رأيك في علاقات النت .. ورأي عائلتك .. مُحيطك ..؟؟

[إيمان]

حابه تتكلموا عن رأيكم في علاقات النت ..

_ أهلكم يدروا بهذه العلاقات .. يعني الوالد والوالده وإخوانكم يدروا إنك تكلمي عالنت أمل ونهى وهبه .. مثلاً ..

والشباب بعد .. أهلكم يدروا إنه لكم علاقات شخصيه مع شباب ثانيين ما تعرفوهم؟






بالنسبه لي ..



لم دخلت عالم النت كنت حابه أكون صداقات من دول ثانيه ..

وإستأذنت من أُمي وشجعتني وقتها ..

وعرفت أُمي بإلي صار لي مع الشخصيه إلي خدعتني ..

وعرفت بصداقتي لحنيــــن ..

ودائماً كنت أكلمها عنها وعن البنات الثانيين ..

فتعودت عليهم .. والبعض الآخر عرفتهم من خلال إتصالهم وهي كانت ترد عليهم أوقات ..

فحفظت أسماءهم وحبتهم بعد ..

بس بعد فتره .. أصلاً أنا وقتها كنت موقفه بمزاجي بسبب الجامعه ..

قالت لي خلاص لا تتعرفي على أحد ثاني ..

وصارت تخاف من القصص إلي تسمعها ..

قلت لها وقتها حاضر يا ماما .. بس رجعت بسبب إلي سوته معاي رهوومه >> هذه وحده أعرفها من منتدى ثاني وساعدتني في الوصول لشخصيه كنت متمنيه أوصل لها ..

وبدأ مُسلسل الصداقه بس طبعاً كان جزء ثاني ..

بعدها تعرفت على كثير بنات .. بس ما كنت أكلم أمي عنهم .. يمكن كلمتها عن رهام مرتين بس ..

قمر الليالي مره بس ما بينت لها إنها صديقة نت ..

لم تسألني من وين وصلك المسج أقولها من فلانه من البحرين ..

بس بعد فتره كلمتني كلام صريح ..

وقالت لي إنتي متأكده إلي تكلميها بنت أول شئ ..

وأعطتني مُحاضره طويله ..

وقالت تخيلي لم تقابليها تطلع شخصيتها عكس إلي إنتي تشوفيه ..

تخيلي لم تشوفيها تشوفي وحده ثانيه ما عرفتيها كأنك في يوووووم ..

قلت لها بحكم تجربتي صرت أعرف أفرق ..

مع إني ما عندي ثقه كامله إني إذا شفت البنت راح تكون هي إلي في بالي ..

يعني سبحان الله .. النت والتلفون شئ .. واللقاء شئ ثاني ..

وقلت لها إنه في وحده بتزورني ورحبت وقالت حياها الله ..

وكانت من الرياض .. بس لامتني إني ما كلمتها عنها قبل كذا ..

يمكن هي متعوده على حنيـــــن وغصــــون أكثر ..

قلت لها ما حصلت فرصه ..

وبيني وبينكم لم أقولها حنيـــن تسلم عليكِ أو أقولها يا ماما كلمت حنيــن .. يا ماما أختها بتتزوج .. يعني أتكلم عن عائلتها بالتحديد .. تفرح بالعكس حتى لم قلت ممكن يجوا عندي ترى قالت والله ياريت ..

نفس الشئ غصون صارت تعرفها لأنها دائماً تكلمني من وقت لوقت .. بس الباقيين مو كثير ..

فهي شوي ترضى عن الموضوع وشوي تحذرني وتبين خوفها علي ..

وأنا عاذرتها .. وأدري إنه إلي تقوله صح ..

ولو كنت في محلها كنت راح أسوي نفس إلي بتسوي إن ما كان أكثر .. بس بطريقه ثانيه ..

بس أمي ماشاء الله عليها عكسي ..

أنا عاطفيه .. وأثق بسرعه .. وإن حبيت راحت علي ..

بس أمي لأ .. ما تثق بسرعه .. ولا عمرها تقول أسرارها لأحد ..

يمكن أنا لأني بنتها تكلمني أحياناً وتحسسني إني كبيره والله ..

وحتى صديقاتي في الواقع ما تثق بسرعه ..

أنابس أعمل دعايه لفلانه ..

يا ماما والله البنت كويسه .. وأخلاق .. يا ماما والله عيله محترمه .. إلخ ..

ما تقتنع بكلامي إلا إذا شافت موقف .. ساعتها أفرح أنا ..

في صديقه متعرفه عليها من سنتين بس وكنت أسوي لها دعايه عند أمي ..

بس ما كانت متحمسه لها كثير ..

أيام إمتحاناتي إتأخرت بالإمتحان وهي طلعت بدري وتتصل على جوالي تلاقيه مسكر ..

وقلقت البنت تقولي وينك .. خفت عليكِ ..

المكالمه صارت قدام أمي .. حتى قالت لي نغم تصدقي أمي لم شافتني قالت ليش قلقانه أكيد على إيمان.. قالت لها إي .. قالت أمها الله يوفقها ويسهل عليها الإمتحان ..

فلم شافت أمي قلق صديقتي ساعتها إقتنعت فيها وقالت ترى نغم طلعت أصيله

وحبتها بعدها ..


فهي ما تقتنع إلا لم تشوف شئ يثبت معزة البنت لي .. مو مثلي تنخدع بسهوله ..


وأنا والله فرحت بعدها قلت أخيراً يا ماما رضيتي على نغم .. ..


صارت تقولي الصداقه مواقف ..


الوالد يدري من بعيد لبعيد .. يدري بكل شئ بس ما يعلق كثير ..

يعني أول يدري لم تتصل وحده عالبيت من البحرين أو الإمارات ..

يدري حتى إني أكلم ؟؟؟ .. أعتقد إنه يدري ..

لأني أول لم كنت أكلمها كنت أكلمها من جواله ..

بس أمي هي إلي تحذرني أكثر وتنبهني دائماً ..


خيلاني واحد منهم يعرف وراضي عن الموضوع ويمكن هو مثلي بعد له علاقات نتيه وأنا أعرف إلي يعرفهم ..

بس دائماً يقولي لا تقولي إسمك الحقيقي .. قالي بعد ما كل إلي أعرفهم عرفوا إسمي http://www.bahaa-alkafy.net/vb/images/smilies/biggrin.gif

خالي الثاني يدري بس حذرني وقالي خذي من النت كل شئ ولا تعطي أي شئ ..

وخالي الكبير مستحيل أقوله .. أصلاً عملي قضيه لم سويت إيميل بإسمي أول ..

خالتي تدري .. وعادي أكلمها عن البنات ..

صديقاتي بعضهم يدروا .. ودائماً أكلمهم عن فلانه وفلانه ..


علاقات النت حلوه ..

بس أصعب شئ فيها لم الواحد يٌصدم في شخص أعطاه حُسن النيه ..

الحُب ..

إئتمنه .. ووثق فيه ..

وبتصرف تافه هدم كل العلاقه الحلوه .. أو كان للأسف مُنافق .. يعني يقول شئ ..

بس عالواقع شئ ثاني ..


هذه الكلمات لبعض من عرفتهم عن طريق النت ..

كنت كاتبه عن أحبتي في الحياه ..

بس كتبته في موضوعي عن الأعضاء ...

والآن بأكتب عن أشخاص ليس لهم علاقه بالحياه ..







هدوي الغاليه ..



بالبدايه ما كنت أتصور بعد أول مُحادثه إنه صداقتنا تستمر ..

بس بالعكس كنت مهتمه في صداقتنا .. طيبتك مالها حدود ..

طيبتك زياده عن اللزوم ..

تتحملي أي شئ ..

وتعطي كل شئ ..

ويمكن عشان نيتك الصافيه وقلبك الأبيض الله أراد إنه علاقتي فيكِ تتطور إلى الإتصال والأبعد من الإتصال ..

ماراح ألاقي طيبه مثل طيبتك ..

ولا راح ألاقي أحد يهتم فيني ويهديني صور لين مثلك ..

ماراح أتنازل عنك ..

لأنك تستاهلي إنه الواحد يتمسك بصداقتك ..

مشكوره على كل شئ .. وأدري إني مقصره في حقك ..

بس الله العالم بمكانتك في قلبي ..









أميرتي




يوم إتعرفنا على بعض ما كنت أحس إني أحبك ..

يمكن لأنه بداية حوارنا ما كانت بعد إنسجام من خلال المواضيع ..

فجأه دخلتي حياتي .. وطلبتي إيميلي وأنا ما شفتك إلا مره وحده بالمنتدى ..

رغم السبعه سنين إلي بينا ..

بس مع الأيام حبيتك ..

كل يوم يمر كنت فيه أعزك أكثر من إلي قبله ..

إنتي أُختي الكبيره إلي دائماً تتمنى لي عدد كبير من الأولادhttp://www.bahaa-alkafy.net/vb/images/smilies/biggrin.gif

جد أعزك وأحب بناتك من كثر ما تكلميني عنهم ..

دموعك غاليه علي ..

ويكفيني إنه كلماتي أثرت فيكِ يوم أرسلت لك إنتي والبنات إيميل خاص وقتها ..

كانت صداقتنا بعدها بالبدايه بس إنتي حسيتي بكل كلمه قلتها لكِ ..

