المساعد الشخصي الرقمي

مشاهدة النسخة كاملة : ولد و بنت الـ16 شاركونا...


دون جوان
30-03-2005, 02:11 PM
ســـــــــــلام...


كيفكم شبيبة...

بصراحه كنت طفشان و مطرشق في العمل .... (وجه كئيب ما لقيته في اللسته)

و كئابة الحياة متلخصه من عمل ما يخلص و غرقان في وسط اوراق و ملفات و....المدام :180:

المدام تتصل : الو و انت راجع جيب معاك كرتون طماطم ..... و و بقدونس ... و لا تنسى تجيب حفايض .....وجيب كريم شعر ...و عيش ...

انا : طب طب يمكن اتأخر ...في عندي شغل و..

المدام : بسرعه طيب لا تتأخر كثير ... ولا تنسى شي ..و لا اكتبها رساله عشان ما تنسى..؟

انا : لا خلاص مافي داعي ..فاكر كل شي ... بس بالنسبة للـ

طوط طوط ....قفل الخط :182:


الشبكه هادي ضعيفه دايما في المكتب :217:


تدخل على مديرك يقولك : ما قلتلك ... وقلتلك سوي و سوي .... و تحس نفسك تشيل الكرسي اللي قدام مكتبه و في راسه ...:151:

و لازم و لازم .... تعمل و تفعل و تحط و تشيل .....:148:



طبعاً تقولولي ليش المقدمه الطويله العريضه دي و ايش دخلها في الموضوع يا دونجوان زمانك..


اقولكم

كلنا عنده متاعب و مشاغل و مسؤوليات و و حفايض و خبز و طماطم .... وقسط سياره ... وفاتوره ما اتسددت ...و فستان فرح اغلى من قسط السياره ... و ايجار بيت ... وكوافيره ... و بنزين......لأ .....لأ .... لأ بس خلاص..


نقطع الشريط هنا...


تعالوا نرجع ورا .....ورا لمن كنا 16 سنه ....ايام اللامسئوليه و الطيش ...

حاتقولولي ليه 16 بالذات ...

اقولكم عمر الزهو (مو الزهور) تشوف نفسك راجل تحس انك كبير و متخيل نفسك حاجه لازم تكون مستقل و كذا و اروح المدرسه بسيارتي الخاصه بالنسبه للأولاد...

و بالنسبه للبنات تبغى مكياجها الخاص ...وتبغي تحط روج ( هادا على ايامي على فكره )


ايام كانت خاليه من الأعباء والمسؤوليات و همك الوحيد يمكن دراستك...

اكيد في قفشات تذكرها بينك وبين نفسك و تقول اما انا كنت اهباااااال :183:


إيش كنت بتسوي و قت الستة عشر كنت أيامها سنه ثالث متوسط ولا اول ثانوي؟

طبعاً ولا كان على بالك و مراهق و راعي مشاكل و تناحل ابوك و امك ....

و مسوي او مسويه إزعاج .... أنا كبرت انا كبرت انا خلاص كبير محد له علاقه بتصرفاتي..



خلينا نسمع منكم اعزائي إيش في مرحلتكم هادي ... ايش في جعبتكم من ذكريات

فضايح ..... ابغى اسمع فضايح :212:

مو يجيني واحد يقولي او تقولي كنت عاقل و من البيت للمدرسه ومن المدرسه للبيت ... و احل الواجب واشرب الحليب و انام في هدوء...



تحياتي

لا احد يدخل و يكتب بأرجع بعد الغدا ارد......سامعين ؟
ملكة البحار
31-03-2005, 02:36 AM
صباح الورد

دونجون
حمدالله على السلامة


بالنسبة لي انا كنت مؤؤؤؤؤؤؤؤؤؤؤؤدبه و شطووووره
أمي كانت بتدعلي بالخير عشان كدا كان ربي هاديني

أقدر اقول ما مريت بمرحلة مراهقة او بمعنى آخر ماحسيت فيها ....
عــــــــاقلة ومطيعه :129:


وبس هذه ايام 16 و لا تسأل عمّا بعدها ... :132:

تحياتي
BackShadow
31-03-2005, 03:50 AM
هلا دندون


والله يا حبيبي ايام السطعش كنت ما بين اولى ثانوي والبيت وملعب الكورة اللي جمبنا

اخوك كان صانع لعب غير طبيعي :214:

الفرق اللي في الحارة تتضارب علي علشان العب معاها


غير كذا فانا كنت مؤدب على الآاااااااااااخر :134:



مع تحياتي
ابوفهد
31-03-2005, 11:36 AM
الغالي عــــــــلاء
يسعد الله ايامكم بالخيرات

يا ابني في ذلك العمر الذي تقول 16 عاماً

لم يكن لدينا ما نصيع فيه او ندشر اليه

الواحد منا حده مدرستة ومسجدة وان ابعد بعيداً

فلن يتجاوز اخر الشارع حيث لو ان امه نظرة من الباب لشاهدته

كانت الصياعة لدينا هى لعب الدنانة وعظيم ساري وطاق طاقيه :005:

في زمانا كان المراقبون لنا كثر ونخاف منهم وان لم نفعل شيئاً

ومن اولهم المعلم

فلما نشاهد المعلم من اول الشارع نهرب كي لا يشاهدنا نلعب

فتكون الفلكة نصيبنا بالغد

يا ولدي ابحث عن الفضائح عند شباب اليوم

اما نحن فـ الله المستعان وعليه التكلان راحت علينا

دمتم بخير
جف البحر
31-03-2005, 11:38 PM
طيبيييييين ؟؟

هيا شوف مين اللي رد للان..

ملكة البحار..

تحس انه المرض النفسي كان معاها الين ال 20

ودوبه فك منها..




والتاني أونكل

عمره 3 بره وجي يقلك ايام ال16 !!


والتالت أبو فهد ..

هدا ايش اقول عنه ؟

أقول "قامت" :268:

تكفى ياعووومده ..

تسوقها !!

انتو ايامكم ماكان عندكم دشرة ؟؟

انتو أيام أدعس يا حمام في الرجغ وطرطشني ..


كولووووووووووووو


طيب ..

شوف يا حلو

ايام ال 16 من جد كانت ايام الفله والفلته ..

أيام ابويه يبغى يتبرى مني ..

أيام المضاربات وكل يوم واحد مفقوش..

ايام الهيامه ..

أيام دوبو الدخان ونحسب انه رجاله .. :242:


ايييييييييييه

كانت ايام ..

يا سلام ..

قمه ..

قمممممه..




قمه في العفن .. ::]

بس الحلو فيها

ا نه مافي أي مسؤولية على القفا

أتمنى ترجع المسؤولية أبو مافي هادي حقت زمان ..


يسلمو حبيب ألبي..



مع حووووووووووووبي،،
إسراء
01-04-2005, 05:59 PM
مرحبا داني

أول شيء الله يعينك

أما بالنسبة لسن 16 فكان cool عادي .. مو مرة woow

لسه أطفال.. و براءة.. و الدنيا لونها بمبي

ما كان في فضايح و لا مغامرات .. لسه بدري :266:

لكن أقول ألف الحمد لله إنو إلى الآن عايشة عاااادي لا مسؤوليات و لا أي نوع من
أنواع الـ commitment

دلع يعني :256:
lolo_429
01-04-2005, 06:08 PM
يا سلاااااااااام
على السطعش وشوية بعدها وشويه قبلها

أممممممم تبغى فضايح هاااااااااااا

طيب يا علووووووووو
خد هادي من سميك علووووووووو

مرره كنت في الحاره نعب انا والاولاد مسوين شلة :135:

وأذن العشاء وجا أبويه وقالي يلاا ياولد المسجد قدامي يا وااااااد

قلته طيب اتوضاء أول
قال :طيب لا تتأخر

ورحت أتوضيت ودخلت من باب المسجد وخرجت من الباب التاني :268:
وقلت نكمل لعب ونجيب سندوتشات طع100

بس ولمن رجعت :259: لقيته واقف على الباب :148:
يستناني :180: ولمن وصلت عندو قلي تخرج من الباب التانيهاااااا
:179: قلبي طاح وهاتك يا رفس في الدرجه كل شلوت يطلعني درجتين
وكمل في البيت :161:
عايدي قلت انا الكبير برضو
وذقت كل نوع في البيت من أول الزنوبة الى...............

ولمن تعب رحت نمت وصحيت الصباح أطل في المرايه :259:

:154: هذي حالتي وعيوني التنين متورمة وزررررررقه
دون جوان
06-04-2005, 12:16 AM
سلام يا جماعة ...

أولاً انا آسف جداً لتأخير الرد .... بس مشاغل..


=

أهلين حنان كيفك ...عاش من شاف كلماتك :183:

و الله يسلمك ... على السؤال

مع اني ماني مصدق انك كنتي عاقله و مؤدبه...

و احس انك كنتي مجننه اهلك بس يللا :129:

و مرحلة المراهقه كانت هادئه .... ما تجي...

و كلك حكمه وعقل و رزانه...!!

بس قلتي في نهاية ردك إنه ما خفي ما بعدها كان أعظم ... ليه ما تحكي لنا :180:


شكراً لردك .... وتسلمي
دون جوان
06-04-2005, 12:31 AM
هلا باك شادو ...


كيف محمد ... رفيق البر والبحر ..


ولد كورة و ملاعب و فرقنا ...

و دوري حواري.... اقول من يوم ما شفتك شايفك في مكان قبل كده :134:



و صانع ألعاب كمان ... الحواري يعجبني فيها التخصص..


برضه ما اقنعتني انه هادي كل اللي السطعش...


عموما تسلم عيوني ...


يبقى خلينا نشوفك فوق الماء او تحته ..
دون جوان
06-04-2005, 12:46 AM
هلا وغلا بالعمده..


الله هوا هذا الكلام الطيب ...


ايامكم كانت هي التربيه... العين ما تغفل عن الولد...


والأمانه تنتقل إلى من الأبوين إلى المدرس الغيور الدؤوب على صالح ابناءه..



يا سلام... اكيد طبعاً ايامكم ما اقدر اتكلم فيها .... لأنه لا املك خبره كافيه :266:



لمن كنت اقصد فضايح فهي عن اي شي غريب إذا جلست تتذكره تجلس تضحك على نفسك ...





تسلم يا عمده ... و دمت بخير
دون جوان
06-04-2005, 12:59 AM
هلا و الله جف جوف ..


أيوه كده .... هذا الكلام اللي يسر القلب...


مو زي ملكة البحار عامله فيها الخاله المُدرسه وهي لسه رابعة إبتدائي..

والتاني مسوي فيها راؤول ملاعب العماريه و باب شريف ...:183:



بس تعال هنا ......انت كمان كنت مشيب ابوك وامك مو كفايه واحد مخلي ابوه يبغى يمسك الصاجات في الكوبري المربع و يغني شوفوا ولدي...


انت كمان ...

مع اني لحقت ايامك انا ما كان باين انك ولد مشفلق...

و اهيم كمان ....

بس تصدق لايق عليك..


