سفر الفتاة

[Angel]

السلام عليكم

عندي سؤال ولا أدري ان كان هذا المكان المناسب ولكني أرجو الافاده

ان لم يكن المكان المناسب يمكنكم نقل الموضوع الى حيث المكان الذي ترونه مناسبا

الموضوع هو

سمعت أن سفر الفتاة في السعوديه محكوم بموافقة الأب

وأنه هناك ورقه لاتستطيع الفتاة السفر ان لم تكن بحوزتها وهي تفيد بأن الأب موافق على سفرها

لقد سافرت كثيرا.. وفي سفراتي كلها لم أرى هذه الورقه

مامعنى ذلك؟؟ وكيف يمكن لي السفر بدونها ان كان سفر الفتاة محكوما بوجود هذه الورقه؟ كيف يتم الحصول عليها؟

وشكرا..

[المستشار]

مساء الخير اختي الكريمة Angel

نورتي القانونيه :SMIL:

شوفي عزيزتي .. واضح انك تقصدي في كلامك السفر داخل المملكة

وهذا طبعاً ما يشمله النظام الخاص بالسفر خارج المملكة ..

واكيد انك تقصدي انك سافرتي اكثر من مرة داخل المملكة .. وهذا

ما يتطلب اي شيء ..

لكن السفر خارج المملكة هو اللي وضعت له الدولة ضوابط معينه كانت

على النحو التالي:




1- الحصول على تصريح سفر من إدارة الجوازات .

2- في حالة تعذر حضور ولي الأمر لإدارة الجوازات بالمنطقة أو المحافظة أو المنفذ الدولي ويرغب في مغادرة من هو مسئولاً عنهم.. يتم إحضار موافقة خطية من ولي الأمر مصدقة من أقرب مركز شرطة أو أمارة ( المناطق النائية والمناطق التي لا يوجد بها إدارات جوازات ).

ستقوم جوازات المطارات والمنافذ البرية والموانئ الجوية بإعادة من لا يحمل مثل هذه التصاريح وعدم السماح له بالسفر.




تعليقي:

قد ينظر البعض لهذا النظام بانه مجحف نوعاً ما .. ولكن إذا ما نظرنا

إلى واقعنا .. راح نلتمس العذر لذلك ..

فالبنت ضعيفه بطبعها .. يعني ممكن لا قدر الله يزعلها شيء من اهلها

وتطق في راسها انها تسافر .. وتروح المطار وعلى طول على خارج

المملكة .. وهذي صارت كثير ..

الشيء الثاني والأهم ..

الزوجة بعد نفس الشيء .. وخاصة للسعودي المتزوج من خارج المملكة

ممكن يجيب زوجته ويعيشوا هنا سنه سنتين .. وتخلف لها كم عيّل ..

وفي النهاية تختلف معاه .. وتسافر بدون علمه ..

وطبعاً الأنظمة تصعب عليك الحصول عليهم مرة ثانية بطريقة رسمية

وراح يبدأ موال طويل وعريض ..

لهذا وضع هذا النظام .. ليقنن هذه المشاكل .. وليكن السفر محكوم

بموافقة مسبقة من قبل ولي الأمر .. الذي هو الأب .. أو الزوج للمتزوجه.


أتمنى اكون وصلت الإجابة .. وشكراً مرة أخرى لك اختي ..

[Angel]

السلام عليكم

شكرا أخي على ردك

ولكن أنا كنت أقصد السفر الى خارج السعوديه

فأنا لم أرى أبدا أي ورقه تدل على موافقة أبي لسفري

هل هناك طريقه لجعل حاملة الجواز قادره على السفر في أي وقت؟؟

ولي تعليق على كلامك

ماذا ان غضب الزوج ولم يعد يريد الزوجه والأبناء وقرر أن يسافر الى خارج البلد؟؟؟؟

ليس هناك من يردعه..!!!

ألا ترى في ذلك اجحاف في حق المرأه؟؟؟

هي مقيده بموافقته أو عدمها وان كان على غير وجه حق

أما هو.... فيسافر متى شاء.... كيفما شاء.... أينما شاء

ولا من شاف....... ولا من دري

مسكينة هي المرأه

العادات والتقاليد تقيدها

وحتى بعض حقوقها الشرعيه تحرم منها بسبب العادات والتقاليد..!!!

وبعدين...

لو طقت براسي أهرب... باهرب... بدبرها...

معلييييش... احنا حريم... بسسسسس فييييه مخخخخخ....

تتدبر..!!

شكرا على ردك

[KHUDER_SA]

الاخت الكريمه Angel
اعتقد انك تقصدين "عندما ذكرتي انك لم يسبق وان رايتي ورقة التصريح" السفر عندما يكون والدك برفقتك او انه يكون حاضرا بالمطار وقت المغادره..

ففي حالة تواجد ولي الامر لا داعي للورقه ولكن عندما تسافرين بمفردك دون ان يكون ولي امرك بصحبتك ففي هذه الحاله يلزم احضار تصريح بالسفر من ولي الامر معتمد من الجهات المختصه

وهذا النظام لايسري على النساء فقط بل حتى على الذكور الذين لم يبلغوا سن الحادي والعشرين

وتقبلي تحياتي

[Angel]

شكرا أخي على ردك

ولكني كنت أقصد سفري لوحدي الى خارج السعوديه

[المستشار]

اهلين Angel


شوفي عزيزتي .. حكاية تقييد الرجل هذي طال عمرك اذا تبي إعادة

النظر فيها ارفعي برقيه للمقام السامي عشان ممكن يقتنعوا بكلامك

وبالفعل يصير شيء .. ماحد عارف :confused:

لكن خلي في بالك شيء ..

لا تساوي ابداً بين الرجل والمرأة في اشياء كثيرة ..

وعلينا ان نكون واقعيين .. والمرأة ترفض مساواتها بالرجل .. لان الرجل

هو الرجل ..

الرجال قوامون على النساء ..

يعني تبي مثلاً الحرمه تزعل من زوجها تروح تمنعه من السفر ::]

المهم عزيزتي ..

بخصوص سفرك أكثر من مرة بدون تصريح .. غريبه شوي ..

يعني انو فيه تسيب من قبل رجال الجوازات في المنافذ ..

لا لا لا .. اكيد فيه تسيب .. يرضيك كذا يابو فهد ..

ولا يهمك راح نصدر تعميم للجهات المختصة لأخذ هالشيء في الإعتبار

المرة الجاية .. وبيردونك اكيد ..

إلا إذا عندك واسطه .. وكبيييره .. هذا شيء ثاني ..


ختاماً ..

يبقى الرجل هو الرجل .. والمرأه هي المرأه ..

ذلك ليس تنقيص ابداً من حق المرأه .. فالمرأة هي نصف المجتمع ..

ولكن لا يعني ذلك أن الرجل هو النص الباقي فقط !

تحياتي ،

[المستشار]

اخوي KHUDER_SA

شكراً لتكرمك بالرد وبالتواجد ... ومنور القانونيه ..


وعاد لا تحرمنا طلاّتك الحلوه ..


وياهلا عزيزي ،،

[* الـمـنـتـظـر *]

مساء الخير أحبتي

النقاش هنا أعجبني .. :rolleyes:

ولكن لم تصلوا إلى نتيجة معينة :confused:

يعني كل اللي وصلنا له أن الدعوى تسيب لا أقل ولا أكثر

ولكن .. هل التسيب وصل إلى هذة الدرجة .. وفي جميــع المرات

لا بد من ثغرة

وبعدين واضح أن Angel مسافرة مرات كثيرة ( مبين من كلامها )

وعندها برّا سيارات وعماير وو :p

ولا أنا ما أفهم ..

وانا ما أقول غير ما عليك يا ملاك إلا تجربي في الصيفية

سافري وشوفي تقدري ولا .. لا

أقول Angel لا يكون عندك واسطه وأحنا ما ندري ;)

إذا أن عندك لا تتعبينا في البحث عن الحل وانا أخوك :D

يالله تحياتي

مجرد مشاركة :rolleyes:

[Angel]

المشتشار

مشكور أخوي.. بس ماوصلت للحل اللي أنا أبيه.. بس ماعلينا.. أنا توني لأستوعب اني كنت أقدر أسأل البابا من البدايه وارتاح

المنتظر

أوهووووو.. عماير وسيارات وبس؟؟ يا بابا.. توك صغير وماتدري.. السيارات والعماير ميب شي.. تعرف برج بيزا المائل؟؟؟؟


تعرفه؟؟؟

المهم.. مهب حقي..... :p

[المستشار]

angel

الحل واضح وصريح في النظام .. وانا اوردت لك نص النظام ..

وبعدين انتي ماعندك مشكلة عشان تدورين حل .. انتي قلتي انك

تسافري بدون ورقه .. وانا قلت لك السفر ممنوع إلا بورقه ..

وكون انك سافرتي بدون ورقه .. فأنتي اعرف الناس ليش ممكن صار

كذا ..

وعلى قولك ..

ارجعي واسألي الوالد .. يمكن يكون عنده الحل لحالتك انتي بالذات ..


تحياتي ،،

[Angel]

معليش ياأخوي اذا زعلتك ولو اني مادري ليه انت معصب

بس حقك علي

أنا كان قصدي...

معليش.. خلاص.. أنا آسفه... :SMIL:

وحقك علي مره ثانيه

كلش عاد الا زعل زعيم الدره القانونيه

مانقدر عليك عاد تزعل وتقيم علينا دعوه وحنا نروح في خبر كان..

[المستشار]

اهلين angel .. :SMIL:

الله لا يجيب الزعل !!

وش جاب طاري الزعل ياهووو ..

بس عاد انتي تعرفي الردود القانونيه .. الجديّه تآخذ دورها ..

تحياتي لك ..


ولا تحرمي القانونيه طلاتك البهيّه ..

وياهلا ..

[ابوفهد]

ياسعدة المستشار
يسعد مساك بالخيرات

حبيبي انا اش دخل اللي خلفوني

بجوازات المنافذ ؟:D

بعدين انا ماني قادر احكم اللي هنا

احكم اللي بالبراري ؟!!!!!!!!!!

اقولك شيء

تبي تسافر وترجع وانت ممنوع من السفر ؟

ترى شيء عادي على الحدود البرية خاصة

الاخت انجل

ياريت نعرف كيف يكون سفرك بدون ورقة

من ولى امرك وبدون حضوره ؟::[

معليش هى لقافه بس نستفيد خبره

وعلشان نحذر

تحياتي للجميع

وتمنياتي بالتوفيق والنجاح لهذه الدرة

ولجميع زوارها والمستفيدين منها

[المستشار]

مييييييييييييييييييييييين ::[ ::[ ::[



أبو فهـــد ::[




بصراحة ماني مصدق نفسي .. ابو فهد ينور القانونية .. أخيراً ::]

بجد راح ارسل خطاب شكر للاخت angel .. لان موضوعها خلا النور

والسرور ( ابو فهد ) يدخل لنا .. يامرحبا يامرحبا <== لاتلوموني عاد من كثر فرحتي والله :hap:

عموماً .. احنا بانتظار الاخت angel عشان توضح لنا ..


تحياتي لكم جميعـاً ..

[Angel]

السلام

لاتخافون

البلد بخير

طلعت أنا الهبلا والخولا وال.... مو لازم تعرفون

أثاريهم ياخذون الورقه من الجواز لاوصلت الحدود

وأنا أستلم جوازي لاطلعنا من السعوديه

أما هباله

ماعلينا... آسفه بلشتكم

بس عندي طريقه للي تبي تهرب من بيت أهلها

اللي تبي تعرفها... تعطيني ألو...

رقمي: 999

لا أمزح.. عاد لاتسوونها نروح في خبر كان

لاا.. اللي تبي تعرفها ترسل لي إيميل...

يالله.. بايااات

[* الـمـنـتـظـر *]

أهلين angel

كويس انك عارفه :D

طيب أنا أبغى أسافر وأبغى أعرف الطريقة :p

وش أسوي ^-^

تحياتي .. أبتلشناك ياأبو شاكوش

عاد سامحنا :hap:

تحياتي للجميــــــــع :)

[Angel]

شكلك مطفر يا المنتظر

انتظر لين تريش... وذيك الساعه تقدر تسافر

ولا اقعد هنا في ربوع بلادنا....... زيييييييي

[هنو]

مساكم الله بالخير ========= :)

مساء الخير أنجل

شدني موضوعك لدرجة إني دخلت الدرة القانونية ===== :( لأنه

بصراحةاسمها يخوف:(

ماعلينا.....

إستغربت وصفك لموافقة ولي الامر بإنها إجحاف بحق المرأة :eek:

قراراتنا مستمدة من الشريعة إلي مستحيل تعرف للإجحاف طريق

على العموم هي وجهة نظر والجميع محترمها

والله يعطيك العافية

[إسراء]

مساء الأنوار

تحياتي أخي الغالي المستشار ..

الله يعطيك الف عافية و تسلم يا رب ..

بس اسمحلي اكلم Angel



مرحبا Angel

عزيزتي ..

كان موضوعك واضح و صريح .. و سؤالك أيضا محدد ..

و أجاب عليه أخي المستشار بتوضيح تام ..

فليس من الضروري أن تتابعي بهذا الشكل لأن هذا ليس منتدى الدرة

الاجتماعية لحل مشاكل شفر الفتاة إلى الخارج

او الصرقعة احيانا ;)

و الواضح من كلامك انك تتخططين لخطة هرب:p لكن نصيحة لوجه

الله .. خليكي في بيتك أحسن ..

و الحرمة هيا الحرمة و الرجال هو الرجال ..

لو طلعتي السما و نزلتي الأرض:)



سلام

الأسطورة

[Angel]

أختي هنو

شكرا على تعليقك

أنا لاأقول أن قوانيننا الاسلاميه مجحفه بحق المرأه

بل على العكس تماما

فلو طبقت القوانين الاسلاميه بكل حذافيرها في مجتمعنا بعيدا عن العادات والتقاليد لأصبحنا أسعد نساء على وجه الأرض

أنا أقصد أن الفكره مجحفه بحق المرأه

أعني, سفر الرجل بغير رضائها.. فديننا لايسمح بذلك.. الرجل والمرأه معا هم قوام العائله وعليه فكل شيء يجب أن يكون بالنقاش وتوضيح الأسباب ولن تهرب امرأه من بيتها لو وجدت فيه مايغنيها عما خارجه

أختي الأسطوره

شكرا على مشاركتك

ولكن.. ضعي نفسك مكاني...

فهناك من رد على موضوعي وانتظر ردي على ماقاله..

هل (أطنش) ولا أرد؟؟ السبب الوحيد للاسترسال هو وجود ردود تتنتظر الرد

وأنا قلت في بداية موضوعي أنني لاأعلم ان كان هذا هو المكان المناسب لموضوعي واذا لم يكن ف (ياليت) لو ينقل للمكان المناسب

وأعتقد أن أخي المستشار هو الأعلم بما هو مناسب وماهو غير مناسب ويستطيع نقل الموضوع متى شاء وكيفما شاء.. وعلى راسنا مشرف الدره الذي أعلم أن رأيه هو الأهم..

وربما أخذ الموضوع طابع (الصرقعه) في نهايته للترويح عمن في هذه الدره ولاضفاء البسمه على شفاههم.. و والله العزيم تلاته مش أنا اللي ابتديت بالتنكيت :013:

وأنا ولله الحمد سعيده في منزلي وأبوي اذا ماكفته عيوني أفديه بروحي...... انسان من جد مافيه زيه.... وياليت كل السعوديين زي أبوي

الله يخليه لي يارب ومايحرمني منه... هو حبي الأول والأخير... وفوق راسي من فوق

ولايمكن أهرب من بيته ولاأطلع منه الا على بيت زوجي.... وذيك الساعه.... يمكن أفكر أهرب.... :020:

وسلامتكم.... (F)

[المستشار]

منتظر حبيبي ..

ياحبك للمشاكل .. المهم تعال ابيك في كلمة راس

ياخي موضوع السفره اللي بيني وبينك .. ليش اهملته::*

المهم عيوني..

خل نشوفك ..

طبعاً هنا مو وجه لوجه ::]

[المستشار]

هنّو

::]

يعني الحين صارت القانونية تخوف ؟

حرام عليك عاد ..

القانونية المفروض تكون اقرب شيء للناس .. لانها المفروض

توضح اشياء كثيرة يجب الحذر منها قبل الوقوع فيها في الحياة العامة

خاصة في ظل المتغيرات سواء في الحياة او في الناس ..

عموماً ..

الشكر موصول لصاحبة الموضوع الذي تسبب في تشريفك لنا ..

بس هيّن

انا حاس ان اسسو بيجي يوم قريّب وبترفع عليك قضية هنا

وقتها نسحبك سحب ;) :p

تحياتي هنو ...

[المستشار]

هلا اسسو ..

منوره والله :SMIL:

ايوه كذا ياشدييييييييييييييد ;)

ياسلام ..

بصراحة تنفعي مرافعة ومدافعة بعد :SMIL:

[المستشار]

مرحبا Angel

الحين بجد ودك لما الزوج يبي يسافر يروح يستآذن :confused:

لا ويقدّم معروض .. وفروض الطاعة والولاء لزوجته عشان ترخص له

انه يسافر ..


.
.

موضوعك هذا مكانه المناسب .. وسعدت حقيقة بما جاء فيه ..


.
.

ختاماً ..
الحمد لله انو مافي نية هرب ظهرت للحين من احد ..

والله يحفظ لك ابوك يارب :SMIL:

[hardboy]

سلاااام

بس حبيت اسلم

ترى انا دايماااا اقرأ المواضيع بس ما الاقى ردود:MAD2:



تحياتى

[Angel]

هاردبوي؟؟؟؟

انت نايم؟؟؟؟

الموضوع انتها من زماااان..!!!

ردود ايه دي اللي انتا عاوزها؟؟؟

شكله أبو جعل ضاربك في راسك من جد...!!!!!!

[hardboy]

اااااااااااااااااااااااااااااا اااااىىىىىىىى ::[ ::[ ::[

[المستشار]

عن اذنك اختي انجل ..

ودي ارحب بالفتوّه .. اللي نورنا هنا بالقانونية ..


ياهلا وغلا اخوي هاربوي .. وحياك ..