المساعد الشخصي الرقمي

مشاهدة النسخة كاملة : مشكله في موبايلي



لبنى
31-01-2007, 11:59 PM
السلام عليكم

انا عندي مشكله مع موبايلي

موبايلي من زمان عندي
لكنه اخترب لأنه طاح طيحه قويه

وبعدين وديته للتصليح

ولما رجعته طلع فيه فايروس

كيف يدخل فيه فايروس

شو السبب ؟ مع اني ما استخدم البلوتوث

وكل المسجات اللي توصلني من قرايبي

وبعد اشتريت موبايل ثاني وكل شوي الشاشه تبند
الموبايل ما يبند لكن الشاشه بس وتصير مظلمه !!
شو السبب؟؟

محمد المحيا
01-02-2007, 01:10 AM
السلام عليكم..

بالنسبة للفايروس احتمال الشخص اللي صلح الجوال زرع الفايروس فيه.. وهذي الحركة تصير من ضعاف النفوس للتجسس على خصوصيات الآخرين..


أما الشاشة فهل تعود للعمل عند الضغط على الأزرار أم لا؟
إذا كانت تعود فممكن السبب إعدادات حافظ الشاشة.. وإذا كانت لا تعود ربما المشكلة في الشاشة نفسها وهذي مالها حل غير في الشركة والمفروض يشملها الضمان إذا كان الجهاز جديد..


تحياتي

لبنى
03-02-2007, 09:43 PM
مشكور اخوي المحيا

سؤال
كيف تجسس يعني يتجسسون على مكالماتي والا مسجاتي والا كامرتي؟

والموبايل اليديد اللي شريته، مره كنت مستعيله وكنت ارد على مسج مهم وبندت الشاشه وقمت عضيت الموبايل، يعني الحين مافي امل اني ارده وخاصه انه اثر الناب موجود

انزين هذي المشكله اللي في الموبايل ما تتصلح والا ممكن انهم يبدلون قطعه منه، مثلا الشاشه ؟؟

محمد المحيا
04-02-2007, 01:55 PM
مرحبا أختي..

التجسس يختلف حسب نوع الفايروس.. يعني هناك فايروس يرسل الأرقام المخزنة عندك إلى رقم الشخص اللي وضع الفايروس برسالة نصية.. وقريت قبل فترة عن فايروس يرسل الصور أو ملفات الفيديو أو الصوت عن طريق خدمة رسائل الوسائط.. طبعاً هذي الأشياء ما تنعرف إلا إذا عرفنا نوع الفايروس أول..


أما الجهاز الجديد أعتقد أن "العضة" كانت قوية :)
وكسرتي شي داخل الشاشة..
لكن حلها سهل.. في الشركة يغيرون الشاشة لحالها ويرجع الجهاز طبيعي إن شاء الله..

تحياتي

لبنى
04-02-2007, 09:50 PM
ياخوي مكتوب على شاشة الموبايل: Infected by commWarrior


والموبايل اليديد مااخترب من عضتي هو من الاول خربان وديته لهم قالوا بيصلحونه ورجعوا لي اياه نفس ماهو ، وبعدين عضيته من القهر



والله ياخوي انا منقهره على مسجاتي
ما اقدر كل مره اغير موبايل عشان مسجاتي ومسجات من ناس عزيزه علي
مافي طريقه اني احفظ مسجاتي خارج الموبايل؟؟؟؟


الموبايل الاول غيرته عشان طاح طيحه قويه واتكسر ، وقالوا انه ما بيتصلح
وبعدين لما شريت موبايل يديد صلحوا القديم وانقهرت انه تصلح
لكنهم صلحوه وحاطين فيه فايروس!!

والله انا كنت شاكه انهم هم اللي حاطين الفايروس لأن موبايلي في الاصل ماكان فيه فايروس
قلت يمكن حاطينه عشان كل شوي اروح اصلحه

لكن يا خوي عندي سؤال
في موبايلي اليديد مو اللي فيه الفايروس لا اليديد اللي عضيته،لما وديته للتصليح قال انه حط فيه انتي فايروس، وما ادري اذا حاط انتي فايروس والا شئ ثاني
كيف اعرف انه انتي فايروس والا لا


ومع جزيل الشكر

محمد المحيا
05-02-2007, 11:08 AM
سلام..

الفايروس Commwarrior هذا فايروس روسي من النوع اللي ينتشر عن طريق البلوتوث ورسايل الوسائط MMS
يعني يبحث الفايروس عن أجهزة الموبايل القريبة عن طريق البلوتوث ويحاول إرسال ملف باسم عشوائي وبامتداد SIS إلى الأجهزة الأخرى.. وأيضاً يبحث الفايروس في الأرقام المخزنة في موبايلك ويرسل لهم رسائل MMS تحتوي على الفايروس..

إزالة الفايروس ممكنة باستخدام برامج الحماية مثل برنامج F-Secure
نزلي النسخة المتوافقة مع نظام موبايلك من هنا:
http://mobile.f-secure.com/downloads/trial/index.html

وبعد تثبيت البرنامج في الموبايل شغلي البرنامج وابدأي عمل سكان وتنظيف للجهاز.. وبعد الانتهاء طفي الجهاز وأعيدي تشغيله..

بعد كذا باقي إزالة المجلدات التي أنشأها الفايروس في الجهاز.. أولاً شغلي مدير التطبيقات application manager واختاري إزالة الملف الخاص بالفايروس مثل commw.sis أو أي اسم يستخدمه الفايروس..

خطوة أخيرة نزلي أداة صغيرة اسمها F-Commwarrior من هنا:
http://www.f-secure.com/tools/f-commwarrior.sis
وبعد تثبيتها في الموبايل تأكدي من إغلاق جميع التطبيقات وشغلي الأداة هذي
ومن القائمة اختاري "Deactivate Commwarrior"
وسيبحث عن أي ملفات خاصة بالفايروس ويزيلها..

وبعد كذا سيكون موبايلك نظيف من الفايروس إن شاء الله...

----------------------------

بالنسبة للمسجات ممكن حفظها على الكمبيوتر ونقلها لجهاز آخر.. لكن ما ذكرتي موديل موبايلك عشان أعطيك البرنامج المناسب له..

----------------------------

وإذا كان جهازك فيه آنتي فايروس المفروض تكون أيقونة البرنامج ظاهرة مع أيقونات البرامج على شاشة الموبايل.. فتأكدي منها..


تحياتي

لبنى
05-02-2007, 01:00 PM
مشكوووووووووور ياخوي المحيا

لكني ما عرف كيف استخدمهم

حتى لو عطيتني لنكات

أبا حد يعلمني خطوة خطوة

حسبي الله عليهم اصحاب المحل اللي صلحوا موبايلي
عمري ما استخدمت رسائل وسائط ، وبلوتوث ما أبطله الا لما وحده من اهلي تبا تبعث لي صورتها او صورة احد عيالها

حسبي الله عليهم

شو الحل يا خوي، ومن بيساعدني

محمد المحيا
05-02-2007, 01:25 PM
طيب ممكن أعرف نوع الموبايل ورقم موديله بالضبط؟؟

لبنى
05-02-2007, 02:21 PM
نوكيا 3230

لبنى
05-02-2007, 02:24 PM
يا خوي بعد أبا خدمة منك

كيف انقل المسجات على الكمبيوتر؟؟