تحياتي

ملحوظه : ترجملي ما يأتي ...انتو أيام أدعس يا حمام في الرجغ وطرطشني ..
نبضة الخير
07-04-2005, 02:29 AM
موضوع حلووووووو
والله بداية 16
هادئة ماشاء الله
الكلمة بالعافية تطلع
لكن بعد هالله طلعت البلاوي كلها .
شقيييية خالص
حتى مرة طردتني المعلمة بسبب :148:
انتظاري لها على باب الفصل
ذاك اليوم تمنيت الارض تبلعني
المعلمات يعدو امامي يقولوووو
يالله حتى الطويلة صارت تخرج (اللي هي انا)
والله علمتوها الخراب
ايام وناسة
وايام النط من الشبابيك المدرسة :228:
عشان اجيب القهوة للبنات
وايام الغياب الكتير بدون سبب
ايام عدت بس حلوة

لكن تحت 16
كان عندي بلاوي سودة :217:
كنت اروح البقالة جنب المدرسة
واحدة من البنات فتنت لصدى
وصدى الحرمان ماصدقت خبر
راح تفتن لماما
وماما ماقصرت بخلاط الكهربائي قرمعتني فيه :148:
اقول احسن اسكت
عاد صدى
ماتصدق خبر وتفتن عليا :223: امزح
أرسطوالعرب
07-04-2005, 01:57 PM
أرحبووووو

بوووو

علاء

المثل الرديف حق أنكل يقول ( إذا مانت قد الزواج.... لاتتزوج)

هذا واحد

إثنين

تبي تسحب خلق الله بفضايح وتطلع منها نظيف

إلا صح

يعني إيه دون جوان <=== يستهبل

ثلاثة
خليني أترجملك كلام جف

الحين لا صار في الشارع طين وتبي تعدي بنت

وذاك الوقت ما كان في حلول بديلة

يعني ما كان يخطر على بالهم إنها تقدر تعدي الطين لو لفت حوله

فتضطر إنها تقشع عن رجولها شوية وتمشي بالطين

بس السؤال

مين اللي حط الطين.....؟ <==== صياعة الأباء ومسووين فيها براءة...وياولدي لما كنا بعمركم وما ادري إيه


إيوة صح

أما أنا

يعني أكثر موقف صايع مر علي

وعمري 19 ( وجه خجلان )

في الحمام التركي بالشام....لما خلع ابن الكلب منشفتي وتركني عريان قدام خلق الله !!!

فأضطريت إني أستر نفسي بيديني

ثم قفيت <== بعض الأشياء ماهي عورة|273|

والألماني المعفن يناظر ويضحك:287:

ويجي عندي ويقولي how are you

لااااااه يا شيخ !!!


من وقتها

وأنا حاس إن هتلر كسر عيني|527|


ثامر ( ضحية الوحوش.....:148: )
جف البحر
07-04-2005, 02:11 PM
أرحبووووو


ثلاثة
خليني أترجملك كلام جف

الحين لا صار في الشارع طين وتبي تعدي بنت

وذاك الوقت ما كان في حلول بديلة

يعني ما كان يخطر على بالهم إنها تقدر تعدي الطين لو لفت حوله

فتضطر إنها تقشع عن رجولها شوية وتمشي بالطين

بس السؤال

مين اللي حط الطين.....؟ <==== صياعة الأباء ومسووين فيها براءة...وياولدي لما كنا بعمركم وما ادري إيه




هههههههههههههههاي

ميه ميه يا ثامر

أموت في الناس اللي تفهم .. :212:






ثم قفيت <== بعض الأشياء ماهي عورة|273|

هههههههههههههههههههههههههههههه ه

:268: :268: :268: :268: :268: :268:
zadi
07-04-2005, 02:44 PM
_______________

أهليييييييييييييييييين أبو سعيد ( مدري ليه أول ماشفتك منور هنا جا على بالي هدا الإسم :220: )

المهم حبيبي ,,, أفتكرلك شي على خفيف :180:

في سن أل 15 ( راح تقولي ماله دخل , لكن هدي مقدمة ) كنت في المتوسطة سنة تالتة وكان عندي بسكليته أربعة وعشرين , طبعاً كانت في نظر أخوك موستنغ كشف ,,, المهم كنت أروح بيها المدرسة وأتعمد إني أمشي بين السيارات عشان كنت مركب فيها أنتن طويل زي حق المباحث وأميل بالبسكليت يمين وشمال عشان أخبط بالأنتن على السيارات وهما يطوطو بواري وإللي يسب مع داك الصباح وأخوك منفك بين السيارات زي الطلقة ,,, احياناً تطيح الكتب من الكرسي إللي ورا وأخللي العيال يجيبوها لي لأني لو رجعت يقطعوني السواقين ,,,
وبعدها بسنة في الثانوية طبعاً خلاص صرت رجال وأشترولي سيارة ,,, آآآآآآآآآآآآآه على ديك الأيام ,,, المهم حبيبي , كنت أغسلها وأخليها زي اللولو نظافة ولمعان وأوقفها في الليل قدام الحارة في المكان إللي يوقفوا فيه بنات حارتنا حقين المتوسط والثانوي ,,, وطبعاً يجو هما في الصباح ويحطو شنطهم عليها وأجيك أنا متشيك ومنكس العقال وشنبي يدوب ( زغب ) وأقعد أسوي فيها زعلان وأهزئهم شوي بالأدب ( ياهو أرحمونا كل يوم نغسل وإنتو توصخو السيارة ) وتسمع عاد ضحكاتهم على خفيف من تحت الطرح وأركب السيارة وطبعاً كلهم حولينها وأنا من جوتي ( يعني من داخلي ) أنقز إنبساط وإنشكاح :220: وشوي بدي أسلم على رفرف السيارة والكبوت هههههههههههههه|238|
وكل يوم من دا ,,,,,,,,,
آه كانت أيام حلووووووووووووووة

__________________

تحياتي ياأبو سعيد ولا تطول الغيبة
الأمــل
07-04-2005, 02:46 PM
مساء الخير أخي الفاضل دون جوان...الله يحفظك..

===


خلينا نسمع منكم اعزائي إيش في مرحلتكم هادي ... ايش في جعبتكم من ذكريات

فضايح ..... ابغى اسمع فضايح

مو يجيني واحد يقولي او تقولي كنت عاقل و من البيت للمدرسه ومن المدرسه للبيت ... و احل الواجب واشرب الحليب و انام في هدوء...


أقولها بصراحة، يا ريتني كنت مشاغبة في ذلك السن :171: ، للأسف كنت دافورة (على قولتكم)بس بدون شغب، وهادية :219: ، وما عندي ذكريات شغب حلوة :148: عشان أقولها..
:180:
كان لي صديقة، عكسي تماما، عايشه سنها بطلاقة، وكنت أحب هذه الصفات فيها، لكن لا أستطيع مجاراتها، لأن شخصيتي مختلفة عنها.....

أذكر مرة قالت إحدى المعلمات لنا(أنا وهي) هذا الملاك(أنا) :129: يصاحب هذا الشيطان(صديقتي) :150: ؟؟؟!!! :266: وحليلها المعلمة مستغربة صحبتنا!!!......(لا تفهموني غلط!)

أعتذر أخي، لم أورد لك فضايح، وأشهر إفلاسي :140:

دمت بخير وعافية ورضا..

الأمــل
دون جوان
08-04-2005, 08:43 PM
كيفك إسراء


عاش من شاف الأسطورة


يا سلام الدنيا عندك بمبى ... بنك بانثر .... مو مره woow :209:


يتعبني فيكي ستايلك يا إسسو ...

المصيبه عارفك وخابزك و اعرف طفولتك البريئه ...:268:


كووووول يا فيدو ديدووو ...يا بختك يا ستي..

بكره نشوووف البزوره كيف يشيبوا راسك .... يا بنك بانثر :183: زي ما انتي مشيبه امك ..


بكره نسمع الزعيق والمضاربه و ...يا ..ولد يا بنت :220:
قال ايه كوول على طول ....طبعا كووول مصايب :132:


تسلمي عيني .... دايماً بخير يا رب
دون جوان
08-04-2005, 09:03 PM
هلا باللولو و ايام اللولو...

هلا بسميي عللو ...


هادي الفضايح الصح.... فرش (ضرب)....إلين ما يطلع من عينيك (الأثنين مو واحده بس)...

تصدق نفس الحادثه حصلت مع سميك بس كان الموضوع درس التحفيظ...

كنت اقول للأستاذ ابغى اروح الحمام و بس ....

طبعا روحه وما في رجعه...(ترا مرات قليل اسويها كنت)



المهم في نفس اليوم الوالد الله يعطيه الصحه قابل المدرس حق التحفيظ عند خرجته من المسجد فطبعا دار بينهم حديث و تطرقوا لموضوع علاء والحفظ ..

على حظي العاثر

خمسه سنين و انا في التحفيظ و ابوي عمره ما سأل عني ..

حبكت هذاك اليوم يسأل و طبعا المدرس حكاه حكاية اني خرجت اليوم للحمام و ما رجعت ...

بس و عينك ما تشوف إلا النور ...

:152: والله هاذي اول مره و الله اخر مره .... لكن مين ... بالجايش‘ ... دف طع بوم دج....

كفايه كده

تسلم حبيبي عللو ... و دايما بخير يا رب

الجايش : الحزام العريض حق العسكريين ... تكون به نهاية معدنيه (مؤلمه جداً)
اسألوني انا:178:
دون جوان
08-04-2005, 10:23 PM
هلا نبضة خير..


ضحكتني كثير نطت الشباك .... بس اتنتجت بذكائي انهم مطببينك عشانك اطول واحده..


الطول عز وانتي .. طولك مخليكي تطبي من الشبابيك ..


و موضوع الأبله لقتك عند الباب ...ولا في آخر السيب و جيه بعد ما دخلت هي الفصل ؟ ؟:183:


أما البقاله و ما ادراك ما البقاله .... كان طموحي وانا صغير إني لمن ادخل البقاله يكون معاي خمسه و عشرين (لا تسألوني ليه 25 بالذات)..

واشتري حلويات و ششوكلاته و عصير قد ما اقدر...


تسلمي اختي..

دايما بييخير يا رب..
دون جوان
08-04-2005, 11:00 PM
اهلين وسهلين بثامر و مغامراته...

يا سلام ..... زيدني يا شيخ ....

والله موتني من الضحك :268: ...

اولاً

المثل حق الأونكل المعروف اللي راح يجيبه ورا يوم بإذن الله.... اصلا ما له علاقه بموضوعنا لأني سعيد جدااً جداً اوي خالص بالحيل بحياتي و شريكه عمري اللي مسعدتني والله يبارك فيها و لحكومة خادم الحرمين لتسهيل امور زواجي من اللي هي ايش طبعا زوجتي العزيزه :180:


لا تستشف اشياء مهي واقعيه من موضوعي .... انا سردت مقطع يومي سعيد لحياتي الزوجيه وانا مبسوط....هاه مبسووووووووط :183: وبأضحك محد إشتكالك..


اثنين: فضايحي كثير .... بعدين اطلعها على حسب مستوى الفضايح اللي نازله ..

مو لازم اطلع اقوى فضايحي على الملأ واطلع انا الخرنق الكبير بتاعكو :221:


ثلاثه .. :

آه يا راسي

دحين.... شرح نص سطر .... طلع قضية مجموعه في موقف سيقان طيني ...

و شياب خبثاء ....

اتاري الكلمه لها ابعاد سياسيه وانا ما ادري ... لكن السؤال اللي يطرح نفسه

الطين..

الطين : عباره عن تربه + ماء

الماء ممكن يكون ملوث و يمكن يكون نظيف === واحد يغسل سياره نظيفه كل يوم مثلاً ياخي... يكبو مويه تحدياً للترشيد..

هل الطين المذكور في قصه حضراتكم الأنفة الذكر ... ذا ماء ملوث او ماء معقم و نظيف ...

لتحديد ابعاد ما إذا لزم البنت قشع (شويه) او كثير عن سيقانها :129:



و اخيراً :

يا اخي حاسس انك مبسوط و مستانس وانت بتروي حكايتك ...

و لا على باله ...

إيش الناس اللي ما عندها احساس ذي ...

و اي كسرة عين دي اللي جي تتكلم عليها ...

بعد كلامك انا متأكد انك اخذت المنشفه بكل بساطه...

بس الصراحه قويه ... خصوصاً لمن ما تتوقع انك تنفضح ... وبالبساطه هاذي ..

how are you

و لا كأنه صار شي ...

اهم شي ما علمت ابوك ...؟


ثامر موقف و لا احلى ....

ضاع شرفك في ثواني ....وانتا ولا واخد بالك ..

تكت ايزي يا عزيزي


تسلم حبيبي لفضايحك ....بأحط لك جائزه اقوى و احلى و افضح فضيحه

دايما بخير يا رب
دون جوان
15-04-2005, 10:18 AM
I am very sorry

و الله ما اعيدها و اغيب عن مواضيعي ..


و معليش ومن دا الكلام ...


===

جف تاني ....


ايش جي تشجع الولد حق الألماني دا على اللي سواه :183:


يعجبك الكلام من النوع دا ...


يموت في تقطيع الكبار ..... انت ابوك إيش كان مسويلك وانت صغير؟؟
دون جوان
15-04-2005, 10:39 AM
_______________

أهليييييييييييييييييين أبو سعيد ( مدري ليه أول ماشفتك منور هنا جا على بالي هدا الإسم :220: )

المهم حبيبي ,,, أفتكرلك شي على خفيف :180:

في سن أل 15 ( راح تقولي ماله دخل , لكن هدي مقدمة ) كنت في المتوسطة سنة تالتة وكان عندي بسكليته أربعة وعشرين , طبعاً كانت في نظر أخوك موستنغ كشف ,,, المهم كنت أروح بيها المدرسة وأتعمد إني أمشي بين السيارات عشان كنت مركب فيها أنتن طويل زي حق المباحث وأميل بالبسكليت يمين وشمال عشان أخبط بالأنتن على السيارات وهما يطوطو بواري وإللي يسب مع داك الصباح وأخوك منفك بين السيارات زي الطلقة ,,, احياناً تطيح الكتب من الكرسي إللي ورا وأخللي العيال يجيبوها لي لأني لو رجعت يقطعوني السواقين ,,,

__________________

تحياتي ياأبو سعيد ولا تطول الغيبة


يا شيخ اتقي الله اولا مين سعيد دا ... ما لقيت إلا سعيد ؟

حسستني اني ابو بنشري (سوري عجلاتي )


دحين في احد يشبه بوسكلتتك الأربعه هباب السودا البلهه ديكا بموستنج لا وأيه كشف ... يا شيخ انا الين دحين احب الموستنج لا تخليني اكرهها...

و كمان مؤزي خلق الله .... ايش نقول ولد مكه .... لازم تطلع كده :183:


اسقيني فضايح كمان و كمان ...


بس المرحلة التانيه ...كنت الفتك صح ....:181:

( ياهو أرحمونا كل يوم نغسل وإنتو توصخو السيارة )

انا متأكد انك ما تنظف السياره ولا تلمعها إلا عشان تقول الكلمتين دي :183:

طبعا مع الإبتسامه اللي شاقه الوجه ...

عشت ايامك و الله يا ويلي


من جد امتعتنا ابو زاد ..الركب

كل واحد حر في الكنيه اللي يحطها لغيره مو :134:
دون جوان
15-04-2005, 10:44 AM
العزيزه الأمل ..


ما معناته اني قلت فضايح اني اقصد مواقف قويه...او مغامرات على بابا والأربعين حرامي...


و على العكس تماماً دائماً الخجول او المتنحي عن المجابهه هو من يقع في مواقف محرجه و قفشات اكثر من غيره بسبب إرتباكه..


عموماً عزيزتي يكفيني شرفاً ....تعليقك على موضوعي ..


و دمتي بخير يا رب