المساعد الشخصي الرقمي

مشاهدة النسخة كاملة : لعبة الخيال ...


منوووني
06-08-2002, 01:07 PM
أعزائي الأعضاء ...

السلام عليكم ورحمة الله وبركاته ...

تحية لقاءٍ طيبه ...

أبعثها لكم من خلال عدة أسطر أخطها لكم ...


في البداية أحب أقولكم ...

طبعا" بعد أذن الأخ العزيز ("عزيز ") ...

والأخت العزيزه ... عزيزه عفوا" (" ملكة البحار ") ...

أن هذي اللعبه كنا نلعبها أيام الثانويه ...

الله يذكر أيامها بالخير ... كانت بالفعل أجمل أيام حياتي ...

يالله حسن الخاتمه ...

( يعني مو من الجيران )

طبعا" اللعبه تعتمد على مدى خيال كل واحد فينا وشجاعته ...

قلت شجاعته يعني وروني شجاعتكم ...

أقصد شجاعتكم الأدبية ... لا يروح خيالكم بعيد ... تونا مابدينا اللعبه ...

ومن ثم تجاوبون على الأسئلة أللي اسألكم أيها ...

زييييييييييييييين ...

جاهــــــــــــزين ...

أييييييييييييييييه في شرط مهم نسيت أقولكم إياه ...

أن مافي أحد يكتب زي الثاني ...

(( يعني لا أحد يغش من الثاني )) ترى كذا تخرب اللعبة ...

أوكي ...



@@@ @@@ @@@


يالله نبدأ اللعبة ...

أول شئ لازم كل واحد يغمض عيونه ...

بس قبل تغمضون بعلمكم وش الأشياء أللي ضروري تتخيلونها معاي ...

صدقوني تراهي لعبة ممتعة بشكل ماتتصورون ولها نتائج في النهاية ...

1) بعد ماتغمضون عيونكم تخيلوا معي أنكم تمشون في غابة ...

( تخيلتوا الغابة ) ...

2) وتخيلوا بعد أنكم وأنتوا تمشون في الغابه تصادفكم أشياء معينه ...

* أول شئ يقابلكم هو (( الدب )) ... (تخيلتوا شكله) ...

* ثاني شئ يقابلكم هو (( الجره )) ...

تعرفون معني جره ولآ أقولكم ...

هي أللي يصنعونها من الفخار

و يحطون فيها المويه تستعمل قديما" ...

المهم ( تخيلتوها )...

* ثالث شئ يقابلكم هو (( الصندوق )) ...

طبعا" عارفين وش هو مصنوع من الخشب ... ( تخيلتوه ) ...

* رابع شئ يقابلكم هو (( النهر )) ... ( معاي ولا نمتوا ) ...

* خامس شئ يقابلكم بعد ماتعبرون النهر

هو (( أي شخص غالي على قلوبكم )) ...



خلاااااااااااااااااااااااااااا اااص أفتحوا عيونكم ...


@@@ @@@ @@@


نجي ألحين للأسئلة ...



السؤال الأول ؟؟؟

* كيف تخيلت شكل الغابة أللي كنت تمشي فيها ؟

السؤال الثاني ؟؟؟

* كيف كان شكل الجره , فاضيه ولا مليانه ؟

السؤال الثالث ؟؟؟

* كيف تخيلت شكل الدب أللي صادفك ؟

السؤال الرابع ؟؟؟

* كيف تخيلت شكل الصندوق , وهل كان مفتوح ولا مغلق ؟

السؤال الخامس ؟؟؟

* كيف كان شكل النهر , وكيف عبرته ؟

السؤال السادس ؟؟؟

* كيف كان شعور ذلك الشخص لما شافك ؟




@@@ @@@ @@@


أتمنى من الجميع المشاركة ...
تحياتي لكم جميعا" ...





منوووني
:rolleyes:
ملكة البحار
06-08-2002, 08:01 PM
السلام عليكم منوووني..

بحل الاسئله :)

* كيف تخيلت شكل الغابة أللي كنت تمشي فيها ؟

غابه خضراء تشبه غابة ماوكلي:)

* كيف كان شكل الجره , فاضيه ولا مليانه ؟

مليااانه وطافحه المويه فيها وتصب ...

* كيف تخيلت شكل الدب أللي صادفك ؟

دب بني زي حق ماوكلي :)

* كيف تخيلت شكل الصندوق , وهل كان مفتوح ولا مغلق ؟

الصندوق مغلق وبداخله دهب كثثير زي سندباد .. :D

* كيف كان شكل النهر , وكيف عبرته ؟

النهر صافي ومويته حلوه وفيه سمك...عريض شويه
وما له بدايه ولانهايه ...

* كيف كان شعور ذلك الشخص لما شافك ؟

فررررررررررح مررررررره كثير ... وسعاده لاتوصف ...



شكلي طرت بخيالي بعيد ..
يعطيكي العافيه ...

وبنتظر النتيجه:)..
عــــزيــــز
06-08-2002, 08:30 PM
اهلين منوني..

طيب نحل الاسئله على طول..

_____________________________

* كيف تخيلت شكل الغابة أللي كنت تمشي فيها ؟

-غابة كثيفة الاشجار (اشجار الصنوبر ) وفي ثلوج طبعا..

* كيف كان شكل الجره , فاضيه ولا مليانه ؟

- كان فيها مويه مثلجه..

* كيف تخيلت شكل الدب أللي صادفك ؟
دب اسوب..او بني غامق


* كيف تخيلت شكل الصندوق , وهل كان مفتوح ولا مغلق ؟

مفتوح..

* كيف كان شكل النهر , وكيف عبرته ؟
كان ثلج .. وشوي شوي .. عبرته..

* كيف كان شعور ذلك الشخص لما شافك ؟
الشخص هذا لي فترة ودي اقابله.. لكن لظروف خاصه فيه صعبه اني اقابله..
المهم يوم شفته كان مضطرب..

____________________
هاه كيفني معك..

يله جا دورك التحليل الله لايهينك..
امممممممم---------->عزيز ينتظر
الوجه الآخر
06-08-2002, 08:59 PM
سلااااام منوني

ان شالله طيبه..

- الغابه مليااانه شجر ويدخل النور ما بين الأغصان
-الدب بني وضخم وكبير
- الجره والله ماجات في بالي الا فاضيه بس فيها ريحة الجره لمن تتبلل بالمويه...
-النهر.. صافي يبان ايش جوته من اسماك وحجار وزرع... ويجري بهدوء...ولمن عبرته عبرته مشي على رجولي وكنت حافيه...
-الي قابلته مبتسم ومشتااااق ومبسوط انه شافني وجايه عنده...


في انتظار التحليل منوني..

مع تقديري واحترامي:)
عنـــــاد
06-08-2002, 09:12 PM
منووووني .. ممكن سؤال يا ابله ..

انا قريت موضوعك على السريع .. يعني ماتخيلت ولا شيء .. المهم اني بعد ما قريت الأسئلة قلت ياربي وش اجاوب .. ينفع افكر واتخيل واجاوب بعد ماعرفت الأسئلة ..والا اللعبة تتلخبط كذا .. والله اني مقهور :(

المفروض تكتبي بالخط العريض الواحد لازم يتخيل قبل يقرأ الأسئلة .. يعني غلطتك هذي مو غلطتي .. :D الحين قوليلي وش اسوي .. أوام أوام بليز .. ما ابغى اطلع من اللعبة ..:mad:
منوووني
06-08-2002, 09:50 PM
* ملكة البحار ...

* عزيز ...

شاكرة لكم تفاعلكم ومشاركتكم لي في اللعبة ...

وبصراحة خيالكم واسع ...

بس أتمنى توضحون لي بعض النقاط ...

* وهي كيف تخيلتوا الدب معاكم شرس ولا هادي , زيادة على

أنه كبير ولا صغير ... ؟؟؟

* وكيف تخيلتوا شكل النهر يعني عميق ولا صغير , وكيف عبرتوه ... ؟؟؟

وأتمنى أشوف باقي الأعضاء في اللعبة ...



عزيز التحليل يكون في النهاية ...

طول بالك خل يجون الباقين ... ;)



منوووني
:rolleyes:
منوووني
06-08-2002, 10:47 PM
" الوجه الآخر "



أهلين عزيزتي ...

سعيدة بتواجدك معانا ...

ويعجبني خيالك الدقيق الوصف ...



@@@ @@@ @@@

" عناد "


عزيزي ... أعتقد أنك متوتر شوي ...