الله لا يحرمني منك ويخليكِ لي يااااااااارب ..







نغم .. هذه غير صديقة دراستي .. إسمها بالمنتدى نغم ..


إنتي أُختي الصغيره ..

سبحان ربي الإنسجام إلي كان بينا من خلال المواضيع مستحيل أنساه ..

سبحان الله نتشابه في بعض الهوايات .. وحتى بالأفكار ..

دائماً كلامك مُفرح وعسل ..

وتشجعيني وتساعديني إني أوصل للي أتمناه ..

خساره الله ما أراد تجي تزورني .. بسبب الوفاه إلي حصلت لولد عمك ..

بس صدقيني خيرها في غيرها ..

وعُمري ماراح أنسى كلامك .. ولا راح أنسى الإحساس إلي حسيت في وأنا أكلمك ..

يعني إنتي من القلائل إلي شخصيتهم عالماسنجر هي نفسها عالتلفون .. نفس المصطلحات تقوليها ..

وخلال هذه اليومين وإنتي في جده ومكه لم كنتي تكلميني وتقولي لي يا حُبي لكِ .. جد أفرح وأقول حليلها دائماً تقولها لي عالماسنجر .. وبعد في التلفون ..

أحلى شئ فيكِ إنك مثل الزهره ما في أحلى من رائحتها ..

إلتزامك بدينك .. وإهتمامك بحفظ القرآن .. شئ رائع ..

شخصيتك ماشاء الله عليكِ ما في أروع منها ..

الله يوفقك في الجامعه ويجمعنا ثاني وتجي في حفلة تخرجي بإذن الله ..

الله لا يحرمني منك أبداً http://www.bahaa-alkafy.net/vb/images/smilies/smile.gif






مريومتي


قلتلك أول لو بإيدي لأسمي العسل بإسمك ..

طيبتك وقلبك الصافي وكلامك .. ما في أحلى منهم ..

دمك خفيف بشكل مو طبيعي ..

تضحكيني بدون ما تحسي ..

مريوم .. قلتلك آسفه على شئ أول .. وإنتي قلتي لي ترى ما غلطتي ..

قلتلك آسفه لأني خفت على إحساسك .. وإحساسك يهمني ..

الله يوفقك ولا يحرمني منك ياااااااارب ..

أعرف مريومتين أموت عليهم .. إنتي وصديقتي إلي أعرفها من ثاني إبتدائي ..

وأدري إنه عندك صديقه إسمها نفس إسمي .. ما أدري للآن صديقتك ولا لأhttp://www.bahaa-alkafy.net/vb/images/smilies/biggrin.gif






نجد


المحبه من الله ..

ويوم قلتي لي حبيتك من خلال ردودك فرحت ..

ويشرفني إني أكون أُخت لكِ ..

الله العالم إنك دخلتي قلبي ..

وإني أعزك أُختي ..

البطاقه إلي صممتيها بنفسك شئ أعتز في ..

وأحلى تهنئه من القلب وصلتني بصُنع اليد http://www.bahaa-alkafy.net/vb/images/smilies/smile.gif

الله لا يحرمني منك .. ويخليكِ لي ويااااارب تتوفقي بكل حياتك يا أحلى نجوده بالدنيا http://www.bahaa-alkafy.net/vb/images/smilies/smile.gif








رشا







هذه إلي فتحت لي قلبها من قبل لا تعرفني ..

قالت لي أنا أُختك .. الدنيا ما تستاهل ..

شجعتني بكلاااااااام رفع لي معنوياتي ..

خلتني أضحك في وقت نسيت الضحكه في ..

فرحت قلبي بتعليقاتها على موضوع خاص فيني ..

كل إلي دار بينا من مواضيع ونقاشات .. كنت أستفيد من الكلام إلي تقوله لي ..

تقول حِكم وهي ما تدري ..

ترسم الإبتسامه ويمكن ما تكون قادره تبتسم ..

توقف مع الواحد وهي بحاجه إنه أحد يوقف معاها ..

رشا ..

ماراح أنسى كل إلي سويتيه ..

لأنك بإختصار دخلتي الفرحه لقلب إيمان ..

شجعتيها بعز ألمها وتعبها ..

وقفت معاها وقفة أُخت ..

وفرجتي عنها همها بعدالله ..

الله يوفقك ويارب يحفظك من كل شر وأشوفك من أحسن الناس يا رشا:)




المُشاكس







أحلى إحساس


يوم قالي عضو إسمه المُشاكس في إحدى المنتديات بعد ما طلب إيميلي ..

وإعتذرت ..

رد علي بكلام رااااائع حتى كنت بأحتفظ في ..

