لاتحسس على بطحتك.. بس تعال..

[Angel]

السلام عليكم

كيف حالكم؟

زي ماقلت في العنوان.. اللي على راسه بطحه.. لا يحسس عليها.. لأني ما أقصد أحد بكلامي... بس أدري ان كثييير على راسهم بطح.. وبعضهم بطحهم تضاهي قمة افرست في جبال الهملايا..

بس كمان أدري ان كثييير محترمين ومؤدبين وماعلى راسهم شي اللا شعورهم (هذا اذا ماكانوا صلعان)...

بس موضوعي هذا للكل.. للغلطان والمحترم.. على حد سواء.. للبنت والولد.. على حد سواء.. للقارئ والكاتب.. كمان على حد سواء..

مشهد يتكرر كثير.. يرسل رساله خاصه ويقول أنا عندي موضوع مررررره مهم أبي أكلمك فيه.. عندك مسنجر؟؟

أرد.. لا ماعندي (وبيني وبينكم.. حتى لو عندي.. ماراح أعطيه لاحد.. لأني أحس المسنجر بالذات شي خاااااص جداً.. وماحطيته الا عشان أتكلم مع صاحباتي يوم كنت بأمريكا)

يرد عليّ.. طيب أبغى أكلمك في هذا الموضوع وهو مره مهم.. كيف أكلمك فيه؟؟

أقوله.. قوله ألحين.. في الرسايل الخاصه..

يقول.. لا ماينفع.. (ومن جد اللي على راسه بطحه يحسس عليها.. يخافون ينشافون في من على الشبكه وهم يشوفون أو يكتبون رسايل خاصه.. طب واذا؟؟ وش فيها يعني؟؟ ماأدري)

المهم.. أقوله.. طب ارسلي الكلام المهم ذا في ايميل..

يقول.. لااا.. ماينفع ايميل (عاد ذي عجزت لا أفهمها.. ليه ماينفع ايميل؟؟ ماادري)

أقول.. طب وش اللي تبيه بالضبط؟؟

يقولي.. طب أعطيك رقم جوالي..!!!


نعم؟؟؟ هيا وصّلت؟؟؟::[

أقول.. خيييييير؟؟؟؟

يقول.. لااا.. ماراح أكلمك.. بس أرسل لك مسجاااات..

وانا وشوله أكلف نفسي ثلاثين هلله ويزود عشان أرسل لحضرته مسج؟؟ من متى المعرفه؟؟

أعتذر له.. يزعل..

وش الصرفه؟؟؟

السماح.. للزعلانين.. سواء مني ولا من بنات ثانين.. والسماح.. للزعلانات.. من شباب ثانين.. بس ليه نحط نفسنا في مواقف زي كذا؟؟

خلاص.. عندك موضوع مهم.. يعني مايصبر.. لازم ينحل.. ارسل رساله خاصه ولا ايميل.. وانتهينا.. لقيت الموضوع يستاهل اني أرد عليه.. أو أوضح.. رديت في رساله خاصه أو ايميل.. وانتهى الموضوع...

ولا؟؟؟؟

[Sami96SA]

صباح الخير

أشوى أنا أصلع مثل روبيرتو كارلوس.

يعني ما علي ريش ولا بطحه ولا بطيخه. يالله اللي على راسه بطحه يتحسس عليها ويعترف لنا ..

وش هو الموضوع المهم يبو بطحه اللي يخليك تصر تبي ماسينجر الإنجل عشان تسولف معها.

طيب وش رايك تتناقش مع الجني في الموضوع المهم .. ونل بعطيك رقم جواله .. ها .. وافقت؟


تحياتي لك يا إنجل.

----------------

سامي

[Angel]

هلا سامي


ماشاء الله.. رحت شوي ورجعت لقيت الرد..

أشوى انك أصلع..

بس اذا بيروحون للجني.. الله يعينه..

وتسلم..

[عبدالرحمن الطويل]

وليش زعلانة ....

عادي من البداية قفلي خاصية الرسايل

وما راح احد يقدر يزعجك ...

شفتي كيف سهلة

:confused:

[Angel]

هلا غريب الدار

وليه أقفل جاصية الرسايل؟؟

أنا بنفسي أرسل رسايل خاصه وأستقبلها.. بس لكل شي حدود.. يعني مو ياخذون وجه لدرجة توصل لأنه يطلب رقم جوال ولا يقدم واحد.. أنا ماعندي مشكله مع الرسايل الخاصه لأنها أحياناً تكون مهمه من جد.. وأحياناً يكون عندك تعليق على موضوع أحد بس ماودك تقوله قدام الكل وتجرح صاحب الموضوع.. فترسله رساله خاصه.. وأحيانا ودك تتعرف على أحد (في حالتي أنا... وحده) وترسل لها رساله خاصه

الموضوع مو موضوع رسايل خاصعه وايميلات.. الموضوع موضوع مبدأ وتفكير.. مو أكثر..

