__ (( شنطتك ـ وش فيها ؟؟؟ )) __ [الأرشيف]

مشاهدة النسخة كاملة : __ (( شنطتك ـ وش فيها ؟؟؟ )) __

zadi

06-06-2006, 10:53 AM

________________________

السلام عليكم ورحمة الله وبركاته ,,,

في برنامج إذاعي عجبتني فكرته يدور حول مذيع يقابل أي شخص ويسأله عن محتويات شنطته ( محفظته ) إللي في جيبه ,,,

إشتغل ( عرق اللقافة ) فيني :180: , وحبيت أنقل الفكرة عليكم ونشوف كل واحد ويش ( حاط ) في ( مخباته ) محفظته .

راح أبدأ أنا أول واحد ,,, :181:

طبعاً محفظتي هي حبيبتي وصديقتي وأقرب من عيالي لي !!!! :142: لييييييييييييه ؟؟؟

OK في أول الشهر تخليني ( أكشخ ) وأطلعها في كل محل !!! في السوق أو السوبر ماركت أو في أي مكان يحتاج لـ ( الصرف ) ,,, :141:
هي تبقى على ذا الحال مابين خروج ودخول ( للمخباة ) لمدة تزيد أو تقل شوي عن 20 يوم ,,, :220:
بعد كذا , تدخل في ( بيات ) شتوي إليم أول الشهر الجاي . :249:
خلاص , على قول ( كوكب الشرق ) الفنانة الملتزمة جداً ( نجلا ) بححححححح !!! |17|

وتتمتع أثناء هذي الفترة بكافة المميزات :256: نايمة في العسل ( الجيب ) وتتنقل معي من ثوب لثوب ( أحلى سياحة ) وتلاقيها على طول في البيت فوق التسريحة ( تشمشم ) في العطور وتتطلع في ( خِلقتها ) في المرايا وتستمتع بالمكيف وكنها ( قنفذ قطبي ) !!! :257:

بسم الله

فتحنا الشنطة

ـ صور الأولاد ( أموت فيهم ) . |238|

ـ بطاقة الأحوال المدنية . ( أتمسك بدون بطاقة ,,, مشكلة ) :260:

ـ رخصة القيادة ( باقيلها شهرين وتنتهي , أكتشفتها اليوم بالصدفة وأنا بكتب الموضوع )

ـ صور شمسية لي ( سخصياً ) :130: بعض الأحيان أحتاجها . ولاحد يسأل ليه !!!

ـ حبيب ألبي كرت البنك ( الصراف ) هذا إللي بيني وبينه مودة لثلثين الشهر وبعد كدا ( يديني ) ظهره وماكن بيننا عشرة وعيش وملح ؟؟؟ ( أليل ترباية ) :220:

ـ بطاقة العمل ( وهذي بيني وبينها الرسميات فقط لاغير ) . :260:

ـ بطاقة التأمين الطبي ( أحس إني شايل المستشفى معي وين مارحت ) :132:

ـ ألـبيزنيس كارد لزوم الرسميات في العمل .

ـ حبتين بنادول ( إكسترا ) لزوم صداع الموظفين وبعض العملاء ( الغثيثين ) :142:

ـ القرنقش ,,, وهذا بيت القصيد وسطوحه كمان ,,, :231:
فلسفتي مع ( القرنقش ) يمكن تكون غريبة شوي , أنا من النوع إللي يدي ( فِرطة ) ومركب لها ( مُنخل ) ,,, :130:
يعني من يوم تكون في ( محفظتي ) فلوس تلاقيني أقعد أفكر وأتفنن كيف أصرفها ,,,
لذلك وصلت لطريقة حلوة :181:
مايزيد المبلغ في الشنطة عن 100 ريال :142:
كذا خلاص أعرف إن هذا المبلغ حق البنزين والبقالة القريبة ,,, :256:
إذا أحتجت أكثر أمر على الأخ ( أبو صراف ) أي مكينة بنك وأسحب .

خلاص وصلنا لخط النهاية ,,, |237|

هاتوا ماعندكم ,,,

وعلى فكرة , هذا الموضوع مو بس ينطبق على الشباب , كمان على ( الحريم ) :220: يعني أتوقع بنشوف بلاووووووووي ( متلتلة ) :257: في شناطهم .

باييييييييي

أبو دجانه

06-06-2006, 11:37 AM

هلا والله بالاخ زادي

.

.

.

.

بالنسبة للمحفظة....:206:

.

.

بحكم اني طالب مدرسه

.

.

.

