عيون الكلب .. لماذا ؟؟

[جف البحر]

السلام عليكم


هاااااااااااع للجميع

تحيه طيبه ..


طبعا الجميع استغرب من عنوان الموضوع..

ولكن لا استغراب بعد اليوم ..

فجميع من يسكن جده سيستخدمون هذا الاسم كلما مشوا في شارع حراء غرب طريق المدينه..

طبعا كلكم تعرفوا عيون البس اللي في الشوارع العاديه

واللي ما يعرفها ..

اقول انه عيون البس هي ذلك المجسم الذي يحتوي على خلايا عاكسه للضوء على طول الشارع ..

وتقوم بمساعدة السائق في توضيح حدود الشارع واقسامه ..

...


لب موضوعنا أن عيون الكلب هذه .. هي الاسم العلمي الذي اطلقته عليها ..

حيث انها لا يوجد منها فائده الا تكسير السياره .. أو ثقب اطاراتها ..

انظروا حفظكم الله الى منظر الواحده منها وحجمها..


http://jufoo.jeeran.com/عيون%20الكلب.jpg








وطبعا مع مرور الشاحنا والواياتات ..

هذه نتيجة بعضها ..



http://jufoo.jeeran.com/عيون%20الكلب1.jpg





فماذا تتوقعون أن يحدث للاطارات بعد ذلك !!


انظرو الى المنظر العام للشارع ..

وأن هذه الاجسام تملؤ الشارع من اوله الى اخره من ناحية الغرب..


http://jufoo.jeeran.com/عيون%20الكلب2.jpg









اذن سؤالي هنا ..

(عيون الكلب) لماذا وما الهدف منها ؟؟



مع حووووووووووبي،،

[زاد الركب]

حياك الله يا جف البحر ..

الإجابة واضحة جداً وقد ذكرتها في معرض حديثك عن عيون البس ..

وهي أنها تحتوي على خلايا عاكسه للضوء على طول الشارع ..

وتقوم بمساعدة السائق في توضيح حدود الشارع واقسامه ..

يعني اللي يعاند وما يلتزم بحدود الشارع وأقسامه ويمشي فوقها ..
يستاهل اللي يصير على سيارته هذا وحجمها كبير علشان تشوفونها زيــــــن .. :221:


خالص الود ..
زاد الركب

[قلبي الضائع]

هههههههههههههههههههههههههههههه هههههههههههههههه




جد عيون الكلب هذي على قولتك



ترج اللي ما ينرج



وايش سببها ما ادري؟



بس عشان يكسبو ورشات السيارات:262:



تحياتي

[ناصر الأحمد]

اهين جفوو
شوف حبيبي

عندك هنا سواقه بالنيه اول شي
والاولية للي صدامه اقوى

حطو عيون بساس مانفعت معهم

حطو عيون كلاب

بكره يبي يحطون عيون بقر :D


تحياتوووووووووو

[واحد فاهم غلط]

السلام عليكم





انا اعتقد ان عيون الكلب هذي مسويينها علشان الطريق

يعني اي واحد ينعس في الخط وهو ماشي تقوم عيون الكلب تنبح في كفراته

يقوم هو يصحى على طول وينتبه للخط

[zadi]

__________

الحل ياحوووووووبي هو إنك ,,,

تغير الددسون إللي عندك :)

خذلك دنبر من حق البلدية مواصفات ( كشف وتندا مفتوحة )

وربك يجيب الخير ,,,

ياعيوني هيه الشغلة إللي تكسر السيارات بس عيون ( الحمار ـ الله يكرم الساميعن والشايفين ) ,,,

طالع في الشوارع إللي حتى همر القوات الأميركية يتكسر فيها من غير ضرب نار :)

والهبوط إللي في السكك والمطبات إللي فجأة تمسي عليك وإنت ماشي في الشارع ,,,

خلها على الله ياجف ,,,

بس بجد ,,, فكر في الغمارتين ,,, إيش بو يعني ,,, ماينفع في الترقيم ؟؟؟

بس ينفع آخر الأسبوع رد من الحلقة :)

وسلملي عالبتنجان

[جف البحر]

يسعد حياتك زاد الركب

اختي


هذه الاجسام لا تحتوي على ايّ نوع من انواع العواكس!!

وهذا ما استغربه حقيقة

عشان كذا سألت

شاكر مرورك العطر


مع حوووووووووووي،،

[ياكُـلك]

ههههههههههههههههههههههههههههه. ...


الله يقطع شيطانك ياهمام.....

انا صراحه مصدوووووم....وفاكر اول ماجيت من المدينه المنوره بعد اجازتي اول شي عملتو اخدتني من المطار لعيون الكلاب هادي......

صراحه شي يقهر .....

بس انا اقلك ياجفو ايش السبب....

السواقه المتخلفه الي عندنا هيا السبب.....

واتوقع بعد فتره يحطو عيون الحيوانات كلها علشان الناس تفهم وتعقل....

ولاحظ من يوم ماأتحطت العيون المنيله هادي شوف الاحترام والحذر في السواقه......

تحياتي لك....

[ابوفهد]

هلا جفو بيك
اسعد الله ايامكم بالخيرات

هذه امور لا تفقه فيها شياءً

فمن الافضل ان لا تتحدث عنها حتى تعلم اهميتها

حقيقة بحثت عن معلومات مفصله عنها وعن مكونتها ومواصفاتها

الا ان انشغالي منعني من الاتصال بالجهة المسؤله للحصول عليها

لكن اعدكم بان اوفرها باقرب فرصة

ومن معلوماتي العامة عنها

انها وضعت بدلا من عيون القطط المضيئة والتى كانت تسبب ضرراً للسيارات

فهذه اكثر اماناً من عيون القطط الا انها غير مضيئة

والهدف من وضعها بالطبع هو

تحديد مسارات الطرق وتقسيمها ليعرف كل قائد مركبة عاقل :SMIL:

في اي مسار يجب عليه السير فيه

بالاضافة الى انها تنبه السائق عند انشغالة بالمسجل او الجوال او دق

الحنك مع المعزبه في الطريق :005:

ولولم توضع لوجدنا السيارات حيص بيص وكل واحد يمشي على كيفه

وللمعلومية فقد كان وضعها سبباً بعد الله عز وجل في تقليل الحوادث

على الطرق وخاصة السريعة منها

هذا ماعندي الان وان توفر غيره اتيت به

تحياتي

[EDrara]

بابا جف

يعني لما أقول لك غير لون الخط اللي بتكتب فيه ما تغيره
لكن لما تقولك بنت واحدة تعبت عيننا تغيره على طول
طيب يا واسطة


شوف
زي ما قال أبو فهد خلي اللي يفهم يفسر لك وبلاشي فلسفة ... أوكي؟

الأدهى والأمر من هذا أنهم كل ما شافوا شارع نظيف راح وعملوا حفريات للمجاري أو للكهرباء علشان يسكتونا وما نقول ليش بيحفروا الشارع رغم أنهم زفلتوه قبل شهرين مثلاً وكل هذا علشان الورشات حقتهم (أصحاب البلدية) تشتغل ممتاز ويدخل جيوبهم فلوس جعلها الله محق عليهم ووبال عليهم في الدنيا والآخرة

والله مقهور منهم قهر ما أقدر أقول عليهم إلا حسبي الله عليهم
هو القادر على ظلمهم وقادر يفضحهم على رؤوس لخلائق إن شاء الله

[The Lord]

يسعد ايامك جف البحر...



بصراحه عيون الكلب هذي سببت اضرار لكثير من سيارات الناس..


ولكن مالقيوا اصغر من هذا الحجم ولا يحسبوا ان الناس ماصارت تشوف عشان كذا مكبرينها زياده..


عموما انا اتوقع انه كان مشروع رصيف بس شافوا ان الرصيف بيسوي زحمه في الشارع ويرجع شارع حراء زي اول...


اشكرك على موضوعك والمفروض تكون عضو المنتدى المنتدب في وزاره البلديه..



تحياتي..

[BackShadow]

اهلين همام

بصراحة اول شي جابني هو ادرارا
شوف مين جالس يحش في البلدية ... الهاتف :268:
يا عمي صلحوا مشاكلكم اللي كسرت ظهورنا اول

المهم ...
عيون الكلاب هذي يا همام الهدف منها واضح
هي تعتبر رصيف بس على خفيييييييييف
يعني تقسم الشارع الرئيسي عن منطقة الخدمات الفرعية اللي تعتبر خاصة بالمحلات التجارية
لان العملية اصبحت عشوائية في المواقف

اتفق معك في انها بشعه وكبيرة بس في نفس الوقت ممكن تفاديها
لان المسافات بين كل عين وعين كبيرة و

[جف البحر]

مرحبا اختي القلب الضائع..

والله معاناه

وانا اتفق معاكي انه راح يمسك اقتصاد جده الورش..

لأنه شوارع وعيون كلاب وحوادث يا سلاااااااااااام ..

المهم الله يعين ويسلمنا


لك كل تحيه


مع حوووووووووووووبي،،

[جف البحر]

هلا والله نصور..

والله من جد .


بس تدري

اخاف بكره يحطو عيون اوادم :154:

الف شكر لمرورك العطر حبيبي..


مع حوووووووووبي،،

[جف البحر]

مرحبتين غلط..

ياخي انا متأكد انك فهمت غلط كعادتك ..

حبيبي انا اتوقع انه هذه لتكسير السيارات :260:

غير كذا ..

غلط


مع حوووووووووبي،،

[جف البحر]

اهلين ياخال :201:

والله صدقت حبيبي

لو دركتر كان اتفقّع ..

ايش نسوي

اتكلمنا وكلنا الين ما انتحرنا ..

مافي اي استجابه :179:

على الله ..

والدتسن هو المشروع القادم .. :262:


مع حوووووووووووووووبي،،

[جف البحر]

مرحبتين خالد ..

شوف حبيبي..

والله السواقه عندنا انا اتفق معاك انها بلهه مرررررررره.ز

لكن ما اعتقد انه الحل نكسر السياره ..

ولا مو !!

لك اعذب تحيه


مع حوووووووووووووبي،،

[جف البحر]

مراحب ابو فهد

شوف ياغالي

اذا كان سبب وضع هذه الجبال ما قلت فأنا اقلك انه حل اسوأ من مشكله ..

والله انه اخاف انقلب لمن امشي عليها ..

من جد شي مرعب وانته تسوق

تعال جده بالجيب حقك وشوف كيف

ان ما لعنت ابو الشغله راح تعرف..


وبعدين ياغالي اذا عيون البس تعدم الكفرات اجل هذه ايش تسوي..

شوف الصوره وقلي لو كفر عدا عليها ايش راح يسوي فيه ؟؟؟؟


شكرا ابو فهد لمرورك


مع حوووووووووبي،،

[جف البحر]

مراحب ادرارا

حبيبي غيرت اللون عشانها وعشان غيرها

بس انا كنت اقول انكم تستهبلو

بس حتى لمن شفتها هيه قلت الشغله من جد ..

فغيرته :180:

والشوارع هذه تمت مناقشتها ..

وابحر في ذكرياتي وحتعرف


يسلملي مرورك ابو عبدالملك


مع حوووووووووبي،،

[جف البحر]

مرحبتين ترتوب باشا

والله صدقت

مشروع رصيف فشل |527|

انصحك لا تجي للشارع هذا الا بدبابه..

يسلمو حبيب البي على المرور


مع حووووووووووووبي،،

[جف البحر]

مرحبتين اونكل

اوكي انا اتفق معاك..

بس الفكره هل هذا هو الحل؟؟؟؟


وبعدين جزء من النص مفقود ؟؟؟؟؟؟


في انتظار العوده ..


مع حووووووووووبي،،