خاص لبنات مكه وجده اإللي عندها أفكار الله يحييها

[آخر العنقود]

http://www.alfrasha.com/images/icons/icon9.gif خاص لبنات مكه وجده



السلام عليكم
كيف حالكم اخواتي ??
ارجوكم ابغى مساعدتكم..ابغاكم تدلوني على محل لغرف نوم بنات
طول هر رمضان وانا ادور ماني لاقيه شي عدل حتى ايكيا لقيت عنده بس الحظ النحس خلصت الكميه
الله يرضى عليكم دلوني على غرف حلوه بسريرين او مزدوج مو مشكله بس المهم القى شي صاحي يالله العيد قرب وانا واختي مالنا غرفه <<<<<<<<<<<<<<<وامي طفشت مننا عشان طول هذي الفتره واحنا ننام عندها
رددددوا بسررررعه http://www.alfrasha.com/images/smilies/3_13_7[1].gif رحابه وإشراقه والحلوات لا أحد يقصر بلييييز

[آخر العنقود]

ياهــــــــــــــووو..
اول مرة أدخل ها الدره لا أحد يخجلني ..
وين الأفكار وأسماء المحلات ..
شكل رمضان حينتهي وأنا لسه في الصاله<<<مطروووده

[رحاب]

هلا ياعسل....
شوفي انا بصراحة مااعرف في جدة محلات تبيع غرف نوم
بس اعتقد فيه سوق اسمه محمود سعيد يبيع اثاث منزلي دوري هناك
وشوفي هالمواضيع ممكن تلقي شئ يعجبك
وترانا في الخدمة|238|



** غرف نووووم غريبه وعجيبه ** (http://www.dorarr.ws/forum/showthread.php?t=21657)

غرف نووووووووووووم تجنننننننن (http://www.dorarr.ws/forum/showthread.php?t=17824)

..:.. أختار غرفة نومك ..؛.. (http://www.dorarr.ws/forum/showthread.php?t=16125)

[Oscar]

أهلين أختي آخر العنقود..



طيب هوا في محلات كتيرة تبيع غرف نوم في جدة..

في محل اسمو المفروشات العالمية (MFI) جنب سيتي ماكس في شارع حراء

وفي مفروشات الصبان و (الهابي تات) وهوم بلازا(سيتي بلازا)و مفروشات العامر و مفروشات البيوت (البيوت الأمريكية سابقاً) و.............الخ

القائمة طويلة لكن دا الي جا على بالي

طيب هوا من مكان لمكان اكيد حيفرق الستايل تبع المفروشات فدا الشي حيعتمد بدرجة كبيرة على نوع الغرفة الي تبغيها يعني إذا كلاسيك أو نيوكلاسيك احتمال تلاقيها في الصبان-العامر-الهابي تات أو مفروشات البيوت



لكن بما إنك حبيتِ غرف ايكيا فعلى ما أعتقد حابا انو ستايل الغرفة يكون مودرن ..عادةً الغرف المودرن بتكون في هوم بلازا



الله يسهلك هيا وتلاقي غرفة تعجبك..



دمتِ سالمة|467|

[همس الشوق]

إن شاء الله لقيتتي الغرفه المناسبه :)

[جيتار جدة]

سلام كيف الحال

أنا عندي معلومة مرة حتعجيك روحي دوار الفلك و أتجهي كأنك رايحة درار الدراجة قبل مستشفا عرفان في محلات رخيصة و حلوة

هذا في جدة

أما في مكة بصراحة ما دورت

المهم تلاقي إلي تبغي

سلام

[Nooosa]

حبيبتي آخر العنقود ..
.
.

شارع صاري .. فيه محل روعة جدًّا لا أذكر اسمه لكنه بعد ( محلات المطابخ )
وفيه محل أروع برضه .. في طريق الملك النازل .. برضه ما أفتكر اسمه
هذه واللي قالت عليها أختي أوسكار ( إبـداع وراقية جدًّا )
.
( إيكيا )
تعجبني ديكوراتها .. بسطية وحلوة ومبتكرة .. وعملية لأبعد حد ..

[DANiA]

في محل في حي الربوة اسمو بيت اللمسة..

[آخر العنقود]

رحاب..
أوسكارا..
جيتار جدة..
المتألقه..
نوووووسا..
همس الشوووق..
جزاكم الله خيرا على المرور.. بس بصراحه الستايل الطالع في كل هذي المحلات بني وبيج معتق
يعني حيكون مرة كاتم..
وأبشركم كل ما أنزل ايكيا ..اللي أخترته لسه ماوصل..يعني الى الان ما اشتريت..
وأسفه على التأخير...

[نبض العلم]

ياجماعة يللي لابسين الساعة اللماعة


سيبوكم منها ولا تتعبوا عقولكم ...

أنا سبت التزاماتي وقضّيت معاهم يوم كامل في السوق

واتفقنا على كل شي وبعد ماراحوا البيت شاوروا عقلهم اللي موديهم فدهية وبطّلوا

دي وحدة هيّ وأختها ما يعجبهم عجب ..

يبغوا كل شي ما صار في البلد ولا أحد فرشه

ولو على كيفهم ..

تتسيّر رحلات لكواكب تانية عشان يجيبوا اللي فبالهم ..

محش على كيف كيفي ياولاء:150: