الرياض ...الله لا يخلينا

[شبل صنعاء]

ما أطول عليكم السالفه و هي طويله و لويتها لويه الله ياهي لويه و سالفه
المهم انا يامحاكيتكم هلول ذات الكلام المعسول...
مره من الايام سافر ابوي لمصر ام الدنيا..وطبعا كالعاده منطقين في الرياض ...الله لا يخلينا
المهم انه يوم سافر.. شي طبيعي نستخدم سيارته ..لانها ازين من سيارتنا شوي ( ماطاح الا انبطح ) بس على قول اخوانا المصريين ...قضى اخف من قضى ...المهم.. جيت ذيك اليوم بطلع انا و اختي دودي الله يحفظها... و كلمنا السواق و قلناله : قرب سيارة ابوي .... يوم طلعنا لقيناه مقرب سيارتنا ..طبعا قلت له وكلي شموخ : ( انت الحين ليه ماقربت سيارة الوالد)
رد علي : ( والله السياره في القراش )(اللي في البيت)
قلت له: ( يعني )
قال : ( والله ماني مطلعها من القراش )
قلت : ( بس انا ماني طالعه بهذي السياره )
قال : ( بس انا قربت هدي السيارة )
فلت : ( روح طلع سيارة بابا وانا بستنى جوى و لي طلعتها علم اللي في البيت يعلموني ) و دخلت وانا مستمرة في كبريائي و شموخي...لقيت نفسي استنى ومنطقه بالصاله ودودي دخلت غرفتها و ما سألت ... و انا انتظر و استنى و عمك اصمخ ...بعدين نزلت لقينه نايم ...قمت انادي مافي فايده..رحت كلمته بالتلفون الداخلي وقلت اطلع ياللا اطلع لي بسرعه...طلع يسحب رجوله ويزرر هدومه ( مما خدش حيائي ) وغضيت بصري وقلت له : ( امش ) ورد علي بمنتهى الصفاقه و الوقاحه وقال : (( لا ))
قلت : ( مافي داعي هالحركات وبابا مسافر ) يبي يستفرد فينا و بابا مسافر ... الوالد أقشرو السواق مايقدر يرفع عينه وبابا موجود و أردف قائلأ : ( مافي داعي تطلعين اليوم ) وانا رايحه مشوار علم و ضروري وكل يوم نروح له انا واختي دودي قلت له : ( انت صاحي ..هذي دراسه وش فيك ) ومارد على و سفهني وعقبها حذف مفتاح السياره على الارض وقال : ( ياللا سوقي انت انا ماني طالع اليوم ) و خيس نفسه علي و اعطاني مقفاه وراح نام
انا انهبلت ورحت اركض على الدرج كن فين الطيره وماوعيت الا و انا اقوم اختي اللي ما امداها تنوم وقلت لها السالفه و قالت : ( مشينا ياللا لموزين ..ان ما طاعك الزمان والا طيعه)
وطلع حسابنا 43 ريال لأنها في قلعة الوادرين .. كله بسبب هالحيوان http://www.alsaha.com/sahat/frown.gif
والمشكله اننا عقال ماحنا مثل هالبنات اللي عندهم اصدقاء اذا ما وصلها هو... وصلها سواقه ...هذا غير الكد و الصرف وانتو خابرين.
وذكرت اللي صرخت و قالت : ( وااااااااااااااااااااااااااااا امعتصماه )
وسلامتكم
هلول المقهوره و المنفقعه مرارتها

[ابوفهد]

اخي الحبيب شبل صنعاء
يسعد الله ايامكم بالخيرات

قصة حلوة تناقش مشكلة من المشاكل العائلية

وأعتقد أن مكانها المناسب هو الأستراحة

وذلك حتى تجد التفاعل من الجميع لمناقشة مشكلة

السائقين مع الأبناء وتجاوزهم حدودهم المسموحة لهم

أعتقد أن السائق معه كل الحق في عدم إستخدام سيارة الوالد

لان الأبناء لديهم سيارة خاصة ثم أن الوالد مسافر

وفي إستخدام سيارة الوالد من قبل السائق ستكون المسؤلية عليه اولاً

ثم أن سوء أدب البنت مع السائق غير مستحسن وقد يكون سبباً في تصرف السائق مع البنت تصرف لا تحمد عقباه

هذا وانني اخيرا أعتذر على نقل القصة للأستراحة

دمتم بخير