كل يوم الصبح فيها 10 ريال

مايجي الظهر الا والعشرة هفف طارت:212:

وبعض كروت المستشفيات

وكروت الخصومات:drr05_19:

عقبال الفيزا:drr05_02: ......آدر ياكريم

وشكرا عالموضوع الانتيكة دا:drr05_98:

أبو دجانه :255: .......

نبضة الخير

06-06-2006, 12:39 PM

موضوع لزوز من صبح |467|
*
شنطة للمعهد مليان اوراق ومستندات فواتير الدفع وجوالي
ماحمل فلوس خير شر
المحفظة مخبيتها في دولاب اخاف اشيلها تنسرق :333: >>>قالك مليانة ههه
والمحفظة بداخلها صورة جماعية للاعبين الهلال مصغرة
ولكن العادة شغلات البنوتات مكياج ومراية ضرورية وعطر لزوم الكشخة
وشوية حلويات حامضة مشان اعمل مقالب |467|
وبس.
*
يسلموا لموضوعك ...ويعطيك الف عافية

عابده لله

06-06-2006, 05:16 PM

مســاك الله بالخير خوي زادري ..

طبعــاً خلاص انتهــت الإختبارات وراق بالك :209:
ربي يديم عليك السعــادة وراحـة البال ..

آمــيــن

شوف أنــا محفظتــي فيهـا بلاوي :132:
والإ شنطتــــي يــا سلام تحفــه وعبارة عن خرج
بــه كل ما يخطــر على بالك :268:

خلينــا بالمحفظــه هي اللي عليهــا الكــلام :142:

طبــعاً كروت حدث ولااااااااااا حرج ..
شي من نجار لـ سباك لـ كهربائي ويا قلبي لا تحــزن :268:
وأهــم شيء فيهــا صــورة يوســف وجودي
وصــورة أبوي حبيبــي اللي لو أموت ما أشيلهــا ..

وطبعــاً ريسفيــد الصرافات بالكوم وأوراق مالها أول من آخـر :225:
وطبــعاً القرنقش ( حلوة مرة سمعتها من مره عيوز
ومتربنــه براسي ) :D

يوم يكون فيها مــاشاء الله ..
ويومن ثانــي الله لا يوريك :301:
أطُــرْ وراء الخمس ريــال |198|

وعــاد بشيلها دوم معتبرة والإ غيــر معتبرة :cool:
أصلاً هــي رفيقة شنطتي وين مـا أروح وويلي
لو بدلت شنطــة وصدف طلعت اشتري شيء :141:

بس الحــق دوم مثقله الشنطه ..
مهوب من القروش الإ من كثرة الأوراق المال امها داعـي :drr05_54:
شنسوي هــذا حــال الدنــيا ..

يوم لك وميه عليك :158:

تسلم والله ..
موضوع لطيف ظريف وخرجني شوي من
المود الزفت اللي أنــا فيه :221:

مهــي خلصـت الاختبارات |593|

.
.

عابده

ألنشمي

06-06-2006, 10:51 PM

000

00

0

وعليكم السلام ورحمة الله وبركاته

000يسعد مساؤك بكل خير وبركة00اخي زادي

،

000تدري 000 انا لا احمل محفظة 000 تصدق000

000وبكذا 000 مرتاح 00

0000السبب 000 كل يوم اسمع عن سرقة المحفظة 00

000

00

0

وفقك الله

0

0

0

تحياتي

Petals

07-06-2006, 12:54 AM

دفتر صغير وأحيانا اتنين وحاليا التالت واحد صغيييييير جدا وقلم!... شي أساسي..

عدساتي <--- نظر بس ملونة :152:

نظارة <---- بدت تذوب!

لبــــــان حضري أو لامي أو إيش ما يتسمى

جوالي، خاتم، الإقامة <-- أبويا جابرني عليها

مفتاح دولابي الخطير جدا :221:

روج

ومناديل

( نسيت العطر والمشط :152: المهم الأشياء النسوية المعروفة )

و موني لو فيه

وما أظن إني من عشاق الصور، الله يخلي الجوالات

أبغى أشيل فيها كتبي، خصوصا لمن أبيت برا لأيام!

كيف؟

طبعا لمن أجيب الآي ميت <--- أدعولي

زادي، والله إنك رااااااااااااااااااااايق

DANiA

07-06-2006, 02:17 AM

ياحليها شنطتي..:)...

سار فقرانه من كل شي..

بس أحط فيها المحفظة والجوال ومناديل..

بالنسبه للمحفظة..

اول شي فيها بطاقة الجامعه اللهم لا حسد عالصورة..:)..وبطاقة الخطوط وبطاقة صراف سامبا وصراف مكافأة..وبطاقة جرير..:)..<<مالو داعي..

واذا فتحت قسم الفلووس مابتلاقي ولا شي..

