فكرتك في سنة جديدة بتربحنــ ـ ـا

[DANiA]

http://www.alghadi.net/vb/attachment.php?s=&postid=79124

السلام عليكم ورحمة الله وبركاته

مع بدايــــ السنة الدراسية ــــة
ولا ندري هل هيا بداية حياة جديدة ام نهايتها!

كـ..طالبة او طالب.. او ايٍ كان..

تحب أن تكون حياتك غير واحساسك بالأيام غير..
تحب ان تنجح في نهاية السنة بشهادة ..لا يشترط شهادة مدرسية..انما شهادة خُلق ودين وعمل نافع واعمال خيرية..
تقول في نفسك...الحمدلله السنة دي حفظت كم سورة...عملت صدقة..اطعام مسكين..معلومة مفيدة قلتها لغيرك..ابتساماتك التي تملء جو عملك او دراستك.او جو اهلك...الرزانة..الإحتشام..كلها اشياء نقدر نعملها بسهولة...بس كيف نبدأ؟!

الكل عنده أفكار..
الكل يعرف يستغل وقته..
انا مااعرف انت ايش بتعمل بس ربنا يعرف وأجرك بيزيد بالذات اذا وجهت نيتك لله..:)

لنبدأ...

بداية يومي ان شالله :).

صلاة الفجر+أذكار +السنة
بعدها اما اكمل نومي ولا اروح الجامعه..:)..
وانا في السيارة اشغل قرآن..(افضل صوت مشاري العفاسي او الشاطري)
وممكن تحمل كل سور القرآن على ام بي3..
وفي الرجعه نفس الحاجة..بدل مااجلس اطالع في السيارات والجو حار
الأفضل اني اسمع للقرآن..
واهم شي اخلاص النيه لله..واروح الجامعه وانا مبتسمة..ومتكشخة :256: ...

برجع واتغدى..وانام إلين قبل المغرب..اقوم اروح التحفيظ..:)..ان شالله..
بعد كدا ارجع اقلب في الكتب..
وافتح النت شويتين..
والتلفون شوية
وبس..
وكل خميس بأنضم لنادي..:)..ثقافي وترفيهي..وعلمي..
غير كدا منضمة لنادي يلا جد لأعمال التطوعية..

.
.
(( هذا كل الي فكرت فيه اني ابدأ سنتي الدراسية بيها))

http://ibb7.com/islam_sounds/up/h2/1.rm

مو الكل حيعجبو ولا الكل بينظم بس اتمنى ان تستفيد من ايامك عشان تكون غير..

إلي عندو أفكار يعطينــا..
او نقد او اي حاجه لا يبخل علينا..

أخوان مانبخل عن بعض ولو بفايدة.. |238|
كالدرر.. |238|


http://www.alghadi.net/vb/attachment.php?s=&postid=15600
أكتب ولو فكرة بسيطة تاخذ فيها أجر......

[Oscar]

دانينو


فكرة الموضوع لزيزة

حلو لما الإنسان يبدأ سنة جديدة

بحماس و نية متجددة



/


و الأحلى انو يتبادل أفكاره الطيبة

مع غيره


..

.


أفكارك نايس ماشاء الله يا دانو

و في أشياء مشتركة

بيننا


/


أشبع نوووم وَ أروق

وَ

ليّا عودة بعون الله



:252:

[عمر باعقيل]

اخيتي الغاليه



المتألقه



بجد فكرة الموضوع راااااااااااااااائعه ومفيده لكل ان شاء الله ارجع واحط كم فكره براسي بس خليني ارتب افكاري كي يستفيد الجميع



دمتِ وعين الرحمن ترعاكِ

[بســـ قمر ـــمة]

دانينو حبيبي
موضوع جناااااااااان
وافكارك لزيزة مرة
خصوصاً الكشخة :245:




انا

ما احس حبدأ !

عادي جداً
مني متحمسة .. يمكن لأنها آخر سنة !

ويمكن لأني منتهية !

ويمكن لأنو بابا وهيمو ماشيين يوم 25 !

كلو داخل على بعضو !

ما بدي !


Sorry

أحبك


:256:

[DANiA]

غاليتي oscar
أخي عمر
بسمتي

ابغا افكاركم :)..
وبالنسبة لكي يابسمة قمر انتي لك نظام قاسي :171:

[DANiA]

:)

فينكم؟
ابغا افكار..على الأقل تنفعني..
دمتم

[Oscar]

رجعتلكـ دانو


بالنسبة ليـّا السنة دي مرتبطة عندي بمجموعة أهداف

أتمنى انو ربنا يوفقني عشان أحققها


وزي ما أتفضلتي وقلتي دانينو ..

مو شرط تكون أهدافنا مجرد تحصيل دراسي أو مهني

الأحلى إنها ترتبط بغايات أسمى من كدا


و هو لأني أعرف نفسي و كمان مزااج مذاكرتي

ما راح أوعد نفسي بجدول أو تنظيم معين

.


.


خليني أقول انو كلّ يوم راح يكون ليّا في سكاجول خاص

بإذن الله .. وأكيد حيكون مُعتمد على جدول الجامعة

الي لسا ما نزل << نااااس تحب المفاجآت ؟!

