كانت تحب الأرض لا لمست خطاه

[طـــي]

تحياتي للجميع

أهديكم هذا النص مع مقدمته بقلم كاتبه آمل ان يروق لكم .
****************************** ********************

الى الأحبه الكرام

هذه القصه ولد ت بأرض ... وترعرعت في أرض ... وماتت بأرض .. وما زال اصحابها يعيشون بهذه الدنيا .. ولكن كل منهم يعيش في أرض.
.............................. .....................

كانت عيونه تحترق .. حبٍ ونار..

والليل كان الليل ..بعيونه نهار..

ما شافت عيونه سواها ..في البشر..

وماكان في قلبه دمار ..
كانو يعيشون الهوى..
ماكان يضنيهم سهر ..
وما كان يشقيهم قهر ..
لأن القهر ..منهم يغار..


كانو جميع..
أثنين ..في قلبٍ رضيع..
كانت حدود الكون ..
ما تكفي خطاهم ..
وكانت بحار الأرض..
تصغر في لقاهم..
وكانو مثل طيرين ..
تمرح بالسما ..
لا الأرض تكفيهم ..
وما تكفي سماهم..
كن البحر.. والأرض..
ونجوم السما ..
ما تتسع طفلين ..
وما تكفي خطاهم..

^^^^
كانوا جميع أثنين ..
روحٍ في جسد..
من فرق القلبين ..؟؟
ما يدري أحد..
كانت تحبه وحبها..
وكانت تحب الأرض..
لا لمست خطاه..
كانت تحب تكون له بيت ووطن ..
وكانت تحب تكون ماه..
يمكن اذا يومٍ عطش..
يشرب .. وتسقيه الحياه..
ويمكن اذا الدنيا أظلمت ..
تكون لعيونه سناه..
ويمكن اذا ظل الطريق ..
تكون في دربه خطاه..
لكن حسافه وش بقى ؟..
غير الشقا..
هي ضيعت دربه مع حب جديد..
وهو ضاع من عينه مناه..


واليوم...

ضاعو ا في الطريق.. وأتفرقوا..
ما كنهم حبوا أبد..
ماكنهم عاشوا أبد..
هي ضيعت قلبه..وهي أختارت حبيب ..
وهو ضيع أيامه .. مثل واحد غريب..
لا الناس في عينه بشر..
وما كن باكر له قريب..




منقوووووووول

[* الـمـنـتـظـر *]

تبيه .. تحت الليل .. وسياط النظر والخوف

تبيه .. والميعاد عيّا ينتظر ملهوف

تبيه .. والساعة دهر .. ما مر ما أرسل خبر

تبيه تبيه تبيه

ما ملت وظلت تحتريه

كل الوفاء شفته على ذاك الرصيف ذاك المساء

وكل الجفاء شفته على نفس الرصيف نفساء المساء

كانت تعض أبهامها حيرة

كانت تشب وتنطفي غيره

وكانت تموت وتحتضر

وكانت أبد ما تنتظر غيره

يا قلبها مسكين ما تدري

إن الهوى سكين يجرح ولا يدري

وأن الوهم أحلى حقيقة في الغرام

وأن الحبيب اللي تبيه أحلام

يا قلبها هذا زمان صعب

يموت فيه الصدق

ويعيش فيه الكذب

يا قلبها لا تنتظر .. دور على غيره

___________ الأسير



مشاركة بسيطة لأعجابي بمشاركتك :)

[طـــي]

اشكرك على مرورك ومداخلتك العذبة .
وسرني اعجابك بمشاركتي المختاره .

تقبل / تحياتي

[عبدالله الكناني]

واليوم...

ضاعو ا في الطريق.. وأتفرقوا..
ما كنهم حبوا أبد..
ماكنهم عاشوا أبد..
هي ضيعت قلبه..وهي أختارت حبيب ..
وهو ضيع أيامه .. مثل واحد غريب..
لا الناس في عينه بشر..
وما كن باكر له قريب..


إختيار جميل لمقطوعة معبرة
ياأخت طيّ
ولك فائق الشكر والتقدير

[zadi]

________________

أخي طي ,,,

مساء الخيرات ,,,

سعدنا بمشاركتك لنا هنا ,,,

أتمنى منك التواصل والإستمرار ,,,

وأتمنى كذلك أن أرى نتاجك الخاص بك ,,,

مع خالص تحياتي ,,,

أخوك



____________zadi