لأني بصرف من البطاقة..<<:)

وبس..

أما شنطة الجامعه كل مايتمناه المرء..على الفاضي والمليان ...:)..
مكياج وعطر وكتب ودفتر واقلام ...وكل دا مااستعملهم..

:)..

طائر الدرر

07-06-2006, 02:59 AM

بالنسبة للشنطة عندي فيها التالي

عفريتــــه + كفر استبنـــه + مفك مربع + فرشة ومخدة :drr05_44:

نسمة رضا

07-06-2006, 10:21 AM

يسعد صباحكم ..
موضوعــ خطيرررر..
حبيت اشارك فيهـ واقــول شنو بمحفظتي ..

قلم...
نظارة شمس...
مرطب شفايف...( لان الوالده مانعتني من الروج والمكياج تقول اني بعدني صغيره )
دهن عود...
جوااالي ماينزل منها ( فرحااانه طلعولي جوال )..

zadi

07-06-2006, 12:26 PM

____________________

السلام عليكم ورحمة الله وبركاته ,,,

حيالله ( اليميع ) >>>>> متسلفها من عابدة :142: قرضة حسنة

ــــــــــــــــــــــــ

أبو دجانة

والله ذكرتني بأيام الدراسة ,,, الله قد إيش كانت حلووووووووة
|17|

تحمد ربك , كان مصروفي في المتوسط 5 ريال منها ريلين عيش :249:

ذكرتني بأيام قارورة البيبسي يوم واحد يشتريها وتلاقي حوله نفرين كل واحد يقول ( بقيلي ) ويحدد بأصبعه على القارورة وهذاك قاعد يشرب إليما تجيه شرقة وهذول في رقبته :220:
بصراحة حالتك صعبة يا أبو دجانة ,,, طب ليه كروت الخصم والحال ألله أعلم بيه :180:
لاتزعل مني حبيبي بأمزح معاك ,,, الله يشدك بالتوفيق وتتخرج وتمسك وظيفة و ( تكشخ ) بالمحفظة في كل مكان وتصير هالأيام حكاية ,,,
_______________

نبضة ,,,
شكلك ( عشانا عليك يارب ) :220:
يعني إللي يدور عندك على عشرين تلاتين ريال تدخليه في متاهة ( والله الفلوس في الدولاب والدولاب في البيت والبيت يبغاله مفتاح والمفتاح عند أمي وأمي نايمة عند خالتي وخالتي خرجت مع ولدها السوق والسوق في مكة و و و و و ) :142: حلووووووووووووووة وملعووووووووووووبة يانبضة :181:

تشكرات نبووووضة
____________________

هلا والله براعية ( البل ) هلا ببنت الخليج :181: حيالله أم يوسف

أكيد مرووووق ,,, بس برضه في قلق , لسه النتائج ماطلعت ,,,

قعدت اضحك على كلمة ( خُرج ) بغيت أحطها في الموضوع من أول بس قلت أكيد مافي أحد يفهمها لأن ذي الكلمة يبيلها واحد ( مغبر ) عشان يفهمها على طووول ,,, :142:

بس واضح إن شنطتك أم الخمس ( نجوم ) أقصد الخمس ريال كافية ووافية وبها كل متطلبات اللحظة ,,, يعني إنسد ( بزبوز ) فيه سباك إحترقت لمبة فيه كهربجي :181: ( إتصل ,,, نصل ) :220:

يعطيك العافية عبودة ,,, والله إني ( فرفشت ) على شنطتك هذي ,,, متخيلك ووراك هندي مستأجرته يشيل الشنطة من حملها الثقيل :219:

مشكورة ياعابدة ,,,

______________________

حيالله أبو أيمن ,,, وصباحك ورد

كيف بتنسرق منك الشنطة وهي بالجيب يا أبو أيمن ؟؟؟

أخاف تكون خايف من العين ؟؟؟

ترانا مانحسد ,,, بس نُقررررررررررر شوي :231:

مشكور أبو أيمن ,,, تحياتي ,,,

________________________

بيتالسووووووووووووووو

هلاوين :257:

طيب كله مفهوم ,,, عدا يكون فيه خاتم بالشنطة !!! :169: طب ليييييييييييييه ؟؟؟؟؟
وهل هو أساسي في الشنطة ؟؟؟؟؟؟ ( إشتغلت اللقافة ) :180:

_________________________

المتألقة ,,,

بجد إنتي يبيلك واحد حرامي محترف يمشي وراك إليما يلاقي الفرصة و ( ينتش ) هالبطاقات :142:
شكلك يابنت ( مورقة ) :130:
إيش كل هالبطاقات وتقولين فقرانة من كل شي ؟؟؟
عاد كيف الحال لو إنها فيها فلوووووووووس ؟؟؟

مشكورة يامتألقة ,,,
_________________

طائر الدرر

صباحك لستك مقاس 14 :181:

ياحبيب أنا أقول ويش في شنطتك , ما أقول ويش هي مهنتك :220:

المهنة عرفنا ( بنشري ) أو ( عجلاتي ) بعد التطوير :260:

لكن المطلوب ويش في الشنطة حقت الجيب إللي في الثوب أو في البنطلون إللي يوم تروح تشتري بيبسي تخرجها وتاخذ ريال منها إللي إنت ملفلفها بحبل عشان لاتطيح منها ( القرنقشات ) :142: ورابطها بدبوس في الجيب ,,,
شغلة طويلة عريضة يوم تبي تخرج منها فلوس
هذي المقصودة ,,,

مشكور حبيب ألبي ,,,

إلا قولي ,,, وين المحل حقك ذا ؟؟؟ :205:

_______________________

د.الفجر

07-06-2006, 01:30 PM

السلام عليكم ورحمة الله وبركاته ومغفرته وطيب صلواته..

zadi..
حمـــــــــــــــــــــاس محبط..
إنك تركز على الشنطة وبالذات"المحفظة",,

انا..
محتويات الشنطة:
مناديل
مرطب فازلين
هولز"أحمر أو أزرق" ..ضروري!
سبحة
ورقة الأذكار"صباح ومساء"
ودفتر قد اليد يفكرني بالأشياء اللي ناسيتها withقلم أسودuni-ball
والهامور الكبير"المحفظة"
1.أول ماتفتحها تلاقي صورة العيلة الكريمة الله يخليلي نور عيوني..
وعلى الجنب صورتي وصورة توأم روحي صاحبتي"البيداء"..
2.وعلى اليسار جيب الكروت
ماستر كارد+بطاقة الاحوال+تأمين علاج+كرنيه الجامعة+وي كرت بابا..عشان أرقامو
المحفظة كبيرة ودبة ومليانة
ومن ورا جيب العملات "صرافة" سعودي على دولار على مصري,,
وجيب صغير فيلو خواتمي الي يوم انسا البس خواتم ألاقيهم الإتنين "احتياط"!!
:)
لكن مليانة صور...
والجيب التاني فيها هولز مكسر..عشان لمن انسى اللي في الشنطة يكون فيه في المحفظة..
هيا كبيرة بس أول شي ماتشيلو الفلوس..بس شكلها بدات تسرب كتير!!

.
.
صح كلامك زادي 100 جنيه بس في المحفظة ..غير كدة ما اكتر...عشان يدي تاكلني لو شافت فلوس في المحفظة ماانصرفت..
يارب يرزقني ويرزقكم

شكرا زادي..على الموضوع اللزيز
ملاحظة:بيتالز توقيعك جدا راقي..أعجبني |238|

Petals

07-06-2006, 02:01 PM

<<بيتالسووووووووووووووو

هلاوين

طيب كله مفهوم ,,, عدا يكون فيه خاتم بالشنطة !!! طب ليييييييييييييه ؟؟؟؟؟
وهل هو أساسي في الشنطة ؟؟؟؟؟؟ ( إشتغلت اللقافة ) >>

زي الروج :152:

يا ابني انت سألت إيش في الشنطة والبارح فتحت شنطتي ولقيت فيه خاتم من أيام جدتي، بالعادة لمن نخرج من عند أحد نشيل الأشياء ثقيلة الدم والمزعجة واقرب مكان ليها الشنطة وساعات ماتخرج :221:

مرة شلت شنطة سبورت للحرم، أبويا عجبتو الشغلة، يشيل من عندو ويقول حطيها عندك، قلتلو صارت زي القنبلة!

قاللي أحد يقول قنبلة في الأيام دي وفي الحرم!

ملكة البحار

08-06-2006, 12:39 PM

هلللللللللللو زادي

جالسة أقر شنط البنات يمكن أفتكر حاجة منهم احطها في شنطتي
دايماً اشيل معايا اقل شئ ثلاث شنط
شنطة وبعدين جوتها شنطة صغيرة ومحفظة ...

-ملفات + اوراق
- اقلام
- كتيب صغير -NLP
- كتاب متوسط قصة
- برشور ادعية واذكار
- كلونيا
- كريم
- انتي بكتريا
- مرطب روج
-كحل
- مناديل
- فلاش ميموري
- لبان
- حلاوة
- محفظة مليانه بطاقات و فلوس وبعض الفوتشر..

تقريبا هذا كل شئ ..

