---------
شكل الموضوع هذا للرجال فقط....ومو كل الرجال...:D
----------

[ابوشهد]

ياأخي ما في مشكلة موت انت وريح الرجال وخليه ينبسط ويعيش حياته من غير غلاستك

بعدين يا أخي اذا ما قدرت تموت في حل ثاني شوف انت كيف اتعاملت مع الموقف لمن كنت انت في وضعه وعامله زي انت ما حبيت الناس يعاملوك لمن هزت الريح
انا كنت معاكم في الحارة مين دا الواد لا يكون (بوبو) خلينا نعالجه نفساوياً يمكن يعطينا تاريخك وننزله شطحه2


انا تراني متفاعل مرة مع موضوعك رد بسرعه

[BackShadow]

يسعدلي مساكم جميعاً


ثامر ... سمعت بالمثل اللي يقول :

يوم جاء شطح ... نطح


هذا ينطبق عليك


راجعلك ثاني ... يا مشطح


مع تحياتي

[أرسطوالعرب]

سلام
يالله ........

إيش سويت فيني يا أبوشهد...

رجعتنا أيام زماااااااان

بوبو الأشقر :D

يا حبي له البني آدم هذا.....

الله يستر عليه ويوفقه طالما إنه عطاك مقفاه وعاش دنياه:p

أموت وأعرف إيش ذكرك فيه :rolleyes:

وبعدين بالله عليك هذا رد تكتبه لأخوك الصغير؟؟

الدنيا بااااااااااازت يا قدعان

وإمسك أعصابك لاتتهور زيادة عن اللزوم

الموضوع هذا بالذات ما يستحمل دقة بسيطة إلا ويفرط من يدي

وأول ما نزلت الموضوع قلت يااااااااااارب

ما يرد أبوشهد:D

---------
الله يرحمك ياطهطاوي...
الله يذكر أيامك بالخير يالألماني..<===تراه ما يدري لا أحد يعطيه خبر بليييييييز
----------

[أرسطوالعرب]

سلام
أهلين أنكل:)

أنا لسه مسيطر على الوضع!!!

ولا عشانك أنكل تسوي اللي تبغى؟؟

---------
مشكلة لا كان لك عم وعينه قوية!!!
----------

[ابو فراس]

بالله ما شتقت للزعيم اللللله ...

كان من اهم اساليبه الخسيسه اللي هي ..

افضل طريقه للدفاع هي الهجوم :D

:rolleyes:


===
كل واحد يحط باله من لغاليغه ... انا ماليش دعوه:D
=====

[aljenny]

يسعد أيامك أرسطو ..

تصدق موضوعك ذا يمشي على خيط .. تقدر تقول قد وقد بس مقاس ولادي

قد ينقطع الخيط .. وقد تزل رجل الموضوع ويجي على جبهته

في أحد الصبيحات كنت مع أحد الأصدقاء عنده موعد مع دكتور أنا مادحه له وهو من الصعب الحصول على موعد معه إلا بحجوزات لفترة طويلة .. فـ وحنا جالسين بالإنتظار مادريت إلا وواحد أذكره من زمااااان كان معروف بسمعته السيئة والعياذ بالله هو وأخته .. الشاهد دخل علينا هالآدمي وأرسل أهله إلى إنتظار النساء وأول ماشافني ::[ طارت عيونه وضرب يوتيرن ومسك الباب ووبكل بساطه كنسل الموعد أبو شهور إنتظار وفي لحظه وحده .. طبعاً أنا كالعادة ماكذبت خبر طقيت الإبتسامه وفرطت السبحه عند خويي وعلمته بالسالفه

دارت الأيام ودروب الشك إلين جا ذاك اليوم إللي هو بنفسه دخل علي المكتب بصفته مسوق لمنتج ما وبدل مايضرب اليوتيرن زي ذيك المره قلبها حفاوه بالأحضان وهاتك ياسوالف ! أنا بصراحه إنحرجت قلت أكيد الولد عرف إنها مافيها هروب وفضل يواجه الأمر الواقع .. ولقيته بكل صراحه يقول أنا عارف من أنت من قبل أدخل عليك .. وقصدت الدخول عشان أكسر الحاجز إللي بيننا لأني ما أبغى الموقف إللي صار مع زوجتي بالعيادة يتكرر ثانيه في حياتي
( رحمته يوم قال زوجتي أحسبها كانت أخته )

بيني وبينك لخمني وعضيت شحمه ولا قدرت أفر حرف واحد معه عن الموضوع .. ومع الوقت إستمر التعامل معه على أحسن وجه .. والحمدلله ربي ستر عليهم

المهم .. لاترز خشيمك على أحد .. وأستر عليه الله يستر عليك


آآآه جاني النوم عقب الحكاية .. وأدرك شهريار إن خرطه واجد

سلام عليكم


( أقووووووول .. ماودك أوريك الطيارة إللي طايحه بالسطح ؟ )

[*نجـ سهيل ـم*]

مساء الخير .. حبيبي ثامر وش السالفة ..

لكن أنا أقول لك . حبيبي إذا كان الشخص هذا اللي أنت تعرفه وبعد فتره قابلته

أو جمعتكم الأيام بعد فترة طويلة . وأنت تعرف عنه شي من ماضيه اللذي يتمنى أن يخفيه

ويتمنى أن يملك شي يجعل الآخرين ينسونه .. وهو يعرف إنك تعرف عن الماضي هذا .

فأنا أفضل أن تتعامل معه تعامل عاااادي لا يكون فيه نوع من الإهتمام المبالغ فيه

حتى لا يعتقد إنك تريد أن تسود حاضره مثل ماضيه ..

ولا تكون معملتك به فيه نوع من عدم المبالاه .. حتى لا يعتقد في إنك تحاول إنك

تبتعد عن شخص شاذ في حياته ..

هذا في التعامل ..

أما المحادثات التي تكون معه ..

لا تتحدث حول المواضيع التي لا يرغب الحديث عنها .. والتي ممكن أن تذكره بماضيه

بمعنى أصح لا تفتح معه مواضيع .. يعتقد حينها أنك تريد أن تذكره بماضيه ..

أوكيه .. هذا رأيي

==========

حبيبي .. ثامر .. وش رايك أسكن أنا وانت في بيت واحد ،،

[حلوه]

تسمح لي أقول رأيي بالموضوع ..
الشي إلي خلاني أتكلم أصلاً .. أني واجهت هالمشكلة ..
وزميلتي هاذي .. قالت لي سالفتها .. ومحد يعرفها غير أمها وأبوها ...
وهي كانت في مبنى ثاني .. ما نتلاقى إلا نادراً ..

لكن حظها الحلو أنها أنتقلت عندنا بالقسم .. وصارت تشوفني كل يوم ..
وآنه طبيعتي ما أبطل مرح وضحك .. وهي كان باين من البداية .. أنها ماكن ودها تلاقيني في حياتها ثاني مرة بعد ما باحت لي بما باحت ..

واضح أنها حست بتسرعها لما قالت لي ..
المهم أني كنت ناسية هالسالفة .. بس طريقة تعاملها معاي .. تخليني غصب عني أطريها في بالي .. وأحس بقلق وإحراج .. والسبب في ونظرتها ..

تدري أرسطو آنه أيش سويت ..
من عادتي أني ما أعرف أواجه أحد وأحل معه إشكال .. لكني بالرسايل .. عجيبة .. هههه كتبت لها رسالة .. تصور عاد ..

ههه كان أفضع موقف صادفته في حياتي .. جانتي يومها مثل الإعصار .. وهبت فيني .. شتمتني .. صرخت .. بكت .. وآنه مصدومة .. ما نطقت بحرف .. هي طلعت إلي بجبدها وراحت عني ...

وبعد أسبوع إجازة .. رجعت .. وهي إنسانة ثانية ... :) عرفت ليش ..
من غير دراية مني .. ساعدت في أنها تطلع التسربات إلي بداخلها من تبعات ذلك الحادث ...


كل إلي أبي أقوله ..
إذا أنت شجاع .. واجهه .. واجه صاحبك بما يتحاشاك علشانه .. وحاول تقول له أنه الوضع الحالي .. ما تقدرون تستمرون عليه .. خصوصاً أنك تشوفه كل يوم ..

هههه الله يعينك .. ذكرتني بما كان :)
المهم .. السبب أنه زميلك هذا .. ما قلب الصفحة على ذلك الحادث .. وللحين يحسب له ألف حساب .. فساعده لو أنت حريص على علاقتكم مع بعض .. وإلا الكسول بيقول .. يبه أيش لي آنه وعوار الراس .. نبتعد أحسن .. :)

[LAST*HOPE]

السلام والرحمه والاكرام ..


مالت عليك انت و مواضيعك .. تذكرني بشي بس ما ادري وش .. المهم




اترك عنك كلام (حلوه) تبي تجيب العيد فيك :eek:

البنات يختلفون عن الشباب مررررره .. وهالموقف اللي انت ذكرته ماهو جديد وكثيرين يمرون فيه .. سواء موقفك انت او العكس (طبعا مو لازم يكون فيها تعال السطح اوريك الحمام) ..


الحاصل عزيزي اذا كنت بتقابله كل يوم .. تجاهل الأمر ومع الزمن بتعرف ليه قلت لك كذا .. لأنك بتنسى وبيصير كل شي طبيعي ..

عشان اوضح .. الحاصل يا ابن الناس .. آخر ذاكره مرتبطه بهالشخص اللي قابلته سيئه .. بعد ما تتجاهل الأمر وتعيش معاه عادي وانت كل يوم تشوفه .. غصب عنك بتروح الذاكره القديمه وتحل الذاكره الجديده مكانه

بعد فتره ما راح تنسى القديم .. لكن بتلاحظ صعوبة الربط بين الذاكره القديمه والجديده ونفس الشخص .. يعني كأنها لشخص ثاني ..


اقول كيف الحال ..

بالعربي .. انت عين من الله خير واسكت .. والزمن كفيل بالباقي


المهم انك كل يوم تقابله .. او تكثر من مقابلته لين تحل ذاكره ومعلومات جديده عن الشخص غير القديم ..


باي

[جياد]

هلا والله بأبو الشطحات كلها ...

والله سالفتك سالفه انت .. :rolleyes:

بس ياحليله خويك ذا .. مازال في داخله ضمير حي يأنبه على اللي سواه ..

أعرف من هالنوعية ناس تعبانه .. يجيك الواحد ماضيه يفشل .. وذكرياته تسود الوجه .. // الله لايبلانا //

وإذا تقابلت معه .. وهو داري انك كافشه .. مافيه اوسع من وجهه .. إلا وجهه مغسول بمرق شحمة حاشي !!
يكابر ويرز روحه .. ويتكلم معك تقل يكد عليك !!!
تناظر فيه وتتحمد الله !!!!

لكن بما إنه منكسر .. ويداري متحسف على سواد الوجه بالعكس كذا أسهل لك ياخي ..

اللي يمر فيه نوع من المرض النفسي طب نتجاهله كوسيلة علاج ؟؟ لا بالعكس عطه الشيء اللي هو فاقده ... !!

يعني اشوف عكس ماقال نجم سهيل لاتتعامل معه عادي ... إلا عطه احترام ترجع له الثقة بنفسه ..
حطه على راسك .. تحسسه انك انسان واعي .. متفهم معه أكثر مما يتصور .. تعلمه انه موب العيب الواحد يغلط ،، العيب يستمر على الغلط مثل البهيمة ..

تعامل معه باهتمام زايد .. بدي له اللي يبي ... تعمّد أنك توكل له أمور شخصية متعلقة فيك أو بالعمل .. خله يرتاح من الصراع اللي قاعد يعيشه .. وتتغير نظرته النفسيه لثامر ..

فهو خلاص صار انسان محترم حرام يعيش مطارد بشبح الماضي ..

ومع الايام راح يسلى وعلى ماقال ( لاست هوب ) : (( آخر ذاكره مرتبطه بهالشخص اللي قابلته سيئه .......
المهم انك كل يوم تقابله .. او تكثر من مقابلته لين تحل ذاكره ومعلومات جديده عن الشخص غير القديم .. ))



إلا على فكره ....
أشوفك كاتب رقم واحد جنب االعنوان !!!!!
* شطحه 1 * ؟؟؟؟؟

الله يستر منك ... ليه ناوي على 2 و3 بعد ؟؟؟ ::]



*جيــــــاد *

[ابوشهد]

الجماهير تطالبك بشطحه2
بس تقولنا ايش سويت لمن كنت انت محل صاحبك هذا
يا اخويا ما من شجرة الا وهزها الريح
وصنادق الحمام يا ما لمت

[نور الشمس]

حبيبي ثامر

:D :D :D :D

اضحكتني اضحك الله سنك ..