الذيب4650
20-06-2006, 09:30 PM
يقولون طنش يابـن عوض لجـل تعيـش تجاهـل زمانـك والهواجيـس طنشـهـا
وانا ودي اني سالي القلب واعطـي ويـش واريـح ضميـري مـن همـوم يعايشهـا
لكـن لابغيـت اسـج واحـاول التطنيـش صـدف للجـروح الخافيـه مايناغشـهـا
طواري ليا جتنـي مثـل مركـز التفتيـش ماتتـرك بقلـبـي حـاجـة ماتفتشـهـا
فلانيـب انقـش حاجـة مالهـا تنقيـش ولا ابعث عظـام اهـل المقابـر وانبشهـا
ولاابي راعي النمات والـزور والتحريـش يشـب الفتـن بيـن الخلايـق ويبلشهـا
فلا يازمـان الغطرسـة والمظاهـر ليـش تساوي حقـوق اسيادهـا مـع دراوشهـا
تنزل مقام اهـل الوفـا والكـرم والجيـش وترفـع مقـام اللـي تربـط جحايشـهـا
عذاب علـى الـذره ليانبـت فيهـا ريـش تنـاوش لعـسـرات بعـيـد مناوشـهـا
من اول تدور لقمـة العيـش والتحويـش و فتنها ضعايف ريشهـا عـن معاوشهـا
فبيوت الردى حتى ايش لو طولت حتى ايش ولو زخرفوهـا واعتنـوا فـي مفارشهـا
ولو نقشـوا جدرانهـا بالذهـب تنقيـش تسكـر مداخلـهـا وتغـلـق درايشـهـا
ولااحد تمتـع فـي كنفهـا بلقمـة عيـش تـدور السنـه ماطبـهـا الا خشايشـهـا
وانا ودي اني سالي القلب واعطـي ويـش واريـح ضميـري مـن همـوم يعايشهـا
لكـن لابغيـت اسـج واحـاول التطنيـش صـدف للجـروح الخافيـه مايناغشـهـا
طواري ليا جتنـي مثـل مركـز التفتيـش ماتتـرك بقلـبـي حـاجـة ماتفتشـهـا
فلانيـب انقـش حاجـة مالهـا تنقيـش ولا ابعث عظـام اهـل المقابـر وانبشهـا
ولاابي راعي النمات والـزور والتحريـش يشـب الفتـن بيـن الخلايـق ويبلشهـا
فلا يازمـان الغطرسـة والمظاهـر ليـش تساوي حقـوق اسيادهـا مـع دراوشهـا
تنزل مقام اهـل الوفـا والكـرم والجيـش وترفـع مقـام اللـي تربـط جحايشـهـا
عذاب علـى الـذره ليانبـت فيهـا ريـش تنـاوش لعـسـرات بعـيـد مناوشـهـا
من اول تدور لقمـة العيـش والتحويـش و فتنها ضعايف ريشهـا عـن معاوشهـا
فبيوت الردى حتى ايش لو طولت حتى ايش ولو زخرفوهـا واعتنـوا فـي مفارشهـا
ولو نقشـوا جدرانهـا بالذهـب تنقيـش تسكـر مداخلـهـا وتغـلـق درايشـهـا
ولااحد تمتـع فـي كنفهـا بلقمـة عيـش تـدور السنـه ماطبـهـا الا خشايشـهـا