مساعدة يــــاحـــواء

[ROMEO]

السلام عليكم

يسعدلي مساكم اخواتي الدرريات


كل عام والجميع بألف خير


بغيت مساعدتكم بصراحة( الجميع تكفون)

في مسألة عويصة....جداً لروميو



أيش أفضل طريقة لصنع الكباب والمشوي

من الألف لليـــــــاء

التخميرة والخ.....


بعدين سؤال

وش اللى يخلي الكباب مايطيح من الصيخ.؟




وسلامتكم


ملحوظة:

غير المقبلات والرز..... ايش الصحون المعاونة في وليمة جهنيمة مثل هذي




---

ماقصرتوا........( واحد وراه كشته مع اخوياه)

[Nooosa]

وعليكم السلام ورحمة الله .. وبركاته ..
.
.
.
والله من عيوننا ..
يا أبو دانه ..

إن شاء الله .. شويتين .. وأجي ..
بس أسلم .. على أمي

:)

[إشراقة أمل]

وعليكم السلام ورحمة الله

صباحك مشرق بكل خير وطاعة أبو دانة

*

كان بودي اخدم.. بس انا لسا ما وصلت لمرحلة الكباب... يادوب المقبلات والحلويات و"تخب" علينا:130:

ان شاء الله الدرريات ما يقصروا معاك

*

دمت على خير وطاعة

[Petals]

شوف انت تركب السيــارة


وعلى طول عالبلد....


في المكان اللي عند البريد <--- واحدة تايهة..


وخد سرى

ودوووووووق الطعم الجنان

[رحاب]

http://www.khayma.com/sweets/chef1.gifhttp://www.khayma.com/sweets/chef1.gif


أهلين أخوي طيب القلب... أبودانة

وأنا لوماساعدت أخوي مين أساعد؟!!:252:

ولو بيدنا كان فعلا سوينالك وليمةماحصلتش :138:

على العموم ياسيدي هذه وصفة كباب مامتي ربي يحفظها ...





المقادير:

لحم مفروم

كزبرة

ملح واي بهارات موجودة عندك

ملعقة صغيرة ثوم

بقسماط

بصل مفروم

طماطم أو صلصلة طماطم وحبة ماجي

الطريقة:

نضع اللحم المفروم في زبدية ونضيف له الكزبرة والملح والثوم والبقسماط والبصل المفروم واقلبه بالملعقة لين مايمتزج كل الخليط

بعدها اكوره بيدي حسب الشكل اللي ابغاه

أضع في الصاج شوية زيت مو تروحي وتغرقي الصاج بالزيت;)

اضع الكباب اللي شكلته في الصاج على نار هادئة مع التقليب شوية شوية لين ماتحسي انه تماسك وبدى يستوي

بعدها اجيب الطماطم واخلطها في الخلاط او ممكن اجيب صلصة طماطم ومعاها حبة الماجي واسكبه فوق صاج الكباب وبعدها اتركه شوية لين مايستوي على نار هادئة



وهذه صورة للطبخة...



http://www.dorarr.ws/forum/attachment.php?attachmentid=11 02





طيب لو حابب تعطيه ريحة شواء

تخلط اللحم مع خلطة البصل وتقليها في الزيت وبعدين تجيب جمرتين وتحطها في فنجان قهوة فيه شوية زيت طبعا الجمر تحطه مثلا على قشرة بصل عشان ماتسوي حريقة:154: لاسمح الله

وتغطيالصينية بسرعة لمدة خمسة دقايق عشان تتشرب رائحة الشواء





.؛.كإضافه .. الزينة والصوص .؛.

بقدونس مفروم + روب ( زبادي ) + ملح ... تخلط المقادير السابقه

.؛.صوص الثوم .؛.

حبات ثوم + مايونيز + القليل من الملح + شوية روب تخلط في الخلاط





طبعا المشويات في هالطريقة

مقادير التتبيله لكيلو واحد فقط من اللحم او دجاجه واحده ، تزيدين الكميه على هذا الاساس بزيادة اللحم او الدجاج:

علبتين زبادي ( مهم جدا)

2 بصله متوسطه مفرومه

راس ثوم مفروم

عصير 6 ليمونات

2 طماطم مقطع شرائح

كوب خل / ملح / بهارات مشكله / ماء

الطريقه:

قطعي اللحم او الدجاج قطع متوسطة الحجم وضعيها في اناء غزير وضعي فوقها جميع المقادير السابقه عدا الماء ، قلبيها جيدا الي ان تختلط ثم اضيفي الماء بالتدريج الى ان يغطي كميه اللحم او الدجاج ، اخلطي من جديد واوزني الملح ، اتركيه لمده لا تقل عن اربع ساعات قبل الشوي ..

الان اشعلى الفحم الى ان يتوهج جيدا ( طبعا في مكان مكشوف ) ثم ابدئي بالشوي وقلبي على الوجهين ...

قدميه مع السلطه والبطاطا المحمره



يمكن مأفدتك كثير بس متأكدة إنه البنوتات ماراح يقصروا

وسلامي لحبيبة قلبي دانتي |238|

وبحاول أرجع لولقيت شئ مهم يساعدك في الوليمة




دمت في حفظ الرحمن ورعايته

[عابده لله]

السلام عليكم ورحمة الله وبركاته
أهلين بـ العاشق روميو ..
منوووووور يا أفندم..

:SMIL:

شوف يخوي أنا وحده من الناس يقولون أكلي لذيذ .. وهو هواية
مب اكثر .. ومن أهم ميزات الأكل اللي أسويه أني ما أستخدم
البهارات أبد وأن كان لا بد منه يكون بكمية بسيطة جداً.. وهذه
قاعدة ماشيه عليها بعالمي المطبخي .. |154|

أحس أنه طعمه يكون واضح المعالم لأن أي أبزار أو بهارات بتضيع
طعم الشيء اللي نبيه (( وجهة نظر خااااااااااصة جداًًًً )) :212:

وبـ النسبة للكباب .. أنا أشويه أو أتبله بذي الطريقة وهي جنان لأن
خوالي (( الأتراك )) كلهم يعملونها ولا تنسى
أن لهم باع طويل بهذا المجال ..

وأهم شيء تكون الكميات متكافئه بنظرك .. مثلاً عندك 2 كيلو لحم
مفروم تقطع عليها 4 بصلات مب ناعمة ولا خشنة يعني تكون مرئية
وتجيب نص حزمه بقدونس وتبعد تقطعها مثل البصل .. وتخلطهم زين
وترش رشه ملح ورشة فلفل أسود وبس .. هيا لا تزيد عنهم شيء
اسأل مجرب .. وجرب وادعيلي ..

وعقبها جيب قطعة خبز فينو ( أنتم تقولون صامولي )
وبلها بشوي ماي يعني تقدر تقول نص قرص بس لاحظ مجرد بلل لا
تغطسها ببحر ماي .. أنتبه وفرها أو أخلطها مع الخلطه اللي فوق ..

عندي ملاحظة بسيطه .. (( عشان الكباب يكون له طعم أنتبه أن اللحم
المفروم لا يكون ناعم .. يعني فرمه وحده بس .. أقرب للخشونه بيكون))
وعقبها فرزنها بالفريزر ساعتين لأن قاعدة للشوي ينظبط لازم يكون
بااااااااااارد جداً .. وبرضه أنا خبيرة مثل ما قلت لك ما حضرك |310|

وعقب ما تطلعه من الفريزر تكون يمك طاسة ماي وتجيب الأسياخ
المخصوصو للكباب اللي تجي عريضة واسأل حقين الشوي عنها
يسلفونك هي ذاك اليوم .. وان تبي حياك أعبيلك هيا وواللي فيها
والله تستاهل يا ابو دانه.. :SMIL:

وأمسك قطعة من المفروم وأعملها مثل الكوره وابدأ مددها على السيخ
بشويش ولا تنسى يدك شوي تبللها بالمي اللي يمك..

وحطها بصحن كبير وبعد ما تنتهي وطبعاً الجمر من اول مولع ابدأ
شويك وألف ألف صحة وهنا .. بس شوف لا تنساني من دعائك
لمنيعجبك لأنيواثقه بإذن الله أنه الي تدور عليه..

وبـ النسبة للمقبلات عندك بابا غنوج مثلاً بعمله خطير ..

جيب باذنجان أسود وابدأ شوي كل وحده على عين بوتجاز لحالها
ولا تنسى تقبها كل 4 دقايق لين تحس أنها استوت مره ولينه مره..

وعقب ما تبرد قشرها بالحوض من القشر المحترق وقبلها بوقت
كون قشرت ثوم 3 مثلاً وواحد فلفل حار ودقهم بالنجر (( هاون ))
مع رشة ملح .. وحطهم على الباذنجان وهو مقشر ..
وجيب زبديه وحط فيها طحينه واضربها بمضرب البيض مع شوي ماي
لحد ما يصير لونها أبيض وحط شوية خل وشوي ملح وشوي فلفل
أسود وأضربهم زين :204:

ويوم تشوفه متجانس ومب ثقيل ولا خفيف حطه على الباذنجان
اللي عملناه ولا تنسى 2 ليمونه تحطهم على الخلطه وذوق الملح
والتجانس وقرر شو تزيد وشو تنقص ...

8
8
8

وبعد عندك سلطة اللبن بالخيار .. :181: مع الشوي

طبعاً جيب كيلو خررررررريار وأبشره بقدر أو أي ماعون كبير وأبشر
معاه 4 فصوص ثوم ...
وجيب جالون روب كبير أفضل أنه المراعي وصبه عليه وشوي ملح
وشوي ملح ليمون (( بطرف الملعقة))
و5 أو ست أعواد نعنع قطعها فوقهم وحطها بالثلاجه لين تنتهي
وبالهنا والعااااااافية ..

وعندي أقتراح .. لو حاب أعملك كل ذا ترى من عيوني
وتاخذه جاهز يا أبو داااااااانه ...
والله أني صادقه ...

ولا تنساني من طيب دعائك وتبي أي شيء ثاني أبشر من عيوني..

:SMIL:

:

عابده وكلها ريحة شوي

[عابده لله]

أوه نسيت تبي أي تتبيله دياي مثلاً أو ستيك أو لحم
شيش طاووق ..
اللي تبيه أنا جاهزة ومن عيوني ...

بس لا تنسى الـ
comeshine..

:212:

[رحاب]

عبوووودة تسلم يدك ياشيخة وانا اشهد على طبيخها :230:

أنتِ كده:254:

أبودانة شكلك راح تكون من زوار درتنا

عقبال ماتشاركنا دانتي حواء ونشوفها أنشط عضوة

حماك الرحمن من كل سوء

[ROMEO]

السلام عليكم

مساكم الله بالخيرات خواتي وكل عام وأنتم بخير



نوســــا.....

بدري يختي.... كل هذا سلام...( اقولك...... جبيلنا اي طبخة والسلام انشالله ماسية)



اشراقة أمل


الله يسعدك يارب.... باحطك في بالي لأصناف الحلى

اشكرك



بيتلز

طالب مسحب انـــــــا...؟


أقول باراجعك في المحاشي ...... ادرسي من الليلة يلا


---------

صدى الحرمان..... شيف الدرر الذوااااااااااقة



الله يطول بعمرها يارب.... من الطريقة الكلام يرجي الريق كيف الواقع

الف الف شكر ...... كل المعلومات طبعتها مع حذف ( المخاطبة) فشيلة قدام الربع ( قدميـــه__ أشعلي)


الله يسعدك رحابنا الغالية ويطولي عمرك

وعقبال مانأكل وليمة عرسك يااااااارب


-----


أم يـــــــوسف ....... اويلي على خوال الكباب وأعمامه

شوفي ... أنــــا عندي أيمان راااسخ بأعطاء الصنعة لاهلها

يعني لا شوام ولابطيخ...... ( الأتراك وبس في المشاوي)


كل المعلومات والله طبعتها .... وبأعمل دعوة حلوه انتي ورحوبة قبل وبعد الهجوم



الف الف شكر


بس قيدي الكومشيون على الدفتر.....( يادوب حق الطلي واللازم منه)


والمره الجاية انشالله نأكله من ادينك...... يومنك ترسليه طازه على الفديكس...



أخيراً الف شكر للجميع

وأدعو معايا ياااااارب........ نخلص ذبح بدري بكرا...


فمان الله