إيمان
15-08-2006, 08:51 PM
هل خذلك إحدى الأشخاص يوماً؟؟؟
بالنسبة لي ما أصعب أن يخذلني شخص أحببته ..
فتحت له قلبي ..
صفيت له نيتي ..
وفي صداقاتي أنا كذلك ..
حين أفتح قلبي وأبتسم لإحدى أحبتي ..
أكون صادقه ..
حين أتحدث بكل حُب أكون صادقه ..
وحين أُخذل .. صدمتي تكون كبيره ..
وألمي يكون كبير ..
بالنسبه لعلاقات الصداقه ..
مررتُ بالكثير ..
ولكن للأسف من خذلني وخيب ظني كان هو المُبادر في علاقة الصداقه هذه ..
جعلني أتعلق به ..
من خذلني .. أو خيب ظني ؟؟؟
صداقات الحياه سهل إني أنجح فيها ..
بس صداقات النت أحسها مختلفه نوعاً ما ..
بالنسبه لي لم تبدأ بيني وبين أُخت علاقة صداقه ..
يكون غرضي فعلاً إننا نكون أصدقاء طول العمر ..
يعني لم يكون نفسي إني أكلمها وأتواصل معاها عالماسنجر أو هي مثلاً تبادر بالموضوع ..
ما يكون غرضي إنه بس نتكلم ونضيع وقت ومع السلامه ..
أكون معتبرتها صديقه مو بس كلام وضحك والسلام ..
وللأسف أحياناً يصادفني أشخاص من هذه النوعيه ..
وأنا أمرر الموضوع بمزاجي عشان أشوف آخرتها ...
وأعطي أعذار ..
أحياناً فعلاً ما أرتاح لأُخت ..
وحصلت لي ..
_ كنت أعزها وأحبها بس أحس قلبي مو مرتاح ما أدري ليه ..
حتى معلوماتي الشخصيه ما كانت تعرفها ..
ومره قلت لوحده ثانيه عن حذري في العلاقات النتيه وما أدري ليه تجاه هذه البنت ..
أنا ما عندي الجرأه إني أصارحها بإسمي مثلاً ..
قالت ليش .. فلانه طيبه وما في منها ..
قلت لها أدري بس هذا الشئ مو بإيدي ..
وبعدها أثبتت لي الأيام إحساسي ..
وخذلتني
أحياناً أخاف الطرف الثاني في علاقة الصداقه يكون منافق يعني يظهر لي شئ وفي قلبه شئ ثاني ..
النفاق بأنواعه أو المجاملات ترى تظهر على الإنسان ..
وأنا أعتبر الكلام إذا ما دخل قلبي .. فهو خالي من الصدق ..
ما أدري الشخص يستغفلني .. يستخف فيني .. يستهبل .. يستعبط ..
بس في النهايه أضحك وأقول خليني أشوف آخرتها ..
في ناس خذلتني بنفاقها وعدم صدقها وكذبها علي ..
خذلني بعض الأعضاء .. الشباب .. من خلال تعاملي مع النت رغم إني حاطه لي حدود معاهم ..
كنت أحترمهم وأحس شخصياااااااتهم رائعه وأخلاقهم أروع ..
بس من تعامل صديقاتي معاهم إكتشفت أشياء خلتني أستغرب وأقول معقوله فلان يطلع منه هذا الشئ ..
خذلتني صديقه لي .. بعد العِشره والمواقف والأيام الحلوه .. نسيت كل إلي كان بينا ..
_ خذلتني وحده بعد ما إتغيرت بالكامل .. وإضطريت أنسى كيف كانت ..
عشان أتقبل علاقتي فيها في الوقت الحالي ..
وفي كلمه أحب أقولها ..
ترى سُبحان الله .. كل شخص غلط بحقي ..
يجي عليه يوووووووم ويا يعتذر .. يا يتغير بالكامل ..
يا يحاول يسترجع الصداقه إلي كانت .. بس أنا وقتها أكون خلاص .. قفلت ..
أحس ربي دائماً ينصفني من هذه الناحيه ..
==========
أجمل إحساس في الكــــون ..؟؟
أحلى إحساس تملكني كان ..
كنا في الملاهي وكان أول يوم في عيد الأضحى المبارك ..
وأنا بالتاريخ الهجري يوم ميلادي يوافق10/12 أول أيام العيد ..
وكنت أنا مآخذه أختي وأخواني عشان نروح مسرحيه ..
وواقفين في الصف عشان التذاكر وندخل بعدها ..
طبعاً كل هذا بعد ما كلمت أهلي وإطمنوا إنه أنا وأخواني واقفين في الصف ..
فجأه وأنا مع الزحمه أمي من بعيد تناديني وتعطيني ورده إشترتها من الملاهي ..
ومعاها كرت مكتوب في كل عام وإنتي بخير يا أحلى ؟؟؟
والكلام كان مكتوب بقلم التحديد الخاص بالشفايف ..
إحساس غريب ..
لأنها فاجأتني وأنا على علمي إنهم جالسين في أماكن الجلسات ..
جد فرحت فرحة عُمري وما قدرت أمسك نفسي وما أبكي وقتها ..
لأنها وهي تعطيني الورده قالت لي كل عام وإنتي بخير .. قدام كل الناس الواقفين معاي ..
أحلى إحساس يوم الله نصرني على معلمتي لم ظلمتني في الدرجات ..
وعوضني بدرجات ولا أروع ونجحت في سنه ثانيه ثانوي علمي بإمتياز بنسبة 94% ..
بكيت وقتها وصديقتي حضنتني ورحت البيت ..
وأول ما فتحت لي أمي الباب إرتميت في حضنها وأنا أبكي وأقولها شوفي نتيجتي يا ماما ..
أحلى إحساس لم فتحت شنطة المدرسه عشان أذاكر قبل المغرب ..
وإكتشفت رساله وكتيب حصن المسلم ..
قلت ياربي غريبه إيش هذا؟؟
فتحت الرساله وإلا فيها شعر خاص لي من صديقتي ..
صفحتنين كاملتين كلهم أبيات شِعر كتبتها بنفسها لي وكانت مُعبره ..
لأنها تحكي قصة صداقتنا ومحبتها لي ..
جد إنهرت من البكاء وقتها وفرحت بحصن المسلم وبكلامها ..
صح وصلتني هدايا بأسعار غاليه وبأشكال روعه بس هديتها هذه كانت غير ..
لأنها كانت أحلى مفاجأه والكلام كان من القلب وهي إلي كاتباه ..
من روعته إشتريت ألبوم كبير خاص بالصور ..
وشكله روعه من برا كله زهوووور وخصصته لرسائل الصداقه ..
وكانت رسالتها من ضمن الرسائل إلي حطيتها في عشان أحافظ عليها ..
أحلى إحساس تملكني لم رن تلفون البيت من خمس سنين وكانت الإتصال من البحرين ..
من أُختين أعزهم وأموت عليهم .. حنيـــن وحليوه ..
رغم إني كلمت قبلهم كثير بنات بس مكالمتهم كانت غير ..
حتى بكيت من فرحتي وحسيت بإحساس ما في أحلى منه ..
أحلى إحساس لم وصلني مسج من غصـــون تقولي فيه إنها ولدت وجابت بنت ..
في نفس اليوم إلي ولدت في .. وصلني المسج الساعه11 ونص الصباح وكانت والده الفجر أعتقد ..
وبعد لم ورتني صور بنتها من كم يووووووووم عالنت وأرسلتها لي ..
أحلى إحساس لم بشرتني صديقتي بولادتها وقالت لي صرتي خاله يا ؟؟؟
في المتوسطه كان في معلمه أحبها مووووت ..
معلمة إنجليزي وكانت في نفس الوقت مُشرفة على جمعية النظام ..
كانت قويه وبعض البنات يخافوا منها وأنا منهم ..
بس بعد ما درستني إكتشفت إنها الطيبه نفسها ..
حبيتها في الله وحبيت الإنجليزي من خلالها ..
حتى كنت أهتم بدفتري ومن كثر ما أهتم في توريه البنات تقولوا شوفوا ؟ كيف دفترها مرتب وحلو ..
لأني كنت صادقه في مشاعري تجاهها وصلتها ..
كنت حريصه على إني ما أخيب ظنها فيني .. كنت ممتازه في مادتها ودخلت جمعيتها من كثر ما أحبها .. ودائماً كنت كل يوم أجي مكتبها الصباح ..
وأقولها صباح الخير وأسلم عليها قبل لا تطلع البنات بعد طابور الصباح فوق ..
حتى صديقاتي كانوا يقولوا ترى بتفتقد أبله سهير وجودك لم تتخرجي ..
وفي مره حسيت إني ثقلت عليها وما عدت أزور مكتبها مثل أول ..
وبالصدفه شافتني مره في الممرات بين الفصول وقالت لي وينك يا ؟؟ .. ليش ما صرتي تجيني .. وخاصمتني ..
حسيت إنها تحبني وقتها وإنه لي مكانه عندها ..
في نفس هذه الأوقات كنت أنا بحكم إني في جمعية النظام مسؤوله عن طابور سنه أولى ..
كنت وقتها أنا سنه ثالثه متوسط .. وكانت علاقتي في بنات الصف إلي أوقف عليه حلوه ..
حتى إنهم صاروا صديقات لي لأني كنت أمزح معاهم وما أخاصمهم ..
ولم وحده تكون مخالفه أكلمها بإحترام وحُب وأحياناً أمزح مزح خفيف ..
حتى إنه كم بنت حوالي 6 بنات دائماً يجوني ويمشوا معاي ..
المهم الطابور إلي جنبهم كان في بنت إتعرفت عليها لأني كنت دائماً بين الصفين فهي كانت تسلم علي .. إلخ ..
وفي يوم قالت لي تدري يا ؟؟ إنه أبله سهير اليوم تكلمت عنك .. ؟؟
كانت تحكي للبنات عن وحده إسمها ؟؟ وتمدح في أخلاقها وأدبها وإجتهادها ..
وقالت لي كنا ندري إنها تحبك بس مو لهذه الدرجه ..
وقتها فرحتي ما كان لها قدر .. وإحساسي ماله وصف ..
سبحان الله .. ربي أراد إنه يوصلني كلامها عني ..
إتكلمت عني لبنات هي تدري إنهم ما يعرفوني ..
دفعه غيري ..
بس كلامها وصلني ..
هذه الأستاذه الله يعلم ما قطعتها في يوم ..
لأنها درستني في ثانيه متوسط بس ..
لم طلعت ثالثه كنت مستمره معاها أكثر من أول ..
وفي آخر يوم في المدرسه أعطتني رقمها بدون ما أطلبه ..
وللآن أكلمها وترى الآن إتقاعدت بسبب مرضها ..
الله يشفيها يااااااااارب ..
وتقولي دائماً تعالي زوريني إنتي والوالده بس ما حصل نصيب وزرتها ..
أحلى إحساس بعد لم كنت ثالثه متوسط وكانت تربطني علاقه مثل ما قلت أول في بنات صفي .. طابوري ..
وكان في وحده أعزها بس ما كنت أبين لها .. يعني كنت أساوي بينها وبين البنات ..
كنا ناويين أنا وهي والبنات إنه آخر يوم لي في المتوسط نلعب ونضحك عشان آخر يوم ..
بس لم نزلت من إمتحاني الأخير شفتها جالسه لوحدها وحالتها غير ..
لأنها من النوع إلي يضحك ويمزح .. كانت تموتني من الضحك .
. وكانت تقلد ذاك الوقت ميشيل قزي لم كان يقول إلك ..
وتقلد أي أحد .. فلم شفتها سألتها شفيكِ ..
قالت ولا شئ ..
إلا صديقتي تكلمني على جنب وتقولي ترى نسرين قالت إنها زعلانه لأنه اليوم آخر يوم راح تشوفك في ..
وقتها أنا زعلت ورحت لها وقلت لها نسرين ليش كل هذا ..
إن شاء الله راح نشوف بعض ونكلم بعض ..
هي بكيت ولأول مره أشوف دموعها ..
وقتها أنا بعد بكيت ومحد قدر يسكت أحد فينا ..
حاولت أغير الجو وأقولها تعالي خلينا نلعب ونضحك ..
مافي فائده ..
وظلت على هذا الحال ..
إلا ما جاتني وحده من صديقاتي تقولي كلمي أبله سهير .. أعطتني رقمها وقتها ..
لم رجعت ما لقيت نسرين ..
ولقيت أتجرافي كاتبه في إنها راحت لأنها مو قادره تودعني وكتبت كلام خلاني أبكي طول اليوم ..
كان يوم ما أنساه لأني زعلت عليها لم راحت بدون ما تسلم علي ..
ورجعت البيت وقالت لي أمي إنها إتصلت ..
فكلمتها وعاتبتها بس قالت لي مو بإيدي ..
ذاك اليووووم كنا نتصل على بعض كل شوي وحالتنا كانت صعبه ..
حتى العصفور إلي كان عندنا مات وبكيت عليه .. وحسيت إنه هذا اليوم يوم كئيب بالنسبه لي ..
نسرين هذه أُختي الصغيره ..
إنتقلت أنا للثانويه وظلينا على إتصال .. وزارتني بعد بالبيت ..
وللآن علاقتنا مستمره ..
أحلى إحساس تملكني في علاقتي معاها إلي سوته آخر يوم رغم إنه زعلني ..
بس ترى لم الواحد يحس إنه في شخص يحبه لهذه الدرجه .. الإحساس هذا ترى بالدنيا وما فيها ..
بعد في شئ ثاني ..
البنت هذه رغم مرور سنين على علاقتنا تحسسني إني أُختها الكبيره ..
أحياناً تحرجني لأنها تقولي كلام والله ما أحس إني أستاهله ..
تقولي رضاكِ عني هو الأهم .. إدعي لي .. لازم أفرحك فيني ..
تقولي كلام وكأني أنا أُمها .. ولم أتصل عليها ترحب وتهلل حتى ما أعرف أرد من كثر روعة كلامها ..
سُبحان الله أنا حبيتها في الله بدون شئ وما صرحت لها بس طلع بعد إحساسها تجاهي مثلي بالضبط ..
الله لا يحرمني من أُخوتها .. لأنها حسستني إني أكثر من أُخت والله ..
يمكن تستغربوا علاقتي في بعض المعلمات ..
بس والله هذه الحقيقه ..
أنا لم أحب في الله أصارح إلي أملك تجاهه هذا الشعور ..
ممكن تكون أخت لي أو .. وحده من المعارف .. يعني وحده كبيره في سِن أمي أو حتى جدتي ..
ففي معلمه بعد في المتوسطه .. معلمة رياضيات ..
وأنا عشقي هذه الماده ..
المهم كنت أنا وكل البنات نموت عليها لأنها طيبه وعسل وما في كلام يوفيها حقها ..
لم رحت للثانويه .. كان في بعد معلمة رياضيات قالت لي شئ صدمني ..
قالت لي كلاااااااام كلمة رائع قليل عليه .. قالته لها معلمتي إلي في المتوسط .. هما صديقات ترى ..
أنا أدري إنها تعزني بس الكلام إلي قالته لأستاذتي الثانيه أحرجني وقلت مو لهذه الدرجه ..
المعلمه الأولى .. أحلى إحساس تملكني تجاهها لم إتكلمت عني في غيابي لمعلمتي في الثانويه ..
لم قالت لي في يووووم إنتي بنتي ..
لم قالت لي عيووووونك حالمه ..
عيونك فيها شقاوه ..
لم كانت تجلسني بمكتبها .. وكنت أساعدها في ترتيب الأوراق ..
لم ضمتني من قلبها .. وفرحت بشوفتها بعد فتره طويله ..
للآن أكلمها .. بس أستحي أتصل عليها دائماً ..
آخر مره كلمتها في رمضان ..
كانت مكالمه طويله .. علمتني فيها كثير أشياء كعادتها ..
هي رائعه ..
لأنها تملك حُب جميع الطالبات ..
أبله نهله .. أستاذتي الراائعه
في كثير قصص لي مع المعلمات ..
أبله وفاء إلي كانت مسكينه متخيله إني عبقريه في الرياضيات ..
صح أنا شاطره بس مو عبقريه :D
المهم أحلى إحساس لم كانت تميزني ..
وكنت أعاني من تعليقات البنات .. أبله وفاء بس تحب ؟؟
أبله وفاء لم تتكلم ؟؟ الكل يسكت ..
جد أحلى إحساس لم قرأت كتاباتي وقالت لي إنتي إلي كتبتيه ..
رووووعه ..
أحلى إحساس يوم دخلت المستشفى وإتنومت فيها وجاتني أُمي وباست إيدي ..
قلت لها وقتها أنا المفروض إلي أبوس إيديك يا ماما ..
لكنها ما سمعت كلامي .. إحساس مافي أحلى منه من أحلى الأُمهات في العالم :)
أحلى إحساس يوم طلعت من المستشفى وزاروني ناس بالبيت وفي طفلين أهدوني هديه من نفسهم ..
وقالوا لي سلامات ..
أحلى إحساس لم كان خالي يتذكرني رغم سفره ودراسته في كل مناسباتي الخاصه ..
يتصل علي ويرسل لي إيميلات وكلام ولا أروع ..
والدي له مواقف معاي خلتني أبكي ..
من كثر كرم الأخلاق إلي عنده ..
يوم نجحت بجيد جداً في ثالث قال لأُمي لا تخاصميها ولا تعاتبيها ..
بنتي كانت تذاكر وإلي كنا نشوفه إنها كانت تتعب وتجد وتجتهد ..
طبعاً أمي قالت لي وأنا إحساسي وقتها ماكان يوصف ..
والموقف الثاني لم قررت عدم السفر لإحدى الأسباب مع أهلي ..
وكان والدي دائماً يسألني بتسافري ولا لأ عشان أحجز لك تذكره ..
بس أنا ما كنت موافقه وإكتشفت في آخر لحظه إنه كان حاجز تذكره لي ..
لعل وعسى أغير رأيي ..
جد لم عرفت من أمي بكيت .. وقلت الله لا يحرمني منه ..
كان عنده أمل إني أسافر وما يتركني :(
أحلى إحساس يوم غبت عن منتدى الحياه
ورجعت ولقيت موضوع مكتوب بإسمي في المنتدى وقتها بهذه الصوووره ..
إيمااااااااااااااان وكانت كاتباه أُختي حنيــــن الله لا يحرمني من أُخوتها ..
بعد يوم دخلت الماسنجر وكان نك نيمها وقتها ..
أين أنتِ يا إيمان؟؟؟
كنت داخله وطالعه بس لم شفت سؤالها دخلت وإتكلمنا كثير وقتها ..
أحلى إحساس يوم وقفت معاي غصــــون من منتدى الحياه ..
كنت زعلانه وقتها وأبكي من قهري من شئ لكنها طلبت مني إني أدخل ماسنجري بعد ما أرسلت لي عالخاص وحست من خلال إحدى المواضيع إنه فيني شئ ودخلت وكلمتها ..
تذكروا موضوع لا أدري :(
كانت حاطه مشغول عشاني أحلى شعور :D
وأعطتني رقمها وكلمتني ..
وقتها ما كنت أقدر أتصل لأني كنت ميته من البكاء والقهر ..
وإتصلت هي علي اليوم الثاني ..
وكانت دائماً تتصل رغم تقصيري ..
وغابت فتره وغبت أنا فتره ونقلت من البيت فما قدرت توصلي ثاني ..
بس رجعنا الآن وطلعت إتزوجت خلال الفتره إلي إنقطعنا فيها ..
وللآن تواصل بكل حُب ..
لا غيرتها السنين ..
ولا نسيتني ولا حتى تناستني ..
وناويه قريب تجي تزورني ..
ياااارب تجمعني فيها :)
يوم وصلتني بطاقه راااائعه من إحدى أخواتي بمناسبة إنتهاء إمتحاناتي ..
أحلى إحساس لم حسيت بوقفة رشا >>> صديقتي من منتدى ثاني
.. يوم بيوم .. إمتحان بإمتحان ..
وإن غبت 24 ساعه بس ألاقي منها إيميل .. جد هذه البنت رااااااائعه ..:)
أحلى إحساس يوم كان إبن عم الوالد الله يرحمه يعطيني شوكولاته تويكس لأنه يدري إني أموت عليها ..
دائماً كان يشتريها لي ..
كان يدرسني فرنسي لأن المدرسه إلي كنت أدرس فيها أولى إبتدائي كانوا يعلمونا فيها فرنسي ..
كان حنون علي وما أنسى حنانه أبداً ..
ولا أنسى يوم حكت لي أمي إني سويت في مقلب وعملت نفسي ميته لم كنت طفله وصدق ولم البيت كله وبس ينطق إسمي ويناديني ..
وبعدين ضحكت وإرتاح بعدها ..
كنت أتمنى يكون عنده أولاد أو بنات ..
عشان أواصلهم وأرد ولو جزء بسيط من إلي سواه لي ..
والحمدلله رغم مرور سنين الظاهر بيكون أقرب من أول ..
بتصير له مكانه أكبر ..
وراح أحكي عنه .... لأبنائي مستقبلاً أكيد ..
أحكي عن روعة إنسان مستحيل أنسى الإحساس الرائع إلي غمرني في ..
حسسني إني بنته بإختصار ..
الله يرحمه إتوفى وأنا في صف خامس إبتدائي .. لكن عمري ما نسيته من دعواتي ولا حتى في كلامي .. :(:(
أحلى إحساس يوم إِنسأل جدي من يومين مين يفضل من كل أحفاده ..
كنت متوقعه يختار أخويه إلي أصغر مني ب 6 سنين .. لأنه يموت عليه ..
بس إختارني وقال هذه أول الخير .. هذه إلي أعطت لحياتنا معنى وحلا ..
وقتها فرحت وصرخت وجريت عليه وبست راسه بقوه وإيده بعد ..
وقُلت والله يا جدو لو الله رزقني وإتوظفت ليكون ثاني راتب لي هديه لك ..
لأني واعده ماما وبابا إني أعطيهم أول رااااااتب
إلي يسمعني يقول ضمنت الوظيفه .. ههههههههههههه
في كثير أحاسيس حلوه .. مو قادره أحصيها .. ممكن بعدين أقولها ..
_ أصعب إحساس
يوم إنضربت بسبب أخويه وحركاته ..
إنضربت أنا وياه في نفس الوقت
لم أمي تزعل مني وما ترضى تكلمني .. إلا بطلعة الروح ..
يوم يعصب الوالد .. أتجنبه لم يعصب لأنه في نظري بابا الحليم إذا غضب ..
لم أحد يظن فيني ظن وما يصدقني ..
لم أحد يتكلم من وراي بكلام مو طيب .. أو يستهزأ ولم يشوفني يضحك لي ..
حبيت أقولكم بعد أصعب إحساس لأن علاقتي مع عائلتي مو كلها عسل ..
يعني البيوت أسرار .. ومستحيل الحياه كلها تكون حلوه ..
بس ما أتذكر الأشياء السلبيه .. أتذكر كل شئ حلو سووه لي ..
رغم إنهم يخاصموني لم أغلط .. وحتى ضرب إنضربت بس الضرب العادي .. مثل أي عيله بالدنيا ..
طبعاً لم كنت صغيره ..
بس الآن عقلت :D
_ خذلتني وحده كنت ألعب معاها وإحنا صغار ..
كنت أجي من الروضه على بيت جدي مع جدتي أو خالي ..
وأجلس عندهم بالمريول ويآخذني الوالد العصر البيت ..
كانت تنزل بيت جدي عشاني ونلعب مع بعض ألعاب ماالها أول من آخر ..
نلعب في المراجيح .. نلعب لعبة كانت مسميتها حريم وكل وحده تلبس عبايه وتعمل نفسها أم فلان ..
كنا نلعب كثير وبعد ما كبرنا بعدنا بسبب مشاغل الحياه ..
بعدها سمعت من ناس إنها ما تسلم على أحد ..
يعني لم يقابلوها في الأفراح أو يجوا يزورا أهلها ..
ما كنت أصدق إلى ماإتزوجت أختها ورحت الفرح ..
وصلت القاعه متأخره ولا سلمت على أحد ..
والله ما شفتها قربت على طاوله وسلمت عالناس إلي جالسين حوليها ..
قلت في نفسي خساره يا شذا ..
معقوله إلي قاعده أشوفها هذه شذا إلي كانت تعلب معاي في يوم من الأيام ..
وين كنا وكيف صرنا ..
أحلى إحساس
يوم كنت منومه في المستشفى وجاتني خالتي وحطت إيدها على راسي وكانت تقرأ قرآن ..
إحساس روعه تملكني وقتها ..
وبعد يوم كنت تعبانه ومريضه ونفسيتي زفت وما كنت ناويه أدخل إمتحان من إمتحاناتي الترم إلي راح .. حتى أهلي قالوا خلاص لا تروحي .. وجاتني خالتي عشان تغير نفسيتي وقامت تقرأ علي بعد ..
أحلى إحساس
مو أحلى إحساس إلا شعور بالإحراج .. تجاه مريومه>>> صديقه من منتدى آخر ..
وكرم أخلاقها ..
والله هذه البنت عسل .. دمها خفيف .. وطيبتها ما لها حدود ..
دائماً أتعبها وأطلب منها طلبات وهي مسكينه ترد علي وتقولي آمري تدللي ..
إتعودت على كلمة هلووو منها ..
على إيميلاتها وسؤالها ..
على خفة دمها .. ووجودها ..
جد تحرجني بأخلاقها ..
الله لا يحرمني منها ..
ويوفقها بكل حياتها
أحلى إحساس
يوم قالت لي أمي جاكِ عريس :D
أحلى إحساس
يوم كتبتي لي أُختي رساله بخط إيدها وأعطتني هي لم زارتني بالمستشفى ..
وبعد لم تحاول تراضيني بعد ما تخليني أفقد أعصابي وتجنني .. وأقولها خلاص لا تكلميني ..
وهي تزيد الموضوع بس بعدها بشوي تحاول تكلمني وتعطيني شوكولاته أو شيبس ..
ولا تعتذر .. تموت ولا تعتذر ..
متعلمه الرشوه البنت :D
أحس إنه خاطرها تراضيني بأي طريقه ولا إنها تقولي آسفه .. وبعد هذا شئ حلو :)
بالنسبة لي ما أصعب أن يخذلني شخص أحببته ..
فتحت له قلبي ..
صفيت له نيتي ..
وفي صداقاتي أنا كذلك ..
حين أفتح قلبي وأبتسم لإحدى أحبتي ..
أكون صادقه ..
حين أتحدث بكل حُب أكون صادقه ..
وحين أُخذل .. صدمتي تكون كبيره ..
وألمي يكون كبير ..
بالنسبه لعلاقات الصداقه ..
مررتُ بالكثير ..
ولكن للأسف من خذلني وخيب ظني كان هو المُبادر في علاقة الصداقه هذه ..
جعلني أتعلق به ..
من خذلني .. أو خيب ظني ؟؟؟
صداقات الحياه سهل إني أنجح فيها ..
بس صداقات النت أحسها مختلفه نوعاً ما ..
بالنسبه لي لم تبدأ بيني وبين أُخت علاقة صداقه ..
يكون غرضي فعلاً إننا نكون أصدقاء طول العمر ..
يعني لم يكون نفسي إني أكلمها وأتواصل معاها عالماسنجر أو هي مثلاً تبادر بالموضوع ..
ما يكون غرضي إنه بس نتكلم ونضيع وقت ومع السلامه ..
أكون معتبرتها صديقه مو بس كلام وضحك والسلام ..
وللأسف أحياناً يصادفني أشخاص من هذه النوعيه ..
وأنا أمرر الموضوع بمزاجي عشان أشوف آخرتها ...
وأعطي أعذار ..
أحياناً فعلاً ما أرتاح لأُخت ..
وحصلت لي ..
_ كنت أعزها وأحبها بس أحس قلبي مو مرتاح ما أدري ليه ..
حتى معلوماتي الشخصيه ما كانت تعرفها ..
ومره قلت لوحده ثانيه عن حذري في العلاقات النتيه وما أدري ليه تجاه هذه البنت ..
أنا ما عندي الجرأه إني أصارحها بإسمي مثلاً ..
قالت ليش .. فلانه طيبه وما في منها ..
قلت لها أدري بس هذا الشئ مو بإيدي ..
وبعدها أثبتت لي الأيام إحساسي ..
وخذلتني
أحياناً أخاف الطرف الثاني في علاقة الصداقه يكون منافق يعني يظهر لي شئ وفي قلبه شئ ثاني ..
النفاق بأنواعه أو المجاملات ترى تظهر على الإنسان ..
وأنا أعتبر الكلام إذا ما دخل قلبي .. فهو خالي من الصدق ..
ما أدري الشخص يستغفلني .. يستخف فيني .. يستهبل .. يستعبط ..
بس في النهايه أضحك وأقول خليني أشوف آخرتها ..
في ناس خذلتني بنفاقها وعدم صدقها وكذبها علي ..
خذلني بعض الأعضاء .. الشباب .. من خلال تعاملي مع النت رغم إني حاطه لي حدود معاهم ..
كنت أحترمهم وأحس شخصياااااااتهم رائعه وأخلاقهم أروع ..
بس من تعامل صديقاتي معاهم إكتشفت أشياء خلتني أستغرب وأقول معقوله فلان يطلع منه هذا الشئ ..
خذلتني صديقه لي .. بعد العِشره والمواقف والأيام الحلوه .. نسيت كل إلي كان بينا ..
_ خذلتني وحده بعد ما إتغيرت بالكامل .. وإضطريت أنسى كيف كانت ..
عشان أتقبل علاقتي فيها في الوقت الحالي ..
وفي كلمه أحب أقولها ..
ترى سُبحان الله .. كل شخص غلط بحقي ..
يجي عليه يوووووووم ويا يعتذر .. يا يتغير بالكامل ..
يا يحاول يسترجع الصداقه إلي كانت .. بس أنا وقتها أكون خلاص .. قفلت ..
أحس ربي دائماً ينصفني من هذه الناحيه ..
==========
أجمل إحساس في الكــــون ..؟؟
أحلى إحساس تملكني كان ..
كنا في الملاهي وكان أول يوم في عيد الأضحى المبارك ..
وأنا بالتاريخ الهجري يوم ميلادي يوافق10/12 أول أيام العيد ..
وكنت أنا مآخذه أختي وأخواني عشان نروح مسرحيه ..
وواقفين في الصف عشان التذاكر وندخل بعدها ..
طبعاً كل هذا بعد ما كلمت أهلي وإطمنوا إنه أنا وأخواني واقفين في الصف ..
فجأه وأنا مع الزحمه أمي من بعيد تناديني وتعطيني ورده إشترتها من الملاهي ..
ومعاها كرت مكتوب في كل عام وإنتي بخير يا أحلى ؟؟؟
والكلام كان مكتوب بقلم التحديد الخاص بالشفايف ..
إحساس غريب ..
لأنها فاجأتني وأنا على علمي إنهم جالسين في أماكن الجلسات ..
جد فرحت فرحة عُمري وما قدرت أمسك نفسي وما أبكي وقتها ..
لأنها وهي تعطيني الورده قالت لي كل عام وإنتي بخير .. قدام كل الناس الواقفين معاي ..
أحلى إحساس يوم الله نصرني على معلمتي لم ظلمتني في الدرجات ..
وعوضني بدرجات ولا أروع ونجحت في سنه ثانيه ثانوي علمي بإمتياز بنسبة 94% ..
بكيت وقتها وصديقتي حضنتني ورحت البيت ..
وأول ما فتحت لي أمي الباب إرتميت في حضنها وأنا أبكي وأقولها شوفي نتيجتي يا ماما ..
أحلى إحساس لم فتحت شنطة المدرسه عشان أذاكر قبل المغرب ..
وإكتشفت رساله وكتيب حصن المسلم ..
قلت ياربي غريبه إيش هذا؟؟
فتحت الرساله وإلا فيها شعر خاص لي من صديقتي ..
صفحتنين كاملتين كلهم أبيات شِعر كتبتها بنفسها لي وكانت مُعبره ..
لأنها تحكي قصة صداقتنا ومحبتها لي ..
جد إنهرت من البكاء وقتها وفرحت بحصن المسلم وبكلامها ..
صح وصلتني هدايا بأسعار غاليه وبأشكال روعه بس هديتها هذه كانت غير ..
لأنها كانت أحلى مفاجأه والكلام كان من القلب وهي إلي كاتباه ..
من روعته إشتريت ألبوم كبير خاص بالصور ..
وشكله روعه من برا كله زهوووور وخصصته لرسائل الصداقه ..
وكانت رسالتها من ضمن الرسائل إلي حطيتها في عشان أحافظ عليها ..
أحلى إحساس تملكني لم رن تلفون البيت من خمس سنين وكانت الإتصال من البحرين ..
من أُختين أعزهم وأموت عليهم .. حنيـــن وحليوه ..
رغم إني كلمت قبلهم كثير بنات بس مكالمتهم كانت غير ..
حتى بكيت من فرحتي وحسيت بإحساس ما في أحلى منه ..
أحلى إحساس لم وصلني مسج من غصـــون تقولي فيه إنها ولدت وجابت بنت ..
في نفس اليوم إلي ولدت في .. وصلني المسج الساعه11 ونص الصباح وكانت والده الفجر أعتقد ..
وبعد لم ورتني صور بنتها من كم يووووووووم عالنت وأرسلتها لي ..
أحلى إحساس لم بشرتني صديقتي بولادتها وقالت لي صرتي خاله يا ؟؟؟
في المتوسطه كان في معلمه أحبها مووووت ..
معلمة إنجليزي وكانت في نفس الوقت مُشرفة على جمعية النظام ..
كانت قويه وبعض البنات يخافوا منها وأنا منهم ..
بس بعد ما درستني إكتشفت إنها الطيبه نفسها ..
حبيتها في الله وحبيت الإنجليزي من خلالها ..
حتى كنت أهتم بدفتري ومن كثر ما أهتم في توريه البنات تقولوا شوفوا ؟ كيف دفترها مرتب وحلو ..
لأني كنت صادقه في مشاعري تجاهها وصلتها ..
كنت حريصه على إني ما أخيب ظنها فيني .. كنت ممتازه في مادتها ودخلت جمعيتها من كثر ما أحبها .. ودائماً كنت كل يوم أجي مكتبها الصباح ..
وأقولها صباح الخير وأسلم عليها قبل لا تطلع البنات بعد طابور الصباح فوق ..
حتى صديقاتي كانوا يقولوا ترى بتفتقد أبله سهير وجودك لم تتخرجي ..
وفي مره حسيت إني ثقلت عليها وما عدت أزور مكتبها مثل أول ..
وبالصدفه شافتني مره في الممرات بين الفصول وقالت لي وينك يا ؟؟ .. ليش ما صرتي تجيني .. وخاصمتني ..
حسيت إنها تحبني وقتها وإنه لي مكانه عندها ..
في نفس هذه الأوقات كنت أنا بحكم إني في جمعية النظام مسؤوله عن طابور سنه أولى ..
كنت وقتها أنا سنه ثالثه متوسط .. وكانت علاقتي في بنات الصف إلي أوقف عليه حلوه ..
حتى إنهم صاروا صديقات لي لأني كنت أمزح معاهم وما أخاصمهم ..
ولم وحده تكون مخالفه أكلمها بإحترام وحُب وأحياناً أمزح مزح خفيف ..
حتى إنه كم بنت حوالي 6 بنات دائماً يجوني ويمشوا معاي ..
المهم الطابور إلي جنبهم كان في بنت إتعرفت عليها لأني كنت دائماً بين الصفين فهي كانت تسلم علي .. إلخ ..
وفي يوم قالت لي تدري يا ؟؟ إنه أبله سهير اليوم تكلمت عنك .. ؟؟
كانت تحكي للبنات عن وحده إسمها ؟؟ وتمدح في أخلاقها وأدبها وإجتهادها ..
وقالت لي كنا ندري إنها تحبك بس مو لهذه الدرجه ..
وقتها فرحتي ما كان لها قدر .. وإحساسي ماله وصف ..
سبحان الله .. ربي أراد إنه يوصلني كلامها عني ..
إتكلمت عني لبنات هي تدري إنهم ما يعرفوني ..
دفعه غيري ..
بس كلامها وصلني ..
هذه الأستاذه الله يعلم ما قطعتها في يوم ..
لأنها درستني في ثانيه متوسط بس ..
لم طلعت ثالثه كنت مستمره معاها أكثر من أول ..
وفي آخر يوم في المدرسه أعطتني رقمها بدون ما أطلبه ..
وللآن أكلمها وترى الآن إتقاعدت بسبب مرضها ..
الله يشفيها يااااااااارب ..
وتقولي دائماً تعالي زوريني إنتي والوالده بس ما حصل نصيب وزرتها ..
أحلى إحساس بعد لم كنت ثالثه متوسط وكانت تربطني علاقه مثل ما قلت أول في بنات صفي .. طابوري ..
وكان في وحده أعزها بس ما كنت أبين لها .. يعني كنت أساوي بينها وبين البنات ..
كنا ناويين أنا وهي والبنات إنه آخر يوم لي في المتوسط نلعب ونضحك عشان آخر يوم ..
بس لم نزلت من إمتحاني الأخير شفتها جالسه لوحدها وحالتها غير ..
لأنها من النوع إلي يضحك ويمزح .. كانت تموتني من الضحك .
. وكانت تقلد ذاك الوقت ميشيل قزي لم كان يقول إلك ..
وتقلد أي أحد .. فلم شفتها سألتها شفيكِ ..
قالت ولا شئ ..
إلا صديقتي تكلمني على جنب وتقولي ترى نسرين قالت إنها زعلانه لأنه اليوم آخر يوم راح تشوفك في ..
وقتها أنا زعلت ورحت لها وقلت لها نسرين ليش كل هذا ..
إن شاء الله راح نشوف بعض ونكلم بعض ..
هي بكيت ولأول مره أشوف دموعها ..
وقتها أنا بعد بكيت ومحد قدر يسكت أحد فينا ..
حاولت أغير الجو وأقولها تعالي خلينا نلعب ونضحك ..
مافي فائده ..
وظلت على هذا الحال ..
إلا ما جاتني وحده من صديقاتي تقولي كلمي أبله سهير .. أعطتني رقمها وقتها ..
لم رجعت ما لقيت نسرين ..
ولقيت أتجرافي كاتبه في إنها راحت لأنها مو قادره تودعني وكتبت كلام خلاني أبكي طول اليوم ..
كان يوم ما أنساه لأني زعلت عليها لم راحت بدون ما تسلم علي ..
ورجعت البيت وقالت لي أمي إنها إتصلت ..
فكلمتها وعاتبتها بس قالت لي مو بإيدي ..
ذاك اليووووم كنا نتصل على بعض كل شوي وحالتنا كانت صعبه ..
حتى العصفور إلي كان عندنا مات وبكيت عليه .. وحسيت إنه هذا اليوم يوم كئيب بالنسبه لي ..
نسرين هذه أُختي الصغيره ..
إنتقلت أنا للثانويه وظلينا على إتصال .. وزارتني بعد بالبيت ..
وللآن علاقتنا مستمره ..