من ضمن كلامه ..

مافي داعي تعتذري على شئ صح ..

ترى والله كبرتي في عيني:)

ما أنسى رسالتك الخاصه إلي فرحتني وحسستني بقيمتي أخي الكريم ..

عاملتني كأُخت ورفعت معنوياتي بكلمه مستحيل أنساها ..

الله يوفقك يااااااااارب ويسعدك دنيا وآخره ..










كيوت آنجل





وحشتيني http://www.bahaa-alkafy.net/vb/images/smilies/smile.gif

أدري إني بعدت ..

بس أكيد بأرجع ونتلاقى ..





بنت البحرين





كل ما أذكر ذاك اليوووووم لم كنتي بتنامي وظليتي صاحيه عشاني ..

مستحيل أنسى لعبنا وضحكنا في ألعاب المنتدى ..

مستحيل أنسى الذكريات إلي جمعتنا الصيفيه إلي راحت ..

ما أدري تزوجتي ولا لأ ..

بس الله يوفقك حبيبتي وراجعه بإذن الله وماراح أغيب بعد اليوم أكيد ..






رهام


تدري .. بعد منتدى الحياه إعتزلت النت لفتره ..

وبيني وبينك ضاع إيميلي أو بالأصح فقدت كلمة السِر الخاصه فيني وكل إيميلات إلي أعرفهم راحت ..

بعدها سويت لي إيميل جديد وإشتركت بمنتدى ؟؟ ..

قبلها بفتره كنت منقطعه عن النت وعن علاقاته ..

حتى كنت عامله حد وأُمي قالت لي خلاص لا تتعرفي على أحد ..

وقتها قلت لها إن شاء الله وأنا أعنيها فعلاً ..

بس لم دخلت منتدى ؟ .. وشفت إلي سويتيه معاي ..

ما قدرت أرفض طلبك لم طلبتي إيميلي ..

وقتها كنتي أول وحده أبدأ معاها قصة صداقه بعد فترة إنقطاع ..

سبحان الله .. دخلتي قلبي ..

وإنتي من النوع إلي يدخل القلب .. يعني أحياناً بمزح أقول البنت هذه ساحرتني http://www.bahaa-alkafy.net/vb/images/smilies/biggrin.gif

عشان كذا أنا أحبها مووووت ..

حبيتك لدرجة إني صرت أحس إنك أُختي والله ..

قلقت عليكِ وخفت من أشياء إنتي تعرفيها ..

حتى أحلامي جيتي فيها ..

تذكري لم غبت وشفتك في حلمي .. يتعلق بالموضوع ذاك ..

يمكن كان تفسير للي صار لك بعدها ..

يارب تكون كل أيامك أفـــــراح ..

كل أيامك سعاده ..

قلتلك في رساله طويله ..

مهما صار وإذاحصل وإنقطعنا ..

أُمنياتي لكِ ما بتتغير ..

فرحتي بتكون كبيره لم تتزوجي ..

ولم تنجبي أول بيبي ..

قلبي معاكِ في أفراحك وأحزانك ..

قلبي معاكِ لو مرت سنين وكبرتي ..

ونسيتي إسمي ..

ونسيتي مين أكون ..

إنتي أُختي ..

ولو ما أحمل لك كل المشاعر الحلوه .. ما كان .... تعرفي الباقي ..

تدري إيش المشكله بالضبط ..

إني أحبك مثل أختي أفنـان .. مهما سوت فيني أحبها ..

بس الفرق إنك مو من لحمي ودمي ..

الله يوفقك يا رهوووووووووم ..

ولا يحرمني من أُخوتك ..

ويارب أيامك كلها تكون مُفرحه وحلوه ..

وتذكري .. إيمان.. ما تنسى ..

ولا يتغير شعورها إلا في حاله وحده ..

يعني لو إتزوجت وصرت جدّه وما أدري عنك شئ ..

تأكدي إني مستحيل أكون نسيتك ..

تأكدي من هالشئhttp://www.bahaa-alkafy.net/vb/images/smilies/smile.gif



يالله كل عضو وعضوه يتكلم عن علاقات النت ورأيه فيها ..

تعامله معاها ؟

الأهل .. ؟

إلي حاب يتكلم عن أشخاص عرفهم عن طريق النت يتكلم عنهم ..


بإختصار شاركوني http://www.bahaa-alkafy.net/vb/images/smilies/smile.gif

ترى أنا شبه غايبه بس قاعده أحاول أكتب مواضيع ..

لأن الدرر صار بيتي .. ولازم أدخل عليه ..

لازم http://www.bahaa-alkafy.net/vb/images/smilies/smile.gifhttp://www.bahaa-alkafy.net/vb/images/smilies/smile.gif