المساعد الشخصي الرقمي

مشاهدة النسخة كاملة : ..*)*(nasilsin)*(*..


د.الفجر
30-08-2005, 11:54 PM
السلام عليكم ورحمة الله وبركاته ومغفرته وطيب صلواته..

أولأ..مررررررررررررررررررررررر ة وحشتوني..بدون استثناء..حتى الجو إللي ماأعرف كيف أستنشقو..أحسو جو المنتدى وحشني..
ومرة آسفة ..على الغيبة,,المتحيزة..والأنانية..م مكن محد سأل..
لكن ماأقدر أكتم شعور بقلبي..بدون ..تصريح..
تستاهلكم ..الرحلة..
((تركيا))..أجمل ماشفت إلى الآن بكل براءة..راقتني جداً..
نفسي ..أحطلكم بعض الصور..لكن إنشاء الله أحطها بس ..
أفضى شوي..
بس من جد وحشتوني..
وكم من أشياء مرت وقصرت فيها..
نبوضة ورحاب..((عظم الله أجركم))وجعل مثوى جدتكم الفردوس الأعلى ..بإذن الرحمن..
.
.
سلطوية قلم((كل عام وسلطوية لا تغيب عنه أعين الخير والسعادة))
..
.
ومين بقي..
والله أعتذر..كنت بدنيا ...أدق وسائل الإتصال فيها..قلوب المحبين..
غير كدة لاوجود..للوجود..
يلا أسألوني,,فين رحتي..
عشان..
مااخلي شي على قلبي..
عن جد وحشتوني..

اختكم..

*الفجـــــــــــــــــــــــــ ر*
اخت ( بعض الناس )
31-08-2005, 12:12 AM
al 7amulelah 3la al salama .... nawar al montada o5ty dr.al fajer


ha ya sitty 8olily fean ro7ty ???? 7akiny bra7tek
((حواء))
31-08-2005, 03:14 AM
اهلين بــ فجرنا .. أنتي كمان وحشتينا
ولأنني فاشلة في التواصل بيني وبين الأخوات والأخوان هنا .. قصرت في السؤال عنك..
رغم أني افتقدتك والله .. بس قلت يالله بظروفها ..
شوفي ياستي .. أنا استمتع بالتفاصيل الصغيرة ..
يعني قوللي كل شي عن رحلتكِ .. أدق الفتافيت .. ..
من أول ما نويتي السفر .. الين رجعتي
كم شنطة أخذتي معك؟
ايش لونها ؟
ايش لبستي ؟
كيف النفسية ؟
كيف اللحظة اللي وصلتي فيها ؟
ايش الاحداث والأماكن اللي رحتي لها ؟
كم يوم قعدتي ؟
كيف الجو ؟

الخ .....
يعني هاتي الحكاية من أولها الى آخرها ..



والحمدلله على سلامتك:229:
جف البحر
31-08-2005, 07:48 AM
نورتي يا فجر الدرر.,

ان شا ءالله تكوني انبسطي

جبتيلنا شاورما معاكي ؟؟

استنى وشوف


مع حووووووووووبي،،
د.الفجر
31-08-2005, 10:32 AM
اخت ( بعض الناس )..
الله يسلمك..
طيب .حمستيني..
أولا..ركبت الطيارة..وقطعت البوردينج..
وبعدين..ههههههههأمزح.. :130:

لا عن جد..كانت رحلة متقطعة..وفيها روح مغامرة أليمة.. :129:
رحت..
1.إسطنبول
2.بورصة(bursa)
3.يلاوا(yalava)
4.بولو(polo)..أباند(abant)((أح لى منطقة))
5.سامسون(samsun)
6.طربزون(traabzon)
7.زونقل(uzongul)((فظيعة))
8.حيدر(aidar)
9. 1200 كيلو متر..رجعة على إسطنبول..
((بإختصار شديد))
رحاب
31-08-2005, 11:24 AM
هلا وغلا بفجرنا الجميل
اول شئ الحمدالله على سلامة الوصول
وسامحيني ترى انا مثلك كنت غايبة عن المنتدى مانورت الا قبل يومين
وكل عام وأنتِ اقرب لله اليوم يوم ميلادك ولامو؟
ربي يسعدك ياعسل ويحفظك
وفي انتظار المواقف الطريفة اللي صارت معاكِ في السفر
دمتِ في حفظ الرحمن ورعايته
د.الفجر
31-08-2005, 11:38 AM
أهلا وسهلا ب((حواء))..والله إنتي كمان واحشاني..

كم شنطة أخذتي معك؟
أسكتي بس..كل يوم تهزيئة من بابا..يقولي((إنتا جايبة بقرة معاكي ولاشنطة))أي نعم كبيرة :179: ..لكن كل يوم لبس((شياكة))..هه..العدد كل الأحجام..صغير وكبير ومتوسط هادا بس أنا قلك قلك أختي معايا مسكينة.. :220: ..
ايش لونها ؟
الطقم كلو لونو أخضر..
ايش لبستي ؟
حدث ولاحرج..
كيف النفسية ؟
مرة مسالمة كنت..أصلا الطبيعة إللي هناك تنسيك كل شي..تخليك من جد بدائية بكل شي..يمكن لأني شاعرية شوية..لكن عن جد مرة كنت((مرتاحة))
كيف اللحظة اللي وصلتي فيها ؟عادي..بس أول ماسمعت كلامهم..قولت ((أتفضل))..أنا أعرف كلامهم بس..لمن يرصو كلو على بعضو..حرام..
ايش الاحداث والأماكن اللي رحتي لها ؟
رحت1.إسطنبول
2.بورصة(bursa)
3.يلاوا(yalava)
4.بولو(polo)..أباند(abant)((أح لى منطقة))
5.سامسون(samsun)
6.طربزون(traabzon)
7.زونقل(uzongul)((فظيعة))
8.حيدر(aidar)
لكن عن جد..أحلى شي((بحيرة أباند))عارفة المنظر إنتي في الوسط وحولينك جبال خضرة وبتحيط بالبحيرة..ومافي ناس كتير لأنو مافي غير فندق أو فندقين..شي((سبحان الخالق))..إنشاء الله أوريكم الصور
كم يوم قعدتي ؟رحت 8أغسطس رجعت 29 أغسطس..ممكن تلاتة أسابيع
كيف الجو ؟
لاتعليق..مرة حلو...كل مانروح مكان..يقولولنا غنو عندهم 9شهور تلج وشهرين مطر وشهر شمس قولت بس هواداه نحنا جايبينو معانا..لكن شهر الشمس زي شهر التلج عندنا..مرة متعة..
ودي الحكاية..
لكن مرة مصرة على إنو أوريكم الصور..
إنشاء الله أحاول أحطها..
تسلمي ياأحلى حواء..
*الفجر*
د.الفجر
31-08-2005, 11:54 AM
جف ..الله يسلمك..
على بالك..كل ماأقولهم فيه ..بالتشكين..يضحكو عليا..مافي غير لحم..بس مرة لزيزة..زي ورق الشجر..يعني عرفت تسأل عن إيش.
إيوة صح كنت حاأنسى..فين بسبوستك ..مرة عيب تروح مصر وترجع يدك فاضية :180: ..
لكن مشي حالك..
خيرها بغيرها..
حمدلله على سلامتك..
بس ماتنساش المرة الجاية تجيب معاك الفتير المشلتت..
هههههه..
تسلم ..
الفجر
BackShadow
02-09-2005, 01:26 AM
اهلين بالدكتورة

اول شي الف الحمد لله على السلامة ... نورتي بيتك الثاني :d


ثانياً ... مش عارف ليه بس عاجبني اسم زنقل ... نفسي اروح هناك |467|


مع تحياتي
د.الفجر
03-09-2005, 03:19 PM
أهلا وسهلا فيكي ..يا أحلى رحاب..
لاولو..إنتي أمسحيها بوشي..انا إللي ماأستحي..
وتسلميلي ياعمري..وكل سنة وانتو معايا..
أما عن المواقف الطريفة..
فهي لغتهم..
وحدة مرة كنت خارجة من التلفريق أنا وعيلتي ولقيت واحد تبع ذرة(حبش) يعني..
ورحتلو وبعد عناء عرفت إنو كوز الذرة بمليون ونص..والمهم خرجلي وحدة..وحطة على ورقة..وسار بدو يحط شي عليها ..فسار يطل فيا ويقلي (طُز)(طُز) (طُز)..طبعا أنا اش عرفني.,ومكاوية وحالتي بالهم وجيعانة..وورايا طابور أخواني وبابا وكدة..فرحت قولتلو..(طُز فيك) وعصبت ومشيت..هههههههههه :268: ..فراح بابا يقولي اش فيه؟؟إش صار..قولتلو شوف اش يقول..
قالي ياعبيطة هوا يقولك يعني تبغي ملح.. :259:
ههههههههههههههههههههههه..عن جد..إلى اليوم مافتكر الموقف افطس ضحك..
وغيرها مواقف أهبل من الهبل..
بس لازم..تعرفي إنو مو أي أحد يقولك (طُز) معناتو يهينك ممكن يقصد يخدمك.. :130: ..!!
بس عن جد..شعب تحفة..بس ..قلبو طيب..!!
وتسلمي عالسؤال..

*الفجر*
د.الفجر
03-09-2005, 03:29 PM
BackShadow
..أهلا فيك..من ذوقك..وجدة كلها منورة بأهلها..يعني فيحال إن كنت في جدة :266: !!غير كدة إنتا المنور..
ثانياً ... مش عارف ليه بس عاجبني اسم زنقل ... نفسي اروح هناك
تعرف شكلك من الناس إللي يقودهم الإحساس الجيد..
عن جد منطقة الملك لله..سبحان الله..عارف بحيرة ويحوطها جبال وبين كل جبل فيه شلالات صغيرة..وطبعا هناك نظام أكواخ خشبية..تحس منطقة ريفية جبلية..واحلى شي الضباب..إللي ينزل..وطول الوقت (هتان)بسيط من المطر..وبرد برد برد..جدا..يعني تروح تنسى كل شي..وماتاخد معاك ولاشي (غير)الوجه الحسن..ههه..أمزح,,بس حلو تكون جمعة ناس كتير..
هيا عن طريق طربزون تروحها..عن جد..صيف فيها السنة الجاية..حتدعيلي..
وهيا اصلا جبل ..فيقفلوها طول السنة عشان التلوج وكدة لأنو السيارات ماتقدر تطلع للجبل في الشتا..بيكون الطريق معدوم..فبس واحد شهر إللي هوا في الصيف ..ويمكن موسم الصيف بس..لأنو يادوبك المطر بيقل فيها..
ترى مابااخرف بس اهل البلد قالولي كدة..
وإنشاء الله تزورها..وعندي صورتها بس ماني عارفة..كيف أحطها لأنو حجمها كبري..
لكن..تكرم..احاول..
شكرا..

*الفجر*