طائر الدرر
29-05-2006, 06:13 AM
أبي لي مهره ماعسفت صغيره وبنـت حصـان
أبوهـا اللـي يفـك المشكلـة ويزبـن الجانـي
وأخوها لا تعزوى باسمها فـزوا لهـا العربـان
يحق لها الفخـر فـي قولـة آل فـلان جدانـي
أبيها فـي بحـر عشريـن لا زود ولا نقصـان
أبيها اقصر طويلة والوصوف أشكـال والوانـي
أبي الجبهة كما الصبح وكما القوس اسود الحجان
وأبيهـا ناعسـات ونرجسيـه سـود الاعيانـي
أبي رمش كما ريش يغطـي الثلـج فالاوجـان
وأبي جفن يشيـل الرمـش طربـان وكسلانـي
أبي خد كمـا ورد تنّمـى فـي طـرف بستـان
وأبي خشم صغير ومثل حـد السيـف شامانـي
أبي البسمة كما البرق وثناياهـا كمـا المرجـان
شفاهـا جمرتيـن وفمهـا خـاتـم سليمـانـي
أبي شعر مثل ذيـل الفـرس لا طبّـت الميـدان
أو الشـلال لأمـن بـات ليلـه بيـن الامتانـي
أبي جيد سـوات ابريـق فضـه ناتـق مليـان
وصـدر كنـه مرايـه عليهـا طلـع رمـانـي
أبي ظهر كما الجدول وقدّ مثـل غصـن البـان
وخصر مثل مجدول الاعـلان وجسـم رويانـي
أبيهـا نابيـة ردف وبطـن ضامـر جـوعـان
أبيهـا مدمـج سـاق وقدمهـا لسـان ثعبـانـي
أبيها بنـت عـز مـن رغدهـا ينعـم الفستـان
أبي الرقة وأبـي الدقـة لهـا بأطرافهـا شانـي
أبي المشية كما اللي طالع من المعركـة كسبـان
وأبيها ترش مـع خطواتهـا مسـك وريحانـي
أبي صوت الى مني سمعتـه كـن فيـه الحـان
يدغدغ مسمعي ويثيـر كـل السحـر فاشجانـي
أبيها حب وإخلاص وهواجيس وفـرح وأحـزان
أبيها مثل ما دكتـور أهالـي العشـق وصانـي
أبيهـا لوحـة مـا صورتهـا ريشـة الفـنـان
أبيهـا جوهـره مـا جابهـا قاصـي ولا دانـي
أبيها تنتصر لـي مـن زمـان حطنـي نيشـان
وتبشر بالغـلا اللـي مالفـى بـه واحـد ثانـي
مهرها قلـب وشعـر يهـز القلـب والوجـدان
وألبسهـا القصيـد وتصبـح أوزانـي وقيفانـي
أبي اللي فات واللي فات صعب ومن لقى العنوان
يرد العلم ولا أفضـل أبقـى أعيـش وحدانـي
منقوول :231:
أبوهـا اللـي يفـك المشكلـة ويزبـن الجانـي
وأخوها لا تعزوى باسمها فـزوا لهـا العربـان
يحق لها الفخـر فـي قولـة آل فـلان جدانـي
أبيها فـي بحـر عشريـن لا زود ولا نقصـان
أبيها اقصر طويلة والوصوف أشكـال والوانـي
أبي الجبهة كما الصبح وكما القوس اسود الحجان
وأبيهـا ناعسـات ونرجسيـه سـود الاعيانـي
أبي رمش كما ريش يغطـي الثلـج فالاوجـان
وأبي جفن يشيـل الرمـش طربـان وكسلانـي
أبي خد كمـا ورد تنّمـى فـي طـرف بستـان
وأبي خشم صغير ومثل حـد السيـف شامانـي
أبي البسمة كما البرق وثناياهـا كمـا المرجـان
شفاهـا جمرتيـن وفمهـا خـاتـم سليمـانـي
أبي شعر مثل ذيـل الفـرس لا طبّـت الميـدان
أو الشـلال لأمـن بـات ليلـه بيـن الامتانـي
أبي جيد سـوات ابريـق فضـه ناتـق مليـان
وصـدر كنـه مرايـه عليهـا طلـع رمـانـي
أبي ظهر كما الجدول وقدّ مثـل غصـن البـان
وخصر مثل مجدول الاعـلان وجسـم رويانـي
أبيهـا نابيـة ردف وبطـن ضامـر جـوعـان
أبيهـا مدمـج سـاق وقدمهـا لسـان ثعبـانـي
أبيها بنـت عـز مـن رغدهـا ينعـم الفستـان
أبي الرقة وأبـي الدقـة لهـا بأطرافهـا شانـي
أبي المشية كما اللي طالع من المعركـة كسبـان
وأبيها ترش مـع خطواتهـا مسـك وريحانـي
أبي صوت الى مني سمعتـه كـن فيـه الحـان
يدغدغ مسمعي ويثيـر كـل السحـر فاشجانـي
أبيها حب وإخلاص وهواجيس وفـرح وأحـزان
أبيها مثل ما دكتـور أهالـي العشـق وصانـي
أبيهـا لوحـة مـا صورتهـا ريشـة الفـنـان
أبيهـا جوهـره مـا جابهـا قاصـي ولا دانـي
أبيها تنتصر لـي مـن زمـان حطنـي نيشـان
وتبشر بالغـلا اللـي مالفـى بـه واحـد ثانـي
مهرها قلـب وشعـر يهـز القلـب والوجـدان
وألبسهـا القصيـد وتصبـح أوزانـي وقيفانـي
أبي اللي فات واللي فات صعب ومن لقى العنوان
يرد العلم ولا أفضـل أبقـى أعيـش وحدانـي
منقوول :231: