*نجـ سهيل ـم*
11-05-2002, 11:57 PM
مساء الخير .. شباب وصبايا ..
عندي هذا الموضوع ودي أنزله .. الله لا يبارك في ذاك الشايب ..
القصة وما فيها ....
كنت ماشي بسيارة في أحد الشوارع المنحوسة ...
وحسيت أني جوعان ..
قلت ياولد خذلك أي شي من الكفتريا .. نقنقه على الماشي ..
وقفت سيارتي .. عند الكفتريا .. ونزلت وطلبت الطلب .. وحاسبت
عليه ..
عاد ما فيه شي اليومين هذي ببلاش إلا الهوا ..
خرجت لسياره علشان آخذ لفه ألين ما يجهز الطلب اللي طلبته ..
إلا وفيه دورية مقفلة على سيارتي ..
قلت ياولد ما عليك منه دق له بوري وبيبعد منك ..
ربطت الحزام عشان لا يتمنذل فيني ويقول أنت منت رابط الحزام..
دقيت البوري الأول الظاهر ما سمع ..
دقيت البوري الثاني طنش ..
نزلت له .. ( تخيلوا أنا وبكل شجاعة ما أدري من وين جات نزلت له ::] )
دقيت عليه قزاز السيارة بصراحة أنا ما دقيت القزاز لكن حطيت أصباعي
على القزاز .. ومن الربكه والخوف كانت يدي تهتز وكنت بكسر القزاز من
قوة الرعشة ..
بكل هدوء العسكري الله لا يوفقه هو وهذا الشايب النحس ..
العسكري يسوق والشايب الراكب ..
نزل القزاز وقال وبدون مقدمات هذي لك يعني السيارة طبعاً ..
قلت له أيه لي ..
قال يعني أنت المطلوب عندنا ..
هو قال مطلوب عندنا من هنا ..
وقلبي قام ينطنط من هنا ..
والمخفه العسكري اللي يسوق يقول ليه تهز صدرك قاعد ترقص ..
يحسبنني فيفي عبده مو داري بالسالفة ..
قلت لا والله ما أرقص ( طبعاً الجملة هذي أستغرقت دقيقة كاملة اللين
ما أطلعت ..
وشوي الا وأدوريه الثانية وقفت ..
وعاد شوفو أخوكم ..
أنا ناقص دوريه ثانية ::]
والناس والعالم بدت تتجمع .. من كل مكان .. والصحافة ومندوب
الفارسي في وزارة الإعلام ..
قال لي وبكل هدوء أطلع .. قلت وين قال الجيب ..
قلت له سم ..
قال أطلع الجيب ..
يا الله .. طيب ليه .. قال لمن تروح القسم بتعرف كل شي ..
قعدت أفكر لا يكون أسامة بن لادن سوا عمل في العالم .
وأتهموني أنا ..
يالله خراجك ..
قلت : أطلب منك طلب .. قال نعم وهذا كان وجهه :mad:
قلت خلني أروح بسيارتي .. قال عشان تشرد قلت ياخي إثباتاتي
معك . كلها كيف أشرد قال بشرط قلت تفضل .
قال يطلع معك واحد من العساكر ..
قلت جاك ..
ويطلع معي هالمنحوس ... وفي الطريق قاعد أجيبه يمين وشمال ..
ودي أعرف وش المصيبة اللي أنا مسويها ..
قال والله ما عندي خبر ..
دخلت القسم .. وانلطعت ساعتين ونص عند باب الظابط ..
وبعدين جاني واحد والله إن كرشه جا قبله ..
وقف عندي وقال كلم قلت مين قال كلم الظابط ..
قلت أبغى أبوياااااا ::]
قال ولد لا تقعد تبكي عندي كلم الظابط أنت توحي هاه توحي ولا ما
توحي .
قلت لا أوحي ..
دخلت عند الظابط وهذيك النجوم الثلاث فوق كل كتف ..
ياللللللله ( والله إني نويت أجي أساعده ) ثقيله ..
وقفت عنده تقريباً ربع ساعة بدون كلمة ولا حتى تفضل أجلس ..
وبعدين طالع فيني .. بنص عين ... قال أنت صاحب السيارة ..
قلت أيه نعم ..
قال يا عسكري بصوته كل ابوه ( ودي الحجز ) :(
قلت للعسكري .. لحظه أي حجز وأي نيله .
قلت وش المشكلة ..
الضابط قال تسوي نفسك ما تعرف .. قلت والله ثم والله إني ما أعرف
قال جانا بلاغ إنك تسرق جوالات .. ::[
أنا أسرق جوالات :(
قال نعم أنت أنت مو صاحب السيارة الكيا موديل 2002 رقم اللوحة ( ق ا
هـ 605 )
قلت لا حبيبي .. أولا سيارتي مو كيا لكن الرقم رقم لوحة سيارتي ..
قال وش سيارتك يعني bmw ولا شبح .. قلت الله يرزق من يشاء .
قال خلصني ما ني فاضي بتخطب أنت ..
قلت له نوع سيارتي كذا وموديلها 2002 ورقن اللوحة ( ق اهـ 605 )
قال خلاص أهم شي اللوحة .. إنها صح . قلت يا خي إذا إنه ما شاف
نوع السارة ..وهي بذا الكبر بيشوف اللوحة ..
المهم مره أنا أهرج ومره هو يهرج .. وشد وشد ..
وش هالبلشه أمحق من ضابط ..
والله وجاني ملازم قال شوف إذا عندك أحد يفكك من ذا النقيب تراه
معقد .. قلت له أبه عندي .. أعرف واحد كان شغال عسه زمااان ..
وبعدين قلت واسطة أيش يا عم .. أنا والله ما سويت شي ولا سرقت
أي جوال ولا شي ..
المشكلة إني لو دخلت الحجز .. كان بيت فيه الأربعا والحميس
والجمعة ..
مشكلة صح ..
والله ونتصل على بعض الشباب .. وهم عملوا شوية أتصالات ..
وكنا بندخل أعضاء الأمم المتحده يتشفعون لنا عند هالنقيب .
لكن الحمد لله ما وصلت لهدرجه .
وبعد الساعة الثالثه جابوا واحد من ضحايا السرقة ..
وعرضوني عليه قالوا له هذا .. طالع فيني وطول ..
قلت بس هذا توه صاحي من النوم ولا هو داري عن شي ..
وشكله بيوهقني ..
وبعد فترة تأمل ... قال لا ..
مو ذا هذاك بشرته سودا ..
من القهر صرخت في وجهه .. طيب لك ساعة تناظر في وجهي .
وفي الأخير تقول ذاك بشرته سودا أنت شايف إن بشرتي سودا :mad:
المهم على الساعة الثالثة النصف .
أفرجوا عني وعن سيارتي ..
لكن اللي قاهرني هذاك الشايب الأولاني .. كيف كفش لوحتي من بين
السيارات كلها الله يقلعه من شايب ..
لا واللي قاهرني أكثر الكفتريا ::]
أخذ حسابه ..
وأنا ما أخذت العشا
::] ::] ::] ::]
آآآآآآآه يالقهر
ومع مغامرات أخرى
عندي هذا الموضوع ودي أنزله .. الله لا يبارك في ذاك الشايب ..
القصة وما فيها ....
كنت ماشي بسيارة في أحد الشوارع المنحوسة ...
وحسيت أني جوعان ..
قلت ياولد خذلك أي شي من الكفتريا .. نقنقه على الماشي ..
وقفت سيارتي .. عند الكفتريا .. ونزلت وطلبت الطلب .. وحاسبت
عليه ..
عاد ما فيه شي اليومين هذي ببلاش إلا الهوا ..
خرجت لسياره علشان آخذ لفه ألين ما يجهز الطلب اللي طلبته ..
إلا وفيه دورية مقفلة على سيارتي ..
قلت ياولد ما عليك منه دق له بوري وبيبعد منك ..
ربطت الحزام عشان لا يتمنذل فيني ويقول أنت منت رابط الحزام..
دقيت البوري الأول الظاهر ما سمع ..
دقيت البوري الثاني طنش ..
نزلت له .. ( تخيلوا أنا وبكل شجاعة ما أدري من وين جات نزلت له ::] )
دقيت عليه قزاز السيارة بصراحة أنا ما دقيت القزاز لكن حطيت أصباعي
على القزاز .. ومن الربكه والخوف كانت يدي تهتز وكنت بكسر القزاز من
قوة الرعشة ..
بكل هدوء العسكري الله لا يوفقه هو وهذا الشايب النحس ..
العسكري يسوق والشايب الراكب ..
نزل القزاز وقال وبدون مقدمات هذي لك يعني السيارة طبعاً ..
قلت له أيه لي ..
قال يعني أنت المطلوب عندنا ..
هو قال مطلوب عندنا من هنا ..
وقلبي قام ينطنط من هنا ..
والمخفه العسكري اللي يسوق يقول ليه تهز صدرك قاعد ترقص ..
يحسبنني فيفي عبده مو داري بالسالفة ..
قلت لا والله ما أرقص ( طبعاً الجملة هذي أستغرقت دقيقة كاملة اللين
ما أطلعت ..
وشوي الا وأدوريه الثانية وقفت ..
وعاد شوفو أخوكم ..
أنا ناقص دوريه ثانية ::]
والناس والعالم بدت تتجمع .. من كل مكان .. والصحافة ومندوب
الفارسي في وزارة الإعلام ..
