~ياعيني على حظّـــــنا الهباب~

[الأصيـــــــــل]

تحية بعطر الكـــــــادي للجميع
.
.
.



سمعتوا آخر خبر ؟؟!!

قرأت في أحد المجلات المتخلفة .. لكاتب أيضاً متخلف

بأن التطور الذي تشهده بلادنا يوازي التطور الذي تشهده اليابان :268:

والله يا ضحكت ضحك على الكلمة دي

يعني مو كفاية محنا محصّلين دبي .. لا شطحنا لليابان

وفمقال تاني لنفس الكاتب المتخلف وفنفس المجلّة المتخلفة

يقولك الرعاية التي يجدها أبنائنا الطلاب لا توازيها رعاية في الشرق

الأوسط :266: ... سبحانك يارب ...

أعتقد انو الكاتب كان في غيبوبة .. ولا ودّوه سويسرا وضحكوا عليه

وقالوا هذي بلادنا :134:

عشان الكاتب المحترم يشوف بعينه الفرق بين الرعاية في اليابان

لأطفالها والرعاية لأطفالنا .. إليكم بعض الصور لباصات نقل الأطفال الصغار

من وإلى المدارس في اليابان ...

http://www.abunawaf.com/mix/store2/421_1.jpg

http://www.abunawaf.com/mix/store2/421_2.jpg

http://www.abunawaf.com/mix/store2/421_3.jpg

http://www.abunawaf.com/mix/store2/421_4.jpg

http://www.abunawaf.com/mix/store2/421_6.jpg


ياعاااااااااالم ... لمتى حنقعد نضحك على نفسنا :148:

احنا فين واليابان فين ...

آآآآآه على حظّنا الهباب :180:


تحياتي،،،،،

[جف البحر]

هاااااااااااااع هايل

حبيبي

احنا احسن من اليابان

همه يخترعوا واحنا نشتري :183:


مع حووووووووووبي،،

[عمر باعقيل]

يعطيك الله الف عافية اخوي هايل على هذا الموضوع المضحكة للغاية

[ملكة البحار]

مولهذه الدرجة
يعني الحمدالله إحنا في نعمه
أحسن من السودان|461|

[EDrara]

هايل طيب ليش انت معصب؟

مو عندنا تدريس كل طالب وطالبة بالكمبيوتر النوت بوك؟
مو عندنا باصات مكيفة وفيها ألوان زي اللي فوق
مو عندنا مدرسين لكل التخصصات وخاصة الانجليزي والرياضيات؟
مو عندنا اجازات كل كم اسبوع
مو عندنا الكتب متوفرة وما فيها تدخل من امريكا؟
مو عندنا مدارس اهلية رخيصة بالمرة واصحابها أمراء؟
مو عندنا مربين على مستويات عالية من التدريب والاحتراف في حل مشاكل الطلبة والطالبات؟



كل هذا عندنا وكمان تنكر
عيب عليك يا راجل

[رغــد]

متطورين زي اليابان .؟!
معلومة جديدة ومفيدة ..

بس الدراسة بدأت من شهر وبعض الكتب ماأخذوها الطلاب والطالبات للآن .
تخيلوا ..
هذا والبترول ارتفع جداً ..
أجل لو احنا دولة ماعندنا بترول .. ولا عددنا قد سكان الهند .. كان ايش سوينا في عمرنا .

بعدين لاتحطلنا صور تحسسنا بعجزنا عن مواكبة هذولا الناس . ولا أنسى التنوية في هذا الموضوع : ياجماعة التعليم وفروا الكتب . حرام كذا الطلبة تدرس بدون كتب .


شوكرن هايل .

[الأصيـــــــــل]

أهلين جفوووو

ايوالله صادق

همّا مغفلين يشتغلوا ليل نهار واحنا نشتري على الجاهز

لا والحقيقة بنشتري منهم أحلى الأشياء وأثمنها وقمة التطور والتكنولوجيا

وبعد شوية نلغيها .. عشان احنا ناس متمدنين ومتحضرين وما نستخدم التكنولوجيا غلط


آآآآآآآآآآه ياحرّة قلبي


يعطيك العافية يا جفووووو

[الأصيـــــــــل]

أهلين همس الوجود

بس ان شالله الموضوع المضحكة عجبتك :220:

تسلم حبيبي على مرورك ومشاركتك


تحياتي،،

[الأصيـــــــــل]

أهلين بحنان

معاكي حق

لو إمكانياتي زي امكانيات السودان


بس عندي فلوس بالهبل وبترول بالهبل ودا حالي

اسمحيلي مرة كتير

تسلمي على مرورك ومشاركتك


تحياتي،،،،

[الأصيـــــــــل]

هايل طيب ليش انت معصب؟

مو عندنا تدريس كل طالب وطالبة بالكمبيوتر النوت بوك؟
مو عندنا باصات مكيفة وفيها ألوان زي اللي فوق
مو عندنا مدرسين لكل التخصصات وخاصة الانجليزي والرياضيات؟
مو عندنا اجازات كل كم اسبوع
مو عندنا الكتب متوفرة وما فيها تدخل من امريكا؟
مو عندنا مدارس اهلية رخيصة بالمرة واصحابها أمراء؟
مو عندنا مربين على مستويات عالية من التدريب والاحتراف في حل مشاكل الطلبة والطالبات؟



كل هذا عندنا وكمان تنكر
عيب عليك يا راجل


ياخي والله انا ناكر للمعروف

كيف غابت عن بالي الحاجات دي

من جد ما أستحي :142:

ادرارووووووووووه

حننكفش


تحياتي،،،،،

[الأصيـــــــــل]

أهلين رغد هانم زعيمة حزب المعارضة والمتحدّثة الرسمية باسم التمرد
وحاملة لواء الطلبة والطالبات في جنوب موزنبيق... يمكن ما تباتي في البيت اليوم :150:

والله شي يقهر

بالله للآن ما أخذوا كتبهم؟؟!!!

طيب يا جماعة بلاشي الباصات أنا رحت لبعيد .. ممكن بس الكتب ؟ :266:


إنا لله وانا إليه راجعون


الله يكون في العون


تسلمي يارغد






تحياتي،،،،

[عابده لله]

أهلين خوي هايل ..
وصبحك الله بالخيرات ..

والله نكتة عجيبة عن جد .. ومن ضمن النكات ..مثل ما قالت رغد
ان بعض الكتب ما توفرت بالمدارس الحكومية.. صحيح.. بس ازيدكم
من الشعر بيت بأن أبني من البارح وهو ناقم على كل شيء ليش ؟

لأن عنده اختبار نصوص .. لحد هنا زين صح ؟

الحلو في الموضوع أنه ما استلم الكتاب لسه من اول السنة
والاحلى انه بمدرسة خاصة وعلى مستوى ... تصور :268:

أخي هايل .. اتفق معك تماماً بان الكاتب مب متخلف بس ..لاء ..
ذا اكبر منافق أن ما كان مقاله دعابة وفرفشة .. :212:

يسلمو خوي ..

/

عابده

[الأصيـــــــــل]

لالالالالا

أنا أؤكدلك يا عابدة انو متخلف وأبصم عليها بالمليون

وأبداً ما كان مقاله للدعابة أو الفرفشة

لأنوا الراجل بيستدل بصور لطلاب ماسكين كتبهم ومكشخين

وفاشخين كشتهم قدام الكاميرا


يارب ... الرحمة يارب


يا عيني على حظنا الهباب

[ابوفهد]

هايل حبيبي كيف الحااااااال

بس اربعة اشهر لاعداد رد ؟

اهوه حنا افضل من اليابان بسرعة الرد :005:

تحياتي

[الأصيـــــــــل]

هلا يا عمده

ماشاء الله عليك ... صاحيلي

والله راجعت أرشيفي ولقيت في مواضيع ما ردّيت عليها

قلت اللي ردّوا يستحقوا الشكر والرد ...

بس ولا يهمّك ... بحاول أكون ياباني في الأيام الجايّة :)



تحياتي،،،،،

[zadi]

______________

أشوف الشباب يشمشمو على بريمان ؟؟؟؟؟؟؟؟؟؟

أقول إنت وياه ,,, كل واحد ينطق في درته ويروق ولاتتكلموا في الإنتخابات المهزلة حقت الرياض وجدة ,,,

[الأصيـــــــــل]

الأخ زادي مضيع باب غرفة النوم ولا ايه ؟؟؟!!!

أي انتخابات يا اخي واي كلام فاضي يا عمّي

احنا بنتكلم فمشكلة تانية تماماً

احنا بنتكلم فمشكلة تحديد النسل يا حبيبي



أقول زادي .....

تصبح على خير :)


تحياتو

[zadi]

_________________

ماهي هيه هيه المشكلة يا أخ أصيل بارك الله فيك

يعني الإنتخابات أصلها تحديد نسل !!!!!!!!!!

راح تقوللي كيف ؟؟؟؟؟؟؟؟؟؟؟؟

أقولك كيف ,,,

شوف يابابا

لمن إنتا تنتخبني وأنا أنتخب أونكل وأونكل ينتخب جفو ,,, ها ,,,

صارت العملية إننا بنقص على بعض قصة حلوة ,,,

يعني أنا أقولك ويش عندي برنامج إنتخابي وإنتا تحكي للأعضاء ويش برنامجك الإنتخابي ,,,

وأونكل يقولنا إنو برنامجو الإنتخابي هو تحديد النسل ,,, عشان البترول يكفي كل ذي الفميم الجيعانة ,,,

فهمت يافتك مين فين وكيف صار إنو الموضوع لوه علاقة بتحديد النسل !!!!!!!!!!!!!

وحتى كمان لو علاقة بإنو نخفف عدد البزورة إللي يروحو المدارس عشان تكفيهم ياخي ,,,

يعني إنتا سوي زي الصينين ,,, واحد ولد وبس !!!!!!!!!!

مو دحين تشتغل فراخة حقت دجاج فقيه @@@@@@@@@@

إيييييييييييييييييييييييه ,,, فهمت ولا كمان أشرح ؟؟؟؟؟؟؟؟؟؟؟؟؟

ياحبيبي هدا البترول إللي تتكلم عنو مو من حقك تجيب سيرتو ؟؟؟؟؟؟؟؟؟

لأنو مو ملكك !!!!!!!!!!!!! هذا ملك الدولة الله يسلمك ,,,

إنتا إللي حقك إنك تشتري بنزيم لسيارتك وبس !!!!!!!!!!!!

يعني تصير أخ مستهلك إلين تنهلك !!!!!!!!!!!!!

وغير كذا ,,, ضب لسانك ونأطنا بسكاتك @@@@@@@@@

وأتغطا كويس وإنتا نايم ,,, وماتنساش تاخد الحباية !!!!!!!!!!!!!!

[واحد فاهم غلط]

انا اؤيد الاخ زادي

وبالفعل مشكله تحديد النسل لازم ننتبه لها قبل لا نتورط ونلاقي نفسنا مثل الصين

الحين المسلم في الصين مسكين ما يقدر يتزوج اربع مثل الشرع

وش ذنبه

:155:

[aqua_chemo]

الحمدلله على كل حال،ا حنا حتى على سنة 3000ماحنوصل وحتى لو وصلنا ماراح يستمر لأنه هنا مايفهموا شي اسمه حافظ على ممتلكات الغير !!!

ايش فيها الباصات أبو ريالين مو عاجبتك :144: