المساعد الشخصي الرقمي

مشاهدة النسخة كاملة : استشارة عاجلة


رغــد
09-05-2005, 04:18 PM
مساء الخير ... :265:

حالياً منزلين عروض على أجهزة الكمبيوتر " لاب توب "
وشفت نوع " Acer " .. وعجبني .

ماأدري تنصحني فيه يامحمد ولا لأ ؟
وممكن تقولي ايش المواصفات اللي لازم تكون فيه عشان يتحمل الكرف .

الذاكرة , والسرعة . والبطارية . والمعالج وكرت الشاشة وكل شي .

وشكراً

ياليت ترد علي بسرعة لأني رايحة بعد المغرب اشتري :265:

شكرا :130:
محمد المحيا
09-05-2005, 05:31 PM
مرحبا رغد..

بالنسبة للابتوب... يفضل ما تتسرعي وتشتري جهاز من أول زيارة.. خذي أرقام الموديلات للأجهزة اللي عجبتك وخلينا نقارن بينهم أفضل..
لكن لو كنتي حتشتري وخلاص.. خلي النقاط هذي في بالك..

أول شي صعب تلاقي جهاز مواصفاته حديثة وقوية وعليه عرض.. لكن من وجهة نظري الشخصية تصنيف الشركات كما يلي:
الدرجة الأولى: آي بي إم - توشيبا
الدرجة الثانية: كومباك وإتش بي (صاروا شركة واحدة) - ديل
الدرجة الثالثة: ايسر - سوني - وباقي الشركات

المعالج يفضل تاخذي نوع بينتيوم سنترينو موبايل Centrino Mobile وينكتب M أحياناً مع اسم المعالج زي كذا Intel Centrino M
يعني لا تاخذي سيليرون Celeron مثلاً ولا معالج نوعه Intel Pentium 4 بدون ما يكون موبايل

سرعة المعالج ما تقل عن 1.80 جيجاهيرتز مع ذاكرة كاش 2 ميجابايت L2

الذاكرة الرئيسية RAM خليها ما تقل عن 512 ميجابايت ولو قدرتي تخليها واحد جيجا بيكون أفضل

كرت الفيديو يفضل أن يكون إما ATI أو nVidia ويكون له ذاكرة خاصة فيه ومن نوع PCI Express

الشاشة أفضل ما تقل عن 17 إنش

الهاردسك ما يقل عن 80 جيجابايت

طبعاً وجود السيدي رايتر والديفيدي هذي حسب رغبتك إذا كنتي حتستخدميهم

يفضل لو يدعم الشبكات اللاسلكية Wireless والبلوتوث


هذي المواصفات الأساسية.. وتعتمد المواصفات الأخرى على احتياجاتك انتي واستخدامك للجهاز..


تحياتي

محمد المحيا
رغــد
09-05-2005, 06:56 PM
شكراً محمد .. ماقصرت
الله يعطيك العافية يارب .
أشوف العروض وبعدين أقرر .
EDrara
10-05-2005, 02:58 AM
محمد

اسألك من وين جبت التصنيف هذا؟
اللي أعرفه حسب آخر بيان من عدة مواقع
هو كما يلي:
Apple
Dell
Toshipa
HP
IBM


Acer
Sony
محمد المحيا
10-05-2005, 10:53 AM
أنا اللي أسألك من وين جبت تصنيفك..

بالله الآي بي إم تحطه مع الدل في درجة واحدة؟؟ هذي لحالها تكفي!

:218:
EDrara
10-05-2005, 05:20 PM
تصنيفي من سي نت
ومن ويندوز بريفيو
ومن بي سي مجازين
ومن مختبرات ناسي اسمها الآن أعود لاحقاً واكتب اسمها

وبعدين ما بأحط شئ من دماغي
هذا اللي شفته
محمد المحيا
10-05-2005, 05:46 PM
أوكيه.. بس عادة المواقع هذي ما تصنف الشركات بالاسم..

يعني هم ياخذوا موديلات معينة من كل شركة ويسووا مقارنة بينهم وفي النهاية يقولوا رأيهم أية موديل هو الأحسن..

يعني عمرهم ما يقولوا التوشيبا أحسن من الديل بالاسم كذا وخلاص...

من الطبيعي إنك تلاقي "موديل معين" من الايسر أفضل من "موديل معين" من التوشيبا
لكن لما تتكلم بشكل عام أكيد التوشيبا أفضل من الايسر... مافيه مقارنة أساساً بين الاسمين

والا عندك رأي ثاني؟
EDrara
15-05-2005, 02:10 AM
نعم
عندما يضعوا تصويت والمحررين حقونهم يعطوا نقاط لكل جهاز بناءاً على اداءه
الموضوع يكون فيه تفضيلات
EDrara
15-05-2005, 01:00 PM
عندما ذكرت لك ما ذكرت آنفاً لم أكن اقول شئ من راسي
جبت لك رابط تصنيف المحررين كمثال فقط:
http://reviews.cnet.com/4520-6533_7-5950086-1.html?tag=nl.e404
محمد المحيا
15-05-2005, 01:35 PM
أوكيه إدرارا... الرابط اللي حطيته يؤيد كلامي بقوة..

شوف هم ايش كاتبين:
NOTEBOOKS:
Dell Inspiron 9200 - December 2004
Dell XPS Gen 2 for Home - March 2005
Fujitsu LifeBook P7010D - November 2004
HP Pavilion zd8000 - December 2004

يعني اختيارهم كان على أساس "الموديل" مو على أساس اسم الشركة..
لاحظ إنهم كاتبين رقم الموديل Dell Inspiron 9200 وما كتبوا ديل وخلاص..
وهذي هي الطريقة الصحيحة لمقارنة الأجهزة..


لكن لما نتكلم عن شركات بشكل عام أكيد الآي بي إم أو التوشيبا أفضل من الديل ومن الكومباك بمرااااحل

وشكراً لاهتمامك...

تحياتي

محمد المحيا
EDrara
16-05-2005, 01:21 AM
الآن حبيبي يقولوا الديل افضل وعلى فترة سنة ونصف على هذا الحال
وتيجي تقول الآي بي ام
عجبي

خلينا من ما يقولوا
وانا اقولك اني جربت الديل والكومباك والاي بي ام
وحتى اللحظة هذه اقول الديل
DANiA
16-05-2005, 02:59 AM
اهلا رغودة..

أسألي نوسه لأنو عندها ايسر..