وأفكارك مشتته ... بكره بعد ماتصحا حاول تركز باللعبة ...

وتخيل معنا ...وراح تستمتع باللعبة ...

لأني ماأعتقد أن ماعندك خيال ...

أوكي ...




تمنياتي لكم بأحلى الخيالات ... ;)




منوووني
:rolleyes:
أحبه حيل
06-08-2002, 11:43 PM
السلام عليكم

أهلين منوووني .. يسعد مساك ..

هذا خيالي ..

* كيف تخيلت شكل الغابة اللي كنت تمشي فيها ؟
الغابه خضرااااااااء وأشجارها متشابكه وعاليه .. وأرضها سجادة من العشب والأزهار الصغيره البيضاء والموف وأشعة الشمس تسرق المسافات ما بين الأشجار وترسل خيوطها للغابه .. وعلى الأشجار سناجب صغييره وفيها أرانب بيضاء ناعمه وتيمون وبومبا .. وسيمبا وبنته كيارا .. وعصافير وبس

* كيف كان شكل الجره , فاضيه ولا مليانه ؟
الجره كان لونها طيني وفيها لمعة .. مدهونه بورنيش أكيد :) ولها مسكات وفيها شوي زخارف .. وكانت مليانه .. لا تسأليني وش كان فيها .. ما اهتميت :o

* كيف تخيلت شكل الدب اللي صادفك ؟
الدب .. بالضبط مثل " بالو " دب ماوكلي .. حبووووب وأكووول حجمه كبير وما يخوّف :D

* كيف تخيلت شكل الصندوق , وهل كان مفتوح ولا مغلق ؟
الصندوق كان مصنوع من الخشب السميك ولونه خشبي وزواياه مصنوعه من الحديد وحجمه كبير جداً وكان مفتوح .. وكأنه مصيده .. :( ممكن للدب !!

* كيف كان شكل النهر , وكيف عبرته ؟
أما النهر .. كان شكله روووعه مويته صافيه وحوله خضره خياليه وفيه أسماك .. وحصلت بالو ( الدب ) يصيد فيه .. والدب صار صديقي واصطدنا أسماك سوا .. هو أكل السمك وأنا أخذته في سله معاي ( الله من الزفره ) وهو اللي وصلني للضفه الثانيه من النهر

* كيف كان شعور ذلك الشخص لما شافك ؟
::[<-- هذا هو شكل الشخص اللي قابلني .. وكان شعوره غريب ويتسائل .. كيف قدرت أوصل لهنا ؟!:cool:

تحياتي لك منوووني
الشيهانة
07-08-2002, 12:41 AM
سلام.

أنا ماتخيلت .بس غمضت عيوني ..جت أختي اكفختني وطيرت تخيلاتي

تقولي فاتحة الجهاز ونايمة:( :( :D
إبتسامه
07-08-2002, 02:00 AM
يسعد صباحك منووووووني :)..



السؤال الأول ؟؟؟

* كيف تخيلت شكل الغابة أللي كنت تمشي فيها ؟
غابة هادئة ... فيها الطبيعه والحيوانات الأليفة تتحرك بكل راحة وطلاقة بدون اي خوف


السؤال الثاني ؟؟؟

* كيف كان شكل الجره , فاضيه ولا مليانه ؟
كانت فاضية


السؤال الثالث ؟؟؟

* كيف تخيلت شكل الدب أللي صادفك ؟
الدب كان ودييييع ولطييييييييييف


السؤال الرابع ؟؟؟

* كيف تخيلت شكل الصندوق , وهل كان مفتوح ولا مغلق ؟
لا كان مغلق


السؤال الخامس ؟؟؟

* كيف كان شكل النهر , وكيف عبرته ؟
النهر كان هادئك ... صافي واضح زراق النهر
عبرته عن طريق جسر من الحجر طبيعي موجود



السؤال السادس ؟؟؟

* كيف كان شعور ذلك الشخص لما شافك ؟
الأرتيااااااااااااح .. الطمانينه لرؤيتي ساالمه .. الفرح والسعاده




تشاااو
* الـمـنـتـظـر *
07-08-2002, 07:12 AM
هلا منوني :)

انا أقول لك وش اللي صار معي OK !!

