تلال وهضاب ومستنقعات وأرض جدباء في الجامعه [الأرشيف]

مشاهدة النسخة كاملة : تلال وهضاب ومستنقعات وأرض جدباء في الجامعه

DANiA

10-09-2005, 03:03 PM

السلام عليكم ورحمة الله وبركاته

كيفكم..

اليوم أنصدمت ورجعت البيت منكدة أقولكم على الهرجه..

نمت عالساعه 3 وشويه وعلى الساعه 6 ونص قامت أختي عالمدرسة:205: وبعدها طار النوم مني جلست عالدرر وجلست إلين طفشت بعدها اتصلت عليا صحبتي بشرتني ببشرى غير سارة جداً..

لم أكن أتوقعها ..

طلعت الأستاذة إلي أبغاها تدرسني أسس تغذية ماراح تدرسني

عملت الحرمة شعبه وجمعت بنات الواسطات..

وقفلت..

وهاااتك قهر :301: ليش يعملو كدا..

قلت لصحبتي عادي نروح الجامعه ونشوف ...رحنا...ويليتنا مارحنا...

ايش حلاااوة الجامعه ..

ولا جامعه الصومال كدا..:223:

أول مادخلت البوابه الكهربا مطفيه بعد كدا دخلت على الشوارع الشمس ساطعه حارة وتحرق وبعدها شفت هضاب وتلاال من الرمال

أثار المباني الجديدة ..

ومافي بلاااااط كلو تراب..

يعني بالله كل الإجازة دي كانت تصليحات ولسه ماخلصو ياجمااعه

كان مادني أبني قصر..

حتى النادي الرياضي مهجور وكلو سار طاولات وكراسي..

زرعه وحده مافي ..

النافورة إلي كانت موجودة كسروها العمال وحطو نخلة:155:

الجامعه سارت شوارع فقط..

ومباني غير مجهزة..

أتمنى بس يعملو شوية زرع ونوافير تفتحلنا نفسنا على الورحه..

المهم مشيت حالي وحطيت في بالي أني في جدة..

دخلت واتوكلت على الله ..

اتقابلت انا وصحبتي وأخت بسمه قمر المهم

قالولنا قرار جديد في كليتنا..

مافي تغيير شعب ..

وإلي يبغى يغير يروح العمادة والشؤون<< اظن اسمها كدا.!:266:

وإلي يروح هناك راح يقولو لك ان ممنوع التغير وهاتك مرمطه ..ودوران في الجامعه.. ولازم تترجيهم وتبوسيهم وتتهزئي..

بعدين يمكن يرضو كمان بواو..:150:

دحين ليا من الساعه 11-1 عامله دورية..

.

.

بالله أيش الكلام دا..

دي جامعه بالله..

خلو الجامعه نخيل كأنها السعودية ..

المفروض يحطو ورد..|548|

يعملو أكشن كشكات مبيعات جويه أرضيه بحريه..أي شي..

وأخرتها..

ترا من جد شي يجيب الإكتئاب

لازم جزم عشان التراب ونظارات عشان الشمس وطرحه عشان تغطي وجهك من أشعه الشمس وعلبه مكياجك علشان الحرارو تسيح كل شي

.

.

أرجوووووووووكم مانبغى مباني ..

نبغى زرع وشجر ونوافير ومظلات والنظااافه أولاً..

أشكركم..

To0ofy

10-09-2005, 06:01 PM

دانيا غني ياليل ما أطولك....:298:

من اليوم لبعد قرن محد بيسمعك.....:212:

بس الله يعين....:178:

تحياتي:
تيـــــــــما...|238|

EDrara

10-09-2005, 06:06 PM

عادي

تسير في أحسن الجامعات

مش أنا عمو

DANiA

11-09-2005, 03:20 AM

هلا تيما أصلا قررت في عقلي الباطني اني اسجب من الجامعه وأقدم بعثه..:)

حتى الأستازات إلي طلعولي كلهم مدري كيف..
نشوفك قريب بنت جامعه:(

أهلا بعمو
دي واجه جدة هيا والمطار المفروض يكونو أكشخ شي .... شوف مطار دبي كيف...:(
وغير كدا إلي ما ضبطو الجامعه عشاني بيضبطوها عشان مين.؟.؟

طائر الدرر

11-09-2005, 03:44 AM

في مره من المرات كنت امشي بسيارتي في شارع عبدالله السليمان ونا طالع على حي المطار القديم :134:

ونا واقف في اشارة الدوار اللي عند البوابة الجنوبية للجامعة اشوف لك سيارتين طايرين بسرعة جنونية :259:

وبعد ما دخلو من البوابة بمسافة عشرة متر الا واسمع صوت الكفرات وتعال اتفرج على التسحيبات والبريكات :265:

بعد ما طفشو طلعو من البوابة بدون ما حد يقول لهم ثلث الثلاثه كم !!!!

الغريب في الموضوع ان حارس البوابة واقف يتفرج وكأن الموضوع مش من اختصاصه :274:

DANiA

11-09-2005, 03:57 AM

جات على هاادي بس...

:)

بنشوف العجايب..

إلي قاهرني كمان عند غربيه2 كان الرصيف مرة صغير... والشارع إلي يمر فيها السيارات صغير يعني خق سيارتين...وكان موت زحمه عالساعه7 وشويه لأنه أغلب البنات محاضراتهم من 8 ... وكنا نتأخر ونتهزء..

أما دحين الرصيف خلوه مررررررررررررررررة عرريض ... ةالشارع سار عرض سيارة ...
بالله ايش نقول نحنا....,,,,,,,,,,,:(

DANiA

12-09-2005, 06:02 PM

مساحاااات لفضفضتي...

اليوم سمعت انو قسم التغذية إلي أبغا أدخلو......

أتلغى:(

وسار من أقسام العلوم الطبيه..

دحين ليا كم سنه أحلم أدخل القسم دا ...وباقيلي سنه عالتخصص يقومو يلغو القسم بالله ايش اسوي دحين..؟؟.!!

من جد قهر..
ياانا يالجامعه حقتكم..

المهم رحت اتأكد من الهرجه رحت لسكرتيره التغذية سألتها قالت يعني انا ايش بعمل هنا لغوني.؟..!! الكلام خطأ...<< فرحت..
إلا وتجي رئيسة قسم التغذية إلي هيا استاذتنا إلي هيا كانت عميدة الجامعه تقولو راح يتلغي...
وبعدين يعني أصدق مين بالضبط؟.
مستقبلي سار مهدد بالإنقراض..
يعني طلعت دافورة وجبت 97 في الكيمياء عشان ادخل تغذية ..وأخرتها يلغوها..!!
يعني كيف ..؟بالله إلي يعرف معلومات أو شي يقولي لأني بجد منكدة مرررة...
والتخصصات التانيه مهي عاجبتني ..

:)...

السيد المحترم الفاضل مدير الجامعه: أسامة الطيب...

أرجووك لا تلغي القسم أو إذا حبتو تحطوه عند الطب ودونا معاه...<< أحبه يا بابا أحبه:)..

___________________________

بيت الدونااااااااات أتلغى من قاموس الجامعه...<< ايش ناكل؟؟
:)

To0ofy

13-09-2005, 04:42 PM

من جد معاناه دانيا الله يعينك بجد الله يعينك...

الله يستر انا بعد سنتين لاحقتك بالمعاناه...

تقوليلي أستاذات مدري كيف شكلهم :148:

أنا جاني إحباط داناو...:128:

تحياتي:
تيـــــــما...

DANiA

13-09-2005, 05:31 PM

السلام عليكم...

أرجوكم أحتاجم مررة كتير..

الله يسامحهم لغو التخصص إلي ابغاه..(التغذية)
ونقلوه للعلوم الطبيه.. ودوبهم قالولنا ...<< ليا سنه ودي النص في الجامعه..

تنقسم التغذية إلى..:

- تغذية علاجيه ....نقلت
- تغذية مجتمع
-تقنيه غذائية..

وانا حلمي أدخل تغذية علاجيه...

قلت يا أحول علوم طبيه ...
أو ادخل تقنيه تغذية واحضر ماجستير في التغذية..
أو أروح بعثة...

بس البعثة دي حتكون لكندا او نيوزلندا او استراليا... ولازم مرافق معايا....
فماأعتقد بروح...

يعني دحين العلوم الطبيه بسببها قفلت التغذية وكيميا حيوي..

غير كدا الخطة الدراسية تبعنا راح تتغير السميستر الجاي...يعني مواد جديدة ...يعني المواد إلي درستها نصها راح تتلغي...:(

من جد انا في السعودية:(...
.
.

الله يخليكم دلوني أيش اسوي...

بكييييييييت إليييين مانمت:(...
وحالتي زي ال.....
ضروري الكل يردلي....

:)

Oscar

13-09-2005, 09:56 PM

وعليكم السلام ورحمة الله وبركاته..

زميلتي في الشقا ومرمطة الجامعة أختي المتألقة "دوماً ودائماً بإذن الله"

للأسف الجامعة سار موضوعها يحير يعني الناس يدخلوها وعندهم طموح وآمال وبمجرد ما يدرسوا فيها يسير الطموح في خبر كان..

لكن الشي الي أبا أقولك هوا انو الله لا يضيع أجر من أحسن عملا وصدقيني كل مشكلة وليها حل..بس انت خلي أملك في ربنا كبير ولا تبكي ولا تزعلي..عشان انت محتاجة لإنك تفكري بهدوء عشان تاخدي قرارك من غير تسرع ولا انفعال..

دحين كل المشكلة في القسم الي أتلغى والسيميستر التاني لازم تتخصصي وانت تبي تغذية..

قلتي يا أحول علوم طبيه ...
أو ادخل تقنيه تغذية واحضر ماجستير في التغذية..
أو أروح بعثة...

طيب بكدا انت مسكتي أول الخيط..

البعثة وقلتي ما يمديكي تروحيها أياً كان السبب..يبقالك حلين لازم تفكري فيهم كويس وتشوفي أي واحد فيهم هوا الأقرب لخططك المستقبلية والمجال الي حابا تكوني في..

يعني لو قلنا تدخلي تقنية وتحضري الماجستير..لازم تعرفي انو اختبار التوفل سار من شروط التقديم للماجستير مو بس الدكتورا>> ممكن تتأكدي من عمادة الدراسات العليا وهيا حالياً موجودة في كلية العلوم مؤقتاً عشان تصليحات الجامعة..

والتوفل موضوعوا سهل يعني يعتمد على مستوى الإنجلش وشويتين سرعة<< المهم تجيبي في 400 أو أكتر

لكن الأهم هوا المجال الي انتي حابا تشتغلي في مستقبلاً..

.

.

.

وانا حلمي أدخل تغذية علاجيه

يعني تقريباً حابا يكون مجال عملك طبي ..فأعتقد انو العلوم الطبية أقرب لدا المجال..

طيب..هوا أنا ما أعرف ايش تخصصك لكن لو فرضنا انك طالبة فكلية العلوم وحابا تنقلي علوم طبية دا الشي راح يعتمد عليكي بالمقام الأول لأنو أهم شي انو السكولر يكون 4.7 أو أكتر وبعد كدا تطلبي نقل والجامعة وقتها ماراح تقدر تقولك تلت التلاتة كم:245:

وبعدين كيف تدرسوا مواد وبعدين يلغولكم هيا..دحين دي مو ساعات درستوها وتعبتوا فيها المفروض تناقشوا الموضوع دا مع إدارة الشؤون التعليمية الي عندكم..ولو مره حابيين يغيروا المناهج الشي دا المفروض يطبق على المستجدات..فلا تسكتوا عالموضوع..

أما حكاية الجداول دي الي ما تقدروا تغيروها كووم تاني>> لكن الظاهر أنا نقيت عليكم :221: من بداية السنة وأنا زعلانة ايش معنا كل الكليات يقدروا يلعبوا فجدولهم وساعاتهم واحنا لأ ..حتى تيرم صيفي ما عندنا عشان نختصر السنين:148: الحمدلله على كل حال..

وعلى سيرة التصليحات ياريت بس ما ينسونا منها يالطيف ما في تلاجة بيبسي أو سفن اب تشتغل يا أضرب مشوار لما الكفتيريا..يا أروح لوحده تشتغل عند مبنى طب الأسنان:175: شوفي بس << يعني البشري ما لهم نفس:301: :148:

عالعموم إذا حبيتي تحولي للعلوم الطبية نحن هنا ممكن أسألك عن أي شي تبي تعرفي..<<:216: وترا عندنا هوت كريسبي,وكابز بوب كورن,ناتشوز وباسكن روبنز..كلوا وارد في قاموسنا:254: << يعني سبيكي من الدونات هاوس وتعالي عندنا |467|

الله يوفقك إن شاء الله ويسهلك طريقك ويكتبلك إلي في الخير..

تحياتي

Oscar

DANiA

15-09-2005, 12:24 AM

هلا والله بجارتي:)

.
مش السميستر التاني اتخصص بعد سنه ..انا اقتصاد منزلي ودراستي 5 سنين سنتين ونص عام والباقي تخصص..
بالنسبة تحويلي للعلوم الطبيه..صعبه شويه ...لأني درست سنه ودي النص وجبت في التراكمي 4.13. والفصلي 4.44
وأحس صعبه لأني ببدأهناك من جديد..ماعندنا مواد مشتركه غير الثقافه والعربي...وغير كدا بيني وبينك..(بعدين اقولك):)..
وحكاية البعثة فكرت فيها كويس ومرة داخلة مزاجي أني أروح كندا.... بابا أمس بعد كل المحاولات وافق بس انو جدي يروح معايا.. ومدري عن جدي ..؟؟!!
بس ماما ما رضيت تقول قتل واجرام وانا ..ماعندي غير الحزام الأصفر:)..لأنه في سعودية في امريكا من بيت الميمني نابغة في الطب قتلوها...:( الله لا يوفقهم..
وغير كدا أخاف يتقدملي واحد وانا ادرس في السنوات الأولى..واضطر اسيب دراستي ومشاكل زي كدا...
بس ربنا معايا ان شالله..
وان شالله بأستخير على اني ادخل تقنيه غذائية ولمن اكون ماسكة التخصص في يدي اخد لغة في المجلس الثقافي البريطاني واخد التوفل ان شالله يعني ان شالله اتخرج من الجامعه بكالوريوس تقنية غذائية
وعندي التوفل بعدين احضر ماجستير في جامعه الإسكندرية قسم تغذية فأكون كسبتها:)

فكرت مضبوط وشفت دا انسب حل...
بس عندي استفسار بسيط...
هل لمن اخد الماجستير التغذية ممكن اشتغل في المستشفى قسم التغذية يعني ممكن يعاملوني كأني دارسة التغذية ؟؟؟؟

.............................. ........
وحكاية المواد إلي ندرسها..يعني اذا قلنالهم بياخدو على كلامنا...إلي في راسهم بيمشوه..:(
ولمن تكون أخلاقهم عسل ساعتها الواحد يتكلم معاهم...تخيلي وحدة من صحباتي تبغى تستفسر عن شي الأدمية زعقت عليها وقالتلها لا تكلميني أخرجي برا...:(
.............................. .........
انتي طب بشري ولا علوم طبية؟.
وكيف دراسة العلوم؟؟هل نظامها زي الطب اذا رسبتي في مادة تعيدي الترم..؟

.............................. ....
أصلاً انا بأقترح على الأستاذ اسامه انو يلغو الجامعه بالكامل...يخلوها برا السعودية عشان تمشي عدل...