أحلى إحساس تملكني في علاقتي معاها إلي سوته آخر يوم رغم إنه زعلني ..
بس ترى لم الواحد يحس إنه في شخص يحبه لهذه الدرجه .. الإحساس هذا ترى بالدنيا وما فيها ..
بعد في شئ ثاني ..
البنت هذه رغم مرور سنين على علاقتنا تحسسني إني أُختها الكبيره ..
أحياناً تحرجني لأنها تقولي كلام والله ما أحس إني أستاهله ..
تقولي رضاكِ عني هو الأهم .. إدعي لي .. لازم أفرحك فيني ..
تقولي كلام وكأني أنا أُمها .. ولم أتصل عليها ترحب وتهلل حتى ما أعرف أرد من كثر روعة كلامها ..
سُبحان الله أنا حبيتها في الله بدون شئ وما صرحت لها بس طلع بعد إحساسها تجاهي مثلي بالضبط ..
الله لا يحرمني من أُخوتها .. لأنها حسستني إني أكثر من أُخت والله ..
يمكن تستغربوا علاقتي في بعض المعلمات ..
بس والله هذه الحقيقه ..
أنا لم أحب في الله أصارح إلي أملك تجاهه هذا الشعور ..
ممكن تكون أخت لي أو .. وحده من المعارف .. يعني وحده كبيره في سِن أمي أو حتى جدتي ..
ففي معلمه بعد في المتوسطه .. معلمة رياضيات ..
وأنا عشقي هذه الماده ..
المهم كنت أنا وكل البنات نموت عليها لأنها طيبه وعسل وما في كلام يوفيها حقها ..
لم رحت للثانويه .. كان في بعد معلمة رياضيات قالت لي شئ صدمني ..
قالت لي كلاااااااام كلمة رائع قليل عليه .. قالته لها معلمتي إلي في المتوسط .. هما صديقات ترى ..
أنا أدري إنها تعزني بس الكلام إلي قالته لأستاذتي الثانيه أحرجني وقلت مو لهذه الدرجه ..
المعلمه الأولى .. أحلى إحساس تملكني تجاهها لم إتكلمت عني في غيابي لمعلمتي في الثانويه ..
لم قالت لي في يووووم إنتي بنتي ..
لم قالت لي عيووووونك حالمه ..
عيونك فيها شقاوه ..
لم كانت تجلسني بمكتبها .. وكنت أساعدها في ترتيب الأوراق ..
لم ضمتني من قلبها .. وفرحت بشوفتها بعد فتره طويله ..
للآن أكلمها .. بس أستحي أتصل عليها دائماً ..
آخر مره كلمتها في رمضان ..
كانت مكالمه طويله .. علمتني فيها كثير أشياء كعادتها ..
هي رائعه ..
لأنها تملك حُب جميع الطالبات ..
أبله نهله .. أستاذتي الراائعه
في كثير قصص لي مع المعلمات ..
أبله وفاء إلي كانت مسكينه متخيله إني عبقريه في الرياضيات ..
صح أنا شاطره بس مو عبقريه :D
المهم أحلى إحساس لم كانت تميزني ..
وكنت أعاني من تعليقات البنات .. أبله وفاء بس تحب ؟؟
أبله وفاء لم تتكلم ؟؟ الكل يسكت ..
جد أحلى إحساس لم قرأت كتاباتي وقالت لي إنتي إلي كتبتيه ..
رووووعه ..
أحلى إحساس يوم دخلت المستشفى وإتنومت فيها وجاتني أُمي وباست إيدي ..
قلت لها وقتها أنا المفروض إلي أبوس إيديك يا ماما ..
لكنها ما سمعت كلامي .. إحساس مافي أحلى منه من أحلى الأُمهات في العالم :)
أحلى إحساس يوم طلعت من المستشفى وزاروني ناس بالبيت وفي طفلين أهدوني هديه من نفسهم ..
وقالوا لي سلامات ..
أحلى إحساس لم كان خالي يتذكرني رغم سفره ودراسته في كل مناسباتي الخاصه ..
يتصل علي ويرسل لي إيميلات وكلام ولا أروع ..
والدي له مواقف معاي خلتني أبكي ..
من كثر كرم الأخلاق إلي عنده ..
يوم نجحت بجيد جداً في ثالث قال لأُمي لا تخاصميها ولا تعاتبيها ..
بنتي كانت تذاكر وإلي كنا نشوفه إنها كانت تتعب وتجد وتجتهد ..
طبعاً أمي قالت لي وأنا إحساسي وقتها ماكان يوصف ..
والموقف الثاني لم قررت عدم السفر لإحدى الأسباب مع أهلي ..
وكان والدي دائماً يسألني بتسافري ولا لأ عشان أحجز لك تذكره ..
بس أنا ما كنت موافقه وإكتشفت في آخر لحظه إنه كان حاجز تذكره لي ..
لعل وعسى أغير رأيي ..
جد لم عرفت من أمي بكيت .. وقلت الله لا يحرمني منه ..
كان عنده أمل إني أسافر وما يتركني :(
أحلى إحساس يوم غبت عن منتدى الحياه
ورجعت ولقيت موضوع مكتوب بإسمي في المنتدى وقتها بهذه الصوووره ..
إيمااااااااااااااان وكانت كاتباه أُختي حنيــــن الله لا يحرمني من أُخوتها ..
بعد يوم دخلت الماسنجر وكان نك نيمها وقتها ..
أين أنتِ يا إيمان؟؟؟
كنت داخله وطالعه بس لم شفت سؤالها دخلت وإتكلمنا كثير وقتها ..
أحلى إحساس يوم وقفت معاي غصــــون من منتدى الحياه ..
كنت زعلانه وقتها وأبكي من قهري من شئ لكنها طلبت مني إني أدخل ماسنجري بعد ما أرسلت لي عالخاص وحست من خلال إحدى المواضيع إنه فيني شئ ودخلت وكلمتها ..
تذكروا موضوع لا أدري :(
كانت حاطه مشغول عشاني أحلى شعور :D
وأعطتني رقمها وكلمتني ..
وقتها ما كنت أقدر أتصل لأني كنت ميته من البكاء والقهر ..
وإتصلت هي علي اليوم الثاني ..
وكانت دائماً تتصل رغم تقصيري ..
وغابت فتره وغبت أنا فتره ونقلت من البيت فما قدرت توصلي ثاني ..
بس رجعنا الآن وطلعت إتزوجت خلال الفتره إلي إنقطعنا فيها ..
وللآن تواصل بكل حُب ..
لا غيرتها السنين ..
ولا نسيتني ولا حتى تناستني ..
وناويه قريب تجي تزورني ..
ياااارب تجمعني فيها :)
يوم وصلتني بطاقه راااائعه من إحدى أخواتي بمناسبة إنتهاء إمتحاناتي ..
أحلى إحساس لم حسيت بوقفة رشا >>> صديقتي من منتدى ثاني
.. يوم بيوم .. إمتحان بإمتحان ..
وإن غبت 24 ساعه بس ألاقي منها إيميل .. جد هذه البنت رااااااائعه ..:)
أحلى إحساس يوم كان إبن عم الوالد الله يرحمه يعطيني شوكولاته تويكس لأنه يدري إني أموت عليها ..
دائماً كان يشتريها لي ..
كان يدرسني فرنسي لأن المدرسه إلي كنت أدرس فيها أولى إبتدائي كانوا يعلمونا فيها فرنسي ..
كان حنون علي وما أنسى حنانه أبداً ..
ولا أنسى يوم حكت لي أمي إني سويت في مقلب وعملت نفسي ميته لم كنت طفله وصدق ولم البيت كله وبس ينطق إسمي ويناديني ..
وبعدين ضحكت وإرتاح بعدها ..
كنت أتمنى يكون عنده أولاد أو بنات ..
عشان أواصلهم وأرد ولو جزء بسيط من إلي سواه لي ..
والحمدلله رغم مرور سنين الظاهر بيكون أقرب من أول ..
بتصير له مكانه أكبر ..
وراح أحكي عنه .... لأبنائي مستقبلاً أكيد ..
أحكي عن روعة إنسان مستحيل أنسى الإحساس الرائع إلي غمرني في ..
حسسني إني بنته بإختصار ..
الله يرحمه إتوفى وأنا في صف خامس إبتدائي .. لكن عمري ما نسيته من دعواتي ولا حتى في كلامي .. :(:(
أحلى إحساس يوم إِنسأل جدي من يومين مين يفضل من كل أحفاده ..
كنت متوقعه يختار أخويه إلي أصغر مني ب 6 سنين .. لأنه يموت عليه ..
بس إختارني وقال هذه أول الخير .. هذه إلي أعطت لحياتنا معنى وحلا ..
وقتها فرحت وصرخت وجريت عليه وبست راسه بقوه وإيده بعد ..
وقُلت والله يا جدو لو الله رزقني وإتوظفت ليكون ثاني راتب لي هديه لك ..
لأني واعده ماما وبابا إني أعطيهم أول رااااااتب
إلي يسمعني يقول ضمنت الوظيفه .. ههههههههههههه
في كثير أحاسيس حلوه .. مو قادره أحصيها .. ممكن بعدين أقولها ..
_ أصعب إحساس
يوم إنضربت بسبب أخويه وحركاته ..
إنضربت أنا وياه في نفس الوقت
لم أمي تزعل مني وما ترضى تكلمني .. إلا بطلعة الروح ..
يوم يعصب الوالد .. أتجنبه لم يعصب لأنه في نظري بابا الحليم إذا غضب ..
لم أحد يظن فيني ظن وما يصدقني ..
لم أحد يتكلم من وراي بكلام مو طيب .. أو يستهزأ ولم يشوفني يضحك لي ..
حبيت أقولكم بعد أصعب إحساس لأن علاقتي مع عائلتي مو كلها عسل ..
يعني البيوت أسرار .. ومستحيل الحياه كلها تكون حلوه ..
بس ما أتذكر الأشياء السلبيه .. أتذكر كل شئ حلو سووه لي ..
رغم إنهم يخاصموني لم أغلط .. وحتى ضرب إنضربت بس الضرب العادي .. مثل أي عيله بالدنيا ..
طبعاً لم كنت صغيره ..
بس الآن عقلت :D
_ خذلتني وحده كنت ألعب معاها وإحنا صغار ..
كنت أجي من الروضه على بيت جدي مع جدتي أو خالي ..
وأجلس عندهم بالمريول ويآخذني الوالد العصر البيت ..
كانت تنزل بيت جدي عشاني ونلعب مع بعض ألعاب ماالها أول من آخر ..
نلعب في المراجيح .. نلعب لعبة كانت مسميتها حريم وكل وحده تلبس عبايه وتعمل نفسها أم فلان ..
كنا نلعب كثير وبعد ما كبرنا بعدنا بسبب مشاغل الحياه ..
بعدها سمعت من ناس إنها ما تسلم على أحد ..
يعني لم يقابلوها في الأفراح أو يجوا يزورا أهلها ..
ما كنت أصدق إلى ماإتزوجت أختها ورحت الفرح ..
وصلت القاعه متأخره ولا سلمت على أحد ..
والله ما شفتها قربت على طاوله وسلمت عالناس إلي جالسين حوليها ..
قلت في نفسي خساره يا شذا ..
معقوله إلي قاعده أشوفها هذه شذا إلي كانت تعلب معاي في يوم من الأيام ..
وين كنا وكيف صرنا ..
أحلى إحساس
يوم كنت منومه في المستشفى وجاتني خالتي وحطت إيدها على راسي وكانت تقرأ قرآن ..
إحساس روعه تملكني وقتها ..
وبعد يوم كنت تعبانه ومريضه ونفسيتي زفت وما كنت ناويه أدخل إمتحان من إمتحاناتي الترم إلي راح .. حتى أهلي قالوا خلاص لا تروحي .. وجاتني خالتي عشان تغير نفسيتي وقامت تقرأ علي بعد ..
أحلى إحساس
مو أحلى إحساس إلا شعور بالإحراج .. تجاه مريومه>>> صديقه من منتدى آخر ..
وكرم أخلاقها ..
والله هذه البنت عسل .. دمها خفيف .. وطيبتها ما لها حدود ..
دائماً أتعبها وأطلب منها طلبات وهي مسكينه ترد علي وتقولي آمري تدللي ..
إتعودت على كلمة هلووو منها ..
على إيميلاتها وسؤالها ..
على خفة دمها .. ووجودها ..
جد تحرجني بأخلاقها ..
الله لا يحرمني منها ..
ويوفقها بكل حياتها
أحلى إحساس
يوم قالت لي أمي جاكِ عريس :D
أحلى إحساس
يوم كتبتي لي أُختي رساله بخط إيدها وأعطتني هي لم زارتني بالمستشفى ..
وبعد لم تحاول تراضيني بعد ما تخليني أفقد أعصابي وتجنني .. وأقولها خلاص لا تكلميني ..
وهي تزيد الموضوع بس بعدها بشوي تحاول تكلمني وتعطيني شوكولاته أو شيبس ..
ولا تعتذر .. تموت ولا تعتذر ..
متعلمه الرشوه البنت :D
أحس إنه خاطرها تراضيني بأي طريقه ولا إنها تقولي آسفه .. وبعد هذا شئ حلو :)