المساعد الشخصي الرقمي

مشاهدة النسخة كاملة : انا عضوة جديدة واريد منكم تساعدونى


ام القسام
23-08-2006, 05:45 PM
اريد مكان الريجيمات و الاعشاب وشكرا الكم والسلام عليكم
الدكتورة
25-08-2006, 11:02 PM
عزيزتي ام القسام..

هل تبحثين عن مركز للرجيم .. او تفضلين النصائح عبر درتنا؟
الـدانــة
27-08-2006, 04:47 PM
أظنها تبحث عن وصفات,,,,كل الحريم من هالصنف,,,:266:

يوم واحد في أفريقيا يا أم القسام وتلاقي نفسك مثل عارضات الإزياء,,,
الدكتورة
02-09-2006, 12:34 PM
داااااااااااااااااااااااانة!!! !!!
هههههههههههههههههههههههههههههه ههههههههههههههههههه


اللهم ادمها علينا من نعمة يا رب و لا تحرمنا منها
أم إياس
03-09-2006, 07:49 PM
تبين طريقه ممتازة لإتقاص الوزن

انا اقول لك يالطيبه

اولا نامي بدري ، ممنوع السهر >>>> السهر يخليكي تاكلين

وقومي بدري وابدئي يومك بشئ بسيط وبعدين افطري

الفطور مهم جدا بس لا تكثري لو قمتي بدري كثير واحتمال انك تجوعي مره ثانيه قسمي فطورك لمرتين

يعني كوب الشاي الكبير خليه كوب صغير والسندويشه خليها نص سندويشه
ولما تجوعي مره ثانيه كملي السندويشه واشربي كوب صغير شاي ( تعلمي على السكر الخفيف )

اشربي ماي كثير واكلي فواكه وخضروات

لا تشربي المرطبات الغازيه الا مره في الاسبوع
بمعدل كأس

والعصيرات المعلبه مره في الاسبوع بمقدار كوب

والغدا كثري البروتين وقللي النشويات
يعني قطعه كبيره من الدجاج او شريحه لحم بدون شحم او شريحه سمك كبيره مع سلطه او اي نوع من الخضروات

وعلى فكره الدجاج او السمك اي نوع مو شرط شريحه ممكن قطعه

والعشا لما تجوعي اكلي اي شئ خفيف بس لا تاكلي بعد الساعه 7 او 8

لا تاكلي مقليات ولا حلويات

بس ممكن مره في الاسبوع تاكلي كيكه او ايس كريم او قطعه شوكولا او قطعه شئ مقلي

كثري من البروتين
مثل البيض المشوي او المسلوق واللحوم المشويه لأن البروتين يحرق سعرات حراريه

بس ملاحظه هامه

لو رحتي عزيمه ممكن انك تاكلي اي شئ بس بدون ما تكثرين لردجه انك تتعبين معدتك ، اول ما تحسين ببداية الشبع وقفي ولازم تخلي مجال للحلويات ( اذا كان فيه تحليه ) يعني خلي في بالك

هذا لو كانت العزيمه بين كل فتره والثانيه

يعني مو كل اسبوع خليه كل شهر
واذا كان كل اسبوع ممكن انك تاكلي بس اقل ولازم طول الاسبوع تتجنبي الغازيات والحلويات والعصيرات المعلبه والدهون والمقليات لأنك بتاخذينه نهايه الاسبوع

على العموم انه اللي تبغا تخفف لازم كل بين فتره على الاقل مره في الاسبوع تخرب الرجيم تدخل شئ فيه سعرات حراريه علشان الجسم ما يتعود على سعرات حراريه بسيطه

واهم شئ الرياضه
لأنها تساعد على انزال الوزن وتشد الجسم
لأنه مو حلو يذوب الشحم ويترهل الجلد ما سويتي شئ


هذا رأيي أنا في الرجيم

عموما تلاحظين ان وزنك يبدأ في النزول من الشهر الثاني
واذا تعملين رياضه ايروبك ممكن تلاحظي ان وزنك يرتفع بسبب تكون العضلات وبعدين بينزل ، بس المهم انك تلاحظي مقاسات جسمك تنزل فمعناه انك ضعفتي ولا يخدعك الوزن
اما اللي ما تلعب ايروبيك عليها بالمشي على الاقل نص ساعه يوميا ( مشي سريع مب مشي دلع)

وان شاء الله تستفيدي
الدكتورة
03-09-2006, 10:47 PM
يا سلام على هكذا نصائح..

حبيبتي أم إياس!!

ابي اقول لج شي..





بس عشان عدم الاحراج.. ما ابي اقولها جدام الكل!! لو سمحت ..ايوة انت يا مش أم اياس!! لا تقرا














خلاص اتفقنا!! محد يقرا اللي راح اكتبه تحت غير أم إياس










قلت لك لا تقرا!! انت أم إياس؟؟؟؟؟\:@:@:@:@:@:@
يا أخي سر بيني وبينها ما أبيك تعرفه!! عن اللقافة!! يلله انتقل الى صفحة جديدة!









يلله حبيبتي أم إياس أبي أقول لج شي!









ما يقولون عصيراااااااااااااااااااااااااا اااااات!!!!! بل عصائر!!


بلييز بلييز بليزز!! خلو لغتكم صحيحة!!!!:P
أم إياس
04-09-2006, 12:46 PM
:295:

شالاحراج

غلطه لغويه

يعني الواحد ما ياخذ راحته في الكلام ...... زين ما قلت عصيرات أوال :drr05_19: