zadi
13-04-2006, 10:14 AM
معليش ,,, أنا أهـــــــلاوي !!! ؟؟؟
ــــــــــــــــــ
سلام يا أحبة ,,,
( معليش أنا أهلاوي ) هذي بس عشان ( الشامتين ) ينطموا وينثبروا و ( ينأطونا ) بسكاتهم ,,,
نخش في الموضوع ( الحار ) هذا على طول ومن أقصر الطرق وبدون ( مجاغة ) وتطويل وحتى لاتقولوا إني بأضيع وقتكم وأنا لسا ما أتكلمت في الموضوع !!!
هوه إيش الموضوع ؟؟؟
أها ,,, الأهلي ,,, حسبي الله عليك يا أهلي ( كلوب ) ,,,
مباراة ترفع الضغط ,,, وكلو كوم والأخ حق رابطة مشجعين الإتحاد كوم لمن قعد يولول بـ ( الأهلي يبكي ,,, من ضرب الإتي ) !!!
طبعاً جنابه معاه حق ,,, مين عطاه الفرصة ؟؟؟ الأهلي طبعاً ,,,
ولا محمد نور إللي قاعد يتشمت في ( الصغار ) بعد نهاية المباراة , يوم قال ( إن إذا لعبوا الكبار أختفوا الصغار ) ,,, يا أخي أبستم عند الفوز وتواضع عند الهزيمة ,,,
المهم يا أحبة
نهاركم فل ,,, ألف مبروك للإتي هذا الفوز العريض والصريح والمستحق ,,,
ويوم أقول مستحق بالفعل هو مستحق ,,, لأن الإتحاد قدم كل شي في المباراة وأثبت بأن الذهب قد يصدأ لكنه يبقى ذهباً ,,,
أسباب هزيمة الأهلي :
1 ـ علة الأهلي الأزلية في خط دفاعه ( البارح كان شربة ومحمد نور قعد يمزج في الدفاع ) .
2 ـ ضعف لياقة الأهلي , وهذي العلة الثانية إللي مو قادر أفهمها , ليه الفريق لياقته تعبانة بالشكل دا ؟؟؟
3 ـ خطة نيبوشا نفسها إللي اليوم بيلعبها قدام الإتحاد قبل كدا وقدام الهلال وكمان البارح هي الخطة نفسها .
4 ـ النفخ في اللاعبين الشباب للدرجة إللي أتصورو فيها إن باب الإتحاد يقول ( تعال ياحبيبي وسجل زي مابدالك ) !!!
5 ـ إلين متى نشوف عبد الغني يلعب وسط وهو مركزه الأساسي ظهير ومحمد مسعد يلعب ظهير وهو مركزه الأساسي وسط و ( play maker ) وهذي نفس الحركة إللي تسببت في هزائم سابقة أقربها قدام الهلال !!!
6 ـ مشكلة الأهلي اليأس الغريب إللي يصيب اللاعبين بعد أول هدف يتسجل فيهم , تلاقي الفريق شبه ضايع وروحه المعنوية في الأرض !!!
7 ـ ديان اليوغسلافي ,,, مستواه زي سوق الأسهم هذي الأيام , وهذا أعتقد مو منو , لكن للأسف مافي خط وسط قوي يحطلوا كور ( مقشرة ) ونفس الشي ينطبق على مالك معاذ .
8 ـ جواد أقدار من المقالب إللي تقدر تقول ( وزن ثقيل ) ,,, هذا حتى لو راح فريق درجة طلطعش ما ياخذوه ,,,
9 ـ المدرب وإن كان له بصمته على الفريق , لكن أحياناً أشوفه يصير ( مهرج ) ويرمي الكلام يمين وشمال بدون حساب ,,, وهذا بينعكس على اللاعبين الصغار إللي هو قاعد يحاول يسوي منهم شي لمستبق الأهلي .
10 ـ التهيئة النفسية من قبل الإدارة كانت بنسبة ( صفر% ) وجات بنتيجة عكسية على الفريق لأنهم أوهموا اللعيبة إن مباراة الإتحاد ( كوبري ) للنهائي ,,, جلسوا مساكين يفكروا في النهائي وتركوا مباراة الإتحاد ,,,
أسباب فوز الإتحاد
1 ـ التهيئة الرائعة للاعبين بمعسكر الشرقية .
2 ـ وقفة أعضاء الشرف وزيارتهم النادي قبل المباراة .
3 ـ وقفة منصور البلوي مع اللاعبين وتشجيعهم .
4 ـ قوة خط وسط الإتحاد و ( سطوع ) محمد نور أمس وأدوار الكريري في صد هجمات الأهلي ( هذا إذا كان فيه هجمات ) والدور المجهول للجندي المجهول إبراهيم سويد .
5 ـ تألق رضا تكر وإبداعه قدام مرمى فريقه والتناغم الجميل بينه وبين حمد المنتشري ( كسر ) هجوم الأهلي تماماً وغطاه وخلاه كنه ( بس = قط = أليف ) .
6 ـ مراقبة عبد الحق العريف وإرهاقه بالتتابع بين لعيبة الإتحاد .
7 ـ تمرس الإتحاد على أجواء المباريات النهائية , وهذي المباراة كنها نهائي لأنها بخروج المغلوب يعني مافي تعويض للمهزوم غير إنه يقفل بيبان الملعب ويطبق الفنايل ويصيف بدري .
8 ـ إحساس اللاعبين بالمسئولية وبأنه ( جا ) وقتهم .
9 ـ تسجيلهم هدفين ورا بعض أوحت للأهلي بـ ( الرعب ) وبأن النتيجة ممكن تكون ( تاريخية ) فتراجعوا لعيبة الأهلي وصار همهم وقف مسلسل الأهداف .
ـــــــــــــــــ
نقاط مبعثرة من المباراة :
ـ يانيبوشا كيف تخلي لاعب في حجم محمد نور حر طليق في الملعب بدون تخصيص لاعب معاه يكون زي ظله ويمنعه من حط الكور ( المقشرة ) والجاهزة لهجوم الإتحاد ؟؟؟
ـ لاحظ إن الثلاث الأهداف كلها هدايا من نور لزملاه المهاجمين , وكور ولا أحلى من كدا ,,, تقول للي حتى يلعب ( بلياردو ) ومايفهم كورة قدم ,,, سجلللللل أهداف !!!
ـ في الشوط الثاني نزل الأهلي بدون أي تغيير لا في اللعب ولا في اللاعبين وكأنه فايز وهو خارج خاسر في الشوط الأول هدفين ,,, شي غريب ؟؟؟
ـ لمن جا يغير المدرب على قولهم ( جا يكحلها ,,, عماها ) شال عبد الغني وشال ديان ونزل الدايخ ( جواد ) إللي شكلو بجد كان جي متعاقد مع الأهلي على ( ألعاب الجري ) !!!فيك مين يصلي على النبي ؟؟؟ طب زيد الحبيب صلاة ,,,
ـ الروح المعنوية في الأهلي معدوووووووووومة وخاصة بعد مايجي فيهم أي هدف ,,, تشوف الفريق يرتبك وتتبعثر صفوفه والدليل قدام الإتحاد في المبارة اللي قبل هذي ماقدر يسجل فوز على الرغم من الإتحاد ناقص بالطرد وقدام الهلال شوط ونص وماقدر يسجل تعادل على الأقل .
وبكدا أنتهى عملياً الموسم للأهلي وقفلوا بيبان الملعب و
سنة حلوة ياجميل ,,,
مرة ثانية ألف ألف مبروك للإتي إللي ظهر وبان في وقت ماشفناه كدا من زمان
تحياتي ,,, |237|
ــــــــــــــــــ
سلام يا أحبة ,,,
( معليش أنا أهلاوي ) هذي بس عشان ( الشامتين ) ينطموا وينثبروا و ( ينأطونا ) بسكاتهم ,,,
نخش في الموضوع ( الحار ) هذا على طول ومن أقصر الطرق وبدون ( مجاغة ) وتطويل وحتى لاتقولوا إني بأضيع وقتكم وأنا لسا ما أتكلمت في الموضوع !!!
هوه إيش الموضوع ؟؟؟
أها ,,, الأهلي ,,, حسبي الله عليك يا أهلي ( كلوب ) ,,,
مباراة ترفع الضغط ,,, وكلو كوم والأخ حق رابطة مشجعين الإتحاد كوم لمن قعد يولول بـ ( الأهلي يبكي ,,, من ضرب الإتي ) !!!
طبعاً جنابه معاه حق ,,, مين عطاه الفرصة ؟؟؟ الأهلي طبعاً ,,,
ولا محمد نور إللي قاعد يتشمت في ( الصغار ) بعد نهاية المباراة , يوم قال ( إن إذا لعبوا الكبار أختفوا الصغار ) ,,, يا أخي أبستم عند الفوز وتواضع عند الهزيمة ,,,
المهم يا أحبة
نهاركم فل ,,, ألف مبروك للإتي هذا الفوز العريض والصريح والمستحق ,,,
ويوم أقول مستحق بالفعل هو مستحق ,,, لأن الإتحاد قدم كل شي في المباراة وأثبت بأن الذهب قد يصدأ لكنه يبقى ذهباً ,,,
أسباب هزيمة الأهلي :
1 ـ علة الأهلي الأزلية في خط دفاعه ( البارح كان شربة ومحمد نور قعد يمزج في الدفاع ) .
2 ـ ضعف لياقة الأهلي , وهذي العلة الثانية إللي مو قادر أفهمها , ليه الفريق لياقته تعبانة بالشكل دا ؟؟؟
3 ـ خطة نيبوشا نفسها إللي اليوم بيلعبها قدام الإتحاد قبل كدا وقدام الهلال وكمان البارح هي الخطة نفسها .
4 ـ النفخ في اللاعبين الشباب للدرجة إللي أتصورو فيها إن باب الإتحاد يقول ( تعال ياحبيبي وسجل زي مابدالك ) !!!
