المساعد الشخصي الرقمي

مشاهدة النسخة كاملة : وش بتسوي لو .... سلسله من المواقف تفضل وشارك


الأخيــــــــر
14-06-2002, 10:13 AM
مرحبا

انا باحكي لكم موقف ...وهو عباره عن مقاطع مفصله لاحداث متسلسله
المطلوب منك تحديد موقف وردة فعلك لو كنت انت بهذا الموقف


اشتريت سياره جديده بالتقسيط ... حيلك مهدود باقساطها
قسط متأخر وقسط حان موعده ...مطالب بدين منسي وراتب متأخر
ولك صديق عزيز علي قلبك لايجيد القياده
وقبل تشتري السياره وهو يحاول معك ويبيك تعلمه السواقه
قررت تعلمه عشان خاطره وماسك علي قلبك لايسوي حادث او مصيبه
كل ليله صرت تمر عليه للبيت ... مره تشجعه ومره تسحبه ومرات ينط بحلقك
تقعد معه ساعه علي الاقل وانت راكب معه وتعلمه
لف يمين ولف يسار ..انتبه ..هدي السرعه ...زود السرعه ..خل ذا المهبل يعدي ومن ذا الكلام
وبيوم راسك مصدعه ... متهاوش مع الاهل ومخبصها مع مديرك بالعمل
وقاعد تعلم زميلك علي ماوعدته
كم حركه خطأ سوواها ومشيتها له وانت ماسك اعصابك
وفجأه زميلك تقله انتبه ... قدامكم رصيف ولابد تلف هنا والا هنا
وهو ماسمع الكلام ... واكل الرصيف وبقلبك شفت وجه السياره طاير عليك
في هالحاله وش بتسوي ...؟؟

خيالي واسع والا :p ;)
*نجـ سهيل ـم*
14-06-2002, 01:57 PM
مساء الخير ... اخوي الأخير ..

بصراااحة الموقف من جد ما ينطاق ..

خاصة لمن يكون من واحد عزيز ..

وش عاد أقووول ... أو أسوي ..

بصراحححة ما معي إلا إني أبكي

هذي ردة الفعل المناسبة
الأخيــــــــر
14-06-2002, 02:46 PM
نجم سهيل اخوي :)

معك حق اخوي
تحرق القلب

زين تخيل معي

مع الضربه هذي ... صرخت بخويك ...وقلت ""قايلك انتبه وخفف السرعه "
قلتها بعصبيه
وزعل عليك
وش بتكون ردة فعلك وقتها ;)
BackShadow
14-06-2002, 07:01 PM
يسعدلي مساكم جميع


شوف يا الاخير ...

الموقف منيل بستين نيلة ... بس انا بقولك على شغلة

انا ما احب اعلم اي انسان شغلتين

السواقة و البلوت

لان اي موقف يصير للاثنين ذولي

خصوصاً في بداية حياتهم السواقية والبلوتية

بتلاقي الواحد يقول لهم " الله يلعن اللي علمك يا شيخ "


يعني انا وش ذنبي انلعن على آخر ايامي !!!!


المهم ... في موقف زي هذا صدقني بتلاقيني ابتسم واقوله

" هي منيلة من اولها ... يوم منحوس من اوله لآخره .. لا تهتم "



مع تحياتي
بسمة الحياة
14-06-2002, 11:59 PM
السـلام عليكم..

لو أنا في مكانه كنت باعصصصصصصب وباقوله له مالك مش انا نبهتك!!!

والله..ماناقصني الا شخص مستهتر!!

بعدين اكيييييييد بعدها باروق بس بعد ما اكون فشيت خلقي..

ولو الشخص عنده دم مفروض يشارك او يتحمل ثمن التصليح..مش كدة!!
*نجـ سهيل ـم*
15-06-2002, 01:32 AM
مساء الخير ..

بصراحة أنت الظاهر تبيني ألعن أصله هذا اللي عاد قام يزعل ..
الأخيــــــــر
15-06-2002, 03:12 AM
:D
backshadow:)
يسعد لي مساااك وصباحك
والله صادق يااخوي .... نقطه سليمه جدا ....
واؤيدك فيها
بس نفرض انه فعلا وعلمته .... وصار اللي صار
وش بتسوي ؟;)
الأخيــــــــر
15-06-2002, 03:13 AM
بسمة الحياه :)
بصراحه .... رسمتي بسمه علي وجهي...اكثر من كذا ... ضحكت من اسلوبك المرح والجميل


انتي خليك معي وشوفي وش بيصير بالجزء القادم


:p
الأخيــــــــر
15-06-2002, 03:14 AM
هههههههههههههههههههه
نجم سهيل اخوي
هدي اعصابك ...ماتستاهل

هههههههههههه
اجل كذا خلاااص ماعاد بكمل

كله ولازعلك


;)
الأخيــــــــر
15-06-2002, 03:24 AM
شفت ردة الفعل المتوقعه من اختي بسمة الحياه واخوي نجم سهيل

وعرفنا انك الحين بموقف صعب
خويك ... ضحك بعد الضربه بمقدمه السياره
وانت عصبت وبغيت تخبط فيه الين تقول خلاص باروح انام

بعد ماصرخت عليه وزعل عليك ... وقف السياره ونزلت منها تشووف وش صار عليها
لقيت الصدام والمقدمه محكوكه والبويه راحت عليك
حاولت تهدي اعصابك وتقول بسيطه
رديت تبي تركب الا خويك وجهه مقلوب وزعلااان
انت قلت له اركب كمل سواقه وقالك .... لا انت سوق السياره
حسيت انك متوتر ... وودك تكسر راسه بس ... ماهان عليك وحسيت انك تصرفت غلط
تطالع يمين يسار لقيت محل عصيرات مثلا
وقفلت السياره وقلت خلنا نرووح نشرب لنا عصير ونبلع شي
ومشيت
هو لحقك وجلس معك
جاكم الجرسوون وطالع بخويك وش يطلب
لقيته كان الامر مايعنيه ويقرا بجريده المسائيه (( يعني مافيه شي يخليه يقرا او ينسجم وتفهما انه يحاول يبين انه زعلاان))
سالته وش تطلب وقالك ولاشي .... :115:
ها وش تسوي ؟؟؟؟

;)
بسمة الحياة
16-06-2002, 12:45 AM
السلام عليكم..

مادام بديت الجزء الاول اكمل..

في البداية شكله حس بالذنب..لكن مامرت ثواني الا وراح الاحساس

بالذنب..

قال لي لا مايريد..ماطنشه واروح ابلع شي يطفي ناري :mad:

واوصله لبيته وامشي باقصصصصصصصصى سرعة واوقف بريك بقوووووة

كيفي :eek: على الاقل افش خلقي تاني وما اخليه يتهنى بقراية

الجريدة ::[

هههههه..شو رايك؟؟ :cool:
الأخيــــــــر
16-06-2002, 06:56 AM
بسمه الحيااااااه :D

تعرفي .... عجبني تصرفك

شي حلو

طيب نكمل بعد شوي واشوف :D
الأخيــــــــر
16-06-2002, 07:04 AM
علي رأي بسمه الحياه ... طلبت لنفسك وطنشت خويك
وشوي حتي بدون كلمه مشينا .... مسحت يدك وشلت اغراضك
جوال او محفظه اي كان علي الطاوله ورحت للسياره
هو لحقك ساعتها .... وبدون اي كلمه
ركبت السياره ...
الحين انت تسووق
طول الطريق لبيتهم وهو .... مايتكلم
وانت ماتتكلم
طالعت في عيونه وشفت ... دموعه بعينه
حسيت انه ... شعر بذل اكثر من الذنب ...وانك منيت عليه بشكل صرختك فيه
فكرت في موقفه ... وكيف كنتم تمحزون مع بعض قبلها ...وكنت تشجعه وتمدح سواقته وتقول صاير تسوق احسن منّي
وثواني وصار الموقف اللي ماله داعي
وصرخت فيه وقت ضحكته ... هو اخذها بمرح ولاقدر انه ممكن تكون فيه خساره وكانه دعس علي حفره بالغلط

قلبك طيب ... وحسيت انك غلطان
قلتله ... أنا ماقصدت اصرخ عليك بس كانت ردة فعل خطأ
انا اسف اني صرخت
وسكت
وهو طالعت بعينه لقيته يحاول بالغصب مايتكلم ويحاول يقول شي بس دموعه حاجرتنه

وش بتتصرف وقتها
هنو
16-06-2002, 09:01 AM
صباح الخيرات :)

ألحين ممكن أفهم وش البرود إلي بيصقع روسكم في بعض هذا؟:mad:

وخير يعني وإذا كان شخص عزيز و لا حتى شخص أبو فهد بكبره ؟:D

يعدم لي أبو السيارة؟

ليه جايبة حقها من الشارع ولا نزلت لي من السما؟:mad:

لا بعد ,,, مابقى إلا هي اوديه مطعم بعد:eek:

هذا أوديه مسلخ العيد يتصرفون معه :D :D

هاذي سيارة موب سيكل:(
ابوفهد
16-06-2002, 11:31 PM
مرحبا بالأخ العزيز الأخير

أولاً الله يعطيك العافية على هذا النشاط الملموس لكم بالدرر

ثانياً أنا لن يمر عليّ هذا الموقف اطلاقاً تدري ليش ؟

لأنني لا أعير سيارتي لأحد حتى أخي

لأن اختلاف الرجل على السيارة مصيرها لكثرة الخراب

فأنا مستعد أوصل أي أحد لأي مكان برسم الخدمة

فقط لا يطلب هو قيادة سيارتي

هذه وجهة نظري من أول يوم امتلكت فيه سيارة داتسون غمارتين الله المستعان
تحياتي