Petals

08-06-2006, 01:18 PM

ألنشمي

08-06-2006, 03:27 PM

000

00

0

000 اخوي زادي 000مساؤك عسل ياعسل ( من حق الديرة ) يعني مش مضروب

000

حيالله أبو أيمن ,,, وصباحك ورد

وحياك يالغالي

كيف بتنسرق منك الشنطة وهي بالجيب يا أبو أيمن ؟؟؟

000 كثر النشل والسرقه 000اسأل سوق الجملة 000سوق الصواريخ 000واسواق اخرى 000 ياااااه وبعد عند بيت الله الي مايخافون الله 000المهم تركت حملها من اكثر من عشر سنوات 000زي مايقولو (ماتلزمنيش)

أخاف تكون خايف من العين ؟؟؟

000 العين حق 000

ترانا مانحسد ,,, بس نُقررررررررررر شوي

00عاد لو جات عليكم 000ماكو خوف000

مشكور أبو أيمن ,,, تحياتي ,,,

ومشكور اخوي زادي

0

0

0

حفظك الله

0

0

0

تحياتي

BackShadow

08-06-2006, 04:28 PM

اهلين زادي

يا اخي انت تبغاني ادعي ان السنة كلها تمشي هدوء بالنسبة لكم علشان نشوفك منور :D

بالنسبة لي ما احب ابد اشيل المحفظة في جيبي ولا مفاتيحي
احس انها تثقل الجيب

لكن بالتأكيد بتكون في مكان قريب مني وفيها ما يلي :

* بطاقة الصراف
* بطاقة خصم من مكتبة جرير <---- لم تستخدم من سنتين
* بطاقة غواص متقدم :D
* بطاقة تأمين الرخصة ( منتهية لها ثلاث سنوات )
* بطاقة الفرسان الخاصة بالخطوط السعودية
* كروت شخصية
* نص ريال <----- لا تسألني ليش .. له ست سنوات معي
* صورتي وانا اول ابتدائي <----- اخس يا الكيوت :221:
* اوراق من فئة خمسين وانت طالع ( العشرات اخليها في الجيب اسهل )

مع تحياتي

زاد الركب

08-06-2006, 06:28 PM

حياكم الله وبياكم ..

وألف شكر لك أخي زادي على هذا الموضوع الجميل بتفاعلكم معه ..

بالنسبة لي ..فداخل الشنطة يوجد .. ( باسم الله والصلاة على النبي .. ) :236:

مصحف صغير .. أدوية ومسكنات .. شوية أقلام على شوية ورق .. سلاح أبيض بس للأمانة لونه رصاصي :212: .. بطاقات ( الهوية .. الليسن .. بطاقات صحية .. بطاقة الجامعة .. ) .. وطبعاً الجوال ومفاتيح البيت .. و فيها ورقة 500 درهم ( للإستخدام في حالات الطوارئ فقط ) و أول الشهر يكون فيها 150 درهم وآخر الشهر تلاقي عشر دراهم ما انصرفوا بالخطأ.. وأكيد مليانه حلاوة .. :130:

.
.

زاد ( ... )

عمر باعقيل

09-06-2006, 11:27 PM

خالوووووووووووووووو

زادي

بالنسبة لي

شوف ياسيدي

انا احط

او ل

شيء

صورة امي الله يرحمها

عشان لمن توحشني اشوفها وادعي لها بالرحمه

وثاني شيء

صورة والدي الغالي شفاه الله وعافه ورده لنا سالم معافى من كل شيء

وثالث شيء دايم اخلي فكه في المحفظه عشان الطوارى يعني من 50 الي 100

وكمان لا تنسى الاقامه الي لازم تكون معاي في كل مكان حتى في الحمام اعزك الله عشان لايجي جني ويسألني وين الاقامه :268:

الرخصه + التامين + بطاقة الصراف الالي + بطاقة فيزا مستر كارد هاذي للضروره انت تعلم اخر الشهر اش يصير وكمان بزننس كارت

خالووووووووووو زادي ابي اسالك سؤال

صور شمسية لي ( سخصياً ) :130: بعض الأحيان أحتاجها . ولاحد يسأل ليه !!!

ليه؟؟؟؟؟

عرق اللقافه اشتغل معاي

خالوووووووو بجد ادخلت السرور للقلبي

zadi

10-06-2006, 11:16 AM

____________________

أهلين نسمة رضا ,,,

وصباحك ( تولة ) عوووووود كمبودي : )

إيش الشنطة هذي ألــ V.I.P ؟؟؟

بجد ماشاء الله شنطة خمس نجوم ,,,

حاجات بسيطة وخفيفة ,,,

مشكورة يانسمة رضا ,,,

وراح نسويلك لجنة دررية برئاسة LOVE ROSE ( رئيسة حزب الصبايا ) تتوسطلك عند الست الوالدة عشان تسمح لك تحطي بس صباع واحد روج وقلم مدري شنو وكمان شي حريمي مدري ويشو ( يعني شغلات حريم بحريم ,,, أبشري بالخير : )

تحياتي ,,,
_____________________

د . الفجر ,,, صباحك ( اشغال شاقة ) : )

إيش هادا يادكترة ؟؟؟

شايله معاك شقة وماشية !!!!

هذا الحرامي يوم يسرقك يقعد بالشنطة ذي على الرصيف ويقعد ( ينقي ) ويش يبي منها !!!

لأنه مايقدر يمشي بيها , الحكومة تمسكه على طول من ثقل الشنطة !!!

دا إنتي ماخليتي شي للظروف !!! كله حاسبه حسابه ماشاء الله عليكي ,,,

الله يكون في عونك على حملك الثقيل : )

مشكورة يادكتورة ,,, تحياتي ,,,
______________________

بيتالسووووووووووووو

حاشا لله ,,, هذي صايرة مو شنطة ,,, صايرة متحف ( سكراب ) متحرك : )

أخاف يوم تلاقين فيها حبة تفاح على حبة موز وتقولين بعد ( جت بالغلط ) : )

مشكورة بيتا ,,, تحياتووووووو
______________________

أهلين حنان ,,, نورتي المنتدى ,,,
بعدين تعالي هنا ,,,
ياساتر ,,, هذي شنطة يد ولا شنطة سيارة ؟؟؟
كمان قاعدة تشوفي ويش في شنط البنات عشان يفكروكي بشي ناسيته ؟؟؟
دا إنتي يتعلموا منك البنات ويش يكون في شناطهم ,,,
بجد شنطة حقت شحن ,,, أكيد يوم تسافرين تحطينها على السير : )
لأنها ياحنان , والله ثقيلة وكبيرة و ( تمرخ ) اليد : (
الله يقويك على حملك ,,, ويعطيكي ألف عافية على المشاركة وألف وتسعمية وتسعطشر قوة على شيل هالبلوة إللي في يدك : )

تحياتي ,,,
_______________________
أهلين أبو أيمن ,,, صباحك خير ومسرات ,,,
يعني بالعربي ( مريح راسك ) من شيل المحفظة ,,,
طيب لو إحتجت شي ويش بتسوي ؟؟؟؟
ومعنى كذا إن الجيوب عندك خفيفة !!!
يعطيك العافية أبو أيمن ,,,
تحياتي ,,,

_________________

أحلى يا أونكل ,,,
صباح العسل ,,,
والله إنك ماعندك ( ذيك ) الهرجة !@!@!
وينك عمووووووو ؟؟؟
وين الغيبات ؟؟؟
تراني خلاص كمان لو طوفت يومين كان حطيت بدالك نائب مشرف عام @!@ ههههههههههههه

نفسي أشوف صورتك هذي إللي في الإبتدائي ؟؟؟
قولي الصراحة , بيني وبينك ( بشنب ولا بدون ) ؟؟؟؟
لأنه إنت شكلك ماشاء الله عليك أول ماتكون فيك في بطن الوالدة الله يحفظها لك , كتلة صغيرة بدأت في النمو قبل الأرجل والأيادي والأطباء بعد جهد جهيد عرفو إنها مجموعة تنمو مع بعضها تسمى ( شنب ) ومن يومها عرفوا جنس الجنين ,,, : ) : (

يسلمووووووو عموووووووو
وكل يوم راح أنزل موضوع زي هذا عشان نشوفك ,,,
تحياتي ,,,
_______________________

أهلين زاد الركب ,,, منورة الدرر وأهل الدرر

(( سلاح أبيض ))

ألله وأكبر ,,, الله ,,, الله : (

وأنا أقول ليش كثرت عمليات ( تغليف ) الرياجيل في الأكياس السود زي إللي حصل في مصر ؟؟؟

ول ول ول عليكم ,,, سريعين ماتتفاهمون !!!

وعساه بس ( محدود ) مزبوط عشان لايعذب ( الذبيحة ) : )

الله يستر من شنطتك ذي ,,,

الواحد يمشي معاكم جنب الحيطة ويقول يالله السلامة ,,,

تسلمي يازاد ( ..... )

تحياتي ,,,

_____________________

أهلين ياعمر ,,,
الله يرحم والدتك ويسكنها فسيح جناته هي وجميع موتى المسلمين ,,,
ربي يشفي الوالد ويشده بالصحة والعافية ويرده لكم سالم غانم يارب ,,,
محفظتك مثالية ياعمر ,,, يعني غير خارجة عن المألوف ,,, بس حلوة وتحس إنها ذوووووق : )

أما بالنسبة لصورتي ( السخصية ) في شنطتي فـ عشان ..... !!!
أوووووووووووووف ماقلنا هذي لاحد يسألني عنها ؟؟؟
وبعدين ياعمر يوالد الأخت , هو عرق اللقافة إللي عندي ( عداك ) ؟؟؟
هههههههههههههههههههه
تسلم يامشرفنا العزيز ,,, يديك العافية ياعمر ,,,
تحياتي ,,,

أم إياس

11-06-2006, 11:44 PM

السلام عليكم ورحمة الله وبركاته

موضوع يوننننننننننننننس

قريت كل المشاركات

وودي اشارك

بس مدري وش اقول

بصراحة شنطتي مافيها شئ :drr05_16:

فاضية

وكلما طلعت اعبيها بالأشياء اللي احتاجها في الطلعه

طبعا لما تروح البقاله غير عن لما تروح معهد والا العمل والازيارة

وانا عموما ما احب الشنط قد ما اقدر ما اخذ شنطه

الا اذا احتجتها

يعني في درج السيارة ( مدري هو درج والا دولاب )

المهم

احط فيه مشط

وخمسين درهم احتياط للأشياء المفاجئه .. ورخصة السيارة وبطاقة المستشفى

فلما اطلع من البيت اخذ مفتاح البيت واحطه في السيارة

واخذ بيدي جوالي يا اخليه في السياره او ابقى ماسكته في يدي

وحتى مفتاح السيارة اكون ماسكته :drr05_19:

وبس

zadi

12-06-2006, 09:55 AM

__________________

أهلين جروح ,,,

نورت الموضوع ,,,

بجد شنطتك تعاني من ( أنيميا ) حادة :220:

يعني سعادة البيه ( الحرامي ) يرجعلك إياها ومعها ظرف فيه ( خمسين درهم ) سلفة و ( نظرة إلى ميسرة ) :219:

تسلمي ياجروح ,,,

مشكورة ياطويلة العمر
v
v
v
v
v
v
v
v
v
v
v
v
v
v
v
v
v
v
v
v
v
v

بجد شنطة ما تنسرق : ) :249:

ابوفهد

13-06-2006, 09:22 AM

الغالي أبو عبدالله
السلام عليكم ورحمة الله وبركاته

فكرة غريبة حقيقة بالنسبة لنا نحن معشر الرجال لمعرفة ماذا في محافظنا لأنني منذ دخولي عالم المنتديات لم أقراء هذا التساؤل إلا بما يخص حواء فقط , وقد يعود ذلك للعجائب والغرائب في حقائبهن !!!!!

على كل حال هذه إجابتي حباً فيك وفي المشاركة في إطروحاتك الرائعة والمتميزة دائماَ وفقكم الله .

محفظتي من الوزن الثقيل للأسف الشديد وكل ما قمت بتنظيفها تعود كما كانت أو أكثر والآن إليكم ما بها والله المستعان :

ـ رخصة القيادة ( وهذه تم تجديدها بالأمس فقط رغم أنه باقي بها أسبوع )
ـ بطاقة الأحوال .
ـ بطاقة الصراف .
ـ بطاقة فيزا الذهبية الرسمية .
ـ بطاقة فيزا للاستخدام النت بحد أتماني 1000 ريال فقط .
ـ بطاقة إنجاز ( وهذه للحاجة عند تحويل مبالغ لأحد ) .
ـ بطاقة مستشفى الملك عبدالعزيز الجامعي .
ـ بطاقة مستشفى القوات المسلحة بالرياض والخرج .
ـ بطاقة العمل .
ـ بطاقة ضمان الجوال .
ـ بطاقة تصريح السلاح .
ـ بز نس كارت شخصي .
ـ بعض كروت البزنس الخاصة لبعض المهمين .
ـ بطاقة رقم حسابي البنكي .
ـ بطاقة فيها أرقام جولاتي وتلفونات البيت وأرقام حساباتها لزوم الحفظ واستخدامها عبر الصراف للتسديد دون حمل الفواتير ( وعددها سبعة )
ـ بطاقة خاصة بأرقام شرائح الجوالات وأرقامها السرية .
ـ بطاقة أسماء الجيران وأرقام هواتفهم ( المشتركين بالدورية النصف شهرية )
ـ بطاقة تأمين الرخصة .
ـ صورتي الشخصية وصورة سعادة الوكيل .
ـ كروت بنزين للسيارة .
ـ بعض الأوراق التي تحتوي على ملاحظات مهمة ومعلومات قد أحتاجها .
ـ مبلغ من المال لا يقل عن ألف ريال فأنا للأسف لا يمكن أن يقل المبلغ بالمحفظة عن ألف ريال .
ـ هذه هي محتويات حبيبة القلب وحمالة الأسيه الله يحفظها لنا .

لكن عندي سؤال غريب شوي .

كم عدد المفاتيح التي يحملها الشخص منا في جيبه ؟!!!!!

دمتم بخير

zadi

13-06-2006, 01:22 PM

____________________

حيالله أبو فهد ,,,

شلون الطيب الغالي ؟؟؟

أمووووووووووووووت وأفهم يا أبو فهد ,,, ذي متأكد إنها ( محفظة ) جيب ؟؟؟

آي دونت بليف !!!! :142:

لا وكله كوم وصورة ( الوكيل ) هذي لوحدها كووووووووووووم :220:

طب لييييييييييييييييييييييه :180:

أبو فهد ,,, حبيبي الله يرحم والديك , تراني مشفق عليك والله من شيلتها !!!

طيب ويش خليت شي في البيت إذا كان كل شي معاك ( متحرك ) ؟؟؟

إنتا عارف

نص الأشياء إللي إنت ذكرتها أنا مخلي شي منها في المكتب وشي في درج السيارة وشي في ملف خاص فيني ,,,
وأحياناً أنسى بعض الشياء وين حطيتها ,,, وتلاقيني أدور عليها إليما أدوخ وأتركها وبعد فترة أطب عليها بالصدفة ,,,
بس إنت ماشاء الله عليك ماخليت شي للصدفة ( أمسك الخشب ) :220:

تسلم ياعمدة ,,, الله يبعد عنك الحرامية بس ,,,
والله لو طبوا في شنطتك يا يخلوك على الحديدة :132:
لأنك حاط ( البيض ) كله في ( سلة ) واحدة :220:

أما بالنسبة للمفاتيح
أنا من النوع ما أحب أشيل المفاتيح في جيبي
ودايماً أحب تكون ألـ KEY HOLDER حقتي كمان شنطة صغيرة :181:
ولد تربية فلل وعيشة أوروبا ويش باساوي :142:

مشكور ياعمدة ,,,

تحياتي ,,,

____________________

|237| |237| |237| |237|

الطائر الخجول

13-06-2006, 07:23 PM

شنطتك وش فيها

لم يشدني العنوان رغم اني كل يوم امر عليه واليوم قلت خليني اشوف وش فيه الموضوع ؟؟

وجدت انه موضوع شيق رغم انه يفضح الشخص من خلال محفظته ..

عموما نقول خير بداية.

بسم الله الرحمن الرحيم

عين الحسود فيها مليون عود :246:

محفظتي : صديقتي اينما اذهب تجدها معي خاوية أو ممتلئة :218:

س - ماذا يوجد بها ؟

- صلوا على نبيكم المختار ( عليه افضل السلام واتم التسليم )

ج - بطاقة احوال

( لزوم التفتيش الله يعينا ليل نهار تفتيش ) تقول مهرب

:drr05_91:

- بطاقة صراف

( هههههه تصدقون الصراف سحبها وقال ماعندك رصيد انقلع ):drr05_18:

- رخصة خصوصي

( يوم انتهت المرور يسأل عنها ويوم اجددها ولا كأنه عندي رخصة ) :132:

- بطاقة فيزا

( احلا حاجة كل مااروح محل اكشخ فيها واخر الشهر يدبلونها ):259:

- شريحة سوا للطوارىء ( ناوي اشتري جوال ثاني لزوم الاسهم ):drr05_98:

- بطاقة عضوية بالنادي الاهلي ( :drr05_44: :drr05_02: )

( ههههههه لايزعلون الجيران )

- وصورة للبنت والولد ( عيالي الله يحميهم من كل شر )|557|

ودمتم

ارق التحايا للجميع

zadi

15-06-2006, 02:42 PM

_______________________

أهلين بالطائر الخجول ,,,

نفسي أعرف بس ,,, وين تحط الشنطة وإنت طائر وبعد ,,, خجووووول ؟؟؟؟

اللهم صلي على سيدنا محمد وعلى آل سيدنا محمد ,,,

في موضوع الرخصة مجددة والله معاك حق ,,,

أنا قعدت أسوق بدون رخصة فترة طويلة وأنا والمرور ( طريدي ) من شارع لشارع ,,,

أخيراً ( تكرمت ) عليهم وطلعتها ,,,

يمين مالقيت أحد يقولي إنت وين ؟؟؟

ألحين قربت تنتهي وشكلي بأخليها ( ترجع ريما لعادتها القديمة ) ,,,

أشكرك على المشاركة الجميلة ,,,

تسلم حبيبي ,,,