المساعد الشخصي الرقمي

مشاهدة النسخة كاملة : مذكرات طالبة جامعية (4)


الشمس
10-06-2002, 12:10 AM
تحذير
.......
يمنع منعاً باتاً نسخ أو اقتباس أي جزء من هذه المذكرات دون إذن خطي من كاتبتها ..
.....



تنويه

لم تكن المتعة فقط هي هدفي من الكتابة ولن تكون , فمثلي قد رسم
لنفسه أسلوباً في العيش والحياة , أردت أن أعيش بعين مفتوحة , ناقدة , يسير بأمرها قلمي ..
ولن يكون لي هدف ومغزى غير الإسهام فعلياً في التصحيح ..
مذكرات طالبة جامعية , ماهي إلا فلاشات أسلطها على أكثر القصص غرابة , وأشدها إيلاماً ..
لن تكون غير تصوير حي لما يجري في وسط عشت فيه الآن مايقارب الأربع سنوات ولا زال مشواري فيه طويلاً ..

مذكرات طالبة جامعية , هو صوت فتاة ترى وتسمع وتعي تماماً ما يجري حولها ..

مذكرات طالبة جامعية , ليست حملة إعلانية , تروج ما سيطرح فيها من سلبيات ..
بل هي مبضع جراح يشق الجرح ويتمنى أن يساهم في تطهيره ..

فمن سيلتهم كلماتها ليؤولها لأهداف مريضة , لا مكان له هنا ..

ودمتم ودام النقاء ..


.........

:297:سلسلة مذكرات طالبة جامعية :297:
(1) (http://www.dorarr.com/forum/showthread.php?s=&threadid=1653)
(2) (http://www.dorarr.com/forum/showthread.php?s=&threadid=1812)
(3) (http://www.dorarr.com/forum/showthread.php?s=&threadid=1918)

........
الشمس
10-06-2002, 12:17 AM
مع الاعتذار على طول الحلقة ..
بإمكانكم تقرونها على أجزاء :rolleyes:

...

http://195.42.183.14/images/smilies/cwm15.gifفي المكتبةhttp://195.42.183.14/images/smilies/cwm15.gif


أنا : أوففففف .. بصراحة مليت :242:..

ملاك : ....http://195.42.183.14/images/smilies/cwm15.gif

دينا : ....http://195.42.183.14/images/smilies/cwm15.gif
أنا : الله لا يسفهنا .. !
لهالدرجة مصدقين أنكم تحلون واجب:182: ؟!!!

دينا : الله يزعج العدو :217:..

أنا : آمين :309:..

دينا : ألحين ورى ما تكتبين وانتِ ساكتة :292: ؟

أنا : هماني قلت إني مليت ؟

دينا : لا يا شيخة !!

أنا : لكن للأسف ما فيه أحد يقدر ..
يعني باللهِ هذا واجب ولا قلة حيا؟
لنا ساعة ونص ما غير ندور بين هالمكتبات ندور المراجع , ونكتب ..
كتب مغبرة , وتهيج الحساسية , من فتحتها وأنا ماغير أتحكحك , وكل هذا ولا بعد خلصنا ولا نصه , وفي الأخير هو واجب هالأسبوع , يعني واحد من الواجبات الأسبوعية اللي في الأخير ماعليها إلا خمس درجات بس ..

ملاك : آآآآآآه .. بنات معاكم مراية .. ؟

دينا : وش قالوا لك , تسريحة متنقلة :290:!!

ملاك : ماااااحبك :243:..

دينا : أخيراً قلتيها , من يوم ما صحيت من النوم وأنا أنتظر إني أسمعها منك , بس أشغلك الواجب عني , وحسيت إن هاليوم ناقصه شي مهم , وأخيراً كمل :230:..

ملاك : (( دندونة )) ترى ماني رايقة لك , حاسة أنه خشمي مولع إشارة حمرا كلها من هالكتب .. طيب ليه ما يعطرونها ؟!!

دينا : معليه , أعظم للأجر :230:..

أنا : طيب يا بنات , أنتم خلوكم كذا بنتين حلوتين ومجتهدتين , تجلسون تحلون الواجب , وأنا بطلع فوق :307: ..

دينا : وين فوق ؟

أنا : للمية وحدعش ..

دينا : وش تصير ذي ؟

أنا : هذي حارة الكتب الأدبية في المكتبات طال عمرك ..

دينا : تهربين من الواجب وتروحين للميةوحدعش , على الأقل الواجب عليه درجات ..

أنا : أيووووة عشان كذا ما حبيته ..

دينا : طول عمرك ما عندك سالفة ..

أنا : مخلية كل السوالف لك , والواجبات بعد ..
يالله سي يو قريباً.

.......

رحت من عند البنات أبي أطلع فوق , ومن سوء حظي - أو من حسن حظي الله أعلم – إني ما طلعت من الدرج الرئيس , لأنه كان أبعد , والجانبي كان صغير وبشكل حلزوني ويدوّخ , لكن كان أقرب و يطلع على (111) مباشرة .
كنت رايحة هناك وأنا أعرف أنه فيه احتمال كبير ما أحصل اللي أنا أبيه , لأني دائماً أجي هنا ولقيت كل الكتب الموجودة أكل الزمان عليها وشرب , ولاحظت أنه ما فيه تحديث مستمر للكتب , مع إن المكتبة كبيرة وبإمكانهم يستغلونها استغلال أفضل من كذا , لكن قيل لي أنهم يعتمدون على (( التطوع )) بمعنى أنه يجي أي شخص ويرسل لهم كم نسخة من أي كتاب ..
عاد على أي أساس ؟
ما عندي علم !!
المهم إن الوضع ما أعجبني , وما يشجع على زيارة المكتبة باستمرار ولوقت طويل.
حتى الكتب اللي ألاقيها هناك , نادر جداً ما أفتح كتاب وألاقيه نظيف !!
غالباً يكون الكتاب ملياااااان شخابيط وتخطيط , وكثير من صفحاته مطوية وصاير شكله مقرف ..
ولما استعرت كتاب وجيت أرجعه عرفت السبب ..
الموظفات يكتفون فقط بأنهم يشيكون على البطاقات سابقاً , وحالياً يشيكون بالكمبيوتر على تاريخ الاستعارة , وهل كان الترجيع في الوقت المناسب أو لا ..
وبس ..
ما أشوفهم أبداً يضطلعون بشكل سريع على الكتاب يشوفون هل سلمته البنت مثل ما استلمته ولا لا ..
لو كان فيه تحذير للمستعيرة قبل لا تستعير أي كتاب أنه لو ما رجع لنا الكتاب نظيف رح نجبرك على دفع غرامة , تماماً مثل التأخير في ترجيع الكتاب ..
لو كان فيه هالشي كان اختلف الوضع كثير , الناس للأسف ما يمشون صح إلا بالغرامات المالية .. !!

نرجع لموضوعنا والمفاجأة اللي قابلتني عند (111) !!!
طلعت الدرج بسلام , ومشيت خطوتين , عديت أول خزانة كتب على اليسار , والثانية .. وبعد الثانية , وقبل الثالثة كانت الطامة http://195.42.183.14/images/smilies/a.gif!!!
موقف أبداً ما كنت أتمنى إني أمر فيه , رجولي ما عادت تشيلني , وعقلي ما هو مستوعب اللي شافته عيوني , باختصار تنحت تتنيحة معتبرة :082:..
وما أدري كيف تصرف مخي و أمر رجولي إنها تتحرك وتمشي ..
وصرت أدور بين الخزانات من دون هدف وأسترجع المنظر أحاول أستوعب بس ..
الأكيد إني شفت بنتين ..
بنتين , وحدة كانت جالسة على الكرسي والثانية واقفة ورا الكرسي..
المكان معزول وما فيه أحد غيرهم ..
والأهم من هذا كله , البنت الجالسة ما هي غريبة علي , أبداً ما هي غريبة !!

توقعاتكم للي كانوا يسوونه إيش ؟!!!
مافيه داعي تتوقعون , بس قولوا الله يعافيهم ولا يبتلينا ..
منتهى الحقارة والقرف :213:, اشمأزيت بمعنى الكلمة وقرفت وحسيت إني مريت على قذارة مو على بشر , والغريب و اللي دعاني لاحتقارهم أكثر ردة فعلهم الغريبة ..
هم صحيح وقفوا عن اللي كانوا يسوونه (( مؤقتاً )) , وصحيح أنهم تركوا المكان , لكن لما رجع لي وعيي وجيت بنزل ,طبعاً خلاص مين اللي له نفس يسوي شي بعد اللي شافه , صادفتهم في الدرج يكملون اللي قد بدوه قبل , ومجرد ما حسوا فيني وراهم وقفوا , فيهم الخير والله !!

نزلت للبنات .. ولازلت مثل ما كنت " متنحة " ..
جلست في نفس مكاني قبل لا أروح ..

دينا : يعني ما طولتِ ؟

أنا : ....:032:

دينا : (( ملاك )) صاحبتك شفيها ؟!

ملاك تهز يدي : (( شموسة )) فيك شي ؟!

أنا : وش اللي فيني شي , قولي وش ما فيك !!
تخيلوا بس لو عطيتها وجه ..

ملاك : من هي هذي ؟!

أنا : مين غيرها ؟!!
حسافة الوردة الحمراء اللي مسكتها بيدينها القذرة ..

دينا : إيـــــــــه العبقرية ..

ملاك : ليه وش صار ؟

أنا : شفتها مع وحدة , وهم في صورة المفروض تكون مشفرة ..

ملاك : يا حبيبتي يا ما سمعنا ..

دينا : صح , مو شي جديد ..

أنا : سمعنا بس ما شفنا , كل شي يختلف لما نشوفه بعيوننا ونمر فيه ..
يا الله يا بنات من جد ضايق صدري مرة ..

دينا : الله لا يعيده من أدب , وش وداك هناك أصلاً , يعني ضاقت ما لقيتِ تروحين إلا وهم هناك .. !!

أنا : وأنا وش يعرفني .. ؟!!

ملاك : خلاص حبيبتي وسعي صدرك , المهم إنه كشفها ربي قدامك , ألحين ما أتوقع تضايقك بعد كذا ..

دينا : صح , رب ضارة نافعة ..

ملاك : يالله عاد (( شموسة )) ورينا ضحكتك , ناس مثلهم ما يستاهلون تكدرين خاطرك عشانهم .. اضحكي ولا ترى ببكي ..

دينا : بتقلبونها فلم هندي انتِ وياها .. ؟!
ناس مثل هذولي مرضى الله يشفيهم ..

أنا : خلصونا الحين خل نطلع من هالمكان .. حاسة إن الأكسجين فيه خلص ..

ملاك : طيب يالله والواجب بعدين نكمله .

.........

وبعد الموقف هذا الله لا يعيده والله يعافي جميع المسلمين مما ابتلاهم , صدق توقع (( ملاك )) , وما عدت شفت المعجبة بعد كذا إلا بالصدفة من دون ما تزعجني بنظراتها ومراقبتها , خصوصاً إنها ما هي في نفس تخصصي يعني نادر جداً ما أصادفها ..
وبكذا خلصت من سالفة المعجبة للأبد , لكن المشاكل ما بعد انتهت :062:, ورح نشوف كيف ..

.........
الشمس
10-06-2002, 12:21 AM
بعد ما انتهت محاضرة 111 ريض , وما أكذب عليكم لما أقول أنه (( دينا )) لا زالت على حالها مع البنت الغريبة , من أول المحاضرة وإلى أن تطلع الدكتورة وهم سوالف لا تنقطع ..
انتهت المحاضرة اللي قالت لنا الدكتورة فيها أنه درجات المد الأول معلقة على لوحة الإعلانات في مبنى الرياضيات , واللي كان في ذاك الوقت مبنى تسعة , قبل لا ينتقلون للمبنى الجديد ..
ومبنى تسعة هذا تحفة المباني وإن كان فيه أسوأ منه , هذا فيه أصنصير أقرب شي له علبة سردين , يكفي ثلاث بنات تتراوح أوزانهم مابين 42 إلى 48 كيلو جرام , غير كذا لازم يطلعون وحدة وحدة لأنه ما يشيل أكثر :056: ..
يذكرني بأصنصيرات عماير مكة الله يشرفها , طبعاً العماير اللي موجودة من العصر العثماني , واللي مستحيل يوصل الدور قبل لا يوقف بالراكب تسعة وتسعين مرة :062:..
طبعاً أصنصيرات مثل هذي ما أركب , لأنه في الحركة بركة , والوقت ثمين في الجامعة :058:..
البريك لازم يتوزع على المشاوير بين المباني , وما أعتقد إن الجدول رح يشمل الوقت اللي ننتظر فيه الأصنصير يوصل لنا , وبنا , فالأكيد أنه رجولنا والدرج أسرع و " آمن " .
لكن في مبنى تسعة , حتى الدرج ما هو حل لعدة أسباب , أولاً عرضه لا يتعدى 50 سم, يعني ما يكفي أكثر من بنت وحدة ..
وعلى هالعرض ياليت الطول مناسب , طول كل درجة تقريباً 25 سم , والأسوأ من كذا أنه مجزأ لثلاث أجزاء , يعني تطلع الثلث بعدين تلف وتطلع الثلث الثاني بعدين تلف , وأخيراً الثلث الثالث بعدين توصل للنهاية , وانت راسك يلف:196: ..
باختصار عشان تطلع هالدرج لازم تكون منتبه ومركز بقوة , ولا مصيرك تطيح على وجهك ..
وكم مرة وأنا أطلع درج مبنى تسعة , أتخيل لو شب حريق في المبنى , شلون بيهربون اللي فيه ؟!!
مالهم إلا إنهم يتدحرجون وحدة ورا الثانية , غير كذا رح ينشبون في مدخل الدرج ويحترقون .. !!

وبعيد عن مبنى تسعة , بعد ما تركنا قاعة محاضرة الريض , كانت (( دينا )) شاردة بعيد عنا مرة ..
وطول الطريق لمبنى تسعة وهي ما هي معانا أبد ..

ملاك : (( دينا )) فيك شي ؟!

دينا : لا ما فيني ..

ملاك : طيب وش تفكرين فيه ؟

دينا : ما أفكر في شي ..

ملاك : طيب ..

أنا : لكن لا تنسين إنه صاحباتك موجودات لو احتجتِ شي ..

دينا : ما رح أنسى .

......

وصلنا للمبنى , وشفنا الدرجات , كانت كل درجاتنا حلوة , و (( دينا )) كانت أقلنا مستوى ..

تركنا المبنى , وتركتنا (( دينا )) وراحت لمحاضرتها , وانشغل بالي عليها , كان واضح أنه فيه شي مشغلها , ولا تبي تقول ..

مر يومين , و(( دينا )) ما هي اللي نعرفها , صايرة هادية على غير عادتها , ساكتة أغلب الوقت و تفكر ..
إلى أن مرة اتفقت أنا و (( ملاك )) على أنه نلح على (( دينا )) ونخليها تقول لنا وش اللي مضايقها يمكن نقدر نساعدها .. وأول ما حصلنا الفرصة دخلنا في الموضوع مباشرة وسألتها : (( دينا )) ما رح تقولين وش فيك ؟

دينا : لا ما رح أقول ..

ملاك : يعني فيه شي ؟

دينا : إيه فيه ..

أنا : طيب ليه ما تبين تقولين ؟

دينا : ...

أنا : خاص لدرجة إنه ما ينقال لصاحباتك ؟

دينا : لا مو لهالدرجة ..

ملاك : منت واثقة ؟

دينا : (( ملاك )) لا تقولين كذا , إنت عارفة قد إيش أعزكم و أحبكم و أثق فيكم , لكن ...

ملاك : لكن إيش ؟

دينا : وعدتكم إني ما أجي أشتكي لكم بعدين ..

ملاك : أنا ما فهمت وش قصدك !

أنا : ولا أنا فاهمة !

دينا : لما نصحتوني و ما سمعت لكم , وقلت لكم لو صار شي ما رح أجي أطلب منكم مساعدة ورح أساعد نفسي بنفسي ..

أنا : وعلى بالك أنه رح يهون علينا نشوفك في مشكلة ولا نساعدك حتى لو ما طلبتِ منا مساعدة ؟!

ملاك : إحنا صديقات يا (( دينا )) عارفة وش معنى هالكلام ؟!

دينا : أنا آسفة :026:..

ملاك : ما نبي أسف , قولي لنا وش فيك ..

دينا : بنات أنا في مشكلة , مشكلة كبيرة , وكل يوم تكبر ..

أنا : مشكلة مع صديقتك الجديدة أو صارت قديمة الحين ؟!

دينا : إيه معاها , مي راضية تخليني في حالي ..
في آخر محاضرة للريض , صار بينا حوار أنهيت بعدها علاقتي معاها , ومن هذاك اليوم وهي مسلطة علي شياطينها ..

ملاك : (( دينا )) وش صار ؟!

دينا : بعد ما قالت لي عن آخر الأحداث بينها هي وصديقها , صار بيني وبينها هالحوار ..

" الغريبة : (( دينا )) إنت ما تعرفين أحد ؟

دينا : سؤالك غريب , فيه أحد ما يعرف أحد :056:!!

الغريبة : صادقة والله ..
طيب تطلعين معاه ولا بس تكلمين ؟ غريبة كيف ما قلتِ لي عن السالفة قبل وأنا أقول لك عن كل شي !!

دينا : إنتِ وش تقصدين ؟!!
لا فاهمتني غلط , ما عندي معارف من هالنوع , أنا قصدت بشكل عام , يعني معارف من جنسي , إنت ما قلتِ تعرفين شباب !!

الغريبة : طيب (( دينا )) , صديقي طلب مني أدور لصاحبه صديقة من الجامعة , وأنا بصراحة ما شفت أحسن منك ولأني حبيتك وأحب لك الخير تكلمت له عنك , وحبك صاحبه من كلامي عنك , وطلب مني إني أعرفك عليه , صدقيني هو طيب و ينحب و ...

دينا : لا غلطانة , أنا ما أحب هالأشياء ..

الغريبة : كيف ما تحبين ؟!

دينا : ما أحب وخلاص , رجاء لا عاد تفتحين هالموضوع مرة ثانية معاي , وياليت ينتهي اللي بينا مرة وحدة :186:.."

ومن بعدها ما صرت أكلمها ولا أرد على اتصالاتها , لكن صايرة تجيني مكالمات على الجوال من أرقام غريبة وبشكل مزعج , حتى إيميلي والماسنجر ما سلم منهم , تأكدت بعدين من أنهم شباب ..
بنات أنا في ورطة ولا أدري وش أسوي :026:, صايرة أقفل جوالي عشان ما تشك أمي فيني لما تشوف الجوال يدق كثير ولا أرد عليه , لكن حتى التقفيل لفت انتباهها وخلاها تسألني ليه مقفلة الجوال ...

أنا : مو غريب تعرض عليك هالعرض المغري لما تشوفك تسمعين قصصها وانت راضية ومبسوطة ومستمتعة بعد ..

دينا : أنا أعترف إني غلطت , بس وش الحل ؟!

أنا : (( دينا )) إنتِ ليه خايفة , ومن إيش ؟!
إنتِ ما سويتِ شي غلط عشان تخافين منهم , يعني حتى لو عرفت أمك إنك تقفلين الجوال عشان الإزعاج اللي يجيك , وحتى لو عرفت وش سبب هالإزعاج إنتِ ما سويتِ شي يخليها تزعل منك , غلطتك الوحيدة إنك سايرتِ البنت بس , ويا كثر الإزعاج على جوالات البنات .

ملاك : يعني كل اللي عليك يا (( دينا )) إنك تواجهينهم وتوقفينهم عند حدهم ..

أنا : ما أوافق (( ملاك )) على الحل اللي هي قالت عليه , الأمر يحتاج مواجهة صح , لكن مو منك , لازم أحد من أهلك إللي هم يهددونك فيهم , قولي لأمك , خليهم يعرفون إن أمك عارفة بالسالفة , وصدقيني رح ترتاحين كثير ..

.....

طولت (( دينا )) ساكتة وتفكر في الحل إللي أعطيناها إياه , ووعدتنا إنها رح تقرر اليوم يا تقول لأمها أو ما تقول ..
ولما جت بكرة , قالت لنا إنها قالت لأمها , وتفهمت أمها الموضوع , وعصبت على البنت و شياطينها , وقالت إن البنت هي الشيطانة :091:, وتبادلت هي و(( دينا )) شرايح الجوال , مؤقتاً , حتى طاح واحد من المزعجين في يدها وهزأته وهددته , وغيروا رقم (( دينا )) وانتهت المشكلة إلى الأبد :314:..

........

الشمــــــــــس
* الـمـنـتـظـر *
10-06-2002, 04:38 AM
صباح الخير اختي الكريمة شمس الدرر

صعب الوصف ..وصعب أيضاً التعليق .. جو ممتع ومثير

وأسلوبك رااااااااااااااااااائع بالقعل

لا ادري ماذا أقول .. بالفعل انسجام وأي انسجام وانا أقرأ تلك المذكرات

سواء السابقة أو هذه أو مجرد إنتظار القادمة يعتبر إنسجام

من أعماقي أتمنى لك التوفيق .. وفي إنتظار جديدك الممتع

عندي لك إقتراح بسيط ..

بعض الزوار للموقع أو الأعضاء الجدد لا يرون المذكرات السابقه فيا حبذا

لو جعلتني لينكات لـ ( مذكرات طالبه جامعيه 1 , 2 . 3 ) مع كل مذكرة

جديدة وهكذا .. مجرد إقتراح ;)

لأن بالفعل ما تسطريه جميل ورائع .

أتمنى ان تكون العبر والتجارب التي فيه تفيد من هم مستجدون في

الشغله :D <-------- أحلى ياللي يهرج :p ( مدري كيف قلتها )

الشئ الثاني الوضع الجامعي بصفه عامه .. يحتاج إلى اعداة هيكلة

ومن البداية :)

تحياتي وشكري وتقديري لك أختي الشمس :SMIL:




الحمد لله أنا اليوم اول واحد يرد :D

بايووووووووووووو
الشمس
10-06-2002, 08:57 AM
صباح النور المنتظر :)

تصدق عاد , كنت أفكر أحجز لك أول رد :p
أشكرك عزيزي على الصبر والقراءة والإطراء :)

أما بالنسبة لاقتراحك , إللي فهمته إنك تطلب مني أرشفة الحلقات السابقة , وهذا موجود , غريب لو ما تكون الوصلات ظاهرة لك :confused:
الظاهر من كثر الكلام اللي كتبته لكم , ضيّعت :rolleyes:

سلسلة مذكرات طالبة جامعية
(1)
(2)
(3)

........


هذي دائماً تكون موجودة قبل الحلقة الجديدة , وكل حلقة تزيد واحد :)
طبعاً في مكانها الأصلي رح تكون بوصلات ..

مشكور مرة ثانية ..

.....

وتذكروا لا زال هناك المزيد من المغامرات الممتعة والمشوقة , فقط .. أبقوا معنا http://195.42.183.14/images/smilies/wink_2.gif..

الشمــــــــــــس
* الـمـنـتـظـر *
10-06-2002, 03:22 PM
اهلين أختي الشمس

أشكر لك ردّك

ولكن ما قصدته هو وضع لينكات للمذكرات السابقة :)

لأن سلسلة المذكرات كما أعتقد طويلة ويصعب على أي شخص البحث

عن الأولى وخاصة إذا كانت في الصفحات الصفحات الثامنه في المنتدى

وانا قصدي هو التالي

مذكرات طالبة جامعية (1) (http://www.dorarr.com/forum/showthread.php?s=&threadid=1653)

مذكرات طالبة جامعية (2) (http://www.dorarr.com/forum/showthread.php?s=&threadid=1812)

مذكرات طالبة جامعيه (3) (http://www.dorarr.com/forum/showthread.php?s=&threadid=1918)

وعلى هذا الحال .. وكل ما تنزل مذكرة جديدة تضاف إلى المذكرات

وتكون الروابط للمواضيع في بداية كل مذكرة جديده

أعتقد وضحت الفكرة ;)

تحياتي
الشمس
10-06-2002, 05:10 PM
المنتظر , سالفتي معاك سالفة طويلة :rolleyes:

لكن خل أبدأ معك من أول .. طالع معاي بداية الصفحة هذي , وتابع..
أول شي يجي التحذير ..
بعده التنويه ..
بعدهم يجي عنوان يقول " سلسلة مذكرات طالبة جامعية "
تحت هالعنوان أرقام ..
الرقم واحد يعني الحلقة الأولى
والثاني الثانية ,
والثالث الثالثة ,
وقريباً رح تنضاف الرابعة ..

أعتقد أنه نفس اقتراحك , وتأكدت كمان إن الأرقام تقود إلى نفس الصفحات اللي سويت إنت لها لنكات ..

يالله عاد , أنتظرك تقول إنك توك تنتبه :rolleyes:


وسلمت ..

الشمــــــــس
* الـمـنـتـظـر *
10-06-2002, 07:00 PM
مساء الخير ^-^

يا شماتة الشمتانين فيك يا منتظر ::]

اوكي انا أدري أني أحولّيت ولا ما أدري وش اللي صار لي :MAD2:

ويمكن يجي في بالك اني ما أقرأ المواضيع كامله :rolleyes:

بس انا والله قريتها لكن المقدمة قريتها أول مره وبس :hap:

وبيني وبينك النظر اليومين هذي رايح وطي وانتي حاطه

(1) (2) (3) يعني الفيل ما يشوفها ( وش دخل الفيل في النظر :D )

عموما .. ياليت ما في داعي للشماته ..

وما صار إلا خير .. كل واحد يصلح سيارته :p

الغباء أحيانا يستفحل فيني :D

وتقبلوا تحياتي
البندري...
11-06-2002, 12:24 AM
هلا بشمس الشموسة..:):)

ماتصدقين وش كثر مستانسة بقراية هالمذكرات...

من جد روووووووووعة...

وانا في انتظار المزيد..:):)

ويسلمووووووووووووووو اناملك..:):)

***********

فلاش للمنتظر..:)

وش بلاك اليوم...:):):):)

ماتصدق وش كثر ضحكت على رودوك الله يسعدك زي مااسعدتني..:)

اختك:
البندري...
الشمس
11-06-2002, 12:13 PM
يومكم سعيد :)



المنتظر ..
معليه تحصل في أحسن العوايل :D
التناحة مطلب ضروري بين فترة وأخرى عشان تقدر تعيش في هذا العصر :p


.....

البندري ..

تسلمين يا حلوة :)
انتِ ضحكتي على المنتظر وأنا شككني في نفسي و الوصلات اللي حاطتها :rolleyes:

يالله ما علينا قلنا تحصل :p



تحياتي ..

الشمــــــــس
LAST*HOPE
11-06-2002, 02:38 PM
سلام .. :)


اول شي بغيت اقول اني من المتابعين لو ماشاركت .. ولا كان لي نيه اشارك ..


لكن بيني وبينك حرام افوت الشماته بالمنتظر .. ::* ::* ::* :091:


ويناقش الولد ومتحمس ويقترح ويحتج .. وبالاخير :D :D


هارد لك يالمنتظر .. واعذرني احس فيني شر اليوم :rolleyes:



وبانتظار القادم .. من مذكرات الشمس .. وردود المنتظر :D
الشمس
12-06-2002, 03:25 PM
لاست هوب ..

انت وش قصدك تبي تطفش زبايني ولا ايش :D
تكفون خلووووه لا تحصون غلطاته ماادري ايش ماادري ايش ...

المنتظر يقترح واحنا ننفذ ماعليك انت بس هماه حاجز أول كرسي :D

....

وياهلا فيك لاست ..

الشمــــــــــس
kittiwake
13-06-2002, 12:36 AM
شموووووووووووووسة

ماأحبك :cool:
* الـمـنـتـظـر *
13-06-2002, 02:30 PM
مساء الخير على الجميــع


النص الأصلي مرسل من قبل البندري...

فلاش للمنتظر..:)

وش بلاك اليوم...:):):):)

ماتصدق وش كثر ضحكت على رودوك الله يسعدك زي مااسعدتني..:)

اختك:
البندري...

أهلين البندري .. ويسعدك مساك يارب

قلتي لي ضحكتي كثير .. عسى الله لا يحرمنا ولا يحرمك الضحكة

قولي آمين

ما تبي تقولي .. براحتك :005:


النص الأصلي مرسل من قبل LAST*HOPE
سلام .. :)


اول شي بغيت اقول اني من المتابعين لو ماشاركت .. ولا كان لي نيه اشارك ..


لكن بيني وبينك حرام افوت الشماته بالمنتظر .. ::* ::* ::* :091:


ويناقش الولد ومتحمس ويقترح ويحتج .. وبالاخير :D :D


هارد لك يالمنتظر .. واعذرني احس فيني شر اليوم :rolleyes:



وبانتظار القادم .. من مذكرات الشمس .. وردود المنتظر :D


هلا لاست هيلا هوب على قول نايف

ولا أقول لك .. هلا سن توب :p

وش دعوى للشماته وأنا أخوك .. ما قالوا لك تصير في أحسن العوائل ::]

ومرّه ثانيه لا تقول ولد .. ولد في عينك إن شاء الله :mad: :mad:


النص الأصلي مرسل من قبل الشمس

لاست هوب ..

انت وش قصدك تبي تطفش زبايني ولا ايش :D

تكفون خلووووه لا تحصون غلطاته ماادري ايش ماادري ايش ...

المنتظر يقترح واحنا ننفذ ماعليك انت بس هماه حاجز أول كرسي :D


الشمس

أحياناً الإنسان من واقع كبت نفسي وأرهاق عمل يزلّخ مخّه

لكن بالفعل عجبت من ردّك !!

زبائن .. وحجوزات اول كراسي :confused:

تحياتي
الشمس
13-06-2002, 03:22 PM
مراحب ..

المنتظر .. يعني كيف عجبت :confused: ؟
المعذرة المنتظر لا يروح بالك بعيد , ولو إني ماأدري لوين وصلت بتفكيرك , لكن همي إنه ما يوصل حدود الشرهة والزعل ..

كل اللي قصدته إني أقول للاست اللي جاي يتشمت لا يتشمت :o
أما الزباين والحجوزات ما قصدت فيها غير إني أقول له إنك دايم متواجد بالرد مو مثله ماجا إلا يتشمت ..

وفي الأخير السالفة كلها مزح × مزح ..
أعتذر لو كنت تماديت ..


الشمــــــــــــــس
البدر
13-06-2002, 11:22 PM
مساء الخير



:137: :137:


يا حليلهم الا يهنونك على موضوعك


ولا وزادو كمان ::[ سبقوني ::]


انشاء الله تكوني استانستي الايام الي

راحت على ما اعتقد انك قلتي بتروحين البحر


وانشاء الله تكون كل ايامك وناسة :SMIL:


وتقبلي تحياتي
بسمة الحياة
16-06-2002, 12:34 AM
السلام عليكم..

خزنت موضوعك من فترة لانه طويل واخيرا سنحت لي الفرصة لقراءته

واسمحي لي ان أسجل اعجابي الشديد بكتاباتك واسلوبك السلس

الذي يجذب القارئ لاتمام المتابعة ..

ما اقول الا ..ماشاء الله :) وامتعينا بالمزيد...طماعة :D
الشمس
16-06-2002, 03:45 AM
صباحكم خير يارب ..

...


كتي ..

شلون فوَت ردك أنا ؟!
يا القاطعة , يا الغاطسة , يا اللي مالك حس ..
ثلاث أيام لا أسمع صوتك ولا أشوفك :(
مو كأني صاحية من صباحية ربنا يوم الأربعاء عشان خاطرك , مجرجرتني معك مرافقة في كل مكان , والعذر صديقات , صديقات طل :(
لكن ألحين عرفت السبب .. صرتِ ما تحبيني , مثلي تماماً :D:P

يالله يا القاطعة ..
شغلي معاك بعدين :cool:


........


البدر ..

ياهلا بك وباللي معك :) ..
بديت أصدق أنهم ناس :D


تسلم أخوي ما قصرت :)

.......



بسمة الحياة :) ..

وعليكم السلام والرحمة ..

والله إني أكتب المذكرات وأنا راحمة اللي بيقراها :rolleyes:
بس شسوي هذا اللي قدرني ربي عليه , حذف , اختصار ما أحب أستخدمه إلا في الحالات الضرورية جدا :)

على أيتها حال , مشكورة عيوني
إطرائك تاج على راسي :)




تحياتي للجميع

الشمــــــــــس