أنا تخيلت نفسي داخل هذيك الغابة .. تو واصل من على هذاك اليخت

الجديد كاتب عليه بالأنقليزي ببخاخ أزرق عــالــم صــمــدو :p

وأجنب وأخلى واجهته للبحر :D <----- على باله يستعرض قدام السمك

المهم جنّبت .. ونزلت ..

وألقى هذيك العجوز حاطّه اللّاب توب على سلقه وخاشّه شات الياهو

وأحصلها خاشّه الشات بأسم old woman :p <---- تغري الشيبان

سألتها على طول .. وين أقرب طريق للنهر .

قالت لي ضروري تدخل من هنا مع الغابة ..

تكفين ما في طريق قريبه ..

ردّت براس خشمها .. لا :mad:

قلت لها : طيب ما فيه ليموزينات ^-^

ردّت : أقول أنقلع :mad:


ضفيت وجهي ..

وادخل هذيك الغابة اللي سبحان الله العظيم ..

العنب والتفاح والموز " ابسط يا قرد :p " وحاجات كثيرة ..

قعدت اناظر وأتفرج على كل شئ .. بصراحه شئ يجنن

شوي إلا وأنا قدام محل " بودي شوب " ماسكته زرافه .

أدخل عليها وأسلم .. طريق النهر الله لا يهينتس :cool:

ردّت بسرعه .. ثاني تقاطع ورا بيتزا هت لفّ يمين :D

رحت على طول والفيل والذيب وثعلوووب موجودين في قهوة فاتحها القرد :p

سلمت عليهم بسرعه ..

القرد لاصق فيني إلا يسلم علي شرقي :o

وبعدها على وصف الزرافه لين جيت المكان والاقي هذيك الجرّه مليانه

بيبسي :079: بس كان الثلج أكثر من البيبسي وما شربت شئ

^-^ <--- خايف أحد يشوفه

وطلعت ولقيت دبّ ابيض .. كبيييييييير :133:

أول ما شفته وأنا أفتكرت الدبّ اللي باكشدو حاطّه في غرفة نووومه

" باكشدو حاط دبّ في غرفة نومه أكبر منه .. والمشكلة أنه ما ينام إلا

وهو في حضنه .. أحيانا أجي اصحيه الصباح وما مبين من الظل إلا رجوله

والباقي الدبّ مغطي عليه .. خخخخخخخخ :D <--- بايخه


وبعدين أستأذنت ورحت وحصلت الصندوق . ما كان فيه شئ غير سبحه

وورقه معدومه مكتوب فيها " فمان الجرح يا ذيك السوالف "

:rolleyes: <---- أفكار مشتته لي ولك :cool:

وبعدين في الأخيــــر وصلت إلى النهر ..

وتخيلو مين شفت على الطرف الثاني





برستيج









بس كان لابس شورت :p

آخر شئ ممكن أتخيله .. برستيج وشورت

وينك يا زاااااااااادي وينك .. تعال شوف انا وش أشوف :D




وبس خلاص خلصت .. رجعت لليخت ومريت على العجوز وهي معصببه

مررره .. تقول أنهم طردوها من الشات :D

سألتها ليه ..؟؟؟

قالت قلت لواحد أن دمّه عسسسل .. وطردوني قالوا عيب :p

وقلت لها ما عليه أقعدي شوي وأدخلي من جديد .

وأستأذنت وركبت اليخت وجيت

وتوته توته .. خلصت الحدوته :)


^-^ <----- يا كثرك كثراااااااااااااااااه
ملكة البحار
07-08-2002, 02:56 PM
هلا منوني ...

طيب اوضح الاشياء ...انت تأمري عزيزي ..


الدب كبير وهاادي وطييييب ..:)



النهر مو عميق قريب شويه يعني اقدر اوقف فيه من غير ابتل ..
وعبرته برجولي .... يعني مشيت فيه ...:)لانو قريب ...


اتمنى اكون وضحت تمام..

بانتظار نتيجتك ..
الوجه الآخر
07-08-2002, 03:31 PM
هلا منوني...

نسيت اقلك على الصندوق...

والله يا ستي الصندوق اتخيلته مربع خشبي..مربوط بأحزمه من الجلد..مقفول

تحيااااتي....
منوووني
12-08-2002, 11:45 PM
يسعد لي مساء خيالاتكم ...



آسفة جدا" جدا" على تأخري بالرد ...

لأني كنت بزي شوي ... أكرر أسفي ...


@@@ @@@ @@@



" أحبه حيل "

يسلم لي هالخيال يااااااااارب ...

خيالك رقيق وطفولي ...

بس مش بطاااااااااااال ... ;)


@@@ @@@ @@@


" الشيهانه "

أنا زعلانه منك مرررررررررررررررره مررررررررررررررررره ...

ليش ماتخيلتي معنا ... :(

عزيزتي لا تحرمينا خيالاتك ...

حتى أختك خليها تشاركنا اللعبه ...

وراح تكون اللعبه أحلى مع شيهونه وأختها ... ;)



@@@ @@@ @@@


" أبتسامة "

الله يسعد لي هالأبتسامه الحلوه ... :D

خيالك عذب كبتسامتك ... :)


@@@ @@@ @@@


" المنتظر "

ياحبك (( للفديو كلب )) مو كلب :dog: ... لآلآ

(( كلـــ p )) بالـــ p ...

مسوي لي فيها مصطفى أمــــ :sleep: ــــر ...على غفله ...

أيو أيو ... أييييييييييو أييييييييييييو أوه أوه ... :D

أدري بتقولي أنك أحلى منه ... أدري ...

وأن شعرك أنعم من شعره ... أدري ...

وأنهم كانوا بيحطونك بدعاية صانسيلك ...

بس أنت عيت خفت ينضلون شعرك ... أدري ...

عن أذنكم قلبنا الأستراحة صرقعه معليش ...

بس بصراحه بصراحه ... خيالك شئ ...

(( بودي شوب ))<=== قايلتلك خيالك دعايه وأعلان ...(~)

المنتـــ ^-^ ــــظر <=== يازينك زيناه ... ;)


‌‌‌
تحياتي لكم جميعا" ...:)






منوووني
:rolleyes:
]v[سوسة لزوزة]v[
13-08-2002, 03:48 AM
اهلين منوني ..
شوفي ياستي ..
* أتخيلت ان الغابة اشجارها كثييييفة مرة لدرجة انك ماتشوفي الا ضوء بسيط .
*والجرة كانت فاضية .
* والدب كان ضخم وشرس ولونه بني غامق .
*واتخيلت الصندوق زي ايام زمان ايام العصر العثماني خخخخ
<==== أحلى ياتاريخ ;) :p وكان مقفل .
*والنهر كان هادئ وصافي عبرته برجولي عن طريق الاحجار اللي كانت عاملة زي الجسر .
*كان منكشح مرة ومبسوط انه شافني زي كدا :hap:
ويلا ياستي نستنا ردك :)
تحياتي ..
منوووني
13-08-2002, 10:13 AM
" سوسه لزوزه "

ياحليلك أحسك صغنطوطه ...

مللللللللللله ملللللللللللله ...

خيالك ... ؟؟؟ :confused: ؟؟؟ مدري ...

بس وش معنى (( منشكح )) ؟؟؟



تحياتي توته لدوده ...;)



@@@ @@@ @@@





* ( أحبائي دائما" ماتجعلون من مشاركاتم واحةٍ ...

تتدلى بها ثمار الأشجار اليانعة ) ...






منوووني
:rolleyes:
]v[سوسة لزوزة]v[
14-08-2002, 03:20 AM
أهلين منوني ..
هوا فعلا انا صغنطوطة :o بس مشي حالك ..
شوفي ياستي منكشح يعني مررررة مبسوط .. يعني بان ضرس العقل من كتر ماهو فاتح فمو ومبسوط هههههههه
اتمنى اكون وصلتها لك ;)
تحياتي ..
منوووني
20-08-2002, 02:47 PM
صباح الظهر ...


معليش توني صاحية ...^-^

وش قلتوا تبون النتايج ولا ماتبونها ...;)

شكلكم نسيتوا اللعبة أصلا" ...

بس ماعليه ...

نصبر لحد مايشارك باقي الأعضاء ... وش رايكم ... ؟؟؟ :rolleyes:

يالله ياعزيز أنت والملكة ... صلحوا دعوات للعبة ...

علشان يكتملون الأعضاء و نطلع النتايج ...







منوووني :rolleyes:
ملكة البحار
20-08-2002, 11:48 PM
السلام عليكم ..

منوني


:(