صديقي بورطة ... أبي من يساعدة ..!!

[بلوتوث]

مساء الرقة والإحساس ....
.
.
أحلى مساء لأحلى شباب ... وأحلى بناااااااات ...
.
.
اليوم عندي لكم قصة واقعية صايرة لواحد من أصدقائي .. ووقع في مشكلة
.
.
محتار وش يسوي .. وقلت أطرحها عليكم وتعطونا ..
.
.
آرائكم واقتراحاتكم والحل الأفضل وأتمنى منكم .. قراءة القصة بهدوء وتفكر
.
.
وأبي الرد منكم بعد تفكير عميق ...بس ينتبه الواحد يغرق
.
.
مو ناقص ضحايا ..
.
.
والحين أبدأ أسرد لكم قصة أخونا ..
.
.
.
.
الموضوع باختصار ...
.
.
صاحبنا له صديق مقرب جداً .. ودائماً مع بعض ... أكثر من أخوان
.
.
راحتهم .. وجيتهم .. مع بعض .. .مسوين دويتّو في كل شيء ...
.
.
وأسرارهم وحدة ومعظم الوقت مع بعض ..
.
.
وعلاقتهم قوية لدرجة أنه فيه أوقات ... خوي صاحبنا ... عنده خوية
.
.
يعني Girlfriend ...
.
.

( وأنا حبيت أكون أكثر صراحة ... عشان يكون الحل أكثر ووضوح )
.
.
المهم نكمل قصتنا .. وكل ماطلع خوي صاحبنا خويته معه في السيارة ..
.
.
وراحوا يتمشوا .. أو يتعشوا ... أخذ صاحبنا معاه
.
.
ويكون عدد الحلوين 3 صاحبنا .. وخوي صاحبنا وخويته
.
.
وعلى هالموال فترة ...
.
.
مع الأيام .. ومن غير سابق إنذار ... كشفت صاحبة خوينا عن مفاجأة
.
.
لصاحبنا ... وقالت له أنا بصراحة ودي أصارحك بشي
.
.
( أكيد .. ألحين يدور في بالكم شي .... تصدقون إلي في بالكم صح .. )
.
.
صارحته وقالت .. أنا معجبة فيك ... ومو كذا وبس ... إلا .. وأحبك
.
.
(يقطع الحب شو بيذل ... يقطع الحب ) ... :230:
.
.
المهم صاحبنا تفاجأ .. من البنية ... وأرتعش ... وبدأ يتصبب عرق :165:
.
.
ماكان في بالة ... ولا في الحسبان ... إن يسمع هالكلام
.
.
ومن مين ..؟ .. من خوية .. اعز صديق له ... :206:
.
.
أخذ نفس عميق ... وجمع قوته ... وقال ... :333:
.
.
أنتي من جدك تتكلمي ... أنتي بكامل وعيك ...
.
.
وقالت أييييييييه .... ليه ... قال ...وخويك
.
.
قالت أنا بصراحة مافيه يوم صارحني وقال انه يحبني
.
.
وأنا إلى هاللحظة إلي صارحتك فيها .. ماادري انا وش بالنسبة له
.
.
قال لها ... طيب ... انا قبل مأعطيكي رأئي في الموضوع
.
.
حاولي تتصلي فيه وتكوني معه جرئية .. وتصارحيه ..
.
.
وتقولين له انا أيه بالنسبة لك ... ؟؟
.
.
وفعلاً ... راحت البنت ورفعة سماعة الهاتف
.
.


(( بس أعذروني ماادري هو ثابت ولا جوال )) ياسلام على الدقة في نقل القصة بسم الله عليه ... المهم . :drr05_56:
.
رد عليها خويها ... وقالت له يافلاااان ... الله يستر عليه ... يافلاااان
.
.
قالها نعم ... قالت له انا ايش بالنسبة لك ... ؟؟
.
.
ورد وبسرعة وكأنه مجهز الإجابة ...
.
.
أنتي كل شي في حياتي ... أنتي عمري .. أنتي ذاتي
.
.
بأختصار أنتي .... حبيبتي :231:
.
.
ويوم عرفت ان هذا رده ... تفاجأت :165:
.
.
وتسأل نفسها طيب ليه .. جات متأخرة |558|
.
.
ليه ماأفصحت عن الي داخلك من حب ومشاعر
.
.
المهم أختنا .. قفلت السماعة .. ورفعة السماعة على صاحبنا الي هو بطل القصة طبعا :drr05_98:
.
.
(( كثروا أصحابنا في القصة ... مشي حالك ..)) .
.
وقالت له اش صار بينها وبين الي يحبها .. والي تفاجأت انه يحبها
.
.
بعدها قال صاحبنا الأول .. مدام كذا خلااااص ... خليني صديق ...
.
.
وأخ ... وخوي هو الحبيب
.
.
ردت عليه وقالت ... أنا معجبة فيك .. وحبيتك
.
.
ومستحيل أستغني عنك بهالسهووولة
.
.
وخوي هذا ماله داخلي شي ... وهو الي يكون صديق
.
.
وأنت الحبيب
.
.
والي ماعرفتووه الى الآن .. ان صاحبنا هو برضه معجب في البنت ...
.
.
وكان يتمناها ... يقول (( طبعا هو يقول ,... وأنا بس انقل الي يقوله .. يمكن صح .. يمكن غلط ))
.
.
يقول انها خفيفة دم ... ومزيوووونة مرررررررة .... ياحظة ...
.
.
قصدي ... كيف الحال ... احم .. احم ...انا وش دخلني
.
.
وهو ماصدق انه البنت تصارحه بحبها ... بس محتار بين صديقة ...
.
.
وبين البنية ....
.
.
أنا لما صارحني في البداية ... كانت وجهة نظري .. انه يشتري الرجال
.
.
ولايخون صديقة ... ويحاول انه يقنع البنت انه تكون أخت أو صديقة
.
.
وحاول يسوي الي قلته ... بس البنت مو مخليته لحاله
.
.
وهو بدأ يحبها ... ويرتاح لها ... ويشتاق لسماع صوتها
.
.
والحين يكلمون بعض ... من غير ماصديقهم يعرف ...
.
.
وأوقات يخرجون الثلاثة .. لكن من غير مايعرف صديقهم أن الوضع تغير
.
.
وصار فيه حب وغرام ...وصاحبنا الحين محتااار
.
.
بين خوية والبنية ... وبين الجمال ... والقلب الي حب من غير أستاذان
.
.
وطلب مني ان أسدح :drr05_19: ... قصدي ...

أطرح هالموضوع ... عليكم
.
.
ووعدني بأنه سوف يتقيد بالحل الأفضل والأمثل ..

حتى لو داس على قلبة .. أي .. :299:
.
.
والحين انا نقلت لكم الصورة والقصة ... وأتمنى تكون وصلت كاملة
.
.
ويمكن لنقلي للصورة فيه فكاهه وشوية مرح

بس هذا أسلوبي ومااقدر أغيره
.
.
المهم أن القصة واقعية ... وأنا جاد في كل حرف كتبته ... ومنتظركم .
.

[الطائر الخجول]

اخي العزيز بلوتوث

اسعد الله ايامك بكل خير

قصة جميلة وياكثر القصص الجميلة والمحزنه في نفس الوقت

سأعطيك الحل بداية ً من الاصدقاء الاثنين :

( أ )

اولاً :-

مااجمل الصداقة بين الاصدقاء اذا لم يكن بينهم خيانه

ثانياً :-

من القصة اتضح انهم لايفترقون عن بعضهم في حلهم وترحالهم

ثالثا :-

الصديق هو الصادق الصدوق وليس الصديق الكذوب 0

( ب )

اولاً :-

صداقة صاحب صاحبنا اليست حرام

ثانياً :-

فلنفترض ان صاحب صاحبنا تزوج من الفتاة

فكيف يكون شعور صاحبنا

ثالثاً :-

هل العلاقة بينهم اي بين صاحبنا والفتاة بريئة

( ارجوا أن تجيب عنها )

