جف البحر.. في الرياض

[جف البحر]

السلام عليكم


هااااااااااااع للجميع ..

تحيه طيبه وبعد ..



يوم الخميس .. 9/9/2004

صحيت من النوم الساعه 11 الصباح.

دخلت على المنتدى .. الساعه 8 مساءا ..

دخلت على لوحة التحكم ..

شفت المواضيع اللي فيها ..

وبعدين اخترت المواضيع الجديده..

وانا قاعد افتح في المواضيع اللي تشدني..

لقيت موضوع من أبو فهد بخصوص وفاة أخو نايف الله يرحمه ..

طبعا انا صعقني الخبر..

كلمت هايل وبلغته .. صعق هو ايضا ..

اتصلت بثامر وزادي واونكل ..

ثامر طبعا جواله مقفل كالعاده..

بعدين اتصلت على الحجز حق الخطوط ..

ويقلي الرد الالي "لو انك رجال القى موظف فاضي دحين " ..

والله طلعت المطار وحجزت على رحلة الساعه 4 صباح الجمعه ..

وقطعت البوردنج وكل شي..

يادوب رجعت البيت وكملت ابويه وامي عشان ابلغهم اني مسافر..

ونسقت مع ادرارا على اساس ينتظرني بالمطار..

المهم جهزت اغراضي والساعه 3 وانا في المطار..

وبسم الله سافرت للرياض ..

طبعا من حظي المنيل قعد جنبي واحد ..

شنبه واصل لسرّته ..

ونص كلامه مني فاهمه والله..

وانا ما اقول الا (ايوه ..صح .. اكيد .. الله يعين ..)

ماعندي غيرها ..

شكله لو قلي انته ابله بقوله ايوه .. صح .. اكيد .. الله يعين :140:

شويتين .. ووصلنا..

الرجال قاعد يقلي كلام مني فاهم منه غير انه يحمد الله عالسلامه وانه يبغاني اتغدى عنده .. !!!!! :259:

وانا مافي الا انواع الاعتذارات ..

المهم نزلت المطار ..

ادق على ادرارا جواله مقفل ..

افااااااا :148:

طيب انا ما اعرف ولا شي في الرياض..

حتى اسم المكان اللي المفروض انزل فيه ما اعرفه..

يعني بالعربي.. زي الحجاج السيريلنكيه لمن يجو مكه .. :139:

مافي 5 دقايق و اتصل ادرارا ..

وانا طبعا حسيت انه كنت غرقان وطلعت ..

يقلي والله جوالي هدا الـ .. والـ .. صار يقفل لوحده ..

(طول عمري اقول انه النوكيا زباله ) ..

عموما..

وصل المطار وطلعنا على القرموشي عشان نفطر..

رحنا فطرنا

طبعا ايش على فول..

يمين بالله لو في جده كان رميت الصحن في وجهه..

بس الحمدلله على النعمه ..

بعد الفطور طبعا جا وقت الشيشه ..

رحنا على بيت ادرارا اللي اصر انه اشيش عنده مو في القهوه :230:

طبعا الله يعطيها العافيه ام عبد الملك ما قصرت ..

جاتوه .. شاهي .. عصير.. الخ

وادرارا كان مضياف الله يوسع عليه ..

بعد ماخلصنا يقلي الاخ الحلو ادرارا اني انام عنده ..

هيا كولو..

كملت ..

والله ثم والله ما قعدت ..

وبعد مفاقعات .. خرجنا على شقق مفروشه ..

وطبعا اتفرجو عالشقق الي وقفنا عندها ..

يا جماعه والله تسد النفس..

ومن شقه لشقه لين وصلنا على وحده نضييييييييييييييييييييفه ..

الحمدلله نزلت فيها وجلس ادرارا عندي ..

طبعا ايش الكارثه الكبرى ..

الان انا جيت بزيي الرسمي.. (جنز وتيشيرت)

وجبت معايه السروال الطويل والكفيه والعقال والغتره والدنيا كلها..

وايش نسيت ..

الثوب بكبره :156:

يا ام البلشه ..

طبعا تطوع ادرارا الله يسلمه بثوبه ليه ..

طبعا طولي زي ادرارا (178 سم) تقريبا ..

قلنا كويس..

لبست الثوب طلع قصير :148:

اكتشفت انه اكتفافي اعلى منه :154:

لا وكمان طلع الكم شامر شويه عن الطبيعي ..

بس بشكل مو ملحوظ مره ..

النهايه

جف البحر شكله زي المدرسين المصريين لمن يلبسو ثوب :268:

اتكل ابو عبدالملك الله يسلمه على بيته ..(الساعه 10.45 )

وجيت قلت ابغى اريح شويه لين الساعه 12 الظهر عشان بنصلي على اخو نايف في المسجد اللي جنب مقبرة النسيم ..

بس فجأه دق شي في دماغي..

واتذكرت انه انا في الرياض..

والرياض وقتها قبلنا في الصلاه ..

سألت موظف الاستقبال قلي الساعه 12 الا ربع تبدأ الخطبه :203:

يا حلااااااااااوه

يعني لو نمت بروح فيها ..

يالله ياعمي كمل ..

طبعا لبست وخلصت وطلعت على المسجد ..

وكان في اسقبالي هناك ابو فهد ..

دخلنا صلينا ..

وبعد الصلاه صلينا على اخو نايف الله يرحمه وطلعنا على المقبره ..

شفنا كم جنازه بس ماكانت حقتنا ..

الين ما جات جنازة اخو نايف..

طبعا الله يكتبلنا الاجر..

بس فعلا نايف كان متأثر جدا جدا جدا..

وطبعا يا جماعه الخير الله يرحمنا برحمته ..

انا اول مره اشهد دفنه ..

الله يرحمنا برحمته ..

(ارجو التوقف هنا والدعاء بالرحمه لأخ نايف)




نستكمل..

ذهبت مع ابو فهد الى منزله ..

واتقهوينا ..

ثم قابلني اب فهد بعياله الله يحفظهم..

صراحه قمه في التمدن والاخلاق والكرم .. حفظهم الله..

ثم الحمد لله سنحت الفرصه وحضر علينا شخص احببته جدا..

هو الغالي (أبو الخنساء)

بالفعل سعدت بالتحدث اليه وجلسته ..

كان شخصا سموحا طيبا ترتاح عند محادثته ..

ولا يوجد عنده الحدود عند البعض بأني انا ملتزم وأنتم اناس عاديين ..

بالعكس..

كان جدا جدا حبوبا وصاحب حوار ونقاش ممتع ..

بارك الله فيه وجمعنا به في الفرودس..

انصرف ابو الخنساء حفظه الله حيث انه ابنته في المستشفى ..

(وقفه اخرى وأرجو الدعاء لابنة أبو الخنساء بالشفاء ان شاء الله )


نستكمل

ثم حضر الغذاء .. وبسم الله ..


بعد الغذاء كان المفترض انه وصول الأصيل للرياض..

وقيدي انا موصفله من بدري المكان اللي نزلت فيه ..

الجدير بالذكر هنا ان ابو فهد حفظه الله وجّب وعمل الواجب وزياده ..

وكان مضيافا رائعا حفظه الله.

المهم.

رحنا أنا وأبو فهد ناخدالاصيل من الشقه عشان نطلع للغالي ناصر..

وعشان انفك من ( وهج ) اللي كل شويه تتصل وتقلي هايل وصل ولا لأ .. وانتبه عليه ومدري ايه ..

وصلنا للأصيل والحمدلله كلم مرته وهج عشان افك من الصداع ..

اخذناه واتكلنا على الله ثم اتحركنا على المستشفى..

طبعا قابلنا اخونا ناصر..

والله ياجماعه الخير ماشاء الله ما شاء الله اصبح افضل بكثير من السابق..

ويسلم على اهل الدرر كلها ..

بقوله " الدرر كذا" ويرفع ابهامه..

الله يحفظه ان شاء الله ويتم شفاءه ..

(وقفه اخرى هنا للدعاء لأخينا ناصر بعجلة الشفاء التام)




نستكمل..

انضم الينا في المستشفى اخونا تركي (لاست هوب)

اتجهنا بعد هذا الى منزل نايف..

طبع اخذنا حوالي الساعه حتى نصل مع قرف الرياض..

يعني كبيره لدرجة القرف..

وصلنا وجلسنا مع نايف..

طبعا حكونا حكاية اخوه وكيف مات .. واسمه فهد

وسأقصها عليكم من لسان أحد اصدقائه اللي كان معه الى لحظة الوفاة: -

" كنا مع فهد نسير بالسياره ليلا فوق احد الجسور التي تصل مابين جبلين وتحتها وادي ، ثم وجدنا أمامنا حادث مروري خطير، فتوقفنا لعلنا نستيطع المساعده بأي شيء ، المهم نزل فهد ووجد احد المتعرضين للحادث يحتضر، فقال له قل (لا اله الا الله) .. وكررها عليه .. واخر ما سمعنا فهد يقوله لهذا الشخص قل لا اله الا الله ثم هوى من فتحه في الجسر لا تظهر مع الظلام الحالك الى اخر الوادي (ارتفاع 40 م تقريبا)"

يقول عم نايف : والله والله والله لم أر فهد احلى من المنظر الذي رأيته عليه بعد الغسل . كان جميلا جدا ..

يقول جف البحر: والله كانت الجنازه خفيفة جدا جدا..

الحمدلله ..


انتهينا .. بعدين خرجنا وخلصنا كم مشوار وبعدين رحنا للشقه ..

جانا ادرارا وجلس معانا انا وابو فهد وهايل..

وبعد شوي خلاص جاه وقت العوده للمطار ..

حيث ان اقلاع الرحله لجده الساعه 12 ليلا..

والحمدلله جلسنا في المطار مع ادرارا حتى دخلنا على الطائره ..

واالله لا يوريكم على الكبتن .. كان من جد ابله..

والله ما قد دخت زي كذا في عمري قد مادخت من الرحله دي..

الحمدلله وصلنا لجده ورجعت البيت عبل ما رفعت ودخلت انام (3 صباحا) وطبعا انا من يوم خرجت من البيت الى ان رجعنا كنت صاحي 40 ساعه :238:

والحمدلله نمت الى الساعه 1 الظهر اليوم واهوه بكتبلكم الموضوع ..

طبعا رحله متعبه بس الحمدلله استفدت كتير منها

اسف على الاطاله واتمنى انكم استمتعتم ..



مع حووووووووووووبي،،

[BackShadow]

اهلين همام

الحمد لله على السلامة اول شي
واسأل الله ان يتقبل منكم وييسر امورك

ما قصرت كفيت ووفيت عننا في العزاء الله يعطيك العافية ويصبر اهل الميت

والشي الثاني استفدت انت ثوب من ادرارا
ادفع نص عمري واشوفك لابسه :268:

والشي الاهم ... اكتشفت اخيراً ان الاصيل مرته معنا :222:


انا من يومي اقول ان المعرف هذا ماهو طبيعي
الحين عرفت ان الابداع ما يجي الا من ابداع

يعني على ما يقولوا " وراء كل رجل عظيم امرأة " :134:



منوره يا وهج |467|

[الأصيـــــــــل]

يعطيك العافية يا همام

فعلا رحلة متعبة :217: .. بس الله يكتبلنا الأجر عليها

الحمد لله وجّبنا مع نايف ( الله يجبره في مصابه ويصبّر أهله )

واطمأنينا على ناصر حبيب قلبي :181:

ما أنسى أشكر ابو فهد وادرارا الله يعطيهم العافية على ماقاموا به معنا

تعبناهم ... :)


كلام برّه الموضوع:
بكره لما تتجوز يا حجّي.. وما تكمل 5 شهور :221: .. وأول مرة تسافر وتخلّي زوجتك لوحدها

تعرف ان اللي بتسويه وهج مره عادي وحده خايفه على جوزها .. وضع طبيعي :228:

نتقابل بعد عشرة سنين حتقولك ( خليكم براحتكم.. لا تستعجلوا الرجعة) :180:



يعطيك العافية يا همام

[عابده لله]

السلام عليكم ورحمة الله وبركاته

أول حاجة .. شكر الله مساعيكم اخي جف البحر واخي الاصيل
وما قمتم به لوجه الله تعالى مأجورين عليه بإذن الله..

وربي يرحم اخو اخونا نايف ويجعله بروضة من رياض الجنة ..
ويدخله الجنة من غير حساب ..

ويعوض شبابه الجنة يا رب ويلهم هله الصبر والسلوان...

/
/
/

وثااني شيء :

عن جد ووووووووهج تكون زوجة هاااااااااااايل

ربي يسعدك يا وهج وأنا اقول الزين ما يجي الا من ورا الزينين..

وربي انك رائعة وخلوقة وبنت حلال(( وحده خااايفة من الأصيل )) :180:



لا عن جد موضوع رائع جف وربي يجزاك كل الخير يا رب..
ويجزى الأاصيل وعمدتنا والأخ الفاضل ابو الخنساء ..

/

عابده

[رحاب]

جزاك الله كل الخير أخي جف أنت والاصيل وجعل مسعاكم للخير دائما وأبدا
وصبر أخي نايف وأهله
ورجع لنا اخونا ناصر بالسلامة وشفاه شفاءعاجل تام ان شاءالله هو وإبنة اخونا ابو الخنساء
وأسأل الله لأخيه بأن يغفر له ووالله إن ختام حياته كان على أجمل هيئة أسأل الله أن يرحمه وينور قبره...
وبالنسبة للرياض ومشاويرها لا تحكيلي قعدت اسبوع من الملل صرت كيس نوم انا وأخوي بدل مايجينا صداع من بعد المسافة
دمتم في حفظ الرحمن ورعايته

[ابوفهد]

اخي الحبيب همام

اسعد الله ايامكم بكل خير

جزاكم الله كل خير انتم والغالي هايل

وارجو المولى عز وجل ان يجزيكم خير الجزاء على ماقمتم به

وهذا ليس بغريب عليكم يا اولاد الغالي عقيل

فعلا لقد خلف رجالاً بمعنى الكلمة الله يسعده على هذه التربية

اخواني الغالين اولاد عقيل كذا اسرع :SMIL:

ان ماقمت به نحوكم لا اشكر علية اطلاقاً فهذا جزء يسير مما تستحقونه

وحقكم اكبر من ذلك بكثير

لكن للاسف الشديد الوقت قصير ولم يسعفنا بالقيام بالواجب المطلوب

لقد كان لي شرف تشريفكم ياهمام منزلنا المتواضع وكنت اتمنى لو كان

لدينا وقتاً اطول لكن خيرها في غيرها ان شاء الله

على فكرة ترى الرياض ماهى حسب ما قلتم الله يهديكم

لكن الاجهاد والحالة النفسية التى كنا نعيشها هما السبب في عدم راحتكم

لكن اعدك ان تكون مبسوطاً في المرات القادمة بشرط ان تكون زيارة عادية

المهم اتمنى ان تسامحونا على القصور في اكرامكم حق الاكرام




طيب اصيلوه بيك

اخيراً اعلنتم عن وجود حرمكم المصون في الدرر

كويس انكم اعلنتم ذلك هنا والا كان هناك تخطيط مع جفو على طريقة الكشف :005:

الحمد لله ان صرحنا الشامخ يتميز بهذه الميزة الفريدة من نوعها في عالم المنتديات

الا وهى تواجد عدداً من الازواج وزوجاتهم هنا بالاضافة الى عدداً من الاقارب

والعوائل من اخوة واخوات وهذا من فضل الله عز وجل علينا

حيث ان ذلك سبباً بعد الله جل جلاله في الهدوء والتألف والمحبة بين الاعضاء

ارجوه عز وجل ان يديم علينا هذه النعمة



اهلا هلا بك يا وهــــج بيننا


للجميع فائق التحية والتقدير

دمتم بخير وحفظ الرحمن

[المتمرد]

بدء الله يجبر نايف في مصابه ويصبر أهله وإنّا لله وإنّا له راجعون ..

وبعد .

سرني كثيرا ما قراته هنا كيف لا وأنت مرشحنا للمجموعة الخامسة وسرني أكثر إن منافستنا " القوية " في المجموعة الثالثة " وهج " صارت تحت إمرتك بحكم إنك اخو الأصيل .. يعني غصب عنها تقود إلى جانبنا حملتك الإنتخابية وإلا خذ الأصيل مشوار إلى حفر الباطن أسبوع زمان ههههههههههههههه بكذا ستنصاع وهج للأوامر ..

أنا أقول منو يخطط لهذه البنت في حملتها الإنتخابية ومواضيعها القوية جدا أتري وراء كل مرأة مخططة رجل عظيم :)

طيب ياوهج طيب من اليوم وصاعد حسابك سيكون عن طريق أخي وحبيبي الأصيل:161:

إما ياجف لو عادك خليت الأصيل يجبرها بأن تجبر أبوها يكون معانا في حملتنا حتكون حاقة فنتاستك:298:

بس أخاف لو هي تجبر الأصيل يجبرك بان تنسحب:139:

[جف البحر]

السلام عليكم اونكل



يسعد حياتك



تقولي ايه ياحلوه



تشوفني بتوب ادرارا ..



ها هاااااو



دا بوووعدك يا حلو ..

انا بالتوب العايدي ويادوب





بيني وبينك



كان منظر مقرف :175:

يسلمو اونكل عالمرور


مع حووووووووووبي،،

[جف البحر]

ياعمي ..

انا اخاف زوجتي ماترضى اني اسفر غير رجلي على رجلها :158:

الله يستر

يسلمو اصيلوه


مع حوووووووووووبي،،

[جف البحر]

يسعد حياتك اختي عابده..

وجزاك كل الخير

والروعه اختي الغاليه بوجودك..

لك كل الحب والتحيه


مع حوووووووووبي،،

[جف البحر]

يسعد حياتك اختي صدى ..

عشان تعرفي كيف بس المعاناه في الرياض



الحمدلله انك شاهده ..



يسلمو عالمرور اختي





مع حوووووووووووبي،،

[جف البحر]

يسعد عمرك ابوفهد ..

الله يسلمك ويجزاك بخير مما قلت ..

وماقصرتو يبو فهد الله يعيطك العافيه انت وادرارا..

وان شاء الله الزيارات قريب وكثير للرياض ..

اشكر حضورك المتميز..

لك كل تحيه


مع حوووووووووووووووووووووووووووبي ،،

[جف البحر]

يسعد حياتك متمردوه

ابغى اشوف شغلك وهمتك كيف..

انا وسط مجموعه قويه وابغى اشوف ايش راح تسوي


ههاااااااااااع متمردوه ..

قائد الحمله الجفجوفيه..



مع حووووووووووووبي،،

[ملكة البحار]

صباح الخير,,

جف البحر ,يعطيك العافية على الموضوع
كمّ هائل من المعلومات الجديدة ..

خبر وافاة أخو نايف صعقني لكن مانقول إلا مايرضى ربنا "لاحول ولاقوة إلا بالله قدر الله وماشاء فعل "


مشاء الله وهج من عيلتكم:256:
الطيبات للطيبين ,,

.
.
تحيتي,

[المستشار]

.
.

حمداً لله على سلامتكم يا مرشحنا الإنتخابي جفوه ..
والله يرحم من مات ..
ويشفي مرضانا ومرضى المسلمين ..


نورت جده :235:

[*همس الورد*]

يسعد لى عصرك جفوو>>>قاعدة اكتب بالعصر مالي دخل...


اولا...حزنت كثير على مصاب اخي نايف...وشكرا على ذكر تفاصيل الوفاة



...اللهم ارحمه برحمتك...



ثانيا... الحمدلله على السلامة وعسى ماتعبت؟؟؟:209:



ثالثا...الرياض حلوة تجنن فيها شي؟؟؟؟؟صحيح انها كبيرة حبتين عشان الله



يسلمك المفحطين ياخذون راحتهم...



صدو ترى لمن اشوفك:251:



رابعا...مو كانو المنتدى تهلوس مع سوبر ستار؟؟؟والله شايفة الوضع



خطير ومايطمن ابدا...اللهم ثبت عقولهم...آمييييين...



وسلامتك...!



وتكفى بالله لاعاد ترد باللون الفسفوري الازرق...تراني تعبت من تظليل



كلامك...:233:

[جف البحر]

يسعد حياتك حنان..

شفتي كيف المعلومات ..

يالله صوتيلي :200:

الله يسلم عمرك

والطيب بوجودك الطيب..

لك كل تحيه


مع حوووووووووووووووبي،،

[جف البحر]

يسعد حياتك مستشاروه

يسلم عمرك يارب

وجده منوره بأهلها..

لك كل تحيه حبيبي


مع حوووووووووووبي،،

[جف البحر]

يسعدلي مغربك همسوه ..:245:

يسلم عمرك يارب..

بس صدقيني ترى الرياض جاتني فيها وظيفه ب_ 15 الف ريال راتب مارحت ..

بلا رياض بلا خبال ..

انا مثل السمك لو خرج من المويه يموت ..

وهكذا وضعي مع جده

مقدر اخرج منها .. :230:


بالنسبه لسوبر ستار مني فاهم ايش تقصدي :140:

وعشانك غيرت اللون


واي خدعه :299:

نورتي همس..


مع حوووووووووووبي،،،

[Petals]

المفروض ياجف تجيب الثوب إياه... ذكرى :221:


جزاكم الله خير .. وجعلها في موازين حسناتكم انشاء الله.. وإنا لله وإنا إليه راجعون. الله يتغمده برحمته ويصبر أهله على مصابهم.... وشفى الله جميع مرضانا..


وهــــــــــج...... أهلين... وجالسين العالم يسجنو، ويسجنو وماهم عارفين!!

أهو انحبيتي بدون ماتحتاجي للأصيل...... :256:



بيتالز

[جف البحر]

يسعدك بيتالسو

ايت ذكرى الله يصلحك ..

هدا يبغاله حرق

مرحبمبك اختي ونورتي


مع حووووووووووبي،،

[EDrara]

جفوه المجلفن

كيف حالك؟
يعنى ما عجبك الثوب؟
لا وبتحرقه كمان

الله يسامحك
خير تعمل شر تلقى


اللهم أغفر لموتى المسلمين
اللهم جازهم بالحسنات إحسانا وبالسيئات عفواً وغفرانا
اللهم وسع لهم في القبور
وآمنهم عند النشور
وألحقنا بهم في عليين

أخي جف والأصيل
لم نعمل معاكم ما تستحقون وكل ما سويناه شئ أقل من القليل فلا تؤاخذونا على التقصير
وإن شاء الله نعوضكم في الجيات تماشي أفضل

[جف البحر]

مرااااااااااحب ادرارا


والله هادي الصراحه

يعني شوف

بيني وبينك .. هوه احسن من جنز ..

لكن عانيت والكم جاوبني وبكاني :152:


يسعد حياتك ادراروه

الف شكر على ردك


مع حوووووووووووووووبي،،