قالت قرف .. بنت اللذين ..!!

[LAST*HOPE]

"ما تشوف القرف"

آه يالقهر .. :mad:


قالت قرف !!!

بنت اللذين .. هاك اللي ما عرفت الشرف :mad:


قالت قرف !!!


تأشر على العبايه بكل احتقار !!!

يوم سألها انت سعوديه والا ... ؟؟


تقول واضحه مثل النهار ..

" ماتشوف القرف"


ما درت عن المحترف..ما درت عن مغزى السؤال ..^-^

هاك الغبيه ..

هو يبي يقول :

انت مثل ما انتِ من بعيد ..

عز و كرامه .. و احترام

والا انتِ اي كلام ؟؟

وهالجنود والحرس والحدود ..

هل هم فخر .. والا قيود ؟!!

هل هم مجرد ستار .. يخفي هالانحدار ؟!


الغبيه ..

ما فهمت مغزى السؤال :rolleyes:

هو بس يبي يعرف ..

انتِ من قبيلة بعيدين المنال ؟؟

بنت عم الصعب... اخت المحال ؟؟

انت من اللي ربو مع العز وانفطمو عليه ..

رضعوه عشق وفخر ..

واصبرو فيه .. برد وجمر

ولو لاح لهم الموت دونه .. ما همهم


والا من اللي ياكثرهم .. ويارخصهم ؟

وبعد ياشينهم ..

مافيهم حلى ..

لا لهم حب ولا تقدير ولا غلى ..


الا ان كان ..
بعض الكلام عشان تخلص بهم شغله ..

..بأرخص ثمن

يوم ماصار للي يبي غير هالطريق ..

يا جعل اللي مشاه للحريق :mad:


****************************** ******




انا اللي ابي اعرفه صدق انتم يالبنات تشوفون العبايات قرف !!
تشوفونها غثى وبلوى ابتليتم فيها .. مجتمع متخلف وانولدتم فيه واضطريتم تسايرونه .. هم وغم لازم تعيشونه كل يوم ؟!!!!


انا صحيح سمعت كثير وشفت كثير .. لكن كنت ومازلت مقتنع بأنه ما يطفو على السطح الا الجيف ..

الدرر واللآليء كلها في القاع ..

هذا اللي ارجيه على الأقل ..



عموما نقطه سبق وانها توضحت في اكثر من مكان وعلى اكثر من لسان .. والله من اصيع واحد في هالديره بالذات الى اعقل واحد .. النظره العامه وان قيل لكم غيرها هي ان العباه حقت البنت هي مقياس احترامنا حنا يالشباب لها .. لأنه وبكل بساطه مالنا الا الظاهر ..
اتركونا من الكلام الزايد والهرج اللي ماله سنع .. هذي حقيقه لازم تعرفونها ..


واسمحو لي اذكر قصة صديقي الغثيث .. ذاك اللي يخاف من السنجاب .. يقول انه كان في دوله عربيه و وحده لابسه قصير حبت تسوي فيها شريفه .. كنت اناظر وش هي مطلعه (مو قصده شي بس مستغرب كيف ما تستحي على وجهها) عاد هالبنت انتبهت لنظراته قالت : وش تناظر ؟
قال : خير ياطير .. مو انتِ مطلعتها عشان انا اناظر !!
طبعا ما عاد لها وجه تقول شي ..


الأمر هنا قريب .. يعني لا تظنون ان اللي تفقدونه بعد العباه ترجعه المحاولات الثانيه والكلام و .. الخ



اوووو المعذره على الحوسه اللي سويتها .. بس اهم شي طلعت هالموضوع من راسي ..



س

ل

ا

م




:cool:

[الشمس]

سلام ..


لاست هوب أنا جاية بتكلم بصراحة :rolleyes:


وبعيد عن نظرة الشباب وما إليه , لأني لو عرفت إن العباية مطلب الشباب , وربي ما أمرني فيها ما كنت شفت عندي قطعة سودا :o

باختصار العباية ما هي شي ممتع , أو حلو بذاته , لكن الحجاب أولاً وأخيراً عبادة وهنا مربط الفرس ..
والعبادة تتطلب الصبر , و التعبد ماهو شي سهل , لكن بالمقابل الثواب على قد العمل ..

التخلي عن الحجاب حرية دنوية صح , وحاجة مغرية لضعاف الإيمان , وتحقق جوانب كثير من المتعة , لكن كل هذا في النهاية زائل ..
صاحبة العقل والقلب الصاحي رح تعرف أنه مصلحتها في الحجاب لأنه ربها هو من أمرها فيه , وماهو عادة وتقليد ورثتها عن أمها وجدتها ..

وأرجع أقول , لو كنت مأمورة بالحجاب من أحد غير ربي , ماكنت تحجبت ..
وسلامتكم ..


الشمــــــــــس

[إسراء]

مساء الأنوار ..

تحياتي last hope

اقولها و بكل صراحة ايوة نعم العباية قرف ..

مو عشان شيء .. بس زي ما قالت الشمس .. العباية خرجت من

مضمون انها عباية .. للستر و لحجاب أمر في ربي إلى أشياء تانية ما

لها أي أساس .. و مقياس البنات و الشباب أيضا الأوحد .. فلانة كيف

تكون أنيقة في مكان عام ؟؟؟؟ إلا بلبسها لعبايتها ...



أنا عندي ملاحظة على شيء واحد ...

العباية عبادة و ليست عادة صح !!!!!

طيب اذا كان كده ليش مقيدين انو العباية تكون سودة ؟؟؟؟؟؟؟؟؟

ليش تكون على الراس مو على الكتف أو العكس ..

أنا أبغى أتحجب من دون محد يقلي كيف أو ليه .. أو يحدد لي طريقة

أتحجب فيها .. الحجاب مو عباية سودة أبدا .. اوكي خلاص أنا إنسانة

مسلمة مطلعة على آيات الحجاب .. خلاص أتحجب بالطريقة اللي

تريحني .. مو بفستان سهرة يقولوا عليها عباية ..

أبغى زي ما أكون متحجبة في الخارج .. زي ما أكون متحجبة في

بلدي ..عن قنااااااااااااااااااااااااعة مو لأن و الله كل بنات البلد لابسين

نفس الطريقة ..



و في النهاية زي ما قالت الغالية .. لو مو ربي ما كان اتحجبت و لا

لبست عباية .. لو مو امر من ربي ما كان سويت اشياء كتير ..



تحياتي

الأسطورة

[LAST*HOPE]

السلام والرحمه والاكرام ..


كلام جميل و آراء ليست جميله في نظري :rolleyes:


سؤال بسيط .. :)


توقعون الجبص اللي نحطه على ارقابنا حنا يالشباب والطاقيه اللي جابت لنا الصلع وجميع انواع تساقط الشعر والشماغ اللي ما يخليك تقدر تلتفت من كثر ماهو مضايقك وفي المناسبات توصل المسأله الى لبس البشت .. تتوقعون ان كل هذا ما يضايق ؟!

لكن انا شخصيا والكثير حسب توقعاتي ما يزالون يشوفون فيه شرف وكرامه وعز .. بل ومقياس للرجل في هذا المجتمع و لكل مجتمع مقاييس اخرى ..


الأمر مشابه بشكل او آخر في قضيتكم يالبنات .. لكن نادرا ما نشوف منكم احترام للبسكم هذا اللي قبل لا يصير عاده هو عباده ..


واسمحو لي انقل هنا بعض مقتطافات نقاشي مع شخص عزيز علي البارحه وكنت ادور معاه حول نقطه احب اوصل لها ..وفيها توضيح لسبب تقرفي انا من كل اللي يقرفون من العبايه .. وقرف عن قرف يفرق ;)


لازم نقتنع في بداية كلامنا انه قيمة الانسان في قيمه و مبادئه , في مدى احترامه لها ولحدودها , على مر العصور وعلى اختلاف المجتمعات كانت هالقيم والمباديء هي االمقياس .
وشخصية الانسان وانتمائه ليس هو من اوجدها بل هي خليط من عادات ومجتمعات , واحترام الشعوب الأخرى والمجتمعات لبعضها البعض يعتمد على هذه الأمور ..

لا تعتقد انت او انتِ بأنكِ تساويين شيئا في هذه الدنيا لولا ان كانت لك قبيله وشعب تنتمين اليه ويعرفك الآخرون به ..
هل فكرتي مثلا ماذا لو انك لستِ عربيه ؟؟! لا فخر لغة القرآن تملكينها ولا فخر الكرم العربي ... الخ (من ميزات العرب و كل ما يرسم شخصيتك)
ولستِ بمسلمه فبهذه فقدتي كل انتمائات الاسلام ..
ولستِ اوربيه او امريكيه او من اي مكان ما او مجتمع .. ياترى ماذا تعتقدين انك ستساوين حينها ؟


من هنا ستجدين ان ادعائاتكم بأنكم ستفعلون ما يحلو لكم لولا امر ربي امر خاطيء , سواء وافق كلامي هذا خيالكم او عارض , كم من المجتمعات والشعوب (التي لا رب لها كما تظن) قامت ليس بإتباع اهوائهم والابتعاد عن عاداتهم وتقاليدهم و احترامهم لتراثهم وعاداتهم بل لقد فرضو و ادخلو الكثير من عاداتهم على اولائك الضعفاء الذين هزموهم (أياً كانت الهزيمه) و أولائك المنتصرون حاربوا طويلا وكثيرا لأجل عاداتهم التي نجدنا هنا نتنازل عنها ونصب جام غضبنا عليها في كل فرصه وحين ;)

ثم شئنا أم ابينا العزيز في مجتمع ما والذليل فيه انما هو ذليل وعزيز تحت قوانينهم و عاداتهم ونظرتهم وتفكيرهم .. الخ .
والشخص الأحمق فقط هو من يرضى بالذل والهوان , اما احمق او ربما هكذا هو شخص وضيع وحقير .

من هذا المنطلق كان سعي الناس لمكارم الأخلاق حسب ما يرونه مفروض عليهم , وهو ليس دائما خاطئا وبالطبع ليس دائما صحيح
, لكن على كل حال هو أمر دائما ما يحتاج الى صبر و كفاح ومقاومه وتعب .
أمر لا يأتي بأن نفهم ما نريد كيفما نريد ومن ثم نفعله :cool:


عند الغرب قيم ومبادئ يعتبرون تعديها وضاعه فيك أيها الشخص , ويفخرون بالتمسك بها رغم انها تحد من حريتهم وهم من يدعون انهم مصدر الحريه !!

ولو رجعنا بالتاريخ قليلا لنقول مثلا القرون الوسطى في اوربا .. لوجدنا هناك العفه والشرف والحفاظ عليه , كان لديهم (حميه وغيره على محارمهم ;) ) وكانو يقتلون من يتعدى على محارمهم , كانت عادات وتقاليد ومعتقدات يحافظون عليها ويدافعون عنها , مع مرور العصور والأزمنه بدأ الضعف يدب في عزائمهم و بدأو يتنازلون عن التقليد خلف التقليد و الاعتقاد خلف الاعتقاد و الأيمان خلف الأيمان لاهثين خلف راحتهم ورغباتهم و دنياً اغرتهم , فإلى أي مآل آلو :)

لذا وجدت اصابعي منقاده خلف افكاري في محاول لمجاراتها حين سمعت تلك تنطق بتلك :)


هذه فكره عامه مختصره (حطو خطين تحت مختصره :p ) حول ما دعاني الى كتابة ما كتبت او بالأصح هي فكره عن اسباب اقتناعي بأن (القرف) هو ان نجد الأجيال تتنازل جيلاً خلف جيل عن الصحيح والخاطيء من العادات دون تميز او تفكير , بل فقط اتباعاً لأهوائهم او ربما كما يقال مواكبه للعصر ::[


طبعا أرجوا ان لا ينظر الي احد الا كأول المتهمين :(



انتهينا هنا من كثر الهرج والرد العام على الفكره العامه اللي طرحت من قبل الشمس والاسطوره .. والحين عاد بجلس ارد (والله من واحد و واحد ضاق صدره :p ) برد وبحاول اختصر لكل وحده على حده :)

[LAST*HOPE]

ياهلا بالشمس المزعجه ..

ما ادري ليه ردك مزعج .. يمكن عشانه معارضني :p


ويمكن عشان مافهمتي القصد اللي انا ابيه او اللي وضحته :rolleyes:


الصلاه عباده .. الصوم والزكاه .. والدعاء بعد عباده .. وكل وحده فيها من التعب والجهاد الكثير .. ياترى هذا سبب يجعلنا نقول انها مقرفه !!!!!!! ::[ :mad:

والله ان عباداتنا بكل اشكالها وانواعها فخر لنا لكن ما عرفنا قدرها صح .. و والله لو وافق الإيمان قلوب تقيه ما كنا هنا الآن :)

اسأل الله اني ما اجيب العيد بالآيه اللي ابي استدل بها لكن يقول ربي سبحانه (ذلك ومن يعظم شعائر الله فإنها من تقوى القلوب)

شعائر الله من العبادات الى حتى الجمادات .. من صلوات واجبه وسنن مطلوبه الى بيوت الله ومصاحفه .. الخ
يجد الإنسان في نفسه تعظيم واجلال واحترام ومهابه ليس امرها بيده , يجد انحناءه وربما ركوع وسجود في حنايا قلبه لتلك الشعائر دون ان يعي ..

لكنه بكل تأكيد لن يجد نفسه يهتف دون اراده (ما تشوف القرف) :cool:



أدري ان الحر و صعوبة النظر والحركه اللي يسببها الحجاب الشرعي متعبه و بتنازل وبقول قرف :P.. و اتوقع هذا قصدك وقصد الاخت الاسطوره و استدل بهذا بقولك (بذاته) لكن كان المفروض توضحين مو لشي الا عشان ما اخاف انا ان قصدك غير اللي فهمته بسبب عدم دقتك واضطر اكتب ساعه كل اللي كتبته :p

[LAST*HOPE]

(أنا عندي ملاحظة على شيء واحد ...

العباية عبادة و ليست عادة صح !!!!!

طيب اذا كان كده ليش مقيدين انو العباية تكون سودة ؟؟؟؟؟؟؟؟؟

ليش تكون على الراس مو على الكتف أو العكس .. )


هذي امور لا استطيع ان افتيك فيها , لكني واثق أنها ما كانت تنكيل بالنساء وتعذيب لهم مثل ما تفكرين :)




(
أنا أبغى أتحجب من دون محد يقلي كيف أو ليه .. أو يحدد لي طريقة

أتحجب فيها .. الحجاب مو عباية سودة أبدا .. اوكي خلاص أنا إنسانة

مسلمة مطلعة على آيات الحجاب .. خلاص أتحجب بالطريقة اللي

تريحني ..)

اختي لو فكرتي في جملتك لحظه كان لقيتي اننا بكذا ما راح نحتاج علماء خير شر .. لا بن باز الله يرحمه ولا غيره :o

الأمر دايم يرد الى اولياء الأمر والعلماء , مو يفسر على الهواء وانتهى الموضوع , لأنه بكذا دراسة عمر كامل ما صار لها اي قيمه , او انا غلطان ؟


(أبغى زي ما أكون متحجبة في الخارج .. زي ما أكون متحجبة في

بلدي ..عن قنااااااااااااااااااااااااعة مو لأن و الله كل بنات البلد لابسين

نفس الطريقة .. )

صحيح اختي هذا مبتغانا كلنا .. وهذا اللي بيحقق فخرنا , لكن لازم نهتم في نفس الوقت ان قناعاتنا تكون على الطريق الصحيح , و اللي افهمه من كلامك انك من اللي يحرصون على قناعاتهم في كل مكان وعلى كل ظرف .. يحق لك تفخري بهذا .. لكن لازم تسعين الى ان قناعاتك تكون اقرب للكمال قدر المستطاع :)



(و في النهاية زي ما قالت الغالية .. لو مو ربي ما كان اتحجبت و لا

لبست عباية .. لو مو امر من ربي ما كان سويت اشياء كتير )

لو مو امر ربي بالله عليك وش بيقومني من حلاة نومي واجلس اتوضا مويه بارده احيان وحاره احيان واطلع المسجد على رجولي او السياره وحالتي حاله ؟



وشكرا لك يالاسطوره .. يكفي انه كان عندك الشجاعه بأنك تقولين رأيك و الناس اللي مثلك هم اللي يوصلون للصح بإذن الله .







ختاما ..
النقاش هنا اسعدني و أرجو المعذره ان كنت تعديت حدودي .. لم يكن هذا قصدي مع اي شخص ونشوف اذا هنالك المزيد :)

تحياتي للجميع ..

[DARKMAN]

سلمت الأنامل ونفعك الله بعلمك ياااااااا اخي في الله

[الشمس]

سلام مرة ثانية ..

لاست أخوي , أنا ماقلت إن العباية قرف ولا رح أقول :)
إنت ذكرت في موضوعك قصة بنت قالت رايها في العباية وأنه قرف , وفي ردي الأول أنا ماكنت أقصد تبرير قولها ..

إنت سألت : " انا اللي ابي اعرفه صدق انتم يالبنات تشوفون العبايات قرف !!
تشوفونها غثى وبلوى ابتليتم فيها .. مجتمع متخلف وانولدتم فيه واضطريتم تسايرونه .. هم وغم لازم تعيشونه كل يوم ؟!!!! "

وأنا في ردي السابق جاوبت وقلت شلون أشوف العباية ..
بمعنى برغم كل اللي قلته في ردي عن العباية , وبرغم من إني أحياناً أحس إنها مسببة لي مأساة , لكني مستحيل أمر بموقف البنت وأقول عن العباية قرف , أو حتى أبدي رغبة إني أتخلى عن حجابي ..

بس لازلت مصرة أقول , لو هو عليكم واللي تبونه كان مالبست العباية :p

أما عن عادة المجتمع وتقليده , واللي تشوف انه فيه عز وشرف إلى آخره ..
اللي أشوفه أنه كثير من الشباب تخلوا عن هالعز والشرف هذا إن كان في الزي عز وشرف حقيقة , أي زي كان ..
يبقى يا عزيزي شرف وعز الإنسان في قيمه ومبادئه اللي تحكم حياته , ومو في مظهره ..
مثلاً تلاقي الشاب يلبس ثوب ولا يصلي !!
أو يلبس الثوب والغترة والبشت ويكذب !!
إلتزامه بزي جده وش بيرقع ؟!

في نظري كون الشاب لبس ثوب أو جينز , ما تفرق ( بس ترى الجينز أكشخ :p )
لكن ياااااصغره قدامي وهو يكذب ..
وياصغر البنت قدامي وأنا أشوفها لابسة عباية ومو لابسة ..
لكن لو كانت العباية مكانتها مثل مكانة الزي السعودي ما رح تفرق معي , ولا مع المجتمع بأكمله , والدليل أنتم واللي تلبسونه ..



وسلامتك :D

الشمـــــــــــس

[إشراقة أمل]

أخوي last hope

الله يبارك فيك على اللي كتبته ويجعله في موازينك..

ونظرتي للعباية بالعكس لأنها شي أنا أفتخر فيه..

وفرق كبير بين معاملة الناس (خاصة الرجال) للي محافظة على حجابها ومعاملتهم للي استهانت فيه وأكيد كثير منا لاحظ هالشي

[LAST*HOPE]

السلام والرحمه والاكرام ... :)



DARKMAN لا جعل الله للظلمة اليك طريقاً ..

شكرا لك وسلمت ..


================


الشمس .. بنقزك واذا امداني ارد عليك رديت ..


================


الأمل حياك الله ..

الله يبارك فيك وفي ايامك وسنينك ..

والله يجعل العبايه فخر لكل من البسته ولكل من شهدة ان لا اله الا الله و ان محمدا عبده ورسوله ..


اما مسألة الشباب ونظرتهم فما ادري وش كان قصدك بالضبط .. اذا قصدك ان نظرتهم هي اللي تشجع على العبايات النص كم و على التنازل عنها .. فأنا معاك في هذه و أنا ايضاً ضدك ::[

لو اتبعنا التيار السطحي لوافقتك .. لكن لو تعمقنا لوجدنا ان الشباب يستحقر تلك الفتاه المبتذله وكلما زاد الابتذال كلما واد احتقاره .. والدليل لو سألتيه بتتزوج من هالاشكال ؟؟ شوفي وش بيقول :)

اذا الامر مجرد استغفال للبنت المغفله .. واللي ان شاءالله قليلات ..

وشكرا ..


==============


قهر ما بقي احد لازم ارجع للشمس ::[


بداية كلامك عسل و كنت متوقع او كنت اعرف ان هذا قصدك .. لكن وش اسوي لك منتي واضحه وحتى لو كنت واضحه كنت ابي اتعبك بس ::*

وبعدين عاد بديتي تتشمتين فيني مبسوطه انك مسكتي علي شي وتمسكتي فيها بكل قوتك ... بالحلقه الأضعف :$

مكان المقارنه كان خاطيء والفرق كبير مابين الاثنين .. لكن اللي كان مأثر علي سالفه او مناقشه كانت مطروحه ذاك اليوم وكان فيها من فيها وكان عنوانها قد ايش هالثوب والغتره والشماغ غثى وقد ايش صعب التخلي عنها وكيف انها اصبحت جزء من شخصيتنا .. :)



شكرا .. ولو انك ما تنعطين وجه تتدققين بكل شي :o