()(_-_-_ دنيا فرندقس _-_-_)() [الأرشيف]

مشاهدة النسخة كاملة : ()(_-_-_ دنيا فرندقس _-_-_)()

جف البحر

24-02-2005, 01:02 AM

السلام عليكم

اخباركم طيبين ؟!؟

من الله قريبين ؟؟

طيبين ؟؟

من جد دنيا فرندقس..

بدون زعل ..

الدنيا هذي فرندقس بقوة كمان ..

نشوف فيها أشياء عجيبه ونسوي أشياء أعجب ونطلب شي مستحيل !!

يعني نسمح بتصريحات رؤساء الأندية ونطلب عدم التعصب من الجماهير !!

عندكم لمن رجل مرور يوقف مواطن صاحب فورد كحلي ويقله وقف عليك بلاغ يا صاحب الكابريس الاخضر ويبغونا نقول معا ضد الإرهاب !!

لمن يسمحوا لأكثر من شركة اتصالات تنافس في السعوديه ونلاقي هيئة الاتصالات حقتنا تحدد السعر والخدمات والوقت والشبكه ووووووووووو!!

لمن نحط الاسعار العاليه هذه للانترنت والكهرباء ونتوقع انه المواطن السعودي يعيش في نعيم !!

لمن المواطن يغير كفراته 9000 مرة في الشهر من الشوارع في جده وما شابهها ونشجع السياحة داخل البلد !!

لمن يبغونا نسمع فتاوي العلماء و50 % منها (اختلف فيه العلماء) !!

لمن يقلك الشباب داشرين في القهاوي ونجي نلاقي 99 % من المحلات الترفيهيه عوائل . والبحر عوائل والسوبرماركت عوائل وبيوتهم بعد كم سنة تصير عوائل !!

يبغونا نساعد أخوننا من نفس البلد و في نفس الوقت البنزين سعره 90 هلله في بلد من أكبر الدول المصدرة للبترول !!!!

من جد دنيا فرندقس تزرع فول يطلع عدس :174:

تحياتي لكم ..

وأكيد

مع حوووووووووووووووووووووووووبي،،

عمر باعقيل

24-02-2005, 11:35 AM

هيمووووووووووو

وسع صدرك هيا الدنيا كده

ROMEO

24-02-2005, 07:46 PM

وجع بشوشو ياشيخ.....طول عمرك سوداوي

أقول..... تحصن طال عمرك.... ترى هالدنيا اللى تقول فيها نامس يقطع أباليسك

فخليك كذا مؤدب وولد محترم ..... وأياني وياك ......تلعب بالنار ياشاطر

----

نسخة صورة طبق الأصل لــــ..

مفتش البلدية في غليل

معاون الأنتخابات في الكارنتينا

مدير مصلحة المياه والصرف

( أخيراً)

كبير مدراء اللى بالي بالك====> مررررررره واصل

الأمــل

24-02-2005, 10:38 PM

مساء الخير، مساء العدس اللي طلع بدل الفول. ... على فكرة جف، العدس أحلى من الفول، وأخف :288:

أقول.... عندي سؤال شكلي دائمًا أسأله لك...؟؟؟

شو معنى فرندقس؟؟؟

------

أسعار البترول في السعودية ترى أرخص بكثير من الإمارات، التي تعتبر من أكبر الدول المصدرة له؟؟؟... يعني الوضع عندكم أفضل من عندنا...

شوارعنا..ما شاء الله تبارك الله، جميلة وراقية ومزروعة بعد... هنا حالنا أفضل بكثير من حالكم.. :244: .

-----

وكان الله في العون، والحمدلله حمدا كثيرًا طيبًا مباركًا فيه..

-----

دمت بخير وعافية ورضا أيها المواطن الغيور...جف البحر..

الأمــل

جف البحر

25-02-2005, 03:44 AM

وسعته يا عمر الين ما صار ادمي يخش منه

خليها على الله ..

شكرا لك

مع حووووووووووووووبي،،

aqua_chemo

25-02-2005, 09:13 AM

أصبحنا وأصبح الملك لله
الله يسامحك ياجف
إلا وتقليب المواجع

Nooosa

25-02-2005, 05:45 PM

لأننا .. دايمًا بس نتكلم ..
مابيصير شي !!
.
.
مش هادول الغلطانين أوادم ..
وإحنا كمان ..!
.
وكل بني آدم خطاء .. وخير الخطائين التوابين
.
.
وأكيدين كمان مع تحياتي

اخت ( بعض الناس )

25-02-2005, 06:20 PM

اخي الفضل (( جف البحر ))

حطيت ايدك على الجرح .. بس ما نقول غير " الله يحسن الحال والأحوال "

واحنا بصراحه نحمل جزء كبير من الخطأ لأننا قاعدين ونبغى كل شي يجينا على الجاهز .:114:

اين التفاؤل ؟؟؟؟؟؟ واكيد مع التفاؤل لازم يكون في عمل

دمت مرتاح البـــــــــال

جف البحر

26-02-2005, 01:50 AM

يسعد عمرك تركي..

ياخي ايش نسوي..

من جد مضطرين ..

وكعدنا ساكتين من غير نار ما اتعدل شي..

على الاقل نجرب النار ونشوف ..

وعلى قولك من مدري ايش لمدري فين..

شكرا رومي

مع حووووووووووووووبي،

جف البحر

26-02-2005, 01:53 AM

يسعد ايامك اختي الامل..

فرندقس هذي كلمة كبيره جدا في المهنى

ومأخوذه من قول الشاعر بمغص :

دنيا فرندقس تزرع فول يطلع عدس ..

بالنسبه لموضوع البنزيم..

الامارات مع احترامي الشديد نهاااااااااااااااائيا ما تصدر مثل تصدير السعوديه ..

يعني ازهليييييني..

والشوارع انتي عارفه كيف الرالي اللي بيصير في وسط البلد ..

شكرا لمرورك اختي

مع حووووووووووووووووبي،،

جف البحر

26-02-2005, 01:55 AM

مرحبتين اكوا..

عايدي ..

ادمكي الغدا وروقي عالشاهي وبعدين اقري..

حتلقي تقليب المواجع حلو وقابل للزيادة ..

ههااااااااااع

مع حووووووووووووووووبي،،

جف البحر

26-02-2005, 01:57 AM

جف البحر

26-02-2005, 02:00 AM

مرحبتين اختي الفااااااضله ..

دحين من جدكم انتو يا هو !؟

قاعدين يعني ايش نسوي؟؟

نطلع على الكبري المربع بالصفاقات ونقول خفضوا البنزين وورا ورا !!

هدي أمور احنا ما نقدر نتكلم فيها مع احد ..

ولا ياخدونا رحله ورا الشمس في كباين هنااااااااك ..

عموما يسلمو اختي على المرور والرد ..

تحياتي لك ..

مع حووووووووووووووووبي،،

shadow hearts

26-02-2005, 04:09 AM

بسم الله ...

بشويش ليش انت معصب ...

برد على الفقرات وحده وحده.. ياليل ما أطولك ...

@يعني نسمح بتصريحات رؤساء الأندية ونطلب عدم التعصب من الجماهير !!

ما أهتم في دي النقطه ..
السبب هو "ان النادي ولا مدير النادي ...
بيجي يعالجني لو ضغطي أرتفع او جتلي سكته قلبيه ...:140:

@عندكم لمن رجل مرور يوقف مواطن صاحب فورد كحلي ويقله وقف عليك بلاغ يا صاحب الكابريس الاخضر ويبغونا نقول معا ضد الإرهاب !!

عنده عمى الوان الاخ ..وبعدين البلد في حاله مزريه ومن حق رجل الامن يوقف أي سيارة ..

انا أكلت أول 3 قسايم في حياتي..
في أثنين منهم بدون :259:

حتى وزارة المواصلات مارحمتني اعطتني قسيمة ...
من وين طلعت دي الوزارة وليش تعطي مخالفات ما ادري:222:

***
@لمن يسمحوا لأكثر من شركة اتصالات تنافس في السعوديه ونلاقي هيئة الاتصالات حقتنا تحدد السعر والخدمات والوقت والشبكه ووووووووووو!!

كويس أهم حاجه حددو أسم مدير الشركه ...
دا أختراق مفروض يسجلوووة في موسوعة جنيس...

***
@لمن نحط الاسعار العاليه هذه للانترنت والكهرباء ونتوقع انه المواطن السعودي يعيش في نعيم !!

عشان ماقدرنا نحطمها في الرياضه والاقتصاد..

***
@لمن المواطن يغير كفراته 9000 مرة في الشهر من الشوارع في جده وما شابهها ونشجع السياحة داخل البلد !!

لا في دي ما معاك حق ...
لو كانت على الكفرات كانت سهله ...
سيارة الوالد لسا جديدة صرلها شهرين ...
وبدات تطلع أصوات غريبه من الزنبرك والهبات

وطبعا الشكمان الي ينكسر كل شهر 10 مرات...

***
@لمن يبغونا نسمع فتاوي العلماء و50 % منها (اختلف فيه العلماء) !!

همام أبعد عن العلاماء مو انا وانت الي بندخل في دي الاشياء وبعدين لمن توصل لدرجة علمهم وقتها نتفلسف

***
@لمن يقلك الشباب داشرين في القهاوي ونجي نلاقي 99 % من المحلات الترفيهيه عوائل . والبحر عوائل والسوبرماركت عوائل وبيوتهم بعد كم سنة تصير عوائل !!

لهم حق لم الشباب الي تحكي عنهم ..
شغالين ترقيم ومعاكسات وتحرش ...وماخفي كان أعظم ..:301:
تعرف انهم يستحقو ينرمو في الزباله مو في القهاوي..
وبعدين في أماكن كثير للترفيه...

في البولنج الي في طريق المدينه جنان..:254:

الشلال محدده يوم للشباب ولا مادري كام يوم...

نادي الاهلي او الاتحاد...:170:

ملاعب الكورة ...|238|

همام في شغلات كثير الواحد يعملها غير القهاوي:131:

***
@يبغونا نساعد أخوننا من نفس البلد و في نفس الوقت البنزين سعره 90 هلله في بلد من أكبر الدول المصدرة للبترول !!!!

من جد هرجه ترفع الضغط...
لم نشوف ألمانيا الي ماعندها نقطة بترول سعر البترول ربع سعره في المملكه..

همام في كل مكان مميزاته وعيوبه وحاول تشوف مميزات المكان الي انت عايش فيه ...

صدقني بتحصل شي يفرح..

أرق الاماني بكل جميل...

ابوفهد

26-02-2005, 11:28 AM

الغالي همام
وعليكم السلام ورحمة الله وبركاته...

أولاً لو سمحت ما معنى (فرندقس) هذه ؟

وفي أي معجم من المعاجم توجد؟

بعدين الله يهديك بلاشي مبالغة غير منطقية

فالشهر 30 يوماً فقط فكيف كفرات سيارتك 9000 مرة ؟!!

يعني معقوله الواحد يغير الكفرات 300 مرة باليوم ؟!!!

طيب خلّ مثل بعض الناس تتزوج وتصبح عوائل بعدين لف على جميع الأماكن التي منعت من دخولها قبل أن تصبح عوائل انتقاماً منهم.

أنت لو بتسجل كل ما يندرج تحت (الفرندقس) هذا فإنك ستحتاج إلى منتدى لوحدك ياحبيبي.

فا أحسن شيء ابلع العافية

دمتم بخير

Nooosa

27-02-2005, 07:53 PM

اهلين نوسا

يسعد مساكي

طيبين ؟؟

ابغى اقلك شي..

دحين انتي من جدك ؟!؟

نتكلم اي نسوي..

هوه في يدنا شي؟؟

قوليلي ايش نسوي وما ننمفش وانا مستعد ..

طيبييييين

مع حوووووووووووووووووووووووووبي،،

أهلينات جف ..
ويسعد الله مساك ..ياخي
.
.
انت تقولي من جدك .. تتكلمي؟!
وأنا أقلك من الأهل كلهم :p
.
.
.
ياأخي ..
دعني باختصار .. وبطريقة أخرى .. أتكلم ..وأوضح رؤيتي
لأني بإمكاني أن أرد على كل نقطة ذكرتها .. ونفكر سويا في الحل ..
لكني أراني إن تحدثت في الموضوع عامة كانت الفائدة أكبر
.
.

ممتاز ياهمام إننا نتكلم ..
ولا تقول هو احنا في يدنا شي نسويه .. إحنا في يدنا كل شي..:)
لكن الله لا يغير مابقوم حتى يغيروا ما بأنفسهم ..
أنا لو اتغيرت العالم كله حتغير ..
وأقلك هو كلام واقعي!

أرجع لـ إننا نتكلم .. ( وبعدين )؟
نقول اللي مضايقنا ومزعجنا وعن الوضع المزري اللي عايشين فيه ( وبعدين )؟
نشجب ونستنكر ونصرخ وننادي ( وبعدين )؟
نسمع أصوات أخرى غير أصواتنا .. نقرأ أفكارًا أخرى تجارينا .. وأخرى تصفعنا ( وبعدين )؟
نتقابل .. ونشكي لبعض الهم .. ونتناقش .. وننشر الغسيل كله .. ولا نبقي على قلوبنا علة رأيناها ( وبعدين )؟

نكون على حالتين :
._ نصبح هواة تصيّد أخطاء ( المسؤلين ومن هو مثلهم ) .. >>وبالتالي >> نزيد الطين بلة .. و نكمل مشوار التأخر ! .. وتمضي المعاناة قُدُمًا !!

._ أو إننا بعد مانشتكي ونغني مأساتنا .. نفكّر!
طيب احنا بنشتكي .. احنا ايش نبغى ؟
أكتب اللي تبغاه .. حدد المدة .. اقرأه دايمًا
أحط نفسك .. بمن يشاركوك هذا الهم ( فكّروا .. ابحثوا عن الأسباب .. وعن الحلول اكتبوها "أهم شي الكتابة" .. )
ومن ثم اتخذ خطوة عملية فعلية .. لا تسكت عن خطأ تشوفه زي كدا ..
إذا تحب دينك .. إذا تحب .. بلدك .. إذا تحب أهلك .. إذا تحب نفسك .. إذا تحب!
خليك دائمًا ايجابي ..
لا تتحدث عن خطأ تراه .. إلا وأنت تفكر في الحل ..
لا تنتقد .. إلا وأنت قريب من البناء ..
.
.
.
ودائمًا دائمًا تذكر ..
أنه ( يومًا ما سيغير هذا الركب العالم .. وبهذا أنا أول من يتغير ) ..
الركب = الشباب الذي شاركك الهم .. والعمل!

من قلبي أشكرك..

وآخر نصيحة ..
دايمًا عيد على نفسك السؤال اللي سألتنا هو في الأول:
( من الله قريبين ) ؟
واللي مع الله .. وقريـــــب ربنا مايخذله!
ولا يضيع له عمل :)
.
.
.
أختك

Nooosa

27-02-2005, 08:00 PM

.
.
عفوًا نسيت أقول شي ..

الحكمة تقول : ( دنيا فرندقس .. تزرع فول يطلع عدس )
وأختها كمان تقول : ( من زرع حصد )

كل من زرع حصد .. إذًا لماذا الفول ( طلع ) عدس؟!

لأننا إحنا اللي زرعنـــــا !
وهنا نرجع نشوف .. نلاقينا زرعنا العدس .. و(نقول) إنه فول .. ولا يمكن ( حسبناه ) فول !!

.

وما ننمفش>> وضّح من فضلك

lolo_429

28-02-2005, 05:56 PM

عندكم لمن رجل مرور يوقف مواطن صاحب فورد كحلي ويقله وقف عليك بلاغ يا صاحب الكابريس الاخضر ويبغونا نقول معا ضد الإرهاب !!

:152: :152: :152: :152: :152: :152: :152: :152:

هـذا اذا ما مسك الاستمــا ر ة بي المقـلـوب

لمن يبغونا نسمع فتاوي العلماء و50 % منها (اختلف فيه العلماء) !!
:222: :222: :222: :222: :222: :222:

لمن المواطن يغير كفراته 9000 مرة في الشهر من الشوارع في جده وما شابهها ونشجع السياحة داخل البلد !!
:152: :152: :152: :152: :152:

والله فكرتني بموضوعك للمطبات

نعم رغم هذا كلوووووووووووووووووووو لازم نشجع أمااال كيف نزيد الميزانية وكيف تزيد نسبة الصرقة لازم نشجع :148: :148:

مع تحياتي..... :253:

جف البحر

28-02-2005, 09:07 PM

أهلين مصعبووووه

همام أبعد عن العلاماء مو انا وانت الي بندخل في دي الاشياء وبعدين لمن توصل لدرجة علمهم وقتها نتفلسف

حبيبي مهو كل العلماء معاهم حق ..

والديل التضاربات اللي بتصير بينهم وبتوصل أنه بعضهم يكفر يعض !!

أنا ما أقصد العلماء بلجنة الافتاء ..

ابدا

أنا اقصد الناس اللي مسمين نفسهم علماء هنا وفي ناس بتوجب انه نسمع كللامهم !!

اعتقد انك فهمت كويس

افهم وبعدين انته اتفلسف .. :129:

ثانيا..

لهم حق لم الشباب الي تحكي عنهم ..
شغالين ترقيم ومعاكسات وتحرش ...وماخفي كان أعظم ..
تعرف انهم يستحقو ينرمو في الزباله مو في القهاوي..
وبعدين في أماكن كثير للترفيه...

في البولنج الي في طريق المدينه جنان..

الشلال محدده يوم للشباب ولا مادري كام يوم...

نادي الاهلي او الاتحاد...

ملاعب الكورة ...

همام في شغلات كثير الواحد يعملها غير القهاوي

أول حاجه انا عممت على كل الشباب..

وفي منهم اللي ينرمو على قولك وبعضهم اللي يستحق يكون فوق راسي وراسك..

البولينج بنروحه ..

الشلال حتى يوم الشباب في محاذير !!

الاندية ما أقلك غير أرجع للنقطه الاولى ..

بس تجي تشوف الغالبيه من الشباب بمافيهم الصالح والطالح بيروح القهاوي..

ثلوثيت المنتدى في القهاوي .. ليش ما يخلولنا اماكن جلسه زي مرسى الاحلام!!

في شيء حلو بعد كده ؟!!

حتى السوبرماركتات في أوقات ما تدخلها عشانك عزوبي كلب حقير في دا المجتمع !!

تحياتي

مع حوووووووووووووووووبي،

جف البحر

28-02-2005, 09:22 PM

هلا يا عووووومده

بعدين الله يهديك بلاشي مبالغة غير منطقية

فالشهر 30 يوماً فقط فكيف كفرات سيارتك 9000 مرة ؟!!

يعني معقوله الواحد يغير الكفرات 300 مرة باليوم ؟!!!

دحين من جدك انته !؟!؟

ترى هذي مبالغ فيها بالعانيه ..

طيبين يا عووووومده

وعلى قولك

يبغالي ابلع العافيه

مع حووووووووووووووبي،،،

جف البحر

28-02-2005, 09:31 PM

اهلين اخت نوسا

لكن الله لا يغير مابقوم حتى يغيروا ما بأنفسهم ..
أنا لو اتغيرت العالم كله حتغير ..

انتي كم حسابك ؟!؟

يعني تبغيني اشتري هيئة الاتصالات ؟!

ولا احفر في بيتي واطلع بير بترول وابيع بنزيم منه ؟!

ولا ننزل نسفلت الطريق ولا ايش؟؟

يعني اغير انا ايش

انا ما بيدي اغير حاجه ..

ومن ثم اتخذ خطوة عملية فعلية .. لا تسكت عن خطأ تشوفه زي كدا ..
إذا تحب دينك .. إذا تحب .. بلدك .. إذا تحب أهلك .. إذا تحب نفسك .. إذا تحب!
خليك دائمًا ايجابي ..
لا تتحدث عن خطأ تراه .. إلا وأنت تفكر في الحل ..
لا تنتقد .. إلا وأنت قريب من البناء ..

نوسا

انتي متأكده انك فهمتي الموضوع!!

يعني لمن أقول اسعار البنزيم عاليه ايش اقصد

مافي غير انه لازم تتخفض..

بلا بلا ..

سلميلي على الركب حقك ..

مع حووووووووووووووووبي،،

جف البحر

28-02-2005, 09:39 PM

نوسا

وما ننمفش

من فين جبتيها دي؟!؟

جف البحر

28-02-2005, 09:43 PM

علالالالالالاء

شفت المعاناه كيف

يعني نفس الوضع الحمدلله ماي مع الجميع ..

الله يعين

تسلم حبيبي على مرورك

مع حوووووووووووووبي،،

EDrara

02-03-2005, 02:41 AM

هلا مجفف

يا فرندقس إنت
ليش معصب يا أخي؟
أكيد آكل فول اليوم؟
روح كل عدس
يعني بتفهمني أنك متضايق؟
طيــــــــــــــــــــــــر يا شيخ
اسمع هذا الحديث

كما تكونوا يولى عليكم

أفهم الآن قصدي

Nooosa

06-03-2005, 01:36 AM

أيا أخي الذي يبغاله ضربٌ
ألا ترى أني ( نحلت ) قلبي .. وأنت بكل بساطة تقول
( انتِ كم حسابك )!!!!!!!

جف ..
حسابي ..
وقفة صادقة .. ودعوة ..
حسابي كف على عينك
( أستغفر الله العظيم ) .. خرجتني عن النص .. بس خليني أرد عدل ..

أولا .. الكلمة ( وما ننمفش ) .. انت اللي كاتبها في الرد الأول .. وضح من فضلك :)
وبعدين ..
أرجع أقلك .. إيوا أنا متأكده إني فهمت الموضوع ..
وإذا كان ظنك .. إنه كل الردود .. حتكون مواساه .. فـ آسفه
أو شكـر بدون إضافة .. فـ أنا برضه آسفه ..:)
وإن طرحته .. لإيجاد حل ..
فأقول لك .. كـ (مشكلة) أحلها أنا فلا أستطيع إلا باستطاعتي التمكن من النفوس .. لأن بها ( الداء )!
أما ما بوسعي .. وخير ما أمضي به .. هو ماذكرته في الرد الثاني .. بارك الله فيني .. وفيك .. والجميع

.
.
جف لا تدخل ركبتي في الموضوع .. لأني حينما كنت أرد .. لم تكن مصدعة ..
إنما حبة في وجهي كانت مسخنه .. :p
.
.
مع التحية ..
أختك
نوسا ..( مصرة على إيصال فكرتي .. لكنك تحطمني )..!

ياكُـلك

06-03-2005, 03:07 AM

والله صح لسانك ياأبو الهماهيم.....

من جد واقع أليم....

بس ايش نسوي هادي حياتنا....

طول عمرنا نزرع عدس ومانشوووف الا فرندقس.....:148:

تحياتي لك.....

shadow hearts

07-03-2005, 11:29 AM

أسف على التأخير...

بس ياعمري أسمهم علاماء ...يعني كمان لا نتفلسف...

أما موضوع وين تروح ..

مو لازم تخرج لحالك ...

أخرج مع أهلك ..وأرحم نفسك ...

أو روح أتزوج وماتترك مكان الا وانت فيه كل يوم...

وبعدين عشان يحلولك موضوع الطفش الي عندك يسمحووو بالاختلاط...

انت مو تحلم ...

يعني لازم انت الي تاقلم حياتك على المجتمع مو العكس...

<<<<<<<قاعده مهمه أكتبها يمكن تنفعك...

أرق الاماني بكل جميل..

جف البحر

07-03-2005, 06:16 PM

ادرارا

طيبين عمي؟؟

مصيرك تجي وتشوف بعينك محد بيقول لك ..

وتاني شي ايش قصدك من الدليل الي حطيته ؟!؟؟

ارجو التوضيح عشان لا يروح بالي بعييييد

مع حووووووووووووووووووبي،،

جف البحر

07-03-2005, 06:22 PM

يدي النيله

دحين انتي تبغي تعطيني كف!!

انتي اخوكي الكبير في البيت تعطيه كف؟؟

ماعلينا

ديّتك علبة بف باف وانتهينا ..

الموضوع مهو مواساة ولا شكر ولانيلة..

انتي طالبتي اني انا اغير حاجة مهي في يدي..

يعني افتراضا عشانم بعض الناس عقولهم تنكه شويه..

افترضي اني ادخّن ..

لمن انزل نقد واقول مليارات بتصرف على الدخان في السعوديه ..

هنا كلامك يكون صح ..

هنا اقدر اقول انا لو غيرت نفسي كله حيتغير..

لكن اقولك شوارع جده مكسره تقوليلي غير نفسك !!

مدري يعني اقلع عيوني واحط عيون البس ولا ايش ؟؟

طيبييييين

مع حووووووووووووووبي،،

EDrara

08-03-2005, 06:27 PM

في جدة حأقول لك

ياكُـلك

08-03-2005, 08:58 PM

عن اذنك جفوووو ...

فاكس لمصعب: السلام عليكم...

بالله تعال هنا ياشادو دحين انا الي اعرفه انك انسان مثقف ومتعلم.....:222:

دحين بالله احنا في سوق الخضره حتى تقول اتزوج ولا اخرج مع اهلك؟؟!!!!

اول شي احنا ناس اهالينا في بلد تاني.....

تاني شي الزواج مهو كيلو بطاطس حتى تقول تبغا تخرج اتزوج....؟؟!!! :223:

ياحبيبي الزواج مو لعبه احنا فقط بنطالب انه يكون للشباب داعي في هادي البلد....

وكل الناس عارفه انه البلد هادي بلد العوائل....

وانا احترم وجهة نظرك عموما واقلك كل سنه وانت طيب....

تحياتي لك ولجفوووووو.....

جف البحر

10-03-2005, 03:12 PM

مرحبتين ياكلك

نورت يا عسل

هادا حال الدنننيا

تسلم يا ألبو على المرور

مع حوووووووووووووووبي،،

جف البحر

10-03-2005, 03:15 PM

توصل بالسلامه ادرارا

مع حوووووووووبي،،

جف البحر

10-03-2005, 03:19 PM

مرحبتين مصعب

شوف حبيبي

انا مدري انته بتتكلم من أيت فراغ

لو بتكلمني بشكل شخصي فانته عارف انه انا عزوبي في جده ..

وبعدين هل تشوف انه الاختلاط الحل؟؟

انا في نظري هذا ابدا مو حل..

الاختلاط لعبده (...) زي اللي بالي بالك هدا ممكن يكون حلهم ..

بس مو معايه انا الحل..

يا عمي

عموما مشكور على رجوعك مره تانيه

مع حوووووووبي،،

جف البحر

10-03-2005, 03:20 PM

مرحبتين ياكلك

نورت برجوعك

واسيبك تتفاهمو انتو الاتنين

مع حووووووووووووووبي،،

shadow hearts

13-03-2005, 08:59 PM

بعد أذنك جف ...

ياكلك لي عوده للرد...

جف البحر

14-03-2005, 05:22 AM

تنور اخويه شادو هارت

shadow hearts

16-03-2005, 07:06 PM

اهلين جف ...

أسف على التاخر ...

برد على الاخ ياكلك ولي رد على تعليقك بعدها...

*****

ياحبيبي الثقافه والعلم في جهه وموضوعنا دحين في جهه تانيه...

المشكله في البدايه من الشباب الي هما أحنا ...

اما كيلو البطاطس خليه على جنب...

خلينا فحلتك الشخصيه "انو أهلك في بلد ثانيه."

الموضوع ما أختلف كثير..

جاوبني على دا السؤال..

وانا برد عليك بعدها برواقه..

أيش هي الحاجه الي تخلي للشباب داعي في دي البلد..؟

عشان أفهمك أيش تبغى بس..

*****

نرجع للسيد جف ...

انا ماقلتلك انو الاختلاط حل ..

جف أعزب او مانت أعزب ماتفرق كثير ...

يعني انت لمن ترجع من دوام الجامعه ترجع تقريبا الساعه 2

ناهيك على الوقت الي يضيع في النوم والاكل ومشاغل الحياه

أتبقى من اليوم 4 ساعات أقل أو أكثر

معقوول مانت محصل مكان تروحه في دا الوقت مستحيل

صح في أماكن للعائلات فقط ..

وفي أماكن للشباب فقط

يعني لو نزل قرار ان القهاوي صارت للعائلات ومو بعيد..

وقتها انت بتزعل ...

ولو المجمعات ومراكز التسوق صارت للشباب

العائلات وين بيروحو

دا هو قصدي أرجو ان الفكره تكون وصلتلك ..

أرق الاماني بكل جميل..