5 ـ إلين متى نشوف عبد الغني يلعب وسط وهو مركزه الأساسي ظهير ومحمد مسعد يلعب ظهير وهو مركزه الأساسي وسط و ( play maker ) وهذي نفس الحركة إللي تسببت في هزائم سابقة أقربها قدام الهلال !!!
6 ـ مشكلة الأهلي اليأس الغريب إللي يصيب اللاعبين بعد أول هدف يتسجل فيهم , تلاقي الفريق شبه ضايع وروحه المعنوية في الأرض !!!
7 ـ ديان اليوغسلافي ,,, مستواه زي سوق الأسهم هذي الأيام , وهذا أعتقد مو منو , لكن للأسف مافي خط وسط قوي يحطلوا كور ( مقشرة ) ونفس الشي ينطبق على مالك معاذ .
8 ـ جواد أقدار من المقالب إللي تقدر تقول ( وزن ثقيل ) ,,, هذا حتى لو راح فريق درجة طلطعش ما ياخذوه ,,,
9 ـ المدرب وإن كان له بصمته على الفريق , لكن أحياناً أشوفه يصير ( مهرج ) ويرمي الكلام يمين وشمال بدون حساب ,,, وهذا بينعكس على اللاعبين الصغار إللي هو قاعد يحاول يسوي منهم شي لمستبق الأهلي .
10 ـ التهيئة النفسية من قبل الإدارة كانت بنسبة ( صفر% ) وجات بنتيجة عكسية على الفريق لأنهم أوهموا اللعيبة إن مباراة الإتحاد ( كوبري ) للنهائي ,,, جلسوا مساكين يفكروا في النهائي وتركوا مباراة الإتحاد ,,,
أسباب فوز الإتحاد
1 ـ التهيئة الرائعة للاعبين بمعسكر الشرقية .
2 ـ وقفة أعضاء الشرف وزيارتهم النادي قبل المباراة .
3 ـ وقفة منصور البلوي مع اللاعبين وتشجيعهم .
4 ـ قوة خط وسط الإتحاد و ( سطوع ) محمد نور أمس وأدوار الكريري في صد هجمات الأهلي ( هذا إذا كان فيه هجمات ) والدور المجهول للجندي المجهول إبراهيم سويد .
5 ـ تألق رضا تكر وإبداعه قدام مرمى فريقه والتناغم الجميل بينه وبين حمد المنتشري ( كسر ) هجوم الأهلي تماماً وغطاه وخلاه كنه ( بس = قط = أليف ) .
6 ـ مراقبة عبد الحق العريف وإرهاقه بالتتابع بين لعيبة الإتحاد .
7 ـ تمرس الإتحاد على أجواء المباريات النهائية , وهذي المباراة كنها نهائي لأنها بخروج المغلوب يعني مافي تعويض للمهزوم غير إنه يقفل بيبان الملعب ويطبق الفنايل ويصيف بدري .
8 ـ إحساس اللاعبين بالمسئولية وبأنه ( جا ) وقتهم .
9 ـ تسجيلهم هدفين ورا بعض أوحت للأهلي بـ ( الرعب ) وبأن النتيجة ممكن تكون ( تاريخية ) فتراجعوا لعيبة الأهلي وصار همهم وقف مسلسل الأهداف .
ـــــــــــــــــ
نقاط مبعثرة من المباراة :
ـ يانيبوشا كيف تخلي لاعب في حجم محمد نور حر طليق في الملعب بدون تخصيص لاعب معاه يكون زي ظله ويمنعه من حط الكور ( المقشرة ) والجاهزة لهجوم الإتحاد ؟؟؟
ـ لاحظ إن الثلاث الأهداف كلها هدايا من نور لزملاه المهاجمين , وكور ولا أحلى من كدا ,,, تقول للي حتى يلعب ( بلياردو ) ومايفهم كورة قدم ,,, سجلللللل أهداف !!!
ـ في الشوط الثاني نزل الأهلي بدون أي تغيير لا في اللعب ولا في اللاعبين وكأنه فايز وهو خارج خاسر في الشوط الأول هدفين ,,, شي غريب ؟؟؟
ـ لمن جا يغير المدرب على قولهم ( جا يكحلها ,,, عماها ) شال عبد الغني وشال ديان ونزل الدايخ ( جواد ) إللي شكلو بجد كان جي متعاقد مع الأهلي على ( ألعاب الجري ) !!!فيك مين يصلي على النبي ؟؟؟ طب زيد الحبيب صلاة ,,,
ـ الروح المعنوية في الأهلي معدوووووووووومة وخاصة بعد مايجي فيهم أي هدف ,,, تشوف الفريق يرتبك وتتبعثر صفوفه والدليل قدام الإتحاد في المبارة اللي قبل هذي ماقدر يسجل فوز على الرغم من الإتحاد ناقص بالطرد وقدام الهلال شوط ونص وماقدر يسجل تعادل على الأقل .
وبكدا أنتهى عملياً الموسم للأهلي وقفلوا بيبان الملعب و
سنة حلوة ياجميل ,,,
مرة ثانية ألف ألف مبروك للإتي إللي ظهر وبان في وقت ماشفناه كدا من زمان
تحياتي ,,, |237|