و أهم شي بعيد عن الروتين .. الي أبدًا أبدًا

أبدًا ما أحبو:237:






طيب .. بسم الله نبدأ


أول يوم من كل سنة .. يوم خاص|238| بالنسبة ليـّا

أحب أخلي في ذكرى من أي نوع

ولو مجرد صورة أوشريط أسمعو قبل

ما أخرج من البيت ..


وَ

طبعـًا ما أنسى أكتب شعوري في اليوم التاريخي دا

يعني أعمل جو :298:

أفرّح بي نفسي مو أكتر


:SMIL:




لكن عمومـًا يومي حـ تكون بدايته كـ التالي

- أقوم من النوم

- أصلي الفجر

- أحصن نفسي + أذكار الصباح


* إن شاء الله أحسن من عاداتي في الأكل

و ألاقي وقت للفطور ولو آكل تفاحة

و أنسى حكاية كباتشينو الصبحية ..






* في السيارة

- بما إني أخيرًا وَ الحمدلله أتخلصت من

عادة الطفولة :129:

راح أحاول أستفيد من النص أو التلت ساعة

الي مضطرة أقضيها في السيارة

بأشياء مختلفة ..


راح أعمل سيدهات لأشرطة أحبها زي قصص

الأنبياء - الي مرره أحبها - و قرآن

غير الأشرطة الموجودة عندي و ما سمعتها قبل كده

كلها راح أسيبها في السيارة لنفس الغرض


- ممكن أقرأ محاضرات المواد النظرية أحيانًا

أو أي كتاب أكون بدأت قرآته





* في الجامعة

- أول شي .. ما راح آخد الوك مان دايمـًا معايا ..

ولا حتى الـ MP3

و بدالهم حيكون واحد من الكتب الي لسا ما قرأتها

- تاني شي .. عندي فكرة بسيطة ممكن أعملها كل اسبوع أو اسبوعين

حابا أعمل فواصل صغيرة تنفع للكتب و شيتات المحاضرات

و يكون فيها كل مره عمل بسيط ممكن نكسب بي الأجر

يعني تقريبًا زي * من هنا نبدأ *

لكن على ورق

و اليوم الي حابا أوزعها في أجي من بدري

أو أوزعها في البريك تايم


- غير كدا إن شاء الله أعمل يوم أراجع في

قرآن مع النادي القرآني إذا كان وقت الحلقة

يناسبني .. أو أتفق مع ماما أو عمه

على يوم





* في البيت

- أول شي راح أضبط :131: نومي على قد ما أقدر

دا أهم شي

و أي شي تاني راح يعتمد على الجدول و متى أخرج

من الجامعة

- احتمال أدخل نت مره أو اتنين بس في الإسبوع

- و المذاكرة طبعن ــًا مالها وقت محدد ..

لكن حأبطل أذاكر في الليل ..

رغم انه فترة ايستيعابي :174:


- و إن شاء الله كل نهاية اسبوع يكون ليّا نشاط خاص

إذا حسيت انو المواد تسمح بكدا

بإذن الله أسجل

في نادي المروج .. و معاكي في يلا جدة



وَ

بس


:SMIL:

[DANiA]

اهلا اوسكار

:)

بصراحه ذكرتيني بأشياء ناسيتها في حياتي:(..
اول شي الفطور..
وتاني شي عجبتني اني اسمع قصص الأنبياء
بالتوفيق في افكارك من هنا نبدأ..بستأذن منك اذا ممكن اخذ من الموضع تبعك اشياء بسيطة واعملها اعمال فنيه..:)

تعرفي نادي المروج؟
حتى انا وناوية ادخله:)..
بس ماادري بيكون عندي وقت ولا لاء..
ارجع البيت الظهر تقريباً بعد التعديلات التي طرأت على الجدول..عبال اللكاعه والنوم وبعده التحفيظ..كل يوم بيكون كدا..
:)
ان شالله في وقت وندخل مع بعض حتى لو بعد التخرج..< يدل على اني بزنس..

شكراً لك على ردك المميز وبارك الله فيكِ الله لا يحرمنا منك..

[نبضة الخير]

حقيقة الان ملخبطة توني من يومين راجعة من جدة برتب اموري

وحاطة بعقلي انو راح ابدأ

احفظ الاذكار الصباح والمساء +اكمل حفظي لسورة البقرة

ودي المرة اشعر برغبة كبيرة لمذاكرة وخاصة تعلمي لانجلش

فاشتريت مورد صغير بشيله معاي وين ماروح

احفظ كل يوم 10 كلمات ودي دي سنة تكون

غير اكون اجدت التحدث بالانجلش

+

وراح احمل على Mp4 اذكار الشيخ مشاري العفاسي

+

واتمنى انو ربي يسهل امري بالجامعة وادرس بس انتو ادعولي تتيسر

+

واشد جهدي بدراسة واكمل دبلومي بالبرمجة الكمبيوتر ودي اخر سنة

هذا اللي خططته من فترة وياربي يساعدني ويعيني على تطبيقه يوميا

+

انو نكمل مسيرتي انا وصحباتي بمشروعنا الانساني ومانوقف ابدا الا بموتنا

*

دانيا مشكورة لموضوعك المفيد ولو في افكار طرأت راح انزلها هنا