نصيحه اخي بلوتوث

يجب ان تنصح صديقك عن هذه العلاقة المشبوهة وينصح صاحبه ايضاً

عن هذه العلاقة المحرمة شرعاً وتؤدي الي عواقب لايحمد عقباها 0

ويستمر الاصاقاء في صداقتهم الجميلة وان يبتعدو عن المحرماااات

حفظنا الله من كل شر

-----

ارق التحايا للجميع



نسأل الله العلي القدير الهداية للجميع

انه سميع مجيب

[* الـمـنـتـظـر *]

مرحبا بلوتوث :)
كيـــفك يا برنس .!؟؟

أنا ودّي أقول لك شئ .. :288:
بس لا تزعل ولا يزعل خويّك .. ولا خوي خويّك :drr05_19: << مشروع عائله


بصراحة العلاقات الصادقة أرقى وأسمى من إنه يدخل فيها شخص ثالث .!!
يعني بإختصار لازم تغار على اللي تحب .. بس مو غيره من النوع أيــاه .!! :drr05_27:
اللي يخليك تكره الحب وأيـامه ..
لا طبعاً .. غيره على أصــول :231:
هذا بالنسبة للعلاقة بصفه عااامه ..

بالنسبة للبنت ..
قول لها : يقول لك صمدو .. إنتي لعااااابه :drr05_08: ( حياه أو موت :drr05_19: )
وأنا متأكد لو أستمرت علاقتها مع الخوي الجديد وجاهم واحد ثالث أسلوبه أحلى منهم وشكله أحلى رح تحبه هو بعد :237:

يعني لا تشيــل همّ يا شيخ ... :221:
وخلهم يضيفوا واحد جديد في الشلّه .. ويشوفوا وش بيصير .!!!

ترى القــادم مذهل :165:

تحيــاتي.!

[ابوفهد]

اخي الغالي بلوتوث
يسعد الله أيامكم بالخيرات

للأسف الشديد الثلاثة كلهم نصابين ولا يستحقون مسمى أصدقاء

الصديقان إذا لم يصدقان مع بعضهم البعض ويحب الخير كل واحد منهم للأخر فلا بارك الله بمثل هذه الصداقة .

بالله عليك كيف يكون هذا صديقي ويراني أفعل ما يغضب الله وساكت لم يقدم لي أي نصيحه ؟

لا بل أنه يحاول أن يشاركه بهذا الفعل المشين والعياذ بالله وينافسه بإغواء البنت الطائشه .

بعدين مثل ما تفضل صمدو بيك البنت لو قابلت صمدو معاهم كان حبيته وخلتهم :005:

من وجهة نظري أن الواجب على خويك هذا إما أن يكون ناصحاً مخلصاً لخويه ويحاول إبعاده عن البنت قدر ما يستطيع أو أن يبتعد هو عنهم إذا كان يخاف الله .

فلا بارك الله بمثل هذه الأخوة

دمتم بخير

[بلوتوث]

صباح الخير .. حبايبي
.
.
بصراحة أشكركم على ردودكم ومشاعركم الجميلة
.
.
وكانت ردود واقعية ... وتعتبر الحل الأمثل والأفضل ...
.
.
وانا معكم في الكلام الي قلتوووه
.
.
وتحية خاصة للأخوان

الطائر الخجول .
.
المنتظر .
.
أبو فهد .
.
وعلى فكرة أنا ماكتبت هالموضوع الا وكان القصد أني ابي بطل القصة
..
.
.
الي هو صاحبنا طبعاً ... يشوف ردودكم ...
.
.
وفعلاً ... ناديت علية وخليته يطلع على الردود
.
.
ويقتنع ... وتنسد نفسه من البنية ...
.
.
وهذا الي صار
.
.

[ألنشمي]

000
00
0


اخي الحبيب الغالي بلوتوث


السلام عليكم ورحمة الله وبركاته


يسعد مساؤك ربي بكل خير وبركة


حرقت الفلم 0زي مايقولو)

مسرع ماطرحت الموضوع
مسرع مارديت
يعني
اكتفيت
بالاراء الي نزلت
خل الجميع يشاركو



على كل اخي الحبيب

اميل لرد ابو فهد


واعتقد ان صاحب صاحب صاحب 000 اه نسيت 000 وشهو بالنسبه لك



اقتنع والا 000؟؟

ترى مستعدين ان نجمع الكل ونطرح عليهم محاضرة 000 هذا اذا ماكو اقتناع


وبعدها كل يشوف طريقه




دمت حبيبي الغالي بحفظ الرحمن

[BackShadow]

اهلين ابوعابد


قصة واقعية تحصل كثير في وقنا الحاضر خصوصاً مع الانفتاح الكبير الذي عصف بنا :273:


خليني اقول لك على رأيي بكل صراحة وتجرد واتمنى صاحبك ما يزعل اذا قرى كلامي


صاحبك بكل بساطه هذا " خاين " لصديقه :cool:

لسبب بسيط .. انه سمح لنفسه يرتبط بانسانه لم تكن له

شي طبيعي انه يجي يحكي لك قصته وانه بريء وما كان يفكر فيها اصلاً ولا يتوقع بانها تحبه

لانه مستحيل يقول بانه كان نفسه ياخذها بس مش عارف كيف

الانسان عادة يحب يشرح للناس قصته ويبرر لهم تصرفاته بالبرائة ومستحيل يعترف بانه مخطيء او مجرم :SMIL:


خلاصة النقطة هذي ...

الشخص هذا " خائن " للصداقة والمفروض يخجل من نفسه لانه فكر في شي مش له

والالعن ان الشي هذا لصديقه المقرب !

واضح انه كان مستعد يضحي بصديقه علشان البنت هذي ... وهذي النقطة كارثة

ذكرني ببيت من ابيات حامد زيد قال فيه


لا بارك الله في رفيق تزعله كلمة عتاب ولا جمع الله الرجال اللي تفرقهم مره


اما البنت ...
فهذي واضح تماما انها ما عندها مشكلة كل فترة تغير واحد شكل ... يعني على حسب موديل الموضة :205:


اخيراً ...

قول لصديقك نصيحه له ... ينسحب من حيات البنت ولا يرضى يسمع صوتها او يجتمع معهم مره ثانية

ويحاول يشتري صاحبه ... هذا اذا كان هو فعلاً صديق وفي :SMIL:



مع تحياتي

[أم إياس]

يييييييييييييييييييييييييييييي يييه

وش هذا يا بلوتوث الله يهديك

في قصتك اشياء كثييييييييييييييييره متشربكه

الحين الرسول صلى الله عليمه وسلم يقول الحمو الموت وهذا حضرته مدخل صديقه في الموضوع

اولا : العلاقه من الاساس خطأ
ثانيا : دخول طرف ثالث في العلاقه خطأ
ثالثا : هذا مو حب جا فجأه كانت له مقدمات وكان من المفروض انه يصده من البدايه قبل لا يتطور
رابعا: بيخسر صديقه ( بس هذا احتمال )
خامسا : ممكن انه يخسر صديق العمر والحبيبه
سادسا : خويك ماعنده سالفه
سابعا : الله يسامحك
ثامنا : قصتك هذي تحتاج لها محاضره طويله
تاسعا : بفكر بالموضوع وبرجع ، يا تن تن يا تن تن ، اللي كاتبه ربي يصير

عاشرا : كلمة برجع لك اللي في تاسعا هي ترا احتمال مب اكيد

[أميرة العرب]

السلام عليكم

مساك الله بالخير

اخي الكريم بلوتوث

الاخت ام اياس

اختصرت الرد بكلمتين

"الحمو الموت" والباقي عندك

**
وانا شايفة انه القصة كلها لعب عيال
والثلاثة مش واعيين على روحهم
وعلى الغلط الفادح اللي مرتكبينه بحق بعض...!!

بالمختصر المفيد

اللي يبتدي غلط ينتهي غلط
وما يصح الا الصحيح بالاخير

الله يصلح امور شبابنا وبناتنا
ويهديهم ..اللهم امين


اختك أميرة العرب

[أم إياس]

يا ناااااااااااااااس أحب هالبنت اللي ردها بين رديني :231:


اقول بلوتوث
بعدك تبغا رد والا اكتفيت باللي فوق
ترا وقتي ثمين :212: واذا اكتفيت قول لي وما في داعي للكلام الكثير :255:

[أم إياس]

اليوم بعد الغدا كنت اكلم ابو إياس :drr05_23: عن قصتك :206:

وقلت له ايش رايك

طبعا بعد ما تمسخرنا :268: على القصه المتشربكه هذي ( اللهم لا تبلينا )

قال المفروض ان الصديقين يتركون البنت :drr05_87:
علشان ما يخسر كل واحد صديقه |148| ولا يعطي مجال للبنت انها تتلاعب فيهم |100|

وما تدري وش بيطلع منها بعدين :drr05_30:

البنات يتعوضون لكن الاصدقاء ما يتعوضون :267:

[بلوتوث]

مساكم عسل ....
.
.
شعللها شعللها ... ولعها .. ولعها ... .
.
الموضوع سخن .. ياسلاااام :drr05_27:
.
.
وهذا الي ابغااااه ... أبي أكثر من رد
.
.
طيب ... نشوف ... نبدأ بمين الحين
.
.
أممممممممممم
.
.
أهاا .
.
.
.
أخونا / ][®][^][®][النشمي ][®][^][®][...
.
.
والله سوري ماكان ودي أحرق عليك الفلم ...
.
.
ورد عمدتنا .. مقنع ... وانا معك بهالنقطة
.
.
وتسلم ياعسل
.
.

[بلوتوث]

أهلين ... ][®][^][®][حمووودي ][®][^][®][
.
.
أنا برضه كانت وجهة نظري
.
.
مثلك ... وكان ردي قاسي جداً على زميلي
.
.
وطلبت منه يشتري صديقة ...
.
.
أفضل له بكثير ..
.
.
وتأكد أذا لقيت أن رجلين يختلفوا ... تأكد ان جنبهم مرأة
.
.
تسلم ياعسل
.
.

[بلوتوث]

مرحبا ...
.
.
][®][^][®][ام إياس ][®][^][®][.
.
ماشاء الله عليك .. تحمستي مع الموضوع على الآخر
.
.
ومو كذا وبس .. دخل أبو إياس في الموضوع
.
.
أتوقع كمان شوي .. الجيران .. حيشاركوا
.
.
بس شي طيب ... أنا كمان أبي أسمع أكثر من رد
.
.
ومشكورة انك أعطيتنا من وقتك الثمين ..

.
.
الي يسمعك ... يقول عندك غسيل اليوم :drr05_72:
.
.
أسعدني تواجدك ... وردك الأحلى
.
.
سلمت يمناك
.
.

[بلوتوث]

أهلين
.
.
][®][^][®][أميرة العرب ][®][^][®][.
.
أسعدني مرورك
.
.
والقصة واقعية .... لكن مضمونها يمكن لعب في لعب
.
.
أسعدني تواجدك
.
.
أشكر لك مشاركتك

.
.

[بلوتوث]

فاكس عاجل
.
.
لكل مشارك او مطلع لموضوعي .
.
أكيد تراودكم .... شكوك أو ظنون .. ألبعض طبعاً
.
.
أن البلوتوث ربما يكون أحد أبطال القصة
.
.
ولكن أنا مجرد شخص كنت حاب
.
.
أوعي زميلي
.
.
وأصحيه من الغفلة الي هو فيها
.
.
لأني كنت متأكد مع كثرة الآراء
.
.
وإحساسه أنه خطأ .. ومهاجمة الكل لتصرفه
.
.
أكيد انه حيغير رأيه
.
.
وهو الي كان حاب إن الموضع ينطرح
.
.
لأني أشدت بالأقلااااام الدررية
.
.
الله لايحرمنا منها
.
.
هذا للتوضيح والعلم
.
.
والله على ماأقول شهيد
.
.