لحظة من فضلكم ..مساعدة

[نبضة الخير]

يسعد صباحكم ومساكم بكل خير وسرور
ودي منكم مساعدة سمعت انو جامعة العلوم والتكنولوجيا بجدة ماخذة مبنى من جامعة الملك عبدالعزيز وهي بفلوس طبعا ودي أسال ان كان احد يعرف الرقم لانو مو مسجل رقمها بالاستعلامات
او اي معلومة عنها المشكلة كتير يقولولي عنها انها انتظام وفيها تخصصات وقالوا ان الدراسة بجامعة عبدالعزيز زي زي اي بنت تدرس باجامعة بس الاختبار بالسفارة اليمنية اي احد عنده معلومات عنها او موقع لاني والله تعبت وانا ادور في محركات البحث ولم اجد شئ يفيدني فممكن تساعدوني باللي عندكم من معلومات عنها
وشاكرة لكم ياطيبين يالدرر|467|

[MoStWaNtEd]

الموقع الالكتروني

www.ust.edu

موقع في الدليل مكتوب (موقع التعلم عن بعد)

http://dl.ust.edu

الرياض تليفاكس 4826764

جدة تليفاكس 6808280

الدمام تليفون 8057400

المدينة المنورة 8304143

طبعا انتي أطنك تقصدي الانتساب

المحاضرات مو شرط حضورها لكن اللي يبغى يحضر يحضر واللي مايبغى لا يحضر (لما سالنا دا اللي جاوبونا

به)

الاختبار في السفارة أو القنصلية اليمنية

أظن المناهج كمان في السفارة أو القنصلية لاني شفتها هناك

بالنسبة لتخصصات الانتساب فهي محددة

كلية العلوم الادارية

1- ادارة اعمال - محاسبة - ادارة مالية - تسويق وادارة انتاج - تجارة دولية -

علوم مالية ومصرفية - ادارة موارد بشرية - ادارة مؤسسات سياحية وفندقية -

ادارة مستشفيات.

كلية الاداب

علوم قران - دراسات اسلامية - لغة عربية - تاريخ - اعلام (علاقات عامة) -

علم اجتماع - علم نفس


كلية الشريعة والقانون

شريعة وقانون - شريعة - حقوق

مع اطيب الامنيات

PEACE

[إبراهيم المحيا]

في معانا عضو اسمه

قاسم

هو موظف في جامعة العلوم والتكنلوجيا في اليمن

يمكن تستفيدي منه

تحياتي

[نبضة الخير]

MoStWaNtEd
مشكور الله يوفقك يارب
مرررة تمام كده بس اقصد انا الدراسة بانتظام لو انتساب كنت زمان انتسبت بس اريد انتظام .
انا سمعت انو في جامعة السفارة لي صديقة تدرس هناك كل كم شهر تسافر لتختبر لانها انتساب وبعدين جابولي خبر انو في جامعة العلوم والتكنولوجيا انتظام الدراسة فيها .
على كده بتصفح الموقع وبشوف
جزاك الله خير

[MoStWaNtEd]

الانتظام فقط يكون داخل اليمن وفي الخارج يكون فقط انتساب (على حسب علمي)

الا اذا تغير نظام التعليم مؤخرا على كذا مدري.

نظام الانتساب في حضور محاضرات تقريبا زي المنتظم بس في تخصصات معينة

فقط (اللي كتبتها فوق).. أما التخصصات التانية فلازم تكون في اليمن..

(أكثر من واحد سأل المندوب عن ذا الشيء وكانت نفس الاجابة)

متوقرعند القنصلية دليل الطالب لجامعة العلوم والتكنولوجيا عند مندوبينهم

في الملحق الثقافي..

ان شاء الله يفيدكم

Peace

[نبضة الخير]

ياهلا ياأخي فيك
حسب ماخبرتني واحدة كانت راح تشتغل كأدارة عندهم
أنو في نظام الأنتظام بالجامعة وبمبلغ 8000 في السنة ولأنتساب4000
وكل التخصصات مفتوحة ماعدا الطب واقسامه
بس المشكلة ماظني سكن يوجد
*
هذا المعلومات اللي عرفتها اليوم
وراح أدق لأستفسر أكتر
ويعطيك العافية أخي ولك كل التقدير لمساعدتك |467|

[DANiA]

اسمعي عندي خبر خطيير...

في وحدة أعرفها معرفه قوية متسجلة في الجامعه دي وهيا أخذه مبني من جامعتنا والمبنى دا بعيد جداً عننا..
المهم البنت دي لها تقريبا سنه..قبل الإختبارات النهائية تسجلت طالبة عندهم وفي قسم برمجه كمان.. يعني ماراح تفلح في شي ..المهم دفعت فلوسها..وماقدرت تكمل فخرجت بدون ان تاخد ريال واحد..يعني المسألة فلوووس...وغير كدا ياستي تدريسهم أي كلام مافي نظام مررة في وحدة من البنات أختبرت اختبار جابت فيه 30 جات وقت النتايج النهائيه قالولها انتي جبتي 0 من 100..ماعندنا ولا اختبار لكِ..يعني راسبة يعني ادفعي فلووس للمادة عشان تدرسيها تاني...
ودي البنت إلي اعرفها مشتركين كانو مع كليه دار الحكمه في حفل المهم ووحدة من استاذاتهم قالتلهم يابنات خدو البطايق وعلقوها والبطايق مكتوب عليها الإسم.....طالبه انتساب وقالتلهم اذا سألوكم انتو انتظام قولو لاء..انتساب...وحرام البنات هما انتظام..المسألة ومافيها انو عاملين دا الشي من ورا الحكومة..والطالبات بيداومو كل يوم على أساس انهم انتساب وياخدو دروس تقوية في الجامعه عزوز...وهكذا أتضحت الرؤية لدى الطالبات..وكتير سحبو.....
على بالهم هما انتظام وجامعتهم مقرها هناك...اتاري الجامعه اي كلام اي هرج فاضي...وانا مستعدة أجبلك الأدميه تشوفيها..

وأسفة على كل شي..

[نبضة الخير]

:140:

اتصلت اليوم مافي حد يرد ولايسمعني على ده الرقم جدة تليفاكس 6808280

حتى رقم المدينة أدق ولاحياة لمن تنادي كانه معلق تلفونهم:drr05_91:
*
^
^
^
^
سمعت تراطيش حكي انو الدراسة بالأرض مو ع كراسي!

[نبضة الخير]

الوطواط
ياهلا فيك لو كان يشتغل بجامعة جدة كنت بسأله
الف شكرا لحسن طيب مساعدتك
اللي عنده اي خبر عن دي الجامعة ماينسى واحدة غلبانة اسمها نبوضة تريد اي خبر عنها سلبي او ايجابي |467|