أشكرك عزيزتي لا حرمني الله منك:)

Oscar

18-09-2005, 09:33 PM

السلام عليكم..
أهلين يا حلوة..
طيب..أول شي على ما أعتقد انو دراسة الماجستير في مصر ما تطلب التوفل بس مو متأكدة من المعلومة دي..لكن إذا كانت الدراسة بعثة من الجامعة أو فنفس الجامعة هنا سار لازم يكون عندك توفل..

طيب بالنسبة للإستفساراتك..
أنا سألت بس محد أعطاني جواب محدد لكن كل الي وصلتلوا أنو الي حيدرسوا تغذية (علوم طبية) ممكن يكون لهم أولية في المجال الطبي لأسباب كتيرة أولها انو في الدراسة بيركزولهم على الإنجلش غير انو التدريب بيكون مكثف أكتر لأنهم بيتخصصوا من السنة التانية .. بس أعتقد انو إذا كان الماجستير حقك يتعلق بالتغذية العلاجية ومش مجرد شي نظري أو مادة تربوية <<دا الشي راح يعطيكي أولوية برضو غير انو حيكون معاكي ماجستير مش بكالوريس..
.............................. .......

بالنسبة لتخصصي ..أنا طب بشري..
لكن عموماً لوائح الكلية كلها زي بعض وكمان أتأكدت من الموضوع إذافي وحدة لا قدر الله رسبت فمادة...حتدخل فيها دور تاني..إذا كمان ما نجحت حتعيد السنة في المادة دي بس..
.............................. .
طيب يا ستي إن شاء الله أكون وصلتلك كل المعلومات إلي حابا تعرفيها..
وزي ما قلتي أستخيري..والخيرة فيما إختاره الله ..وإن شاء الله ربنا يوفقك..

دمتي متالقة..|467|

DANiA

20-09-2005, 12:29 AM

هلا بيكي حبيبتي...

أشكرك جداً..

أستخرت يوم الجمعه وقلت اذا ربنا رايدلي يوم السبت احول حولت.. بس تدري سبحان الله يوم السبت داومت وخرجت من الجامعه وانا في الطريق ذكرتني صحبتي اننا ماحولنا .... بس خليتها على ربنا وعرفت انو الله مش رايدلي... وقفلت نفسي على القسم بس ان شالله بأتخصص تقنيه غذائية...

:)

وأشكرك عزيزتي..

DANiA

11-09-2006, 06:10 PM

((مساحه للتنفيس))

اليوم..
كعادة اي بنت تروح تشوف جدولها وتضيف وتحول شعب..

اتفاجأنا بما يلي..

- تغير الخطة وبما في ذلك..نكبه فوي راسنا..
لأنه المواد الي درستها في العام 10 منها اتلغت..
ولين دحين ماتخصصت:(..
وعلى فكرة درست 54 ساعه عام:(..
-..نزلت مادة جديدة حاسب الي..:)
بس للأسف لغوها من جدول معظم البنات بما فيهم انا عشان مافي معامل..

الخلاصة....
مااعرف انا فين وكيف وليش..!!!:(..

بس كل الي عرفته بأخذ الترم دا 3 مواد ويمكن مادتين..

يعني بفحط شوية:(..

يعني ابغااااااااااااااااااااا اضربهم,,
:(..

الله يسامح الي عمل فينا كدا..

ألنشمي

11-09-2006, 08:22 PM

000
00
0

آهـ 000 بيعينك الله يالغالية المــتــألــقـــة

المهم يعيشوكِ بدوامة

ودوخة راس

وفي الا خير

خذي لك سنة

وبعدها

دوره

ولف

ووجع دماغ

وهلم جرا

ونشوفك بعد عشرة سنين متخرجة

وبعد عشرة سنين توظيف

ويمكن بعد ما يموت الواحد ويصبح تراب بقبرة

يلقوا له وظيفة

دمتِ بحفظ الرحمن

DANiA

11-09-2006, 08:42 PM

لا ان شالله..قريب اتخرج..:(..
بأستنى للسبت واشوف..
اعطيتهم رقمي وقت مايبغوني اداوم يتصلو عليا:)..
ان شالله يارب يفرج همنا..
ومانكتر دراسة لأنه بطال عالصحه