فضـ"نقطة ضعف!"ـضة (2)

[ملكة البحار]

السلام عليكم ورحمة الله وبركاته

صبــاح الخير,,

.
.
.

كنت من وانا صغيرة عندنا سائق قديم و كبرنا و ضل معانا ...

فما كنت أحتاج إن أعرف الطريق إلى وين؟ ومن وين؟ :143:...


كل الى كنت أعمله أقول يا "فلان" روح على حراء آلقى نفسي في حراء ..

روح الكورنيش ..آلقى نفسي في الكورنيش|465|

.
.
.


آخر سنه في الجامعه ....شاء الله وخرج السائق بعد 20 سنه عمل عندنا ....:178:

أكتشفت بعدها أني حتى طريق الجامعه-أربع سنين - و ما أعرفه فكنت

أضطر أصحي أمي الصباح عشان تروح معايا وتعلم السائق الجديد

الطريق,لاني لو رحت لوحدي حضيع:265:
.

.

مره أضطرني الظروف لركوب ليموزين فكنت أصف له الطريق ....لمّا وصلت للمكان المطلوب ...


فوجئت بصاحب الليموزين يهزأني:249: "هذا مشوار في خمسه دقيقة قريب من بيتك ليش أنتا في دوّر نص جده "


ماكنت أعرف غير هذا الطريق :130: .... وأخذ مني الآجرة أربع أضعاف |457|.... " اهم شئ وصلت بالسلامة :129: "


.


ماأدري لو سمحوا للمرأة تسوق ..

شكلهم رح يلقوني في شمال المملكة:247:

.


معرفة الطرق أعتبرها نقطة ضعف...

لدرجة أني من سكان جدة وأحياناً أستخدم خرائط الفارسي لمعرفة طرقها!:269:


.

.

.


|561| ماهـــي نقطة ضعفك & (شـــاركنا|562| )؟

[بخيت]

ههههههههه

ملوكه على قولتهم ضحكتيني في الصباح الباكر:262: <---- لا تاخذين في بالك يشرب شاي بعد فطور الفول

المهم طول الله عمرك اذا نقطة الضعف هذي هي كل همك فانتي بخير :) لاني للحين ما بعد عرفت كل طرق جده :243:

ربما لي عوده ..
.
تحياتي .

[رحاب]

كلنا في الهوا سوا ياحنو...:153:
دوخت بنات الدرر عشان اوصف بيت خالو رغم اني نزيلة قديمة لجدة غير
بس هالحالة ماتنفع في الامارات رغم انه باص جامعة لكن عدم التركيز ممكن يوديكِ في خابور

بالنسبة لنقطة ضعفي المدمرة ...
دموعي بجد تخليني زي الطفلة ماأقدر اتحكم فيها...::[
وتسبق حتى كلامي لذا قبل ماأدخل في مواجهة اتسلح بقوة وبرضه مافيش فايدة ...:240:
حنو الحالة دي زادت معاي الآن حتى بكاء الطفل يدمع عيناي ويصير وجهي احمر

ودمتِ في حفظ الرحمن أختي الطيبة

[جف البحر]

السلام عليكم


يسعد حياتك ملكتنا..

شوفي يا بنتي..

اول شي ..

بالنسبه لي انا

من الجامعه وانتي رايحه جنوب .. ما أدل ولا شي ..

غير كذا ميه ميه ..

اعرف الحمد لله كل خرم إبره :143:


بالنسبه لكي ..

هدي ممكن تكون عدم تركيز منك لانه مافي اي شي ممكن يفيدك في هذاك الوقت انك تعرفي الطرق..

لكن اعتقد انك كان يبغالك تعرفي الطرق من قبل هذاك مايسافر بفتره ..

وبعدين ياستي لا تزعلي نفسك ..

اليوم اللي تتوهي فيه .. اتصلي على عابده..

عشان توصلك المريخ :209:

اعانك الله

مع حووووووووووووووبي،،

[Nooosa]

وعليكم السلام ورحمة الله .. وبركاته ..
ومسائك .. ورد حنّو ..

.
.
ماأشوف المشكله دي .. نقطة ضعف ..
أعرف ستات كبار .. من أهالي جده .. ومايعرفوا فيها شبر ..!
يعني هادا شي من ربنا .. وشي ممكن جدًا .. إنك تكتسبيه بس لو إنتِ تبغي .. :)وحتكون بإذن الله .. مسألة وقت .. مو أكتر ..

أنا عن نفسي الحمدلله .. حافظه جده .. شبر شبر .. يعني الحمدلله .. مااتذكر إني قد تهت فيها أبدًا..

الشمال .. حراء .. والنزهه .. والنعيم...الخ
الغرب .. المحمديه .. والنهضه .. والبساتين الخ
الشرق .. كوبري بريمان واالي بعده .. حي الربيع والسامر ... الخ
والجنوب وماأدراكِ ما الجنوب خصوصًا ناحية البلد .. حارة الشام والمظلوم ..والكورنيش والمحمل .. والجامعة ....الخ

يعني .. أي حاجه .. إحنا في الخدمة ياست الحبايب .. :256:

وبعدين .. ترى جده مره مره سهله والله ..
أتمنى إنك تفكري شوية .. صدقيني .. حنو .. لمن تبغي شي .. ضروري حتعمليه .. وحتقدري .. :)

.
.
أما عن طلبك المشاركة .. بنقطة ضعفي .. فأنا أعتذر ..
يمكن يكون فيه .. ويمكن لأ .. وماقد حاولت حقيقي بيني وبين نفسي حتى إني أعرف ..!
لأني ماأرضى بالضعف أبدًا .. ولله الحمد ..
.
.
أختك ..( :256: )..

[LAST*HOPE]

السلام والرحمه والاكرام...

اللهم لا شماته .. :245:

اربع سنوات وبالاخير ما تعرفي .. هذي اخرة اللي يملك مصباح علاء الدين (روح الكورنيش تلاقيك بالكورنيش روح ...الخ)

بس لا تاخذي بالك معروف في الغالب الاعظم (حلوه هذي) بين الشباب ان اللي ما يسوق ما يدل .. عشان كذا يبي لك تطلعي رخصه وتضيعي عشر مرات وبعدها خلاص.


نقطة ضعفي نقطة ضعفي .. امممممممممممممم

بالنسبه للطرق والسواقه .. فأنا نساي درجه اولى .. اذا رحت لمكان ما اول مره اروح له بعد فتره (على حسب من اسابيع لشهور واحيان ندخل بالسنين) انسى!
اللي يضايقني سالفة الاسابيع بالذات:(
انسى الاسامي سرييييع انسى الاشكال اسرع .. احيان بالساعات و احيان بالدقايق!

[ملكة البحار]

السلام عليكم ورحمة الله

أدري صيّفت في الرد ,,
واعتذر لكم بحجم كرمكم الى كان السبب في تأخري:130:


بخيت/هلا وغلا
يا أخي تفرق أنا بنت لكن أنت ولد
يعني انت تسوق لكن انا لأ|338|
شكراً لمرورك واسعدتني به
و الله يديم البسمه عليك’’:)

.
.
.

صدى
مرحبا اختي الطيبه ,,
واضح من ردودك انك بنت رقيقة وحساسة
ما أكذب لو قلت أرق من الطفولة:)
أسعدني مرورك والله لايودينا خابور<-=مين خابور؟:266:

.
.
.


مرحبا/جف البحر
ياواد يالي تعرف كل خرم أبره
أكيد هذا من الدشره في الشوارع:143:<-=امزح لاتاخذ بخاطرك
يا سيدي انا بيتوته نوع ما
عشان كدا مااعرف الطرق,:129:
شكراً لك ,,

.
.
.

نوسا
هلا وغلا ,مشاء الله عليكِ
لكن تبغيني اصير ست كبيره ومااعرف الشوراع:148:
حتعلم ان شاء الله .... :269:
وشكراً على المعلومات المفيدة ,,
.
.
.

لاست هوب
مرحبا اخي الفاضل
عجبتني المقولة"اللي ما يسوق ما يدل"
رح استخدمها لو أحد هزاني مره تانيه:178:
نقطة ضعفك النسيان ,,
ما اعتقد تلاقي حلّ عندي لاني انسى كثير,,
لو تراجع نقطة ضعف الجزء الأول
رح تلقى في الردود بعض الاجابات,,
شكراً لك واسعدني تواصلك:252:

[Petals]

أهلين ملكة..

ما أعتقد انو دا يتسمى نقطة ضعف :266:

ههه..... بس أنا أعرف طريق واحد بجدة..... من المدرسة زمان للبيت.. سيدا وماتلفي يمين ولا شمال :221:

غير كدا. نو،نو،نو..... سوري دورو على دليل غيري... إلا لو تبغو تعتمروا بس. أعرف من وين يبدأ الطواف... ومن وين ينتهي.. وأعرف وين المسعى.. ترا سهل مرة :221:


(((في الرجال مشكلة انهم مايحبو يسألو ،يعني لو ضاعوا حيجربوا وماحيسألو حتى يضيق بهم وبمن حولهم الحال)))

مرة أختي وزوجها.. في جدة ضاعوا.... توقعي ايش سوو؟

إستأجروا تاكسي يمشي قدامهم... للأماكن اللي هم يبغوها. وفي مرة (يوم)إستأجروا 3 !!!!!!!


((نقطة ضعف)) كنت أظن أن نقطة الضعف هي ماترغمني على تقديم شيء من نفسي !! شكلي ما أعطيتها مجال لتفسيرات أخرى :148:

أنا يمكن أنسى. دايما أنسى!!!.. ويمكن أقدر كتير أكتر من اللزوم!



تحياتي لك ملكة..


بيتالز

[ملكة البحار]

مرحبا بتالز مرة اخرى ,,
منورره عزيزتي ,,
واضح اننا في الهوا سوا ,
ما ينفع ابداً نخرج سوا حنتوه ,,
يستأجرو 3 تكاسي ....:266: اش الذكاء دا :140: <-=-شوف مين بيتكلم:288:
طيب يسألو وهم في الطريق
والى يسأل مايتوه ,,
اسعدني كثير واسعدني تواصلك الله يسعدك يارب,:)