قال لي وبكل هدوء أطلع .. قلت وين قال الجيب ..
قلت له سم ..
قال أطلع الجيب ..
يا الله .. طيب ليه .. قال لمن تروح القسم بتعرف كل شي ..
قعدت أفكر لا يكون أسامة بن لادن سوا عمل في العالم .
وأتهموني أنا ..
يالله خراجك ..
قلت : أطلب منك طلب .. قال نعم وهذا كان وجهه :mad:
قلت خلني أروح بسيارتي .. قال عشان تشرد قلت ياخي إثباتاتي
معك . كلها كيف أشرد قال بشرط قلت تفضل .
قال يطلع معك واحد من العساكر ..
قلت جاك ..
ويطلع معي هالمنحوس ... وفي الطريق قاعد أجيبه يمين وشمال ..
ودي أعرف وش المصيبة اللي أنا مسويها ..
قال والله ما عندي خبر ..
دخلت القسم .. وانلطعت ساعتين ونص عند باب الظابط ..
وبعدين جاني واحد والله إن كرشه جا قبله ..
وقف عندي وقال كلم قلت مين قال كلم الظابط ..
قلت أبغى أبوياااااا ::]
قال ولد لا تقعد تبكي عندي كلم الظابط أنت توحي هاه توحي ولا ما
توحي .
قلت لا أوحي ..
دخلت عند الظابط وهذيك النجوم الثلاث فوق كل كتف ..
ياللللللله ( والله إني نويت أجي أساعده ) ثقيله ..
وقفت عنده تقريباً ربع ساعة بدون كلمة ولا حتى تفضل أجلس ..
وبعدين طالع فيني .. بنص عين ... قال أنت صاحب السيارة ..
قلت أيه نعم ..
قال يا عسكري بصوته كل ابوه ( ودي الحجز ) :(
قلت للعسكري .. لحظه أي حجز وأي نيله .
قلت وش المشكلة ..
الضابط قال تسوي نفسك ما تعرف .. قلت والله ثم والله إني ما أعرف
قال جانا بلاغ إنك تسرق جوالات .. ::[
أنا أسرق جوالات :(
قال نعم أنت أنت مو صاحب السيارة الكيا موديل 2002 رقم اللوحة ( ق ا
هـ 605 )
قلت لا حبيبي .. أولا سيارتي مو كيا لكن الرقم رقم لوحة سيارتي ..
قال وش سيارتك يعني bmw ولا شبح .. قلت الله يرزق من يشاء .
قال خلصني ما ني فاضي بتخطب أنت ..
قلت له نوع سيارتي كذا وموديلها 2002 ورقن اللوحة ( ق اهـ 605 )
قال خلاص أهم شي اللوحة .. إنها صح . قلت يا خي إذا إنه ما شاف
نوع السارة ..وهي بذا الكبر بيشوف اللوحة ..
المهم مره أنا أهرج ومره هو يهرج .. وشد وشد ..
وش هالبلشه أمحق من ضابط ..
والله وجاني ملازم قال شوف إذا عندك أحد يفكك من ذا النقيب تراه
معقد .. قلت له أبه عندي .. أعرف واحد كان شغال عسه زمااان ..
وبعدين قلت واسطة أيش يا عم .. أنا والله ما سويت شي ولا سرقت
أي جوال ولا شي ..
المشكلة إني لو دخلت الحجز .. كان بيت فيه الأربعا والحميس
والجمعة ..
مشكلة صح ..
والله ونتصل على بعض الشباب .. وهم عملوا شوية أتصالات ..
وكنا بندخل أعضاء الأمم المتحده يتشفعون لنا عند هالنقيب .
لكن الحمد لله ما وصلت لهدرجه .
وبعد الساعة الثالثه جابوا واحد من ضحايا السرقة ..
وعرضوني عليه قالوا له هذا .. طالع فيني وطول ..
قلت بس هذا توه صاحي من النوم ولا هو داري عن شي ..
وشكله بيوهقني ..
وبعد فترة تأمل ... قال لا ..
مو ذا هذاك بشرته سودا ..
من القهر صرخت في وجهه .. طيب لك ساعة تناظر في وجهي .
وفي الأخير تقول ذاك بشرته سودا أنت شايف إن بشرتي سودا :mad:
المهم على الساعة الثالثة النصف .
أفرجوا عني وعن سيارتي ..
لكن اللي قاهرني هذاك الشايب الأولاني .. كيف كفش لوحتي من بين
السيارات كلها الله يقلعه من شايب ..
لا واللي قاهرني أكثر الكفتريا ::]
أخذ حسابه ..
وأنا ما أخذت العشا
::] ::] ::] ::]
آآآآآآآه يالقهر
ومع مغامرات أخرى