وتسلم.. :SMIL:

مار على فكره.. ترى أنا مو زعلانه ولا معصبه.. لا تفهموني غلط.. بس أنا أسلوبي شوي هجومي.. :SMIL:

[ابوفهد]

اهلين اخت انجل

الله يعطيك العافيه على طرح هذا الموضوع والتصريح به للجميع

الحمد لله انا من فريق ابو احمــــد :hap:

فعلا انه لامر مخزي

ثم اش يعنى لما يرسل رساله خاصة ويعرف عنه ذلك في درة

من على الشبكة ؟

اليس يناقش موضوعاً مهما ؟

بما انك واثق من اللي تسويه فلماذا الخوف من معرفة الاخرين ؟

ثم اعتقد ان اي بنت تستطيع ردع مثل هذه الاشكال ببساطة

ومن اول رساله بان تقول له

عندك شيء هاته اما ماسنجر او اتصال هاتفي فكثر منها

اما على قولة ابورهف

قفلى خاصية الرسائل وارتاحى !!!!!

طيب ليه ؟

واش ذنبها هى وصديقاتها ممن تراسلهن عبر الرسائل الخاصة ؟

لكن ممكن انها تسوي حضر عليه هو شخصيا فقط

من قائمة الحضر في الرسائل الخاصة

شكرا لك مرة اخرى

ولك تحياتي

[عبدالرحمن الطويل]

ماشاء الله عليكي ...

الله ينور عليكي يابنتي ..

بالضبط هذا اللي كنت ابغى اسمعه منك .....


هي خاصية موجودة ... لها فوائد كثيرة وجميلة ...

وبالمقابل لها مضار ....

فحبيت اوصلك انه علشان نستفيد من الفوائد علينا تجاهل المضار ...

ولا نشغل بالنا بالتفاهات الصايرة ....

انا معاكي انها مسألة مبدأ وتفكير ... وهذا اللي كنت ابغى اوصل بالحديث له ...


ياستي ... مهما عدتي وزدتي في هالموضوع ماراح تختفي هالظاهرة ...

في كل مكان .. مو هنا بس ....

علشان كذا ..مافي أحسن من تجاهل هؤلاء التافهين .... والاستفادة مما هو متاح لنا ...
وعدم حرمان انفسنا من الأشياء المفيدة بسبب قلة تافهة


ياريت اكون وضحت اللي أبغى أقوله


تحياتي لكِ ...

[* الـمـنـتـظـر *]

سلاااام مزركش :D

إن شاء الله أني أصلع وأصلع وأصلع :p

وانا مع أبو رهف في الكلام اللي هوّا يقوله .. الوضع ما يستاهل صدقيني :)

والظاهرة ما راح تنتهي .. وما أروع الثقه بالنفس :)

تحياتي وتقديري

[Angel]

هلا أبو فهد

يعطيك ألف عافيه

قائمة الحضر ماقد سمعت فيها..

بس شكراً انك قلت لي عنها.. بدولرها واسويها لا احتجتها..

وتسلم..

[Angel]

هلا غريب الدار.. مره ثانيه..

تسلم والله على كلامك..

وزي كاقلت.. فيه ناس كثييييير ماعليهم بطح.. والله يحفظهم ويكثر من أمثالهم..

يعطيك ألف عافيه..

وتسلم..

[Angel]

هااالا المنتظر

أهوّا ده اللي انا عاوزه أوصله..

ماااااأروع الثقه بالنفس...

تسلم وتسلم مره ثانيه..

ويعطيك ألف عافيه..

[إسراء]

مساء الأنوار

اهلين اينجل كيفك يا بت ؟؟؟

و الله يا ستي انا من رأي ابيه عبد الرحمن^-^ أبو رهف يعني ..

قفلي خاصية كده تنكتب الله يفشلك مو (جاصية )

المهم قفليها و انتهى الموضوع .. و بعدين الا و الله ميت عشان يقلك

شيء يرد اي رد على موضوعك .. مو ديك الاسرار يعني او الشيء

المهم ..

بيني و بينك ..

انا قفلت هدي الخاصية من فترة بسيطة .. صدقيني مرة اريح .. :)

يعني يمكن أرجعو بعدين بس دحين أبدا ..

و بعدين انتي يا مشاعل لا تردي على اي احد ما تعرفيه ..

خليه يتفلق .. مو لازم تردي ..

و بس :)




تحياتي ..

[Angel]

أسسو

ايييه.. هذا اللي انتي شاطره فيه

مارديتي اللا وانتي شمتانه

طيييب.. أشوف فيك يوم

يا ستي.. انتي عارفه قد ايش أنا زفت في الكتابه بالعربي.. أقعد ساعتين عشان ألقى حرف.. فلو سمحتي.. لا تعليق..

ااااالمهم..

انتي أعرف وحده فيني.. ولا؟؟ وتعرفين قد اييييش اللقافه تاكلني.. ولاااازم أعرف الموضوع المهم هذا.. بس مو بالطريقه ذيك..

بعديييين يا عسل.. أنا قلت اني ماأقصد أحد في الموضوع فلا أحد يحسس على بطيحته.. يعني.. يمكن اللي كتبته (الحوار) كله تأليف من راسي بش عشان أوصّل الفكره..

وزي ماقال أبوفهد:
اما على قولة ابورهف

قفلى خاصية الرسائل وارتاحى !!!!!

طيب ليه ؟

واش ذنبها هى وصديقاتها ممن تراسلهن عبر الرسائل الخاصة ؟

لكن ممكن انها تسوي حضر عليه هو شخصيا فقط

من قائمة الحضر في الرسائل الخاصة
______________________

وثاني مره يا عسل.. يا قمر.. يا شحط.. :D

بلا شماته...!!!!:D

[عــــزيــــز]

اهلين انجل..
انا البطحا تبعي .. ارسلتها ولسا ما جت..

شوفي ياستي لكل شي النت لهو سلبيات وايجابيات .. مثل الوعاء ممكن ان تسكب فيه الشي الطيب.. وممكن ان تسكب الشي الرديء .. والبعض منا دخل عالم النت لهدف واحد فقط .. للاسف
اعتقد اننا نعرفه جيدا ..

وكلام ابورهف .. والغالي ابوفهد
هو عين العقل ..

تقبل تحياتي.. اختي..

[Angel]

هلا عزيز

مو هذا القهر

ان كثير مايدرون ان النت هنا لغايه نبيله جداً..

كان ودي أطيل.. بس لازم أروح الأحين..

تسلم والله..

[aljenny]

أهلين إنجل ..

أنا غايتي في النت نبيله السيد .. ممكن أرد ؟

أنا رأيي من رأي أبو أحمد .. نعطيه رقمي وأنا أتفاهم معه

سمعت يا أخ ياللي ماتحممت لك شهر وماتعرف شي إسمه شامبو !

وبعدين ليش أنت تسوي كذا هاااه ؟

أنت مالك خوات ياللي ماتستحي ؟

تبيني أعلم أبوك الحين ؟

ترى عندنا ذاك إللي يطلع الرقم نطلع رقمك ونعلم عليك الشرطه ونخليهم يسجنونك ويعلقونك مع رجليك عشان تتوب

خاف الله في نفسك .. تلقى أميمتك الحين تدور عليك تبي مقاضي وماتلقاك .. ونت متوزي تحارش بنات خلق الله

تدري وش عقاب الموذي ؟

هاااه تبيني أعلمك وإلا أسكت ؟

هها بس قم تروش وتعال إمسك سرى معنا يعننك ماسويت شي


نعيماً شباب

[إبتسامه]

يسعد مساك AnGeL




هههههههههههههههههههههههههههههه

يازينك ويازيت سوالفك :D

تصدقين صارة لي لكن بمنتدى اخر

اول مااشتركت بالمنتدى كنت مرة مرة مشتطه وابي اثبت نفسي

قدرت وانهالت علي رسائل خاصه :eek:

للأسف كانوا كلهم أعضاء كبار بالمنتدى ومعروفين حيل حيل :confused: كانوا يردون على جميع مواضيعي او ردودي عليهم

كانوا يرسلون لي تعليقات عن ردودي او ترحيب بي كعضو جديد مرة متحمس :p زمن ضمن كلامهم ايميلاتهم او تلميح عن اضافتي لهم عندي بالماسنجر

انا كنت على نياتي ^-^ مكانت اقول لهم لأ ماابي اولاد بماسنجري
كنت ارد عليهم رد على رسائلهم

فجاه دير اكتشف انهم بطلوا يردون علي بمواضيع وحتى لو عقبوا على دودي بالمختصر جداً جداً

انا انتبهت لحركتهم :mad:


بس والله ب ا ل ط ق ا ق :rolleyes:
اي دونت كير
ماهموني
^-^ :hap:


خليك كذا قوية وشديدة :)





تحياتي لك

[المقاطعه]

الحمد الله راسي ماعليها بطحى لكن .....






























مو يمكن فهمتو الرجال غلط ;)

[عنـــــاد]

شوفي يا آنسة .. الحكاية ماتستاهل كل هالضجة .. الا اذا كنتي تبغي تقوللي للناس اللي هنا ان فيه شباب يجرون وراك من زود الحلا .. ترى وانا اخوك فيه شباب لو يشوفون معزة مبرقعة راح يجرون وراها .. ومو قصدي اقلل من جمالك لأني بصراحة لا شفتك ولا ابي اشوفك .. انا قصدي اثبت لك ان فيه ناس قذرين الى درجة ماتتصوريها .. وماعندهم اي شعور بالعزة والكبرياء لأنفسهم .. الرجل الأصيل مستحيل تهزه اي بنت . والانسان اللي واثق من نفسه راح يجبر البنات يدورون عليه .. مو بهو اللي اللي يطارد وراهم زي الثور ..

اذا كنتي فعلاً واجهتي مضايقة من الناس هذي .. تقدري توجهي شكوى عاجلة للإدارة .. وانا متأكد ان الإدارة حازمة من الناحية هذي وراح يشطبون المعرف من غير ما يتأكدون من الشكوى ..

ولو اني اشور عليك برأي ثاني ماذكره ولا واحد من اللي ردوا عليك ..

اش رايك تنزلي اسمه هنا وتفضحيه قدام الله وخلقه .. عشان الناس اللي زيه تعتبر وتبطل أذية .. لو صادقة صحيح نزلي اسمه وخليه ينفضح .. انسان زي كذا مايستاهل احد يستر عليه ..

والمعذره ياملاك اذا ماراقت لك بعض كلماتي ..

تحياتي

[المستشار]

مرحبا انجل ..

رأيي انو اللي يسوي مثل كذا .. يستاهل وبكل بساطة ..

ينزل موضوع مرفق به اقتباس من الرسالة نفسها ..

وامام الملأ .. عشان يكون عبرة لغيره ..

ولأنه بإختصار ما يستحق يكون بينا هنا ..

تحياتي ..

[Angel]

قبل ما أرد على أي أحد..

يا عاااالم..

يا هوووووه...

القصه اخترعتها من مخي..

زين كذا؟؟

ماحصلت.. وانا ماأقصد أحد..

بس كنت أبي أوصل رساله للجمييييييع بدون استثناااااء...

ولاتزعلون مني وتعصبون..

أووووتي؟؟؟

[Angel]

الجني...

يعطيك ألف ألفين عافيه..

ليت أخواني زيك..

مار مره جاني ازعاج على تلفوني.. ووش سوى أخوي الفاضل؟؟؟

كلم الرجال وطلب يقابله..

الرجال عيا..

راح يطامر في الاتصالات ليييين لقى اسمه وعرف وينه ووراه شغله..

اذا الرجال لسا عايش.. أكيييييد بطل ازعااااج..

بس طريقتك أحلى.. يحترم نفسه من غيييير مايتعرض للموت.. وانت للسجن..

مشكوووور

[Angel]

هلاااا بسومه...

يسعد صباحك..

بس من جد.. حلوه بالطقااااق...

ويسوون اللي يسوونه.. انتي وش همك اذا ردوا ولا لا؟؟ بسلامتهم.. خليهم يمووووتوا في غيظهم..

تسلمين يا عسل.. نورتي..

[Angel]

هلا بالمقاطعه..

والله مافهمت اذا انت ولد ولا انتي بنت.. بس ماعلينا..

أي رجال؟؟

أنا قااايله ان مافيه رجال.. قصه من الخيال (صارت شعر.. اكشخ)

بس تسلم\تسلمين على الرد..

[Angel]

هلا عناد...

والله شكلك من جد عناد..

ياشيخ أنا ماقصدت أحد.. بس ماعلينا..

أحسن.. خلك رجال.. والله الثيران مي حلوه..!!!

بس حلو (راح يجبر البنات يدورون عليه)

خييييييييييييييير؟؟؟

زي ما الرجال الواثقين مو ثيرااان.. البنات الشطوووورااات مووو بقر بعد...!!! لا بنت تلاحق ولا ولد يلاحق.. خلونا شطورين أحسن..

بس عندي سؤاااال..

متى قلت اني أنا حلوه؟؟؟

ياشييييخ.. اذا أنا حلوه في المنتدى.. فأنا حلوه بكتاباتي وردودي.. وكذلك انت وغيرك وغيري من اللي يكتبون...

ولاتخاف.. الحمدالله كل الرسايل الخاصه اللي تجيني من ناس ماعليهم بطح.. سواء شباب ولا بنات.. والله كلهم عاقليييين مررره.. والله يحفظهم ويكثر من أمثالهم.. قل آمين..

وتسلم...

[Angel]

هلا المستشار

مالها داعي الفضايح..

هي فكره مش بطاله لردع أمثال اللي يسوي كذا..

بس حرام.. يمكن كلمتين في الصميم تكون أقوى من فضيحه قدام خلق الله..

وتسلم..

[هنو]

مسااااء الورد ===== :)

مشمش وأنا وش فوق راسي ؟ ^-^

بلله عليك اذا أزعجك مرة ثانية حوليه علي :D

ماعندنا وراعين يلاحقون بناتنا :mad:

[Angel]

أييييوه...

جت الفزعه.. تسلميييينلييي يا أم العسل كله..

وش على راسك؟؟ منتي شايفه يعني؟؟ هم كلهم شعرتين..

ياااا حبيلس.. مو زي بعض النااااااس.. شمتانييين..::]

افزعيلي فيهم.. ::]

أنا ماقلت شي...^-^

تسلمييييين يا قمر (لاتاخذين وجه عااد.. مو 14.. نخليها 10.. زين.. بس عشان ماتشوفين حالس علينا..)

[hardboy]

سلااااام

كيفك يا انجججييل ؟؟؟


يااااا حظك:D :D

الا مافى احد يرسلى اى رساله خاصه:mad:

بس والله عادى

لو اى احد يبغانى فى موضوع خاص الله يحيه فى ينبع:cool:



انا فى رايى التجميد احسن حاجه فى هذه الحالات

خاصه لو كان فى الفريزر;)



يعطيكى العافيه

[Angel]

ياهلا بالواد الأوي..

أنا تمامن.. أنت كيفك؟؟

زمان عنك..

الله يهداك بس.. وش تجميد وفريزر؟؟

تبيني أفهم؟ لأني والله مافهمت.. بس ماعلينا..

أجل ينبع ها؟؟؟ وشلون البحر؟؟؟

يعني اذا أبيك في كوضوع خاص لازم أطير لينبع؟؟؟

خل الموضوع عندي وانثبر هنا أزين..:D

تسلم..

[Angel]

هالحيييين
بالله...
بالله...
بالله...
بالله...
بالله...

متى أنا قلت اني بحذف خاصية الرسايل الخاصه؟؟؟

أنا ماقلت اني بحذفها..

بلا هباله..

وهالمره.. من جدددد.. اللي على راسه بطايه.. يحسس عليها..

ماعلينا.. بس شكراً على الرساله.. والله ضحكت لين قلت بس..

أم الهباله..

بس بلا ازعاج...!!!

[*نجـ سهيل ـم*]

مساء الخير ملاك .

ياستي بطحة مين .. هو خلا فيا بطحا ..

أما هذا عينه قويه .. من جد قويه ..

يبيلها أبره تنقز عيونه ...

طيب أسمعي أنا بصراحة ودي أكلمك في موضوع .. وضروري جداً جداً .

ما راح أقول لا رسائل خاصه .. ولا ماسنجر .. ولا جوال .. زي الشباب .

هذي أصلاً دقه قديييييييييمه ..

الموضوع هذا لازم أكلمك فيه ..

ولازم تقولي لي عنوان البيت حقكم عشان أجي ونتفاهم في الموضوع ..

ولا تتعذرين .. بطلع السوق .. ولا بتجيني صحباتي .. ولا عندي مشوار ..

هذا كله مو مقبول ..

( أقول كيف أنا معاك .. عيني مو أقوى عين .. وراسي عليها مو بطحى صحرا )

تحياتي ،،

[Angel]

مييين؟؟؟

نجم سهيل؟؟

يالله حيّه..

بس قلي متى بتجي عشان أذبح لك عشر ذبايح..

وانت أولهم..:mad:

قال البيت قال..!!

هيّن..

تسلم..